رواية ذيب الشامخ الفصل الخامس بقلم توتة
:أتنسئ على وجهک أردت أشوفک!
تجي لؤ بالطفل تطلع إحروفک..🧡
*************************
ذيب / اني احبج
بقيت. مصدومه مَآعِرَفتّ شنوو اجاوبه. بنفس الوقت فرحانه لأن طلع يحبني مثل ماأني احبه هاذي اول مره بحياتي احس هل احساس الغريب
م̷ـــِْن توتري وخجلي سديت الجهاز بوجهه معرف ليش هيج تصرفت بس. بهل لحضه كلش خجلت
رجع اتصل عليه بقيت متردده افتح او لا
يربي رباب شبيج شنوو هل تصرف شون تسدي بوجهه. هسه شيگول عليه.
اتصل مره ثانيه فتحت خط بس ماحجيت شي
ذيب / اني اسف اذا الموضوع ضوجج. وانتي حره بحاياتج تختارين الي يناسبج بس صدكي حبيتج. اكيد هسه انتي مستغربه شون حبيتج بهل سرعه.
اني اول ماشفتج بلامام. لفتي نضري شكلج مختلف عن البنات عندج ميزه انو. دخلين الگلب بسرعه كلامج تصرفاتج. كلها عفويه وحلووه.
اني ذيب ولامره حبيت وعترفت لبنيه بمشاعري. ويمكن هسه مراح تصدكين كلامي وتكولين. ممعقوله يحبني وممعترف لبنيه غيري
صدكي انتي اول شخص يدخل كلبي ولامره مجرب ارتبط بأبنيه ولامره مشاعري تحركت تجاه بنيه
اني احبج رباب. وانتي بعد بكيفج تختارين الشخص الي تردي. وصدكيني مراح اضوج ولاراح اخرب صداقتنه اذا رفضتي
بالعكس راح ابقه وياج ونبقه نحچي سويه لان متعود عليج.
يحچي واني بس ساكته مانطقت كلمه ميعرف بيه اني هم احبه بس متردده احجيله عن مشاعري.
رباب / ذيب. خليني افكر بالموضوع.
حچيت هل كم كلمه وسديت م̷ـــِْن عنده خليت ايدي علئ صدري يدك بسرعه تكول طبول.
بقيت افكر شسوي احبه بس خاف شخص يعرف بيه احنه عدنه بالعائله ممنوع بنيه تحجي ويه رجال غريب
عادي ولد عمي ولد خالي. لأن يحسبونهم م̷ـــِْن العائله بس الغريب ممنوع.
بس اني تعودت عليه وحبيته كلش.
ياربي شسوي احجي لأختي ساره لْـۆ اخلي لموضوع سكته
بقيت حايره. شسوي شلوون اتصرف خايفه ومتوقعت بيوم راح احب شخص عن شخصيتي هادئه كلش وموو ايي شخص يعجبني
بس ذيب ماعرف شلوون دخل كلبي بسررعه وحبيته.
بهل أثناء واني افكرر. فزيت علئ صوت اختي ساره تحاچيني.
ساره. / رباااب رباااب. شبيج وين صافنه.
رباب / هاا شنوو گلتي ??
ساره / صاار ساعه احچي وياج وين صفنتي اكلج راح تجي مروه. هيه وعمتي.
رباب / اهووو هم ايجن علينه. شنوو ماكوو اخوان عدها بس ابوي كاعده عدنه گعده
ساره / ولله لْـۆ بيدي اطردهن م̷ـــِْن الباب. راح تجي الحيه الثانيه. اني راح اطفر يم صديقتي ادرس مالي خلك سوالف مروه.
رباب / تعاي وين تروحين تعوفيني لوحدي يطيح كل شغل براسي. انتي تدرين امي م̷ـــِْن يجينه خطار تنخبص. جيبي هاذ ورجعي ذاك.
ام رباب / رباااب ماما تعاي شويه.
رباب / جااايه. شوفي اني راح اشوف امي شتريد دير بالج طلعين اموتج ولله. مابيه اشتغل لوحدي
عفت ساره ونزلت اشوف امي شتريد لگيتها كاعده بالصاله.
رباب / هاا يمه.
ام.رباب. / اگعدي عندي موضوع وياج.
رباب / ايي كولي.
ام رباب / شوفي يمه انتي تدرين بيه احبج وأريد مصلحتج واني كنت دائما واكفه وياچن اصد ابوج حته مايضلم وحده منجن.
رباب / ايي ماما اعرف بس شنوو مناسبه هل كلام صاير شي.
ام رباب / ابوچ ليوم گالي احجي وياج جايين ناس خاطبينج منه وگال هذول ناس خوش ناس وعدهم خير معروفين. وحته يخلونج تكملين دراستج.
رباب / ماما انتي تعرفيني. زين بعدني صغيره وماريد اتزوج هسه.
ام رباب / ولج يمه. ولله بنات اصغر منج ومتزوجات ومستقرات بحياتهم. جنتي تكولين علئ دراسه وهمه يرضون يخلونج تكملين بعد شكوو.
رباب / اهووو يمه فدووه سدي الموضوع ماريد اتزوج گوه يعني. وانتي تدرين كلش زين انو اذا تزوجت راح تصير عندي مسؤليه ورجال يتحكم بيه واني ماكدر احمل مسؤليت بيت ودراسه ورجال.
خليني اكمل دراستي وعود م̷ـــِْن اخلص •اللّـہ̣̥ كريم.
ام رباب / براحتج يمه ماجبرج علئ شي
حضنت عليها وبست راسها.
رباب / فدوه رحتلچ احچي ويه ابوي گليله بعدها صغيرره وماتريد تزوج اقنعي.
ام رباب / لله كريم.
رباب / اني ادري هاي عمتي الحيه هيه الي خلت هل موضوع براس ابوي.
ام رباب / اشش انجبي شنوو هل حچي همه ناس حاچين ويه ابوچ
رباب / يااا يمه هسه اني شگلت بعدين تريدين تقنعيني انو ناس حاچين ويه ابوي. اني عمتي سمعتها م̷ـــِْن حچت ويه ابوي بالموضوع هذاك اليوم م̷ـــِْن اجتنه.
ام رباب / هسه گومي نضفي الاستقبال راح تجي عمتج هيه وبتها. قصص وروايات عراقية
گمت واني اتافف رحت لاستقبال نضفته ومسحت الارضيه. وعطرت الجوو. وطلعت اندك الباب خليت شال علئ راسي وطلعت.
فتحت الباب كانت عمتي هيه وبتها سلمت عليهن ودخلت.
بنت عمتي اسمها مروه عمرها 23 سنه اكبر مِڼـّي. عدها حقاره وخباثه موطبيعيه تكرهنه اني وساره. لأن منحب عمتي الي هيه امهاا.
دائما دور علينه سوالف واكثرر م̷ـــِْن مَـرّھٌ حصلت ضرب ورزايل م̷ـــِْن وراها.
تسوي روحها مسكينه گدام اهلي وهيه م̷ـــِْن جوه الي جوه.
مره م̷ـــِْن المرات احنه گاعدين بوقتها. عيد وناس كلها متجمعه عدنه.
واحنه البنات گاعدين بغرفه كلنه سويه مخلين گدامنه كرزات وفواكه وهل سوالف. نحجي ونضحك فجأه گالت. مروه.
مروه. / گومي رباب غيري العصير محلو متعرفين تسوين ضيافه بيها خير.
رباب / ولله مروه اذا بيج خيررر انتي گومي وسوينه العصير.
مروه / شنوو قصدج اني مابيه خير ?
رباب / ولله اني ماگلت هيج كتلج سوي العصير اذا بيج خير
مروه / لا انتي قصدج اني مابيه خير اني اعرف قصدج زين لأن عود اني ماساعدتجن بالشغل تگولين هيج
رباب / منوو جاب سيرت الشغل بالموضوع لْـۆ تعرفين نفسج زين مغلسه وضامه راسج.
اني حچيت هيج اشو هاي تخبلت شمرت ماعون الكرزات م̷ـــِْن حضنها وصارت تعيط وتغلط عليه وتبجي.
بقيت مصدومه م̷ـــِْن تصرفتها هاي شبيها اني شحچيت وهيج تخبلت اجت عمتي وابوي وامي والكل
صارو يسألون بينه شصار وليش هيج تحچي مروه صارت تجذب عليهم وتگلهم تغلط عليه وتگلي جايه تتأمرين علينه وانتي مابيج خيرر بس جايه تاكلين انتي وامج.
وتطرد بيه تگلي انتي منوو عازمج اصلا وتجين علينه.
كنت اريدد بس احچي وادافع عن نفسي ماأنطتني مجال للكلام لسانها تكول. رشاشه
ابوي ماشالله. مايحب عمتي. وصار هيج استلمني رزايل وحجي. فشلني گدام الكل وخلاني اصير زغيرررره گدام الكل
وطلب مني اعتذر منهااا. مكنت اريد اتعذر ورفضت انو اعتذر منهاا بس امي اصرت عليه حته. ينسد المووضوع.
اعتذرت منهاا وعفتهم ورحت علئ غرفتي.
صحيت م̷ـــِْن صفنتي. ورجعت للواقع. گاعدات بالاستقبال. ومروه طگ بعلجها.
مروه / شلونج عيني رباب
رباب / زينه الحمدلله انتي شلونج
مروه / ولله الحمدلله زينه. عموو وينه مشتاقتله كلش هوايه.
رفعت عيوني مـﹻٰلل منهاا ادري بيها شنوو تقصد م̷ـــِْن تذكر ابوي.
عفتهم ورحت علئ المطبخ اسويلهن ضيافه راحت امي گعدت وياهن.
_____________________________
ذيب.
مرت ايام واني اتواصل ويه رباب احس نفسي تعودت عليها كلش وصار مايكمل يومي اذا ماحچي وياها
اني صح منعزل وقليل الي يعجبوني بس هيه م̷ـــِْن اول نضره عجبتني تصرفاتها وكلامها كلهم حلوين.
يوم قررت اعترف الها بكل مشاعري واشوف ردت فعلها.
اتصلت بيها بقينه نسوالف ونضحك شويه وعترفت الها اشو هاي اول ماگلت الهاا احبج .. #ڪــڔٰا̍ڕ
سدت الجهاز بوجهي ستغربت شجاها معقوله حچيت شي غلط اني او يمكن خجلت مِڼـّي وضاجت
تخربط عقلي مَآعِرَفتّ شلوون اتصرف بهل لحضه
رجعت اتصلت عليها مره ومرتين يلا ردت شرحت الهاا كل مشاعري. وهيه ساكته مانطقت كلمه
گالت انطيني وقت وسدت الجهاز. خليت جهاز علئ الميز وفتحت شباك البلكونه وبقيت ادخن
واني افكرر. اتصل جهازي عبالي هيه رجعت اتصلت علي. كان باقر.
باقر / الوو هاا ذيب وينك
ذيب / بالشقه حالين. وطالع عندي شغل ليش
باقر / هاا بعدك بغداد شعجب مووو گلت تروح
ذيب / صبح اطلع حالين عندي شغل بغداد اريدد اخلصه.
باقر / تعال علينه جماعتك كلها يمي اتونسلك ساعه وروح.
ذيب / يمعود عندي شغل. ماكدر اجي. عود اذا صارتلي جيه لبغداد. امر بيك.
باقر / براحتك.
سديت م̷ـــِْن عنده ورحت بدلت ملابسي وطلعت بشغل خلصت شغلي ٱڅڑ اليل.
رجعت للشقه مالتي واني تعبان اباوع علئ جهاز اتأمل رساله او اتصال منهاا ماكوو.
شبيها معقوله متحبني عادي وشنوو يعني تجي وتگول ماحبك ليش هيج ساكته.
اتصل بيها لا شنوو اتصل خليها براحتها.
خليت راسي ؏ مخده. ونمت.
گعدت صبح علئ صوت المنبهه. فتحت عيوني واني تعبااان واحس راسي دايخ. لان مشبعان نوم اخرر ليل خلصت شغلي
ونمت متأخر كمت غسلت وبدلت وطلعت لمحافضه بابل. اني بطبيعه شغلي.
بين فترا ولثانيه انتقل لمحافضه وابقه تقريبا اسبوعين او اسبوع.
بدلت وكملت وطلعت متوجهه لبابل.
ب طريق واني اسوق اتصل جهازي كانت امي
ام ذيب / الوو هاا يمه ذيب شلونك
ذيب / بخير وانتي شلونج شلوون صارت صحتج.
ام ذيب / الحمدلله. شويه احسن ماجيت يمه اشوفك مو گلت امر عليج
ذيب / انتي تدرين بيه عندي شغل والتزامات وبين فترا وفترا اني منتقل لمحافضه فـ. ماگدر احاول م̷ـــِْن انزل اجي عليج اشوفج شويه.
ام ذيب / ولله يمه طاگ كلبي عليك تعال خليني اكحل عيني بيك.
ذيب / انشالله يووم. انشالله.
سديت منهاا وكملت طريقي وصلت تقريبا ظهر.
مرت الايام طبيعيه شغل وتعب ورباب اختفت م̷ـــِْن يوم الي اعترفت بيه الهاا
اني هم كبريائي ميسمحلي ارجع واتصل بيها هيه گالت انطيني وقت
ماريد اجبرها ؏ شي خليتها براحتها تفكرر.
مر تقريبا اسبوع واني بابل شغلي.
يوم گاعد بالواجب اتصل جهازي كانت رباب فرحت بأتصالها.
وخيرا. تذكرتني واتصلت فتحت خط عليها.
رباب / هلو ذيب شلونك
ذيب / بخير يابه انتي شلونج
رباب / الحمدلله زينه... وين انته
ذيب / ولله حالين محافضه. بابل انتقل شغلي هنا.
رباب / يااا يعني شنو بعد متجي لبغداد ??
ذيب / لا بويه اجي بس شغلي هيج ماثابت مكان واحد.
رباب / هاا زين هسه اني بالكاظم (ع) اجيت ويه اختي وامي نزور تعال اريد اشوفك واكولك شنوو راييي بكلامك.
ذيب / هسه صعب اني بالواجب.
رباب / معليه حاول تجي راح ابقه منتضرتك.
ذيب / ماشي.
سدت الاتصال بقيت حاير شلوون اروح لبغداد رحت علئ المسؤل ورتبت الموضوع وياه وسمحلي اروح
بسرعه ركبت سيارتي. وحركت متوجهه لبغداد. م̷ـــِْن لهفتي الها نسيت وطلعت ملابسي العسكريه.
بقيت صافن هسه شلوون اشوفها بهاذه لبسي. وهاذه اول لقاء النه سويه.
تذكرت مخلي جنطتي بالسياره. وكفت سيارتي بالشارع ونزلت جنطه مالتي اخذت منهاا ملابس كان اكوو كرفان.
بالشارع العام بدلت ملابسي بيه وطلعت رجعت صعدت وسقت بسرعه متوجهه للكاظم (ع)
ماطولت بسرعه وصلت كد سرعه.
نزلت اتمشه راسلتها وهيه دلتني ؏ عنوانها وگلتلي وين گاعده بالضبط.
رحت علئ منتزه. يصير قريب م̷ـــِْن الامام.
امشي وعيوني تراقب المكان وينهاا وين گاعده شويه وشفتها گاعده علئ كرسي خشبي بالحديقه ...
