رواية عشكج بس كسرتني الفصل الخامس بقلم زينب نور
شفتهه نتبهت عليه دنكت وإني الضحكه تاارسه وجهي والله لازم الموبايل وإني مو يمه مركز على كل حركه تتحركهه كملت طفت الاضويه وتمددت يم فاطمه
وإني تمنيتهه مريتي هسه ياااناس وتجي يم
بس وعد من هذا الشاارب اذا ما صاارت الي اعتبر نفسي مو رجاال
اني تعبان من الطريق غفيت بسرعه وعيني عليهه والله حتى نا ارمش خااف عيوني تغمض وأني أشوف شي غيرهه أريد اغمض وافتح وهيه بعيوني
غزل بعد تعبانة نمت من التعب والهووسه والطريق ومشاكل فقار الماتخلص
كعدت على فطومه تكعد بيه ومبدله
غزل ولج عزل
مممم
اكعدي ولج رايحين اني وأمي بس اشتري العبايه العاجبتني ونجي فقار نايم خليه خطيه تعباان
وانتي ابقي من يكعد كليله وحنه ما نتاخر شويه ونجي
يمه فطومه والله ما أبقى يمه
خررب شبيج راح ياكلج نجبي هذا اخوي
فطومه والله مو قصدي بس خاف يرزلني تعرفين يكرهني هوه
ديله كوومي قفلي الباب واحنه شويه ونجي شبيج خاايفه بعد
خوش
عمه غزوله من يكعد فقار انطي أكل خطيه خلي يتعشه لأن ما أكل زين بالغده سوده عليه
اوك عمه اني انطيه
يله بعد امج تعاي سدي الباب
رحت سديت الباب وراهن وإني ادعي الله والحسين ما يكعد إلى أن يجن اني مو أخاف منه لا ابن عمتي هذا وفقار معدل مو من ذولي الشباب لاكن اخااف منه يسوي مشكله واحنه وحدنه وهوه عادي عده حتى ضرب يضرب ما تفرق اذا تعصب يتحول انسان ثاني
بعد ما فقلت الباب
لتفت لكيته امفتح عيونه
يمه دخيلك يا علي احضرني 😢😢
كال بصوت مبحوح من النوم وجان شعره مخربط ولابس بدي ابيض وبجامه سوده
امي وين
را.ح..ت. .هس..ه. ت..جي
وين راحت وشبيج جنج وحده مخلووسه شمالج
لا مابيه
هاا اكلج غزل جوعان رحمه لهلج ما تسويلي شي بين ما اغسل لأن أحس بطني تصوفر
حاضر هسه اسويلك
مشكوره كلبي
هااا
شبيج
شكلت
ما كلت شي رايح اغسل واجي سويلي اكل بسرعه
حتى من أكمل وتجي امي نرووح نزور بأجر نرجع للبصره لأن شغلي هناك محد بيه وعندي الف قضيه وقضيه
وهذا سيف وين صاار من وصلنه كال راح اروح لبيت صديقي وما أكو ما بين غير يجي حتى بأجر نرجع
خابره وشوفه وين
انطيني تلفوني
رحت جبت تلفونه جان على الميز
خابر سيف
هلا سيوفي وينك ولك
ها خوش بس الصبح تعال من وكت حتى نرجع بسرعه خابروني من الدوام
يله مع السلامة
هاا شيكول
يكول صديقه لازمه اله يباات يمهم وباجر يجينه
اوك
االلللله وأكبر على الاوك
هااا
ههههههه وعلا يبويه وعلا هههههه
شبيك ليش تغلط
مابيه روحي سويلي أكل راح اسبح
فقار دخل للحمام واني رحت طلعت لفاات عدنه مال كباب جبنة ويانه وببسي وسويت زلاطه جاي احضر
هوه طلع
لابس برمووده وبدي وخال الخاولي على جتافه وشعره مخربط وينكط مي ضليت صافنه اول مره أشوف فقاار حلو هيج 😮😮😮
شبيج بويه ادري حلوه بس مو هيج تصفنين 😉😉😉
هاا
وعلا هههههه
مو عليك صافنه بس هيه مو الموضوع
تعال أكل
ههههههههههههههاي شبيج صرتي صفره عاايني براحتج عليه عمي اذا تردين اغمض وانتي تعاينين هم ما عدي مشكله أهم شي راحتج
لا ليش اعاين عليك اصلن
لأن حلو
منو الحلو انته كول اني العصبي البركان الما اتحاجه بس مو مال حلو
ولج يعني اني مو حلو ولج انتي مرات تكفريني بتصرفااتج اله اني اطيب مني ماكو بس انتي الغبيه لو تفهمين جان عشتي ملكه بس اوووف منين اجيبلج عقل يفهم
قصدك اني بدون عقل😯
لا بويه حشااج العقل كله يمج بنيتي يله تعاي اكلي
ما أريد أنته أكل
افه زعلت بنيتي ولج احركه كربله هسه وراضيج
حتى تعرفين منو الضابط فقااار
هههههه هاي الي
ادفع عمي وأشوف الضحكه هاي
هاا
وحمس شجلبتي ها وها من اكلج ثوله تزعلين احتركت صفحتك جدي على هاي الحفيده ههههه
يله تعاي اكلي
أخذت لفه وصبيتلنه ببسي بكلاصاات وكلنه
أكد أسألك سوال
كولي
حبيبتك حلوه عليك الله جاوبني
اوووووووف حبيبتي تخببل جنهه الكمر بس احله منه
اه يعني منو احله هيه لو أني
هيه اكيد ما أكو وحده بجماللهه هيه عمله نادره
الله خلقهه وكسر القالب
ممممم شوكت تخطبهه
اكلج شو السوال تحول إلى أسأله شكو
لا والله بس من باب الفضول
انشالله بويه اخطبهه وتصير مريتي وأم جهالي وتشوفينهه ويمكن تصير صديقتج هههههه
انشالله
جاي نحجي وندك الباب
كام فقار يفتح الباب اجت عمتي وفطومه مشتريات العبايه وهواي شغلات وخطيه عمتي مشتريه الي جبه وشاال
عمه شني السالفة فوك ما جايبيني وتصرفون عليه نوب مشتريتلي
نجبي ولج أنتي غير بنيتي جا اني غريبه عليج
لا عمه مو قصدي بس والله مستحيه منكم
دروحي لبسيهه خلي اشوفهه عليج ولا تحجين هوواي وبعد حضري نفسي حتى نرووح نزور ونتونس شويه
رحت لبستهه جانت تجنن عليه ومخصره بعد كلت خلي اروح بيهه وأخذ عبايه وياي
ولبست الشال عليهه وخليت ملمع شفه بسييط لأن سفر وشفتي يابسه وخليت مسكااره بس لأن هناك راح أشوف حبيبي وعمري مصطفى هم موجود بكربلاء وكالي اشوووفج هناك ما تتصورون شكل فرحانة
طلعت من الحمام
وجان فقار بوجهي يصير
وضل صاافن
عمتي اجت تصلي على محمد ولج غزيله شطالعه بعد عمتج تخبلين جنج نستله خيبة
ههههه عيونج الحلوه عمتي
بعد فاطمه هم بدلت لبست جبه وهم خلت خفيف
راح فقار للحمام لبس بنطررون أسود وبدي أحمر ومشط وطلع
كال عبيجن وين
كالت عمتي
يمه غير من يدخلن الإمام يلبسنهن هسه غير لابسات جبب
يمه خلي يلبسن العبي هسه وهاي بت اخوج كليلهه ما ماخذهه بعرس لو بزفه ودخلت خلت صخام بوجهه خلي تمسحه لا ابتلي بيهه هسه
يمه بس ما مبين وبعدين كل البنات تحط شبيك أنته كالب على البنات
يمه رحمه لدين محمد جاي احاجيج مثل الاوادم لا تخليني تطبك عندي والحسين وحتى زيارره ما اخليهن يرحن وهسه اخليهن ينطمرن وباجر من غبشه نرووح
عليمن هسه يلبسن اعبي ونتهت
بسرعه
غزل انه اسمعه ودمعتي طااحت يعني توني فرحت بالجبه وحلوه يعني حتى الابتسامه حررام أخ فقار والله كرهتك وكرهت تدخلك بيه والله ضلم هسه هوه يحب ويريد يخطب شكوو يدخل بيه يعني ما عنده لا شغله ولا شي بس اني اووف لو اعرف شيريد مني جان رتاحيت ساعه احسه ملاك وساعه شيطان
رحت مسحت المكياج خليت بس الملمع مال الشفه لأن والله شفتي يابسه حيل من التعب وتغير الجو
طلعت بس شنو مطنكره واصاله حدي كللش لبست العبايه فوك الجبه شسوي هاي سوالف فقار الماتخلص
طلعنه بس شنو حتى ما اعاين بوجهه صدك كرهته بهاي اللحضه حسيته انسان معقد ويدخل بكلشي
هوه يمشي وكل شويه يلتفت الي
عمتي وفاطمة يمشن كدامي دخلن للمحل وإني بقيت اتفرج بره اجه وكف يمي
سوال انه موكلت الغضب ينمسح ليش شفتج تلمع
فقار تدري كرهتني بالزياره وتوبببه اذا اجي ويااك بعد
وإني هاي لزياره لو اتوسل الله تواسيل ما يقبللهه من وراج
اني شمسويه بالله
ما مسويه بس سكطتيني
كملنا طريقنا ورحنه زرنا وكملنه
وكال فقار تعالن كعدن بين الحرمين
كعدنه ورفعت عيني وشفت حب حياتي وكلبي مصطفى يمه اروحله فدوه لابس دشداشه سووده
شافني بتسم اني هم بتسمت ودنكت لا يشوفني فقار
وابتلي ضل كاعد مقابيلي وإني كل شويه اعاين عليه وادنك
فقار اجه صديقه وراح يسلم عليه
اني رحت أريد اتقرب من مصطفى
جان إلى امشي من يم فقار سويت نفسي داريد اشرب مي مشيت من يم فقار
جان صاحبه لفقار يكوول
خرررب شنووو هالغزاال
لتفت فقار ونطت عيوونه
رد عليه
ولللللك خررررب غيرتك ولي لا ابتلي بيك هسه
شبيك فقار
روووح داكلك
رايح يابه على كيفك عود بعدين اخابرك وافتهم منك
في أمان الله
أجه فقار عليه................
شتتوقعون راح يسوي فقوري
