رواية دمار ضالم الفصل الخامس بقلم ام علوش
مگائد_حواء...
دائماً الاقدار_تساق من الرحمن.. لكن مگائد دسائس.. وحشيه.. اتهامات تجفل منا النفوس.. تخطيط... كل شي بحبكه شيطان 👿متمرس خبره... انه وكر الثعالب...... ولبوة في عرين الاسد... حرب البقاء.... 💔💔💔💔
نظرات واثق ونظرات الكل متشمت يريد هجمان بيتي.. كان لابد من العقل عمي تدلل وواثق ترى مو اني مانعته رشى ربت وياه مثل اخته وكان يشوف سالفته ضحكته حبها لرجلها وشافها صعبه ياخذ مكان وافراش اخوه وخصوصا هي كلنا نعرف بزمن المرحوم عدها مشاكل نسائيه.. وواثق من وافق حسب كلامهن ربط الها حتى تظل لبناتها.. وهاي يمه رجال ومرته اذا تقبلها وهي تقبلت.. اني شنو بالموضوع ابو غيث اعرف كدري ومقامي عنده وهاي الامور ما تخربنه... كان كلامي كالرصاص الهم لكن الي كان كالعصار اختلج اركان ضلوعي طلعت واني افور صعدت لبيتي مباشره... اجت عماته صعدن يمي كعدت لكن نار 🔥اغلي حضنتي عمته ام جواد فدوه للمعدله ما خليتهن ينتصرن عليج رادن كسرج وكسره لكن انتي اقوي منهن وخليتهن هن المكسروات بعد عمتك ليله كل اسبوع ما تاثر ورجلج الي.. عمه صعبه وهاي هسه الما يطيقها.. انوب يحبها وتصير هي العاليه وانا بنت ابو القواطي 💔💔💔💔معليج بهذا الحجي واثق يحبك ويحترم ابوك واخذهم مشيه يرضون ابوك.. واثق اخذ مشيه ورضى ابوي واعتذر منه وصعد النا حضني ولج انتي لبوة يا عمري جنت خايف حطوك وحطوني بموقف رادوا.. يكسروني بس يا عمري طلعتي ولج داهيه وكسرتي الكل ولج ولله كلبي يوجعني فراش اخوي ورشا ما اكدر اتقبلها... ريحاني بعدك حرمت عليه النساء طلعنا اني والجهال ورحنا للكاظم وطلب منه يهديني ويهديه... لانه جنت اشوف واثق يصارع نفسه حتى يتقبلها... واجا.. الليل ولازم واثق ينزل... كان حاير بعيونه حزن ووجع... وظل هذا الحزن مستمر مع الاسف بعيون واثق وبعيوني نزل عذراء بنات للكلام... واثق... حياتي ما تعبت مدلل كلشي مجاب.. هاشم مو اخوي بس هاشم ابوي صديقي جنت اشوفه شلون انظلم بزواجه من رشا لانه عشت وشفت والدي شلون مظلوم من امي لهذا تزوج بسوريا واني وابوي ندري.. بيه بعدها تزوجت اني ريحانتي وكانت بلسم الي لكن...... هل كنت بلسم لها... اول ليله ولازم انزل لرشا.. عفت ريحانه نار مرهقه والحزن غزى عيونها الحلوه... دخلت للغرفه وشفت علبه بستكوه احمر اخضر ماكانت علاقه بمعنى علاقه (شبه واجب واستخدمت واقي لانه روحي مقرفه منها وحتى بملابسها ولا نزعت ولا تمعنت جسدها او ملامحها او اقتربت من اماكنها الاخرى خلص فرض وخلص وطلعت مباشره للحديقه اتقيه ولله اتقيه على شدة ما روحي مقرفه منها واتخيل مكان اخوي بكل جسدها لهذا كانت علاقتي شبه ماكو علاقه) بعدها مباشره للحمام الخارجي غسلت وصعدت لريحانتي حتى ملابسي الداخليه بالحاويه رغم كانت نظيفه نظيفه..... وهنا.. ريحانه شبه منهاره انصدمت من شافتي... ريحانه واثق حبيبي اشو رجعت بسرعه ماكو ربع ساعه ليش.. واثق صدك ضحكتولج هي نومه غسلت واجيتك شنو... ريحانه دفعت واثق روحي لعبت وخر عني... حضنتها وشميتها.... اوووف..... حبيبتي ولج ولله تقيت... احس روووحي جاي تطلع مو ممارسه.... تعاي بحضني.. هو لهفه واثق وناره منو يطفيها غيرج يا خمريه كلبي.. وفعلا هيج واثق ينزل دقايق كل شهر مره يسكت امه واهلها مناسبه طلعه واجب اني دائماً وياه وغيث وليث.. احلى ايام مرت علينا.. لكن هل تدووم.... اجت كارونا.. وكان واثق متسوك مسواك وخسر والمحلات انسدت... صار اغلب وقته يمنه يضوج من تصعد ام شمخي وبنته.. واني بحسن نيه مره فقيره لانه اعرف العوز والفقر وكذلك سنيه ما اشوف بيها شي مثلا مغري او تصرف مو حلو... لكن.... الانفس الخبيثه والحقد.. يجعل الاعداء امس... اصدقاء اليوم من اجل هزيمه.. اللبوة...... بدا واثق يتغير صار يطول يم امه هو معصب
دائماً يذكر رجل هاله واهلك تنطيهم انتي... ريحانه... واثق اهلي هسه ما محتاجين اخوتي تعينو ا... واحد ضابط والثاني مدرس وهاله تزوجت واستقرت بالشمال.. وشيهانه تزوجت بغداد واستقرت وامي ويه ولدها كلمن اخذ شقه باحد مجمعات بغداد وكلمن وسيارته يعني محد محناج مثل قبل وهو ما كانو امورهم تعبانه ما اخذوا... هسه ياخذون.. تغير واثق وبدا يراقب تصرفاتي وهذا كله وهو يكابر من مكرهن لحد ما راد ذهبي علساس محتاج وهنا الطامه الكبرى.. اجاني كالاعصار ضرب واهانه ملخني تملخ واثق شبيك احجي عليمن ولج من زمان كالت امي وهاله وجذبتهن ولج ليش هيج ولله ما مسويه شي وولج وين ما مسويه خيانتك وصورك.. وكله كذبتهن بس تبعين ذهبك وادزينه للهذا.. امجد الناقص انتي وياه علاقه.. وكلها كذبتها تهموك بذهبهن بايكته وكذلك كذبتهن ولج وفيت الج محد مثلي ليش ولج كل هذا واني ضرب بوكسات دفرات اريد افهم واثق فدوه فهمني اروحلك فدوه احجيلي واثق كان مو طبيعي اول مره هيج يعاملني.. وبهيج وحشيه لمن وكعت واغمى عليه كانت ضربه قويه بكومدي الجربايه اخر شي اتذكر...
بعدها صحيت دمي بطولي وملاك واخوتها مرعوبين رعب اتصل على ابوي يجي ياخذني واني ولله ما مفتهمه السالفه.. حضر والدي وامي عبالهم سوء تفاهم شاف واثق ووضعي اخذني بهدوء وطلع.. اما اطفالي ما قبل يطلعون معاي.... وهنا التحدي المر اثبات الحقيقه.. وهل.. تكتشف الحقيقه ام تبقى سر في وكر الثعالب.... اختكم ام علوش
