رواية الضابط الوحش الفصل الخامس بقلم زينب نور
بس ريد عرف لويش ماكو تفاعل بالقصه ماكو اي تفاعل تره مانزل اذا ماكو تفاعل بعد ..............
يا واحة شعر يا مكصد العشاك
يا صورت غزل والناس يقرونك
مجنون اليحبك كفر لو ينساك
يالشايل جمال الكون بعيونك
يالخدك ورد وتحب تشمه الناس
كالو لليبوسك الف خيعونك
يا بيت الحنان وعاطفه واحساس
يا ماي ونفس ما نرهم بدونك .
.............
........
اريج :ومر الاسبوع بسرعه واج وكت العرس
عشق :اريج كومي يمعوده
اريج: يوووو خليني نايمه وين ارؤح
عشق :وج ثوله چا شني نسيتي اليوم نروح لصالون وج كومي باجر حنتج
اريج :كمزت من نومي وج اي باجر الحنه شبيه ناسيه كله من وره حسام يخليني سهرانه للفجر
عشق :هههههه غير عشاق كومي فضيه
اريج :كمت والله رحت سبحت وبدلت ملابسي وشسؤرت شعري وخليت شويه كحل ومرطب شفه
ونزلت صبحت عليهم وبست ابويه
ابو اريج :يروح ابوج تعالي يمي والله وكبرتي وراح اشوفج عروس تتهنين يبعدابوج
اريج :حظنته وبست بخده ويخليك ويحفظك النه
ام اريج :متكافي محاظن وتبوس فضيه انتي تريكي وروحي وي اختج
ابواريج :هههه ها اشوفنج غرتي من بتج
ام اريج :اني وليش اغار بس هاي الفصعونه تحرك كلبي بيك
اريج وابوه ...هههههههه
اريج : الغاليه شعندي غيرج وحظنته وبسته
عشق :شوكت تخلص الدرامه مالتج فضيه عاد
اريج : اجيت والله اجيت
رحنا لصالون وبدت تحفلي ماحبيت اصبغ شعري هو لون اسود ع اشقر
وسويت تنظيف بشره وحجزنا ع حنه والعرس وطلعنا
البيت ...
ام اريج :ابواريج محتاجين غراض للبيت وللحنه
ابواريج :دللي هاج فلوس وخلي علي ياخذج وجيبي شنومحتاجه
ام اريج :الله يحفظك يرؤحي
ابواريج :ويخليج ليه اني اروح الديوان عندي خطار
ام اريج : يحفظك الباري
اريج وعشق ..احممممم شنو هل غزل بعد بس تتحاظنون
ام اريج :ها يمه اجيتن اشو ماحسيت عليجن
عشق :من زمان اجينا وانتي حبيبي وروحي
ام اريج :نجعمي ولج وروحي لحبوبتج شوفيه شلون صارت ظغطه جان صاعد
اريج :ياعافيتي شجاه اني رايحتله
طبيت ع حبوبتي وشفته سؤده عليه نايمه ودنجت عليه حبيته
حبوبتي هيله :منهي هاي
اريج : اني حبوبه شبيج يرؤحتي كالتي امي صاعدالظغطج
حبوبتي هيله :بعد بيتي ماعرف يبيبي كعدت راسي موچر نار ويريد يطك من الوجع وخلفله ع امج تفكدني
اريج :يرؤحتي ماشوفين شر حبوبه شني احد غاثج زعلانه من شي
حبوبتي هيله :وج يفصعونه بس انتي وابوج تعرفوني متكدره
اريج :جاغير نحبج ومانكدر ع فراكج اؤؤف حجي حبوبه شبيج
حبوبتي هيله :مابيه يبنيتي بس شويه متكدره ع جدج
اريج :شبي جدي اشو چنا البخت كاشخ وكاعد بنص الديوان
حبوبتي هيله :وج جدج تعبان وكلبه مايتحمل واخاف عليه من كعدت الديوان يظل يصيح ويحجي وميكمش نفسه
اريج :لتخافين عليه هاذا الشيخ جبير العشيره وفخذه مينخاف عليه ينخاف منه بعده قوي
حبوبتي هيله :يحبوبه اريد الله يحفظه تعاي ليه
خلي اتنوع عليج شطالعه اليوم
اريج :هههههه شلوني حبوبه حلوه لو اخرع وافر بنفسي
حبوبتي هيله :يحفظج الباري يبيبي الله يساعد وليدي حسام من يشوف الگمر يمه
اريج : خجلتيني حبوبه وبس راسه ربي يخلج ويحفظج يروحت البيت هسه اجيبلج غده عشق حتى تاخذين دواج
حبوبتي هيله :وينه هاي المعزايه خلي تفظه
اريج :هههههه هسه اشوفه ومراليوم بسرعه بين ظحك وشقى اخواني ونمت وماحسيت غير الموبايل يدك سحبت وشفت حسام متصل
حسام :الؤ ها يبت كلبي مشتاقلج
اريج :يارؤحي واني اكثر شلونك اليوم ماشفتك
حسام :الشغل فوك راسي كلشي كملت حتى باجر اني اوديج واجيب من الصالون
اريج :الله يساعدك هانت ان شاء الله بس باجر واصيرن يمك
حسام :اؤؤف شيجيبه يالله هانت الله كريم
اريج :حبيبي
حسام :عيون حبيبج وروحه وكلبه وعشيرته
اريج :هههههه هوبك عليه ماتحمل هيج غزل اذؤب
حسام :من اشتعل ابو حسام وج اني الي اذؤب واخرب واتكهرب سودنتيني يبت كلبي
اريج :هههههه چا اذا تسودنت اني وين اروح
حسام :وچ مسود بيج يطويرتي
اريج :وبقين واحد يتغزل بثاني وماحسيت ع ساعه بعد نمت
الصبح ....
العنود :اريييييييج كومي مشبعين نوم
اريج :وجع حتى وجع شبيج من صباح الله خير
ولي عني اريدانام
العنود :يااا يمعزايه كومي اليوم حنتج يلخبله
اريج :يااااااااا عزا نسيت كمزت للحمام اسبح واسمع العنود دردم
العنود :الحمدلله والشكر الله نطانه خبله ناسيه اليوم حنته تهي بهي فضيه موتامين يل خبله
اريج : ثواني وانزل
طلعت بدلت وشسؤرت شعري واخذت عباتي ونزلت
صباح الخير
ام اريج وعشق وحبوبتي...هلا ب هل الصباح
ام اريج :تعاي تريكي وراج يوم طويل وتعب
اريج :ان شاءالله يمه
حبوبتي :الله يسعدج يوردة البيت
اريج :كمت بسته ويحفظج النه ومايحرمنه من دعائج شفت امي وعشق والعنود دموعهن نزلن
هاي شبيكم تر ابطل ومازوج واكعد ع كلوبكم
الجميع ..😂😂هههههه
ام اريج:اي عوزنا حسام يجي يكلب البيت علينا
احنا عايزين مخابيل
اريج :هههههه واخذ مخبله وصارو اثنين
الجميع...ههههههههههه
عشق : يا لله يمه رايحين احنا
ام اريج :يحفظجن الله يمه
العنود :يمه اني هم اريد اروح وياهن عبن مو عندج چناين
ام اريج : ع هونج يمه خلي نخلص واخلي اخوج ياخذ الهن
العنود:ان شاء الله
الصالون...
اريج :سوتلي ام صالون تسريحه كلش عجبتني واني شعري طويل وثخين ومكياج خفيف كتله ماريد اهوايه ولبست بدله لونه شذري وسدر بيه دلعه
مااحجيلكم طلعت ع كولت حبوبتي فلگت قمر هههه
ام صالون :شايفه كل الخير ان شاءالله
اريج :الله يبارك بعمرج تسلمين
واجت العنود وشسورت شعره وسوت تسريحه بسيطه وخلت مكياج قليل ولبست فستان ماروني مقفل طلعت جنن وعشق اؤف منه سؤت تسريحه تشبه الورده ولبست فستان مدلع والفتحه بي للركبه لون وردي طلعت تجنن اتصل حسام وكال اني بر
لبستني العبايه عشق وطلعنا مقبل اكعدوره ال يمه
حسام :طويرتي شطالعه اليوم شيصبرني لباجر ويغمزلي
اريج :حسام عيب من خواتي شبيك ودنكت
البنات هههههه اي عيني طيور الحب غردو خلي نسمع
العنود :كولو خيه تر عندي جفاف
الجميع هههههه
اريج :وصلني للبيت واصر ينزلني هو وطبيت للبيت ولكيت ناس مكلوبه علينا وشتغلت الهلاهل وچكليت
وناس تركص وناس تهوسه
وحبوبتي هيله تكفل وتكول ..هاي الراده وهاي التمناه بت الشيخ البن الشيخ جبناه ومبارك عرسك حسومي واجت عمتي ام حسام حنتني وهوسن وركصن
وخلص اليوم بين فرح وتعب وصعدني البنات بدلت وسبحت ونمت حتى حسام نسيته مادكيت عليه كعدت الصبح ساعه9/30سمعت الموبايل يدك باوعت شكد داك اليوم يموتني رديت عليه برتباك
حسام :وينج مدكللي شكد دكيت عليج شفتي جم مكالمه والله اجيت اجي نص اليل عليج واجنزج كتل
اريج :يمه خرسني بصياحه واني اسمعه يحجي ويغلط قاطعت حبيبي
حسام :شتعلو اهل حسام وج مت والله بقيت الوب اليل كله ما نمت وانتي حظرت جنابج نايمه ومرتاحه .
اريج :هههههه اي والله صحيح نمت وماحسيت حقك عليه واني اسفه والله تعبانه وماحسيت فدوه لتزعل واليوم عرسنا حبيبي
حسام :هو اني شمصبرني غير اليوم عرسنا ااااخ اليوم انفرد بيج وبيتنا اليوم ادخلهم انذار محد يدنا لبيتي بس اني وياج والباقين نطردهم
اريج :يمه خوفتني منك الله يستر اليوم ناوي تموتني من الخوف
حسام :ههههه يصير خير يطورتي رؤحي تركي وراج تعب اليوم ويظحك
اريج : كافي خجلتني رؤح حبيبي خلي انزل الله وياك
سديته ونزلت البيت هوسه والكرايب والخالات والعمات متنعرف الجهال من النسوان
وطلعت الصالون وعشق معافتني مكياج وتسريحه وكملتني ع اخر حبايه
عشق :اللهم صلي على محمد واله محمد يحرس الباري طلعتي تخبلين
اريج :تسلمين يروحي
كاعده وتصل ابيه حسام........................
