رواية امرأة في حياة رجلين الفصل السادس بقلم جمانه السعيدي
جوري كان عذابي بهاي الفتره ماله مثيل واني اشوف امي تتعذب كدام عيني ومااكدر اسوي اي شي اله
اخواتي كل يوم يجن
بس شلفايده كل وحده هي وجهاله
وجهال علي والببت يصير هوسه
لا اكدر اكلهن لاتجن
ولا اكدر اكلهن لاجيبن جهالجن
وكاعده على نار
مهند فد يوم وصاني علي على علاج اجيبه وياي الامه
لان مفقود من الصيدليات القريبه
رحت وجبت العلاج
دكيت الباب وطلعتلي جوري لابسه ساك مخصر رصاصي واسود هسه البنات يسمونه بينصل قبل اسمه ساك
ورافعه شعرها بطريقه عشوائيه بس يخبل عليه
جمانه السعيدي
مهند هلو جوري شلونج
جوري الحمد لله
...شلون صارت الوالده
...ولله صحته بلنازل وتقريبا كاطعه الاكل
...الله يشافيه ويعافبه يارب
...الله يسمع منك فدوه ادعيله امي راح تروح مني
...مهند كالت ذني الكلمتين ونزلن دموعه
لاتكولين هيج ولا تبجين كدامه ابد صيري قويه
الله يرحم حاله
.جوري .. مسحت دموعي وكتله تفضل
...جبت هذا العلاج وصاني على علي
تعاي خل اشرحلج علي
مهند قربت عليه وعطره عشش بدماغي كتله مرتين بعد الغدا
جوري شلون مرتين يعني حبايتين
مهند لا اقصد مرتين بليوم بعد الغدا وبعدا العشى
جوري اي تمام
مهند اكدر اشوفه هسه
جوري نايمه اكعدها اللك
مهند لا خليه براحته اجيكم بليل
جوري ادخل اشرب جاي
جوري لا بليل انشاء الله
طلعت منهم واني افكر بيه خطيه حيل خايفه على امه
جوري ورا يومين اندكت الباب رحت فتحته
جان فهد وامه واخته
فهد شلونج جوري
...اهلا وسهلا تفضل
...امي واختي
...اهلا وسهلا تفضلي تفضلي عمه هله ببكم حضنته وبوستهن هي وبته
ام فهد جايه اشوف امج
...هله ببكم
دخلتهم للصاله وجبتلهم مي
ام فهد شلون صارت امج
...على الله الله يباوع الحاله
فهد إذا تحتاجون اي شي اني مستعد
حتلو تحتاج دم اني مستعد راسا من سمعته امه ندسته
يايمه انت منيلك دم
فهد شبيه شاب وبحيلي
جوري دخلتهم على امي سلمو عليه وكوه ردة عليهم
ماتكدر تحجي
شويه ورحت وصيت زوجت علي تسويلهم ريوك
لان عيب جايين من مكان بعيد
خليت الريوك بلصاله وكتاهم تفضلو تريكووو
فهد اريد اغسل
جوري اي تعال هاي مغسله برا
رحت جبتله الخاولي
فهد شلونج جوري
جوري شلوني وامي تعبانه حيل
فهد الله يشافيه
جوري امين
فهد مشتاقلج
جوري ولله ماليه خلك الاي شي
فهد ولله مقدر وضعج حيل
دخلنا وتريكو وشربو جاي وطلعو
جمانه السعيدي
بعد شهرين امي كلش حالته تعبت
واخذناها اني وعلي ونمنا بيه مستشفى بغداد
مستشفى خاص للأمراض السرطانية بغداد
بس العمر مابي بقبه كانت هاي الايام الاخيره
ودعتنا امي
وماتت
كان أصعب يوم مر عليه بحياتي
امي كلش زينه اليه احسها صديقتي مو امي
قررو يرجعونها للناصريه ويشيعونها وبعدين يدفوننها
الطريق كله كاعده يم التابوت ودموعي تجري
كمت ما اشوف من البجي
دخلت البيتنا ونهاربت فد مره
بمه هذا بيتج ليش تعوفينه واني ماكسرت خاطرج
المن عايفتني
يمه فدوه ردي عليه ياحنيينه
يمه بيتج من بعد عيونج مايسوووه ابد
حاضنه التابوت واصرخ لكينا الناس كله مجمعه بيتنا
كل اقاربنا وخواتي وبنات عمي
وزوجات عمامي
حتى فهد وامه جايبن
بس اني انهاربت فد مره حاضنه التابوت واصرخ
رادو يشيلون التابوت واني حاضنته
ماحسيت غير واحد
واحد شالني من اكتافي وبعدني عن التابوت
التفتت شفته مهند
واني كمت اعيط بلزابد مهند امي ماتت
العلاج الي جبته مافاد
كلشي مافاد وياها
امي عافتنا وراحت
مهند نريد نشيل التابوت وجوري حاضنته وتبجي
ماتقبل تعوفه
اني قررت اشيله وابعدها عنه
شلته من اكتافه وبعدته
وبس شافتني انهارت بلزابد
ماحسيت على نفسي غير ابجي على حالته
مسكينه شكد تعبت على امه
وتالي ضاع التعب كله
جمانه السعيدي
فهد حال جوري صعب كلش
بنينه مضيف للفاتحه واختارو جماعه من عدنا يبقون بلببت علمود الطبخ
اني قررت ابقه بلبيت اربد اخذ من خاطر جوري
دخلت للببت جوا اجيب جيس التمن
لكيته كاعده بلغرفه وخاله ركبه بصدرها وتبجي
فهد البقيه بحياتج جوري
جوري رفعت راسي شفت فهد حياتك الباقيه
فهد الله يصبرج
جوري رجعت راسي على رجليه ورجعت ابجي
فهد لا تبجين فدوه الموت مكتوب على كل البشر
وامج حيل تعبه المرض
جوري مااكدر احجي ابد بس ابجي عقلي مايقبل يستوعب غياب امي ابد
فهد صاحو فهد وين التمن
شلته وطلعته
الفاتحه ٣ ايام وكنت كلما اشوف جوري اشوفه تبجي
ولله خطيه تكسر الخاطر
جوري خلصت الفاتحه وكل واحد رجع البيته
والببت فرغ عليه امي ماكوووو
خصوصا اخر فتره اني كنت ليل نهار كاعده يمه
واني الي اسبحه وواكله ووالبسه
وانطيه العلاج واروح وياها للدكتور
امي تركت فراغ بحياتي ماينسد ابد
بعد وفات امي بدت المشاكل ببن مرت علي ومرت حسبن
مرت علي الصراحه شاطره ونضيفه
وذيج خايسه وثكيله بلشغل كلش وتعاند وتخبث
صارت الحياة ببتنا كلش صعبه ولا تحتمل
النهار كله مشاكل بينهن
وعلى اقل شي تصير مشكله
اني لا اطلع ولا امشي ولا كملت دراستي
كاعده والمشاكل فوك راسي
جمانه السعيدي
قررو يتعازلون حتى تقل المشاكل حيل
حسين اخذ الفوك
وعلي اله الجووه
طبعا الفوك بنائه مثل الجوه بلضبط حتى صحيات اكو فوك
صحيح المشاكل قلت بس بعده موجوده
الان الدرج مشترك
يعني ببت حسين يصعدون وينزلون من يمنا
وزوجت حسين حامل وتتنغوص علينه
من يطلع حسين يوصيني اذا تربد شي انتي صعدي اله
لان حامل واخاف عليه
بعد الدلال والعز صرت خدامه الناس ماتسوه
وحياتي كل يوم تصير صعبه اكثر
مرت علي انكلبت عليه ليش تخدمين مرت حسين
وبدت تقرأ براس علي
وذيج اذا ما اساعدها تشكي الحسبن
ويبقى يحجي ويرزل بيه
من غير المصرف واحد يشمرني على الثاني
وينطوني شي قليل كلش بلنسبه المصرف زوجاتهم ثنيبنهن
كل واحد من اخواني اهم شي يرضي زوجته واني مومهم
ولله البنيه بغير امه تتبهذل
ليليه اعاتب امي واكله ليش عفتيني
حياتي صارت صعبه ومتعبه حيل
جمانه السعيدي
شيماء جانت تجيني بين فتره والثانيه وتحجيلي عن
فهد بدزلي سلام بايده
وتحجيلي شلون مشتاق اليه
على فكره فهد عاد السنه لان يريد معدل زين
كانت تتوسل بيدي حتى اروحلهم حتى فهد يشوفني
واني مااقبل
مااريد تطلع عليه حجايه ابد
هسه يكولون
ماتت امه وستهترت من بعدها
كان كلام فهد بلنسبه اليه مثل جرعة المهدء
بضل الضروف الصعبه الي جنت امر بيه
جمانه السعيدي
مهند كنت اروح البيت عمي على طول بس اكعد يم الولد
وماااشوف جوري ابد
بعيد رمضان رحت اعايدهم دكيت الباب وطلعتلي جوري
صار تلث اشهر ماشايفه ابد
مهند صباح الخير عيدج مبارك
ياربي لابسه اسود ياكل ويشرب عليه
جوري كل عام وانت بخير
مهند طلعت عشر وانطيته عيديه
مو عبالكم قليله تعادل خمسين ألف هسه
جوري هاي شنو
مهند هاي عيديتج
جوري فتحت عبوني هاي كله اليه
مهند تستاهلين أكثر
جوري هواي
مهند عليج ابد مو هواي
جوري شكرا جزيلا اول مره اخذ عيديه هلكد
