رواية ذاري النجوم الفصل السادس بقلم زهراء السراي
شنو ذنبي وحرمني الضيم عشريني
شنو ذنبي وحرمني المسچ والحنة وعلى جروحي يتچيني
أعيش إلمن
وأموت بـ ليش
آنه أصلاً ضمير الناس موتني ميحييني
آنه بلا ضفيرة وشوگ تشعل ظلمة سنيني
آنه بلاية غير الـهم
يوميلي ويواسيني
وتهت ما بيني وبيني
اتوچة اعله طاري الشوگ
من أتعب واسليني
:
عذبة
✥━━━༺✦༻━━━
بسمِ اللهِ الرحمنِ الرحيمِ
✥━━━༺✦༻━━━✥
ذاري_النجوم
#زهراء_السراي
الجزء السادس
:
:
تصويتكم بنجمة ياجميلات
قبل القراءة دعماً للقصة
كلماتكم الجميلة في خانة
التعليقات💛
:
✥━━━༺ زهراء جودة السراي ༻━━━✥
:
شنو ذنبي وحرمني الضيم عشريني
شنو ذنبي وحرمني المسچ والحنة وعلى جروحي يتچيني
أعيش إلمن
وأموت بـ ليش
آنه أصلاً ضمير الناس موتني ميحييني
آنه بلا ضفيرة وشوگ تشعل ظلمة سنيني
آنه بلاية غير الـهم
يوميلي ويواسيني
وتهت ما بيني وبيني
اتوچة اعله طاري الشوگ
من أتعب واسليني
:
:
عذبة
✥━━━༺✦༻━━━✥
زغيرونه يايمه بنية ابيوت
محله الترجيه والبتوت
وسفه مشى بيها التابوت
جويه وعليج شلون ماموت
-جووووووية يمه عيني صدگ
شلوووووون مادريت بيج مطوفة بالماي
يابعد حيلي
وروحي رايحة ويه السكنت الگبور
ثالث ليلة الها جوه التراااااب
مااعرف شگول أنظلمت مزنة وظلمت روحها
طلعت من الربعة ورحت لحجرتها
گعدت يم بوفيتها فتحتها لعاباتها
الگطن باديتهن صغار لحد مامسويه
اخر وحدة شكبرها وضامتها
انترست عيوني دموع ونطيت
من القهرقِصٌصٌ مَآيِّ هِوِبَِّس هاي مسويه ابنها محمد كل مايكبر سنة تكبر اللعابات دشت اختها للحجرة وگعدت يمي حطت راسها على متني وبچت
-هم حچت وياچ گبل لا تطلع
هزيت راسي وطاحت دموعي
-بس بالليل سولفت
وگفت عدلت عباتي وچفيتي
-ها رايحة
-اي خزعل وده عليه
تاخر الوكت بعد خطيه هو
رد من بغداد ليجاي والبارحة مانايم
طلعت بعد ماسلمت على خالتي
وخزعل متانيني بالباب
أنا طلعت وانا صرت عين بعين
وية فطيم ماگدرت احچي وياها
درت وجهي ومشيت گلبي
مجمر نار منهم
امشي ويه خزعل وعيني عالنهر
عثرت ردت اطيح على وجهي
1 تع
-اسم الله
كض ايدي ومشينه
-گولي ياالله
-تسبح
-اي والله حيل تعبان
-ليش بطيت يوم زيادة
-المعلمين وبعض اعضاء الحزب
طلعو لسامراء هناك اكو تجمع للحزب رحناله
2 تع
عاينلي ومسح خدي
-عيونچ طافحة دموع
-مامصدگة بعدني لهسه مامصدگة
-ماحچيتيلي الصار
تذكرت اني حلفتلها بس حچيتله
شويه من السالفة
-تعرف سالفتها ويه بيت الملا
ماتحملت ولطمت على وجهي
لزم ادية وحضني
-اسكتي كاااافي وجهچ مملخته تملخ
-باستني من راسي وطلعت الفجر عبالي
تصلي
صفن بوجهي
-البت كتلت روحها
هزيت راسي وامسح بدموعي
-بس رجل خالتي گال طلعت تجيب ماي تورد
الحلال وغرگت
1 تع
باس راسي وطلع يسبح شويه وردلي
اشرلي عالفراش
-نعسان ماتجين تنوميني
رحت يمه تمددت سند راسه على صدري
وغفه
-ياااابوووووويه طلعت تترس وتورد
الحلال وغرگت عينوووووني بعد اخوكم وطلعوها
1 تع
ساعتها عرفت مزنة ذبت روحها بالماي
لأن طفح كيلها وروحها ملت
رجليه ما تعيني
گعدت بنص التراب وأنا اعاينلهم
يطلعونها
تلگتها النسوان بالعبي لفنها لف
بس وعيت على روحي من شفت لعابة
الگطن بيدها يابسة عليها
بعد صرخت ولطمت وضاع الحچي
من لساني ومااگدر اگول شي مادام
ابوها سد السالفة عن لا ينسأل ليش كتلت
روحها
1 تع
لهناك اخذوها للحوش مشني النسوان واخواتي
التمن خلوها بحجرتها
خالتي تلطم والنسوان حواليها
طلعتهن نعمة ظلينه بس احنه يمها
گعدت بصفها حطيت خدي على
خدها البارد نزلت دموعي عليها
-خايبة بعد بالعمر باقي ياخية
ليش هيچ
عاينت لرگبتها بيها خيط معلگ
بي جاروب احمر حياكة
سحبته منه وحضنته وانا اذكر
حجايتها
-اخذو وليدي مني وعتيته من رجله مااجه بيدي
بس جاروبه الاحمر لهسه ضامته
2 تع
ضميتة بثوبي
واني اعاين لعيونها المسبلة
ووجها الضاوي وشفافها البيض
خالتي تلطم وطب رجلها للحجرة
ملثم وعيونه دم
خزر بناته وخالتي وعاينلي
طلعت بس وگفت بالباب وانا ادري
شراح يگول
-اسمعيييي أنتِ وبناااااتچ
لا تتسودنين وتفضحينه
-ولك ماااااتت بنيتك
اجاني صوت بچيته
-شنيييي گلبي حجرررررر مااگدر
اعاينلها نص عذابها انا السبب بي
تممي علينه الستر وخل ندفن البت وسرها
يروح وياها
2 تع
طاحت دموعي ومشيت
حتى وهي ميتة ضايع حقها
وبسرعة بسرعة تلفلت المسيچينة
وسمعت بأبن الملا ستار هو الماشي
بيها ويه رجل خالتي
طول الفاتحة انا گلبي موجر
نار ومااگدر احچي بالعة حچاياتي وساكتة
لحد ما خلص العزة وردني
خزعل للحوش
-يابعد عمچ گولي
-صدگ گايل لرجل نعمة يطيح البيت
-اي بويه خل يطيحه طابت نفسي منه
خل نسوي وصلة گاع أحسن
شوفة عينچ هاجس سواها صدگ
ومارد فرد نوب
استغفرت ربي وهيچ مرت
هالأيام اگعد اذكر مزنة وگعداتنا
واذكر هاجس واعاتب روحي بالحرام
واستغفر ربي
1 تع
طيح رجل نعمة الحوش وحرث الگاع
وزرعها
ودشينه شهر ثالث وعمي بين يوم وليلة
حرورته صعدت وگام يهذي
خزعل ماقصر ركض بي ركاض
للولاية ورد جايبله الحبوب والشروبات
حتى يگوم على حيله
-ياااااهوو
-هاجس
2 تع
هي گالت اسمه وانا روووحي انخرطت خرط
-وييييينه
-اجانه طاير لاگي البيت طايح واجانه
موذح ينشد عليج وعلى عمي
انا طلعتله زلمتي يهدي بي
طاحت دموعي ونشدتها
-گلتيله عرست
-اي گاله عرست وابوك وياها
وخزعل دار باله منه وداوا ذيچ
الأيام كلها
عاينت لوجهي
-شبيچ تتراجفين ولچ
هاجس رغم سوالفه الغبرة زلمة
كلف ماراح يسوي شي
طلعت ماشية من وره من باب
الحديقة الوره
زلمتها مايدري بيها جايتني
شويه وگفت سيارته بباب بيتي
واندگ بحيل صدر
فتحته ووجهه الماشايفته من شهور
صار بوجهي غضب ونار واعصاب
عيونة طاگة دم ماگال شي بس اشرلي
1 تع
-سويلي درب لأبوي
فتحتله الباب وطب للربعة
شاف عمي وذب روحه علي عمي
شال ايده گوه وحضنه
-اجيتني بعد ابوك
-فات الوكت بويه وابوك كبر
ماظله بهالدنيا بس نفس واحد
عاينلي
-شبي ابوي
-صخن وطاح هالطيحة گالو تيفو
1 تع
رد عمي
-خزعل ماقصر فرني الولاية فر
يابويه بس الظاهر هاي اخر
ايامي
ماسمع الكلمة مد ادي حدر عمي
وحطه على گلبه حط وشاله ركضتله
-وييين ماخذ عمي
-مادام طب الولاية مانفعه ينفعه
طب بغداد
1 ت
-عممممي تعوفني لوحدي
بچيت ووگف هاجس من لزمه عمي
من متونه
-بويه عذبة
-ها بويه
حضنته وبچيت
2 ت
-يابوووويه العمر طويل وراچ
وراح تشوفين بي الزين والشين
اريدچ مثل ماعرفتچ بنيتي السبعة
اللزمتلها بيت وهي جاهلة
-منو اليه بعدك بويه
-ألچ الله يابعد ابوچ
2 ت
باس راسي ومشى بي هاجس
للسيارة وردلي بباب الربعة
-هاجس بروح امك من يطيب رده الي
ماعندي غيره
ماحاچاني رحت طلعت غراضه
وهدومه وخليتهن بيد هاجس
طلع ماشي للباب وگفن رجلي من المشي
ودارلي عيونه يجدحن
-عرستي
اخذتي خزعل رضيتي بغيري
يتوسد صدرج
1 تع
-لا تحجيييييي هيج روووح هاجس
المكان مووو مكانك بعددددد
-طلعتيني من گلبچ موووو
حبيتي خزيعل بشهررررررر
مارديت علي
-اخذتي ثاااااارچ من هاااااااجس
اخذتي غيري هانت عليچ ذيچ الليالي
نمتي بحضنه واخذچ
مسح وجهه وعاينلي حط عينه بعيني
لالت الدموع بعيونه وعاين لوجهي
من حافة الچفية طالع شعري
عته عت وانا رديت وره
-موووو هاااااجس اليتبدل حضنه
موووو هاجس الياخذ مكانه وااااحد ثااااني
وداااااااعة هاي زلووووفچ
الچنت أغنيلهن أشعاااااار
ماااخليچ ياعذبة تتهنين للمووووووووت
4 تع
دفعني وطلع بسرعة حرك سيارته
ومابقى ورا بس التربان
گعدت بالحوش اوووون وأبچي
على عمييي وفراگه
وعلى السوا هاجس بينا وبهذلنا
افكر بسنيني الراحت وضاعت ويا
هاااجس هو الباعني وهو ابو الراهي
فوگاها هو الأذاني وهو اليشوف روحه
مظلوم دشيت حجرتي وتمددت بتعب
للظهر رد خزعل للبيت لگاني
نايمة مو مثل كل مرة اتلگى
بس اجاني راكض
صفگ ايد بأيد
1 تع
-جبت السيارة من البنچرچي حتى
اخذچ انتِ ويا واطلع بيكم لبغداد نشوف
طبيب لعمي
گعدت سندت روحي علي
-ماقصرت والله الأبن مايسوي سوايتك
-يستاهل عمي خوووش انسان وتعب
عليچن من توفو اهلچن
تدرين طول السنين بين مدة ومدة يجيني
يسأل علي ومن توظفت اجاني جايب خروف
ماانسى كلامه من گال انا ابوك اذا احتاجيتني
1 تع
-شلون بيه گلبي يريده
حضني خزعل يسكتني بس روحي
ماهجعت ولا ارتاحيت اسبوع وانا أون
وأبچي علي
بالليل وطگ عليه خزعل بكلام اول مرة
يحچي
-كااااااافي عمچ انت ماقصرتي ويااااا
ولا اني
وهم تبچين ليلة ليلتين وتسكتين بسس
مال تونين هالايام كلها انا مااسكت
انزعلچ ثووووووب المعلم المثقف والبسلچ
ثوب الزلمة المأصل أنا لخاطر
عيون عمي وعيونچ بلعت جية هذا العاااار
هنااااااا
1 تع
وگفت بلعت ريگي
-تشك بييييه
-اشششششش ولا حچاية مااسمع حسچ
خوووووووش لا عبالچ أنا اعمى ولا
ماسامع عن سالفة گطعان المهر والطلاگ منة
انا ابن هاي الگاع سامع وشايف كل شي
من يوم الشافچ لليوم انا شاعلة بنص روحي
ناااااار كبرة مابردت
-وروح ابوي وامي ماحچيت وياه شي
ولا حطيت عيني بعينه بس اخذ عمي وطلع
1 تع
-گلتيها اخذ ابوووو وره ماداريتي انت وماقصررررتي
السالفة تنتهي ذكر ذاك مايطرى ببيتي خووووووش
هزيت راسي ودرت وجهي ابچي وطلعت
من الحجرة للحديقة اسگي الورد عاينت اكو
رازقيات ستوهن موردات طحت بيهن
عتيتهن وشلعتهن وذبيتهن للدجاج
الله يشلع من گلبك مثل ماشلعت هالرازقيات
رديت للبيت لگيته فارش فراشه
بالحوش بالفي وبيده دفاتر
رحت للمطبخ سويتله چاي ورديت خليته بصفه
ماعاينلي مشيت وعله صوت شهگتي
بعدني ماواصلة الحجرة وعتني من متوني وحضني
حيل
-انتِ جبرة خاطري بهاي الدنيااااا
باس خدي حيل واخذني ويا بره
-تعاي نگعد نصحح الدفاتر بس لا ترخيين
ايدج وتخلين كله عشرات
-خطيه نفرحهم
-يابة فرحيهم انا اگدر ازعلچ بعد
گعدت سندت روحي علي اصحح وياه
وهو يعاينلي جر چفيتي
-ياااا خزعل احنه بالحوش
-محد يشوفنا ارتاحي ذبي چفيتچ
فل شعري على متوني ويعاينلي
-شو عاشگچ ولچ
1 تع
هذا گلبي الچان ساكت ضرب دمام من هالچلمة
ونزلت راسي وخدودي جمرت
-صححي الدفاتر ورانا عمر طويل وتحبيني
غصباً عليچ
ضحكت وبقيت اصحح ويا
والايام تجي وتروح وانا عمي ماراح من بالي
وليلية من ينام خزعل اذكره وابچي
علي شهرين زمان وانا اگل لرجل نعمة
ينشد بيت الشيخ بلكي اكو خبر منه
بس مااجه الخبر
اجاني عمي بكبره بس جنازة
2 تع
بعد ماعدينه الشهرين بأسبوع نايمة
الصبح واندگ بابي حيل وطلعت اركض للحوش
روحي لسبتني وانا اسمع صوت العايط والصريخ
فتحت الباب وصارت بوجهي نعمة
بوجهها المشخط وصوتها الرايح
-ولچ ماااااات عمي
ركضت حافية حطيت عباتي على راسي
وماادري بروحي اسمع صوت نعمة ورايه
تصيحني انطرها
وخرت الزلام من المكان وطاحت عيني
على هاجس ملثم ورجولة خواتي يمه
بس شافني غطى عيونه بيده ونحب وبچه
صاح رجل نعمة وگاللهم يشيلون
التابوت لبيته بس هاجس مارضى
وصاح
-ابووووي حلفني وذممني ذمة موت
مايطلع تابوته الا من گاعه
ومايمشي بي احد غيري وغير بنات عمي
صاحت الزلام تواسي هاجس
ساعة زمان وانا گاعدة يم السدرة الچانت بالحوش
مغطين وجهي واخواتي وياي ينوحن
اجاني ابن نعمة راكض شاورني
-خالة عمي خزعل ناطرچ يم بيتنا
مشيتله وصلت فتحلي ايده حضني وحب
راسي مواسيني
-لا تعاينيلي اجاني وهددني من سمع
بيه اريدچ بس عمچ تعذرلي بمكانه وسكتت لخاطره
سمعي رجلچ على رجل اخواتچ وخلي سمعتي
گدام عينچ انا رجلچ حليلچ
حب راسي وأشرلي يوصلني للگاع
من شاف الناس ملتمة استحى
بس صافح هاجس وسلم على رجولة اخواتي
ومشى من صاح هاجس
-شيعو عمكم يرحمكم الله
انرفعت جنازة عمي عالچتاف وصاحت الزلام
لا اله الا الله
وغوربت دنيتنا وراح اخر بركة بديرتنا
وبعايلتنا وصعدنا بالسيارة انا واخواتي
ورجل نعمة وهاجس
ومشت السيارة بينه وصوت نواحي وونيني ترسها
وكل ساعة يتلفت هاجس يعاينلي ويگللهن
شوفنها شبيها ووصلنا گاع النجف
وااااااخ ياگاع النجف شگد اخذتي عزاز
ابوي وأمي وعمتي ام هاجس
واخرهم عمي
وبعد دفنة ودعاء وقراية قرآن
نعمة اخذها رجلها وراح يزور اهله
وسنية تعبت من البچي وگعدت ترتاح
بالسيارة وهاجس يقره
عالگبر وانا گاعدة اترحمله ودموعي تطيح
وحدة بأثر الثانية شويه وسكت صوت هاجس
من القراية وتقربلي
-تعاي احاجيچ
گمت عبالي شو شيريد لأن أحنه بحال صعب ماظنيته يحچي الحچا
1 تع
صرنه شويه عن اهلنا وگعدت مابيه حيل ساندة روحي على گبر عالي
-عاينيلي
رفعت عيوني علي وطاحت دموعه
-موتتة ابوووي كلها بسببچ
-اييييي تمرض علمووودچ يگول ادريها
اخذت الزلمة حتى تقهرك وتاليتها گلبها انكسسسر
تمرررض ويون يگلي شلوون فوتچ من أيدي
2 تع
-انت ماتشووووف احنه بيااااا حال
انت تسوووودنت ولك صار سنننننة ومرتك
حبلت وجابت وانا عررررست وانت بعدك تصد وترد بسالفة خلصت واكلها العث والتراب
1 ت
-عثثثث وتراااااب عذبة
-اييييييي انت شجاي تسولف انت البعت
وانا تنازلت عنك وهسه انا مرة على ذمة زلمة
وعيب عليك وعليه هاي الوگفة وعيييب وحرام هالحچي
مسح وجهه تعبان وعاينلي
-لا ردت مصلحتك ردت تصعد بسررررعة
ورحت حبيت واخذت وعرسسسست
-ماحبيييتها والله لأجل مصلحة صاررررت
-وحبالتها مصلحة
وبيتها لوحدها مصلحة
وكسر گلبي وگلب عمييييي مصلحة
الصار صار وصارت عندك مرة وجاهل
2 تع
گعد بتعب ومابي حيل وگوه رد
-وشعبالچ تعادل شعرة من شعر ضفيرتچ
لو نفس واحد من انفاسچ شتعادل بس گليلي
-ماتعادل هي زاااادت علي بقوووط
مو چنت تنزل وبكل نزلة تبچيني تريدني احچي
مثلها وألبس مثلها مااعادلها زادت وغطت علي بت اللواء
-استغفررر ربك هذا حچيك وياي حرررررام الله
مايرضى
ورضيت بزلمة كلف معدل عمي اختاره الي
وگالي خزعل هو جبرة گلبچ من الله
وصدگ الله جبرني بي
وگف عيونه جدحت شرار
-مووووو انا التنوخذ حاجتي من ايدي واسكت
-وانا بني آدم مو لعابة گطن ولا گطف جگارة وياخذني منك انا مرة ولگيت اليستاهل رووووحي
بلا مصلحة ولا عازة خزعل زلمتي اليوم
وباچر وللموت
- تگولينها بوجهي
-اگولها مثل ماگلتها انت
وانت البديت ياهاجس
والبادي أظلم
وگف وخياله غطاني مثل جناح غراب اسود
ظلمت عيونه وحط عينه بعيني وگالها بصوت مثل صوت عربيد يريد يكتله بشر
-مادام صاررررت هيچ ياعذبة عايني
للراح يصيييير
رجف گلبي ووگفت بخوف انكت بروحي
من التراب وايدي ترجف
رد صاح
-عذبة
رفعت راسي ورفع شاربه بضحكة
شر وگالي
-عايني وشوووفي بت عميييي عايني
وشوووووفي
3 تع
مشيت بساع وهو وراي قرينه الفاتحة
وردت نعمة وردينه للديرة
وعلت اصوات العزاء ببيت الشيخ الضاف
الفاتحة بمضيفه وهذا يوم الثالث
انترست القرية سيارات
وعساكر ورتب وفاتحة النسوان
بربعة الشيخ الملالي يعدن ويلطمن
وانا مسلوبة روحي افتر بينهن
خاف وحدة تعتاز شي بنص الهوسة
وعز المصاب صاحت وحدة من خادمات
الشيخ
التفتت وشفتها
وبهتت روحي مريت منها وتنوعتلي
وهي تشيل حاجبها شيل وياها امها اذكرها من شفتها
لزمتني من زندي حيل
-هاي خادمة اهل هاجس
خليها تصيح هاجس ماما
دفعت ايدها ومشيت وديت
جاهل للمضيف يصيح هاجس
وانا رووووحي تفووور فور
بس شافني اجه بسرعة
-شصايرلچ وجهچ أصفر
عاينتله شگله بالله واحد مسودن ساعة
يتهدد عليه وساعة يتراجف
-أنا طالعة من الفاتحة اجت صاحبة المصاب بعد
بسسس اريد اگلك شغلة
-شصاااار اليوم اخر يوم وين رااااايحة
-اي وصلو ياابن عمي هو سؤال واحد ورد غطاه
بعد ماطردتنا من الكلية مالتك
وگلتلهم هاي خادمتنا ورديت عرست وگلت
انت گايللهم انت رايد بت عمك
گلتلهم انا نفسي بت عمك لو ………
-وروح ابوووي گلتلهم انتِ وهسه مستعد اصيحها هي وامها وتشوفين
هزيت راسي وانا اعدل بعباتي
-مرتك هانتني بنص ديرتي وبنص مصابي
وعزاي على عمي حطت عينها بعيني وگالت هاي خادمة هااااجس مباااارك ابن عمي
مباررررك الي من عفتك لغيري لأن تشبهك مثل قفل ومفتاح
درت وجهي مشيت بسرعة وهو يتخطى بسرعة وراي
عتني من رداني واني رديت عتيت ايدي منه
-اووووگفي هسه تجي تتعذرلچ
1 تع
مشيت طالعة لبيتي وخلصت الفاتحة
بهاليوم وتوزعت الناس كلمن لديرته
رديت بس شرديت
عمي من شال حسبالك الدنيا كلها شالت ويا
والايام بعدها ركضت ركاااض
وانا ويه خزعل مثل الحية وبطنج
اعارك بي معارك لأن الوضع السياسي
منتهي بهالبلد
وكل يوم اتوسله يگلي معليج الزعيم
ويانه وحزبنا هو مستقبل الشباب بالبلد
وبسرعة ريح الهاب دخلنا سنة جديدة
١٩٦٣ شهر الواحد چان شهر الصراعات
السياسية
وانا ويه خزعل خوف بخوف ترس
البيت كتب ومنشورات وانا احاول
اقنعة يحركهن مارضى عليه
اخر شي من شافني أتراجف ومقهورة
لفهن بچياس نايلون وخلاهن بتنك
ودفنهن بالحديقة دفن خلص ونكت ادي
من التراب وعاينلي
2 تع
-يرحلچ فدوة هن وراعيهن انا
اخليچ تنامين مقهورة
فتحلي ايديه ورحتله عاين لوجهي
-وجهچ أصفر وماعاجبني حييييل
-ترة أنت أهلي خليني بين عيونك
ماعندي غيييرك أبد لا تكسر گلبي
بيك
1 تع
-أگلج
-گول
-ننزل للولاية باچر سنة جديدة
وهاي الرگبة الحلوة تستاهل گلادة
ضحكت وهو ضحكت عيونه وشالني شيل
-يممممممه
-شنو ولچ ما مأمنة بحضني
عاينتلة مملوح اسمر وعيونه وسيعة
اكو عيون من تعاينلها تتخايلك تحچي
هو عيونه هيچ
-مأمنة منا للموت
-چا شتشتوف
-اشوفچ تايهة حايرة وخايفة عبالچ
لأن غريب اغدرچ بس ……
-وهسه
-هسة مابعيونچ غيري الخوف صار مو مني
صار عليه
والأمان من اعصرچ بين چفوفي تونين براحة
وتدفنين راسچ بصدري
حضني حيل وغطيت بحضنه بلايا شعور
بست صدرة من ناحية گلبه
رخت ايدي من حضني وگلبني بساع يعاين بعيوني
ووجهه احمر وعيونه تلمع فرح
-گوليها عذبة
فهمت شيقصد وانا صدگ احس بهالحچاية
خزعل يستاهلها
مسحت عيونة بچفوفي
-أنا أحبك انت زلمتي
وصاحبي واهلي خليني
ببالك لا تموتني قهر وراك خوووش
ذب ثگله علي وحضني
-اااااااخ يابويه صار شگد متاني هالحچاية
عضني حيل وضحك
-ااااخ
-متحلف بيييييچ گلتيها ولچ
-چا تعضني
-ماااگدر خاف احضنچ وامرد ضلوعچ
جريته طاح علي وانا حضنته
-اگلچ شي
-گول
-هاااااااي ليلة عرسي الصدگ
دفنت راسي بحضنه وغفيت مأمنة
للصبح گعدني وطلع بينه للولاية
من فرحته يريد يشتريلي السوگ
كله
ردينه العصر متونسين مرتاحين ومرت الايام
نص الشهر الأول وطبلي خزعل بجنطة
شكبرها ويتلفت
-هاااااا عيوني شبيك
-اوجري التنور هسه وصيحيلي
ركضت خليت الحطب بالتنور وارتفعت النار
وصحتله
-بعد جابو ضابط وقوة هنا والوضع مدري شلونه
-يعني هسه ماعليك شي
-ولچ ليش تتراجفين ماكو شي والله
اگلچ انتِ تردين حضني وجاي تتدللين مو
ضحكت وهو حاضني
-امشي ولچ غديني كتلني الجوع
-يخسى الجوع تعال
حطيت الغدة وهو لگمة بحلگه واثنين اليه
نام وانا اجيت بحضنه عاينتله
-خزعل
-يابعد عيوني
-اگلك ليش انا ماحبلت لهسه
-وانا ماحچيت گلت خليها على الله
بس اخذچ للطبيبة بالولاية تشوفچ
-خوش اخذني
-بس چم يوم تخلص الامتحانات وعيوني
الچ اخذچ
ومر اسبوع زمان دگت الباب نعمة ويه الظهرية
واخذتني وياها لراگ الشط الدنيا شمس
وصحو البنات ملتمات يغسلن جدورتهن برملة
الشط ويتلامعن ويه الشمس
ساعة زمان وعله صوت الجهال
-اجت الحكووووووومة
اجت الحكووووومة
طلعنا من راگ الشط والسيارات مال الحكومة التمت
ووگفت وواحد طلع منها صاح
-الزلام تلتم هناااااااااا كلها
صارت الزلام تطلع من كل بيت وكل گاع
شويه وطلع من وحدة من السيارات هاجس
زايد طول وهيبة وقيافة وگف على علوة
ورا اثنين حرس وايده على مسدسه وعصاته
بيده الثانية يلوح بيها وصاح بعلو حسه
2 تع
-رديتلكم وانا ضابط المركز الجدييييد
ماكوووو خووووة ولا اكوووو صحبة
اليمشي عدل اخلي على راسي
واليزل عن الدررررب ينداس بالبسطال
من شفته رجفت ضلوعي وعرفت
ماراح اضوگ الراحة بعد
صديت اريد امشي مشيت خطوات وصارت عيني
بعين خزعل جاي يمشي بسرعة بس شافني
طگت عيونه نااااار وشرار عتني من ايدي عت وهف بيه هف يمشي يسحل بيدي سحل
-ولك اووووووگف
مشى خزعل مااهتم رد صاح
-انت الجاي تهف وشارد اووووووگف
التفت خزعل وخلاني ورا ورد علي
-أمر جناب الضابط
نزل من العلوة هاجس وتقدم علينه وگاله
-شني ماتسمع الكلام اطرش
-اسمع وكلش زيييين بس الكلام ما موجهلي
-موووووووجه للكل
-أنا رجال ماعندي شي ولا اخاف من شي
وماشي بحالي
دار خزعل وعتني ومشينه بسرعة وهو ايدي
كسرن چفوفي كسر
بس وصلنا البيت دفعني دفع للحجرة
وگف گبالي يرجف
-شعندچ ووووواگفة تتنوعين لهاجس
-والله مااتنوعله چنت ويه اخواتي
گاعدات عالشط اتونس وياهن وهو وگف
وبس وصل انا مشيييييت
-وليييييش طالعة بدوووون علمي هااااااا
گال حجايته واول مرة يضربني حييييل
راشدي طحت عالقريولة جر راسي وخله عيني بعينه
-تعرررررفين عينه النگسة منچ
منااااااا وغااااااد گبل لا تسمعين اسمة تطلعين من المكااااااااان
2 ت
ضربني راشدي ثاني وطلع يرعد
انا مدري شبيه مثل النزل عليه سهم باااااارد
مددت بالقريولة ولفيت روحي لف
بالغطة ونمت اتراجف لليل وانا على فد
رجفة وخزعل ماكو طب للحجرة
وجر الغطه يتغطى يريد ينام
عتيته من ايده الف روحي بي
وطاح چف ايده على چفي
وگف وفتح اللحاف حط ايده على راسي
-عذبة شو عاينيلي خل اشوفج
ماگدرت حتى افتح عيوني لفيت وجهي
ورديت تغطيت وصوت صكة سنوني واضح
-عذبة شبيييج
-بس بردانة
رفع اللحاف وصار وياي حضني
لميت روحي لم بحضنه وعظامي واحد يطگ
بالآخر
-شوو اشوفچ شني صخنتي
مارديت ظليت الليل كله اصب عرگ
وهو حواليه بين اليغسلي وبين اليجيبلي
ماي اشرب للصبح غمضت عيني
بس ماگدرت اشيل لا ايد ولا رجل
للظهر تسودن خزعل وده على اخواتي
وكل واحد يگول شكل لحد ماگاللهن
-خوية لبسنها اخذها للولاية
-لا خوية عليمن هسه نچويها بعطبة خفيفة هذا تيفو
-لا لا يا عطبة اخذها للطبيبة
لبسني واخذني ويانه نعمة
لحد ماطببتني للطبيبة حجت وياي
شويه وودتني من مكان لمكان يفتر بيه
خزعل اخذو من دم وردني استراح
ساعة زمان واجة بيده الورقة يضحك
وعاينلي
-يلا عذبة اجااااانه الخيييير
1 ت
ماگدرت اگوم سندني هو ونعمة واثنينه
مافاهمين شي لحد ماگعدني بالسيارة
وضحك
-خوية طلعت الصخونة استبراد
والاستفراغ هذا للحمل
شهگت نعمة
-حبلة
هز راسة يضحك وانا ساكتة
شو مافرحت عاينلي ساكتة هو هم
سكت وحرك السيارة ومشى بنص الولاية
اخذ جكليت وحامض حلو ومصقول ورد
ساق بينه
وانا الدرب كلة مببالي غير چلماته
الچون گلبي وضربته اليه بكل حيله وشكه بية
وصلنا وهو صاح لنعمة
-اخذي الجكليت وياج ووزعي للجهال
التلاگيچ
طلعت نعمة فرحانة
وانا اخذت من الشروبات الاطتنياها الطبيبة
شربت عن لا ااصخن
ورديت للفراش وماحچيت ويا لثاني يوم الصبح
بس شفت روحي
راحت حرورتي گمت للبيت اشتغل غسلت
هدوم خزعل وهدومي
نظفت الربعة
والحديقة وعجنتلي معجنة صغيرة خبز
وگعدت بالحديقة بين الوردات
والدجاجات يفترن حواليه
اجاني صوته وهو راد من الدوام
طب الحديقة وانا گمت
-ليش گاعدة بالبرد
-حرانة
-تردين امشيج بهذا الهوا الحلو
-لا مااريد حطيتلك الغدة عالبريمز اذا تريد
-يلا حطيلنه الغدة
هزيت راسي ومشيت حطيت الغدة بالشمس الدافية بالحوش وخليت الچاي عالبريمز وگعد هو ياكل وانا گمت
-گعدي تغدي
-مااريد اكل انت بالعافية
نكت ايده وگام وانا جريته اگعدة
گمت بسرعة للحمام غسلت وصبيتله الچاي
جبته اله هو بالحجرة شربه راد ينام
صاحلي
-تعاي نوميني
-شبعانة نوم نام انت بالعافية
مانام ظل گاعد گعدة ومنزل راسه وگف
ورة شويه ومشالي وانا منزلة راسي وگاعدة
-عاينيلي
رفعت عيوني باسهن
-والله عمتني الغيييرة فهميني عذبة
المايغار هذا خنزيييير ومگرن وگو***د
وانا مااگدر اشوفچ واگفة گدامه ويعاين لطولچ
باس اطراف اصابعي
-اني اجبره الچ انتِ بس اشريلي وانا انفذ
-مااريدك تعيدها بعد فردددد نوب
-تنكسر ايييدي
-اسم الله عليك چا شلووون تلمني بحضنك
بعد
ضحك وگعد يشرحلي سبب غيرته
وانا استمعله حتى ماتنعاد هالشغلة
وطرنا بخبر حبالتي انا ويا وهو بكل
حال وصاح
-اذا ولد نسمي علي
واذا بنية نسميها ريحانة على اسم امي
-ماااااكو اذا ولد اسمي على اسم عمي
-يستاهل الحجي هاي هي
وگبل لا ندش الشهر الثاني بليلة وصاني
خزعل اگعده من الصبح نطلع للولاية
وبين جيب وودي اخذني لمكتب وبقى
يحچي ويه واحد وفهمه وبصم هو
وبصمني على اورا�
