رواية الضابط والجميلة الفصل السادس بقلم زيزفون
لبسـت صدريتي الضيگة واددنيا بارده اخذت جاكيت كابوي بيدي ولبسـت شال اسود وحذائي وجنطتي حطيت مسكارا وتمنيت اشوفة وخلي يعرف اني مامشي بمزاچة
طلعـت وحدي لان ابوية گاعد يتريگ و اني ماعدي شي شفته طلع و اني احس كلبي گام يررچف باوعلي ودار عيونه يسار ويمين وتقدم تجاهي اني بس شفته اچاني طكيتهه ركضـة لبيـت عمي الباب مفتوح بسرعة طبيت عزه شفت الكامرات وذكرت بلة واحد شاغنه بيت عمو عدهم كامرات طبيت لكيتهم متحضرين بس عمار يتريك كمـل وطلعنة لكينا واكف بسرعة صعدت اني بس يمة نضراتة تخزررر خزررر گال موچ مريضة متروح اليـوم صعد عمـار بالسيـاره وسئلنة
شبيهه
حوراء: واللة ماعرف خطية شبيها
مريم: من نرجع نشوفها
عمار: اذا هاي اني اخذچن يمهه
اني وحوراء ضلينه ساكتين شنو منو ياهو هذا 🙂🌚😂💔
وصلنـة للمدرسة وكلمن علة صفهه مر اليـوم بسرعة بين الدراسة وبين الضغوطات الهواية الدتصير علينه خاصتا احنة سادس وراسا بدوا بالتدريس
خلص الدوام لبسـت شالي و طلعـت رحت لصف موچ ونزلنة سوه وكفنة بالبـاب منتضريـن عمـار يچي ، شويـة واچة عمـارر صعدنـة سوه وملامحـة مزعوچة ههـذا شبي كل مـره الحلگ مشروك نصيـن بالضحك
وصلنة للبيـت شفت ابوية واكف بالبـاب ههو و قحطـان اهو شلـون دكة هـاي حسيـت جسمي رچف عمـار سلم عليهم بدون مينزل اني نزلت وعيني بالكاع و اعدل بجنطتي
وصلتلهم كلت السلام عليكم واني ماشية ردو السلام وطبيـت راسـا وصلت للطارمة عزه شلون الي يردون يعدموهه و نفرچ عنهه اني هيچ شجاني شبيه
اخذت نفس وطبيت سلمت ع ماما و صليـت تغديـت ومشيـت نمـت كعدت السـاعة ع صوت المنبـه كمـت نضفت شوية و بديت اقره فتحـت الموبـايل ردت اراسـل موچ شفت نـت مـاكو اوو اليـوم خلص الاشتراك يلـة مـن يجي بـابـا يخابر يفعللنه
كعدت اقره ومر الوقت بسرعة صار المغرب كمت سوينة عشة وصلينـة رجعت هم اقره صـارت بالـ9 اچة بابا كمنة اكلنة سوية شوية وكال امشو خل انروح لبيت حسام
اني كملت كلشي همزين حته جدولي حضرتة كمت لبست چبة فوك ملابسي مرتبة ولفيت شالي وطلعـنه طبينـه سلمـت علة الكل بس عمـار مـدري شبي عيونـة حمـر انتبهت عليه بس غلسـت سالت اسيـل ع حور كالت فوگ يمـهه موچ
اترخصـت ورحـت يمهـن طبيـت لكيـت موچ وحدهي كـاعده ع الجربـاية والدموع تنزل منهـا و حور مـاهيه
طبيـت راسا مسحت دموعهه اجيت وكعدت يمهه واني الخوف والقلق ماكلني
مريم : عززه شبيچ موج ليش تبجين
موج والدموع تنزل منها : ها لا مابيه شي واللة بس احس نفسي مختنكة كلش
مريم: شبيج وحور وينها
موج: دتسبح خليها ع راحتها ولج مـابيه شي بس خايفة علة قحطان حيـل لان هسة اول مـارجع مـن الدوام خابروا عدهم مهمه والمهمه صعبة حيل
حسيت كلبي نغزني مـن كالت هيج: لاتكولين هيچ موچ نشالله يرچع سالم ، وج ونبي نت ماعنـدي ردت اراسلج او اجيج
موچ: لا كلبي عادي راسلت ضحى نطتني الدروس مال الاحد وكملـت بـس اچيـت يم حور ردت اخـذ ملزمة منهـا
مريم: هـا تمام هسة شلون صرتي شتحسين نفسج
موچ بابتسامة: احسن
حور وهي تركض: يمةةة اشااا هههلووو مسوويات اجتماع يممي هلا بالضلعات اسفة جنت اسبح
مريم: عابت مو موج يمج شون تعوفيها وترحين سبحين
موج: لا واللة اجيت لكيتها بالحمام كلت خطيه ختكمل
حور: سمعتي ست مريم عوزهه متاخذ راشدي مني
موچ: هههه حور اريد ملزمة الاحيـاء فدوه استنسخهه وارچعهه
حور: تمام هسة حب
هاجياهه
موچ وهيه تكوم: شكرا كلبي يلا بنات لازم ارجع امي وحدهي
مريم : ابقي شوية شبيج
موچ: ماكدر ونبي امي وحدهي تصبحون علة خيـر
حور: ماكدر اطلع وياج مثلجةة تندلين الطريق اللة وياج
موچ: ههههههه تمام
مريم : عابت لهل اسلوب امشي حبيبتي
طلعنة سوه والدموع بعيون موچ
مريم: اتمنه حجيج صدك وهالدموع بس بسبب خوفج علة قحطان
ابتسمتلي ونزلـت طبت ع صالة سلمـت بخچل وطلعـت شفت عمـار طلع وراهه رحت وراهم شفت مـن باب البيت واكف يم الباب وهيه ادك بابهم شفت سيـاره قحطان ماكو تنهدت بشكل لا ارادي وطبيـت
ربي يرجعة سالم
موچ: بعـد مـا طَبـلي عمـار خـاص وحضرتـة صرت اعتـزلت عـَن كَلشي صرت مـالي خلگ لاي شي حسيتـة جمعني وي البنـات ذني هه بيوم دوامي مداومت مالي خلگ ابـد خابرت مريم حتة تطيني الدروس مـَردت راسلـت ضحى بنية ويـانة نطتني كعـدت اقـره يوم الاحَـد امتحـان احيـاء و اني ملزمة مـاعدي اف شلون بيـة ومريم مترد اضن ماعدهم نت رحَـت لامي كلتلها اروح لحور اخذ الملزمة و قحطان چان يريـد يطلع كلي اني اوصلچ وصلني للبيـت سمـع صوت اسيـل خلة وراح فتحتلي الباب سلمت عليهم بخچل جانو كلهم كاعـدين سوه بـس هو ممـوچود كلت الاسيل اريد حور كلتلي فوگ اصعـدي صعدت وصعدتني ويـاهه ع الدرچ وبجت بنتها كتلهه روحي حبيبتي اني اصعـد صعدت لغرفة حور ما لكيتهه سمعـت صوتهه بالحمـام لان عدهم حمام داخلي انتضرتهه شويـة وسمعـت صوتة وفتح الباب احس جمـدت بمكاني مـن شفته
عمار: حورر اريد الشسوار
مـن شافني حسيته نصـدم غمضـت عيوني وباوعتلة ودنكـت صرت اشوف رجلية يتقدمن الية احس نفسي چمـدت
عمـار : شبيچ؟
موچ: مابية شي خوية
عمـار: ليـش غبتي
باوعتلة وكتلة: اعتقد هالشي يخصني
غمض عيونه وفرك وجهه وكلي: ليش حضرتيني؟
موچ:حتة متضن اني حالي حال ذني البنات الي بموبايلك -وباوعت لموبايلة جان بيده وكمت-
عمـار: شقصـدچ
موچ:وخر خوية تره قصـدي واضح
ردت اروح لـزم ايدي حسيـت جسمي رچـف
عمـار:لاتطلعين خبالي موچ
موچ:انت باي حق تلزم ايدي اتركني واللة اذاا شافكك قحطان الة يقتلك بالمكان
سحب ايدي الثانية ولطشني بالحايط وصـار گبـالي باوعت لعيونة وخـفت نضراتة تخوف دنكت وغمضـت عيوني بخوف
عمـار:وخري الحضر عـن الانسـتا اريد احاجيج
موچ:م اوخره ماريد احجي وي ولـد وخـاصتـا انت
عمـار وهو يقوي قبضة ايده عليهه: ليـششش شقصدججج شبيةةة انني
موچ:اخ وخـرر عمـارر شبيكك تخبلتت مارريد واحدد نسونجي مثلك يحاجيني ويحسبني حالي حال البقية الي يكضي وقتت وياهن
غمض عيونة وصك سنونـة بغضب وكال:بـس هـاي كبل ماشوفچ موچ احبچ واللـة احبچ
احس ذني الكلمـات طيرني للسمـة اذكرت حچية وي البنية وحچي البنـات بسرعة دفعته
موچ ودموعـهه تنزل:عمـارر شنو تقشمرني اني موطفلةةة انتتت متنـاااسبني مـتنـاسبني اصلا مستحيل قحطان يقبل
عمـار: ليـششش ماناسببجج ههـاااا ليـششش شنووو الي عنـدددهيا غيري ومـاعنديـا اني ليش مايقبل
موچ ماردت اعيـد موضوع البنات ردت اي موضوع
موچ:مامعقولة ينطي اختة لولد لاشغلة ولاعملة ولادراسة هه وفوك كلشي بنات الدنيا بموبايله
شفته غمـض عيونهه وضرب ميزز المراية حيل نزيـت مني يمي ودموعي ينـزلن
عمـار : بس صدگي حبي بس الچ بس انتي البگتي هل گلب وهـاي گدامج
موچ: رگع موبـايلة بالكـاع و كسر الشريحة مـالتة و اني دموعي تچري شلون اگلة هيچ اني ياربي
عمـار: اذا شفتي بيدي موبايل منـا وچاي احسبيني مو زلمـة لمـن تحنيـن تعاي كليلي وبنسبة للشغل هه تره اني مو لاشغلة ولاعملة بس چنت ماخذ الدنيـا لههو ولعب بـس من هل ساعه تدللين موچ شوفي شلـون راح اغير نفسي الوقت يثبت ست موچ
طلـع وادموعي اطلقت العنـان كعدت علة الجرباية و دموعي ضلن ينـزلن ياربي اني شسويـت غلط الي حچيتة شون احجي هيچ اچتي مريم وسالتني وبالكوه احچي ماعرف شلـون خلصت وطلعـت ،مريم طلعـت وياي حسيـت بي مـن طلع ويـاي اول ماامي فتحت الباب راسا رحت لغرفتي كعدت ابچي ومحتـاره بالصـار وياية ضليـت اقره وبـالي يمة سـاعة اكول حجة صـدك ساعه اكول جذابامي تكلي طيني مي انطي لقحطـان ههه صـار عقلي مسلوب صرت مثل الجثة بلا روح وتصادمات كلبي وعقلي مستمـرات
مريم: كعدت يمهم شوية ونزلت حور ضلينة نحجي ونسولف بس هلمره غير احس عمار صم بكم كلشي ماكو كلمره هو وبيبي عرك هلمره ابد كاعد وساكت شوية وترخص وصعـد ضل الشگ يلعب بالي تاخرنة يلة طلعنه منهم
ضل بالي علة قحطان ماعرف ليـش شكد ماكرهته علة تحكمه المالة داعي بس احس كلبي ناغزني عليـه
طلعنه ب 12 و اني مطفيـة مـن نعـاس شفت سيـاره قحطـان بالباب ابتسمـت احس كلبي ارتاح
وصلنة للبيـت راسـا نمـت كعدت الصبـح ع صوت امي تكعدني
مريم بنعـاس: يوم واللة جمعة خليني انام
ام مريم: كومي ولچ عيب بيت ابو قحطـان عزمونة يلا كومي ب10
مريم: ماما روحوا انتو ماريد اروح تعبـانه
ام مريم: راح اصيح لابوچ واللة كومي ياايمة
مريم: اف كايمة
دددقيقةة دقيقةة صدك ماما بيت قحطان عازمينة
ام مريم: اي صدك ليـش اجذب يلا البسي خلنروح
طلعت امي و اني ضليـت ابلعـم اذكرت خرزتة الي وتهديده وهو يكلي لاتلبسين ضيگ هسة شلون اذا اشوفة
اوو مريم شبيج عمج ابن عمج شو اسكتي گمـت غسلـت وجهي وفتحت الكنتور احتاريـت شلبس
طلعـت بنطرون زيتوني چـلد و ويـا تشيرت طويل كلش حلـو شتوي عريـض لونة بيچ وبي لؤلؤ زيتوني لبسـت شال زيتوني وحـذاء بيچي وحبيـت اغيضة اكثر رسمـت عيوني وحطيت مسكارا حطيـت حمره وردي فاتح شفت شكلي باوعت برضـا وطلعـت شفت مـامـا و بـابـا متحضريـن
بابا طلع كدامنة دنطلع اني وامي كالت امي
ام مريم: مو مبالغ بي لبسج
مريم: ماماا شبيچ هسة اني شلابسة
ام مريم: وهـاي الكحلة شنو ولچ؟
مريم: ااا ماما عيوني حساسية كلش وسمعـت مـن بيبي الكحلة زينة
ام مريم: حسابج بعدين امشي
عزه همزين ماكلتلي امسحي طلعنـة ووصلنـة يم بيتهم بس اني شنـو ارچف شوية ونفتح البـاب
غمضت عيوني من سمعت صوت اخو ارتاحيـت سلم علة بابا وطب وسلم علة ماما وسلم وهو مدنگ
مصطفى: شلونج خوية
جنت خجلانة منة كلش كتلة الحمدللة وطبيت ورا امي مصطفى طبب بابا شفت قحطان طلـع مـن المطبخ اجن عيوني بعيونة
چانت اول مـره اشوفة لابس زي خليجي سلم علة امي واني ورا امي صايره احس عيونه اجولن علة جسمي من فوك لچوه مـر مـن يمي وامي طبت للمطبخ باوعلي بخزررره وراح
يبو شبي ههـذا معايزه غير مخـابيل بس واللة اجذب اذاا اكول ماخفت بس خرب يومة شلون شخصية بالدشداشة
طبيت سلمـنة علة خالتي لكيتهه تطبخ وموچ يمـهه سلمـت عليـهه وكعدنة سوه بغرفة خالتي اشوف موچ مـالهه خلگ وبلكوه تبتسم مو موچ الاولية الي تضحگ للهوه شوية وخالتي كلتلهها طفي الطبـاخ كتلهه اكوم ويـاچ
كمـت ويـاهه جاي اريد اسئلهه طب قحطـان اني بس شفته دنكت لان اذاا اباوعلة راسـا يخزرني اتعودت علة هلشي
قحطـان: بوية بسرعة جيبيلي مفتـاح السيـاره بالغرفة مالتي
موچ: تمام هسة صاعده
صعدت موچ ردت اصعـد وراهه ماحس غير انجريت ححيـل مـن ايدي
اكو عـدهم شلون غرفة بالمطبخ صغيره حاطين بيـهه تمن وطحين . مطله علة صالة طببني بيهه وايده علة حلكي
دفعني علة الحـايط وصـار كدامي تقرب مني كلش وعيوني بعيونة اچن ولازم ادية بايد وحده والايد الثانية ساد بيهه حلگي
حط راسـة يم اذني وحچة بصووت همس وهو صـاك سنونة
قحطان: قسمـا باللـه يامـريم اذا مـاتبطليـن لبسچ هـذا وتمشيـن نفس العالم والخلگ نفسچ مـاتلوميهه
احس نفسي اختنكت اشرتله علة ايده وخرهه بسرعة بس بقة بمكانه ولازم اديني كام نفسي يصعد وينزل حجيت واني معصبة مـن سوايتة كلش
مريم: لا انت اخوي ولا ابوي ولاكلشي حتة تحاسبني والي اريده البسة
قحطـان: اني كلشي بنسبة الج فاهههمه وعيـدي ههل لبـس وشوفي شرراح يصير واللـة تتندميـن هواية
مريم: وشنو حضرتك تهه...
حط ايده علة حلكي والشرار يطاير مـن عيونة
قحطان: ولانفس امسحي هاي الصخـام ولبسچ يالبسچ واذا تلبسين عباية بعد احسن كلت كلمة وماتصير ثنين وروح ابوي يامريم اذا شفتج لابسة صدرية ضيكة وشعرج طالع لو هل لبس عايدته وروح ابوية يامريم وين ماچنتي اجرج من ايدچ واخذچ واشكك هل ملابس عليچ
غمض عيونه وقرب راسـة يم ركبتي وهو مسيطر علية، اريد اتحرك واوخر مـاكدر ثكل نفسي والخوف عاميني
مريم: حباب قحطان لايجي احد هايهيه واللة مالبس بعد هيج واللة بس اتركني
وخر مني بسرعة سمعنه صوت موچ مـن ع درچ رفع ايده بتحذير وكال
قحطان: جري عدل لا واللة استخدم غير شي ويـاچ
طلـع بسرعة واني عدلت نفسي وبسرعة طلعت ورا شفته طالع بالطارمة اچتي موچ كالتلة
موچ: ماكو قحطان كلبت الغرفة عليه ماكو
قحطان: ها تمام عوفي
موچ: اتعطلت عليچ مو امشي خل نصعـد
مريم: احس تخردلـت احوالي شعور حلة خوف علة غضب
هو شلون هيج يتقرب مني، بيا حق يحاسبني،معقولة، لا مريم شسالفه ههه لاتخخبلين
موچ: مريم هل تسمعينني وين شارده
مريم: ها موچ اسفة بس جانت شغلة ببـالي
موچ:خوماكو شي
مريم: لاحبيبتي امشي خلنصعـد
صعدنة سوه واحس احوالي مخربطة اول مره ولد هيج يكون قريب مني
موج تحجي وياية واني بالي يمة حتة ماسالت موچ شبيـهه احس بالي بس ويـا وبلي صـار كلبي يكلي شي وعقلي يكلي شي
كلبي يكلي يحبج ويغار عليج
وعقلي يكلي شلون حبج وهو موحاجي وياج حتة بس هذا تحكم يسموا
سمعنه صوت خالتي وهيه تصيحنة نزلنة وحضرت الغده وي موچ اتجددنة كليتنة وصلينة كملنة خالتي ماقبلت اكوم وي موچ ضليت كاعده يم امي شوية واچتي كعدت يمنه هيه هم
مريم: خالة واللة حسستيني اني غريبة عليكم هيج خليني اروح وي موچ
ام مريم: اي داده خلي تروح تساعدهه ماعدهن شي
ام قحطان: كومي يمة واللة ونعم من تربيتج
ابتسمتلهه وكمـت وي موچ لكيتهه تثرم زلاطة رحـت ويـاهه شوية واچوي اخذوا الاكل واحنة هم اخذنة الاكل
وكعدنة نـاكل سوه واني احجي وي موچ و خالتي وامي منطلقات سوه شوية وحچت خالتي
ام قحطـان: هسة صفاوي يريد يخطب بنية ويا بالكلية ام مريم وقحطـان سال عنهـم والنـاس كلش محترمين والبنية دره واخلاق يكول مصطفى يچوز باچر نروح نخطبها الها تعاي ويانة اذا هاي
ام مريم: بالخيرر انشاللة اي ليش مااجي واللة بحسبة اولادي وافرحلهم مثل مافرح لمريومة
ام قحطـان وهي تباوع لمريم: انشـاللة يوم لمريومة وتفرحين بيهه
ام مريم: بعد كلبي خيه بوجودج انشاللة
ابتمسـت لخالتي وبالي يم حوراء اذا درت شراح يصير بيهه اف لا بت عمي مصختهه ولد يحب ومشايفته غير كم مره ع اي اساس حبته هيه هاي خبلة واللة باوعت لموچ كلتلي
موچ: حبابة تعاي ويانة باجر فدوه وخلي حور هم تجي
مريم: انشاللة نشوف
كملنـة الغـده وموچ راحت تغسل ماعين واني ويـاهه ههـم رفعت ردان التشيرت لان طوال وبلشت اغسل ويـاهه ماعين مالتنة شوية واچة قحطـان باوعلي وكال لموچ اريد صينية
اني درت وجهي عنه وضليـت اغسل بالماعين درت وجهي شفتة راح احس كلبي يضل يدك حيل مـن يشوفة همزين راح
دنغسـل اني و موچ ونسولف ونضحگ شوية وطب مصطفى وبيده الصينية بيهه ماعين
مصطفى: فرغيها موچ بسرعة
موچ: اووف اصبرر مجاي اشوفني جاي اصب چاي
مريم: اني افرغهن
رحت داشيـل الماعين وكعت رداني تعدمت مرگ ضحگ مصطفى
شلون بيچي واحمـر اول مره اشوف يطون هيج لون حلو
ضحكـت بخچل وشلت رداني شوية
سمعت صوت قحطـان طب
قحطان : مصطفى يلااا شجاكمم
مصطفى: اي خوية اي
مريم: وخرت الماعين وطيتة الصينية وطلع وموچ. تصب لسة بالچـاي باوعلي واشرر علة ايدي وخزرررني وراح
باوعت لايدي رافعة الردان افف شلون ويـا هـذا
موچ: مريومة عوفي اني اسوي
مريم: لاحبيبتي ماعدي شي وياج علواهس
راحت تودي چاي للامي وامهه وعافت جايهم موچود
اچه وصاح موچ وين الچاي اني شلـت الصينية ونطيتهيـا
قحطان بغضب: عوود البسي هل لبس بعد الة اشعل عشيرتج
اخذهه مني وراح هذا صدك يحجي لويشاقة عزه مصخهه رحـت اكمل غسل اماعين اجت موچ ويانة نضحك ونغسل بالماعين
رحنة كعدنة يمهن شوية وصـارت ب 2 اچة قحطـان طب للصالة وكف بين باب الصالة والغرفة وكال
قحطان: سلام عليكم عمي هذا ابو مريم يريد يروح يكول يلاا
اباوعلة الضحكة شاكة حلكة ويباوعلي دنكـت وامي كامـت و اني كمـت وراهه سلمنة عليـهم وطلعنـة
طلعـو ويـانة قحطـان و مصطفى بس اني شنو دنكت ولبدت ورا امي وين متروح امشي وياهه ومجلبة بعبايتهه
سلم عله ابوية ومشينة ابوية وامي ضلو يحجون عليهم الطريق كلة وصلنة للبيـت بسرعة طبيت لغرفتي
وكفت كبال المراية واباوع لنفسي سحبت نفس وغمضت عيوني
عزه بعيني اني شبية ضعفت كدامة اصلا هو مالة حق يحاسبني بس يمة واللة يسويها يچوز بعـد مالبس هيج كبالة ولا اغيضة
نـزعت شالي وملابسي لبسـت دشداشة گصيـره ونمـت علة الجرباية احس نفسي حرانة مع انو الجو بارد
ضليـت افكر بي يعني هو ليـش هيچ يسوي معقولة يحبني والابتسامة مرسومة علة حلكي
انكلبت للجهه الثانية وبرطمت واحجي وي نفسي افف مريم شتحجين هذا مزوچ وعمره 36 يعني فرق بينة وبين امي بالخمس سنيـن ههههه صدك جذب
بس شافسر نضراتة هـاي واللة محتـاره اف شفت موبـايلي علة الكومدي يمي شلتة طبيـت علة الانستـكرام بدون مقدمـات طبيت علة صفحتـة
عنـده ذوق بالمنشورات كلش وصوره وحده احلة مـن وحده صـار عنـدي فضول اطب علة التعليقات ومنو معلقلة
شفت بنـات معلقـاتلة كومة وهو يرد علة كل تعليق بقلب لو رد
شفت وحده كاتبتلة
كلمـا تكبر تحلة شنو سالفتك
راد عليهه
هههههه عيونچ الحلوه غلا
صـدك ضچت عابت الهه واله واللة ياللة طبيت علة صفحتهه خاص سديـت الموبايل وكعدت اتاففف
هسة اني شعلية عشتو شعلية بي شيسوي يسوي واللة ياللة
اريد انـام ما اكدر احس النوم طار من عيني كمـت حطيت كتابي وكعدت اقره كمت افتر بالبيـت والكتاب بيدي احس رجليه راحن واقره وبالي يمة طبكت الكتاب امي وابوية نايمين تاففت شفت الساعه بـ4 ونص
رحت للمطبخ كمـت اريد الهي نفسي باي شي قررت اسوي كيكة بارده كعـدت اسوي بيهه وبـالي يمـة وكلساع اجر اوف مال وحده مطلكة وعدهه 7 جهال 😂💔
كملـت الكيكة وبـابـا ومـامـا كعدو
حطيته بالثلاچة وهمه يحجون صـار المغرب كمنة صلينة وسويـت عشـة مخلمة كعدنة نـاكل شوية و اچة عمو حسـام وبيبي وجدو وحـور وعمتي
كاعدين كلحنة نحجي وامي كالت
ام مريم: ام حمودي بـاچـر ام قحطـان راح تخطب لابنهه وحـده ويـاهه بالكلية وتريدنه نروح ويـاهه ترحيـن
ام احمد: بالخير انشاللة بس خيه ماخابرتني
صرت اباوع لحور تباوع ومصدومة شفت عيونهه بيهن دموع كلت راح تفضحنة
ام مريم: كالت اخابرهه واللة حتة كالت خلتجي ام حسام هم بس خالتي متكدر شوفي موبايلج يجوز مخابره
طلعـت موبايلهه لكته صامت ومخابرتهه
ام احمد: اي والله هاي داكه 4 مـرات خوش خيه احضر نفسي خاف عيب اخابرهه هسة يجوز نـايمة
ام مريم: شتكول ابو مريم
هيمن: براحتچ روحي عيب المـره نختچن ميصير تردنهه صح ابو حمودي
حسام: اي خوية خير ماحجيت روحن وقومن بالواجب ونشالله خير يستاهل مصطفى خوش ولد حباب
هيمن: همه ولـد بعد ابوهم منوه واللة دره مال اللة
اباوع لحور دنكت راسـهه ودمعة نزلت منهه همستلهه
حور بسرعة كومي ويـاي
كامت واني كمـت وراهه طبينه لغرفتي اشو هاي الخبلة كعدت علة الجرباية كام تبچي وتشهك
اجيت كعدت يمهه وكتلهه
صدك تحجين حور هاي شبيج شو باعيلي جنج مراهقه
حور ببجي: ولج مريم واللة حبي...
مريم: اشش لج اش لا واللة اكفخج شحبيتي لاتكمليهه مجرد اعجاب ولد مره مرتين شفتي والولد يحب هاي البنيه عيب حور احترمي نفسج شوية حبيتي ع اي اساس كومي بابا غسلي وجهج لا واحد يشك وباجر نروح للخطبة وكلشي ماريد يصير شسالفة صدك جذب جنج طفلة كافي بچي
مسحت دمعهه وكالت: اي هم صدك جني مخبلة ابجي ههههههه اصلا عـادي وهذا وجه المطي مازوجة لو اموت اصلا فاههي اريده عيونة زرك وطاكتة الشمس موهذا ابيض افهه من الفاههي
ضحكت علة حجيهه صح ضحكت بس ادري من داخلهه مجروحه موبيدهه هلشي هو كلبها حبه بس اني متاكده بس اعچـاب صار
وهسة كافي يلا خلنحجي شحتلبسيـن بـاچر
حور: اليوم ابات يمج وماعلية انتي تطلعيلي ملابس منج
مريم: عابت مونقص ملابس عدچ كومي اختـاري شي
كمنة اني وياهه سمعنه صوت عمو يكول يلا طلعت كالتلة ابات يم مريم ماعارض همه طلعو واحنة طبينة للغرفة
واريد انسيهه شوية كمت اضحك واشاقة وياهه اني ويـاهه ملابسنة سوه خـاصتا احنة نفس الجسم ف تجي لكنتوري تشوف ملابس حور تروح لكنتورهه تشوف ملابسي هههه
اخـذت بشـت لونة احمـر ومـن چوه مطرز بـاسود وتشيرت حـد وحـد وي البنطرون اسـود وبنطرون كابوي وبي اسـود وشال احمـر وحذاء حمـره
قاستهن يخخبلن عليهه اني ضليـت حايره بس ذكرت كلام قحطان خفت كمـت طلعـت فستـان منفوش طويـل يصيـر لونـة اسود ومـن جوه كلوش وكسرات بي ههواية وبي ابيـض فيونكة مـن كدام والردان بيهم ابيـض كلش نازك اختـاريتة وختاريـت شال وردي فاتح وحـذاء نفس اللـون حضرنة ملابسنة وكعدنة نحچي ونسولف شوية وحسيت عيون حوراء دمعن
مريم: حوراء مولهاي الدرجة لاسوين هيچ تره غلط كولي اللة يههني للولـد واللة تلكين ابن الحلال الي يسعدچ ويحبج اني متـاكده
ابتسمـت ومسحت دموعـهه
مريم: اوي عشتو ماعرفتج هيج حوراء النجره
ضحكت وباوعتلي كعدنة نحچي وي موچ فيديو وضحكنة شفنة ساعه ب 1 ماحسينـة بالوقت راسـا نمنه ثنينه الخطبة العصـر هيـة
كعدت من نوم ابوية اليـوم خفاره ضلينة بالبيـت كعدت حور وره شوية تغدينة وصلينة واشوف حوراء ساعه تضحك ساعه تدمـع جنهه مخبلة 😂💔
صـار العصـر وام قحطـان خـابرت امي كلتلهه يلا و ام احمد يمي هسة كمنة احنة بدلنة ع السريع واوصي بـحور
حطيت مسكارا وحمـره خفيفه وكملـت باوعت لنفسي برضا اتمنه ميشوفني قحطان ولو اني شلابسة اني واللة كلشي مستور
شفت حـور لابخة خوش لبخ صح هو بنـاتي بس واللة لو شافتها خالتي الة طحين 😂😂😂
رزلتهه ماقبلـت طلعنه شفت سيارتة موچـوده
طبينـة لبيتـهم لكيـت موچ طالعـة تخبـل بعد اخت العريس ههههه عمتـي كالـت عمـار يـاخذنة بالسيـاره ام قحطان كالتلهه لا وخليجن كلحنه سوه نروح
امي كلتلها ماتكفي السيـاره واللـة كـاعديـن ونسولف كالت خـالتي ام قحطان انو مصطفى مطيهه خبـر شما بية حـاولت انسي حور كلشي
شوية ونـزل وهو لابس الزي الخليجي ومصطفى ويـا
طَـب سلـَم ومطفى ويـا اني مدنكة كالتلة عمتي يوم الالك كللهه اللة يسلمچ رفعت راسة الضحكة بحلكه ولابس زي خليجي وعكال و موبايلة بيده اجن عيوني بعيونة ونزلتهن راسـا
قحطان: يلا يمة توكلوا باللة وانشاللة البنية صايره لمصطفى عمهه صديقي كلش ونشاللة محلولة
ام احمد: يلا ماما دكي علة عمار يجي ياخذنة
قحطان: شنو سالفة خالتي اني اوصلچن
ام مريم: لا خالة متكفي السيـاره عمـار يوصلنة عليمـن
قحطان: خالة مصطفى يـاخذچن
ام احمد: لاخالة عموري يوصلنة
قحطـان: براحتكم خالة متقصرون
ام مريم: واجبنة هذا يمة نشاللة يوم اللالك ونفرح بيك
رد علة امي وطلع حور خابرت عمـار طلعنة سوه كليتنة موچ و خالتي بسيـاره وية قحطـان مصطفى ماراح ضل بالبيـت و اني و حور و امي وعمتي وي عمـار صعدنة ويـا ونزل سلم ع الولـد واچة صعـد عيونة تحولـن لموچ ودار وجهه وتـافف اكيد بينهم شي هل اثنين ماعرف شنـو
يگلبي ارتاحض
هذا الردته عالخير ..
صرت تشتاگ
لليشتاگ للغير!
