رواية عمر الديب الجزء الثاني (الملك الاخير) الفصل السادس والاخير
بسم الله توكلت علي الله. وهو رب العرش العظيم
فيخلع عمر ماسك الرجل العجوز ويبص لديفيد وهو يقول
اهلا بيك في احضان الملك الاخير
فيصدم ديفيد بشدة ويبص لعمر ويكاد يصاب بالعمي من شدة الصدمة وديفيد يقول بصعوبة
انت. طيب ازاي
عمر وهو بيضحك
بصراحة برحتاح جدا لما بشغلك لحسابي وانت مش عارف زي اول مرة فاكر.
ديفيد بعصبية شديدة
لا. انا اكيد بحلم بكابوس
عمر
لا. انت ما بتحلمش وقبل ما الموساد. تخلص عليك من حقك تعرف أية اللي حصل
وبدأ عمر يلف ويدور حوالين ديفيد وهو يقول
من كام شهر فات اتكلفت بمهمه سرية جدا وهي حماية شحنة غاز الخامين اللي جاية مصر عن طريق البحر من ميناء قبرص وعن طريق المعلومات اللي قدرت اجمعها عرفت ان الموساد جندت شريف وعدنان علشان ينفذوا مخطط سرقة الشحنة وفي نفس الوقت عرفت انك عايش وبتردد علي مستشفي كبيرة في تل ابيب وبتحاول تخف من اللي جالك وطبعا اول ما تخف هادور ازاي تنتقم مني بعد اللي عملته فيك اول مرة. علشان كدة
ويقف عمر عن اللف والدوران وبص في عيون ديفيد وقال
فكرت ازاي استخدمك ضد الموساد وتكون السبب في انهم يركزو مع اللي انت بتعمله من غير ما يعرفو انت مين ومن ناحية تانية تفتكر انت انك بتنتقم من عمر الديب وتجيبني تل ابيب علشان اخلص علي اميل وناعوم بعد اللي عملو في الظباط المصريين اللي كانو هنا في مهمه وانت عارفني ماليش في الامور الدبلومسية بحب اخد حقي اوام اوام من اي خنزير فاكر نفسه راجل
فيمسك ديفيد رقبه عمر بمنتهي الغل ولكن عمر يمسك ايد ديفيد ويبعدها عنه وهو يقول
مش هاينفع امد ايدي علي حد عاجز زيك. لكن ينفع اخلي فيروز تساعدني وتخرج من قصر شيمون الخنجر بتاعه اللي ماحدش كان يعرف عنه يقدر يعمل اية من عالم افتراضي
ويبص عمر لفيروز اللي تقول
بحكم اني كنت بروح كتير لقصر شيمون علشان اطمئن علي اسحاق اخويا التؤام مريض التوحد قدرت اكتشف السر اللي كان شيمون مخبئ عن كل اليهود وهو الخنجر اللي يقدر بالدم يخلق عالم افتراضي بسبب ان الدم لما بيتفاعل مع الحجر النادر الموجود في الخنجر بيصيب كل اللي شاف الدم بكل اللي عايزه يشوفو مالك الخنجر
وهنا يتكلم عمر
ومن هنا بدات خطتي يظهر لك الملك الاخير اللي بيكره عمر جدا ويقول لك انا عايزك تنتقم منه وتحي اسحاق من تاني بعد موته وتعيش جوة عالم افتراضي من تاليفي وتفتكر انك بكدة بتلعب من عمر الديب لعبة تخلص علية . والحقيقة ان عمر الديب هو اللي بيلعب بيك اللعبة اللي هاتخلص عليك وفي عز ما الموساد مشغوله بيا وبالملك الاخير اكون تحت البحر وبنقل غاز الخامين عن طريق خطوط الغاز الطبيعي وباشراف وحماية من اسرائيل نفسيها. بذمتك مش انت حمار
ديفيد
لا. لا. ما تفتكرش انك ممكن تفلت المرة دي. انا هابلغ الموساد بكل اللي انت عملته ده
عمر
انا فعلا بلغت الموساد. وعرفتهم مكان عمر الديب وهما علي وصول. بس انا بقي مش بحبهم وماليش كلام معاهم قابلهم انت
وهنا يلاقي ديفيد نفسه في صورة عمر الديب فيصرخ ويصرخ وعمر بيمسك ايد فيروز وبيخرج بيها من القصر وبمجرد خروج عمر يدخل كام رجل من الموساد الي القصر
وكانهم مندوبين من ملك الموت ويتم تصفية ديفيد علي انه عمر الديب. ،،،،،،،
ومن علي متن الطائرة المتجه الي القاهرة يجلس عمر جنب فيروز في صورة رجل عجوز وزوجتة العجوزة وتقول له
هاتفضل تحبني لغاية مانوصل للسن دة
عمر بصوت رجل عجوز
طول ما في نفس داخل وخارج مني. هاتفضلي قلبي
فيروز وهي تحضن ايدة بايدها
بحبك اوي يا عمر
عمر
وانا كمان بحبك يا قلب عمر من جوة. بس فكريني اكلم الجهاز عندي علشان يصرفو ليكي مكافاة
فيروز
انا مش عايزا مكافاة ان كفاية عندي انك تنجح في شغلك وتكبر وتبقي احسن ظابط مخابرات في العالم.
عمر ضاحكا
ازاي بس وانا عجوز كدة
فتضحك فيروز بشده، ،،،،،،،
ومن داخل مكتب السيد كامل يجلس عمر ومعه باسم قدام السيد كامل والسيد كامل يقول
مين قتل اميل وناعوم
عمر
اسحاق يا فندم
السيد كامل
يعني مش انت
باسم
طبعا يا فندم مش عمر اللي يعمل كدة خالص. عمر بيحترم العلاقات الدبلومسية
ويبص عمر لباسم من تحت لتحت ويضحك الاثنين، ،،،،،
