رواية المطلقة الفصل السابع 7 بقلم زينب نور

                                                    

ثاني يوم قنعت بابا اداوم وقبل و اتصلت على البنات وحاجيتهن وخطيه يبجن عليه ثاني يوم بدلت لبست تنوره اسود وبيهه ورد احمر واخضر كصير فوق الركبه بهواي وجواهه ستريج خفيف موديل جديد مشكك وفانيله نص ردان سوده وفوكاهه سترهه سوده جلد ولبست قبعه وجزدان صغيرون وسوار اخذت سيااره بابا ورحت داومت ورحت شفت صديقااتي سلمت عليهم مشتاقتلهن وشفت ضياء متغير حييل متغير ضعفان بس يبقه حلوو سلمت عليه كلهم متفاجاين من شكلي ومن شعري وكلساع يلعبن بيه كملت الدوام ورجعت للبيت تغديت ونمت كعدت العصر ساعدت شويه ماما بالبيت ونضفته حييل اول مره اشتغل وسويت عشه وتعشينه وسولفت لل١١ صعدت بجيت وبجيت ونمت كعدت ثاني يوم كذلك لبست وتريكت وطلعت للشغل مر شهرين واني زينه احسن محاميه دائما اتلقى القضايا المهمه والصعبه واحلهه وافوز بيهه مره العصر كاعدين طلعت بالفيس صفحه ملابس يجنن عجبني حيل اختاريت وطلبت منهن

        

                                                    

طلبتهن وبعد فتره يوصلن وره فتره وصلن واني مسائله عن ضياء بس ضليت اكل بروحي اخير شي حاجيت ملك

                                

ميادين حبي ضياء تزوج منوو

                                

ملك بعد ما حاجيتيه اجانه وثاني يوم حاجه ابوي يزوج بنت عمي هاله بس تاذه بغيابج حييل تاذه ولحد هسه هو يذكرج كال تزوجتي

                                

ميادين اووووف لا ولج عقلي وجسمي وروحي ويه ضياء ََما اكدر اتزوج غيرع تخبلت عليهم بالخطوبه ولغيتهه كلهه وضليت اسابيع بالمستشفى وصارت بيه حاله نفسيه وفجاه تغيرت هيج صرت بدون احساس بلا مشاعر ما اهتم لكلشي اهلي انطوني الحريه لان متت ضليت كل أسبوع اكلي لكمتين هسه رجعتلي الحياه

                                

ملك اووووووووف خطيه يجوز ما مقسومين لبعض الله يجمعكم

                                

ميادين هه بعد شيجمعنه هو متزوج واني راح اموت اتمنه الموت كل يوم

                                

ملك اسم الله عليج حبي لا تكولين هيج الله يصبرج ويحفظج

                                

ميادين تسلمين يله خلينه نكمل شغل

                                

مرت سنه واني بالنهار قويه وبالليل ابجي واتخبل شعري طول صار حلوو وعدلت كصته قررت البس حجاب بابا اشترالي سياره وراتبي انطيه لبابا يضمه الي يكلي هذا الج يجي يوم تحتاجينه لبست زي مال محجبات ونزلت تفاجاو كلهم اخوي علي خطب بنيه وياه ومرتظى خطب بنيه هم صارت صدفه بس تلاقو وانعجبو وره فتره سمعنه ضياء مطلك مرته وضاربهه كلت بلكي اكوو بيناتنه قسمه حاجيته ثاني يوم بالمكتب

                                

ميادين هلاو

                                

ضياء هلوات

                                

ميادين ممكن شويه من وكتك 

                                

ضياء تفضلي 

                                

ميادين شلونك 

                                

ضياء الحمدلله انتي شلونج

                                

ميادين اني زينه اذا انت زين

                                

ضياء دوم

                                

ميادين ليش طلكت هاله

                                

ضياء ما احبهه ما أريدهه وتلح عليه تريد طفل

                                

ميادين اي واذا ما تحبهه هيه مو ذنبهه وبعدين ليش ما صار عدكم طفل

                                

ضياء ما متقربلهه

                                

ميادين ليش

                                

ضياء بالي وعقلي وحبي كله يم وحده ووما اقبل تجي وحده ثانيه وتاخذ مكانهه

                                

ميادين بعدك تحبني

                                

ضياء ما يوم نسيتج

                                

ميادين مكدرت اتزوج واعوفك ما اكدر انساك

                                

ضياء واني هم خلينه نجرب عمري صار بالثلاثين وما عندي لا زوجه ولا طفل وامي تريد تشوف جهالي

                                

ميادين هههههه اي اشوف الشيب تارس راسك ترس

                                

ضياء هسه اكوملج تضحكين عليه وبعدين تعالي شنوو هاللبس الجنتي تلبسينه

                                

ميادين هههههه خبال هذا

                                

ضياء بعد ما تلبسينه وشعرج ليش كاصته احبه طويل

                                

ميادين ما اريده كرهته لان انت ماكوو

                                

ضياء راح ادز ناس عليكم

                                

ميادين ما ادري خايفه ضياء

                                

ضياء لا تخافين مدام هيج صرنه وتغيرنه ينطوج ولو اجيب العالم كله علمودج

                                

ميادين فدووه يله اني اروح اكمل شغلي ونتخابر ماشي

                                

ضياء بيباي

                                

ضياء بعد ما انفصلنه تخبلت ما صدكت راح تزوج كلت لاهلي امي لحت عليه اتزوج بت عمي هاله تزوجتهه بس اني مقصر وياهه ما منطيهه حقهه ولا جاي انطيهه حب واهتمام ليكول اختي رادت طفل وتلح عليه ضربتهه وطلكتهه تشوف حياتهه بعدهه صغيره ليش اخرب حياتهه وبعدهه قررت احاجي ميادين ما دام بعدهه ما متزوجه بس اخاف اهلهه ما ينطونهه لان جنت اعزب وما انطوهه وهسه مطلق بس هيه هم مطلقه يعني يقبلون فكرت وفكرت حاجيت اهلي جدي توفه وجان وصيته انو ما اترك ميادين ابوي وكف وياي بس امي كالت شكم مره خطبتهه ورفضتك كتلهه اسكتي ما اعرف سوالفج ما اعرفج انتي اللي سويتي سحر الهه وفصلتينه وتردين بنت اخوج بس تزوجت ودرتي على بنت عمي تره اعرف كلشي بس ساكت لو ما مسويه هالشي جان ابني هسه بالمدرسه انتي واختج هيه سكتت ابوي صيح عليهه وكال عنادا الا ازوجهم واعلمج وصدك ما حاجيت امي هواي طولت وهيه تتوسل والكل يلومهه وهيه ميته عليه تريدني احاجيهه علاء كذلك خطب بنت عمتي وخربت الخطوبه وبسببهه وما تزوج واخوي الثاني كال ما اخطب اخاف من امي تسوي كلشي

                                

ميادين

                                

دز ناس النه واهلي كالو ما نريد ناذيج اكثر توكلي الله وياج وراضين عليج وعليه وخوش ناس وولد ابن اجاويد بقه مجلب بيج خطبني وعمامي تعاركو ويه بابا شلون ما انطوني لمحمد بابا كال اللي يريد يجي للخطوبه والعرس هلا بيه واللي ما يريد يجي الله وياه اكول ما عندي اخوان كلوله لا شعدنه غير ميارين واجن صديقاتي وخالاتي وبناتهن ونسوان عمامي وبناتهن رحت للصالون سويت شعري تسريحه بسيطه وبدله تجنن منفوشه لونهه تركوازي واني بيضه صرت روعه شكلهه كلوشه من جوه وعاليه وطويله ومن الصدر دلعه وما بيهه شيالات وكلش غاليه وحلووه ومكياجي يجنن طالع صرت اشرد اجه هوه توترت حييل توترت اجه وكفت باسني براسي وكعدنه لبسني َالذهب وكصينه كيكه وطلع وره شويه لبسوني عبايه ورحت عقدت والهلاهل والركص وانوب رحنه للاستديو كصينه صور ورجعت مرت ايام بديت اجهز واكمل غراضي وكلالي على اَمه وخالته هيه الخربت حياتنه سامحتهه وامي الدمعه بطرف عينهه اجه يوم العرس لبست بدله اوف وايت تجننن طوويله وتله والصدر مالتهه كله كرستال بدون شيالات دلعه وسويت تسريحه بسيطه ومكياج وحطيت اكليل وظهري طالع الوشم وبزندي هم وشم وبمعصم ايدي وشم طلعت روعه واجه اخوي علي اخذني جانت وياي ملك وبنت خالي وخالتي والطريق كله علي يتغزل بيه ويصوفر ويضحك وصلت امي الدمعه بطرف عينهه والا شويه وتبجي وانوب اخذوني للقاعه هوواي ناس شكد جايين كعدوني والنسوان يهلهلن ويركصن واني ما مصدكه شويه واجه هووه وكفت واباوعله يجنن لابس زي عربي دشداشه وعكال اجه عليه لزمني من خصري وباسني بحلكي خجلت غطيت راسي بصدره واالبنات يضحكت ويغمزلي ويسولفن والمصوره تصور بينه وكصتلنه صور وانوب زفونه للفندق اجن يمي خالاتي وامي وكعدن يفهمني من جديد يبوووي موتني صرخت بيهن ولجن كافي موتني صاح ضياء كافي يمعودات اني أعلمهه هن ضحكن وطلعن امي وصته عليه وباستني ضياء انطه موبايلاته اثنين وموبايلي لعلاء

                                

ضياء عود اذا اتصلو عليه كللهم جاي يذوك العسك والله وياك

الفصل الثامن من هنا