رواية لأني عاقر الفصل السابع بقلم مريم خفاجة
...
صدمتي خلتني واكفة بمكاني
شسوي؟
يكمل زواجها بكمال؟
يعني شنو؟
وردة:-زهراء فدوة موضوع راح و ولة لاتعيدي كل ساع ولاتجيبين طاريي گبال ملاك فدوة واذا عرف كمال تنگلب الأمة لان محذر!
زهراء:-ماله داعي يضم الموضوع ترة اول وتالي تعرف؟
وردة:-منين تعرف اذا ما نگوللها؟؟
بعدين لتنسين جنتوا زغار واحنه بس صفگة
وهلهولة كلشي منعرف وشي راح بعد مالة داعي نذكرة لان صارلي سنين
زهراء:-لج هو حتى ما يخلي عينة بعيني يگول مسوية فد جريمة اني
وردة:-وشكو يخلي عينه بعينج؟ عندة واحدة مالية عينه حُبي
ابتسمت
وهي گالت:-شگد انغث من اشوفها
ملاك:-وردة ردتي شي مني؟
فزن ثنينهن وباوعن عليه مصدومات
وردة:-اي اي ردتج شسمة تصبين وياي
ملاك:-اي تمام انطيني
ماباوعتلها ولابينت اني سمعت شي هي
خلت وطلعت ، حتى ما گالت خاف تحتاجون شي
اخذت الأماعين من وردة بهدوء وهي تباوعلي
متوترة:-أگلج ملاك
ملاك:-ها
وردة:-انتِ جنتي واكفة هنا من زمان؟
ملاك:-لا ستوني اجيت
همهمت بهدوء ودارت وجهه تكمل صب
رتبنة الأماعين ؏ سفرة وگعدت بصف كمال
ابتسملي وقربلي ماعوني وانطاني الخاشوگة
ابتسمت وبلشت اكل ؏ كيفي خجلانة
وبداخلي نار افكر بالسمعته شنو يعني؟
فززتني بيبية كمال:-ولج يااااااااع صدج عوووود مرت حفيدي تاچل جنها طير زاجل تعاي حذاي تعاااي شني مسلوعة جنج عودة مال مطيرجي
ضحكت وكمال ردها:-شعدج ويا الطيور اليوم
بيبيتة:-تعاي ولج تعاااي گومي دوري دوري
درت يمها وهي تحط بحلگي وترد لورا
لعبت نفسي من الأكل
وشوية واتقيأ
بس سيطرت الكُل گام وغسل واني
يمها توكل بية بيدها مترضة آكل اني
لحد ما هدتني روحي طلعت
عفت الكل وصعدت لغرفة كمال
حمامة جوة دخلت بساع روحي لايبة
اريد اتقيأ وما أكدر ضليت اخذ نفس واذبة
اندك الباب صحت منو طلع كمال
فتح الباب:-ها شبيج؟
ملاك:-متت راح اموت
كمال:-هسه مافتهمنة متي لو راح تموتين؟؟
ملاك:-لاتحشش والله راح اموت تلعب نفسي گامت
حجيتها وذبيت من راسي وهو يدك ؏ ضهري
ملاك:-يممممه
كمال:-شجاج هسه هاي العالم تاكل اشكال والوان شبيج يحضي
ملاك:-اكلت هواي ما متعودة هيج اكل خلي اغسل خلي اغسل وخر
وخر واني غسلت وجهي بماي بارد
وطلعت گعدت ؏ جرباية
انطاني حب مال دوار اخذت وغمضت عيني
كمال:-يا عيني معناها من اول بوسة تحبلين
ضربتة ببطنة وهو ضحك
كمال:-ها صرتي زينة شوية؟
هزيت راسي وهو مددني ؏ جرباية وفتح
المروحة ونام بصفي:-ها خويه خيرك؟
كمال:-يا بعد اخوج خلينه ناكل مقبلات
ملاك:-اسكت لاتذكر الأكل
كمال:-اگلج متأكدة احنة ماسوينة سواية شنيعة؟
ملاك:-من الأكلل من الأكل كمممال
كمال:-كافي راح اسكت
سكت واني صرت احسن كتلة يلا خلي ننزل
كمال:-واني صارلي ساعة منتضر عبالي تنطيني هدية مكافأة شو شني
ملاك:-گوم گوم يلا
كمال:-هو انتِ شكلج حتى بالزواج ماكو ناشفة گومي لا بارك الله بيج
ملاك:-اوووي وخر
شديت شعري ذيل حصان
نزل لجوة باوعتلة واني فرحانة:-باوع شطووولة يجنن
كمال:-اي مغطي ****
ملاك:-كمممممممال
كمال:-يعيون كمال
ملاك:-صاير كلش هيلك
كمال:-منو هيلك ولج
اجة راد يهجم علية طفرت ونزلت جوة
لگيتهن كاعدات يشربن جاي
گعدت بصف وردة وهنه يسولفن
سوالف مو يمي واني اتناقش ويا وردة ويا أمور العرس هي تگلي اني البس هيج واني اكلها البس هيج بعدين صفنت گالت:-شني تلبسين بنفسجي ولج غير انتِ العروس
ملاك:-يااا اي صدك هههههه نسيت
وردة:-نيالي اي والله ؏ هالمصيبة
ضحكنة سوة واني اسمع صوت
زهراء تگول لخالتي:-اي خالة تذكرين الفستان الأحمر بالخطبة حرامات بعته
ام كمال:-ليش حرامات حلو كلش
زهراء:-يذكرني بالماضي
ام كمال:-اوف يا يمة اوف خسارتج خسارة بس شسوي كلمن وحظة
ام زهراء:-اي والله يختي جان هسه احفادنة گبالنة يلعبون
ام كمال:-ملاك
درت وجهي وجسمي يرجف
و وجهي احس طلع نار منه:-هـ.. ها خاله
ام كمال:-جانت زهراء خطيبة كمال
عيوني نطت واحسني صخنت
ملاك:-ها
ام كمال:-ردت اگلج من البداية خاف تگولين ما كلولي ضحكو علية بس هو شي قديم يعني لاتخلين بالج واحنه بكل جمعة نتذكر الأحداث القديمة
ملاك:-اي
واني مرتبكة وجسمي يررجف بشكل هستيري
گلبي انقبض
ليش گلتلي أصلاً؟
معقولة تقهرني؟
لزمت ايدي وردة باوعتلها وهي تعض شفتها
لأمها باوعتلي وابتسمت
عرگت وگمت امسح العرك بيدي
بيبية كمال:-سالفة قديمة يم كمال ماحاجة نذكرها بنيتي
ام كمال:-اي يمة ادري
وهي تباوعلي وتحجي ابتسمت ابين ما مهتمة
نزل كمال گامت وردة وهو گعد بصفي:-شبيكم؟
ام كمال:-ماكو شي يمة
خالة كمال:-ملاك صدك وين راح ترحين يا جامعة اذا خلصتي سادس؟
ملاك:-ما ادري اليجي من الله هلا بي اي شي اطلع
الخالة:-ها يعني ماعندج هدف براسج؟
هزيت راسي بـ لا
ضحك كمال وجاوبها:-يمكن هدفها اني
ضحكت ؏ غرورة ودرت وجهي لخالتي:-خالة ابنج شايف نفسة
ام كمال:-شايف نفسة على الأقل من مستوى
ملاك:-كلنة نفس المستوى محد اعلى من واحد
سكتت ما جاوبتني وهدوء عم بالمكان
باوعت لكمال و وجوهنه متقاربة لدرجة اگدر احس بنفسة:-توصلني لبيت اهلي تأخر الوقت
كمال:-ما تباتين؟
ملاك:-لا عيب خلي اروح احسن
كمال:-يلا
گمنه سوة وهنه يباوعن لطول شعري
لا أگلكم ولا تگلولي من اجيت لحد ما طلعت
هنه يباوعلي فصلني تفصال عجيب
يمكن حفضني اكثر من امي
واحنه نتمشى بالشارع كمال لازم ايدي
رفعت راسي علي:-كمال
كمال:-ها ابوية
ملاك:-انتَ قبل هم خطبت وحدة حبيت وحدة او شي
ضحك وعرف السالفة:-امي جافصة بالسالفة مو؟ هاي عود انه حذرت شلون بالنسوان
ملاك:-ليش حذرت واذا اني عرفت؟
كمال:-گلت خاف تضوجين
ملاك:-سولفلي
كمال:-باعي يروحي
جان عمري 17 مدري 18 وهي زهراء 14
ردنة زواج وعرس وخابصين رواحنه وهوسة وهلاهل واحنه مراهقين لايمنة ولا علينة بس اتفاق صار وخطبة ومشية بدون ماعرف شلون بس مكيف وهي مكيفة بعدين ابوها گعد الصبح اسم الله علي حلمان مدري شبي رفض گال ماريد ازوج بتي زغيرة بعدها وفلشت الخطبة
ملاك:-يعني قبل لاتجينه بسنتين مو؟
كمال:-لا تلاثة اي وما يعني ضل بالي يمها وانقهرت بالبداية زعطوط حتى شوارب ماعندي
ضحكت وهو كمل:-راحت السالفة صارلها هواي ستة سنين مدري سبعة
ملاك:-اليوم سمعتها تكول حتى مايخلي عينه بعيني جنت تحبها يعني؟
كمال:-بوية جنت زعطوط وهسه هيه ترة لسة زعطوطة وحدها تخرط عندي انتِ بعد اهتم للعالم
هزيت راسي مطمأنه شال ايدي وباسها ابتسمتلة
و وصلنة للبيت:-ادخل
كمال:-لا الساعة متأخرة روحي بابا نامي ارتاحي تعبناج اليوم
ملاك:-تعبي يروح فدوة لعيونك
كمال:-لا هاي يرادلها كعدة
دخلته وگعد بالحديقة ضليت يمه وهو يلف
بشعري ويبوسة ويشمة ويحلفني ما گص طرف منه
لل11 وراح
دخلت ؏ كيفي
شفت ابوية ومرته ؏ فلم استغفرالله منهم
ميگولون اكو زغار هنا خاف يشوفون هيج اشياء
درت وجهي وحتى ما سلمت دخلت لأمي
نايمة وسبحتها بيدها وشعرها مبلل مفتوح
؏ مخدة وريحة نضافتها تموت
بستها بگصتها وبخدها وغطيتها وصعدت فوك
سبحت بمي بارررد ونمت
وكالعادة يا سادة تمر وتمر الأيام
واحنه نمشي وياها
وحددنة موعد عرسنة
وبيوم امي وملك راحن ينقلن غراضي هناك
وملابسي
شوية ورجعت بس ملك:-ماضليتي يم امي تساعديها ولج
ملك:-ولج ام خالتي ماتت!
ملاك:-لا بالله؟؟؟
ملك:-والنبي احنه بس وصلنة خابروها
ملاك:-يااا شنو ماتت بابا المرة مابيها شي مو ذاك اليوم شفتها
ضليت صافنة ما مصدگة
هيج البشر؟
رمشة عين؟
بسرعة ينخطف ويروح لدارة؟
لبست عبايتي ورحت
وصوت الصياح واصل لآخر الشارع
گلبي انقبض
دخلت وردة بالمطبخ مكمم حلگها وتبجي
؏ بجي امها حضنتها
وضليت اهدي بيها
وخالاتي يم ام كمال صياحها ونواحيها تبجي
ساعة ونص دخل كمال دخل لأمة
وحضنها وگومنها خالاتي حضرن ملابسها
حتى يرحون للبصرة
دخل للمطبخ انطيته كلاص مي
كمال:-گومي بابا وردة حضري ملابسج يلا
ملاك ملابسي اذا تگدرين حضريهن بجنطة
ملاك:-اي دلل هسه
صعدت وردة ودخلت لغرفة كمال
حضرتله ملابسة ونزلت الجنطة اله اخذهم
وراحو واحنه قفلنه الباب وانطوني المفتاح الي
ورجعنه لبيتنه
وشوية اجت سيارة جبيرة اخذت خالاتي وأمي
مقبلت امي اروح ضليت يم اخواني
يومين جانن جهنم علينة
يمه موتتنه نجلاء ابوية ماهوة وامي ماهيه
وتتأمر فوك روسنة ويتمالخن هي وملك
اني مبتعدة مالي دخل
بس ملك تتعارك وياها
رجعت أمي ضايجة وروحها طاگة
دخلت وراها للغرفة سمعتها تگول:-مراهقين اسم الله عليهم
ملاك:-ها أمي شبيج!
أيمان:-ها يروحي شلونجن خو ما صار شي؟
ملاك:-لا بس هاي نجلاء وسوالفها شكو شبيج وجهج احمر؟ ضايجة عليمن؟
أيمان:-ولا يگوووول رجال جبير ولا يگول عنده جهال وتزوج ونسة لاااا مراهق عمرة خمسطعش سنة
ملاك:-منو؟ أبوية؟
أيمان:-قبل لا نطلع اباوعله باس أيدها!!!
ويباوعلها بعشق وهيام ولا كأنو هيه امها ميتة
وصارلها 3 ايام ولج يمة ماكو هيج بشرر
ملاك:-شعليج بيهم وهو مو صوجه صوجها لو ما منطيتة مجال ميتجاوز هيج
أيمان:-قاابل زعطوط ميعرف الصح والغلط
وهي الغبرة بيداء ولج ابنها بطولها
وصارت بيبية ولسة هيج تصرفاتها مال زعاطيط؟
الصوج بيهم هو يعرف غلط وعيب اليسوي اليشوفهم شيگول بربج
والله لو اخوانها شايفيها جا ذبحوها
لازم ايدها ويبوسها هه والله عمي زمن
ضحكت الاطفها:-اول مرة اعرف اسمها بيداء
يعني ههههههههه ؏ وزن نجلاء وتگولين ينساها
أيمان:-والله هسه مال احيل نجلاء علي اله اخليها تردة للبصرة
ملاك:-معلينة اوي
شلونج هسه انتِ؟؟
أيمان:-ولج من شفتهم لسة نار بگلبي
ملاك:-ياااا الله عليمن يمة عليمن متگليلي وجهج احمر ومطگع حب علمود أبوية؟ اسمحيلي بس هو ما معبرج بنعال
ضربتني ؏ متني واني ضحكت وشردت
بذاك الوكت مافتهمت شعور أمي؟
يندار الزمن
واشرب من الكاس...
وبيوم گالو نزلت النتائج
گلبي يدك يدك حيييل من التوترررر
لبسنة اني وأمي ونركض ركض بحيث
انترسنة تراب من الكرف
وصلنة للمدرسة نلهث
وصلت واشوف البنات كلها متجهمرة
؏ القائمة الملزوگة ؏ حايط
يمة واني دخلت بيناتهن اختنگت وعبايتي انجرت
و وگعت ؏ اجتافي اتبهذلت احوالي تبهذل
من بين الكل واني ايدي تمشي ؏ اسمي
واصيح بعلوو صوووتي:-يممممه الأسلامييية 98 والعربي العربي 85 الأنكليزي88 الرياضيات81 الأحياء 90 يممممة الكيمياء والفيزياء ماشوف بس وخري شوية والله بس اشوفهن واطلع حبابة
ماقبلت عاندت لزكت
ضلت تباوع لدرجاتها واني اطفر اريد اشوفهن بس
ثنين بقن
لمن لگفتهن:-الكيمياء 82 والفيزياء 77
وطلعت ركض لأمي رجعت
وطفرت لحضنهاا:-يمممممة معدلي 85
وهي تحضني وتبوس بية ودموعي تجري من الفرحة وأمي تهلهل
اباوع لوجوه البنات هاي الفرحانة
وهاي الضايجة ؏ درجاتها
وهاي التبجي
حمدت ربي ماضيع تعبي
طلعنه سوة شفت بنين صديقتي بالدرب
تاكل موطة وضايجة
ملاك:-بنينوووو
من الفرحة عطت بالشارع گرصتني امي
ركضتلها حجت:-ها ملاكوو الف مبروك النجاح حلوة درجاتج
ملاك:-اييي الحمدلله والشكر وانتيييي ماشفت درجاتج اني هيج صايرة هوووسة
بنين:-راسبة بـ3
ملاك:-صخام بوجهج وتاكلين موطة
بنين:-شسوي ابرد كلبي قبل لا انكتل
ضحكت:-يلا ان شاء الله تعوضيها بالدور الثاني لاتضوجين
بنين:-ما ضايجة ؏ الدرجات خايفة من النعال ومبين ؏ وجهي
ملاك:-يلا حبي النعال يفيد تاخذين عبرة منه
ضحكت وبوستني وراحت
رجعت للبيت اطفر واصيح وارگص
شبگت ملك وريم
واحنه نرگص راحت ملك تشغل اغاني
امي ماقبلت احتراماً لأم كمال
وهو محد يمنه؟
بس احنه كاتلين رواحنه
للغدة واجة ابوية رحتلة فرحانة
بس طفت فرحتي من گال:-وانتِ مصدگة تطبين وتطلعين وجامعات وگـ**** تنجبين وتگعدين بالبيت ماكوووو درررراسة بعددد هاي هيييه
انطفت روحي
بس اشتعلت بنار امل جديدة
من ذكرت كمال
ولليل واني احوص بلكت يجي
دزيت جاسر العصر يروح يگللهم ؏ نتيجة
بس طلع يدري وگال بليل اجي
وصدك شوية واندك الباب طفرت
فتحته وطفرت لحضنة بعدين اتذكرت هم حزانه
حتى هو لابس اسود بعدة
حضني من خصري وشالني وشمني
حيييييل:-مريتي البطلة عفية عليج رفعتي راسي
ملاك:-شفت درجاااتي حلوووات
كمال:-مثل عيونج التخبل
ضحكت ودخلتة للأستقبال گعدنه
وكعدت بصفة:-دوري نفسج شوو
ملاك:-شلون هيج
كمال:-اي هيج
صار ضهري اله وهمس بأذني:-غمضي عيونج
غمضت عيوني وباسني اسفل أذني
كزبر جلدي
حسيت شي صار ؏ رگبتي تلمسته گلادة!
فتحت عيني وباوعتلها
جانت ؏ شكل اجنحة ملائكة ولونهن ابيض
وسلسلة ناااعمة بحيث بس لمعتها مبينة
ابتسمت وضحكت وبجيت وشبگته
كمال:-ماطلع بيدي غير هاي والله واحتاريت شحيب شفتها كبالي وجبتها
ملاك:-عاشت ايدك تمووووت شكرررراً
ابتسملي بهدوء رفعت عيوني اله
تلمع مثل لمعة الذهب
همست:-راح احتفظ بيها طووول عمࢪي
كمال:-وانه ابقة وياج طول عمرج
حاوطت رگبته:-بكل صلاة ادعي رب العالمين يخليني الك ويخليك الي
حاوطني اكثر وشالني لحضنة:-وانه بكل لحظة وثانية ادعي
ملاك:-غلبتني يعني؟
كمال:-اممم احبج بقاطات حبج ألي
تلمست شواربة:-شلونها خالة؟
كمال:-زينة وگالتلي باركلها ؏ النجاح نيابةً عني و وردَ باجر تجيج
ملاك:-هم صاحت ملاااااااك
كمال:-لا صاحت هلا بجنتنااااااا
ضحكت ؏ خبالها
ضلينة نسولف وشاركتنه بالحديث امي
ابد مادخل ابوية يسلم علي ويطلع مايضل اكثر
يبقون يتخوزرون
ثاني يوم اجتي ورد:-والله لو ما بيبي ميتة جا طگيتلج هلهوله من راس للفرع للباب يووووولي الدرجات تگطع شنو هالذكاءءءءءءء ابوسج تعاي خلي ابوسج
ضلت تبوس بية واني ادفع بيها
ملاك:-ويييع دوخري رجلي ما بايسني هيج
وردة:-هااا هاااا
ملاك:-انجبي
وردة:-ولج فرحانة، تدرين اول ما أجة كمال جان كاتب درجاتج ؏ ايدة قريتهن وضليت ارگص نسيت بيبيتي امي كامت تخوزر
ملاك:-طاحضج عيب
وردة:-يلا عادي عادي اكبر وانساها، أبوج شسوة بلا من گلتيله
گتلها وهي عبست:-لا بالله وشنو بكيفة الحجي يمشي؟؟
ملاك:-وشمدرينه كمال يقبل لو لا؟
وردة:-لا اني اقنعة بس شو خفت؟
ملاك:-اني هم خفت والله امي سوتلي خيرة بالسبحة تلث مرات وطلعت مو زينة
وردة:-لا لا هاي خزعبلات ان شاء الله يقبل والله احسه يقبل
ملاك:-لا تگليلة هسه قريب ما ينفتح التقديم نگلة
وردة:-اي هم صدك
ومر اسبوع ثاني
وانفتح التقديم ضليت احوص
بس سكتت لأن الأربعين مال بيبيته قرب
وجان بالناصرية فـ رحت ويا أمي
وصلنة وتلگونه ابتسم كمال من لمحني
واتقرب وهمس:-لاتطلعين بالحديقة ولا برة أبد ضلي جوة يم البنات ماشي؟
ملاك:-ماشي، وردَ هنا مو؟
هز راسة بـ اي ودخلت تلگتني وردة
بوستها ودخلت گعدت يمها نوب دخلت جوة
يم النسوان وبدت الملا تقرة ؏ أم
واني لازمة ايد أمي واباوع لملامحها اخاف اخسرها
ودموعي تجري من اباوعلهن
يملخن رواحهن ؏ امهن
خليت وگمت ردت اغسل ماكو
اله اطلع برة وكمال مايقبل
باوعت لبرة ماكو احد طلعت ؏ كيفي
و وگفت اغسل وجهي
فتحت عيوني والگه واحد گبالي
اخترعت وخطواتي صارت لورا:-منو انتَ؟
_انتِ منو؟
سكتت خايفة واني اباوع للباب
مال الشارع ردت ارجع لزم ايدي وجرني
شهگت فازة وصحت:-وخررر
:-بس كولي منو أنتِ؟ ماعدنه وحدة بجمالج احنه
ملاك:-وخرر ادبسز ساقط مامتربي اصيح هسه والم الدنيا عليك
ضل لازم ايدي حطيت ايدي الثانية
؏ ايدة اوخرة وهو يحجي ويتغزل
سمعت صوت صاح:-فرررررراسسس
واني اعرف هذا يا صوت
كلبي نزل للكاع ورجع لمكانة دموعي صارت تنزل
وخرت بسرعة ورجعت لورا
فراس:-ولك هاي منين تعرفها؟ تخبل
وصل يمه وشاله من خوانيگة وصاح بي:-اي هسه أعرفك هاي منوووو
وباوعلي وخزرني وبنفس النبرة گال: -طبي جووووووة
رجلية ترجف صارت
خنگة حييييل بحيث الولد صار ازررررك
وسحله للمكان الجانووا بي مخزن بحيث
جانو ثنينهم مصخمين بالصخام
دخلت ارجف لجوة وامسح دموعي
تلگتني رندة تعبانة وبتها بيدها زغيرونه
ترضع:-شتسوين برة ملاك
ملاك:-شسمة... أغسل جنت البنات گلولي برة
رندة:-ادخلي ادخلي لا يجي احد خلي اسد الباب
دخلت وهي سدت باب المطبخ
گعدت ؏ الكرسي ارجف
شراح يسوي كمال؟
يمة شورطني وطلعت لو ضالة يم امي
اشرفلي طيح الله حضي هسه يخزيني كمال
يمة ساعة وطلگني ردت احجي لوردة بس هاي تفضحني
_هاي جنتكم رندة؟
رندة:-اي هيه هاي مرت كمال
_همم حلوة
ابتسمت واني اباوع لرندة تبتسملي والبنيه
بصفها:-هاي حماتي
هزيت راسي وگلت:-تشرفنه
وضليت مدنگة اكرض بأضافيري
شوية وندك باب المطبخ
رجف گلبي من سمعته كمال
يگول لرندة:-صيحي ملاك
اخذت نفس وذبيته اشرتلي شكو؟
رحت لكمال واني مدنگة راسي واعض بشفتي
كمال:-لبسي عبايتج وتعاي بدون حس
ملاك:-امي انتضرها
خزرني اكثر:-يحتاج أعيد الكلاممممم؟؟
ملاك:-بس أگللها وأجي
بنفس الخزرة ورث جگارتة وباوعلي
صفح
معقولة اخذ عني نضرة مو حلوة؟
دخلت اريد أكول لأمي شفت النسوان
وهوسة ماكو محط رجل
اذا اطب معناها اوگع ؏ نسوان
أأشرلها ماتشوفني عفتها ورحت اخذت
العباية وردت اطلع وگفتني وردة:-شكو صاير شي!
ملاك:-بعدين اسولفلج
وردة:-روحي روحي
عفتها ورحت لبست عبايتي وطلعت
جرني من أيدي وگفتة:-بس اللبس حذائي
عت ايدي بنتر واني دنگت اللبس الحذاء
طلعنه للسيارة ومشة بينة
يسوق بسرعة واني كل ساعة وطلعت شهگة
فالته مني
ملاك:-كمال والله مـ....
ضرب الستيرن اكثر من مرة وصاح:-أسكتتتتتي أسكتتتتي
سكتت واني ابلع بريگي لحد ما وصلنة
للبيت روحي طلعت
اول ما وصلت تقيأت
لزمني من زندي ودخلني جوة
وفتح المغسلة وغسل وجهي بأيدة يعصر
وجهي حيل دفعته عني وخزرتة:-دير بالك كمال!!!!
غسلت وجهي ونشفتة ودخلت ورا
وهو يطحن بالجگاير
لحد ما وصلنة مخلص باكيتين و وگفنه
بالدرب اشترالة بعد باكيتين
وهسه فاتح جديد ايدة ترجف وهو يورث
الجگارة:-ولج هسه اذبحج اكتلج اموووووووووتج گليلي شسوي شسووووووي
گام وعصر زنودي وهو حاد ؏
سنونة:-گتلج ماتطلعييين لووو ماگتلللللج؟؟؟؟
سكتت رجع عاط:-گتلج لوووووو ما گتللللللج؟؟؟؟
هزيت راسي بـ أي
كمال:-جا ليش تطلعين بعدددد؟
ملاك:-ردت... ردت أغسل... والله
كمال:-وجووووة ماكو نعلللل ماكووووو
ملاك:-والله هنه.... هنه گالن... شسوي
عافني وضل يفتر
لازم شعرة وهو يهمس:-اني اعلمك يـ.....
اني اعلمك
گعدت ؏ قنفة وضليت مكمم حلگي
بأيدي
واني اباوعله بخوف
گعد هو گبالي و عيونه صارت تخووووف
ملاك:-كافي تباوعلي هيج كافي اني شعلية
دار وجه وهز راسة:-يالله يالله
لج اني اعرفهم ولد خوالي شنو اعرفهم
رب النذالة ذووولة اني اختي ماخليها تطلع گبالهم انوب انتتتتتتي طلعتيلي صفح منين منين
گمت وگعدت بصفة:-كافي يلا راح تموت من العصبيه شو باوعلي
اخذت راسة بين ادية وبستة بخدة
ملاك:-كافي تمام؟
كمال:-شجابج للنعل شجابج الله ياخذني واخلص
حجاها وجرني لحضنة وباس شعري
كمال:-ماريد احد يشوفج ولا يلمحج اصلا
ولج والله اموت شو باوعيلي
دارني علي وباس گصتي
اكثر من مرة وخله شعري لورا:-اني مريض نفسي
مرضي أسمة أنتِ ، مرضي أغاااار عليج من الهوة
لا مو من الهوة من امج
من خواتج
حتى من جاسر اغار افتهمتيني؟؟
هزيت راسي واني امسح وجهي رجع
باسني بخدودي وهمس:-آسف أحبج والله أحبج
ابتسمت وخليت راسي ؏ صدرة
دگ موبايلة طلع من جيبة
وجان مكتوب "عمتي أيمان"
عرفتها أمي اكيد وردَ گايلتلها
طگطگت اصابيعي وهو رد:-ها عمة
سمعتها كالت:-هله بعد عمتك ملاك يمك؟
كمال:-اي يمي
أيمان:-وين انتوا؟؟
كمال:-بالبيت
أيمان:-يا بيت؟؟
كمال:-بيتنه يا بيت
أيمان:-ليش رحتوا لهناك ملاك بيها شي؟
كمال:-اي صخنت شوية وجبتها
حجاها وغمزلي
ابتسمت
أيمان:-شبيها انطنياها مو جانت زينة يمي
بعد التلفون عن أذني وهمس:-سوي روحج مريضة
ضربتة بجتفة وهمست:-ماجذب ؏ امي اني انطيني
كمال:-بس هالمرة لخاطري
اخذت التلفون واني اباوعله بنضرة
شيطانية وهو يبوسني ؏ كيف بخدي واني ابعدة
ملاك:-ها أمي
أيمان:-ها يبعد أمج
ملاك:-هيج مصخنه ودايخة رجعني كمال لايضل بالج
حجت وياي شوية وراحت
ضلينه صافنين اني وكمال:-هسه انتَ رجعتنه بهالمغربية هاي هسه شنسوي بلا؟
كمال:-ننام
ملاك:-لا بالله
كمال:-والله
وسحب كوشتين من التخم
وذبهن بالگاع وسحبني من ايدي صرت
فوگاه فتح شعري وشمة
وسحب عبايتي وتغطينه بيها
ضل يلف بشعري لحد ماااااا نمت
فزيت ؏ صوت امي وتهز بية
أيمان:-صدك جذب شنو هالوضعية هاي
استحيت من نضرتها النة
كمت عن كمال وهو فتح عينة وباوع لأمي
كمال:-ها عمة أجيتو
نترت أمي:-اي
كمت بسرعة بسرعة لبست شالي وعدلت ملابسي
وكمال ملفلف روحة بعبابتي:-كمال انطيني العباية وكوم كافي نوم
كمال:-والله تدفي عبايتج خليني بس شوية
اباوع لأمي تخوزر بينة وتهز برجلها
كرصته بزندة وهمست:-امي راح تگوم تكتلنة ثنينه والله
كمال:-تؤ استغفر الله
انطاني العباية وگام:-شبيج عمة شجابج
ايمان:-صدك بلا؟ لو طاب واحد غيري وشايفكم بلا
كمال:-منو يطب متكليلي
أيمان:-ديلا گوموا الساعة بثمانية يلا
كمال:-عمة جوعان
ضحكت امي:-گوم يلا خلي اسوي عشة تعالو وراي
طلعت أمي واني ارتب نفسي ؏ مراية
حضني من ورة:-ولج شوكت اخذج
ملاك:-اضل حسرة بكلبك هههههه
دمغني وهمس بصوت نعسان:-اسم الله ليش تضلين حسرة ادبسز اخذج لو بالگبر تنامين انام يمج
ملاك:-كش ماخلص منك
كمال:-تؤ حبيبي متخلصين
ملاك:- يلا لا امي تجينة
كمال:-اخ يا عمة اخ هسه اذا الزمهااااا
ملاك:-ايييي شتسويلها يمة؟
حجة بخفوت:-أبوسها
ضحكت بصوت عالي وضربتة
لبس وطلعنة نمشي والهوى دافي
يضرب بوجهي وعبايتي تطير والزمها وايدة
تعصر بأيدي كل شوية
وصلنة للبيت دخل وياي للمطبخ
تطافرن
ريم وملك لان ما لابسات حجاب
سحب نفس عميق واني اشم ريحة
الطبخ بدون ما اسأل عرفتها شنو
صاح كمال:-اللللله لك شنو هالابداع شنو هالريحة التشك شمسوية عليج الزهرة
أيمان:-عشة بسيط سريع
كمال:-شمسوية لا أهجم؟
أيمان:-ههههههه لوبيا حمس وياها بصل
وبتيته كلي وطماطة وخيار خبز حار وجاي شتريد بعد متگلي
كمال:-يابوية يابوية
أمي وين تيهتني راح تكتلوني
ملاك:-اكل امي ميتفوت حبيبي
كمال:-يا بعد الحَبيبي
انتبهت ضميت شفتي بخجل كبال أمي
كرص خدي وراح درت ؏ امي ابتسمت
أيمان:-أدبسز ليش مكلتيلي رجعتي ضلت روحي لايبة حتى مادري بيج كمتي من يمي
ملاك:-بعدين اسولفلج سالفة من سالفة
زغرت عيونها:-شكو
گرطت خيارة وكتلها:-بعدين بعدين
أيمان:-ماتجي من وراج غير الطلايب
ضحكت ونزعت عبايتي بقيت بالبنطرون وقميص قصير فتحت شعري ذيل حصان عالي
وكعدت ارتب ويا امي
اخذت السفرة ودخلت للاستقبال لكيتة
يصلي فرشت السفرة
وصرت اجيب بالأماعين همس من وراي:-يا عيني يا عيني
ملاك:-هههه شنو هالگد جوعان لعد ليش مكتلي؟
كمال:-جوعان وتعبان والنوب انتي علية
يابوية شراح يصير بيه
شعندج فاله الشعر طرگاعة ؏ راسج ولفتج
ميلت شعري لغير جهه:-شنو تغار؟
رفع حاجبة وهمس:-اشتعلوا اهلج
دخلت امي سكت
حطينة الأماعين وصبيت الجاي
وكعد ياكل بشهية ترتيب امي للاكل كارثي
الأم العراقية بأختصار مستحيل
تسوي نوع واحد لازم تضيف لمساتها ؏ أكل
أكل عراقي بحت
ابتسمت من خلصنة وهو اخير واحد كام
شلت الاماعين امي كالت روحي
لزوجج
گعدت بصفة بست خدة
كمال:-ستوني ماكل شبعان
ضحكت عضيت شفتي السفلى واني
افكر صار الوكت اكله
تحمحمت باوعلي هوَ توترت لزمت
أيدة:-كمولي
كمال:-ها عيني
وهو مدنك يخوط بالجاي
ملاك:-راح ينسد تقديم ؏ الجامعات
كمال:-امممم
حرت شگلة اسأله لو اطب بالموضوع گبل
ملاك:-معدلي عالي حرامات
باوعلي مصغر عيونة وهوَ ؏ نفس
الحركة يخوط بالجاي:-وشَنو تردين تدخلين جامعة؟....
