رواية لست غجرية الفصل السابع بقلم روز الحيدر
نسر : بشحمه ولحمه.
نهضت بسرعة الخوف ضرب بصدري
وردة : هاا باهر هو گلك تسوي هيج؟
وجهت صوتي للباب صحت
: باهرررر!
هز راسه بنفي بهدوء غريب
نسر : لا والله… أساساً الفكرة إجتني من شفت
الصور شلون حركتي ضافر
وردة : شتريد مني؟يعني تريد مقابل لان حذفت
الصور؟ لازم اساعدك!
هس راسه بخفه
نسر : لا... الله يشهد
رجعت خطوة صوتي يرتجف
وردة : عفية لا تورطني وياكم... خليني أرجع حبوبتي وحدها ويضل بالها
نسر : گتلج أريد مساعدتج
سحب نفس وقرب خطوة
نسر : جوري لا تضيعي تعبي.. والله لو ما الموضوع مهم جان ما طلبت منج
وردة : دور غيري.. ما أريد أدخل وي سلطانة
نسر : كلهن وفيات إلها غيرج ماكو
ضيگت عيوني
وردة : انت هم تاجر لو شنو وضعك؟
ابتسم بخفة
نسر : لا... أني أكافح الحشرات
عصبت
وردة : افتح إيدي! أرجع لحبوبتي قبل لا يصير بيها
شي
قرب أكثر صوته هدوء بس بيه تهديد
نسر : ما أفتح... شتسوين؟
اشرت بحواجبي
وردة : مثل ما سويت بصديقك
ضحك، حك خده
نسر : لكدامج مو باهر.... نسر
برطمت شفتي
وردة : وشلون ثنين! عوفني اولي لاتورطني وياك
بعدين تعرف باهر اذا عرف انت خاطفني شنو ممكن
يسوي بيك
هز راسه
نسر : امم اعرفه مخبل يعتبرج شي من ممتلكاته
وردة : افتح أيدي وخليني اولي لان حتى اني ما
اخلص من خباله يروح يفكرني اردله الخيانة
نسر : بس باهر مارح يعرف
وردة : حباب لاتورطني
نسر : خلينا نحچي بعقل.. گتلك أحميج
وردة : روح احمي نفسك.. أول ما أطلع أبلغ عليك
خطف وتجارة!
ضحك بصوت عالي
نسر : يله بلغيني.. أني الحكومة والقانون
عقدت حواجبي
وردة : شنو؟
قرب وبصوته واطي كال
نسر : نقيب… بمكافحة المخدرات
ضحكت باستهزاء
وردة : مشي سوالفك على غيري
نسر : جوري لا تشلعين گلبي... الموضوع صدك
دك موبايله شاف الاسم قبل ميرد كال
نسر : اششش.. باهر ماأسمع صوتج فهمتي؟
هزيت راسي بعناد
وردة : ما والله اصيح خطفني
صاح الصديقه
نسر : وينك
ماارد عليه
وردة : عليك الله افتح ايدي احس امتوني
نخلعت حباب
نسر : بس ماسمعلج نفس؟
وردة : اي
نسر : حلفي
وردة : مااحلف صدك
طلع حربة صغير كص الشناطة.. بس بنفس اللحظة
لف شعري على إيده مانعني من الحركة
همس
نسر : ولا نفس فهمتي؟
هزيت راسي... فتح الخط
نسر : هلا والله
قربت أسمع بس راسي هم حتى مايوجعني وهم
اتسنط، نسر فتح مايك اجه صوت باهر بوضوح
باهر : وينك مختفي؟
نسر : تعبان شوية
باهر : خير؟
نسر : يمكن برد كول شكو؟
باهر : كتلي اذا رحت للقرية نطيني خبر
نسر :اي اي
باهر : يله تعال راح أروح أراضي جوريتي
أشو شد على شعري بقوة كال
نسر : هااا تراضيها؟ يمتى؟
باهر : نص ساعة وأطلع... أشتريلها هدية
نسر : شتاخذلها؟
باهر : شعليك بابا شي خاص
كل مايحجي يشد شعري
نسر : لا اكول خاف ماتعجبها
باهر : ولك بس بس خليها ترضى
نسر : لا تروح... انتظرني
باهر : تمام مو تتأخر
سد الخط…
وبين ما هو مشغول رفعت تنورتي بهدوء... سحبت الخنجر وحطيته على خصره
رفع حاجبه، ابتسم
نسر : ميلوگلج ذبي
وردة : عوفني
نسر : أول مرة أشوف مجرم كتكوتة
قويت الضغط أكثر
وردة : دير بالك من الكتكوتة داخلها وحش مفترس
تشرب دم اللي يأذيها
ضحك
نسر : شكم واحد كاتلة قبل؟
وردة : إن شاء الله.. انت أول واحد
شد شعري أقوى وأنا ضغطت أكثر بالخنجر
وردة : حباب عوفني
نسر : هااا صرت حباب! زين بس خلينا نحچي.. وبعدها أوصلج للباب.
نبرة قوية
وردة : مستحيل اثق بشر
رخه أيده من شعري
نسر : بس احجي وياي وبعدها كتلج اني اوصلج للباب
هزيت راسي لان احس شعري تكطع
وردة : احجي نشوف اخرتها
وببطء.. بعدت الخنجر عنه بس عيوني بعدهن عليه
مو ثقة.. إنذار هو هم فتح شعري من أيده بقت شكم
شعره بأيده صار بسحبها ويلفها كال
نسر : تصيرين حبابه اصير حباب متفقين؟
وردة : اممم
كعدت على فراش والخنجر بأيدي وايد اعدل شعري
قبل مايكعد طلع موبايله
نسر : شوفي رح احجيلج كلشي بالدليل
مد أيده لازم الموبايل
نسر : هذا صوري اني بالمكتب بالدوام
باوعت للصورة ورفعت عيني عليه
وردة : اشو هسه عندك لحيه!
نسر : اي صار أشهر بعيد عن الدوام بسبب هل شغلة
طلعت
رفعت حاجبي مو مقتنه، كال
نسر : واسمي مو نسر
فتحت عيوني بوجه بدهشة
وردة : هاااااااا
ضحك
نسر : اي والله بس مااكلج بي لحد ماتكمل المهمه
خاف تغلطين وتصيحيلي بي
برطمت شفتي بستهزاء
وردة : واثق هواي!
رفع عينه بوجهي
نسر : عدو عدوي صديقي
وردة : بس ماكدر اثق بيك
هز راسه رجع طلع صور ضافر لما جان بحيله فتحت
عيوني
وردة : وماتخذو يعفن بالسجن شكو مخلي؟
نسر : عدنا اسبابنا بس سلطانة لحد الان ماعدنا دليل عليها
وردة : زين باهر يعرف حقيقتك؟
هز راسه بنفي، سكت دنيت نفسي له بلعت ريكي بخوف
من جوابه
وردة : لا تكول باهر وياهم!
رفع عينه بوجهي مستغرب ركز على عيوني
نسر : مو على أساس تكرهينه؟
وردة : مااكره بس اكره تصرفاته
بتسم بستهزاء
نسر : لو تكرهينه صدك.. ليش خفتي هيچ؟
لفيت وجهي عنه بسرعة
وردة : شكو؟ عادي سألت أريد اعرف باهر
متورط لو لا
ابتسم بخبث
نسر : لا مو عادي هذا خوف
سكتت،.. كمل وهو يباوع بعيني مباشرة
نسر : لا تخافين..
بلعت ريكي بخوف
وردة : متأكد؟
نسر :بس خلي كلامي حلقة بأذنج باهر مو مثل
ماتتوقعين.. ومو بريء مثل ماتتمنين
نزلت عيوني ما عرفت اجاوب بنبرة خفيفة
نسر : واضح مو بس تكرهينه..
رفعت عيني بسرعة ضحك بخفة
نسر : تمام..
سكت لحظة وبعدين رجع جدي
نسر : بس ركزي موضوعنا سلطانة، مو باهر
وردة : بعدني ماصرت وياك
نسر : شمنتظرة!
وردة : افكر... خليني افكر
نسر : تمام
وردة : خليني وحدي
نسر : هااا
وردة : اي اريد ابقى وحدي
نسر : واذا يمج ماتفكرين؟
هزيت راسي بنفي نهض
نسر : رح اوكف بالباب من تخلصين تفكير صيحي
هزيت راسي بأيجابية، رفع أيده يدعي
نسر :اييي ربي خليها هيج خرسة ومطيعة
طلع بس بقى الباب مفتوح اني على كعدتي الخنجر
بأيدي صرت اضرب الكاع بي بخفه يترك اثر طبره
خفيف... وعقلي صار دوامه مااكدر اثق بي بسهولة
بعد دقايق صحت
وردة : ابو السوس
دخل عاض شفته بس غمازت خده بارزة واضح كاتم ضحكته
نسر : منو ابو السوس؟
وردة : انتَ
هز راسه
نسر : ها فكرتي؟
وردة : اسمع اني بنفسي مااثق
عقد حواجبه
نسر : والمطلوب؟ افهم ماتوافيق؟
وردة : نفرض وافقت قابل هيج اساعدك لوجه الله
طبعاً لا
نسر : المطلوب؟
وردة : اريد تحرك بيت ضافر
عقد حاجبه بأستغراب
نسر : ليش؟
وردة : مو كلت عدو عدوي صديقي!
نسر : نفرض حركته شنو تستفادين؟
وردة : ولائك ألي
ضحك
نسر : دتحسسين داحجي وي وحده عدها خلية
ارهابية
وردة : كول هيج لان عندي شياطيني وللصراحة
هذا طلبهم حتى يوافقون
رفع حواجبه
نسر : عجبوني شياطين اذكياء والحلو بيهم مايثقون
بس كليلهم اذا وافق وحركه ممكن العملية تتأجل وهل
شي يخلي سلطانة تغير او تتأخر عن الوقت المحدد
وتاخذ وقت
وردة : تخليني اكتل ضافر بأيدي واشرب من دمه
نسر : يععع تشربين دم نكس ولج
احجي النفسي
وردة : هم صح هو دمه نكس مومثل دمي عسل
ضحك
نسر : هاا!
وردة : زين بس اكتله وطلعني براءة
نسر : وليش تگتلين شخص هو اساساً ميت؟يعني
شيصير بي أكثر من الصار ولو بقى عايش رح يدخل
السجن
وردة : اشو قنعتني، هم صح خليني اتلذذ بتعذيبه
نسر : اي والله لاتلوثين ايدج بالدم
وردة : زين باهر اذا وياهم شلون؟
نزل راسه
نسر : مو وياهم
وردة :زين بس اريد منك شي ممكن؟
نسر : كولي؟
وردة : بس تشوفلي مكان خارج هل قرية اني ماعرف
ومااندل هواي
اشر على عيونه
نسر : ادللي بعد شعندج اشوفلج بيت
وردة : تسلم بس لاتفكر يعني انت تدفع شي مااطلب
منك اني عندي فلوس بس ماعرف شكد اسعار البيوت
محد يساعدني وجدة شوف عينك مره جبيرة اخاف
اخذها ونطلع وحدنا خاف يصيرلها شي لا سامح الله
عمري قبل عمرها
نسر : الله يحفظها، بس سؤال؟ ليش يعني تردين
طلعين؟
وردة : يخوي هي مال ليش! ماتشوف وين عايشة
بنص الكاولية وسلطانة تعرف شغلتها وباهر ورند
شوف عينك
هز راسه
نسر : هاي هي أخذي كلمة وعد شرف مااعوفج ابد
وردة : اول مره راح اثق بشر ان شاءلله ماعض
اصبعي ندم
نسر : وعد مااخليج تندمين ولا ممكن تفكرين بندم
وردة : هاي هي ان شاءلله
بتسم
نسر : موافقة؟
بتسمت هزيت راسي، ضحك وزفر نفسه بقوة ردد
نسر : الحمدلله ان شاءلله ماخيب ضنج
هزيت راسي
وردة : ان شاءلله، يله خليني اروح جدة هسه ضل
بالها
نسر : يله أوصلج
وردة : لا مااريد احد يشوفني بسرعة يدكون خبر
الباهر وهذا مخبل عبالة اخونه
نسر : لا امشي محد يشوف
وردة : وشلون اذا لاكانه؟
ضحك
نسر : لا هسه هو ديسوي بنجر السيارة
وردة : شمدريك؟
نسر : هسه امشي واكلج
هزيت راسي، طلعت من الغرفة اشوف بيت عادي
مثل البيوت ليمنه طلعنا للحديقة واسعه وسيارة
صافه بيها وهذا الضربته كاعد يشرب جكاير بس
شافنه نهض ورجع خله أيده على مكان الضربة
كتمت ضحكي ودرت وجهي
نسر : هههههه هااا يمعود شبيك!
: يراد البس درع
ضحك
نسر : خليك اني ارجعها
: تسوي فضل والله، عاد وافقت؟
نسر : اي
وصلت يم السيارة ارد افتح الباب للكشن الخلفي
صاح
نسر : سايق يم الخلفوج؟
وردة : ليش؟
نسر : كعدي كدام
أكيد ماعنده نية قذرة مثل باهر، رجعت فتحت الباب الصدر صعدت هو هم صعد قبل مايشغل مد ايده صحت
وردة : هوووب
فتح الجكمجه كال
نسر : وجع شبيج!
وردة : ها! مابية عبالي تريد تلزمني
طلع موبايل قدمه، بستغراب
وردة : شنوو؟
نسر : اخذي ألج
لفيت نفسي له
وردة : يخووي شو ماتستحي طلبت منك؟
خلا ع دشبول شغل السيارة هز راسه بنفي بدون ميباوع
نسر : وشنو يعني! هذا يفيدنا حتى اتواصل وياج
وردة : ماحاج اتواصل وياك من موبايل جدة
نسر : لا هذا بي كامرة خاف تصورين وفعلت بي نت
وردة : ترا ماعرفله
نسر : عادي تتعلمين، اخذي وبس رقمي بي
سكتت مديت أيدي اخذته
نسر : خليته هزاز
وردة : اي اشو اتصل
طلع موبايله اتصل سحبته الخضرة نفتح اتصال
رجعت لمست لحمرة نسد
وردة : هاي هي عرفت
نسر : هههههههه لعد اخذيلي صورة
وردة : منين؟
صف على جنب اشوف الطريق نفسه والبيت لي جنت
بي قريب على محل لي اشتري منه المحل صار كدامي
نسر : شوفي هاي، وتضغطين هاي تصير صورة وهاي
فيديو
اخذته اجرب هو عباله اصورة بقى صافن مايتحرك
واني اخذت صورة النفسي
نسر : ها؟
وردة : تخبل
نسر : اشوف
شوفتها له
نسر : عبالي تصورين
وردة :وشعندي اخلي صور رجال بمبايل! بلكي شافو
شكلهم؟ لو ألزم قفل الكعبة واحلف باهر مايصدك
نسر : تخافين منه؟
شغل السيارة كمل الطريق
وردة : لا...
حتاريت وين اضم المبايل رفعت التنورة وخليته بجيب
البنطرون ماصار رجعت لفيت وجسمي نص لفه على
جامه وضميته بصدري صار تقريباً تحت ابطي مابين
ونزلت شعري..
نسر : ضميتي
وردة : اممم
شفت تعدينا المحل
وردة : ارجع ارجععع
نسر : شكووو؟
وردة : ارد اشتري
زفر نفس وهز راسه
نسر : كولي اريد اشتري شبيج!
تلمست الفلوس بصدري رجعت لفيت وطلعتهن
نسر : شتريدن اني اجبلج
قدمت لفلوس
وردة : اريد رصيد واريد ككاو وجبس
نسر : تمام
راد ينزل بدون ماياخذ الفلوس مني
وردة : هااك اخذ
نسر : رجعيهن بابا
وردة : ولبابه تلبب اعضامك
نسر : شبيج شاخطه!
وردة : اكلك أسمع ماحب هاي السوالف عفية
مااتقبل اي شخص يصرف علية فلس فتهمت
سد الباب بقوة رد بعصبية
نسر : نزلي شتري وتعاي بسرعة
بدون كلام نزل ركض شتريت ورجعت بسرعة
حرك السيارة شفت المرجوحه
وردة : بسببك ماتمرجحت
نسر : شنو؟
وردة : اجيت اشتري واتمرجح وخطفتني
نسر : اعوضج بعد مانكمل شغلنا
بتسمت واني اتخيل اليوم لي اضرب جناحي واطير
واخلص من هل قرف لي عايشته، لفيت له
وردة : شلون تعرفت على باهر؟
سحب نفس
نسر : سالفه طويلة نكمل وعدنا وگت نكعد واسولفلج
كل شي
وردة : زين شمدرك باهر صار عنده بنجر؟
نسر : زين ذكرتني
خفف السرعة يمكن يمشي على واحد ، اتصل وفتح
مايك
نسر : ها وينك شو ماكو؟
باهر : لكيت السيارة تايرها منقص هوى كملت وجاي
بالطريق
نسر : لعد رحت للقرية كلت راح وخلاني
باهر : تمام روح اني اتأخر اريد اخذ لجوري هدية
نسر : يله انتظرك بالبيت
باهر : تمام
سد الخط نظرتله بجدية
وردة : مااريد باهر يتأذه
رمقني بنظرة عدم رضا
نسر : حتى لو كان وياهم
بلعت ريكي وسكتت
نسر : باهر غبي واعمى مايشوف شكد عيونج
تحبه
نزلت راسي
وردة : مااحبه
ضحك بستهزاء
نسر : مره جان مفول وصاعد الراسه وحجالي
عنج قبل مااشوفج.
رفعت عيني له
وردة : شحجه؟
نسر : من البداية للنهاية، اساساً من يفول اسمج
مابنزل من لسانة لدرجة صار فضول اعرف منو
ورد جوري!
نظرلي و رجع نظره عطريق
نسر : وشفتج اول مره
وردة : من ركصت؟
هز راسه
نسر : اي لحد ما سمعت صوتج واجيت يله عرفتج انتِ
ورد جوري
وردة : باهر سولف كل شي؟
هز راسه
نسر : يمكن بس مااتوقع ضم شي بده من صداقتج
وي رند
سندت راسي على جامه
وردة : مو صديقتي جانت أختي
نسر : اوصلج للبيت ماكو احد برا
وردة : ياريت احس نفسي تعبت هواي
نسر : احمم...
لفيت وجهي له
نسر : سمعتي يريد يراضيج
وردة : اممم مو اول مره بس مااخذ منه شي
شفت رند من بعيد بسرعة نزلت نفسي
وردة : كول ماشافتني!
نسر : لا مانتبهت اصلاً
وردة : راحت؟
نسر : هستوها دخلت للبيت
وردة : اوكف هنا ونزلني
نسر : وصلت ماضل شي
وردة : نزلني لا تورطني ويشوفوني وياك
نسر : اصف بسد الشجرة ونزلي حتى ماتبينين
وردة : اي.. اي
صف والشجرة صارت سد نزلت من السيارة محنية
صاح
نسر : من توصلين للبيت خابريني
وردة : اي.. اييي
بس اريده يروح شخط السيارة وراح خليته يبعد يله
طلعت من الشجرة واسويها ركضه للبيت، دفعت الباب
دخلت صحت
وردة : حبوبه وينج أجيت
ماكو، دوتها الدار واصيح هم ماكو رجعت طلعت
اصيح... واسأل عنها الصغار محد شافها عقلي طار
صرت اركض مثل المخبلة واصيح، لحد ما دخلت
فرع ب واشوف جدة بالباب وياها سمر وسهام
ركضتلها مفرفحه
وردة : حبووووبه
شافتني فتحت أيدها حضنتها صارت تغلط ذاك لغلط
واني اخذتها اشمها وابوس راسها وارجع ابوس ايدها
جدة : ساويني ميتة ولج وريدة وين رحتي!
وردة : اعذريني حبوبه
جدة : گلبي وكف من الخوف هل أجيت للبنااات
يلحگنج خفت واحد يخطفج
وردة : منو يخطفني وأني ترباتج أرجعه البطن
امه غير.
جدة : ليش تأخرتي!
وردة : تمرجحت گتلج اتأخر لايضل بالج
سهام : گالت روحو شوفها خافت صايرلج شي
جدة : كلت لو نخطفت لو نزل سكرها وكعت محد
يمها
رجعت حضنت جدة وابوس راسها ضربتني بخفه
جدة : أمشي حسابج بالدار لهزرج تهزر
بخوف
سمر : جوري وين رحتي حبوبه أجت تموت من
وراج
وردة : من عمري لعمرها كتلكم نسيت نفسي واني
اتمرجح وكتلها اتأخر لا يضل بالج
سهام : يله الحمدلله ماصار شي
جدة : يله أمشي
رجعنا للدار بس اني وجدة وطول الطريق ترزل بية
واني اضحك لو ابوس راسها دخلنا للدار سديت الباب
وكعدت ميته تعب احس بدوخه لزمت راسي يله جدة
سكتت واجت
جدة : شبيج وريدة وجهج اصفر حبوبه گلبي راح
وردة : ماكو شي يمكن من الخوف نزل سكري شوية
جدة : منهو خوفج!
وردة : من رجعت وماشفتج مدري صارلي
جدة : ياحبوبه نشف دمي عليج گلت هسه خطفوها
سولها شي منو ألها
حضنتها ومدري شبيها عيوني بجت
جدة : ولج صاير وياج حبوبه
بعدت عنها مسحت دموعي
وردة : خفت عليج
جدة : بسج عاد حبوبه
سحبت نفس رتاحيت شوية واخذت العلاكه اكلت
ككاو وعبيت رصيد، ثواني واحس شي يوز بصدري
جمدت بمكاني فتحت عيوني ، شلون اطلع المبايل!!
سكت ثانية ورجع يوز، اخر شي طلعته وفتحت خط
وسكتت اجه صوته
نسر : جوري
وردة : ها
نسر : ضل بالي عليج ليش ماتردين صار وياج!
وردة : ماصار
نسر : باهر اجه؟
وردة : لا
نسر : اممم
دخلت جدة شافت المبايل بأذني فجها وكع من الصدمة عاطت
جدة : ولج بربوگ تخابرين ولد
وردة : اي هذا هم حضي
نسر : هههههههه هااا صادوج
جدة : ادور عدج موبايل نعيلت ابو اصلي ماعرفت
اربيج ستفلگتي الوضع
وردة : يااا حبوبه شبيج! نوب ولد!!
اسمع نسر يضحك سديت الخط جرتني من شعري
جدة : هسا تكولين ويامن تحجين؟ وحك الله ازينج
صفر واربطج وي الغنم
وردة : يااا صدك تحجين هسه افهمج بس عوفيني
هنه شعرايتين براسي هلستوهن
دفعتني بقوة
جدة : سولفي لااهزرج تهزر
وردة : صار والله احجيلج كلشي صار... من طلعت منا
سولفتلها كلشي صار نوب زادت صارت دك وتلطم
وردة : هسه اخابرة يجي يحجيلج بنفسه
اخذت المبايل اتصلت رد
نسر : ألووو
وردة : هسه تجي بسرعة
نسر : شكو بس لا حجيتيلها
وردة : اي تعال فهمها
نسر : يله جاي
سد الخط
وردة : هسه يجي طلعيله لا تخلي يفوت باهر اذا عرف
يسوي مصيبة
جدة : ياحيف بيج
نزلت راسي بجيت نهضمت من كلمتها، بصوت مكسور
وردة : والله وغلات راسج ماسويت شي هو خطفني
وماجذبت عليج بشي ولو رايده اضم عنج مااخليج
تشوفيني وكلش تعرفين مااضم عليج شي
جدة : وريدةة شلون تأمنين بالغريب!
وردة : جدة الغريب حذف الصور ومعادي سلطانة
گتلج ارد انتقم منها وهاي فرصتي.
جدة : وشدراج موش فخ حتى يلزم عليج لزمة؟
وردة : كتلج شوفني كلشي
جدة : هسا يجي وافهم منه
بقيت منزله راسي دمعتي بخدي، ماتأخر هو بالقرية
دقايق سمعت صوت سيارة نهضت صاحت
جدة : ثگلي ولج
سكتت وهي فتحت الباب نسر سلم عليها اني وراها
ماردت السلام
جدة : شوف ولك من حذفت الصور گلبي مارتاحلك
موش كلت عنده سويلفه وهل طلعت صدك
نسر : حجيه قسماً بالله ماعندي اي شي يضركم وردة
لو اعرف اضحي بروحي في سبيل احميها
جدة : وتخطفها؟
نسر : هنا اني غلطان واعتذر منج ومن وردة بس لو
رايد احجي وياها مايصحلنا فرصة ومااخذ راحتي
واسولفلها كل شي
جدة : منو يكول تصدج وياها بلكت هذا ملعوب منكم
انت وسلطانة وباهر
نسر : طمني باهر يأذي نفسه بس مستحيل يأذي وردة
ولو راد يسوي شي فيسوي بنفسه اعرف يغار عليها
اما سلطانة لو اني وياه جان الصور من زمان صارو بابدها
جدة : والمطلوب؟
نسر : طبعاً بعد موافقتج اريد وردة تساعدني بس
بشغله وحدة واكيد حجتلج
جدة : ارد اسمع منك
هز راسه وبدء يشرحلها كل شي، وكل شوي يتلفت
خاف احد يجي لو يسمعه
جدة : وريدة اذا صارلها شي ماارحمك
بتسم
نسر : بعيوني وبروحي احميها
جدة : ان شاءلله توفي وياها وتكون عد كلامك
نسر : ان شاءلله
اني واكفه ورا جدة ومنزله راسي اضرب اضفر بأضفر
كال
نسر : هههه شبيها زعلانة!
جدة : كتلتها
بدهشة
نسر : هااا ليش!
وردة : بسببك يخوي نضربت وترزلت
نسر : هههههه يله الحجية ايدها عافية
وردة : روح لايجي باهر ويشوفك
نسر : تمام .. واعتذر اذا سببتلكم قلق وخوف
جدة : كلها تهون من توفي بوعدك
نسر : الله يقدرني
رفع ايده سلم وصعد سيارة عفت جدة بالباب رجعت
لفيت راسي تمددت مقهورة، اجت كعدت يمي
جدة : ورد جوري
وردة : زاعلتج لاتحجين وياي
جدة : ولج حبوبه من خوفي عليج وتعرفين سلطانة
موهينه
بعدت الغطا عن راسي وكعدت
وردة : واني هم مو هينه، واذا ردت اعيش حياتي
واني مرتاحه لازم انتقم منها گتلج اصير وياها ورد
ناعم بس داخلي ينضح سم ومااضيع هل فرصه من
أيدي ولو نسر حاول يلعب بذيله وياي راح يشوف
منو وردة
جدة : ماخاف بس عليج
وردة : بس ادعيلي
جدة : ليش شعندي غيرج ها!
فتحت حضنها، حضنتها بكل قوتي وابوس بيها
جدة : الله يعلي حضج ويبرد گلبج حبوبه
: أمين
جدة : وبهير شتسوين ويا؟ لاعرف يتسودن وشلونه
هسا هو خيط وخيط
بعدت عن حضنها
وردة : ميعرف
جدة : ورند؟ لي سوته وياج أخاويج واخذ رجلج وخليج
وردة : خلي يشبع بيها، وخليني اذله أكثر وأكثر
جدة : شنهو براسج؟
سكتت لحظ رفعت عيني عليها وابتسمت
وردة : براسي؟... براسي هواي سوالف
جدة :احچي لا تخوفيني
نزلت عيوني، وصرت ألف خصلة من شعري بين أصابعي ببطء
وردة : راح ألعب وياهم نفس لعبتهم.
رفعت عيني بيها لمعة خبث
وردة : سلطانة تحب البنات الضعيفات؟
راح تشوف شلون الضعف يگلب سم.
جدة : مافهمت؟
ابتسمت أكثر... بهدوء
وردة : راح أرجع لها.. بإيدي مو غصب عني
شهكت
جدة : ولج وريدةة تخبلتي
لزمت إيدها
وردة : لا حبوبه… هاي مو خبال هاي حرب
سكتت لحظة… وكملت
: وأني راح أفوت بوسطهم..لحد ما أعرف شلون تشتغل شلون تهرب.. وكلشي
جدة : واذا عرفوا؟
رفعت كتفي بخفة
وردة : ساعتها نلعب على مكشوف
باوعتلي بخوف واضح
جدة : وإذا أذوج؟ إذا لعبوا عليج؟
ابتسمت
وردة : يلعبون؟خليهم يجربون
عدلت شعري ورا ظهري
: اني مو نفس وردة قبل هسه أعرفهم شلون يفكرون
جدة سكتت، بس عيونها بيها ألف سؤال
قربت منها لزمت خدها بيدي
وردة :لا تخافين.. راح أكون حذرة وكل خطوة محسوبة
وبنبرة أخف
: وبعدين مو وحدي… نسر وراي
تمتمت
جدة : الله يستر من هالنسر.
ضحكت بخفة
وردة : مو نسر… ذيب
طلعت المبايل
وردة : تعاي خلينا ناخد صورة.
عدلت شيلتها
جدة : شوفيني حلوة هيج
رفعت عيني عليها ضحكت وبست خدها
وردة : اوووف شيخية
جدة : يله اخذيلنا بس طلعيني حلوة
وردة : هههههه غير تخبلين
بقينا ناخذ سلفي اني وياها كومه اخذتلها صور
وردة : ياريت لو مشتيرية مبايل من زمان
جدة : ردي للولد واني اخذلج
وردة : اي بعد مااكمل شغلي ويا ارجعه... ياجدة
شلون اشحنه خاف يخلص
جدة : ماويا شاحن؟
وردة : ويا بس مااخذت الكارتون بقت عنده
جدة : كليله يجيبها
وردة : اي اي.. هاج انت احجي ويا خاف تكولين
تحجي وي ولد
ضحكت
جدة : لا حبوبه بس خفت كلت خاف واحد لعب
بعقلها
وردة : جدة هو باهر ماكدري تردين نسر يكدر؟
جدة : شمدريني حبوبه خابري وكليله ولا تعبين
المبايل عيب ردي جديد واني اخذلج واحد
وردة : صار
تصلت بنسر تأخر يله رد
نسر : ها حبيبي
وردة : حبك برص
ضحك
نسر : الحمدلله،الله يخليك انت شلونك؟
فهمت اكو احد
وردة : باهر يمك؟
نسر : اي والله
حجيت بهمس
وردة : عود باجر جيبلي الشاحنه خاف يخلص
شحن
نسر : صار تدلل اني اتصل بيك، حبيبي الغالي
الله وياك
سديت الخط، نهضت
جدة : وين
وردة : ابدل ملابسي
جدة : وشبيهن؟
وردة : متربات
طلعت تنور طويلة وبلوز ضيك لبستهن وفوكه لوشاح
بلتت شعري بمي وضفرته وبحرارة الفير سويته حتى
يصير ويڤي، كحلت عيوني و الحمرة الشتريتها بجوم فلوس اول مره اخلي هيج حمرة ملمسها يجنن تستاهل
سعرها غير لونها عالم ثاني، بعدها فتحت شعري بعثرته
صار منفوش ويڤي بطريقة حلوة ومرتبة..
ضميت المبايل بين الغراض سمعت الباب ندك عرفته
ماكو غيرة هيج يدك الباب ضحكت
وردة : خليج اني افتح الباب
فتحت الباب واشوفه كاشخ ذيج الكشخة طالع واحد
ثاني، سندت نفسي على باب رديت
وردة : خيررر؟
صفن بية وعيونه ماشالها عن شفتي بلع ريكه بصعوبه
باهر : شنو.. شنو هاي الحمرة!
وردة : شرايد
باهر : احجي وياج
: اسمعك
باهر : جدة هنا؟
: اممم فوت
دخل بس بسرعة سحبني غمضت عيوني بسرعة
وردة : وخر عني لا استفرغ بوجهك
بتعد كد منطقة الأمان
باهر : ممنوع طلعين بهاي الحمرة واذا شفتج مخليتها
لغيري أكص شفافج واشمرهن للجلب
: ماكو جلب غيرك
باهر : جوري ساكتلج لان أحبج وكلش زين تدرين لو
وحدة غيرج تحجي وياي اخلي راسها تحت رجلي
وردة : صح اني مو أي وحدة لان اني لي خانوها
حبيبها واختها
سكت لحظة.. كملت بنبرة أهدى
: فلا تجي تمثل عليّ دور العاشك
بأعصاب مشدودة
باهر : تمثيل؟!
ضحكت بسخرية ميلت راسي
وردة : لو تحبني مثل ما تكول جان ما رحت لغيري
قرب خطوة
باهر : غلط…. وصححته
وردة : الغلط ما ينمسح بسهولة.. خصوصاً الخيانة
مد إيده، حاول يقرب أكثر تراجعت بسرعة
وردة : لا تلمسني
باهر : جوري… لا توصلينها لهالمرحلة وياي
رفعت حاجبي
وردة : وأنت لا تجبرني أكرهك أكثر
سكت..اعرفه يحاول يسيطر على نفسه
باهر : اني جاي أصلح… مو أخرب
وردة : التصليح يجي قبل الكسر.. مو بعده
لفيت وجهي عنه
وردة : خلص حجيك؟ لو بعد عندك تهديدات؟
تنفس بقوة، مرر إيده بشعره
باهر :جاي انطيج فرصة
لفيت بسرعة عليه برود
وردة : واني ماطلبتها
ضرب الباب وراه بقوة
باهر : جورييي لا تلعبين وياي
ارتجف گلبي بس وجهي بقى ثابت
قرب بسرعة لزم أيدي بقوة
وردة :عوفني
شدها أكثر عيونه حمرا
باهر : أنت إلي! تفهمين؟ إلي!
حاولت اسحب أيدي بس قبضته قوية
وردة : مو ملكك!رنو ألك
كلامي نزل عليه مثل كف فقد السيطرة تماماً
شدني عليه وصرخ بوجهي
باهر : إنت إلي غصباً عنج! تحبيني لو تكرهيني ما تفرق!
دفعت صدره بكل قوتي
وردة :انت مريض!
هنا... سكت فجأة نزل صوته بس نبرته مرعبة
باهر : مريض بيج… اي
قرب أكثر..
باهر : والمريض إذا فقد علاجه.. يدمر كلشي
رجعت خطوة ضهري طخ الحايط حط إيده
يم راسي ضرب الحايط
باهر : آخر مرة أحچي بهدوء.. هاااي الحمرة تمسحيها
وهذا الأسلوب تبطلينه وياي تحجين عدل
رفعت عيني بي رغم الخوف الي داخلي بس اعرفه
وردة : وإذا لا؟
ابتسم.. ابتسامة تخوف
باهر : راح أعلمج شلون
صاحت
جدة : ها وريدة هذا بهير
رد عليها
باهر : اي جدة اني
جدة : تعال
باهر : بس احجي ويا جوري
وردة : ماعندي حجي وياك
باهر : بس اني عندي
: روح رنو منتظرتك
غلطت ماحس ضربني على حلكي احس عيوني
دمعت من قوتها
باهر : صاير مااعرفج ابد... بين كلمة وكلمة تغلطين وتعفطين! وين راحت جوريتي
لزمت شفتي احسها خدرت من الضربة، رفعت عيني
له
وردة : بأيدك كسرتها ودست عليها وهسه اجه دوري
لخيلك ذليل وخلي رند نفيدك
باهر : حلوة منج تجي لذله
هزيت راسي
: هاي هي تحمل كلشي يبدر مني
باهر : جوري اكو هواي سوالف ماتعرفيها ومااريدج
تعرفيها
ضحكت بستهزاء
: مثلاً اقرب صديق ألك يخونك ويا لي حبيتها وعتبرتها
فتاة احلامك
باهر : جووري...
: اششش خلي اكمل رنو لي حبيتها وعتبرتها أختي
واقرب من روحي ألي
قربت عليه لزمت ياخت القميص
: جانت تجي يمي تسمعني باهر عنده شامه بظهره
باهر حلو عضلات بطنه بارزه باهر يحب هيج باهر
وباهر لي ماينزل من لسانها واخر شي شفتك بحضنها
شنو تسوي نفسك شريف؟ وانت طامس بلحرام من
ساسك الراسك!
باهر : جوو..
دفعته
: شنو تبرر؟ انت مثلهم ماكو فرق بينك وبين ضافر
رجع لزمني بقوة
باهر : لا تشبهيني بهذا القذر
ضحكت وبعدت ايده
: بس تعرف كفو منك
عقد حواجبه مستغرب
باهر : شنو!
ضحكت بخبث غمزتله
: اخذتها بدون زواج...
ههههه وهي غبية بأسم الحب سلمت نفسها بسهولة
باهر : لا مو بأسم الحب تعرف زين اني مااحبها وكتلها
الف مرة مااحبج وهي موافقة لان لي بينه اخذ وعطا
فقط
: مممم.. وتحجيها بثقة!
باهر : انتِ ماتعرفين شنو صار.. ولا شنو سويت حتى..
سكت فجأة كأنه كشف شي بالغلط
نظرتله بتركيز
وردة : شنو سويت؟ ها؟ كول!
تراجع نص خطوة مرر إيده على وجهه بعصبية
باهر : لو تعرفين الحقيق... جان أول وحدة تكرهين
نفسج مو أني.
ثبتت عيوني بعينه، گلبي يدگ بسرعة
وردة : جربني.. أحجي شنو الحقيقة؟
قرب لي خطوة
باهر : كلشي بوقته حلو.بس اليوم انت مو دا
تجرحينّي.. انت دا تفتحين باب لو ينفتح
ماينسد.
جمدت بأرضي وعيوني ثابته عليه شنو هل سر!
