رواية تحت ظل السعف الفصل السابع 7 بقلم ميار

‏انتَ عيـونـڪ احلـى مـن الـبـَدايـاتِ

ولأَن خـزرنـي فَد حبـيتِ روحـي.

صـحيح اني طمـوحـي عيـونـي الکبـار..

بـس عيـونکِ اكـبر من طمـوحي!

___♛__

-معاذذ؟ 

مهى: جفلت وكعت الصينيه من ايدي صار بوجهي 

عمر دموعي ما اسيطر عليهن خفت جسمي يرجف

جيه وكفت  بسد معاذ واني باقيه لا عايفتهم ولا اعرف 

اتصرف عمر الوجه يخوف واضحه عليه العصبيه حيل

عمر:: خير معاذ شعندك اهناي وشتريد منها تصيحلها رايد شي وكفتك مو قانونيه ما تحجي 

معاذ: احم لا خويا شسالفه جاي على فرات وصارت

گبالي وبس ردت اسالها اذا موجود بيته لو بيت ابوك

-ادحك عليه ما مقتنع بس ما يريد يسوي مشاكل صد عليه

عمر:: يلا على البيت والجاي هسه عماد يجي ياخذ منكم

-عفتهم ورجعت اركض واريد بس اهدء لا تلزمني امي ركضت للبيت وگبل بس حطيت الستكانات على السنك گبل ركضت  على الغرفه ورحاب لحكتني ما مفتهمه 

شي

رحاب:: شكو يمه شبيج منو وياج مهى دحكي عليه ليش تبجين ولج والله اذا يلزمج ابوي يعدمج اذا ما تحجيله

مهى:: حضنتها بقوه واشهك تعبت رحاب تعبت اكرهه

ما اريد حتى اشوفه عافني بعد ما علقني بي وهسه يريدني

ارد عليه كسر گلبي والله كسر گلبي شنو ذنبي واعافني مكسوره تزوج وعايش حياته وخلف واني باقيه على حبه

رحاب:: كافي ما يستاهل طبه طوب ان شاء الله هو الخسران دشوفي حاله هو ومرته يومية مشكله ومفضوحين بس ربج يمهل ولا يهمل هاي حوبتج بيهم

كومي لا تبجين عليه ولو مني ومنج والله بس تجيني قسمه

اتزوج مو هسه راح يطلك ويدور يرجع الي يبيعني ابيعه

مهى: مسحت دموعي ورفعت عيوني رحاب مو اني الي

انزل من قيمتي وقيمة اخوتي لو مو معاذ صح جرحني 

واذاني بس هاي هي لو تنبت نخله براسه ما ارجع اقبل بي

اني هسه عندي اهم شي عمر ما يزعل مني والله ما ادري بي

عمر:: اي واني هيج جلب اشك بيج تره خوفجن ماله داعي 

مهى:: تفاجئت  من شفته واكف بالباب طب وسده الباب

وكعد مگرمز جدامي ولزم وجهي يمسح دموعي بيده

عمر::  ليش تبجين ولج اكره دموعجن والله هسه اروح

انعل خيره محد يستاهل لا تصيرين مثل فرات جاب عمره

ينتظر امج هي الي خربت حياته وحياتج بس بعدج اصغيره

ليش تهملين نفسج لا تعلقين گلبج بهاي السوالف كل شي 

بوقته حلو معاذ ما اكولج مو خوش لا زلمه والنعم منه بس انتهت شغلته يمنه لو بس هو يبقى ما انطيج اله انتي تستاهلين واحد يصونج ويكف وبوجه الدنيا ويحارب لخاطرج اخر مره اشوف دموعج يلا كافي وبعد. لا تطلعين

وحدج لو من موبايل جديتي اتصلي عليه اني اجي اخذ الجاي

مهى::  ابتسمت على تعامله عمر عصبي بس ندري بي 

شكد حنون بس ما يحب يعبر حب راسي وكام صاح لرحاب

علمود الجاي تمددت يوجعني گلبي كل ما اشوفه نمت ما اريد افكر بي ابد تاركه امر گلبي بيد رب العالمين هو يجبره

♡♕♡

مروى

-بعد خطوبة حسين باسبوع اسبوع مليان مشاكل جهاد

الوجه يخوف من العصبيه ولازملك عمامي كص ما خله

ما حجه وانتهت خلص قررو معاذ يطلك وبسام يطلك فاطمه كلنه مقهورين على فاطمة لا بيها ولا عليه بله معاذ 

هو ومرته ما متفاهمين هاي شنو ذنبها وجهال معاذ الي

تنازلو عنهم امهم وخوالهم متنه قهر ولج يا ظالمة النفس

اطفال تعوفينهم ابوي شكد راد منهم يخليهم يمها ومعاذ

يصرف عليهم بس عمي ما قابل كايل ضناكم يمكم ما نريده

راحو معاذ وفاطمه وياهم جهاد  حتى يطلگون معاذ الي جنت اكول ما يهتم بس من شاف جهاله يبجون على امهم

لا تغير وجهه محتقن ومن جهه يلوم نفسه لان فاطمه هم

ادمرت حياتها بس الحمدلله ما عدها خلفه حتى لا يبقون 

بين الرجلين  وكفت بالباب شايل حارث ابن معاذ وافر بي

اريده يسكت وايجت من الباب اريد بلجي طفل يروح يشتريله حتى يسكت عبر علاوي بيده نستله ياكل بيها

صحته علووو حبيبي علووش دار عليه غمني وجيه يركض

ولكك هاي عليمن تغم مو اكول لعمو جهاد اخلي يزعل منك

گلب عيونه ما مهتم لان يدري جهاد ما يزعل منه نزلت كرمزت بسده اقنع بي ياخذ حارث يشتريله حط ايده

على راسه ماله خلك بقيت اتوسل بيه تالي سحب حارث وطلع وكفت بالباب اضحك على تصرفاته توه اسد الباب 

وكف حامد قريب من بابنه بيده شدة خبز صاج الدنيا صبح

يلا ب8 رغم احنه نتريك من وكت ردت اسد الباب يلا حجه

حامد:: احمم خيتي.. لا اكول مو اختي  هاج اخذي

هذا خبز صاج امي دزته لجديتي البارحه موصيتها هاج اخذ يمعوده لا يجينه حويكم  يسويلنه سالفه

-ضجت منه وحجيت بنتر اي مو حاصلك اخت مثلي 

اشايف نفسك ويلا ما نريد خبز ما نعرف نخبز سديت

الباب عود ما يعجبه مو اختي خوه تكسر اعضامك ردت

ادخل دك الباب بقيت اتأفف وفتح الباب صار بوجهي

حامد:: هاج اخذي يا اختنا بالله بس فضيني استغفرالله العظيم يلا يا اختنا مدي ايدج واخذي

- عوجت حلكي وسحبت الخبز منه بقوه وهو تفاجئ 

عفته وركضت للبيت دخلت گلبي يرجف صارت تبارك بوجهي حطيت الخبز بيدها وطبيت للغرفه ما اريد يشوفوني وكفت جدام المرايه وجهي احمر واضحك ويا روحي على تصرفي اي يستاهل ليش شبيه وما يردني اخته

ريام:

: يوميه اروح للبستان اظل انتظره ماكو مرتين شفته

ويا فرات و واضح العصبيه بوجهه ما اعرف شبي لحد ما

عمتي امنه كالت يردون يطلكون فاطمه ومرت معاذ وعدهم 

مشاكل  مدري شصار بحالي من كالو تريد تعوف جهالها انقهرت تخليتهم مثلي وين اكو ام تعوف جهالها وبس بنفسه تفكر بس اراجع نفسي لا ما اقارنهم بيه همه عدهم

اب وعمام وجد محد يتخلى عنهم وره يومين من طلاك

فاطمه ومعاذ وطبعاً ما بقى  شي للمدرسه راح تخلص

العطله جنت كاعده بالحوش اكرز فستق مكومين كواني

رغم بعده ني ما محمص بس حبيته اكسر واكل ما احس

غير اندفر الباب وطب علاوي يمه راح يسوي بينه خوفه

شافني ركض عليه من شفته جيه عليه گلبي دك بقوه احس

صار عندي خفقان توترت ظل يتلفت من شاف ماكو شي مد

ايده بيدي وايد الثانيه سحبت اخذ الفستق وحط الورقه بيدي وطلع يركض عصرت الورقه خايفه لا احد يشوفني 

رحت سديت الباب وركضت للبيت وگبل على الحمام 

فتحت الورقه ايديه يرجفن كعدت على التخته اقره بيها 

السلام عليكم  

اعذريني يابه صار فوك الاسبوع مشغول  ولا عبالج

ناسي شغلتنا بس ما صح مجال اجي واشوفج وما 

اريد احد ينتبه ويشوفنه سوه على كل حال بويا

ريوم انتظرج اليوم واني انتظرج باي وقت تعالي.. 

جهاد 

-اخذت نفس ليش هيج ارجف من يدزلي رساله شكو 

كمت حطيت الورقه بملابسي وغسلت وجهي وطلعت

طبيت للمطبخ لكيت عمي وعمتي كاعدين وريتاج وياهم

محمد: تعالي ابنيتي وين جنتي تعالي تعصري ويانه 

ريام:: جنت بالحوش وطبيت غسلت وجهي وجيت

ريتاج:: اي عيني ليش لا دلال بدلال بس اني محد مهتم

بيه اخخ الك الله يلفقير الك الله الدلال بس لبنت اخو

محمد:: هههههه ولج هو وين اكو فرق بينجن كلجن ابنياتي شعندي غيرجن وهاي ريومه هاي غالية غالينا

ريتاج:: اي عيني اي انفش ريشاتها هاي اني لو عمي

موجود هم ما جان اخذ حقي منكم لا فلس لا ملابس

ريام:: انهجم بيت عدوج ولج مو كنتورج بي ملابس

اتكفي كل اهل العراق وبعدين منو البارحة تريد تشتري

محبس ذهب جامعه بالـ350الف بس تتبجبجين علينه

محمد:: هههههه طلعنه احنه الفقره يولي ما تحجين

ريتاج:: يا ساتر يارب يا ساااتر التمو عليه لا يموتوني يمااااي

رباب:: ما تموتين خيه بزون بسبع ارواح احنه الي نخاف نموت شفت يابه شفت والبارحه اتوسل بيها على الف ما تنطي هاي تخمط منكم وتجمع ومحد فقير غيرنا والله 

ريام:: بقينا نضحك ونداهر بريتاج اجواء عائلتهم حلوه

الولد قليل يتواجدون لو بالكيعان لو بالشغل دخلنا

للبيت انسوي بالعشا وعمتي كعدت يمنه تلفس فستق

حتى تحمسه وره العشا عمتي لبست عبايتها وراحت لبيت

ابو جهاد  حتى تشوف فاطمه  شكد نقهرت عليها ما تستاهل

رباب:: والله اني اكول احسن خلصت منه غير ما تعرفين

طبعه فد واحد قنقينه وشكاك وهو اخذها اعناد بفرات 

ريام:: شنو سالفة فرات وفاطمه ما افتهمت ليش ما اخذها

ريتاج:: اني احجيلج  هاي گبل جان فرات يموت على فاطمة 

عاد عمي جاسم راح تخطبها وعقدو عقد شيخ بس مرته لعمي نسرينوو ما عجبها ولان رادت بنت اختها لفرات 

وطبعاً معاذ هم كال اذا ننطيكم فاطمه تنطوني مهى بس

بحكم مهى جانت عمرها يلا 14او 15سنه هيج شي ما قبلو

ياخذها بس تسمت بأسمه وحارت نسرين شتسوي  حتى

تخرب القسمه كامت وين ما تكعد تحجي على فاطمة لحد

ما يوم راحت لبيت خالي حميد شايفه بسام عاد كايلته بحضها كايله فرات يكول ولد حميد مو زلم وراح اخذ فاطمه 

من عيونهم وهذا متخبل جاي متعارك ويا فرات ونهاي عليها وحتى تنحل المشاكل بين العمام قررو ما ياخذون

لا فرات ياخذ فاطمه ولا معاذ ياخذ مهى عاد انطو فاطمه لبسام ومعاذ اخذ اخت بسام وعمي جبر فرات هم يتزوج

-عززا بعينها هاي شيطان وعمي اكيد صدكها خطيه والله 

انقهرت عليهم بس ليش هيج تسوي شنو مصلحتها 

رباب::  مو بنت اختها جانت تموت على فرات لهذا السبب 

ريام::  الله يساعدهم ما اعرف شكول فد وحده شكد حقيره همزين البنات ما يشبهنها فد حبابات كلش

رباب:: لا الحمدلله ضناها كلهم زينين بس شوي عمر عصبي

ريام:: بقن البنات يسولفلي على بيت عمي وخوالهن لحد

ما جت عمتي تعللن شويه وكل واحد راح لمكانه واني انتظر

ينامن حتى اطلع تمددت بحجابي وعيني ما نزلت من الساعه

لحد ما بديت اغفي وما ادري بروحي من نايمه فزيت مثل

الخبله ادحك على الساعه عبالي بس غافيه بس وين الساعه

بالاربعه الفجر ركض اخذت الشماغ حطيته على جتفي وبطارف شالي تلثمت وعيني على الغرف لا احد يفز شفت

عمتي حاطه الفستق على السنك ومغطيته اخذتلي جف 

وطلعت اركض للبستان وبس وصلت شفته كاعد وبيده

عصا مدري شيخطط بالكاع حس والفتت عليه لان من امشي ادوس على السعف اليابس ويسوي صوت وصلت يمه

جهاد:: صباح الخير 

ريام:: احمم صباح النور  اسفه تاخرت عليك بس موو...

جهاد:: سهله سهله واضح جنتي نايمه من صوتج تعالي

-رحت كعدت قريب منه صارت النخله تفصل بينه اثنينه

ساكتين التفتت عليه وجهه تعبان واضح القهر عليه

جهاد:: اي ريام بشري كدرتي تشوفين الأوراق لو ما كدرتي

-لا كدرت شوف اني صار اسبوع اريد اشوفك اخاف انسى

شي بس اعرف ضروفك لهذا كتبتهن بهاي الورقه تفضل

انطيته الورقه الي كتبت بيها التواريخ والاسماء وهو شغل

ضوه موبايله وصار وره النخله حتى خاف احد يمر ويشوفنه

التفتت وياه وهو بقى يركز بالورقه عاكد الحاجب ويقره

جهاد:: هاي كلها تواريخ قديمه يعني گبل وفاة عمي شنو عقد زواج ما افتهمت والتاريخ فهميني اشرحلي عليهن

ريام:: سحبت الورقه منه وبديت افمهمه عليهن وحده وحده شوف جهاد  لكيت فايلين فايل بي  عقد بيع اراضي

زراعيه وبداخله هذا عقد زواج ابوي بتاريخ سنه..... والثاني 

مال بيع معمل مي مدري شنو وبداخله شهادة وفاة وهم

باسم ابوي واسم المشتري هم هذا كتبته الك هذا الي كدرت عليه حتى اني ما افتهمت شنو هاي الاوراق ما ركزت

جهاد:: واضح واضح افتهمت زين التواريخ قديمه معناها

بعدهم يدورون وره الي مشتري المعمل مالت المي خوش

خما احد شافج انتبهتي وما اخذتي شي منهن تره ما تفوته

ريام:: لا  بس مرت عمي ما كدرت  اقره بعد زين من  دكت الباب

-شافتج؟ 

-لا سويت نفسي  مكبوب الشربت على ملابسي ما خليتها

تشك بيه بس خفت والله وبعد ما تحركت خفت تشك بيه

جهاد: خوش انتبهي هاي هي بعد ما اريدج تحطين نفسج

لحد ما اشوف شسوي بهاي الاواراق وحاولي بعد ما ترحين

عليهم اذا ما تحبين عمج ما مريحني خاصه بسبب حمدان

ريام:: حتى اني ما مرتاحه من وره حمدان خاف يجي ياخذني

جهاد:: لا مو بكيفه ياخذج بس اكو سالفه جاي يحوكون 

الها وحتى هذا غسان الي خابصتنه بي اله ايد بسالفة العقود

-ما اعتقد جهاد انت هسه ارتاح خلي نفكر زين ريح دماغك

هاي الفتره لا نستعجل لان انت هم تعبان امبين عليك

جهاد: مو مال راحه اني ارتاح بيوم اخذ حگ اخوي وخالي

ريام:: شفته خطيه شكد مقهور امبين عليه مهموم مديت

ايدي بجيبي طلعت فستق ومديته اله بقى صافن بوجهي

جهاد:: شنو هذا 

ريام:: فستق اخذ اخذ يفوتك ما تسوه الدنيا نبقى زعلانين

جهاد:: هههههه هم صدك رحم الله والديج يابه

-بالعافية  

وخرت الثامي وكعدت اكرز فستق  وهو من شافني ذبيت

الثامي دنك مبتسم تربعت جدامه وحجيت بضحك وياه

شبيك شبيك عيني تكول عبالك ما شايفني تره نفسي 

ما متغيره بس يمكن انصعقت بجمالي ادري بروحي حلوه

جهاد:: اي اي حيل ماشاء الله واهم شي تواضعج الزايد

-اي ادري بروحي متواضعه جهاد لا تبقى زعلان تره احسن

الها فاطمه خلصت من هيج زلمه ما يستاهلها والله 

- هي ما تستاهل واحد حقير مثله بس اني اختي واعرفها

ريام مهما يكن الطلاك مو شي سهل وهين وانتي تعرفين

البيئه الي عايشين بيها بس ان شاءالله  هذا الشي ما يأثر

على فاطمة ولا على جهال معاذ هذوله هم مالهم ذنب

ريام:: الله كريم الله يعوضهم بالاحسن والخير الهم

-امين امين يلا يابه كومي كشف الجو هسه يكعدون 

ريام:: كمت نكثت ملابسي وعدلت عبايتي اريد امشي

-رياام

-هاا 

ريام:: وكفت وهو جيه وكف بسدي مد ايده رجعت وره

ما اعرف شيريد عيني عليه مد ايده على الشماغ سحبه

وجر العبايه من راسي وكعت على اكتوفي وحط الشماغ

على راسي ويلف بي بدون ما يطخ ايده بوجهي لفه ورجع

لف الطرف الثاني يلثمني بي واني عيني عليه كمل وشال

العبايه ورجعها على راسي واني باقيه على نفس وكفتي

جهاد::  هذا الثام ما ينزل من وجهنه الا واحنه ماخذين

حگ خالي وحارث وننصب فاتحتهم ونزورهم يلا يابه 

ريام::  ما عرفت شنو ارد عليه بس جانت دموعي كفيله

تحجي الألم الي بداخلي وعفته ورجعت للبيت بس دخلت

حطيت راسي على مخده ودموعي تجري لحد ما نمت.. 

♡♕♡

تبارك 

: رجعت المدرسه وتعبها هاي الفتره كلها تعبت وقهر

فاطمه بعد ما تطلگت حيل ذبلت بس ما تبين جدامنه مقهوره بس واضح عليها من تبقى وحدها تگضيها بجي

وادري بيهم مو حباً لبسام لا بس من كثرة الحجي الي يصير

ومن انشوف جهال معاذ خطيه شابعين بجي بس امهم ما تريدهم مرتين نوديهم ويرجعونهم ومعاذ بعد ما قبل يدزهم

وبقت فاطمه هم اداري بيهم يلا هم تلتهي بيهم احسن الها

كعدت من الصبح نشيطه بدلت حتى نروح للمدرسه كملت

وطلعت للباب انتظر مروى والبنات بين ما جت مروى ومهى ورباب وطلعنا نتمشى وين ما يكف دائماً الحجي يم

البستان وكفنا نريد نصعد ومرت سيارة حامد من يمنه 

سريع دحك على مروى غمته ندستها وارفع بحواجبي عليها

مروى:: شبيج ولي 

-عليناااا عمي عليناا صارت بيها غمات ها هاا 

مروى:: انجبي واسكتي لا يسمعن البنات 

تبارك:: سكتت لان الست ما تتحمل درت على رحاب الوجه

يضوي عود مخطوبه ومهى اخخ لو يصير الا اخذها لمعاذ

وصلنا المدرسة ونزلنه بس دخلنه گبل على الصفوف بدت

تاخذنه المدرسه مركزه بشرحها جانت صابرين كاعده وراي

اتصير بنت عمي حاكم مسمومه مثل ابوها مدري شتحجي

ويا الي بصفها اريد بس تخلص المدرسه شرح حتى اركز وياهن بس سمعت طاري فاطمه عرفت تحجي عليها بس دك جرس الفرصه وطلعت المعلمه التفتت عليها وضربت

الرحله.. ولججج صابرين شحجيتي شبيها فاطمه هاا احجي

صابرين:: شكوو ما كلت شي بس كلت طلكها زلمته لان ما تخلف قابل جذب لو ما كلنا ندري بيها عاجز وما تخلف وو... 

تبارك:: بعدها ما مكمله ولزمتها من شالها وصفكتها راشدي معدل  والتمن البنات يفازعن دحكت من ضمن 

البنات ريتاج كامشتها وتعت براسها واني ملختها تملخ

دخلت علينه المديره وصاحت بينه واني لو ما المديره

الا انعل خيرها دزت علينه للاداره ادحك عليها مهلسه

تهلس الشال صاير اعوفج والوجه ازرك تستاهل الجلبه

المديره:: مو عيب ماما شنو هاي التصرفات وين كاعدين

ريتاج:: ست هي البدت تحجي على اختنا وتغلط علينه

المديره:: اشش مره الثانيه افصلجن يلا امشن براا

تبارك:: طلعنا واني وريتاج اندردم واكفات ريام ومهى 

ومروى يضحكن علينه وكفنا يمهن وهاي ريام ميته ضحك

ريام:: فاتتني العركه جان شاركتجن هههههه عاشت ايدج

مروى:: والله لو يدري جهاد بعد ما يخلينه انداوم 

ريام:: ليش عود فوك ما تحجي على اختكم لا والله عفية عليج  تبارك ومره الثانيه اني الا اكتلها هلجلبه تكول عگرب

تبارك:: امشن امشن جن خواتها ما اريد ارجع اتعارك 

بقينا نتمشى بالساحه وريام كل ما تشوف وجه صابرين

تخرب ضحك ونسكت بيها ما نريدها تتعارك وياهن

خلصنا دوام ورجعنا للبيت ميتين تعب لكينه عماتي يمنه

بس سلمنه ورحنه نبدل ورحنه نساعد فاطمه بالدير الغده

صبينه الغده وكعدنه ناكل ودك موبايل جهاد بس رد ما افتهمنا شكو نفض ايده من الاكل وكام طلع واحنه واحد

يدحك على الثاني ما مفتهمين شكو كام معاذ لحكه و وره

الغده بقينا ننتظرهم شكو شصاير شويه وكام الصياح من 

بيت عمي جاسم........