رواية في ظلام مغتصبي الفصل السابع بقلم توتة
المغادرة الصامتة ، ذلك هو الرد العظيم "
>>>>>>>>>>>>>>>>>>
كفاح / معقوله حامل ??
_ءأ ء شنوو دكتوره يعني اني حامل
كفاح/ مو شرط هسه ادز ادم عل اختبار حمل منزلي ونحلل ونشوف.
_لا لا عيب استحي منه
كفاح/ ما عليج اني رايحه احجي وياه.
راحت واني دخلت لغرفتي اطرافي اديه ورجليه تتراجف رجف خوف توتر وادعي ادعي من كل كلبي انوو اطلع مو حامل واذا حامل صدك انتحر والله ماتحمل ضيم اكثرر.
ادم/ ليش شصاير
كفاح/روح ادم شبيك هسه شهل أساله
ادم/ رايح رايح
كفاح/ طلع يجيب تحليل واني رجعت لبحر گعدت وياها .. يمه شبيج
_ اذأ اذأ حامل شلون دكتوره والله اكتل روحي انتحر ماگدر احمل بأبن نغل
كفاح/ استغفري ربج حبيبتي عسا تكرهون شي وهو خير لكم شنوو هل كلام اي روح بريئه.
_ما ادري ما ادري بس اذا حامل ما يبقي انزله وانتي تساعديني بهل شي.
كفاح/ حرام عليج بحر اني صارلي 15 سنه بدون اطفال ادعي ليل مع نهار انوو الله يرزقني ذريه واني دكتوره ما خليت درب يعتب عليه وهسه انتي الله رازقج طفل وتريدين تتخلصين منه.
صدك كسرت كلبي. من حجت يج بجيت بكسرت خاطر احس گلبي مورم م̷ـــِْن الضيم
_ بس دكتوره مو بالحرام ماريدد طفل بالحرام اني هم بنيه حالي حال كل البنات شلوون اربي.
كفاح/ جيبي ونطيني اياه اني اربي معليج بيه انتي اني اتكفل كلشي يخصه.
_واذا سالوج منين ??
كفاح/ بالتبني
_ انشالله مو حامل
بقينه نص ساعه واجه عموو بيده تحليل شكد استحيت شلون استخدمه هسه.
كفاح/ علمته وفاتت للحمام بقيت اتكول اني الحامل مو هيه شويه وطلعت
_هاي شنوو ما فهمت ?
كفاح بخوف / خطين بحر
_ شنوو يعني
كفاح/ يعني حامل
رجعت خطوتين ليورا بصدمه احس جبال انهدت علئ راسي ليش ياربي ليش هل اختبارات الصعبه اني شنوو ذنبي ويصيرر كل هاذه بيه.
_حامل يعني
كفاح/ اي مع الاسف مبين والنتيجه طلعت بسرعه لان انتي راح يصيرلج شهرين.
_ لا فدوه فدوه دكتوره سويلي حل مااااريد هاذه الطفل ماااريده.
كفاح/ استغفري ربج بحر هاي نعمه والازم تفرحين بيها.
_شفرح شلوون افرح واني حامل بابن حرام ساعديني اترجاج ساعديني.
كفاح/ تعالي وياي اني اساعدج
بقيت ابچي ورجف اخذتني لبست عباتي واخذتني وياها.
كفاح/ ادم للعياده
ادم/ ماشي
صعدنه ويه عمو ادم اخذنه وصلنه للعياده ودخلت ما بيه احد بس المختبر.
كفاح/ سماعيل تحليل حمل
سماعيل/ حاضر دكتوره كعدي
بحر/ كعدت سحب مني دم واخذه بقيت انتضر بمكاني نص ساعه وطلع التحليل
سماعيل/ مبروك حامل
كفاح/ شكرا
تسحب بيه اتكول دميه حسيت خلص هاي نهايتي احس الدنيه انتهت بعيني اذا قبل مخططه اكمل دراسه واتوضف هسه خلص كل احلامي تحطمت وراحت بسبب شخص مجهول ماعرفه منوو وليش أذاني بهل طريقه القاسيه.
كفاح/ اصعدي بحر
ساعدتني وصعدت عل سرير سوت سونار الي وهيه تبتسم حسيته عيونه غوركت بالدموع تمنيت لوو هل طفل بطنها هيه بدالي ولله تستاهل تكون ام.
كفاح/ الهم صلي عل محمد.
بحر/ انتبهت بس بعيوني اله ما ما جاوبت
كفاح/ بحر تدري شنوو
هزيت راسي بـ لأ ضحكت وگالت الكلمه الي خلتني صافنه وماعرف شحجي.
كفاح/ انتي حامل بتوم 3 هاي نعمه من ربج قليل الي تحمل هيج.
صدمه وره صدمه عمري كله صدمات انهرت بالبجي بقيت اشهك بصوت عالي
_ما اريدهم ما اريدهم نزليهم مِڼـّي فدوووه ماااريدهم
كفاح/ اهدي اهدي
_ابجي والطم شلوووون شلوون اهدء حامل حامل اني ما اريد خلي يموتون دكتوره مارريد هل اطفال.
كفاح/ شكم واحد اتموتين حامل ب3 انتي اتموتين
_ خلي اموت فدوه خلي اموت واخلص اصلا اني ليش باقيه عايشه لحد هسه.
كفاح/ اششش ماما اششش حبيبتي انتي ميصيرر هل كلام.
بحر/ اترجاج دكتوره لا تضلميهم وياي اني عشت مضلومه وهمه راح ينضلمون اكثرر مِڼـّي باجر يكولون عليهم ولد حرام اني وين انطي وجهي وييين.
كفاح/ منو يدري انتي متزوجه وزوجج متوفي
غطيت وجهي بديه وبجيت بحركه صدك بحركه فرفحت روحي ما اتحمل والله شلوون مصيبه ياربي 3 تؤم ماگدر اتحملهم.
كفاح/ صدكيني باجر من يجون للدنيا يصيرون بعز روحج واذكرج بهاذه الكلام.
ما كدرت جدا صعب اتحمل هيج ثقل واني زغيره اخذتني وهيه الفرحه تارسه وجها ممصدكه الخبر اني ابجي وهيه تضحكلي.
ادم/ بشرو شبيكم
كفاح/ بحر حامل بتوم 3
ادم/ بصدمه شنوووو ??
بحر بدموع/ عموو احجي وياها كولها خلي تنزلهم مِڼـّي. ماريدهم.
ادم/ اششش بابا حرام هاي نفس بعتبار ترتكبين جريمه هسه هم امانه عندج هاي ارواح بريئه شنوو ذنبهم وتنزليهم حرام بويه.
_باجر يگولون عليهم ولد حرام عموو ماگدر اتحمل حجي الناس اني من غير شي انضلمت ماريد اضلمم وياي.
ادم/ لا مالج علاقه ومحد يعرفج هناا تبقين يمنه واحنه نربيهم سوه.
كفاح/ كتله عل اساس انتي متزوجه وزوجج ميت.
ادم/ احسن حل #ڪــڔٰا̍ڕ
صعدنه للسياره ورجعوني للشقه مالتهم طول الطريق اخذته ابجي وادعي علئ الشخص الي وصلني لهنا.
ادم/ ارتاحي هسه
_بس ما اترجع عن قرار الشغل
ادم/ بالعكس اشتغلي حته تغيرين من نفسيتج شويه
كفاح/ اي صح
_ وبعدين اشتري شقه الي
ادم/لا ليش بويه متعودين عليج ضلي يمنه
بحر/ جاا ابقه عدكم دوم بعدين هذا الولد خطيه دوم يجي ويتقيد مِڼـّي ما يبقه
كفاح/ ميثاق اي صح دوم يجي هو رابي عد عمج بس خجول كلش ومايحب يختلط ويه الناس.
ادم/ اي والله بس لا ماكو شقه
عفتهم ركضت لغرفتي جبت جنتطي طلعت منهاا الذهب
_ عمو هذا ذهب وهاي فلوس اشتريلي شقه هنا بصفكم كون كلش حته ما ابعد عنكم وللصبح اروح وياك للشغل وهيج اني اعتمد عل نفسي بعدين اني راح اتصير عندي عائله وتوم.
كفاح/ عاد ابقي وياي عل ما تجيبين ولله لبيت يفرغ عليه.
_ واني وياج للدوم لهيج اريد شقه كلش مجاوره الكم حته لو ايجارر.
ادم/ ماشي بابا
_ تسلم ما قصرتو تعبتكم وياي هواي الله يوفقكم ويسعدكم.
كفاح/ انجبي وتعودت عليج والله ماتروحين
_تمام اشتريته وخليها واجي يمج انام.
كفاح/ بفرح تمام موافقين
ادم/ والله عندي بنات ثنين طلعن مو وحده
كفاح/ ضربته اخجل يرجال
_حضن خاله كفاح وباسه من راسه اني شبيه صار وجهي نار استحي كلش من تصرفاتهم گدامي.
ادم/ ههههههاي شبيج بويه صرتي حمره
_ استحي ولله
كفاح/ اي عفيه يالله روح انته ماتستحي تسوي هيج كدام البنيه.
ادم/ شجيب الجن وياي
كفاح/ مشتهيه شي عليج الله هسه انتي حامل لآزٍمٍ تتوحمين علئ اكله معينه.
مستحيه اكول دنكت راسي بخجل وكف يمي العم ادم.
ادم/ كولي حبيبتي
_ اريد كرزات مالحه حيل
ادم/ صار بعيوني
كفاح/ جيب كرزات وجيب سمج مسكوف وعصير زبيب خلي تتغذه معصعصه مابيها لحم.
ادم/ صار ادللو بعيوني.
طلع عمو ادم واني صح اضحك وياهم بس بالي وفكري بلي بطني شلون اربيهم وحدي شلون اعتني بيهم انوب لاواحد ولا 2 الله راح ينطيني 3 ياربي شهل اختبارات الصعبه.
كفاح/ بشنو صافنه
_بيهم
كفاح / ليش
_محد ربه كدام تربيه زينه ما شفت من امي وابوي كلمه حلوه خاف اربيهم مثلهم.
كفاح/ انتي تختلفين رغم كل الي سمعته اشوفج تقرين قران ما ضيعين فرض صلاة ومرتين شفت اتصلين صلاة ليل اكيدد جهالج راح ياخذون من اخلاقج الحلووه وصفاتج.
_ كل هذا علمتني اياه عمتي موده هيه انسانه عظيمه وكلش حبابه وهم الله مارزقها اطفال.
كفاح/ خطيه والله تدرين احسدج عل هيج شي اني ملتهيه بالدراسه ما صليت ولاديت ديني بشكل صح.
_اگدر اسألج سؤال
كفاح / كولي
_شنوو السبب لحد هسه ماكو حمل وانتي دكتوره تگدرين تراجعين او تسوين شي.
كفاح/ بدون سبب اني وياه ما بينه شي ابد يعني ماكوو أمل
بحر/ زين ما رحتو لأهل البيت مجربين يقضون الحوائج
كفاح/ اني سنيه وهو سني وقليل روحتنه للزياره.
بحر/ عادي اهل البيت مو بس للشيعه روحي انتي وياه ودخلو عل ابو الفضل العباس وطلبي منه طفل متاكده مايرجعج خايبه.
كفاح/ تدرين جنت بالخارج بيطاليا علمود الجهال
_ اي
كفاح/ و هم ما صار شي ابدد.
_اني عندي شعور هيج لو رحتي للاهل البيت تحبلين انتي جربي وروحي وانشالله ابو فاضل ميقصر.
كفاح/ الله يسمع منج
_امين يارب
بقينه كاعدين سويه سوينه زلاطه واني اسوي واكل مالت اربع نفرات انفتحت شهيتي اجه عمو وياه مثياق لابسه شالي اني مانزعه ابد
مثياق/ سلام عليكم
الكل/ وعليكم السلام #ڪــڔٰا̍ڕ
بحر بخجل/ اني ادخل جوه من رخصتكم.
مثياق/ بحر ابقي ما عليج ما متقيد منج ولله واصلا اجيت حته اشوفج واريدج تكونين صديقتي
كفاح ببتسامه/ هاا هاا ميثاق تزحف عل بتي وبيتي هم.
مثياق/ اهووو عمه لا والله مجرد انو صديقتي ومن طرفكم خلص اخلي سري بير يمه.
ادم/ هاي هيه يالله بعد ماكو تقيد صرتو اصدقاء
ابتسمت عل كلامهم ومثياق كلش خوش ولد ابد ما رفع عينه ناكل سويه.
ادم/ وين وصلت بمشروعك
مثياق/ تقريبا راح يخلص
كفاح/ خير مشروع شنوو
ادم/ راح يبني مطعم جبير حيل يخلي بي جميع الاكلات ومن ضمنه هاي الاكات البحريه روبيان وما شابه
اني سمعته اسم الروبيان لو روحي راحت ركضت للحمام بقيت استفرغ
كفاح/ شمرت علي الخياره ادم شبيك البت حامل
مثياق بصدمه/ حاااامل ???
ادم/ بعدين اقصلك قصته مو هسه خلينه نكمل عشانه.
كفاح/ بحر حبيبتي بيج شي
_ما بيه شي بس لعبت نفسي كملو اكلكم.
كفاح/ تبقين هيج باجر من اجي من دوامي اجيبلج وياي حب
_تمام اني اسفه لان كمت بهل طريقه اعذروني.
ميثاق ادم/ لا عادي
كفاح/ تعالي كملي اكلج
بحر/ ما اشتهي بعد اكلوو انتوو الف عافيه.
مثياق/ عل اقل بس عصير راح تخرط روحج مايصيرر تبقين بدون اكل.
كعدت يمهم شربت عصير وشتهيت اكل ورجعت اكل وياهم هل مره اتلذذت بالكل امل وغمض عيوني
مثياق/ اتباوع عليه طفوليه كلش ضربني عمي بخاصرتي.
ادم/ زرفت البت بعيونك شبيك عمي
مثياق/ولله مو قصدي مو قصه شي بس بريئه وشكلها كلش طفولي
ادم/ كلش مو شويه تتخيل لحد هسه ما لامسه موبايل ابدد ولاتعرف شلون تستخدمه
ميثاق/ احسن والله هيج تكون طاهره ونضيفه.
كفاح/ خزرتهم لا تسمعهم وهيه حساسه كلش.
مثياق/ بحر عيونج ليش هيج لونهم
_ اممم قصدك ليش بنفسجي ?
مثياق/ اي
_متلازمه لون العيون
كفاح/ صح سامعه بي
مثياق/ هسه ما ياذنج يعني
_ اذا تراب الجوو يضلن يحكني ويحركني
ادم/بس صدك صدك كلشش حلوات يجذبن النضر.
مثياق/ اي والله حلوات كلش ولايگات عليج
كفاح/ خجلت البت كافي تتغزولون بيه يمعودين
_باجر اروح وياك عمو
ادم/ شرايج تكعدين هاي الفتره لان اطفالج وهناك طبخ وريحه وتعب اتضلين كل شويه متقيأ
كفاح/ صح والله شرايج ونطلع ونمشي انروح وين ما تريدين. بين ماتمرين فترا النساوه
_ ماشي موافقه
ميثاق/ واني جاهز يمته ما تريدون اطلعكم اتصال واحد اكون يمكم.
_اوك
كفاح/ ماشي
ادم/ الشي الي فقدته من سنين عائله كامله حسيته كملت بحر ومثياق مثياق ابن اخوي بس ربه عندي حته بالسفر وياي ما عافني كسرو حاجز الخجل هو وبحر وشغلو فلم وكعدو وهيه تاكل بلذاذه بالكرزات وهو ياخذ من عده وهيه ما تقبل تضوج منه
_كرزاتي وخر يلا
مثياق/ بخيله انطيني شويه عجبني اذوك
_ شويه لاتاخذ هواي
مثياق/ اي
_قدمت اله الماعون هاك.
اخذ الماعوه م̷ـــِْن ايدي وخلاه بحضنه وبقه ياكل بيه جنت اريد اخذه سحبه خل علئ صفحه الثانيه
_جيبه مالتي
ميثاق / هوه انتي شخليتي بيه
كفاح / وتالي وياك ميثاق رجعه الهاا خليها تاكل
ميثاق / الك الله ياميثاق صرتي تحبينها اكثرر مِڼـّي.
كفاح / ولك تغار منهاا
هوه ديحجي ويه عمته سحبت الماعون م̷ـــِْن ايده واخذته الي دار وجهه وضحك بصوت عالي
ميثاق / والله بهاي حركتج ذكرتيني بتوم جري
اجت كعدت يمنه كفاح بقينه ناكل سويه ونشاهد فلم اتصل جهاز ميثاق عافنه وطلع برا يحجي
ميثاق / ياهلا والله عمي شنوو ميت عدل شعجب تذكرتنه بعد هل مده الطويله عبالي متت.
اسمر / ههه شلونك يابه
ميثاق / بخير الحمدالله انته شلونك شلون صحتك وين هل فترا كلها كاطع
اسمر / تدري كلش زين انه ملتزم بدوام وشغل وتعب.
ميثاق / الله ساعدك.
اسمر / باجر انشالله راح اجي لبغداد اشوفك انته وهذاك الفاهي.
ميثاق / هههه لك مشتاق لتحشيشك عليه اريد تخبله هل مره
