رواية الضابط الوحش الفصل السابع بقلم زينب نور
وندعو صاحبت القصه دخلت غيبوبه
..................
گلبي الگبل مايون بجفاك وننته
وضنيتك انته الفرح ثاريك ونه انته
مامش طيوفك واباري ابشوگ ون انته
ماخوذ مني وخيالك ابد مالحظه
ورسمك يزين النبا مبعد علي لحظه
مشتاگ اشوفك ولو مشوار لو لحظه
وين انته روحي دنت عالموت وين انته
.............
اريج :نزلت حجيت وي عمتي ورجعت لحسام
حسام حبيبي شبيك اليوم
حسام :مابيه حبيبه بس اريد اشبع شوف منج باجر وملتحق ويجوز اطول لان تعرفين داعش طب الحدود ونذار وماكدر ابقى هو ايه
اريج :كلبي وجعني من كال اتأخر
حسام ديربالك ع نفسك ماتحمل يصير شي
حسام :يرؤح حسام وكلبه وعشيرته كلشي بيدالله ليظل بالج انتي بس ادعيلي ون شاء الله ماكوشي
اريج :ان شاء الله ترجع سالم غانم النا
حسام :تعاي لحظن حبيبج
اريج :اخذني بحظنه ونفس كل يوم ميكعد راحه
طبع اثرات بركبتي وخليته براحته ينام ويكعد يتوكح تعبني
حسام :حبيبي كومي نسبح وراي روحه
اريج :اي حبيبي كعدت
جسمي كله يوجعني وهو يظحك عليه ياستار شبيك تظحك عليه شفت بعبع
حسام :هههههه لا حبيبي باعي بالمرايه وتعرفين
اريج :كمت باوعت يااعزاااا شمسؤي بيه خرب يومك
حسام :هههههه تعاي نسبح
اريج :طلعت ملابس اله والي وسبحنا سوه وطلعنا وهو ميكعد راحه كل شويه يكرص ويبوس ويحظن
واني ماعرف شبيه خوف وقلق ع حسام اشوف يبوس بامه وابو وخواته ويوصي بيهم واني تجي افكار براسي وبعد اتعوذ الشيطان والتحق حسام وطلعت عمتي وذبت وراه مي وتدعي يرجع بسلامه
اخذله كم يوم يتصل وبعده نقطعت اخباره
واني كلبي وجر نار خابرت ابوي وكتله
ابو اريج :ع كيفج بويه انشاءالله ماكوشي
اريج :والله بويه كلبي لسبني عليه
ابواريج :اني معارف هناك وهسه اخابرواشوف
اريج :اي يرؤحي طمني بويه لتخليني بقلق
ابواريج :اذكري الله بويه ودعيله
اريج :والنعم بالله
وسديته وعمتي وعمي يلوبون عليه
وعمي مخل واحد مخابره
بديت اشتاقلك يومية واحتار
واذا مايووم اسمع صوتك احزن
جبت كلبي بيدي كربته للنار
وليش بنار حبك كلبي أمن
أخاف اعيوني من الشوك تنهار
وخايف لا يجيهن يوم يبجن
ويدمع اعيوني ينزل مو دمع نار
وكل دمعه شهر من توكع اصفن
عدت ليله علينا وحسام من اسبوع مقطوعه اخباره ما حسيت ع نفسي شون نمت واني حاظنا
دشداشته كعدت باوعت الموبايل عساه ولعل المكالمه تطفي نار بكلبي شفت ماكو .دعيت ربي يحرسه واملي عيني بيه نزلت والبيت عم الهدوء بيه
وعمتي صافنه
♪
بس مــو چبــبيرة الشنهي مــاذيچ
مـن تسـأل اعلة رويـحتي شبـــيچ
انـه عـلة حـطت روحــتك ذيــچ
مشلـوع گــلبي عــلة الشبابــيچ
اريج :نزلت والبيت عم الهدؤء بيه
وعمتي صافنه
وعمي لاحوله ولاقوى
شويه وندك الباب وطلع عمي يشوف منو
بقيت صافنا واباوع عليه ليش تأخر
طلعت وشفت عمي يلطم ع راسه
وابويه واخواني ولد عمامي ولامه مكلوبه بره
صحت ع عمتي وطلعنا وصحت ع ابوي واخواني
شكو شبيكم احجو كلهم دنكو ويبجون
كلبي حسني نو حسام بي شي
ركضت لبوي وحظنته بويه فدوه احجي شكو
ابو اريج :بنيتي كلنا ع هاذا الطريق وربج ماكتبلج تفرحين الله يصبرج ويصبرنا
اريج :حسيت اني بحلم واريد اصح منه
فقدت وماحسيت ع نفسي واني اصيح
حسااااااااام وين عفتني يرؤحي بعدنا ماكملت فرحتنا حسااااااااام بويه ليش هيج
فقدت وماحسيت ع نفسي بالمستشفى ومعلكيلي مغذي شفت اختي عشق يمي ولابسه اسود
عشق :الحمدلله ع سلامتج
اريج :عشق حسام مات كلليلي جذب حلم اي حلم
صحيني منه
عشق :ماذا امر ربج وانتي مؤمنه الله يصبرج ويصبرنا
اريج :يعني مات يعني موحلم
وك حسااااااااام اخذني وياك ليش عفتني يرؤحي ليش عفت طويرتك
ااااااخ يحسام عشق طلعيني اريد اشوف
لتحرموني منه فدوه ودوني اشوف
عشق :كافي اريج راح تموتين هسه اتصل ع علي يجي
اريج :اج علي وتوسلت بيه ياخذني بس ماقبل وخذوني للبيت عمي وناس مكلوبه عليهم وهوسه
طبيت وعشق لازمتني كلبي نمرد واني اشوف عمتي وخوات حسام منتهين من البجي رحت اركض وشمرت نفسي بحضن عمتي
ام حسام :يمه اريج راح الغالي راح شمعت البيت
اريج :متت واني اسمع كلمة مات مات
صحت بصوت عالي
حسااااااااام يرؤحي ليش رحت وعفتني
وك بعدك عريس انتهينا من البجي ومرت ساعات
وسمعت يكولون جابو طلعت اركض مثل المخبله
وينه اريد اشوفه اريد اشمه ريحته
بويه جيبه بويه اجتني امي اخذتني ودخلتني جوه ودقايق وجاوبو التابوت ومخلين عليه علم
حبيبي ليش عفتني حساااام
وعمتي والبنات وخواتي وابوه واهلي كلهم دنكو عليه وكله تنحب وتنوح ماطول واخذوه واني بااتله رؤح بس ردتهم ياخذوني محد قبل
وراح حسام مني وراحت فرحتي وياه
احس كلبي مات وراه ومرت الفاتحه وخلصت
واحنا بدون حسام راحت فرحتي صعدت لغرفتي ششوف ملابس لو عطره الي تارس غرفتي لو صدا صوت شنسىصحت بصوت هز البيت
حسااااام يرؤحي ليش عفتني موكلت ماعوف طويرتي تعال شوف حال طويرتك مكسور جناحه
ربي اخذني يمه
اجتي امي تركض وعمي وابويه
واخذوني اهلي وياهم للبيت
بأمر من عمي كالهم تروح سؤي شي بنفسه
و احنا مويهمه
ومرت ع وفاته اسبوع واني قطعت الاكل والشرب قاطعت العالم البره كله
صرت حبيست غرفتي وحاضنا اغراضه الي جان وياه وتغيرت ملامح وجهي احس كبرت اكثر من عمري وصار شهر وحسام ينذكر بدعاء وثواب
واني شبه ميته جسد بدون روح
ام اريج :اريج يمه موكافي دعيله اقري قران لسوين هيج بنفسج ميصير هيج هاي الدموع تأذي
اريج :يمه فدوه عوفوني بحالي خلوني اعيش وي خياله تدرين حسام ويايه بالغرفه ميعوفني
اي ادري بي ميعوفني
ام اريج :لا حول اله ولا قوة اله بالله اريد الله يصبرج يمه ويصبرامه
بعد شهرين..............
غلسو خاف اكو سحك وعرف بارت قصير عوضكم ان شاء الله
