رواية خفايا القدر الفصل السابع بقلم انين الروح
ايوب طلب من جراح بالاشاره يفتح موضوعه
.ابو جراح .والله ياخوي انه موش بس عالمشروع جاي .
عندي طلب واريد من ام علاء تدخل بي وتشوف وتردنه الطلب
.اي خويه اطلب تدلل
.تسلم ياخوي....... .اريد تسئلون ع ناس وتاخذون رايهم بالزواج لبنه ايوب
وتعرف هي موش انه بالاول اجي كان المفروض ام جراح بسك تعرف الوضع كلنه خل نشوف الطريق بالاول ورد العالم علينه وبعدها انجيب ام جراح ونخطب .
ابوعلاء عليمن ومنو هالبت الجاي تخطبه لبنك ياخوي .
ع جارك بيت ابو احمد قبل سنه وكسور جبتهم يمنه بأول الحرب تذكرهم يخوي
اي بيت بصفنه هذول وخوش ناس
اي تعرف الولد راد البنيه وبوكتها وماكدرنه نطلب يد بنتهم لان جنه ابحرب واليوم ايوب جاي ورايد هالبت اذا ما ازوجت
وانه رايدها من شاربك .ابو علاء
تبشر ياخوي ان شالله اخلي ام علاء تسير عليهم وتاخذ منهم الجلمه الزينه والبت اضنها ما مزوجه بعدهي
والبي خير الله يقدمه ..وانه اكلك ناس والنعم منهم ومن اخلاقهم وبتهم صديقه بناتي ابنيه حبابه ومطيعه مؤدبه
جراح .صارلي ثلث تيام ابغداد وانه كلبي وجسمي ملتهب مثل النار متوهجه
(الوب بروحي ومحد يحس ابلهيبي )
عيوني غمضن وماشفتك حبيبي انت وين ما وين
..........................
ايوب .اني جيت وياهم حتى اشوف عشكي وتاليها تطلع مسافره اوووف ياكلبي شيصبرك ع شوفتها
.ام علاء وينج
جايه
اكلج ابو جراح طلب بت ابو احمد الايوب شتكولين انتي
هم خوش ناس وبتهم مؤدبه
.اي والله ناس ونعمه الناس ماشفنه منهم العيبه
لعد روحي الهم وطلبي بتهم ورديلي خبر
.يارا جنت رايحه للهول دا اودي الجاي البابا وسمعتهم يحجون ع موضوع خطبه
الايوب
ظليت استمع الهم فرحت حيل كلبي حسيته طلع من مكان وصار يرفرف اكبالي
واخيرا حس بيه ايوب وجالي وخطبني
بس ياصدمه الصدمه من اسمعت اسمها وايوب رايدها الها مو الي
فز كلبي وبلا شعور وكعت الصينيه من يدي ورحت اركض للغرفه متت بجي
لان اني احب ايوب من صغري من جنه يمهم
جنت اتقربله واحب اسوالفه ولعبه وضحكته ويايه
جان كلشي يجيب الي حلويات ومن اطلب منه اروح للحديقه ياخذني ويلزمني من يدي
ويلزم خدودي شنو هذا كله طلع كذب وكلمه حبيبتي الجنت اسمعها من لسانه هم كذب ضحكته نظرته كلها كذب مو حب مو عشك ليش ضحك عليه ليش وهمني هو يحبني لاااااااااااااااا ليش هيج ياكلبي ليش هذا الجرح ما اتحمله اني لااااااااا ياربي لا
جنت عايشه في حبي اله صح اني صغيره بعدني بس حبه كبر بكلبي مثل نبته وصار شجره تمنيته الي وجاي يخطبني اني ياربي هو حلم عمري يا اللهي اني اريده😭😭😭😭😭اااااااااايوووووووب اسمعني اني اريدكككككككك ايووووووب وينك ليش اختاريتها هي ليش
شنو تفرق عني قابل هي حبتك اكثر مني ااااااه ياكلبي التحطم يااااااااه ياروحي النكسرت ااااااه والف ااااااه
ليش ايوب ليش اله رهف تزوج ليش ايوب جاوبني
ليش الي اريد مايكون الي
ليش يروح الغيري اني الجنت اصبر حالي ع افراكه وكول يجي يوم ويتقدملي لان جنت اشوف اهتمامه بيه من جنه يمهم حسيته يحبني مثل ما اني احبه ومتعلقه بي اذكر من جان يشيلني بيده حتى اكطع مشمش او تين او عنب
معقوله جان اهتمامه بيه مجرد اوهام
لا لا جان يحبني بس ليش راد رهف مرادني شنو فرقي عنها .
........
مها شبيج يارا ليش تبجين امي ظلت تصيح وراج واني طفرتي وعفتي الصينيه والاستكاين مكسوره وراج وجيتي تركضين خير بيج شي
.مابيه شي مها عوفيني ابجي 😭😭😭😭
.ماما... يارا شبيج ليش وكعتي الصينيه ورحتي تركضين
.ماكو شي امي مجرد دوخه حسيت براسي وخفت لا اوكع وجيت اركض الغرفتي حتى ارتاح
.شو خل اشوف خاف مرتفعه حرارتج
.لا ماما مو حراره بس تعب
.لعد نامي اشويه
.اي ماما .طلعت امي ولزمتني مها
.ولج هذا فلم مو عليه احجيلي اشبيج
.لج مها شحجيلج واني كلبي دا يتكطع .
ليش اسم الله شكو
.لج ايوب راح يخطب
.اي بالمبارك وانتي شكو
.لج راح يخطب رهف
.تستاهل رهف خوش ابنيه
.واني واني مها ............ .انتي شنو
.اني احبه مها . احب ايوب
سكتي لج انتي والحب شنو بعدج ابكد الفلسين
.مها لتعصبيني اكلج احبه وعندي استعداد انتظره بس لا يزوج رهف
.لا حبيبتي هذا مو حب انتي بعدج صغيره كله عمرج ١٤ وتوج بحله العمر وينج وين الحب خلصي متوسطه بالاول وبعدها حبي .
مها اكلج احبه وراح اموت من ورا حبه
.نامي يارا وراح من تكعدين تنسين ايوب صدكي
.جان نسيته من سنه مو زاد حبي اله انتي شتحجين محد بيكم يحس بيه الكل مصورني صغيره وما افهم ولا احب حالي حال البنات
غطيت راسي بالغطه وظليت ابجي لان حب عمري راح يضيع من يدي
بس اني لازم احجي ويه ايوب وكله ليزوج رهف لان اني احبه
.......................
. رهف ظلينه يم رفيف ١٥ يوم يعني تقريبا اسبوعين لان خطيه جايبه عمليه ومحتاجه اليرعاها صح عمتها ما مقصره بس البنيه ادور امها الترعاها
وبعد هاي الفتره كلها رجعنه البغداد والبيتنه والحمدلله
دخلت نظفت وامي راحت لسوك اسوكت من رجعت طبخت الغده
وصلنه البغداد اخو طه ....ياسين خوش ولد حباب كعد اتغده يمنه وراد يرجع امي مخلته لان الوقت متاخر والوضع مو زين كالتله اتبات وباجر من الصبح عود اطلع
الولد ماقبل بس امي اصرت عليه وبقه
.
العصر جتي ام علاء علينه اسلم وتبارك الامي عالمولود وخطيه ظال بالها علينه لان تاخرنه هواي ابيت اختي
دخلت اقدم الها شربت وسمعتها تكول الامي عندي موضوع وياج بس لازم ترتاحين يله احجي بي
.دخلت بيدي الشربت
.كل الهلا بخاله زارتنه البركه .
هلو خالاتي شلونج يمه رهف
.الحمدلله خاله انتي والبنات شلونكم .
والله كلنه بخير نسئل عليكم انتي ورفيف
.تسئل عليج العافيه خاله كلنه بخير ورفيف كذلك ابنها يجنن وصحته ممتازه
الحمدلله ...
ظليت كاعده بس حسيت اكو سالفه بس مايرضن يحجن اكبالي اشويه وستأذنت ام علاء وطلعت
.ماما اشبيها خاله شو حسيتها تريد تحجي بس ماحجت .
والله ماعرف كالت عود غير يوم تجي
.اي كل الهلا بيها
عود يمه رهف سوينله كبه عالعشه وكلي زايد لان مناف يحبها
صار ماما
.وجيبي من يمج الخضره خل انظفها
امي كعدت تنظف الخضره واني بديت اكلي الكبه وحضر للعشه شفت امي مسترخيه اعصابها فكرت افاتحاها اموضوع دراستي
رهف...يوم عفيه اريد احجي وياج ابموضوع
بس لا تتعصبين ولا ترفضين
.خير شنو موضوعج
.يوم فدوه اريد ارجع للمدرسه والله حرامات اني شاطره واصله اعدادي يعني بس سنه وحده ادخل جامعه وحقق حلمي يوم فدوه رحتلج لا ترفضين
ليش متخليني اكمل حالي حال البنات هسه مو بنات ام علاء جاي يروحن للمدرسه شو ما نخطفن خوما بس اني اول ما اداوم راح انخطف فدوه رحتلج يوم خليني اكمل حلمي
.الام الله كريم ع بدايه الدوام عود افكر
.رحت ع امي حضنتها وبوستها من راسها لان رجعت بيه امل الدراسه كملت العشه جوي الولد من وكت تعشينه وغسلت الماعين ورحت تمددت عالفراش لان
تعبانه من الطريق وغفيت غفوه العمر وبغفوتي حلمت
بأن كبال بابنه كومه احذيه اشكال الوان اني عود استغربت من كثرتهن هاي المن كل هالاحذيه وفزيت ع صوت امي اصحيني ع ريوك صحيت غسلت ورحت سويت بيض عيون احبها وكعدت
ماما لعد وين الولد
طلعوا ياسين كعد من السبعه سلم ورجع البيتهم
.الله يوصله بالسلامه واحمد راح الشغله
. الله يرزقه
امي شنو حابه نطبخ اليوم
ابكيفج كلشي من يدج طيب
ماما خلي العصر نطلع
حبيبتي مالي خلك
لعد اروح اشوف البنات مشتاقتلهم
روحي بس لتتاخرين يمهم
اي يوم صار
.......................
جراح .بقينه ابيت عمي تلث تيام ورجعنه عدنه شغل ومسؤوليات جثير
ننتظر رد ابو معتز عالمشروع والكاع
كل هالايام واني كلبي مثل النار تمنيت اشوفها لو اسمع صوتها بس ماكو مدري وين طالعه بنت الذينه ..طبعي ولا احب البنيه تطلع من بيت اهلها وتروح اتبات ابيت ثاني اندق من هالشغله اموت وهاي صارلها تلث تيام ماردت للبيت كببت النار العندي المشكله برجعتي صرت اعصاب كبره ما اتحمل احد يحجي وياي البيت احسه كله متكهرب ابسبتي
منا البيت ومنا دوامي ولعبان نفس طافره روحي من روحي الدوخه مافاركت راسي
فهد ..كوم يا اخي نروح لدكتور شوف حالتك حيل مطعون شكلك
فهد مالي خلك دكتور وتحاليل وهالامور كلها
بس انت منتهي وكوه جاي تكابر ع روحك
كوم يا اخي
كمت وي فهد كوه مروه اخذني لدكتور طلب مني تحاليل سويت
طلع عندي زياده بالدم ورتفاع بالضغط كتبلي علاج
وذبيت بطلين دم
فهد ..عود غير وكت سوي حجامه افضل الك
ان شالله غير وكت خل نرجع بس لا توديني للبيت
صار راح اخذك المكان اله اتموت عليه يله امشينه
ولك فهد مو مكان بي بنات وهالسوالف
جروحي .هو اكو احلى من البنات
فهد .انت جاي تفهم عليه اكلك مختنك ماريد بنات
هسه كافي يجراح عوفلي حالك انه اعرف وين اخذك امشي وبس لا تظل ترادد
يله امشينه
...........................
.هلا ام علاء تفضلي
.زاد فضلج ام احمد
.اي خاله هم زين اجيتي انتي تعرفين اتفسرين احلام واني اليوم احلمت هيج حلم شنو معناه اريد اعرف معقوله اكو سماء تمطر نعل واحذيه
خاله اكعدت بس اضحك ع حالي شلون حلم تافهه
.حبيبتي هاي معناه جايتج قسه وان شالله خير
.لا صدك خاله ..شنو نعل واحذيه معناه زواج
.اي والله يابنتي مثل ما اكلج
.زين لعد خلي اروح عالبنات مشتاقتلهم احسن من حلمي هذا
.اي روحي ماماتي
.ام احمد اني اليوم جايتج وقاصدتج بموضوع ولا ترديني ...وهاي كدامج بنتج حجت حلمها واني فسرته الها
.عيوني الج ام علاء صدك كذب ادللي
.
خيه تذكرين بيت ابو جراح بيت اعيالي
البيت الجبير مال حمايه الجبير الكعدنه بي اثناء الحرب
.اي خيه اذكره هوه هذا الحدث هم ينسي
.لا والله ماتنسي
.ام احمد انتي تعرفين الناس عاشرتوهم ناس اتحب الخير وتساعد المحتاج والضايكه الدنيا بعينه
.اي والله والنعم منهم دوم بابهم مفتوح للرايح والجاي
.اي يداده اليوم اني جايه اطلب يد بنتج لبنهم ايوب
هذا الولد لسمراني اليشاقه ويداهر بيبيته جان .......
وانتي تحبين اسوالفه
.يااا صدك تحجين ام علاء
.اي ليش لعد خيه
لا يمه بنتي شلون اشمرها للبصره وتكون بعيده عليه اني رفيف مع العلم طه ورده بس متندمه لان محافظه
اكلج ام احمد تره الزواج ستر للبنيه ان جان ابغداد او مكان ثاني اهم شي البنيه تكون مرتاحه ويه اعيال واصلين وحياتهم بخير ومايقصرون وي احد شنو فايده تزوج ابغداد وتطلع عائله او زوج تعبان ويتعبها
هاي بنتج رفيف مو الحمدلله عايشه ومرتاحه وفرحانه وزوجها يخاف عليها بس هي بعيده عنج
ام احمد هاي قسمه الحياه نزوج ونخلف ونكبر وتاليهم مو النه ان جان ولد لو ابنيه
اي والله ام علاء كلامج ذهب
.بس اني جنت ناويه ارجع رهف للمدرسه
.اكلج ام احمد عيوني اذا عالمدرسه هي اهناك تكملها هم ناس كلها واصله وهمه رايدين كربكم وانتي هالتشوفين الوضع مو امان خطف وقتل
ولتنسين انتي بلسانج كلتي مره قريتي ورقه عالباب ومتعرفين مقصوده انتي لو الورقه بالهوه طايره ع بابج
صح والله يا ام علاء
عالاقل امني ع بنتج ابيت رجلها احسن ما تظل كدامج وانتي اداومين وشايله همها خاف انخطفت وخاف وخاف وخاف
عالاقل يم رجلها انتي يكون راسج بارد مثل رفيف مو مرتاحه لان رجلها يمها
.ام احمد .والله كلامج صح يا ام علاء البنيه اهم شي بيتها
اني راح احجي ويه رهف وردلج الخبر وان شالله خير
.زين اني اترخص عيوني
.لا خاله لطلعين اسمعي ردي بالاول
.ولج رهف شنو جنتي تسمعين النه انتي مو كلتي حروح يم البنات
.لا ماما مجنت اتسمع بس صوتكم ينسمع قبل لا اطلع وكفت لان ظل بالي عبالي اكو شي ابسبب الورقه لان ابوكتها اني هم شفتها وخفت بس طلع الموضوع اكبر واوسع
اني ما ريد هسه ازوج اشفت من عمري حتى انربط برجال وعيال وطفال ماريد كوليلهم ماعدهم بنات لزواج خاله
.ماحسيت اله راشدي طير وجهي
.ام احمد انتي صدك متستحين شلون تردين قبل لا اني احجي مو بكيفج اني امشي ولا انتي اتقررين ابمكاني متعرفين تفكرين صح عبالج الحياه ماطول كبرتي تكون بيدج وانتي تقررين كل امورج مو واني حايط لا اصد ولا ارد ولا الي احترام ربيت وتعبت حتى بنتي توكف اكبالي وترد ابمكاني بقرارات اتخص حياتنه اثنينه مو بس انتي
.عذريني ام علاء وحسبيها عليه
.لا عيوني ام احمد عادي كل البنات هيج بس تسمع طاري الزواج تتكهرب عبالك الزواج بي جني مو ستر الهن
.يله حبيبتي اني اترخص
.غاليه ام علاء
.ولج انتي شلون تردين عالمره هيج اشو اني قابله وراضيه بيهم وين نلكه هيج عائله
ناس وخوش ناس ومليانه عيونهم وشيوخ والكل تحترمهم وتحسبلهم الف احساب وشفتي عيشتهم حلوه ومابيها نقص واني صراحه ما اكدر اخليج ترجعين للمدرسه لان اني ماعندي حظ بس ترجعين يخطفوج وانتي كلتي شايفه الورقه مهددينه بيها ومشوفين اني حابستكم بالبيت وما اطلعكم وبالاخص انتي
ف ازوجي وعود خلي رجلج يرجعج للمدرسه
.بس يوم اني ماريد ازوج ومن ايوب بالذات
.ليش شبي الولد
.مابي شي بس حياتهم صعبه ماحبيتها وهذا اخوه مينطاق
.
اول وتالي اتحبيها كلنه هيج اول مانزوج منحب العيشه وبعدين نتعود وتصير حياتنه جنه وحلوه بالاخص من نخلف
.امي افهميني اعرف كل هالحجي بس اني ماريد ازوج هسه
.انطيني سبب ليش مترضين بالولد لان ابن خير وراح تعيشين مرتاحه
ماما اني.اخاف من اخوه هذا المتعصب الشايف حاله الاسمه جراح
.انتي راح تزوجين ايوب مو جراح .
اعرف بس اني اخاف منه احسه وحش البيت الكل يمشي بحجايته وخاف يكون مسيطر ع ايوب ...وايوب ماله كلمه ع اخوه
.هذا مو عذر حبيبتي بنتي انتي مو تردين اني ارتاح
.اي اكيد ماما
.لعد ازوجي وريحيني اني ماصدكت من خطبوج تدرين كم ايه اقره حتى الله يحفظكم الي
ولج ماما يوميه اسمع هذا كتلوه وهذا اغتالوا وهاي خطفوها امي الدنيا صارت مترحم تخوف يابنتي اني مره ما اكدر احميكم وانتي حلوه والعيون عليج كلها تشوفين من نروح لسوك شلون العيون تريد تاكلج فدوه بنتي وافقي ورتاحي ابيت زوجج وعود انتي ادللي عليه وكملي دراسه اهناك عالاقل اهناك محد يتقربلج لان انتي جنت شيوخ يا ماماتي
.من سمعت كلام امي حيل نقهرت حسيتها جاي تشمرني عليهم شمر بس ارجعت فكرت في كلامها صح هي مره وحدانيه واخويه صغير متكدر علينه اثنينه واني شكلي يجذب حقها تريد ازوجني حتى يخف عنها الحمل البنيه مسؤوليه
فكرت اهواي واخيرا اقتنعت بالزواج وهناك اكمل دراسه وحاول احقق حلمي
بس اوووووف لو مو ايوب الخاطبني ليش انت ما اجيت ليش معقوله ماهزيت اركان كلبك
معقوله ماحبيتني ولا عجبتك
.رحت الامي واني صح خانكتني العبره وعيوني فاضحتني من كثر البجي
ماما اي اني موافقه
اخذتني امي الحضنها بوستني وكامت تبجي واني هم بجيت وياها حسيت راح افقدها مو ازوج وعيش حياتي من جديد
ماما .هسه ليش هالبجي
لان تمنيت يايمه تحققين حلمج بالدراسه وتزوجين التحبي بس هاي دنيا يوميه حالها شكل يوم تضحك يوم تبجي ولازم نرضه بالمكتوب
.اي يوم لتهتمين اول وتالي اني ازوج اليوم او باجر لازم اكو زواج واذا عن حلمي ان شالله ايوب يطلع حباب ويقبل اداوم يمهم
.ربي يكملج بعقلج يارهف ويفتحها بوجهج ويكتبلج السعاده من اوسع ابوابها ياقادر ياكريم
................
يارا ..من سمعت بيوب لحد اليوم اني الوب وضايجه وبس اريد اشوف رهف وحجي وياها وقنعها ترفض هالزواج
بس كل ما اكول الامي خل نروح البيت رهف تطلعنه شغله لو خطار يجونه لو يطلعنه شغل من جوه الكاع
صدك طفرت روحي اخر شي كلت خل اروح من السياج اصيحها وححي وياها
طلعت وصعدت عالطبله وصحتها
رهف ..هلو يارا شلونج ..امي كالتلي ترديني
اي رهف عندي موضوع وياج حيل ضروري لازم نحجي بي
اي حبي تعالي يمنه وخل نكعد ونسولف
علاء ...يارا وينج
اهوووو رهف علاء صاحني خلي ادخل للبيت اشوفه شرايد ورجعلج
ليش علاء يمكم
اي يمنه
اشوكت اجه ...اليوم الظهر
هاااااا اوك حبي عادي روحي ومن تكملين شغلج تعالي البيتنه انتظرج
ان شالله رهف ...باي
باي عمري
علاء ..هاي شعندج عالسياج
كنت احجي ويه رهف
وانتي ما خجلتي ليروح واحد يشوفج
شلون يشوفني واني شجره العنب تغطيني
لجاوبين ام السان بعد لتعيديها وتصعدين لااكسر رجلج روحي سويلي جاي
اوووو اشوكت يرحون هو وزوجته البيتهم والله مللونه هي تدلل عبالك بس هي حامل وهو يتأمر
شيماء ..يارا وينج علاء يكول وين صار الجاي
اي داصب يمعوده واحدكم طاير طيران ماكو صبر
هاج وديله الجاي
لا فدوه يارا والله ثكل بطني مأذيني كو امشي والنوب رجلي وارمه
والله ياشيماء انتي هواي جاي تدللين علينه
ليش ولج قابل كاذبه عليج مشوفين رجلي شكد
وارمه
ام علاء ..بدل هاي لغوتج جان وديتي الجاي يالفاهيه
اي اي ظلوا عيطوا ورزلوني عبالك اني طفله كدامكم
مها ..لا يمه لاتحجين ع يارا تره البنيه كبرت وكامت تتحسس من الكلام
اي وانتي ظلي صنفي
مها .والله حرنه وياج انصنف منعجب نحجي الصدك هم منعجب
علاء ..الزقنبوت وين صار
اي جبته
اوووووف محد حاس اني كبرت وصرت ابنيه بالغه والي رغباتي وحب حياتي حيضيع كدام عيني
بس لا لازم اشوف رهف وحجي وياها قبل لا ايوب يجي ويخطبها من صدك
.............................
ايوب .جراح بشرني ماردو خبر الك صار اسبوع تيام من حجينه وياهم
لا عمك مارد خبر لا تستعجل اول وتالي يردون
فدوه اروحلك خابر انت عمي وستفسر منه
شلون تريدني اني اخابر شنو ماعندي شغل وعمل النوب اسئل ع موافقه الناس
اي ياخوي غير احنه المتقدمين وماردونه خبر
اريد اعرف شنو موافقه لا
كتلك لا تلح هذا زواج مو سياره تشتريها
اصبر ونتظر
جراح انه رايده منك انت تردلي الخبر اليله
امشي منا ايوب انه الف سالفه هسه براسي
انه ماشي ياخوي بس اريد الجواب اليله
جراح رضااااااااا وينك 😠😠😠
هاااااخويه
نزلت البضاعه من السيارات
اي خويه نزلتها وخليناهن بالمخازن والباجر نودين للعلوه ومناك نوزعهن عالمخافظات
الله كريم
بس اكلك خويه الطريق ما يأمن
لا تخاف رضا انت سبع والطريق للسباع ما اقبل اسمع هذا الكلام منك بعد
احنه زلم من ظهر زلم اذا انت ابن شيخ هيج تحجي لعد غيرك شيكول
انه اسف ياخوي بعد ماعيد كلامي
يله اني راجع للبيت اخذ بالك من الوكاله
شعجب راد للبيت هيج وكت
والله مااعرف شو امي خابرت وتريدني وطايره ظل بالي خاف جدتي صالها شي وماتريد تحجي اله انه اوصل للبيت
زين ياخوي روح وطمني
الله وياك
جراح .شغلت سيارتي ورجعت للبيت بس انه كلبي لاعب حاس اكو شي امي اتصالها ما ريحني رغم هي جانت تضحك
وصلت واشوف ذبيحه كدام البيت والجده طالعه وتوزع حلويات
وامي تهلهل ..اني افتحت عيني ع وسعهن شنو اصاير اهنا
عفت الكل ورحت الازهار
انتي شعندج واكفه اهنا ماتشوفين الكصاب جاي يذبح شنو جاي تستعرضين حالج اله امشي فوتي جوه
لايمه لا تجرها هيج خاف عليها يمه لايصير بالطفل شي
شتحجين يمه
اي حبيبي مرتك حامل ماتشوف جاي نذبح بسماعنه للخبر
اشوكت هالحجي يمه
اني اخذت ازهار اليوم وهي بشرتنه بحبالتها
واول ما ارجعت كتلهم يذبحون ويوزعون
الجده ..حبيبي يافرحه كلبي تعال احبنك واخيرا حتكون اب يانظر عيوني
مصدوم من الخبر وجبت الجدتي
نزلت ع يدها ابوسها
هي انتبهت علي مافرحان وهمست بذني
ليش يايمه مافرحان
تعرفين ليش ياحبوبه انه مارايد منها الولد جان بنفسي يكون من الي هواها كلبي
ياوليدي انت مؤمن وانت تريد شي وربك يريد شي ثاني هاي كلها اسباب حتى تبعدك عنها
هي من الاول مو الك لا تقنع حالك بيها
ياحبوبه حب زوجتك ووليدك الجاي وتمنه الحبيبتك الاوليه السعاده
حبوبه ما اكدر انساها احس روحها عايشه وياي وتمنيت هذا الطفل منها
ينبضي قسمه ربك تكون ازهار قسمتك موش هي ارضه بنصيبك
اوووف ياجدتي لو يرجع بيه الوكت ما خليها تطير من يدي
اوليدي .ليش ما تتزوجها هسه خوما حرام الله حلل للزلمه اربعه يزوج
وانت نفسك بيها روح وحاجيها
لا جدتي ماينفع بعد
صارت الغيري موش الي
ياعمت عيني عليك ياحبيب تمنيت التتمناها تكون الك وتعيش بضلك لاخر نفس وياك
اووف جدتي ماترهم ومراح ترهم ابد وللموت خل اكوم ارجع الشغلي
كوم يمه ولا تهم بروحك
ازهار ..وين جراح
عندي شغل شنو محتاجه شي
لا بس شو مباركتلي ولا جيت يمي وتشوفني
اني مفارغ الج هسه من ارجع
يله جدتي اودعج
محروس يمه
شفتي جده حتى معبرني بكلمه ولا فرح بحبالتي
حبوبه ازهار عوفي جراح ابحاله التعب العليه جثير
اول وتالي يباركلج
هو هذا هم ابنه
لا جدتي هو من يوم التزوجنه واني حاسه بي ماله رغبه بيه ولا طايق وجودي ماعرف ليش تزوجني
حبوبه اسكتي ولا تفتحين نار جهنم ابوجهج
ليش يعني ما احجي قابل اني قليله لو اهل ما عندي حتى هيج يعاملني
شو قبله رادوني جثير
الجده ..ياريت رضيتي ابواحد من هالجثير الجو عليج
شو مارايدتني انتي هم مثل ابن ابنج مافد يوم رضيتي عليه
لأنج ما مرضيه فريخي وحبيب جدته
افريخج هو من يومه معاجبه العجب مو من ازوجني
لانج ثوله ماكسبتي ولا عرفتي تحوي غيرج جانت اشطر يالغبره
منو قصدج حبوبه احجي
ماينفع الحجي وياج هسه كوميني خل اتوضه حتى اصلي كوميني
