رواية لأنها اختي الفصل الثامن بقلم فاطمه حمود
مدري شمالهم
كلمن يحب نفسه
وكلما احچي..
روحي تصيح مو هسه
وصل حده التعب تندسني دمعي يطيح
بعد ما جان گلبي ولاية الونسه
سلبوا راحتي
ونشدوني !! ها مرتاح ؟؟
شگد ميت ضميره اليجرح وينسى
1 ت
..............
ملاك :- البنيه الي جنت اتحبها قبل 4 سنوات هي دانيا مو
ادعي من كل كلبي حتى يكول لا او حتى ينكر بس المهم ما يكول اي المهم ما اريد اسمع كلمه اي
وصلت المرحله هنا راضيه وقابله انو يجذب عليه انو يخدعني ب اي شي بس المهم انو ما يكون رده اي هيه اختج
1 تع
الي حبيتها او يكلي اي اختج الي عذبتني لمن غدرتني وشعلت ناري ما اريده يكلي البنيه الي ب كل اغنيه حزينه تذكرها الي ب كل مقتطف مال شعر حزين يتذكرها هي اختي
ما اريد انو تكون هي لأن لو صدك تطلع هي اتخبل يصير بيه شي وربي مدا اكدر اتحمل الفكره شحال لــوو كانت صحيح !!
نيار :- شلون عرفتي !!
كانت هاي كلمتين كفيلة انو توكعني من سابع سمه كفيلة انو تكسر اجناحي إلى أكثر من كسر
5 تع
وانطعنت من اعجاب المراهقه واول حب الي لزمت الفون وايدي ترجف احاول اكتب وكل ساع اخطا ب حرف صرت ب صعوبه اكتب الكلمه صحيح وعيوني مغوشه من الدمع
ملاك :-كول جذب هذا شي ماكو هيج شي فدووه كلي مو هي الغدرت بيك ولا هي الي تحبها ولا هي اول حب الك فدددوه كلي وبرد كلبي فدوووه
1 تع
نيار :- لا ليش اجذب عليج عليمن خل نلعب على المكشوف بعد اغاتي المن نلعب جوه العبايه كليلي هسه بزونتي تريدين انتي تكشفين الورق لو أني اومريني
11 تع
ملاك :- انت شنو دا تحجي لــأ تهتسترنيييييي كول كل هذا جذذذذب كووووول الي مو هي كولي وبرد كلبي
نيار :- شبيج بزونتي شنو هل اعصاب غــير خلصت اللعبه
ملاك :- شنو لعبه شنو كشف انت شدا تحجيي
دزيت الصوره الي سحبتها
نيار :- ههههههههههههه والله ضحكتيني يعني انتي بعدج ما عارفه شي وهيج محتركه لعد لو تعرفين شنو ممــكن تسوين
همممممم معقوله تكتلين دانيا وننشر على مواقع الاخبار اول جريمه بشعه في العراق اخت تقتل اختها الكبيره لاسباب مجهوله هههههههههههه
4 ت
ملاك :- ليــش دا تاذيني هيج شسويتلك اني !!
نيار :- هسه يا عيني تريدين تعرفين لــوو لــأ ؟
ملاك :- شنو اعرف فدوه لا تحجي ب هاي طريقه ال استفزازية وفهمني انت مو تحبني ها انت تحبني ليــش هيج دا تسوي !
1 تع
نيار :- منو كال احبج ؟ اني ما احبج ولا حبيتج
4 تع
ملاك :- جذاب ليــش دا تجذب تحبني انت أ؏ــرف بيك تحبني
نيار :- اهوووو شلون سالفه هاي هسه تريدين تعرفين لــوو لــأ ؟
ملاك :- اي اريد أ؏ــرف
نيار:- شوفي يا حلوه وافتهمي كلامي عدل خوش اخوج تعوفي على جهه ب الاول لان اخوج اخوي وصاحبي وعضيدي وأيدي اليمنى
ولو طلب روحي ترخصله وما اغليها علي هذا شي خلي على بالج اول وما يدخل ب الي راح اكوله والي صار خوووش
اقرا رسايله وما فاهمه شي شنو الي دا يريد يكوله ليــش هيج دا يحجي الف سوال وسوال ب راسي
مدا الكه الهن جواب ونفذت طاقتي انو انتظر كلامه وافهم وين اني مكاني وشنو سالفتي ب كل هل هوسه !!
ملاك :- احجيييييي
نيار :- جنت احبها من صغري لأن كانت اكو عباره تصنع جبال مال مشاعر وتهدم جبال
جانو دوم يكولوها الي بس ما نفذوها اليما نفذو كلمتهم ورخصوها هيه نيار الدانيا ودانيا ال نيار كبرنا وشبينه
واحنا على هل كلام دانيا الك بس من بعد ما كبرنا قلت هل كلمه الحد ما خلفو ب كلمتهم وياي المهم
ما أطول عليج وهي اكصيره خل اختج المصون تسولفلج شلون خدعتني حتى تطي
الحبيب الكلب وقت البين ما ينظم أموره ويخطبها وتسولف الج مكرها وخداعها
ملاك :- اني شنو موقعي ب كل هذااااا اني شنو ذنبي !!! فهمني شنو ذنبييييي ليش حصلت كسره كلب منك
وما الي ذنب وياك ليش خدعتني وكسرتني وما الي ذنب بلي صارلك ولا ادري عنه اني شنو ذنبي هيج تجازيني ب شي ما الي علاقه بي ؟؟؟؟
نيار :- ذنبج انتِ اختها وإني ما أ؏ــرف ابقه ساكت بدون ما اخذ حگي وهسه رديت حگي الي لأن متعلم من دراستي وقاعتنا
احنا الي يدوس النا على طرف ما نخلي يشم الهوة وانتي مجرد ورقه
أخذت بيها حگي من اختج
3 تع
ملاك :- يا حققق انت شنو دا تكول وحبك الي واهتمامك وعيونك والدنيه العيشتني بيها وغيرتك وعطرك وكلامك وصوتك هذني شنووو كل هذني شنووو
6 تع
نيار:- كان كل هذا لعبه تتعلقين بيه وتحبيني ومن بعدها اكشف الورق كله الج وفي امان الله
وفي امان الله افتهمتي بزونتي شبيج صاير استيعابج بطيء ما اعرفج هيج اعرفج تلكفيها وهي طايره
1 تع
ملاك :-زين زين اني شنو ذنبي بس فهمني والله مدا افهم
نيار :- ذنبج انو هي اختج افتهمتي هسه
ملاك :- وكلبي الكسرته ؟
نيار :- اختج تصلحه مثل ما كسرت كلبي وطعنتني ب ظهري ويلا باي ولا دزين بعد أي شي احتركت الورقه مالتج أخذت الي اريده بعد لا تراسليني ماشي ما عايزني دوخه راس اني
11 ت
مده نص ساعه 30 دقيقه كانت كفيله انو تكلب حياتي كلب وتغير مجراها وتغير مشاعري
بدل اللهفه الي كانت ب كلبي وإني انتظره يرجع من الدوام ويراسلني ويطفي اشتياقي اله تحولت وصارت ب بدألها نار
احتلت كل جسمي وتغلغلت بي صرت النفس من كوه اجره فقدت كل حواسي وي دكات كلبي
الي دا اتاذيني ب وجع دكتها كل لحضه اكول انو كل الي دا يصير جذب كل إلي دا يصير حلم
وهسه راح أكعد منه أي اكيد راح أكعد من هذا الحلم اكيد اكيد لان مستحيل يصير هيج شي اصلن ماكو هيج شي
هذا خيال وحلم كنت ادور على بصيص امل يحسسني الي دا اعيشه حلم مو حقيقه بس ماكو كان كل شي حقيقي
بس اني الي كنت ب وهم كان كل الي صار واقع بس اني دا أرفض انو اصدك كل هذا أحس ب نغزات ب كلبي لا لا هاي مو نغزات هاي طعنات دا تضرب بصدي
صافنه واحجي وب نفسي اكول كل هذا حلمما معقوله نيار الي انتظر سنه كامله ب أيامها وشهورها حتى احبه هسه يطلع ما يحبني
ما معقوله صارت كبالي المرايه كمت تقدمت نحوها وإني اشوف وجهي نازل خط اسود مال الكحله السايله
من ورى دموعي صرت أباوع على نفسي واتمعن ب نظر تهسترت أي تهسترت فقدت عقلي
تحركت ب سرعه واني اسحب التليفون حتى اعيد قراء المحادثه واتاكد انو الي صار مو حلم
فقدت اعصابي فقدت عقلي فقدت نفسي ما عرفت شنو الي فقدته ب لحضتها ؟؟
صرت بدون وعي اضرب على خدي ب قوه وصوت الضربه ترن ب أذني بس ما أحس ب وجعها ابدا
ما أحس بدال الوجع سيطرت عليه حراره مو طبيعيه ب خدي بس ما حسيت ب وجعها مشيت بدون وعي فتحت لباب مال الغرفه
وتوجهت للحمام نزعت ملابسي وبقيت ب الداخليات ما عندي ذره قوه بـ؏ــد حتى انزع تعبت صرت احاول افتح الدوش
ما عندي قدره حتى اكاسره فتت جوخ دوش حراره جسمي وي المي البارد حسيت تكاسرت وي اول نقطه مي نزلت على جسمي شهكت شهكه أحس زرفت صدري من قوتها
6 تع
وادموعي انطيتهن الصلاحية انو يعبرن عن نفسي وعن الانكسار
الي ب داخلي
ما اعرف كم الوقت الي مر حسيت حرارتي زادت ما نقصت
ب خطوات متثاقله سديت المي وتوجهت أخذت البرنص ولفيته على جسمي وطلعت توجهت للغرفه شفت تليفوني
دا يدك رحت ب لهفة سريعه اكيد هذا نيار وهذا كله حلم أي أي اكيد
بس خابت كل أمالي وإني اشوف المتصل دانيا انكطع الخط
ظهرت 10 مكالمات فائته من دانيا رجعت دكت اول ما فتحت الخط
اجاني صوتها وهي تحجي ب خوف
دانيا :- الي كاله نيار جذب موووو طمنينيييي فدوه ملاك
كانت مجرد ذكر اسمه ب شفايفها وسيله انو تعلي صوت شهكاتي تعالت مع محاولتي حتى اكتمهن بس ما كدرت
مثل ما فقدت السيطره على دموعي الي نزلن ب غزارة يعني هذا مو حلم لا هذا حقيقه الي كاله مو جذب
وهي على تواصل وياه شمرت تليفون والخط مفتوح وهي تحجي وتصيح
دانيا :- ملاك احجي وياي فهميني ابوس ايدج لا تخوفيني خيتي فدوه وكفتي كلبي بس احجي أي شي طمني كلبي حسبي الله عليك يا ظالم شسويت الها ملاااك ردي عليه
2 تع
من شافت ردي هوه بجيتي وشهكاتي حجت ب سرعه
دانيا :- انتظريني اني جايه
سدت الخط وإني ما اهتميت ابدا الها او انو احجي او ارد عليها حضنت المخده مالتي
ونمت بدون ما ابدل واني حاضنه المخده ب قوه واشهك ما ادري شلون وما اعرف شكد مر من الوقت
وادموعي ما نشفن بس من كثر الدموع أحس راسي راح ينفجر عيوني صرت ما اكدر افتحهن من وجع راسي
صرت أحس ب صوته ب أذني كمت اهلوس ب صوته صرت ما اميز ان كان حقيقه لو أوهام بس نبرة صوته الرجوليه ترن ب أذني ب كلمه
نيار :- اني احبج
1 ت
ما حسيت بعد على شي ابدا بس على قطرات بارده انذبت
على وجهي صرت افتح اعيوني ب تعب وثكل افتح واغمض بيهن بس رؤيه مو واضحه عندي
اشوف دانيا كبالي دمعاتها دا تنزل على خدي اشوف بس شفايفها
يتحركن وما اسمع شي ما ادري كم دقيقه مرت إلا ان وعيت وكدرت استوعب شنو دا يصير حوليه
لكيت راسي ب حضن دانيا وعيت ال كل شي وإني اشوفها بس شعوري
ما ادري شلون افسره اذا هوه كره أو حقد الها
أو غيره أي غيره يعني هي الي كان ولهان ب حبها هي الي كانت ب كل صغيره وكبيرة يذكرها
3 ت
همست بتعب واني الف سالفه وسالفه ب راسي بس اريد أ؏ــرف شنو الي دا يصير وشنو صار
ملاك :- بردي كلبي وسولفيلي كل شي
مسحت دموعها وحجت
دانيا :- مرحبا اني دانيا عمري 23 متخرجه من معهد اداره واقتصاد
متزوجه وعندي طفل شكلي صاحبه جسم رشيق ومتروسه من الاماكن الأنثوية
طولي 170 صاحبه عيون سود سوادهن مغري ومتزينات ب رموش سود كثيفات
دانيا :- بدت القصه من أول ما كملت سادس ورحت أقدم أوراق تقديم
للمعهد هناك شفت قيس صارت بينا نظرات كان هوه جاي وي ابن عمه
يقدم اله للمعهد هم وبده الدوام وصار كل أسبوع يجي
واشوفه بدت علاقتنا تقوه زماله وهيج من بعدها صارت وحبيته وحبني طبعا هوه دارس تحليلات ومتعين ب مستشفى ***** علاقتنا طيبه حبيته الدرجه كلش جبيره
بحيث إذا ب يوم ما اسمع صوته احس انو يومي ما راح يكمل
تعديت مرحله الحب وياه كنا متفقين أنو ورى ما اتخرج ننخطب ونتزوج
بس الي صدمني ب يوم كاعده منتظره قيس كان هوه كل ثلاثاء يجي
واشوفه اباوع ب الوجوه انتظر شوفته من بين الكل طبعا كاعده بالسنتر يم البنات انتظره
من بعيد شفت نيار اجا نحوي كان كاشخ على اخر حبابه
لابس بنطرون اسود وتي شيرت زيتوني كانت لايكه علي كلش اجا نحوي واني مصدومه ب وجوده
شنو دا يسوي هنا صار كبالي عرفته كان قاصدني ب جيته بلعت ريكي
وإني اشوف الكل توجهت انظارهم اله
وخاصه انو هوه كان ملفت للنظر ب هيبته وكان شايل السلاح ماله وعايفه بخصره مغطي ب تي شيرت بس بارز والكل مستغرب منو الي مدخل اسلاحه ب الحرم الجامعي ؟
نيار :- احم شلونج دانيا
دانيا :- هلا نيار الحمدالله
كنت مستغربه من وضعنا وجيته الي
نيار :- احم دانيا ممكن تكومين اكو موضوع مهم صاير ولازم تعرفي
خفت من كال اكو موضوع صاير كل ظني احد بيكم صايره شي حجيت ب خوف وسرعه
دانيا :- شنو نيار ماما بيها شي بابا شصاير حسن صايرله شي أحــچي خوفتني
على صوتي اتجهت الانظار اكثر علينا
نيار :- هدي هدي ما بيهم شي بس موضوع مهم لازم يكون عندج علم بي ف ممكن تكومين
ب هاي اللحضه حمحمت صديقتي عرفت تريدني اعرفه الهن كان الخوف ماليني بس ب نفس الوقت مو مال يصير حجي وخاصه هنا الحجايه المو زينه تنشر بسرعه اسرع من شمه الهوى
دانيا :- احم بنات هذا نيار ابن خالي وحسبه اخوي
ب هاي اللحضه شفت قيس اجا نحونا وشاف نيار طبعا هوه ما يعرفه بس شفت من نظراته الغيره والعصبية
الي غلبت على نظره عيونه حرت بين خوفي على اهلي خاف بيهم شي او خوفي من تصادم
الي راح يصير بين نيار وقيس خفت لا يتعارك وياه وننفضح شفته وهو جاي سريع بسرعه حجيت
دانيا :-نيار أكعد هنا وإني راح انطي الملزمه الزميلي لأن راح
تبدي محاضره ويحتاجها وإني هسه اجي ونحجي ب الموضوع مالك ماشي
ما أ؏ــرف شلون قبل بدون ما تصير سالفه خاصه تعرفين ولدنا احنا ما يقبلون انو همه يكعدون واحنا نروح نحجي وي احد
بس ربج لطف بيه بسرعه توجهت ال قيس الي كان حيوصل للطاوله الي كعد بيها نيار وهوه ينتظرني وكفت وصرت كبال قيس واني خايفه حجيت ب همس كنت اخاف حتى الهمس ينسمع واتاذه
دانيا :- قيس فدوه هدي ماكو شي من الي دا تفكر بي
قيس :- شنو ماكو شي هذا منو الواكفه وياه وتحجين دانياا لا تخبليني وطيرين عقلي (يحجي وهوه يضغط على سنونه ب حده وعصبيه )
دانيا :- بس هدي هذا ابن خالي نيار والقران مدري شنو يريد عنده شغل ب معهدويريد اساعده فدوه هدي ولا تسوي سالفه ومحد يتاذه بس اني اذا تحبني هدي
قيس :- عندج شي وياه دانيااا أحــچي ؟؟؟؟
دانيا :- شبيك قيس هوه اني غير احبك انت وما اشوف غيرك بعد شلون عندي شي وياه
وهم ترا نفس ما كتلك عنده شغل هنا محتاجني اساعده لــأ اكثر ولا اقل وهم هاك هاي الملزمه
وروح وإني اول ما يطلع ادك عليك وربي بس فدوه لا ينتبه وتصير سالفه واتاذه اني وتعرف شقصدي
قيس :- ماشي بس خلي ب بالج ما راح اروح اني كاعد هنا واشوف شنو راح يصير شعدنا
أخذت نفس عفته ومشيت توجهت النيار الي كانت انظراته علينا كعدت يمه
نيار :- زميلج الاخ لو شنو ؟
دانيا :- اي طبعا زميلي واخوي احم نيار قلقتني شنو صاير ممــكن تحجيلي ؟
نيار "- أحم شوفي دانيا راح اجي وياج بدون لف دوران لان ما أ؏ــرف انطي مقدمات وهل خرابيط واني صراحه ما بقه عندي صبر ابدا ذره صبر ما بقت واني اشوفج بعيده عندي
دانيا :- مفهمت شنو بعيده عني !؟
نيار :- احم دانيا اني احبج
دانيا :- شنو شدا تحجي انت !!!!
نيار :- بس هدي واسمعيني شوفي إني اجيت اعوفج ب صوره انتي ما بقه شهرين وتتخرجين انشاء الله وإني
دانيا :- انت شنو نيار انت شنووو ؟؟؟؟
نيار :- بس هدي وافهمي كلامي انتي تعرفين انو احنا من صغر الكل يكول دانيا ال نيار ونيار ال دانيا مو صحيح ؟
دانيا :- هذا حجي بيبي مرا كبيره ب العمر واحنا ولد اليوم مو شرط كلشي ينحجي لازم يتنفذ !
نيار :- بس انتي محجوزه الي والكل يعرف ب هل شي
دانيا:- لا ماكو هذا شي وما معروف ولا شي وهم اني ما اريد هذا شي ورافضته
نيار :- شوفي اني هذا الكلام يرن ب أذني من أول ما نولدتي
وعافوج ب حضني اتسجلتي الي
وإني كبرت وهذا الكلام يرن ب أذني وتحول من كلام الحب حبيتج وإني اشوفج شلون تكبرين
وتحول العشك مو بس حب ادمنت عليج وانتي كبال يعني حبيتج غرت عليج اخاف عليج أي حتى اخاف انو احجي وياج
صرت وإني قررت انو هل أسبوع اني جاي خاطبج ورى تخرج نتزوج
واتوقع ماكو اي مانع
لأن من صغر وانتي محجوزه الي بس ردت اجي واكول الج انو اني احبج وانت اول عشك عشكته من صباي الحد هذا عمري
اول دكت كلب جانت الج او شراره غيره جانت الج كلشي بيه الج واني راضي ب كل شروطتكم خاف اكو
والباقي تتفاهمون بي وي الوالده ب هل اسبوع ان شاء الله
1 تعليق
كانت كلماته مثل الصاعقه على راسي صدمه الي صرت ابلع ب ريكي ب صعوبه وإني اشوف قيس كبالي أعصاب هوه بس مجرد انو ابن خالي
كاعد يمي ما تقبل هذا شي لعد شلون لو يسمع كلامه صار نيار عثرة بيني وبين قيس ما اعرف شلون فكرت ب لحضتها او شنو قررت قرار فاشل
شنو الي خلاني اسوي هاي تصرفات الي ما بيها ذره تفكير كانت عباره عن خوف مثل خوفه العصفور على عشه
كان عشي اني قيس وما كنت اريد احد يتقرب اله او يخربه ويضيعني
دانيا :- ااا لا نيار لا تجي تخطب
عقد حاجبه ما قابل على كلامي
نيار :- شنو سبب ليش ما اجي ؟ انطيني سبب مقنع
دانيا :- نيار أني ما اعرفك وانتي اطباعك حاده وعصبي 24 ساعه بحيث حتى الصراحه اني مرات اخاف منك
نيار :- شنو تخافين مني شنو كدامج وحش
دانيا :- حشاك بس عصبيتك ما تطاق وهم ما اعرف اني طول عمري اعتبرك أخ
نيار :- سهله ب فترا خطوبه تتعرفين عليه وعلى اطباعي وشنو الي يعصبني ونتفاهم على كل شي ماكو اشكال
دانيا :- ها ااا لا مو اني ما اريد انخطب هاي الفترا دراسه تعرف
نهائية وصعبة خلي ورى ما استلم النتيجه وافكر ويصير خير
1 تع
نيار :-دانيا حبيبتي افهميني ماكو تفكير انتِ الي محجوزه الي دا تستوعبين
دانيا :- نيار لا تحجي هيج دا تخوفنييي تراا
نيار :- ليش دا تخافين ياروح نيار ماشي يصير خير بس اني أريد اراسلج هاي فترا يعني اطمن عليج وهم حتى تعرفيني وتعرفين اطباعي وتروحين سالفه انو اني اخوج من بالج مدام ما تريدين انو اخطبج هسه لأن ورى امتحانات فورا اني اخطبج وشهر ونتزوج ما نطول خلي ب بالج هذا شي
دانيا :-ماشي هسه من رخصتك لأن محاضرات عندي ما اريد اتاخر
نيار :- مرخوصه
كمت من يم نيار ورحت مشيت توجهت للحديقه الموجودة
وكنت متأكده انو قيس ورايه اجا وكفت اجا صار كبالي
قيس :- فهميني شنو يريد هذا ولا تكليلي مساعده هاي سوالف احجيهن الغيري
دانيا :- يريد يخطبني
حجيتها بدون مقدمات صفن ب وجهي وعيونه وخزرتهن كان كفيلات انو يعبرن عن مشاعره
قيس :- شنو دا تحجيننننننن انت شنو دا تكوليننن شنو يخطببب
دانيا :- لازم تجي تخطبني وضروري
قيس :- الباجر ادز اهلي بس لازم تنطيني مده أقل من شهر حتى ارتب وضعي واحجي والفلوس وكل سوالف حتى تصير خطبه رسمي
دانيا :- بس شلون واذا عرف نيار اكيد راح يجي ويخطبني لان اذا تجون بس نسوان وجر وعر راح يعرف كلشي وراح يجي يخطب واهلي ما يرفضلون اله طلب
قيس :- خلي هاي سالفه ب وقتها نلكالها حل
دانيا :- قيس مدا اشاقه اني ترا جد الوضع
قيس :- شنو تريدين مني شسوي يعني فهميني
دانيا :- رتب وضعك هاي الفتره الك مهله الحد قبل الامتحانات هيج وراها تجي تخطب واحاول ارتبها
قيس :- ليــش حايفه هل كد ومنطيته اكبر من قيمته
دانيا :- انت ما تعرف شي ف لــأ تحجي اي شي ما تعرف منو نبار وشنو نيار
نهيت الكلام وياه واني الخوف سيطر عليه شنو اسوي وشنو اتصرف حتى ما اصير النيار من هل يوم بديت ب تصرفات بدون تفكير
بدت حياتي من اليوم وتغيرت اتخذت القرار انو لازم أبين الحب النيار هاي بديت ب هل خطوه بس مع كل خطوه اخطيها
كان شعور الخيانة الي دا أحسه تجاه قيس يزاد وياذيني اكثر واكثر والي زاده هوه طلب نيار انو
يشوفني كال انو راح يجي معهد ب وقتها رفضت لأن اكيد
راح يعرف قيس انو اجا لأن ابن عمه وياي ب نفس القسم
قصص ماي هوبس
ف اتفقنا انروح إلحديقه قريبه من االمعهد تمت السالفه
وطلعنا وإني عايفه أيدي على كلبي خاف كلشي يصير تمت طلعه وطكينا الصوره الي شفتيها
ب وقتها نيار كال الي انو راح يسافر ال آذربيجان هوه وأصدقائه يتونسون لأن همه كل سنه الهم إجازة 15 يوم هاي اجازه سنوية
وبعد 4 أيام ويسافر ف اني كانت هاي هل سفره ب اعتبار فرصه الي اول
ما رجعنا حاجيت قيس كتله انو لازم يتقدم الي وأتم المشيه ب هاي ال 14 يوم
تخيلي لازم نخلي مشية مال زلم والنسوان والحجي وقرايه الفاتحه وعقد سيد كلها ب هاي ال 14 يوم كانت مجازفه ب حد ذاتها
ف اتفقت وي قيس انو ثاني يوم راح يدز امه وهنا كان لازم اكعد افكر شلون ما يوصل الخبر الاهل نيار حتى لا يوصلوله هل شي
والشي الاقوه الي هوه لازم احجي وي امي خوفي منها وخجلي وهم شلون راح أوضح الها انو لازم ارفض ابن اخوها لان اني احب واحد شلون راح اعترف الها انو احب واحد وعندي علاقه بي
أم ملاك :- خير يمه تعالي اكعدي شعندج
تشجعت وحجيت وياها
دانيا :- ماما اني أحب شخص وهوه يحبني وحبنا شريف وهوه الباجر داز أهله علمود يخطبوني
أم ملاك :- اذا قصده شريف وأجا من الباب ليش لا كل الهلا بي امي ويا نعمه الرجال اليجي من الباب
دانيا :- بس
أم ملاك :- بس شنو دانيا شعندج احجي
دانيا :- يمه اني سمعت انو نيار يريدني وإني ما اريده ف خايفه خاف يخرب عليه واني اريده الهل ولد لان احبه ف حاولي انو ما توصل السالفه اله خاف يجي يخطبني ويخرب عليه وتعرفين ب الولد وبابا يحبونه ما يرفضون اله طلب وهم اني اكيد راح ارفضه وبوقتها وخاف يجبروني علي وماريده
ام ملاك :- بنيتي نيار ما يتعوض فكري كلش زين اذا صدك رايدج ف الكل راح يحسدج علي
دانيا :- ماما احبه الهل ولد وما اريده غيره والله ما اتزوج غيره وهم هوه مثل نيار ما يتعوض وراح تشوفين اني كلت الج لان اخاف تخرب علاقتج وي اخوج ف لازم ترتبيها انتِ
أم ملاك :- شلون ارتبها بله كليلي شلون نخفي شدا تحجين وهم نخفيها اليوم بأجر بس اكيد ب المشيه راح يكون موجود وراح يكون عارف بيج راح تزوجين واذا هوه رايدج ف اكيد اول ما يسمع راح يخربها لان يريدج
دانيا :- ها مو مو
أم ملاك :- مو شنو احجي دانيا لا تصعدين ضغطي كليلي شعندججج
دانيا :- يمه نيار بعد 4 أيام راح يسافر مده 10 مدري 12 يوم
ف اني اكول نخلي المشيه مال زلم ب هاي مده حتى لا يخربها
وتخرب علاقتنا ب بيت خالو انتي بس نبهي حسن ما يحجيله
وحامد ملتحق وهم علاقته مو كلش قويه وي نيار أما إذا انتي تريدين
تحجين المرت خالو ف نبهيها انو ما تحجيله
ام ملاك :- مخططه الكلشي وتعالي كليلي منين تعرفين بي راح يسافر
دانيا :- يمه هوه اجالي للمعهد وكالي اريدج واريد اخطبج واني احب والولد اني جنت ما اخلي يتقدم منتظره ورى ما اتخرج ومن بـ؏ــد كلام نيار كتله انو يجي يتقدملي
أم ملاك :- لاعبتها صح يبت بطني
دانيا :- علمود لا تخرب علاقتج وي خالو ماما
أم ملاك :- هههه علمودي لو علمود الي تحبي
سكتت لان هوه علمود كان كل همي انو احصل على قيس وما افترك عنه وما كان همي ب نيار وشنو راح يصير بي
أم ملاك :- بله ليش ما تريدين نيار اكو وحده عاقله ترفض نيار
دانيا :- ماما مو كتلج احبه القيس الولد الي يريدني
أم ملاك :-ماشي روحي هسه وخل يجون ويصير خير بس ها اذا الولد بي عيب واحد اني ارفضه خلي ب بالج هذا الشي
انتي جنتي 3 متوسط ب وقتها وصارت مثل ما خططت اله
صارت مشية ب يوم رجعه نيار وطبعا هوه اجا ب آخر لحضه
وصار تحت الأمر الواقع ب وقتها خابرني عاتبني عتاب وجرحني ب كلامه هواي
بس طبعا مو ب كد جرحه ورى فترا سمعت انو كلش مريض
ب وقتها امي شكت وعرفت كل شي انو خدعته وهمته ب الحب وهيج وهي هم لعبت بيه طوبه
مرت الأيام وصار العرس وتم كل شي نيار اختفه من حياتي
إلا أن ب فاتحه حمزه قبل لا أولد ب يوم ورى ما اجيتي أخذتي تليفون مالج
سديت الخط من قيس اندك باب الغرفه وووو
