رواية الإرهابي وذات النقاب الفصل الثامن بقلم ام غايب
ﺃﻓﻀّﻞُ ﺃﻥ ﺃﻛﻮﻥ ﺑﻴﻦ ﺍﻟﻐﺮﻗﻰ
ﻋﻠﻰ ﺃﻥ ﺃﻇﻞ ﻓﻲ ﺍﻟﻘﺎﺭﺏ ﻭﺃﺗﺄﻟﻢ .
ﺧﻀﺮ - ﻓﺘﺤﻴﻠﻲ ﺍﻟﺒﺎﺏ ﻣﺎﺍﺳﻮﻳﻠﺞ ﺷﻲ ﻭﺍﻟﻠﻪ ﺑﺴﺮﻋﻪ
ﻣﻴﻤﻮﻧﻪ - ﺑﻘﻴﺖ ﻣﺘﺮﺩﺩﻩ ﻛﺘﻠﻪ ﻻ ﻣﺎ ﺍﺧﺎﻑ
ﺳﻜﺖ ﻣﺤﺠﻪ ﺷﻲ .... ﻓﺘﺤﺖ ﺍﻟﺒﺎﺏ ﺟﺎﻥ ﻛﺎﻋﺪ ﺑﺎﻭﻋﺖ ﻟﻜﻴﺖ ﺗﺸﻴﺮﺗﻪ ﺑﻲ ﻗﻄﺮﺍﺕ ﺩﻡ ﺑﺎﻭﻋﺖ ﺑﺼﺪﻣﻪ ..... ﻋﻄﺖ ﻭﺭﺩﺕ ﺍﻃﺒﻚ ﺍﻟﺒﺎﺏ ﺑﺴﺮﻋﻪ ...... ﺩﻓﻌﻪ ﺑﻴﺪﻩ ..... ﻭﺩﺧﻞ ﺑﺴﺮﻋﻪ ﻭﺳﺪ ﺣﻠﻜﻲ
ﺍﺷﺶ ﻭﻟﺞ ﻓﻀﺤﺘﻴﻨﻲ ..... ﺍﻛﻮ ﺩﻭﺭﻳﻪ ﺑﺎﻟﻤﻨﻄﻘﻪ ﻋﻠﻰ ﺑﻴﺖ ﺧﻔﺖ ﺧﺎﻑ ﻳﻠﺰﻣﻮﻧﻲ ﻟﺘﺼﺮﺧﻴﻦ .... ﻭﺧﺮ ﺍﻳﺪﻩ ﺭﺩﺕ ﺍﻋﻴﻂ ﻣﺮﻩ ﺛﺎﻧﻴﻪ ﺭﺟﻊ ﺳﺪ ﺣﻠﻜﻲ
ﻣﻴﻤﻮﻭﻭﻭﻧﻪ ﺗﺨﺒﻠﺘﻲ .... ﺳﻜﺘﻲ ﺑﻘﻪ ﻣﻮﺧﺮ ﺍﻳﺪﻩ ﺭﺩﺕ ﺍﻭﺧﺮﻫﻪ
ﺑﻴﺪﻱ ... ﺛﺒﺘﻬﻪ ﺍﻛﺜﺮ
ﺧﻀﺮ - ﻣﺎﺍﻭﺧﺮﻫﻪ ﻻﻥ ﺍﻧﺖ ﻣﺘﺴﻜﺘﻴﻦ
ﻣﻴﻤﻮﻧﻪ - ﺭﺟﻌﺖ ﺧﻠﻴﺖ ﺍﻳﺪﻱ ﻋﻠﻰ ﺍﻳﺪﻩ ﺣﺎﻭﻟﺖ ﺍﻭﺧﺮﻫﻪ ﻭﻫﺰﻳﺖ ﺑﺮﺍﺳﻲ ﺑﺘﻮﺗﺮ
ﺧﻀﺮ - ﻣﺘﺼﻴﺤﻴﻦ
ﻣﻴﻤﻮﻧﻪ - ﻫﺰﻳﺖ ﺭﺍﺳﻲ ﺑـ ... ﺍﻱ
ﺍﻭﻝ ﻣﻮﺧﺮ ﺑﺎﻭﻋﺖ ﻋﻠﻲ ..... ﺍﻧﺖ ﻛﺎﺗﻞ ﻣﻨﻮ .... ﺷﻮﻑ ﺍﻟﺪﻡ ... ﺩﻧﻚ ﻋﻠﻰ ﺗﺸﻴﺮﺗﻪ
ﺧﻀﺮ - ﻟﺞ ﺑﺎﺑﺎ ﻫﺬﺍ ﺧﺸﻤﻲ ﻃﻚ ﺩﻡ
ﻣﻴﻤﻮﻧﻪ - ﺟﺬﺍﺍﺍﺍﺍﺍﺏ ﺍﻧﺖ ﻣﺠﺮﻡ ..... ﺍﻧﺖ ﺷﻨﻮ ﻣﻦ ﺑﺸﺮ .... ﻛﺘﻠﺖ ﻣﻨﻮ
ﺧﻀﺮ - ﻟﺞ ﻣﺨﺒﻠﻪ ﺧﺸﻤﻲ ﻭﺍﻟﻠﻪ ﻭﺭﻭﺡ ﺍﻣﻲ .... ﻭﻟﺰﻡ ﺗﺸﻴﺮﺗﻪ .... ﻫﺎﺝ ﺷﻮﻓﻲ .... ﻟﺞ ﻣﺒﻴﻦ
ﻣﻴﻤﻮﻧﻪ - ﻭﻳﻦ ﺍﻟﺪﻡ ﺷﻮ ﻣﺎﻛﻮ ﺑﺨﺸﻤﻚ
ﺧﻀﺮ - ﻏﻴﺮ ﻣﺴﺤﺘﻪ ﺑﺘﺸﻴﺮﺗﻲ ﻭﺑﺎﻋﻲ ﻟﺞ ﺑﺎﻋﻲ ﺯﻳﻦ ﻣﺒﻴﻦ ﻣﻦ ﺧﺸﻤﻲ
ﻣﻴﻤﻮﻧﻪ - ﺟﺬﺍﺏ ﻭﺍﻟﻠﻪ ﺟﺬﺍﺏ ... ﺍﻧﺖ ﺷﻠﻮﻥ ﺗﻜﺪﺭ ﺗﻌﻴﺶ ﻣﺎﺍﺍﺍﺍﺍﺍﺩﺭﻱ
ﻣﻮ ﻛﻠﺖ ﺑﻌﺪ ﻣﺎﺍﺟﻲ ﻭﻻ ﺍﻃﻠﻊ ﺑﻮﺟﻬﺞ .... ﻟﻴﺶ ﺭﺟﻌﺖ ﺍﺟﻴﺖ
ﺗﻌﺒﺖ ﺍﻧﻲ .... ﺍﻃﻠﻊ ﻟﻮ ﺍﻟﻢ ﺍﻟﻨﺎﺱ ﻋﻠﻴﻚ ﻭﺍﺫﺍ ﺗﻜﻮﻝ ﺍﻛﺘﻠﺞ
ﺍﺍﺍﺍﺍﺍﺍﺍﺍﻛﺘﻞ ﻭﺧﻠﺼﻨﻲ .... ﺍﻧﺖ ﺷﻨﻮ ﻣﻦ ﻣﺠﺮﻡ ﻣﺎﺍﺍﺍﻓﻬﻢ .... ﺩﺗﺨﻠﻴﻨﻲ ﺷﺮﻳﻜﻪ ﻭﻳﺎﻙ ..... ﺷﻤﻌﻨﺎ ﺍﺍﺍﺍﺍﻧﻲ ..... ﺷﻤﻌﻨﺎ
ﺗﻄﻠﻎ ﺑﻮﺟﻬﻲ .... ﻣﺒﻠﻐﺖ ﻋﻠﻴﻚ ﺍﻋﺘﺮﺭﻑ .... ﻻﻥ ﺧﻔﺖ ﻣﻨﻚ
ﻻ ﺍﻛﺜﺮ ﻭﻻ ﺍﻗﻞ .... ﺍﺫﺍ ﻣﺘﺮﻭﺡ ﻫﺴﻪ ﺍﺑﻠﻎ ﻋﻠﻴﻚ .... ﺣﺘﻰ ﺧﺎﻑ ﺗﺮﺟﻊ
ﻳﻠﺰﻣﻮﻙ
ﺩﺧﻞ ﻭﻻ ﻳﻤﻪ ﻣﻦ ﺍﺣﺠﻲ ﻭﻳﺎ ..... ﺭﺣﺖ ﻭﺭﺍ
ﺍﻧﺖ ﻣﺘﺨﺎﺍﺍﻑ ﺍﺻﻴﺢ ﻫﺴﻪ .... ﻭﺍﻟﻢ ﺍﻟﻨﺎﺱ ﻋﻠﻴﻚ
ﻟﺘﻜﻮﻝ ﺟﺒﺎﻧﻪ .... ﻻﻥ ﺍﻟﻬﻨﺎ ﻭﺑﺲ
ﺧﻀﺮ - ﻣﻴﻤﻮﻧﻪ ﺑﻠﻐﻲ .... ﻣﻴﻬﻤﻨﻲ .... ﺍﺻﻼً ﺗﻌﺒﺖ ﻣﺪﺗﺮﺭﻫﻢ ﻣﻨﻴﻦ ﻣﺎﺍﺟﻴﺒﻪ ﻣﻨﻴﻦ ﻣﺎﺍﺧﻠﻴﻬﻪ ﻣﺘﺮﻫﻢ .... ﻣﻄﻠﻮﺏ ﻟﻠﺪﻭﻟﻪ .... ﺍﻟﻤﻨﻄﻘﻪ ﺍﻟﻲ ﻛﺎﻋﺪ ﺑﻴﻬﻪ ﺧﺎﻟﺪ ﻣﺎﺍﻛﺪﺭ ﺍﻭﺻﻠﻬﻪ .... ﻣﺮﺩﺕ ﺷﻲ ﻏﻴﺮ ﺑﺲ ﺍﺧﺬ ﺛﺎﺭ ﺍﻫﻠﻲ ...
ﻣﻴﻤﻮﻧﻪ - ﺷﻠﻮﻥ ﺗﻜﺪﺭ ﺗﻜﻞ ﺭﻭﺡ ﻓﻬﻤﻨﻲ
ﻫﺎﻱ ﺍﻟﺮﻭﺡ ﺍﻟﻲ ﺍﺭﻳﺪ ﺍﺧﺬﻫﻪ ﺍﺧﺬﺕ ﺍﻫﻠﻲ
ﻣﻮ ﺣﺮﺍﻡ ﻻ ﺑﺎﻟﺪﻳﻦ ﻭﻻ ﺣﺘﻰ ﺑﺎﻟﺪﻭﻟﻪ ﻣﻔﺮﻭﺽ ﺗﺤﺎﺳﺐ ﻋﻠﻴﻬﻪ ﺑﺲ ﻻﻥ ﻣﺎﻋﻨﺪﻱ ﺩﻟﻴﻞ ﺍﺗﺤﺎﺳﺐ ﺑﺎﻟﺪﻭﻟﻪ ﻭﺍﻧﻲ ﻗﺎﺑﻞ ﻳﻌﺪﻣﻮﻧﻲ ﺷﻴﺴﻮﻭﻥ ﻳﺴﻮﻭﻥ
ﻣﻴﻤﻮﻧﻪ - ﺭﻥ ﺗﺨﻠﻲ ﺍﻡ ﻳﺤﺘﺮﻙ ﻛﻠﺒﻬﻪ ﻋﻠﻰ ﺍﺑﻨﻬﻪ ﻣﻦ ﺗﺨﻄﻒ ﺍﻃﻔﺎﻝ ﺷﻴﺴﻤﻮﻭﻭ ﻫﺬﺍ ﺫﺍﻙ ﺗﻜﻮﻝ ﻋﻨﺪﻱ ﻋﺬﺭ ﻭﺍﻟﻄﻔﻞ
ﺧﻀﺮ - ﻫﻮ ﺍﺍﺍﺍﺍﺑﻦ ﻋﻤﻲ ﺍﺿﻄﺮﺭﺭﺭﻧﻲ ﺍﺭﻳﺪﻩ ﻳﺤﺘﺮﻙ ﻛﻠﺒﻪ ﻭﻳﺤﺲ ﺑﻴﻪ
ﻣﻦ ﻗﻄﻌﻪ ﻣﻦ ﺭﻭﺣﻪ ﻳﺼﻴﺮ ﺑﻴﻬﻪ ﺷﻲ .... ﻣﻴﺤﺲ ﺑﻴﻪ ﻳﻨﻄﻴﻨﻲ ﻋﻨﻮﺍﻥ ﺍﻟﻪ ﺍﺫﺍ ﻳﺤﺲ ﺑﻮﺟﻌﻲ
ﻣﻴﻤﻮﻧﻪ - ﻟﻴﺶ ﻣﺘﻜﻮﻝ ﻋﻠﻤﻮﺩﻙ ... ﻣﻴﺮﻳﺪﻙ ﺗﺨﺴﺮ ﻛﻠﺸﻲ ..... ﺍﺫﺍ ﻛﺘﻠﺘﻪ ﻣﻮ ﺣﻞ ﻭﻻ ﺭﺍﺡ ﻳﺮﺟﻊ ﺍﻫﻠﻚ ﻭﻻ ﺭﺍﺡ ﺗﻨﻄﻔﻲ ﻧﺎﺭ ﻛﻠﺒﻚ
ﺧﻀﺮ - ﺗﻨﻄﻔﻲ
ﻣﻴﻤﻮﻧﻪ - ﻣﺘﻨﻄﻔﻲ ﻭﺍﻟﻠﻪ ﺑﺲ ﺗﺨﺴﺮ ﻛﻠﺸﻲ ﺑﺤﻴﺎﺗﻚ
ﺧﻀﺮ - ﻣﺎﻋﻨﺪﻱ ﺷﻲ ﺍﺧﺴﺮﻩ ﻭﺗﻨﻄﻔﻲ ﻧﺎﺭ ﻛﻠﺒﻲ ﻣﻦ ﺍﺧﺬ ﺑﺜﺎﺭﻱ
ﺑﻠﻐﻲ ﺷﺘﺮﻳﺪﻳﻦ ﺗﺴﻮﻳﻦ ﺳﻮﻱ ﻋﺎﺩﺩﻱ ﻣﺴﺘﻌﺪ ﺍﺩﺧﻞ ﺳﺠﻦ ﻭﺗﻄﻠﻊ ﺑﻌﺪ ﺳﻨﻴﻦ ﻫﻢ ﺍﺧﺬ ﺑﺜﺎﺭﻱ ﻣﺎﺕ ﺍﻟﻠﻪ ﺍﺧﺬ ﺭﻭﺣﻪ ﺍﺧﺬ ﺭﻭﺡ ﺛﺎﻧﻴﻪ ﺑﻤﻜﺎﻧﻪ
...... ﻳﻠﻠﻪ ﺑﻠﻐﻲ
ﺑﻘﻴﺖ ﺍﺑﺎﻭﻉ ﻋﻠﻲ .... ﻋﻨﺎﺩﻩ ﻭﺍﺻﺮﺍﺭﻩ ﻣﻴﻐﻴﺮ ﺷﻲ ... ﻛﻠﺖ ﺷﻌﻠﻴﻪ ﺑﻲ
ﻛﺘﻠﻪ ... ﻣﺎﺍﺑﻠﻎ ﻋﻠﻴﻚ ﻭﻻ ﺍﻟﻲ ﻋﻼﻗﻪ ﺑﻴﻚ ﻻﻥ ﺍﻧﺖ ﻣﺤﺪ ﻳﻬﻤﻚ ﻭﻣﺎﺍﻛﺪﺭ ﺍﻏﻴﺮ ﺗﻔﻜﻴﺮﻙ ﺑﺲ ﺭﺟﺎﺀﺍً ﺍﻃﻠﻊ ﻣﻦ ﺑﻴﺘﻲ .... ﻭﻫﺎﻟﻤﺮﻩ ﺻﺎﺩﻗﻪ ﻭﻳﺎﻙ
ﺍﺫﺍ ﻣﺘﻌﻮﻓﻨﻲ ﻭﺗﺮﺟﻊ ﺍﺫﺑﺤﻨﻲ ﻫﺴﻪ ﺑﺴﺠﻴﻨﻪ ﺍﻛﺘﻠﻨﻲ ﺑﻄﻠﻘﻪ ..
ﻣﺎﺍﺣﺲ ﺍﻟﻪ ﻛﺎﻡ ﻓﺎﺕ ﻣﻦ ﻳﻤﻲ ﻭﺻﻌﺪ ﺍﻟﺪﺭﺝ ﺑﺎﻭﻋﺖ ﻋﻠﻲ ﺑﺪﻭﻥ ﻣﻴﺤﺠﻲ ﻭﻻ ﻛﻠﻤﻪ ... ﺑﻘﻴﺖ ﻭﺍﻛﻔﻪ ﺳﻤﻌﺘﻪ ﻓﺘﺢ ﺑﺎﺏ ﺍﻟﺴﻄﺢ
ﻣﺸﻴﺖ ﻳﻢ ﺍﻟﺪﺭﺝ ﻭﺭﻓﻌﺖ ﺭﺍﺳﻲ ﻛﻠﺖ ﺧﻞ ﺍﺻﻌﺪ ﺍﻗﻔﻞ ﺍﻟﺒﺎﺏ ﻭﺭﺍ ﻭﻓﻀﻮﻟﻲ ﻳﺮﻳﺪ ﻳﻌﺮﻑ ﺷﻠﻮﻥ ﻳﻄﻠﻊ ﻣﻦ ﺍﻟﺴﻄﺢ
ﺗﻮﻧﻲ ﻛﺎﻋﺪ ﺍﺻﻌﺪ ... ﺷﻮ ﻫﺬﺍ ﺩﺧﻞ ﻭﻣﺨﻠﻲ ﻋﻠﻰ ﺟﺘﻔﻪ ﺗﺸﻴﺮﺕ ﻭﺑﺠﺎﻣﻪ
ﺑﺎﻭﻋﺖ ﻋﻠﻲ ﺑﺤﺪﻳﻪ
ﻣﻴﻤﻮﻧﻪ - ﻻ .... ﻻ ﺍﻧﺖ ﺩﺗﺘﺸﺎﻗﻪ ﺻﺢ ﻭﻣﻨﻴﻦ ﺟﺒﺖ ﺍﻟﻤﻼﺑﺲ ﺫﻧﻲ
ﺑﺎﻭﻋﺖ ﻋﻠﻲ .... ﺍﻧﺖ ﺟﻨﺖ ﻓﻮﻙ ﺍﻟﺴﻄﺢ ﻭﺍﻟﻠﻪ ﺻﺢ
ﺧﻀﺮ - ﺗﺮﻳﺪﻳﻦ ﻣﻊ ﺫﻛﺮ ﺍﻟﺴﺒﺐ ﻟﻮ ﺑﺪﻭﻥ ﺫﻛﺮ ﺍﻟﺴﺒﺐ
ﻣﻴﻤﻮﻧﻪ - ﺑﺎﻭﻋﺖ ﺑﺼﺪﻣﻪ ﻣﻦ ﺗﺼﺮﻓﺎﺗﻪ ﺍﻏﺮﺏ ﺍﻧﺴﺎﻥ ﺷﻔﺘﻪ ﺑﺤﻴﺎﺗﻲ
ﺗﻌﺼﺒﺖ ﻭﻧﺰﻟﺖ ﺑﺴﺮﻋﻪ ﺷﻠﺖ ﻣﻮﺑﺎﻳﻠﻲ
ﺍﺫﺍ ﻣﺘﻄﻠﻊ ﻫﺴﻪ ﺍﺑﻠﻎ ﻋﻠﻴﻚ ﻭﺍﻟﻠﻪ
ﺍﺍﺍﺍﺍﺍﺍﺣﺠﻲ ﻭﻳﺎﻙ ﺟﺎﻭﺏ ﺍﻧﺖ ﺳﻨﻮ ﻣﻦ ﺍﺳﺘﻔﺰﺍﺯ ﺍﺳﺘﻔﺰﺍﺯﺍﺗﻚ ﻣﻮ ﻃﺒﻴﻌﻲ ﻭﺍﻟﻠﻪ
ﺗﻘﺮﺏ ﻋﻠﻴﻪ .. ﻁ٠ " ﺟﺮ ﺍﻟﻤﻮﺑﺎﻳﻞ
ﺍﻧﺖِ ﻣﻮ ﺗﺮﺭﺭﻳﺪﻳﻦ ﺍﺭﻭﺡ ﻭﺑﻌﺪ ﻣﺎﺍﺭﺟﻊ ﺍﻟﺒﻴﺘﺞ ... ﺭﺍﺡ ﺍﺭﻭﺡ ﺑﺲ ﺍﺳﺒﺢ ﻭﺍﺑﺪﻝ ﻭﺍﻃﻠﻊ ﻣﺜﻞ ﺍﻟﺒﺸﺮﺭﺭﺭﺭ ﺑﻬﺬﺍ ﺷﻜﻠﻲ
ﻭﻣﻼﺑﺴﻲ ﺍﺟﻴﺐ ﺍﻟﺸﺒﻬﻪ ..... ﺍﻧﺖ ﺑﻠﻐﺘﻲ ﻋﻠﻴﻪ ﺗﺘﺤﻤﻠﻴﻦ .... ﺍﻧﻲ ﻣﻜﺎﻋﺪ ﺃﺃﺫﻱ ﺍﺣﺪ
ﻣﻴﻤﻮﻧﻪ - ﻛﺎﻋﺪ ﺗﺄﺫﻳﻨﻲ
ﺧﻀﺮ - ﺍﻧﻄﻴﺘﺞ ﺍﺳﺘﺤﻘﺎﻗﺞ ﻭﺑﺲ .... ﻛﺘﻠﺞ ﻗﺒﻞ ﻟﺘﺘﺤﺎﺭﺷﻴﻦ ﺑﻴﻪ
ﻣﻴﻤﻮﻧﻪ - ﺍﻧﺖ ﺑﺲ ﻛﺎﻋﺪ ﺗﺄﺫﻳﻨﻲ ﺍﻟﻲ ﻏﻠﻄﺖ ﻭﺩﻓﻌﺖ ﺛﻤﻦ ﻏﻠﻄﺘﻲ ﺍﻟﻲ ﻫﻴﻪ ﺑﺲ ﺑﻌﻴﻨﻚ ﻏﻠﻄﻪ ﺿﺮﺑﺘﻨﻲ ﻃﻠﻘﺘﻴﻦ ﺑﺴﺒﺒﻚ ﺍﻟﺤﺪ ﻫﺎﻱ ﺍﻟﻠﺤﻈﻪ ﺍﻋﺮﺝ ﻭﺧﻮﻓﺘﻨﻲ ﻭﻭﻭﺧﺴﻪ ﻛﺎﻋﺪﻩ ﺍﺗﺒﺎﺩﻝ ﺣﺪﻳﺚ ﻭﻳﺎﻙ ﻭﻳﻪ ﺍﺭﻫﺎﺑﻲ ﺍﻛﻮ ﺍﻛﺜﺮ ﻣﻦ ﻫﻴﺞ ﺑﻌﺪ
ﺧﻀﺮ — ﺷﻠﻘﻀﻴﻪ ﻟﻴﺶ ﺗﺠﺬﺑﻴﻦ ﻣﻮ ﺗﻤﺸﻴﻦ ﻋﺪﻝ ﻟﻴﺶ ﺗﺘﺒﻠﻴﻦ ﻋﻠﻴﻪ
ﻭﺍﻟﻠﻪ ﺍﺭﺗﻜﺎﺑﻴﻪ ... ﻭﺑﻌﺪﻳﻦ ﺍﻧﻲ ﻣﺎﻋﻨﺪﻱ ﺍﺣﺪ ﺍﻋﺮﻓﻪ ﺑﻬﺎﻱ ﻣﻨﻄﻘﺘﻜﻢ
ﻟﻮ ﻋﻨﺪﻱ ﺍﻟﻠﻪ ﻻ ﻳﻌﻮﺯﻧﻲ ... ﻫﺴﻪ ﺍﺳﺒﺢ ﻭﺍﻭﻟﻲ ﺍﻧﻄﻴﻨﻲ ﺧﺎﻭﻟﻲ
ﻣﻴﻤﻮﻧﻪ - ﻣﺎﻋﺪﻧﻪ ﺧﺎﻭﻟﻲ
ﺧﻀﺮ - ﺷﻜﺪ ﺑﺨﻴﻠﻪ ﻭﺣﻘﻴﺮﻩ ﺍﻧﺖ ﺍﻟﺨﺎﻃﺮ ﺭﺑﺞ
ﺩﺧﻞ ﻟﻠﺤﻤﺎﻡ ﻭﻃﺒﻚ ﺍﻟﺒﺎﺏ .... ﺑﻘﻴﺖ ﻭﺍﻛﻔﻪ ﺍﺑﺎﻭﻉ ﻫﺬﺍ ﻣﺮﺍﺡ ﻳﻌﻮﻓﻨﻲ ﺑﺤﺎﻟﻲ .... ﻛﻠﺖ ﺍﺑﻠﻎ ﻋﻠﻲ ﻭﺍﺧﻠﺺ ﻭﻓﻀﺖ ﻭﺭﺍﺣﺖ ﺍﺫﺍ ﻫﻤﻪ ﻫﻨﺎ ﺭﺃﺳﺎً ﻳﺠﻮﻧﻪ ... ﻛﻞ ﻣﺮﻩ ﻳﻜﻮﻝ ﺍﺧﺮ ﻣﺮﻩ ..... ﺍﺭﺟﻊ ﻭﺍﻛﻮﻝ ﺍﺫﺍ ﻣﺼﺎﺭﺕ ﺷﻴﺨﻠﺼﻨﻲ ﻣﻨﻪ ﺩﻛﻴﺖ ﻋﻠﻲ ﺑﺎﺏ ﺍﻟﺤﻤﺎﻡ
ﺗﺴﻤﻌﻨﻲ
ﺍﻧﺖ ﺍﻟﻲ ﻣﺎﺍﻋﺮﻑ ﺍﺳﻤﻚ ... ﺗﺴﺒﺢ ﻭﺑﻌﺪ ﻣﺘﺠﻲ ﺍﻟﺒﻴﺘﻨﺎ .... ﻣﻦ ﻭﺭﺍﻙ ﻛﻤﺖ ﺍﺣﺲ ﺍﻧﻲ ﻣﺜﻠﻚ ... ﺍﻧﻲ ﺍﻛﺪﺭ ﺍﺗﺼﻞ ﻭﺍﺑﻠﻎ ﻋﻠﻴﻚ ﻭﻳﻠﺰﻣﻮﻙً ..
ﻣﺎﺍﺣﺲ ﺍﻟﻪ ﻓﺘﺢ ﺍﻟﺒﺎﺏ
ﺧﻀﺮ - ﺟﺮﺑﻲ ﺑﺲ ﺗﺴﻮﻳﻬﻪ ﺣﺘﻰ ﺍﺫﺍ ﺑﺎﻟﺴﺠﻦ ﻣﺘﺨﻠﺼﻴﻦ ﻣﻨﻲ
ﻭﺑﻌﺪﻳﻦ ﻫﺎﻱ ﺍﺧﺮ ﻣﺮﻩ ﺍﻛﻠﺞ ﺍﺳﻤﻲ ... ﺳﺎﻋﻪ ﺷﻨﻮ ﻳﻮﻟﺪ ﺷﻨﻮﻭﻭﻭ ﺍﻱ ﻣﺎﺍﻋﺮﻑ ﺍﺳﻤﻚ ... ﺍﺳﻤﻲ ﺧﻀﺮﺭﺭﺭﺭ
ﻭﻃﺒﻚ ﺍﻟﺒﺎﺏ .... ﻛﻌﺪﺕ ﺍﻧﺘﻈﺮ ﻳﻜﻤﻞ ﺳﺒﺢ
ﻧﺺ ﺳﺎﻋﻪ ﻳﺎﻟﻠﻪ ﻃﻠﻊ ..... ﺟﻨﺖ ﺍﺳﻮﻱ ﺑﺎﻟﺪﺟﺎﺟﻪ ﺍﻗﻄﻌﻬﻪ ﻣﺎﺍﺣﺲ ﺍﻟﻪ ﻭﺭﺍﻳﻪ ﺭﻳﺤﺔ ﺍﻟﺸﺎﻣﺒﻮ ﻣﻦ ﺣﺴﻴﺘﻪ ﻭﺭﺍﻳﻪ ﺩﺭﺕ ﻭﺟﻬﻲ ﻋﻠﻲ ﻭﺍﻟﺴﺠﻴﻨﻪ ﺑﻴﺪﻱ ﺧﻔﺖ ﻣﻨﻪ ﺑﺎﻭﻋﺖ ﻋﻠﻲ .... ﺩﻳﺮ ﺑﺎﻟﻚ ﺗﻄﺨﻨﻲ ﺷﻮﻛﺖ ﺗﺮﻭﺡ ﻳﻠﻠﻪ
ﺍﻭﻝ ﻣﺮﻩ ﺍﺷﻮﻓﻪ ﻣﺮﺗﺐ ﺟﺎﻥ ﻣﺨﻔﻒ ﻟﺤﻴﺘﻪ ﻭﺣﺘﻰ ﺷﻌﺮﻩ ﻣﺨﻔﻔﻪ ﻛﻠﺶ .
ﻭﻻﺑﺲ ﺗﺮﺗﻜﺴﻮﺩ ﻣﺮﺗﺐ ﻣﺪﺭﻱ ﻣﻨﻴﻠﻪ ﻭﺟﺎﻥ ﻣﻨﻜﻌﺎﺕ ﻻﻥ ﻣﻤﻨﺸﻒ ﺟﺴﻤﻪ
ﺧﻀﺮ - ﺍﻟﻠﻪ ﻳﻌﺎﻓﻴﺞ ... ﻣﺎ ﺍﻟﻠﻪ ﻳﻬﺪﻳﺞ ﻭﺗﺨﻠﻴﻨﻲ ﺍﺧﺬﻟﻲ ﻏﻔﻪ ﺑﻤﻜﺎﻥ ﻧﻈﻴﻒ
ﺻﺎﺭ ﻓﻮﻙ ﺍﻟﺸﻬﺮ ﻣﺤﺮﻭﻡ ﻣﻦ ﻫﺬﺍ ﺍﻟﺸﻲ
ﻣﻴﻤﻮﻧﻪ - ﻃﺒﻌﺎً ﻻﺍﺍ
ﺧﻀﺮ - ﺭﺣﻤﻪ ﺍﻟﻠﻪ ﻭﺍﻟﺪﻳﺞ ﻧﺺ ﺳﺎﻋﻪ ﻭﻛﻌﺪﻳﻨﻲ
ﻣﻴﻤﻮﻧﻪ - ﺍﺍﺍﻧﺖ ﻛﺎﻋﺪ ﺗﺘﺸﺎﻗﻪ ﺍﻛﻴﺪﺩﺩﺩ ﺭﺩﺕ ﺍﺑﺠﻲ ﺷﻜﺪ ﻓﻠﻚ ﺍﺧﺘﻲ ﺟﻨﺖ ﺍﻛﻮﻝ ﻋﻠﻴﻬﻪ ﺍﺳﺘﻔﺰﺍﺯﻳﻪ ﺑﺎﻟﻨﺴﺒﻪ ﻟﻠﻲ ﺍﺳﻤﻪ ﺧﻀﺮ ... ﺻﻔﺮ ﺟﺎﻧﺖ ﻧﻌﻤﻪ ﻭﺍﻧﻲ ﻣﺎﺍﺩﺭﻱ ﺑﻴﻬﻪ .... ﺑﺎﻭﻋﺖ ﺍﺑﺘﺴﻢ ﻭﻛﻠﻲ ﺟﺬﺏ ﺟﺬﺏ ﺍﺗﺸﺎﻗﻪ ﻭﻳﺎﺝ
ﻭﻳﻦ ﻣﻮﺑﺎﻳﻠﺞ
ﻣﻴﻤﻮﻧﻪ - ﺑﺎﻭﻋﺖ ﻋﻠﻲ .... ﻣﺒﻠﻐﺖ
ﺧﻀﺮ - ﺍﺭﻳﺪﻩ ﺑﺸﻐﻠﻪ ﻭﻳﻨﻪ ﺣﺘﻰ ﺍﺭﻭﺡ
ﺩﺍﺭ ﻭﺟﻬﻪ ﻟﻜﺎ ﻋﻠﻰ ﺍﻟﻜﺎﻭﻧﺘﺮ ﻣﺪﺭﻱ ﺷﺴﻮﻩ ﺑﻲ ﻭﺯﺟﻌﻪ ﻋﻠﻰ ﺍﻟﻜﺎﻭﻧﺘﺮ ..... ﻟﺒﺲ ﺗﺮﺍﻧﺸﻮﺯﻩ ﺍﻇﺎﻫﺮ ﻣﺸﺘﺮﻱ ﺟﺎﻥ ﻣﻼﺑﺲ ﻻﻥ ﻣﺒﻴﻦ ﺟﺪﻳﺪ ..
ﺧﻀﺮ - ﺍﻡ ﺗﻚ ﻭﺗﻚ ﺑﻼ ﺯﺣﻤﺘﺎً ﻋﻠﻴﺞ ﻋﻼﻛﻪ ﺍﺭﻳﺪ ﺍﺧﻠﻲ ﺑﻴﻬﻪ ﻣﻼﺑﺴﻲ
ﺑﺎﻭﻋﺖ ﻋﻠﻲ .... ﺍﻧﻲ ﺍﻧﻄﻴﺘﻪ ﺍﻟﻤﺠﺎﻝ ﻟﻬﺎﻱ ﺭﺍﺣﺘﻪ ﻭﺗﺼﺮﻓﺎﺗﻪ
ﺍﻧﻄﻴﺘﻪ ﻋﻼﻛﻪ ﻭﺍﻧﻲ ﺍﻧﻄﻲ ﺍﻟﻌﻼﻛﻪ ﺗﻘﺼﺪ ﻳﻠﺰﻡ ﺍﺻﺒﻌﻲ
ﺑﺎﻭﻋﺖ ﻋﻠﻲ ﺳﺤﺒﺘﻪ ﺣﻴﻞ ﺍﺻﺒﻌﻲ ﻣﻨﻪ
ﺧﻠﻪ ﺍﻏﺮﺍﺿﻪ ﻭﻛﻠﻲ ﻳﻠﻠﻪ
ﻣﻴﻤﻮﻧﻪ - ﺷﻨﻮﻭﻭﻭ
ﺧﻀﺮ - ﻣﺪﻱ ﺭﺍﺳﺞ ﺷﻮﻓﻲ ﺍﻛﻮ ﺍﺣﺪ
ﻣﻴﻤﻮﻧﻪ - ﺑﺎﻭﻋﺖ ﻋﻠﻲ ﻭﻋﻔﺘﻪ ﻭﻃﻠﻌﺖ ﻣﺪﻳﺖ ﺭﺍﺳﻲ ﺷﻔﺖ ﺟﻴﺮﺍﻧﻪ ﻭﺍﻛﻔﻴﻦ ... ﺑﺎﻭﻋﺖ ﻋﻠﻲ ﻛﺘﻠﻪ ﺍﻛﻮ ﻧﺎﺱ ﻭﻃﺒﻜﺖ ﺍﻟﺒﺎﺏ ﺗﺮﺭﺭﺭﻩ ﻣﻠﻴﺖ ﺍﻧﻲ
ﺧﻀﺮ - ﺷﻤﺴﻮﻳﻠﺞ ﺍﻧﻲ ﻫﺴﻪ ﻣﻮ ﺭﺩﺕ ﺍﻃﻠﻊ
ﻣﻴﻤﻮﻧﻪ - ﺍﻟﻠﻪ ﺍﻋﻠﻢ ﻛﻢ ﻭﺍﺣﺪ ﺷﺎﻓﻚ ﻣﻦ ﻃﻔﺮﺕ
ﺧﻀﺮ - ﻣﺠﺎﻥ ﺍﻛﻮ ﺍﺣﺪ ﺑﺎﻟﻤﻨﻄﻘﻪ
ﻣﻴﻤﻮﻧﻪ - ﺩﺧﻠﺖ ﺍﻭﻝ ﻣﺪﺧﻠﺖ ﺭﺩﺕ ﺍﻃﺒﻚ ﺍﻟﺒﺎﺏ ﻟﺰﻣﻪ
ﻛﺎﺍﺍﺍﺍﺍﻓﻲ
ﺧﻀﺮ - ﺷﺒﻴﺞ ﺑﺎﺑﺎ
ﻣﻴﻤﻮﻧﻪ - ﺷﻨﻮﻭﻭ ﺷﺒﻴﻪ ﺍﺑﻘﻪ ﻛﺎﻋﺪ ﻫﻨﺎ ﺑﺮﻩ ﺑﻴﺘﻨﺎ ﻭﺍﻃﻠﻊ ﻣﻦ ﻳﺮﻭﺣﻮﻥ
ﺧﻀﺮ - ﺗﺨﺎﻓﻴﻦ ﻣﻨﻲ
ﻣﻴﻤﻮﻧﻪ - ﻃﺒﻌﺎً ﺍﺧﺎﻑ ﻣﻨﻚ
ﺧﻀﺮ - ﺗﻌﺮﻓﻴﻦ ﻣﺎﺍﺳﻮﻳﻠﺞ ﺷﻲ
ﻣﻴﻤﻮﻧﻪ - ﺑﺎﻭﻋﺖ ﻋﻠﻲ ﻭﻃﺒﻜﺖ ﺍﻟﺒﺎﺏ ﺣﻴﻞ .... ﻭﻗﻔﻠﺘﻪ ﺑﺲ ﻛﻠﺒﻲ ﻛﺎﻡ ﻳﺪﻙ ﺳﺮﻳﻊ ﺧﻔﺖ ﻣﻨﻪ ﻛﻠﺖ ﻫﺬﺍ ﻣﺨﺒﻞ
ﺧﻀﺮ - ﺧﺒﻠﻪ
ﻋﻔﺘﻪ ﻭﺩﺧﻠﺖ ﺳﻴﻄﺮﺕ ...... ﺑﻘﻴﺖ ﺑﺎﻟﻲ ﻳﻤﻪ ﺭﺍﺡ ﺍﻭ ﻻ ﺳﻤﻌﺖ ﺻﻮﺕ ﺍﻟﺒﺎﺏ ﺍﻧﻔﺘﺢ .... ﺭﺍﺡ
ﻭﻣﻊ ﺫﻟﻚ ﺭﺣﺖ ﻟﻠﺸﺒﺎﻙ ﻣﺎﻛﻮ ..... ﺳﻮﻳﺖ ﻏﺪﻩ ﻭﺍﺣﺠﻲ ﻧﻔﺴﻲ ﻭﻋﻠﻰ ﺧﻀﺮ
ﺭﺩﺩﺕ ﺧﻀﺮ .... ﺍﺑﺘﺴﻤﺖ ﻋﻠﻰ ﺍﺳﻤﻪ ﻛﻠﺸﻲ ﺑﻲ ﻏﺮﻳﺐ ﻭﻣﺨﺎﻟﻒ
ﺍﺳﻤﻪ ﺗﺼﺮﻓﺎﺗﻪ .... ﻛﻠﺸﻲ ﺑﻲ ﻣﻮ ﻃﺒﻴﻌﻲ ...... ﻣﻔﺘﺤﺖ ﺍﻟﺒﺎﺏ ﺍﺑﺪ ... ﻛﻠﺖ ﺧﺎﻑ ﺟﺬﺍﺏ ﺑﺲ ﺳﻮﻩ ﺻﻮﺕ ﺑﺎﻟﺒﺎﺏ
ﻟﺤﺪ ﻣﺼﺎﺭﺕ ﺍﻟﺴﺎﻋﻪ ﺏ١٢ﺍﺫﻥ ﺍﻟﻈﻬﺮ ﺻﻠﻴﺖ ﻭﺑﺪﻳﺖ ﺍﻧﻈﻒ ﺑﺎﻟﺒﻴﺖ ﻛﻤﻠﺘﻪ ﻓﺘﺤﺖ ﺍﻟﺒﺎﺏ ﺭﺩﺕ ﺍﻧﻈﻒ ﺍﻟﺤﻮﺵ ﺍﻭﻝ ﻣﻔﺘﺤﺘﻪ ﻟﻜﻴﺖ ﻋﻼﻛﺘﻪ ﻧﺎﺳﻴﻬﻪ .... ﺑﺎﻭﻋﺖ ﻳﻤﻨﻪ ﻳﺴﺮﺍ ﻭﺭﺣﺖ ﺍﺧﺬﺕ ﻋﻼﻛﺘﻪ ﻣﻼﺑﺴﻪ ﻭﻣﻜﻴﻨﻪ ﺯﻳﺎﻥ ﻛﻬﺮﺑﺎﺋﻴﻪ ﺩﺧﻠﺘﻬﻦ ﺑﺎﻟﻤﻄﺒﺦ ﻭﻧﻈﻔﺖ ﺍﻟﺤﻮﺵ ﺩﺧﻠﺖ
ﺑﺎﻭﻋﺖ ﻭﻳﻦ ﺍﺧﻠﻲ ﻣﻼﺑﺴﻪ ﺷﻠﺖ ﺍﻟﻤﻜﻴﻨﻪ .... ﻭﺷﻤﺮﺕ ﻣﻼﺑﺴﻪ ﺑﺎﻟﺰﺑﺎﻟﻪ ﺍﻟﺒﺮﻩ .......
ﻓﻠﻚ - ﻃﻠﻌﺖ ﻣﺜﻞ ﻛﻞ ﻣﺮﻩ ﺭﺣﺖ ﻟﻠﺸﻐﻞ ﺷﻐﻠﻲ ﻫﻮ ﺗﻨﻈﻴﻒ ﺑﻴﻮﺕ
ﻭﺍﺳﻮﻱ ﺗﻨﻈﻴﻒ ﻟﻠﺮﺟﻞ ﻭﺷﻴﺮﻩ ﻟﻠﻨﺴﻮﺍﻥ ﻫﻢ ﻟﺒﻴﻮﺗﻬﻦ ﺍﺭﻭﺡ
ﺟﺎﻥ ﺑﻴﻮﻣﻬﻪ ﺑﻨﻴﻪ ﺣﻨﺘﻬﻪ ﺑﺎﺟﺮ ﺗﻨﻈﻴﻒ ﺍﻟﺠﺴﻤﻬﻪ ﻭﺗﻘﺸﻴﺮ
ﺟﻨﺖ ﻛﺎﻋﺪﻩ ﺍﺳﻮﻱ ﺟﺴﻢ ﺍﻟﺒﻨﻴﻪ ﻃﺒﻌﺎً ﻣﻦ ﺍﻟﻨﺎﺱ ﺍﻟﺮﺍﻗﻴﻴﻦ ﻛﻠﺶ ﺟﺎﻧﻮ ﺑﻴﺘﻬﻢ ﻳﺨﺒﻞ ﺣﻨﺘﻬﻪ ﺑﺎﺟﺮ ﻣﻔﺮﻭﺽ
ﻛﻤﻠﺖ ﺟﺴﻤﻬﻪ ﻛﻠﻪ ﺟﺎﻧﺖ ﻛﻠﺶ ﺳﻤﺮﻩ ﺍﻟﺒﻨﻴﻪ ﺑﺲ ﻣﻼﻣﺤﻬﻪ ﺗﺨﺒﻞ ﺑﺤﻴﺚ ﺍﺣﻠﻰ ﻣﻦ ﺍﻱ ﺑﻴﻀﻪ ﺻﺪﻓﻪ ﻭﺍﻧﻲ ﺑﻠﺸﺖ ﺑﺮﺟﻠﻬﻪ ﻭﺍﻇﺎﻓﺮﻫﻪ
ﺩﻙ ﻣﻮﺑﺎﻳﻠﻬﻪ
ﺟﺎﻭﺑﺖ .... ﻭﺍﻧﻲ ﺍﺳﺘﻤﻊ ﺍﻟﻬﻪ
- ﻫﺎ ﺣﺒﻴﺒﻲ
- ﺍﻱ ﻛﺎﻋﺪ ﺍﺟﻬﺰ ﻧﻔﺴﻲ
- ﻫﻬﻬﻬﻬﻪ ﺷﻨﺴﻮﻱ ﻣﺸﻜﻠﺘﻚ ﻣﺤﺪ ﻛﻠﻚ ﺗﻌﻮﻓﻨﻲ
ﻓﻠﻚ - ﺟﻨﺖ ﺍﺳﻮﻱ ﺑﺮﺟﻠﻬﻪ ﻭﺍﻓﻜﺮ ﺑﻜﻠﻤﺘﻬﻪ ... ﺷﻨﻮﺣﺒﻴﺒﻲ ﺷﻨﻮ ﻣﺤﺪ ﻛﻠﻚ ﺗﻌﻮﻓﻨﻲ ... ﺍﻧﺴﻄﺮﺕ .... ﺍﻟﻤﻬﻢ ﻛﻠﺖ ﺷﻌﻠﻴﻪ ﺍﻧﻲ ﻳﺠﻮﺯ ﻣﺘﻌﺎﺭﻛﻪ ﻭﻳﻪ ﺯﻭﺟﻬﻪ
ﺧﻠﺼﺖ ﺍﻟﻤﻜﺎﻟﻤﻪ ﺑﻜﻼﻡ ﻣﻴﻨﻠﺒﺲ ﺍﻟﻪ ﺛﻮﺏ .... ﻣﻦ ﻳﻤﻲ ﺍﺳﺘﺤﻴﺖ ... ﻛﺎﻣﺖ ﺗﺤﺠﻲ ﺑﺘﻔﺎﺻﻴﻞ ﺩﻗﻴﻘﻪ
ﻛﻤﻠﺖ ﺍﺧﺮ ﺧﻄﻮﻩ ﺧﻠﻴﺘﻠﻬﻪ ﻣﻘﺸﺮ ﺍﻟﺠﺴﻤﻬﻪ ﻋﺸﺮ ﺩﻗﺎﻳﻖ ﻭﺩﺧﻠﺘﻬﻪ ﻟﻠﺤﻤﺎﻡ ﺳﺒﺤﺘﻬﻪ ﻭﺧﻠﻴﺘﻠﻬﻪ ﺳﻜﺮﺍﺑﺎﺕ ﺍﻟﺠﺴﻤﻬﻪ
ﻫﻴﺞ ﺷﻐﻠﻲ ﺩﺍﺋﻤﺎً ﺍﻛﻮ ﻋﺮﺍﻳﺲ ﻭﺍﻛﻮ ﻧﺴﻮﺍﻥ ﺑﻴﻦ ﻓﺘﺮﻩ ﻭﺍﻟﺜﺎﻧﻴﻪ ﻳﺴﻮﻥ ﻫﺎﻱ ﺍﻟﺨﻄﻮﺍﺕ ﻭﺍﻻﻫﺘﻤﺎﻡ ﺑﺎﻟﺒﺸﺮﻩ
ﻣﻦ ﻃﻠﻌﺖ ﻣﻦ ﺍﻟﺤﻤﺎﻡ ﻛﻤﻠﺖ ﺩﺧﻠﺖ ﻏﻴﺮﺕ ﻣﻼﺑﺴﻲ ﻻﻥ ﺗﻨﻜﻌﺖ ﻭﺍﻧﻲ ﺑﺎﻟﺤﻤﺎﻡ ﻫﻢ ﺩﻙ ﻣﻮﺑﺎﻳﻠﻬﻪ ﺟﺎﻭﺑﺖ
- ﻫﺎ ﺣﺒﻴﺒﻲ
- ﺷﻮ ﻣﺨﺘﻔﻲ ﺍﻟﻴﻮﻡ
ﺍﺑﺘﺴﻤﺖ ... ﻛﻢ ﺣﺒﻴﺐ ﻋﺪﻫﻪ ﻫﺎﻱ ﺑﻌﺪﻳﻦ ﻭﺍﻧﻲ ﺍﻟﻒ ﺑﺸﺎﻟﻲ .... ﺍﻛﺘﺸﻔﺖ ﺍﻟﻲ ﺗﺤﺠﻲ ﻭﻳﺎ ﻫﺴﻪ ﺍﻟﻲ ﺑﺎﺟﺮ ﻋﺮﺳﻬﻪ ﻣﻨﻪ ﻭﺫﺍﻙ ﺑﺎﻻﺣﺘﻴﺎﻁ ﻣﺨﻠﻴﺘﻪ
ﺍﺳﺘﻐﻔﺮﺕ ﺭﺑﻲ ﻭﻛﻌﺪﺕ ﺍﻧﺘﻈﺮ ﺗﺤﺎﺳﺒﻨﻲ
ﺍﻧﻄﺘﻨﻲ ﻭﺭﻗﻪ
- ﻓﻠﻚ - ﺑﻼ ﺯﺣﻤﻪ ﻣﺎﻋﻨﺪﻱ ﺻﺮﻑ
- ﻣﺎﻛﻮ ﺩﺍﻋﻲ ﺧﻠﻲ ﺍﻟﺒﺎﻗﻲ ﺍﻟﺞ
ﻓﻠﻚ - ﻻ ﻫﻮﺍﻱ ﻣﺎﺍﺧﺬ ﻫﻠﻜﺪ
ﻻ ﺑﻘﻴﻬﻦ ﺍﻟﺞ ﺗﺴﺘﺎﻫﻠﻴﻦ
..... ﺍﺧﺬﺗﻬﻦ ﺭﺩﺕ ﺍﻃﻠﻊ
ﺑﻼ ﺯﺣﻤﻪ .... ﺭﺍﺡ ﺍﺩﺯﻟﺞ ﻋﻨﻮﺍﻧﻲ ﺍﻟﺠﺪﻳﺪ ﻋﺠﺒﻨﻲ ﺷﻐﻠﺞ
ﺍﺣﺐ ﺩﻭﻡ ﺍﻋﺘﻨﻲ ﺑﺠﺴﻤﻲ ..... ﻣﺎﺷﻲ
ﻓﻠﻚ - ﺗﺪﻟﻠﻴﻦ ﺣﺒﻴﺒﺘﻲ
ﻃﻠﻌﺖ ... ﺑﺎﻭﻋﺖ ﺍﻟﺴﺎﻋﻪ ٢ ﺍﻟﻈﻬﺮ .... ﻛﻠﺶ ﺗﻌﺒﺎﻧﻪ ﺟﻨﺖ ﺍﻟﺼﺒﺢ ﻛﺒﻞ ﺍﻟﺒﻴﺖ ﺩﻛﺘﻮﺭﻩ ﺣﻤﻠﻪ ﻭﻛﻤﻠﺖ ﻣﻨﻬﻪ ﻟﻬﺎﻱ ﺍﻟﺒﻨﻴﻪ
ﺻﻌﺪﺕ ﻋﺒﺮﻳﻪ ﻻﻥ ﺍﺧﺎﻑ ﻣﻦ ﺍﻟﺘﻜﺴﻲ ﻭﺍﻟﻪ ﺍﻟﺴﻴﺎﺭﻩ ﺑﻴﻬﻪ ﻧﺎﺱ .....
ﺭﺟﻌﺖ ﻫﻠﻜﺎﻧﻪ ﻣﻦ ﺍﻟﺘﻌﺐ ﺣﺘﻰ ﻣﺸﺘﻬﻴﺖ ﺍﺗﻐﺪﻩ ﻛﺒﻞ ﻧﻤﺖ
ﻛﻌﺪﺕ ﺍﻟﻤﻐﺮﺏ ﻟﻜﻴﺖ ﻣﻴﻤﻮﻧﻪ ﻛﺎﻋﺪﻩ ﺑﺎﻟﺤﻮﺵ ﻃﻠﻌﺖ ﻳﻤﻬﻪ
ﻓﻠﻚ - ﺷﺒﻴﺞ ﻭﻟﺞ
ﻣﻴﻤﻮﻧﻪ - ﻣﺎﻣﺎ ﻣﺎﺗﺖ ﻣﺸﺘﺎﻗﺘﻠﻬﻪ
ﻓﻠﻚ - ﻣﻦ ﻭﺭﻩ ﻫﺬﺍ ﺍﻟﺴﺎﻓﻞ ﺍﻟﻠﻪ ﻻ ﻳﻨﻄﻲ . ﻭﻻ ﻳﻮﻓﻘﻪ ﺍﻥ ﺷﺎﺀ ﺍﻟﻠﻪ ﻳﺨﻴﺲ ﺑﺎﻟﺴﺠﻮﻥ
ﻣﻴﻤﻮﻧﻪ - ﻣﺎﻣﺎ ﻣﺎﺗﺖ ﺑﺴﺒﺒﻪ
ﻓﻠﻚ - ﺳﺎﻓﻞ ﺍﻟﻠﻪ ﻻ ﻳﻮﻓﻘﻪ ..
ﻣﻴﻤﻮﻧﻪ - ﻣﺸﺘﺎﻗﺘﻠﻬﻪ ﺣﻴﻞ ﺷﻠﻮﻥ ... ﻭﻣﺤﺘﺎﺟﺘﻬﻪ ﻫﻮﺍﻱ
ﻓﻠﻚ - ﺍﺭﺗﺎﺣﺖ ﺻﺪﻛﻴﻨﻲ ﻣﺎﻣﺎ ﺟﺎﺑﺖ ﻋﻤﺮﻫﻪ ﻛﻠﻪ ﺗﻌﺒﺎﻧﻪ ﻭﻛﻠﺒﻬﻪ ﺗﻌﺐ ﻭﻣﻦ ﺗﺸﻮﻑ ﺑﺎﺑﺎ ﻣﺎﻛﻮ ﺑﺲ ﻧﺎﻳﻢ ﺟﺎﻧﺖ ﻛﻠﺶ ﺗﺘﺄﺫﻩ ﺗﺪﺭﻳﻦ ﻓﻠﻮﺱ ﻋﻤﻠﻴﺘﻬﻪ ﻫﻢ ﺟﺎﻥ ﻣﻜﺪﺭﻧﻪ ﻧﺪﺑﺮﻫﻦ ﺍﻧﻲ ﺍﺷﺘﻐﻞ ﺷﻴﻨﻄﻮﻧﻪ ﻋﺒﺎﻟﻚ ﻣﺠﺪﻱ ﻣﻨﻬﻢ .... ﺗﺪﺭﻳﻦ ﺍﻟﻴﻮﻡ ﻭﺣﺪﻩ ﺷﻜﺪ ﺍﻧﻄﺘﻨﻲ
ﻣﻴﻤﻮﻧﻪ - ﺷﻜﺪ
ﻓﻠﻚ - ﻭﺭﻗﻪ
ﻣﻴﻤﻮﻧﻪ - ﻋﺎﺍﺍﺍﺍﺍ ﺷﻜﻮ ﺷﻌﺠﺐ
ﻓﻠﻚ - ﻃﺎﻛﻪ ﻛﻠﺶ ﻭﺍﺧﺬﺕ ﺭﻗﻤﻲ ﺑﻠﻜﺖ ﻫﻢ ﺗﺨﺎﺑﺮﻧﻲ
ﻣﻴﻤﻮﻧﻪ - ﺯﻳﻦ ﻭﺍﻟﻠﻪ ﻫﺎﻱ ﻣﻮ ﺑﺨﻴﻠﻪ ﺍﻧﻲ ﻳﻨﻜﺴﺮ ﻇﻬﺮﻱ ﻭﻛﻮﻩ ﺗﻄﻠﻊ ٥٠ﺍﻟﻒ ﺍﺫﺍ ﻣﻮ ﺍﻗﻞ ﻣﺮﺍﺕ ﺣﺘﻰ ﻳﺨﻠﺼﻦ ﻛﻠﺒﻲ ﻋﺒﺎﻟﻚ ﺍﺟﺪﻱ ﻣﻨﻬﻦ
ﻓﻠﻚ - ﺗﺪﺭﻳﻦ ﻫﺎﻱ ﺷﻴﻤﺎﺀ ﺻﺪﻳﻘﺘﻲ ﺷﻜﺪ ﺗﺎﺧﺬ ﻣﺮﺍﺕ ﺣﺘﻰ ﻳﻨﻄﻦ ﺍﻟﻬﻪ ﺍﻛﺜﺮ ﻣﻦ ﻭﺭﻗﻪ .. ﻫﻴﻪ ﻫﺎﻱ ﺟﺎﺑﺘﻬﻪ ﺍﻟﻴﻪ ﺷﻴﻤﺎﺀ
ﻣﻴﻤﻮﻧﻪ - ﻣﺘﺸﻮﻓﻠﻲ ﺍﻧﻲ ﻫﻢ ﻭﺣﺪﻩ
ﻓﻠﻚ - ﺍﻧﺖ ﺍﻧﺠﺒﻲ ﺗﺘﻘﺸﻤﺮﻳﻦ ﺍﺧﺎﻑ ﻋﻠﻴﺞ ﺟﺒﺎﻧﻪ
ﻣﻴﻤﻮﻧﻪ - ﺍﻧﺠﺒﻲ ﻭﻟﺞ ﺷﻨﻮ ﺍﻣﻮﺗﻪ ﺍﻟﻴﻨﺪﻙ ﺑﻴﻪ
ﻓﻠﻚ - ﺩﻧﺠﺒﻲ ﺟﺒﺎﻧﻪ ﺍﻧﺖِ ﻛﻌﺪﻱ ﻭﺳﻜﺘﻲ
ﻣﻴﻤﻮﻧﻪ - ﺗﺪﺭﻳﻦ ﺳﺎﻋﺎﺕ ﺍﺣﺴﺞ ﺍﻧﺖ ﺍﺧﺘﻲ ﺍﻟﺠﺒﻴﺮﻩ .... ﺍﻧﺠﺒﻲ ﻟﺞ ﺍﻧﻲ ﺍﻟﺠﺒﻴﺮﻩ
ﻓﻠﻚ - ﺍﻧﺠﺒﻲ ..... ﺟﺬﺏ ﺍﻧﺖ ﺟﺒﺎﻧﻪ ....
ﻣﻴﻤﻮﻧﻪ - ﻭﺍﻧﺖ ﻣﻦ ﺩﺧﻞ ﺍﻟﺤﺮﺍﻣﻲ
ﻓﻠﻚ - ﻟﺞ ﺑﺎﺑﺎ ﻫﺬﺍ ﺍﺭﻫﺎﺑﻲ ﻣﻮ ﺑﺲ ﺣﺮﺍﻣﻲ ﻻ ﺫﻣﻪ ﻭﻻ ﺿﻤﻴﺮ
ﺗﻐﺪﻳﺘﻲ ﻭﻟﺞ
ﻣﻴﻤﻮﻧﻪ - ﻻ ﻭﻳﻦ
ﻓﻠﻚ - ﺩﻳﻠﻠﻪ ﺧﻞ ﻧﺎﻣﻞ ﻣﻴﺘﻪ ﺟﻮﻉ
ﻣﻴﻤﻮﻧﻪ - ﻛﻤﺖ ﺣﻤﻴﺖ ﺍﻟﻐﺪﻩ ﻭﺻﺒﻴﺘﻪ ﻭﺭﺍﻫﻪ ﺳﻮﻳﺖ ﺟﺎﻱ
ﻛﻌﺪﻧﻪ ﻧﺒﺎﻭﻉ ﺳﻨﻮﺍﺕ ﺍﻟﻀﻴﺎﻉ ﺟﺎﻧﺖ ﻣﻌﺎﺩﻩ ﻳﻮﻣﻴﻪ ٣ﺣﻠﻘﺎﺕ
ﻛﻌﺪﻧﻪ ﻧﺒﺎﻭﻉ ﻋﻠﻴﻬﻪ ﺍﻧﻲ ﻭﻓﻠﻚ ..... ﻛﻠﺶ ﺍﺣﺒﻬﻪ
ﻭﺻﻠﺘﻨﻲ ﺭﺳﺎﻟﻪ ﻋﻠﻰ ﺍﻟﻤﻮﺑﺎﻳﻞ ﻋﻔﺘﻪ ﻣﻬﺘﻤﻴﺖ ﺑﻲ ﻻﻥ ﺩﻭﻡ ﺍﻟﺮﺻﻴﺪ ﻳﺪﺯﻭﻟﻲ
ﺧﻠﺼﺖ ﺍﻟﻤﺴﻠﺴﻞ ﻛﺎﻣﺖ ﻓﻠﻚ ﺳﻮﺕ ﺷﻌﺮﻳﻪ ﻛﺎﻟﺖ ﺍﺷﺘﻬﻴﺘﻬﻪ ﻭﺳﻮﺗﻠﻲ ﻭﻳﺎﻫﻪ ﺑﺎﻟﺼﺪﻓﻪ ﺗﺬﻛﺮﺕ ﺧﻀﺮ ﻣﻦ ﺍﺧﺬ ﻣﻮﺑﺎﻳﻠﻲ ﻧﺴﻴﺖ ... ﺍﺷﻮﻑ ﺷﺴﻮﻩ ﺑﻲ
ﺷﻠﺘﻪ ﺟﺎﻧﺖ ٣ﺭﺳﺎﺋﻞ
ﺩﺧﻠﺘﻬﻦ ﺍﻭﻝ ﺟﺎﻧﺖ ﻣﻦ ﺭﻗﻢ ﻓﺘﺤﺘﻬﻪ ..
ﺍﻡ ﺗﻚ ﻋﻴﻦ ﺷﻠﻮﻧﺞ
ﺍﻡ ﺗﻚ ﻋﻴﻦ ﻣﻼﺑﺴﻲ ﻧﺴﻴﺘﻬﻦ ﻳﻤﻜﻢ ﺍﺫﺍ ﻋﻨﺪﺝ ﺿﻤﻴﺮ ﺗﻐﺴﻠﻴﻬﻦ ﻭﺍﺫﺍ ﻣﺎﻋﻨﺪﺝ ﺗﺬﺑﻴﻬﻦ ﺑﺎﻟﺰﺑﻞ
ﻋﺮﻓﺘﻪ ﻣﻦ ﻛﻠﻤﺘﻪ ﺍﻡ ﺗﻚ ﻋﻴﻦ .... ﺑﺎﻭﻋﺖ ﻋﻠﻰ ﺍﻟﺮﻗﻢ ﺭﻗﻤﻲ ﺍﻟﻘﺪﻳﻢ
ﺩﺯﻳﺘﻠﻪ
ﻣﻴﻤﻮﻧﻪ - ﺫﺑﻴﺘﻬﻦ ﺑﺎﻟﺰﺑﻞ ﻋﻠﻰ ﺍﻱ ﺍﺳﺎﺱ ﺍﻏﺴﻠﻬﻦ
ﺷﻮﻳﻪ ﻭﺩﺯﻟﻲ
ﺧﻀﺮ - ﺗﻮﻗﻌﺘﻬﻪ ﻣﻨﺞ ﻣﻤﺴﺘﻐﺮﺑﻬﻪ ﻛﻄﻌﻴﻪ ﺣﺒﻮﺑﺘﻲ ﺩﻭﻡ ﺗﻜﻮﻝ ﺍﻟﺒﻴﻀﺎﺕ ﺳﻤﺎﻧﻴﺎﺕ
ﻣﻴﻤﻮﻧﻪ - ﻻﺯﻡ ﺑﻴﺒﻴﺘﻚ ﺯﺭﻛﻪ
ﺧﻀﺮ - ﻭﻟﺞ ﺗﺤﺠﻴﻦ ﻋﻠﻰ ﺣﺒﻮﺑﺘﻲ ﺍﺻﻼً ﺣﺒﻮﺑﺘﻲ ﻧﺎﮔﻪ
ﻓﻠﻚ - ﻣﻨﻮ ﻣﺎﻋﺪ ﻳﺪﺯﻟﺞ ﺭﺳﺎﺋﻞ
ﻣﻴﻤﻮﻧﻪ - ﺑﺎﻭﻋﺖ ﻋﻠﻴﻬﻪ ﺍﺑﺘﺴﻤﺖ ﺑﺘﻮﺗﺮ ﻫﺎﺍﺍﺍ ﺍﺳﻴﺎ ﺳﻴﻞ
ﻓﻠﻚ - ﻭﻛﻞ ﺷﻮﻳﻪ
ﻣﻴﻨﻮﻧﻪ - ﺍﻱ ﺗﻌﺒﻮﻧﻲ ﺑﺲ ﻳﺪﺯﻭﻥ .... ﺧﻔﺖ ﻭﺗﻮﺗﺮﺕ ﺣﻴﻞ ﺳﻮﻳﺘﻪ ﺻﺎﻣﺖ ﻭﻋﻔﺘﻪ
ﻣﺠﺎﻭﺑﺘﻪ ﻻﻥ ﻋﻴﻦ ﻓﻠﻚ ﻋﻠﻴﻪ .... ﺧﻠﺼﺖ ﺍﻟﺸﻌﺮﻳﻪ ﻭﻛﺎﻟﺖ ﻳﻠﻠﻪ ﺗﻌﺎﻟﻲ ﺑﻘﺘﻬﻪ ﺑﺎﻟﻄﺎﻭﻩ ﻻﻥ ﻧﺤﺐ ﻫﻴﺞ ﻧﺎﻛﻠﻬﻪ ﺑﺎﻟﻄﺎﻭﻩ
ﻛﻤﻠﻨﻪ ﻛﺘﻠﻬﻪ ﺭﺍﺡ ﺍﻓﺮﺵ
ﻓﻠﻚ - ﺑﻌﺪ ﻭﻛﺖ ﻟﺞ
ﻣﻴﻤﻮﻧﻪ - ﻧﻌﺴﺎﻧﻪ ﺍﻧﺖِ ﻧﻤﺘﻲ ﺍﻧﻲ ﻣﻨﻤﺖ ﻣﻦ ﺍﻟﺼﺒﺢ ﻛﺎﻋﺪﻩ
ﻓﻠﻚ - ﺷﻌﺠﺐ ﻣﺮﺟﻌﺘﻲ ﻧﻤﺘﻲ ﻣﻮ ﻛﻞ ﻣﺮﻩ ﺗﻨﺎﻣﻴﻦ
ﻣﻴﻤﻮﻧﻪ - ﻣﻨﻤﺖ ﺑﻘﻴﺖ ﺍﺑﺎﻭﻉ ﻣﺴﻠﺴﻞ ﺭﺣﺖ ﻓﺮﺟﺖ ﻓﺮﺍﺷﻲ ﺑﺎﻟﻐﺮﻓﻪ ﻫﻴﻪ ﺑﻘﺖ ﺑﺎﻟﻬﻮﻝ ﺗﺒﺎﻭﻉ ﺗﻠﻔﺰﻳﻮﻥ
ﻓﺘﺤﺖ ﺍﻟﺮﺳﺎﻟﻪ
- ﻓﻨﺞ ﺍﻧﻲ ﻭﻳﻦ ﻫﺴﻪ
- ﺷﻜﺪ ﻣﻐﺮﻭﺭﻩ ﺭﺣﻤﺔ ﺍﻟﺪﻳﻨﺞ ﺷﻠﻘﻀﻴﻪ ﻟﻮ ﻣﺎ ﻋﻴﻮﻧﺞ ﺗﻚ ﻭﺗﻚ
- ﺍﻧﺖ ﺍﻟﺤﻠﻮ ﻋﺸﺘﻮﻭ
- ﺑﻌﺪ ﻭﻛﺖ
- ﺭﺻﻴﺪﻱ ﺭﺍﺡ ﻳﺨﻠﺺ ﻣﺎﺍﻛﺪﺭ ﺍﺩﺯﻟﻚ ﺭﺳﺎﺋﻞ ﺑﻌﺪ ﻭﺑﻌﺪﻳﻦ ﺷﻜﻮ ﻛﺎﻋﺪ ﺍﺟﺎﻭﺑﻚ
- ﺧﻀﺮ - ﺍﺣﺪ ﻛﺎﻳﻠﺞ ﺗﺪﺯﻳﻠﻲ
- ﻣﻮ ﺻﻮﺟﻚ ﻓﻌﻼً ﺻﻮﺟﻲ ﺍﻧﻲ ﺍﻟﻲ ﻛﺎﻋﺪ ﺍﺗﺠﺎﻭﺏ ﻭﺍﺣﺠﻲ ﻭﻳﻪ ﻣﺠﺮﻡ
ﻣﻮﺻﻠﺖ ﺍﻟﺮﺳﺎﻟﻪ ﻣﺎﻛﻮ ﺭﺻﻴﺪ ﺷﻮﻳﻪ ﻭﺩﻙ ﻋﻠﻴﻪ ﺗﺮﺩﺩﺕ ﺍﺟﺎﻭﺑﻪ ﻟﻮ ﻻ ﺍﺟﺎﻭﺑﻪ ﻟﻮ ﻻ ..... ﺍﺧﺮ ﺷﻲ ﻛﻠﺖ ﻣﺎﺍﺟﺎﻭﺏ
ﺑﻘﻴﺖ ﻣﺮﺕ ﺍﺳﺒﻮﻋﻴﻦ ﺛﺎﻧﻴﻪ ﻳﻮﻣﻴﻪ ﻳﺪﺯﻟﻲ ﺭﺳﺎﻟﻪ
ﻟﻮ ﺻﺒﺎﺣﻮ ﺍﻡ ﺗﻚ ﻭﺗﻚ . ﻟﻮ ﻣﺴﺎﺀﻭ ﺍﻡ ﺗﻚ ﻭﺗﻚ ﺣﺴﺐ ﺍﻟﺘﻮﻗﻴﺖ ﻣﺎﺍﺟﺎﻭﺑﻪ ﻭﺑﻨﻔﺲ ﺍﻟﻮﻗﺖ ﻫﻢ ﻣﺎﻋﻨﺪﻱ ﺭﺻﻴﺪ
ﻭﺍﻓﻜﺮ ﺑﻜﻼﻣﻪ ﻭﻋﻘﻠﻪ ﻭﻋﻨﺎﺩﻩ ﻋﻠﻰ ﺍﻻﻧﺘﻘﺎﻡ ﻭﺍﺭﺟﻊ ﻭﺍﻛﻮﻝ ﺷﻌﻠﻴﻪ ﺑﻲ
ﺷﻴﺮﻳﺪ ﻳﺴﻮﻱ ﻳﺴﻮﻱ ﺑﺲ ﻋﻘﻠﻲ ﺷﺎﺭﺩ ﻭﻓﻠﻚ ﻛﻞ ﻣﺘﺸﻮﻓﻨﻲ ﺷﻌﻨﺪﺝ ﺷﺎﺭﺩﻩ ﺷﻌﻨﺪﺝ ﺿﺎﻳﺠﻪ ﺷﻨﻮ ﺑﻴﺞ
ﺟﺎﻧﺖ ﻧﺎﻳﻤﻪ ﻣﻦ ﻭﻛﺖ ﺑﻌﺪﻫﻲ ﺍﻟﻤﺴﻠﺴﻞ ﻃﺎﻟﻌﻪ ﻭﻧﺎﻣﺖ
ﻏﻄﻴﺘﻬﻪ ﻭﻛﻤﺖ .... ﻟﻜﻴﺘﻪ ﺩﺍﻙ ﻋﻠﻴﻪ ﻣﻮﺑﺎﻳﻠﻲ ﺑﺎﻟﻐﺮﻓﻪ ﺟﻮﻩ ﺍﻟﻤﺨﺪﻩ
ﺍﻭﻝ ﺭﺳﺎﻟﻪ ... ﺍﻡ ﺗﻚ ﻭﺗﻚ ﻛﺎﻋﺪﻩ ﻟﻮ ﻧﺎﻳﻤﻪ
ﻭﺭﺳﺎﻟﻪ ﺛﺎﻧﻴﻪ ﺟﺎﻭﺑﻲ ﺑﺲ ﻛﻠﻤﻪ ﻭﺣﺪﻩ ﺍﻛﻠﺞ ﺑﺸﺮﻓﺞ
ﻟﻜﻴﺘﻪ ﺩﺍﻙ ... ﻛﺘﻠﻨﻲ ﺍﻟﻔﻀﻮﻝ ﺍﺭﻳﺪ ﺍﻋﺮﻑ ﺷﻴﻜﻮﻝ ﺩﻛﻴﺖ ﻣﺎﻋﻨﺪﻱ ﺭﺻﻴﺪ ﺑﻘﻴﺖ ﻻﺯﻣﻪ ﺍﻟﻤﻮﺑﺎﻳﻞ ﻧﺺ ﺳﺎﻋﻪ ﺍﻧﺘﻈﺮ ﻳﺪﻙ ﺑﺲ ﺷﻤﺪﺭﻱ ﺍﻧﻲ ﻻﺯﻣﻪ ﻫﺴﻪ ﺍﻟﻤﻮﺑﺎﻳﻞ ﻟﻮ ﻳﺠﻮﺯ ﺃﺃﻳﺲ ﻣﺎﺍﺟﺎﻭﺏ
ﺭﺟﻊ ﺩﻙ .... ﺍﺑﺘﺴﻤﺖ ﻭﺟﺎﻭﺑﺘﻪ
ﺣﺘﻰ ﺑﺴﺮﻋﻪ ﺟﺎﻭﺑﺖ
ﺧﻀﺮ - ﻣﻴﻤﻮﻧﻪ .... ﻣﺘﻮﻗﻌﺘﺞ ﺗﺠﺎﻭﺑﻴﻦ
ﻣﻴﻤﻮﻧﻪ - ﻧﻌﻢ ..... ﺷﻜﻮ ﺧﻀﺮ
ﺧﻀﺮ - ﺻﻮﺗﺞ ﺣﻠﻮ ﺗﺪﺭﻳﻦ
ﻣﻴﻤﻮﻧﻪ - ﺍﻧﺖ ﺷﺘﺮﻳﺪ ﻣﻨﻲ
ﺧﻀﺮ - ﻣﺎﺍﺩﺭﻱ ﺑﺲ ﺭﺩﺕ ﺍﺳﻤﻊ ﺻﻮﺗﺞ .... ﻣﺎﺍﻋﺮﻑ ﻟﻴﺶ
ﻣﻴﻤﻮﻧﻪ - ﻭﺍﻟﻠﻪ ﻳﺎﺭﺑﻲ ﻋﺒﺎﻟﻲ ﻋﻨﺪﻙ ﺷﻲ ﺗﺤﺠﻲ
ﺧﻀﺮ - ﻭﺭﺩﺕ ﺍﻛﻠﺞ ﺍﺣﻠﻰ ﺷﻲ ﺑﻴﺞ ﻋﻴﻮﻧﺞ ﺍﺣﺒﻬﻦ
ﻣﻴﻤﻮﻧﻪ - ﺟﻨﺖ ﺍﺣﺠﻲ ﺑﻬﻤﺲ ﺣﺘﻰ ﻣﺘﺴﻤﻌﻨﻲ ﻓﻠﻚ .... ﻭﺧﺎﺗﻠﻪ ﺟﻮﻩ ﺍﻟﺒﻄﺎﻧﻴﻪ ... ﺻﻔﻨﺖ ﻫﺬﺍ ﻣﺨﺒﻞ ﻟﻮ ﺷﻨﻮ ﻛﺘﻠﻪ ﺭﺍﺡ ﺍﺳﺪﻩ
ﻣﻴﻤﻮﻧﻪ - ﻟﻜﻴﺖ ﺍﻟﻜﺘﻞ ﺍﺑﻮﻙ ﺻﺢ
ﺧﻀﺮ - ﻭﺻﻠﺖ ﺗﻘﺮﻳﺒﺎً
ﻣﻴﻤﻮﻧﻪ - ﻭﺭﺍﺡ ﺗﻜﺘﻠﻪ
ﺧﻀﺮ - ﺍﻥ ﺷﺎﺀ ﺍﻟﻠﻪ
ﻣﻴﻤﻮﻧﻪ - ﻟﺘﺴﻮﻭﻳﻬﻪ ﺧﻀﺮ .... ﻋﻠﻴﻚ ﺍﻟﻠﻪ ﻟﺘﺴﻮﻳﻬﻪ ... ﻣﺎﺍﺣﺴﻚ ﻣﺠﺮﻡ ﺍﺑﺪ ... ﺻﺢ ﺧﻄﻒ ﺍﻟﻄﻔﻞ ﻏﻠﻂ ﺑﺲ ﻣﺎﺍﺷﻮﻑ ﺑﻴﻚ ﻣﺠﺮﻡ ﻳﻜﺘﻞ
ﺧﻀﺮ - ﺳﻨﻴﻦ ﻭﻫﺬﺍ ﺣﻠﻤﻲ .... ﻣﻦ ﻗﺮﺑﺘﻠﻪ ﺗﺮﻳﺪﻳﻦ ﺍﻋﻮﻓﻪ
ﻣﻴﻤﻮﻧﻪ - ﻟﻴﺶ ﺧﺎﺑﺮﺗﻨﻲ ﻟﻌﺪ
ﺧﻀﺮ - ﻣﺎﺍﺩﺭﻱ ﻟﻴﺶ ﺑﺲ ﺍﻓﻜﺮ ﺑﻴﺞ .... ﺟﻨﺖ ﺍﻓﻜﺮ ﺑﺲ ﺷﻮﻛﺖ ﺍﺫﺑﺢ ﺍﻟﻜﺎﺗﻞ ﺍﻫﻠﻲ ... ﻫﺴﻪ ﺻﺮﺗﻲ ﻣﻦ ﺿﻤﻦ ﺍﻓﻜﺎﺭﻱ ... ﻣﺎﺍﺣﺒﺞ ﺑﺲ ﻣﺎﺍﻋﺮﻑ ﻟﻴﺶ ﻫﻴﺞ ﺍﻓﻜﺮ ﺑﻴﺞ .... ﻋﻴﻮﻧﺞ ﻣﺮﺳﻮﻣﻪ ﻛﺒﺎﻝ ﻋﻴﻨﻲ
ﺭﺩﺕ ﻗﺒﻞ ﻻ ﺍﺧﺬﻱ ﻫﺎﻱ ﺍﻟﺨﻄﻮﻩ ... ﻭﺍﻛﻴﺪ ﻣﺮﺍﺡ ﻧﻠﺘﻘﻲ ﺑﻌﺪ
ﺭﺩﺕ ﺍﻛﻠﺞ ﻣﻦ ﺍﻛﻠﺞ ﺗﻚ ﻭﺗﻚ ﻣﺎﺍﺻﻨﻒ ﻋﻠﻴﺞ ﺟﻨﺖ ﺍﺗﻐﺰﻝ ﺑﻴﻬﻦ ﺑﺲ ﺑﻄﺮﻳﻘﺘﻲ ﻭﻟﻤﺴﺖ ﺟﺴﻤﺞ ﺭﺍﺡ ﺗﺬﻗﻪ ﺣﺴﺮﻩ ﺑﻜﻠﺒﻲ
ﻣﻴﻤﻮﻧﻪ - ﻟﺘﻜﺘﻠﻪ
ﺧﻀﺮ - ﺍﻟﻲ ﻳﺴﻤﻌﺞ ﻳﻜﻮﻝ ﺑﺎﺟﺮ ﺭﺍﻳﺢ ﻭﺻﻠﺖ ﺍﻧﻲ ﺑﺲ ﻫﻢ ﺑﻌﺪ ﺑﺲ ﺧﺎﻑ ﻛﻠﺸﻲ ﻳﺼﻴﺮ ﻭﺍﻟﺰﻡ ﺭﺩﺕ ﺍﻛﻠﺞ ﺫﻧﻲ
ﻣﻴﻤﻮﻧﻪ - ﻛﺘﻠﻲ ﻓﻨﺞ ﺍﻧﻲ ﻭﻳﻦ ﻭﻣﻜﺘﻠﻲ ﻭﻳﻦ ﺫﻳﺞ ﺍﻟﻤﺮﻩ
ﺧﻀﺮ - ﻫﻬﻬﻪ ﻋﻠﻤﻮﺩ ﺗﺒﻠﻐﻴﻦ ﻋﻠﻴﻪ
ﻣﻴﻤﻮﻧﻪ - ﺑﺠﻴﺖ ﻣﺎﺍﻋﺮﻑ ﻟﻴﺶ ﻛﺘﻠﻪ ﻟﺘﺴﻮﻳﻬﻪ ﺧﻀﺮ ﻟﺘﺨﻄﻒ ﻭﻻ ﺗﻜﺘﻞ ﻋﻠﻴﻚ ﺍﻟﻠﻪ ... ﻭﻟﺘﺴﺄﻟﻨﻲ ﻟﻴﺶ ﺑﺠﻴﺘﻲ .... ﻣﺎﺍﻋﺮﻑ ﻟﻴﺶ ﺑﺲ ﻛﻞ ﺍﻟﻲ ﺍﻋﺮﻓﻪ ﺍﺣﺲ ﺑﻴﻚ ﻣﺠﺎﻝ ﻣﺘﺮﻭﺡ ﺍﻟﻬﺬﺍ ﺍﻟﻄﺮﻳﻖ
ﺧﻀﺮ - ﻣﻴﻤﻮﻧﻪ ﺗﺪﺭﻳﻦ ﺩﻣﻮﻋﺞ ﺣﺴﺴﺘﻨﻲ ﺍﻧﻲ ﻣﻬﻢ ﻋﻨﺪﺝ
ﻣﻴﻤﻮﻧﻪ - ﻣﺘﻬﻤﻨﻲ ﺍﻧﺖ ﺍﺑﺪ ﺑﺲ ﻣﺎﺍﻋﺮﻑ ﻟﻴﺶ ﺍﻛﻠﻚ ﻫﻴﺞ
ﻟﺘﻮﺟﻊ ﻛﻠﺐ ﺍﻡ
ﺧﻀﺮ - ﺗﺼﺒﺤﻴﻦ ﻋﻠﻰ ﺧﻴﺮ ﺍﻡ ﺗﻚ ﻭﺗﻚ
ﻣﻴﻤﻮﻧﻪ - ﺍﻭﻭﻭﻛﻒ ﻟﺘﺴﺪ ﺍﻟﺨﻂ
ﺳﺪﻩ ﻭﻻ ﻳﻤﻪ ﻛﺘﻠﻪ ﺧﻀﺮﺭﺭﺭ ﻟﺘﺴﺪ ﺍﻟﺨﻂ
ﺑﻬﺎﻟﻠﺤﻈﻪ ﺩﺧﻠﺖ ﻓﻠﻚ ﺑﺎﻭﻋﺘﻠﻲ ...
ﻓﻠﻚ - ﻣﻨﻮ ﻫﺬﺍ ﺧﻀﺮ
ﻣﻴﻤﻮﻧﻪ - ﻫﺎﺍﺍ .... ﺍﺭﺗﺒﻜﺖ ﺣﻴﻞ ﻛﺘﻠﻬﻪ ﺷﻨﻮﻭﻭ
ﻓﻠﻚ - ﻭﺍﻟﻠﻪ ﻋﺮﻓﺖ ﻋﻨﺪﺝ ﺷﻲ ﻭﻟﺞ ﻟﻴﺶ ﻣﺘﻜﻠﻴﻠﻲ ﻣﻨﻮ ﻫﺬﺍ ﻣﻴﻤﻮﻧﻪ ﻭﺗﻌﺮﻓﻲ ﻟﻮ ﻻ ﺛﻘﻪ ﻭﺍﺛﻘﻪ ﺑﻲ ﻟﻮ ﺷﻨﻮ ﺍﻟﻤﻮﺿﻮﻉ
ﻣﻴﻤﻮﻧﻪ - ﻫﺎ
ﻓﻠﻚ - ﻭﻳﻦ ﻟﻜﺎﺝ ﻭﻣﻦ ﺷﻮﻛﺖ
ﻣﻴﻤﻮﻧﻪ - ﻣﺎﺍﺩﺭﻱ ﻟﺘﺴﺄﻟﻴﻨﻲ ﻋﻠﻴﺞ ﺍﻟﻠﻪ
ﻓﻠﻚ - ﺷﻠﻮﻥ ﺑﻠﻠﻪ ﺟﺬﺍﺏ ﻭﻳﻀﺤﻚ ﻋﻠﻴﺞ ﻭﺍﺫﺍ ﻳﺮﻳﺪﺝ ﻟﻴﺶ ﻣﻴﺨﻄﺒﺞ ﻫﺬﺍ ﻭﺍﺣﺪ ﺟﺬﺍﺏ ﻣﻦ ﻫﺴﻪ ﺍﻛﻠﺞ .... ﻣﻴﻤﻮﻧﻪ ﺍﺣﻨﻪ ﻣﺎﻋﺪﻧﻪ ﺍﺣﺪ ﻭﺍﻟﺰﻟﻢ ﻭﺣﻮﺵ ﻳﺴﺘﻐﻠﻮﻥ ﻫﺬﺍ ﺍﻟﺸﻲ
ﻣﻴﻤﻮﻧﻪ - ﺷﻜﺪ ﺣﺠﻴﺘﻲ ﻓﻠﻚ ﺷﻔﻬﻤﺘﻲ ﺍﻧﺖ
ﻓﻠﻚ - ﺷﻔﻬﻤﺖ ﻋﻮﺩ ﻋﺒﺎﻟﺞ ﻣﺎﺍﺩﺭﻱ ﻣﺒﻴﻦ ﻋﻠﻴﺞ ﻣﻦ ﺻﻔﻨﺎﺗﺞ ﺍﺭﺑﻌﻪ ﻭﻋﺸﺮﻳﻦ ﺳﺎﻋﻪ ﺷﺎﺭﺩﻩ ﻣﻦ ﻫﺴﻪ ﺍﻛﻠﺞ ﺻﺢ ﺍﻧﻲ ﺍﺻﻐﺮ ﻣﻨﺞ ﻭﻣﻮ ﻣﻦ ﺣﻘﻲ ﺍﺣﺠﻲ ﻫﻴﺞ ﺑﺲ ﺍﻧﻲ ﺍﺧﺎﻑ ﻋﻠﻴﺞ ﻭﺍﻟﻠﻪ ﺫﻭﻟﻲ ﺟﺬﺍﺑﻴﻦ
ﻣﻴﻤﻮﻧﻪ - ﺑﻘﻴﺖ ﺍﺑﺎﻭﻉ ﻣﺎﺍﺩﺭﻱ ﺷﻜﻠﻬﻪ
ﻛﺘﻠﻬﻪ ﻣﻦ ﺟﺪﻳﺪ ﻋﺮﻓﺘﻪ ﻭﺍﻟﻠﻪ
ﻓﻠﻚ - ﺧﻞ ﻳﺠﻲ ﻳﺨﻄﺒﺞ ﺍﺫﺍ ﻳﺮﻳﺪ ﻣﻴﻤﻮﻧﻪ ﻏﻴﺮ ﻫﺬﺍ ﺍﻟﺸﻲ ﻋﻮﻓﻲ
ﻣﻴﻤﻮﻧﻪ - ﺍﺻﻼً ﻣﺎﺑﻴﻨﺎﺗﻨﻪ ﻛﻼﻡ ﻣﺜﻞ ﺍﻻﺻﺪﻗﺎﺀ ﻭﺑﺲ ... ﺣﺴﻴﺘﻬﻪ ﻣﺼﺪﻛﺖ ﻋﺎﻓﺘﻨﻲ ﻭﻃﻠﻌﺖ ﺑﻘﻴﺖ ﺍﻓﻜﺮ ﺑﺨﺼﺮ ﺭﺍﺡ ﻳﺴﻮﻱ ﻫﻴﺞ
ﺍﺗﻤﻨﻰ ﺍﻭﻛﻔﻪ ﻭﺍﻛﺪﺭ ﺍﺷﻴﻞ ﻫﺬﺍ ﺍﻟﺸﻲ ﻣﻦ ﻋﻘﻠﻪ
ﺧﻄﻴﻪ ﺣﻴﻀﻴﻊ ﺷﺒﺎﺑﻪ ﻭﻧﻔﺴﻪ .... ﺍﻻﻭﻗﺎﺕ ﺍﻟﻲ ﺷﻔﺘﻪ ﺑﻴﻬﻦ ﺻﺢ ﻣﻔﻬﻤﺖ ﻣﻨﻪ ﺷﻲ ﺑﺲ ﺍﺣﺲ ﺩﺍﺧﻠﻪ ﻃﻔﻞ ﻣﺘﺼﻞ ﻋﻠﻴﻪ ﻣﺮ ﺛﺎﻧﻲ ﻳﻮﻡ ﻭﺍﻧﺘﻈﺮ ﺍﺗﺼﺎﻟﻪ ﻣﺎﻛﻮ ﻣﺮ ﺍﻟﺜﺎﻧﻲ ﺍﻭﻝ ﻣﻜﻌﺪﺕ ﻛﻠﺖ ﺑﺲ ﺗﺼﻴﺮ ﺍﻟﺴﺎﻋﻪ ﻋﺸﺮﻩ ﺍﺭﻭﺡ ﺍﺷﺘﺮﻱ ﺭﺻﻴﺪ
ﻓﻠﻚ - ﻣﻦ ﺍﻟﺒﺎﺭﺣﻪ ﺍﻟﺒﻨﻴﻪ ﺣﺠﺰﺕ ﻣﻮﻋﺪ ﻳﻤﻲ .... ﺍﺗﺼﻠﺖ ﻋﻠﻴﻪ ﻭﺣﺠﺰﺕ ﻭﻛﺎﻟﺘﻠﻲ ﻣﻦ ﺫﺍﻙ ﺍﻟﻴﻮﻡ ﺩﺯﻳﺘﻠﺞ ﺍﻟﻌﻨﻮﺍﻥ ﺍﻟﺠﺪﻳﺪ
ﺭﺣﺖ ﺟﺎﻧﺖ ﺑﺎﻟﻜﺮﺍﺩﻩ ﺷﻘﺘﻬﻪ .... ﺭﺣﺖ ﻋﺒﺮﻳﻪ .... ﻭﻧﺰﻟﺖ ﻣﺸﻴﺖ ﺧﻄﻮﺍﺕ ﻗﻠﻴﻠﻪ ﺑﺲ ﻓﺤﻄﺖ ﺩﻛﻴﺖ ﺟﺮﺱ ﺍﻟﺒﺎﺏ ﻃﻠﻌﺘﻠﻲ ﻫﻴﻪ ﻭﺧﺮﺕ ﺍﻟﺒﻮﺷﻴﻪ ﻣﻦ ﺭﺍﺳﻲ ﻭﺍﺑﺘﺴﻤﺖ .... ﺍﻟﺴﻼﻡ ﻋﻠﻴﻜﻢ
ﻋﺬﺭﺍﺀ - ﻭﻋﻠﻴﻜﻢ ﺍﻟﺴﻼﻡ
ﺟﺎﻧﺖ ﻻﺑﺴﻪ ﺳﻴﺖ ﻧﻮﻡ ﺳﺘﻦ ﻟﻮﻧﻪ ﺍﺳﻮﺩ ﻭﻓﻮﻛﺎ ﺭﻭﺏ ﻃﻮﻳﻞ ﻫﻢ ﺳﺘﻦ ﺍﺳﻮﺩ ... ﺩﺧﻠﺖ ﻣﺎﺍﺣﺲ ﺍﻟﻪ ﻗﻔﻠﺖ ﺍﻟﺒﺎﺏ ﺑﺎﻭﻋﺖ ﻋﻠﻴﻬﻪ
ﻟﻴﺶ ﻗﻔﻠﺘﻲ ﺍﻟﺒﺎﺏ
- ﺯﻭﺟﻲ ﻣﻴﻘﺒﻞ ﻳﺨﺎﻑ ﻋﻠﻴﻪ
- ﻓﻠﻚ - ﻳﻠﻠﻪ ﻧﺒﻠﺶ
ﻛﻌﺪﺕ ﺍﻃﻠﻊ ﺑﺎﻟﺴﻜﺮﺍﺑﺎﺕ ﻭﺍﻻﻏﺮﺍﺽ ﻭﺍﻧﻲ ﺍﻃﻠﻌﻬﻦ ﻛﺘﻠﻬﻪ ﺍﻱ ﻣﻜﺘﻠﺞ ﺫﻳﺞ ﺍﻟﻤﺮﻩ ﺍﻃﺎ ﺗﺤﺒﻴﻦ ﺍﻧﻈﻒ ﺑﻴﻮﺕ ﻫﻢ
- ﻣﻤﻤﻢ ﻳﻌﻨﻲ ﺍﻧﺖِ ﺗﺒﻊ ﻛﻠﻮ
- ﺍﻱ ﺷﻨﺴﻮﻱ ﺍﻟﺤﻤﺪﻟﻠﻪ ﻭﺍﻟﺸﻜﺮ .... ﻃﻠﻌﺖ ﺍﻟﺸﻴﺮﻩ
ﻛﺎﻟﺖ ﻣﺎﻛﻮ ﺩﺍﻋﻲ ﺷﻴﺮﻩ ﻻﻥ ﻣﻴﻄﻠﻌﻠﻲ ﺷﻌﺮ ﺑﺴﻬﻮﻟﻪ
- ﻓﻠﻚ - ﺍﻭﻛﻲ ﻟﻌﺪ ﺍﺑﻠﺶ ﺑﺮﺟﻠﺞ
- ﻻ ﺍﺭﻳﺪ ﻣﺴﺎﺝ ﺍﻟﻴﻮﻡ ﺍﻟﻜﻞ ﺟﺴﻤﻲ
ﻓﻠﻚ - ﺑﺎﻭﻋﺖ ﻋﻠﻴﻬﻪ ﻧﺰﻋﺖ ﺍﻟﺮﻭﺏ ﻛﺘﻠﻬﻪ ﺍﻧﻲ ﻣﺎﺍﻋﺮﻑ ﺍﺳﻮﻱ ﻣﺴﺎﺝ ﺑﺲ ﻋﺎﺩﻱ ﺍﺳﻮﻳﻠﺞ ﺑﺲ ﻣﻦ ﻫﺴﻪ ﺍﻛﻠﺞ
ﻧﺰﻋﺖ ﺍﻟﺴﻴﺖ ﻧﻮﻡ ﺻﺎﺭﺕ ﻣﺼﻠﺨﻪ ﺑﺲ ﺑﺎﻟﻤﻼﺑﺲ ﺍﻟﺪﺍﺧﻠﻴﻪ ﺧﺠﻠﺖ ﻣﻦ ﻳﻤﻲ ﺩﻧﻜﺖ ﺗﻤﺪﺩﺕ ﻭﻏﻄﻴﺖ ﺟﺴﻤﻬﻪ
- ﻟﻴﺶ ﻏﻄﻴﺘﻴﻨﻲ
ﻓﻠﻚ - ﻫﺎﺍ ﻳﻌﻨﻲ ﺧﺎﻑ ﺗﺴﺘﺤﻴﻦ ﻭﻳﻌﻨﻲ
- ﻋﻠﻰ ﺷﻨﻮ ﺍﺳﺘﺤﻲ ﻟﻮ ﻣﺎﺍﻧﺘﻲ ﺳﻮﻳﺘﻴﻠﻲ ﺷﻴﺮﻩ ﺷﻮ ﺷﻮﻳﻪ ﻭﻃﻠﻌﺖ ﺑﻨﻴﻪ ﺛﺎﻧﻴﻪ ﻣﻮﺷﻤﻪ ﻻﺑﺴﻪ ﺷﻮﺭﺕ ﻭﻛﻴﻤﻮﻧﻪ ﺩﻟﻌﻪ ﻛﻠﺶ
ﻫﻼﻭﻭﻭﻭﻭﻭ ﻫﺎﻱ ﺍﻟﻜﻠﺘﻲ ﻋﻠﻴﻬﻪ ﻋﺬﻭﺭﻩ
ﺍﺑﺘﺴﻤﺖ ﺑﻮﺟﻬﻪ ... ﺍﻫﻼً
ﺷﻮ ﺑﻠﻠﻪ ﻭﻣﻲ ﻝ ﺍﺷﻮﻓﺞ
ﺭﺃﺳﺎً ﻛﺎﻣﺖ ﻛﻌﺪﺕ ﻋﺬﺭﺍﺀ ﺍﻟﺒﻨﻴﻪ ﺍﻟﻲ ﺩﺯﺕ ﻋﻠﻴﻪ
ﺍﻱ ﺷﻨﻮ ﺭﺃﻳﺞ ﺑﻴﻬﻪ ﻧﻮﺍﺭﻩ
ﻧﻮﺍﺭﻩ - ﻣﻤﻤﻤﻤﻤﻢ ﺣﻠﻮ ﺷﻜﻠﻬﻪ ..... ﺍﻧﻲ ﻛﻤﺖ ﺍﺑﺎﻭﻉ ﻋﻠﻴﻬﻦ ﻣﺎﺍﻋﺮﻑ ﺷﺪﻳﺼﻴﺮ ﻣﻌﻘﻮﻟﻪ ﻫﺎﻱ ﺷﻘﻪ ﻣﺎﻝ ﺩﻋﺎﺭﻩ ﻟﻮ ﺷﻨﻮ ﺑﺎﻟﻀﺒﻂ
ﻣﺎﺍﺣﺲ ﺍﻟﻪ ﺩﻧﻜﺖ ﻋﻠﻰ ﻋﺬﺭﺍﺀ ........
