رواية لست غجرية الفصل الثامن بقلم روز الحيدر
باهر : لو تعرفين الحقيق... جان أول وحدة تكرهين
نفسج مو أني.
ثبتت عيوني بعينه، گلبي يدگ بسرعة
وردة : جربني.. أحجي شنو الحقيقة؟
قرب لي خطوة
باهر : كلشي بوقته حلو.بس اليوم انت مو دا
تجرحينّي.. انت دا تفتحين باب لو ينفتح
ماينسد
جمدت بأرضي وعيوني ثابته عليه شنو هل سر!
رفعت راسي بتحدي رغم الرجفة داخلي
وردة : افتحه
ابتسم ابتسامة مو مريحة
باهر : مو هيچ ينفتح.
وردة : ولك لا تلعب بأعصاب! كول شنو تقصد!
قرب أكثر هالمرة كلش قريب
باهر : إذا فتحته... ماراح تبقين نفس وردة
معقولة يعرف بسلطانة!!
وردة : واذا ما فتحته؟
سكت لحظة عيونه تركز بوجهي
باهر : تبقين عايشة بوهم
مد إيده كأنه راح يلمس وجهي.. بس تراجع قبل لا يوصل
باهر : انتِ.
تجمدت
وردة : شتقصد اني؟!
ضحك غير الموضوع
باهر : انتِ مثل الوهم
وردة : احچي عدل!
بتسم
باهر : خلينا نتزوج ونحجي ونسولف عدل
2 تع
صاحت
جدة : هاا واك ابهر حصرتها
ضحك
باهر : لا هي حصرتني
جدة : تعالو شعدك تتهامس
بتسمت
وردة : حباب كول شنو؟... تعرفني فضولية
رجع لمس شعري بخفه ايده مبتسم، بعدت
باهر : اي شفتي شلون مشيتها عليج لان ادري
بيج الفضول واصل مراحل عندج بس طمني
ماكو شي
برطمت شفتي
وردة : حباب شنو؟
عض شفته بخبث
باهر : خليني اخرب حمرتج.. واكول
وردة : يععع غالية مااخليك تلمسها
1 ت
عقد حاحبه
باهر : شكد غالية؟
وردة : اغلى منك
2 ت
باهر : ان شاءلله
جدة : شجابك؟
باهر : اريد وريدة.. اراضيها ربع ساعة متأخر والله
جدة : راضيها هنا واسد اذاني
باهر : ههههه لاتخافين نوكف بالباب مانروح بعيد
رفعت راسها
جدة : شو خانسة؟
وردة : اشوف شيريد
جدة : راضية.... هل اكول ماكمزتي
غوضت عيونها ركزت بوجهي
جدة : ياااع ولج ام احميرة الحمرة دور تلمع!
2 تع
جدة : لي تخلي هيج حميرة حمرة تريدلها رجل
1 ت
ضحكته وصلت الاذانه كال
باهر : موجود.. جدة بس تكول موافقة حتى البيت
جهزته ومانقص غير وجودكم
جدة : ولك ابهير احجي عدل
باهر لف عليها بهدوء
باهر : دا أحچي عدل.. اني جاي اخذها بالحلال
رفعت صوتي بسرعة
وردة : لاااا! لا تتصرف وچن ماصار شي
التفت عليّ
باهر : ليش؟ كلها تعرف اريدج زواج
وردة : بس مو أهل ثقة
همسه خفيف
باهر : بعدج ما تعرفين
بصوت عالي
جدة : هااا ولكم فضوها وجعتوا راسي!
باهر ابتسم ورجع طبيعي
باهر : يله جوري… ربع ساعة بس نحچي
وردة : اذا طلعت وياك مو معناها وافقت
رفع حاجبه
باهر : واذا وافقتي؟
وردة : مستحيل
ابتسم ابتسامة واثقة
باهر : نشوف
طلعنا بالباب يم السيارة الجو بارد لافه نفسي
وردة : ها… احچي، شنو الشي لي كلته قبل شوية؟
هز راسه بنفي
باهر : ماكو شي اريد احنصج كتلج اعرفج فضولية
سند على السيارة، باوعلي كم ثانية بدون ما
يحچي هذا السكوت يضوجني أكثر
وردة : ولك لا تصفن..
سحب نفس، فتح باب السيارة
طلع باقة ورد أحمرة.. كأنها هستوها مقطوفه
انصدمت
وردة : شنو هذا؟
مدها إليّ
باهر : إلج
باوعت للوردة، وبعدين له
وردة : عبالك هيج تنحل؟
سحب نفس قوي هز راسه بنفي
باهر : ما تنحل.. بس تبدي
سكتت لحظة.. بس ما أخذتها
وردة : خليها يمك
ابتسم بخفة، ما زعل نزل إيده
شوي بس بعدها ممدودة
باهر : حتى لو ما اخذتيها.. تبقى إلج
وردة : خل نخلص… شنو الموضوع؟
تنهد، وبعدين طلع العلبة من جيبه
فتحها قدها خاتم بسيط بس مرتب
تجمدت
وردة : باهر.. لا تلعب
باهر : دا العب؟
رفع عينه بعيني
باهر : جوري.. تعبت من اللعب اريد استقر
بحضج اريد اكعد الصبح اشوفج بفراشي
وبيتنا والله مااريد اكثر من هيج.
ضحكت بقهر
وردة : صدك؟ بعد كلشي صار؟
قرب خطوة صوته نزل
باهر : اي... بعد كلشي صار ماكو حل غير هيج
وردة : هذا حل الك؟ مو إلي
باهر : ألنا
هزيت راسي بنفي
وردة : لا.. لا تحاول تقنعني
مد إيده، حاول يلبسني الخاتم سحبت إيدي بسرعة
وردة : لا تجيسني!
وكف، باوع لإيدي ثواني بعدين رجع رفع عينه إليّ
باهر : اني مو دا أغصبج بس دا أقدم لج والنفسي
حياة بعيده عن هل مستنقع تعبت اريد ارتاح.
بحدية
وردة : باهر انتَ خنت علاقتنا لما خليت طرف ثالث
يدخل بينا خسرتني قبل حتى ماتمتلكمي واني ماتقبل
نفسي تجز منك يعني شلون تلمس وحدة غيري!
باهر : غلطت اعترف..بس هل شي مايعني تعاقبيني
وتحرميني منج
رفعت كتافي
وردة : لأنك ماحترمتني ولا خليتلي احترام ويا
منو خنتني! لي عتبرتها اختي وحتى من عرفت
بأفعال اهلها تركتهم واجت يمي.
باهر : اني ماجبرتها على شي وچنت صريح وياها
الف مرة كتلها لا احبج ولا أريدج، وزواج مااتزوجج
وهي قابلة اذا على خيانة فهي لي خانتج بعدين على
شنو تنقهرين!؟ وهي بنت ضافر وسلطانة كلشي ترجي
منها
قدم الورد
باهر : شميها
اخذتها اشم عطرها يفتح النفس، رفعت عيني له
ينظرلي بعين حُب
باهر : واني يمتى اشم وردتي؟
ثبتت عيوني بعينه.. لحظة
وردة : من تنضف نفسك أول
عقد حواجبه بخفّة
باهر : لهدرجة شايفتني وسخ؟
رجعت باوعتله بنظرة موجوعة
وردة : مو شايفتك.. حاسة بيك
سكت.. واضح انضرب من الجواب
رفعت الورد بأيدي
وردة : تدري شنو الفرق بيني وبينها؟
باهر : شنو؟
ابتسمت برود
وردة : هي رضت تكون محطة.. وأني ما أكون إلا وطن
نزلت عيونه على شفافي لحظة… تنفس ببطء
باهر : وانتِ وطني من زمان
ضحكت
وردة : الوطن ما ينخان يا باهر
ما رد مديت إيدي ورجعتله الورد على صدره
وردة : خلي يمك.. يمكن تحتاجها تعتذر لغيري بيها
باهر : افهم ماتوافقين؟
وردة : شلون اوافق وكل مااشوفك اتخيل شكلكم؟
كتلك نفسي تشمأز مااكدر اتقبل شخص..
سكتت
باهر : فهمت عيني بس تأكدي..
قرب خطوة
باهر : اكطعي الشي اللي يخليني أخون.. وشمري
للجلب
6 ت
وردة : لا انت مو لهذا لدرجة مهم بحياتي
صوته نزل
باهر : اذا يوم من الأيام قبلتي بيا
سكت، بلع ريگه
باهر : لا تجيبين هالصورة بالج.. لأن راح تموت كلشي
بينا قبل لا يبدي
ثبتت عيوني بعينه
وردة : أصلاً كل شي بينا ميتة
باهر : لا... بعده يتنفس
أشر على صدره
باهر : هنا يانبض گلبي
رفعت حاجبي
وردة : بعد شنو؟ تريد أصدك افعالك غلط؟
جان عندي شك بس الفيديو وضح كل شي
باهر : لا...كتلج غلطت بس لاتخلين غلط واحد
يفرقنا
وردة : مستعدة اسامحك على كل شي له الخيانة
يااخي نفسي تلعبب منك ودي استفرغ كافييييي
رجعت خطوة لورا نزل عيونه على الخاتم بيده،
سد العلبة ببطء
باهر : والخاتم…
مده إليّ مرة ثانية
باهر : مو هسه… بس راح يضل ينتظرج
باوعتله، لا أخذته ولا رفضته
وردة : لا تنتظر هواي… يمكن أتأخر
ابتسم، بس هالمرة بيها وجع
باهر : اني تعودت أنتظرج وعندي استعداد انتظرج
العمر كله وماامل
بستهزاء
وردة : واضح صبرك.
سكتت
باهر : والله اذا بخصوص، حالتج وعد بس نتزوج مااتقربلج له تتعالجين
فلتت شعري من ايده
وردة : وشبية واتعالج؟ انت لازم تتعالج من قرفك
ابو النسوان
باهر : يانسوان يمعودة لا تبليني لي يسمعج يصدك
1 تع
رجعت لفيت مشيت خطولت ستوقفني من صاح
باهر : على اقل الورد اخذي
بدون مالف
وردة : نطي رند
باهر : الورد للورد
عفته ورجعت للبيت طبكت الباب صحت
وردة : جدة اني جيت
ورحت للغرفة صاحت
جدة : خو ما زعلج
وردة : لا
جدة : شراد؟
وردة : هسه اجيج لحظة
اخذت المبايل بين الغراض منظودة رجعتلها
جدة : شبيج؟
كعدت والمبايل بأيدي
وردة : باهر يعرف شي اني مااعرفه اريد اسأل
نسر
جدة : شكلج؟
وردة : مدري حبوبه بس اكو شي لمح له يحجي
بالغز
جدة : شنهو من لغز!
وردة : لو فهمت جان كتلج خليني اخابر نسر وافهم
كمت ارد اخابر
جدة : وين رايحه؟
نزلت راسي
وردة : مو استحي احجي ويا كدامج
جدة : له له منين طلعت الشمس!
وردة : شسالفه حبوبه غير استحي منج واحترمج
جدة : تعاي صبيلي جوي وروحي بس لاطولين
وردة : صار
رحت اخذت القوري والاستكان صبيتلها وقدمته
كالت
جدة : خليج نبه زلمه غريب الله اعلم شماخذ
فكرة عنج
وردة : لا توصين ترباتج
وردة : باهر يعرف بشغل سلطانة؟
نسر : ليش؟
وردة : ماعرف اجه حجه وياي حجي كل لي فهمته
اكو سر
نسر : شنو كلج بالضبط
وردة : يحجي بالغز لا تفتحين باب واذا نفتح ماتبقين
وردة وعايشة بوهم
سكت شفت بعد الاتصال مفتوح
وردة : هاا؟
نسر : ماعرف شكول بس ان شاءلله ماكو شي
سكتت ثواني رديت
وردة : نسر... ديربالك تخدعني ثقيت بيك..
نسر : لا...
وردة : اسمعني اول مرة بحياتي اثق بشر بس اذا
عرفت تعرف شي وماحجيته هنا، راح اخليك تدعي
لو ماشايف وجهي احسن وساعتها مااحسب لا حساب
رتبة ولا قانون
بنزعاج
نسر : شنو تهددين؟
سحبت نفس
وردة : لا اني مااهدد.. لو ردت اسوي شي ثق أفعل
مااقول
نسر : زين أكدر أشوفج؟
وردة : مافهمت ليش؟
نسر : احجي وياج وجه لوجه افضل
بلعت ريكي
وردة : يعني اكو هيج شي؟
نسر : أجي ونحجي
وردة : زين تعال ورا البيت وين مرا اجيتني
نسر : تمام
وردة : بس خلي سيارتك بعيده وصير بين الشجر
لحد يشوفك ويكولون الباهر
نسر : صار يله
وردة : يله راح اطلع
نسر : واني بعدني مارحت قريب
وردة : يله زين
سديت الخط واقبض بأيدي بتوتر
: يريد يشوفني اكيد اكو شي ياربي مو مثل مااتوقع
طلعت الجدة
وردة : حبوبتي
جدة : شكال؟
وردة : كال ماكو شي اكيد باهر يريد يغثج بس كال
تعاي اخذي الشاحنه، كتله اسأل حبوبتي اذا قبلت
جدة : اي لا ترحين خليها باجر يجيبها
بتوتر
وردة : لا كال باجر مايكدر يجي
جدة : خل يجيبها لهنا اني اطلعله
وردة : لا طبعاً تردين يشوفو ويوصلوها بخيط ومخيط
لباهر شوف جوري تخونك
جدة : ولحل؟
وردة : كلت اروح ورا البيت اخذها وارجع
ضربت خدها
جدة : صخام وجهي تتلبدين ويا الولد
1 تع
وردة : ياحبوبه صدك جذب ياولد خبصتيني بيهم!
جدة : وروح ابوي اذا طلعتي اكسر رگبج واخليج
تزحفين
وردة : ليش تحسسيني مسويتلي مكسورة
جدة : شنهي عود بنت حمرة بيضة تتختل ورا
البيت ودور طاكه لحمرة حمرة تلمع وتشوف زلمه
غريب شنهي يكول تريد تغريني
2 تع
فتحت حلكي
وردة : ياااااععع اغري؟ حبوبه صدك تحجين؟
جدة : ثكلي حبوبه... هو هيج يفكر
وردة : هاي لحمرة مسحتها
مسحتها بأيدي
جدة : طلعي وشوفي لخليج تزحفين
وردة : صدك جذب كعدت تولي الشاحنه مااريدها
وهسه اتصل واكله
هزت راسها، اتصلت، رد
نسر : هستوني صعدت السيارة جايج
وردة : اكلك مااكدر اطلع حبوبتي ماتقبل الشاحنه
خليها بعدين على فراغك
سمعت صوته تنهد كال
نسر : هاا... زين باهر حجه وياج ليوم تراضيتو؟
وردة : اي من اتجيبها يله مع سلامه
قبل مايرد سديته وكمت غسلت وجهي ورجعت
كعدت يمها صبيت كلاص جاي واشرب واطلع صوت
اشفطه شفط هي تضوج
جدة : يايايااااا شنهي ولج شربي عدل لا كسر سنونج
1 تع
ضحكت
وردة : حتى باهر مايريدني بعد
جدة : لا.. لا تخافين تنفكين
1 تع
ضحكت وطلعت حب اسلس وكل مااشفط الجاي
تصيح واضحك لحد ما نمنا
الصبح سويت ريوك وجدة طلعت بالغنم ورا البيت
اني طلعت امش واهز بكركوشة خصري كل مااحس
بتوتر صوتها والحركة لي اسويها تخفف عني وصلت
ومثل مااتوقعت سلطانة ورند وشكم وحده من لبنات
موجودات سلمت وكعدت اكو دف يلبس باصابع مال
ركص لبسته بأصابعي سلطانة مستغربة تصرفي اخر
شي ماتحملت كالت
سلطانة : حنيتي؟
بدون مارفع عيني
وردة : مابعدت حتى احن بس اريد شي قوي
سلطانة : وحبوبتج؟
وردة : شعليها! اساساً كلت لسمر وسهام اي عرض
يصير كلولي اجي وياكم ليش موهبه مثلي مدفونه
خلي اهز العالم بخصري
1 تع
رتاحت لكلامي بتسمت
سلطانة : عفية عليج ذكية لو تسمعين كلامي اغركج
بالفلوس
وردة : اموت بريحت الفلوس كليلي شنو عندج عرض
بس كون مااطلع خارج القرية تعرفين مااكدر اعوف
حبوبتي
سكت ثواني كالت
سلطانة : خليني اشوف
رجعت اطكطك كالت
سلطانة : جوري
رفعت عيني عليها ردت بنعومه
سلطانة : اكلج هل كلام واريد مصلحتج
وردة : شنو؟
سلطانة : اكو شخص مهم لدرجة ماتتوقعيها من اكول
مهم مهم
عقدت حاجبي
وردة : شبي؟
بنعومة
سلطانة : معجب بيج يمصكوعه شافج مره ودوهن
وردة : شيريد؟
بهمس
سلطانة : يريدج زواج وكال لي طلبه اسوي حتى بيت
أخلي بأسمها
عدلت كعدتي بلعت ريكي حسيتها صارت صدك!شسوي
الله لاينطيك ينسر كون اسد وياكلك على هل ورطه هاي
1 تع
بتسمت
وردة : حتى باهر يمثل بية
سلطانة : صدكيني حتى باهر مايكدر يحجي ويا بعدين
باهر شمدري؟ خلي ياخذج هو عنده خير من الله
وردة : مافهمت شلون؟
سلطانة : شوفي هو لرجال متزوج وعنده ولد بس روحه
خضرة ومن شافج لليوم يسألني عنج
1 تع
وردة : وين شافني؟
سلطانة : تذكرين مره من جنت بسيارة وصحتلج احجي
وياج؟
بلعت ريكي
وردة : ذكرت بس صارلها هواي
سلطانة : اي اعرف ولليوم يسالني يكلي ها حاجيها
وكليلها لي طلبه ولماطلبه تحت رجليها
وردة : اي هو متزوج؟
سلطانة : اي ياخذج بسر زواج ويخلي بيت وسيارة بأسمج غير الذهب والمهر هذني خليهن عليه اني اكصبه ألج
1 تع
وردة : لا عيني لا اني اخاف من باهر تردي يكتلني
بعدين اني مو مال هاي سوالف لازواج ولا بطيخ
اني باهر مااتقبله نوب اتقبل واحد بكد ابوي!
1 تع
سلطانة : زين لاتوافقين بس خلي يشوفج مره وحده
وردة : شنو الفائدة؟
سلطانة : ولج لرجال مات عليج.. كال شنو تردين بس
تجيبيها
وردة : مافهمت؟
سلطانة : اعرفج ذكية ولج هذا يطشر بالفلوس طشر
كال ألج هدية لي طلبيها بس تخليها تجي تركص لو اشوفها وكال اذا وخليتيها توافق بزواج هم اعيشها
ملكة وماانساج
حسيت گلبي نعصر من كلامها والقرف يتناثر من حلكها
بس بتسمت
وردة : شنو يشتغل؟
سلطانة : تاجر جبير ومهم
وردة : وشون هو يمتى يجي؟
سلطانة : بعد شكم يوم اكو حفلة خاصه بس تكون
خارج القرية وهو يحضر
وردة : لا خارج القرية مااطلع
سلطانة : خليني ارتبها ودام يعرف تحضري اخلي
يغير المكان ونسوي هنا شتكولين؟
وردة : وين خارج القرية؟
كلتلي بالمكان، نفسه، نفسه هو المكان لكال عنه نسر
وردة : اي شوفي اذا اهنا اوافق
سلطانة : عفية عليج صدكي منها وحياتج تتغير
بتسمت هي طلعت، اني كمت يم رند كعدت يمها طخيتها
بجتفي بمزح
وردة : شلونها الحلوة؟
ماردت
وردة : شبيج وين اختي وحبيبتي معقولة تنسين العشرة
والخوة؟ مع الاسف عليج
نزلت رأسها
رند : مانسيت بس..
وردة : وين لهفتج وخوتنا؟ معقولة ذكر كدر يخليج
تعاديني وتنسين عشرتنا؟
ردت بقوة
رند : جوري اني احب باهر
سحبت نفس وبعدت عيني عنها
وردة : واني تخليت عنه
1 تع
رفعت عينها
رند : اني لوحيدة الي اعرف انت تحبين باهر بس
غرورج مايسمحلج
تنهدت ،وبتسمت بسخرية
وردة : اني مو من النوع الي تعادي وتتعارك على مود ذكر.. ولا أركض ورا شي كاسرني.. وإذا انكسرت أخلي
اللي كسرني يعيش عمره كله يلم بقاياي.. وما يكملني
سكتت
وردة : لا تفكرين ولا يجي بالج فد يوم افكر بي مثل
قبل صدكي ماعندي تجاه اي مشاعر
هزت راسها
رند : اعرف واعرف هم تكدرين تعاندين وياي وبكلمة
منج يتزوجج
بتسمت
وردة : گتلج ماخون العشرة بسبب ذكر.. واذا على گلبي
مااخاف دام الله حامي
1 تع
بلعت ريكها وسكتت رجعت عيني عليها ضحكت رجعت
ندستها
وردة : ماصار شي؟
رفعت عينها
رند : شنو؟
وردة : ماحبلتي
فتحت عيونها بدهشة
رند : لا
عقدت حاجبي بستغراب
وردة : وشمنتظرة؟
وردة : اممم حتى لو وهو شارب ستغلي هل شي
رند : لا حتى من يشرب وفاقد عقله بس هل شي
ماينسى
رفعت تك حاجب
وردة : معقوله!!
رند : اي والله ياريت على اقل باهر يصير ألي ويربطنا
طفل
وردة : ليش.. ما تخلينه يغصب نفسه يرتبط بيج؟
استغربت
رند :شلون؟
قربت منها شوي همست
وردة : كولي له حامل.
فتحت عيونها بصدمة
رند : شنوو؟! شلون؟ خاف يعرف
هزت كتفي ببرود
وردة : شمدري؟
صفنت ثواني
رند :وإذا نكشفت شلون؟
ابتسمت برود
وردة : إذا كلش كلش توازيتي.. كولي طرحت من القهر
وبسببك انت قتلت ابني
ضحكت
رند : وهيج باهر يعيش بتأنيب ضمير
سكتت لحظة، وبهدوء
وردة :. بس ديري بالج..الچذبة إذا كبرت.. يا تملكين
بيها رجال ياماتخسرين كلشي
رند : تدرين مااخطر بالي هيج فكرة
بتسمت وهي تخلت ايدها على بطنها
رند : اتمنى تصير صدك واحبل وباهر يحب الأطفال
وردة : اي وبعدين بلكت تصير عندج فرصة تكدرين
تحبلين بيها
رند : ايي ايي شلون مافكرت بيها قبل! ولج جوري
هذا مفعولها اقوى من السحر
ضحكت
وردة : ليش مسويتله
هزت راسها بأيجابية
رند : لو اجيبه بالسحر لو ماكو
ضحكت
وردة : سالفة حبوبتي تكول لا اريد رجل البسحر
ولا اريد بز البنذر.
رند : يمتى أكله؟
وردة : خلي تجي امج وكليلها
رند : اي هسه تجي
كمت من يمها رند بقت لازمها بطنها وتبتسم، شغلت
ردح عليته و شديتها وبديت رگص أجو البنات وياي
ركصنا لحد مانهد حيلي
رغم الجو بارد بس حتريت دخلت غسلت وجهي بللت ركبتي طلعت اشوف رند وامها يحجن سويت نفسي
مو مهتمه وكفت اسولف ويا البنات واضحك
اجت هي وامها
سلطانة : ماتوقعتها تطلع منج؟
عقدت حاجبي
وردة : شنو؟
سلطانة : تساعدين رند حبيت ذكائج
بتسمت وخلبت ايدي على جتف رند
وردة : أختي وصديقة عمري.. والله امنيتي اشوفها
مرتاحه بعدين اني منيلي بالدنيا غيركم انتو اهلي
وناسي
بتسمت
سلطانة : خلي اني احجي حتى يصدك اكثر اكله
اخذتها سويتلها تحليل
وردة : هيج افضل.. وديربالج تركصين لو شي نتبهي
وخلي لكل يعرف الي بطنج ابن باهر
رند : لا أصلاً بس اشوفه اصير اتنسه
ضحكت
وردة : اي عفية عليج بس لاتزوديها حتى مايكشفج
رند : هههههه لا هاي هي
سلطانة : وبخصوص الحفلة اذا وافقتي اسويها
هنا واريدج تلفين الحضور بخصرج لان كل الي
يحضرون مهمين
بتسمت هزيت راسي
وردة :بعيوني جربيني وشوفي
سلطانة : متأكدة منج اساساً الحجي اول مره شافج
وماطلعتي من باله ابد
وردة : مين ثكيل
سلطانة : كلش وروحه خضرة يدللج بس توافقين
1 تع
بتسمت
وردة : اروح اسوي غدا لجدة هسه تجي تصير تحجي
عليه جنتي تتمركصين
سلطانة : اي روحي
ردت اطلع صاحت
رند : ورد جوري
لفيت اجت حضنتني
رند : شكراً
وردة : على؟
رند : على كل شي
بعدت عني بتسمت
وردة : ماكو شُكر بين الخوات
هزت راسها، رجعت لفيت وطلعت احس جان الهوا
مكطوع وثكل بصدري موطبيعي بلكوة اجر النفس
ومااكدر اتنفس له من حلگي، وصلت للبيت جدة
ماكو جهزت الغدا وكملت، رحت طلعت المبايل من
بين النضدة لكيت 10مكالمات فائتة رجعت تصلت
عليه بسرعة رد
نسر : وينج ليش متردين؟
وردة : شكو!
نسر : كومه تصلت ماكو
وردة : مو المبايل مااشيله وياي اخلي بالبيت
نسر : هااا عبالي يمج والله ضل بالي عليج
وردة : خير شكو حتى يضل بالك؟ صار شي؟
نسر : لا هيج اطمأن عليج.. اكو شي جديد؟
وردة : طبعاً كل الجديد يمي
نسر : شنو؟
وردة : الحفلة لي كلت عليها
نسر :اي
وردة : سلطانة راح تسويها بالقرية
بدهشة
نسر : شلون؟
وردة : اسمع اليوم رحت السلطانة وصرت يمها
حية ملسة مضلومة ومتسامحه
نسر :هههههههه اي
وردة : عاد هي فتحت الموضوع وياي واكو صماخ
مدوحس جبير معجب بيى ويريد يتزوجني
نسر : شنوووو؟
وردة : والله مابيه حيل اعيد
نسر : اخر كلمة يريد يتزوجج؟
وردة : اي يتزوجني كالت شخص مهم
نسر : منو هذا؟
وردة : كالت يجي للحفلة وعلى اساس تصير خارج
القرية بس كتلها لا مااروح كالت اني بس اكله انت
تحضرين بيها يغير المكان الخاطرج
نسر : امممم
وردة : شنو اممم!
نسر : وبعد؟
وردة : هواي سويت سوايات دام حبوبتي ماكو خلي
اسولفلك
نسر : الحجيه وين؟
وردة : طلعت بالغنم واني قبل شوي اجيت من سلطونه
وخابرتك
نسر : اي احجي سويتي؟
وردة : هسه سلطونه والحفلة صارو بالجيب وشعلت
شرارة بلكت باهر يتزوج رنو..
نسر : شلون سويتي؟
وردة : كتلها كليله حبله
نسر : هاااا؟
وردة : اي وداعت عزيز گلبي
نسر : منو عزيز گلبج؟
1 تع
وردة : واحد.. لمهم هسه شنسوي بعد؟
نسر : ننتظر وگت الحفلة بس انت شلون يعني دخلين
المجلس الزلم وتركصين؟
نسر : لان احتمال اثناء الحفلة يصير وگت التهريب
وهل شي غلط اني اريد اعرف شلون هاي فرصتنا
وردة : وشسوي؟
نسر : حالياً امشي حسب لي تكوله ألج سلطانة ولذاك
الوگت الله كريم
وردة : هاي هي... بس اكلك اليوم حريمة شكد نقهرت
نسر : ليش؟
وردة : لو اعرف اسجل صوت بالمبايل جان سجلت
كلام سلطانة وشلون تدفع بية بس حتى احضر لحفلة
نسر : شتسوين بي؟
نسر : اممم أبهير يله اذا تردين اني أعلمج
1 تع
وردة : اي ياريت
نسر : اليوم بالليل اجي نفس مكان كلتي عليه البارحة حتى اجيب الشاحنة واعلمج
وردة : لا يخوي حبوبتي ماتقبل تكلي تتلبدين ويا لولد
نسر : هههههههه حقها تخاف عليج
وردة : اي ماكدر اكسر كلامها
نسر : زين شلون اجيبها؟
وردة : مدري والله خليها على حايط... او هااا هاا
نسر : ها؟
وردة : كلي شنو السر الي كتلي تعاي واكلج؟
نسر : من تجين تعرفين حاولي طلعين بنفس المكان
وردة : اذا كدرت اكلك
نسر : تمام اني بعد المغرب اجي وانتظر اتصالج
وردة : ان شاءلله الله وياك خوية
نسر : هههههههه يله
وردة : ليش تضحك؟
نسر : على خوية احسها ثكيلة
1 ت
وردة : خففها بماي
: من كثر مايدك خلص شحنه
شوي واجت جدة كعدنا تغدينا وكملنا كعدنا اخذت
رجليها ادلكهن واشوف اضافرها
وردة : باحبوبه ليش ماتكليلي اگصهن ألج
جدة : وي حبوبتي نسيت
كمت جبت مگص الاضافر وكعدت اكصهن
وردة : خوماوجعتج
جدة : لا
كملت واخذت اضافر ايدها بستها واكصهن على كيفي
اخاف اجرحها.. بعد ماكملت
اخذتهن رحت كعت كدامها فتحت شعري وصارت تدهن
فروت راسي ودلكها بعدها مشطت وضفرتلي
جدة : بالليل اغسلي ونامي
وردة : صار
مر الوقت واحنا نسولف لحد ما صار المغرب بعد ما
اكدر اطلع كمت حميت ماي حتى اغسل وانام ندك
الباب صحت
وردة : اجيت... اجيت من كون كسر بأيدك اكو زمال
هيج يدك الباب
فتحته طلعت مره من عدنا صاحت
: حبوبتج وين هنا ؟
: چنتي راح تموت فدوة كومي صارت عدها ولادة
جدة كامت بسرعة صاحت
: ولج وريدة تعاي وياي ساعديني
وردة : لا وين مااكدر اروح
: اني وياج شتردين
جدة : خووش وريدة جيبي الغراض بسرعة
وردة : صار
نطيتها شنو تحتاج قبل ماتطلع
جدة : وريدة مااتاخر هسا اجي لاتسبحين وحدج
لماأجي فهمتي؟
وردة : صار
طلعت المراة تركض وتسحل بجدة سحل سديت
الباب وكعدت بسرعة ذكرت نسر طلعت المبايل هم
لكيته متصل نوب الشحن صاير احمر، اتصلت بي
رد
نسر : الو
وردة : وين انت؟
نسر :ورا البيت منتظرج
وردة : هااا؟
نسر : اي والله كلت حتى اذا مااصار مجال وتجي
اخلي الشاحن على حايط لو اشمرها بالبيت هسه
شنو تجين؟
وردة : اي حبوبتي طلعت
نسر : يله منتظرج بين الشجرات العاليات
قبل مايحجي سديته وضميته بصدري واخذت وشاح
ع راسي ولفيت نفسي بي.. وبالطرف تلثمت وطلعت من الباب الخلفي يكون اقرب
طلعت الدنيا لليل وماكو ضوؤ وباردة ثلج مشيت مسافة
الشجرات صايرات اخر شي ليوكف بسدهن مايبين
قربت وصرت اطلع صوت
: ميييوووو ... بششت بشتت ميووو
ماحس له نسحبت بقوة بين الشجرات
نسر : ميووو لبزونة تموي تريد هر
2 تعل
دفعته
وردة : شكول نسر؟
نسر : هههههههه شلونج؟
وردة : مثل لونك
نسر : لا عمي احنا ناس جلحين ملحين شفايتلي
مثل لونج
وردة : نطيني الشاحنة ولا تتصل هواي خلصت
شحنه
نسر : ايي صار عيني.. بس اشم عطر جوز الهند
وردة : اي جدة زيتت شعري
نسر : اكول شعرج ليش هيج طويل وثخين
2 تع
خليت عكس ايدي بوجه كلت
وردة : هذا فالك يعشيك ويعشي عيالك
ضحك بصوت عالي وقرب
نسر : يله جوعان عشيني
وردة : نطيني الشاحنة خلي اولي
بتسم بصوت ناصي
نسر : اممم بس خلي المبايل قريب من گلبج حتى اسمعي بسرعة
1 تع
وردة : لا اخاف بس اني من اريد اتصل اخذه
قدم الشاحنة
نسر :تفضلي عيني
اخذوها
وردة : صار شي جديد؟
نسر : لا ابد بس انتِ شنو سويتي
وردة : سولفتلك
نسر :اممم
وردة : زين شنو الشي لي كتلي من اشوفج أكلج بي؟
سحب نفس ولف وجه عني
نسر : اسألج سؤال؟
وردة : جواب؟
نسر : لو جذبت عليج بشي تبقين تساعديني
وردة : اي وعزيز گلبي
هز راسه، وبعدين رفع عينه بعيني مباشرة
نسر : حتى لو جان.. باهر له أيد وياهم؟
من سمعت اسمه.. حسيت گلبي وگع بالكاع
فتحت عيوني عليه
وردة : لا.. عليك الله لا.. لا تكول باهر متورط وياهم
سكت بس سكوته جان جواب
قرب خطوة صوته نزل
نسر : مو ده أكول متورط..بس مو بعيد عنهم
رجعت خطوة ورا
هزيت راسي بنفي
وردة : لا.. مستحيل الي بعقلي طلع صح!
قاطعته بسرعة
وردة : لااا! باهر غلط.. بس مو لهدرجة
تنفس بقوة
نسر : وأني هم أتمنى
سكتت… دموعي لمع بعيني
وردة : إذا طلع صدك..
ما كملت قرب أكثر صوته صار هادي
نسر : إذا طلع صدك... لازم تكونين أقوى من گلبج
رفعت عيني له
وردة :لا ااا حباب كول جذب باهرر مامحتاج لهاي
سوالف
خليت أيدي على راسي نزلت دمعتي
وردة :غبي، غبي ليش هيج سويت بااااهر ليش
نسر : صوتج
مسحت دموعي
وردة : شنو فهمني؟
نسر : باهر اصلاً مايكدر ينسحب بعد بس..
وردة : بس شنو؟ احجي
نسر : الي متورط وياهم مو هينين حتى لو راد ينسحب
مصيره لو لموت لو سجن
ماكدرت اوكف على حيلي كعدت بالكاع
وردة : اخ منك باهر اااخ.... زين خليني احاجي واكدر
اقنعه والله اخلي يترك هل شغل
نسر : تأخرتي هواي بعديش؟
رفعت عيني عليه بعناد رغم الدموع
وردة : ماكو شي اسمه تأخرت! دام هو حي أكدر أرجعه
نسر : ترجعينه؟ لو تدخلين وياه؟
انصدمت من كلامه
وردة : شنو تقصد؟!
قرب خطوة
نسر : هالطريق.. يا تسحبين شخص يا يسحبج وياه
وقفت بصعوبة رغم رجفتي
وردة : إذا لازم أنزل لهالقاع حتى أطلعه..مستعدة أنزل
اتسعت عيونه شوي
نسر : تعرفين شدا تحچين؟
رفعت راسي، دموعي بعدها على خدي
وردة : إي..وإذا هو غرك مستحيل أخليه وحده
هز راسه بأسى
نسر : فعلاً باهر غبي
1 تع
انصدمت من قوته، حاولت أفلت إيدي
وردة : ولك عوفني! شتسوي!
قرب أكثر، عيونه مشدودة
نسر : ما دا تفهمين! الموضوع مو حب وغرام حتى تروحين تقنعينه!
هزيت راسي بعناد
وردة : هو مو واحد غريب! هذا باهر!
صرخ بصوت واطي حتى لا ينسمع
نسر : ولهذا السبب أخطر! حبيبج يتاجر بالممنوعات
1 تع
سكتت لحظة… بس بعدني مصرة
وردة : أحچي وياه.. حتى لو يجذب عليّ أعرف من
عيونه
ضحك بسخرية
نسر :عيونه؟ هذوله الناس يتعلمون يجذبون بعيونهم
قبل لسانهم
جمدت بمكاني
وردة : لامستحيل يأذيني
نسر : مو شرط يأذيج بيده الي ويا يأذوج حتى بيبيتج
ممكن يأذوها
رجف گلبي، عيوني توسعت
وردة : لا... لا تدخل جدة بهالموضوع!
نسر : إذن فكري بيها ..قبل لا تفكرين بحبيبج
سكتت لفيت وجهي عنه مسحت ادموعي رجعت
نضري له
وردة : وشسوي هسه؟
نسر : ولا شي لا اني حجيت ولا انتِ سمعتي شي
وردة : وباهر؟
نسر : ماراح يعرف واذا عرف فكري بيبيتج مراة
جبيرة ماتتحمل اذيه لاسامح الله وصارلها شي..
هزيت راسي بنفي
وردة : لااا له جدة فداها الكون
هز راسه بأيجابية
نسر : فهمتي شگلت؟
هزيت راسي بأيجابية
وردة : لا انتَ حجيت ولا أني سمعت
نسر : اي عفية عليج وخليها خطتنا ماشية مثل ماهي
بعد ماتكملين اخذكم لمكان بعيد وامن خالي من باهر
وسلطانة وزمرتها
هزيت راسي بأيجابية
نسر : ماراح يعرف صح؟
وردة : مااكول
نسر : متأكدة؟
وردة : ثق مااحجي شي
لفيت نفسي أريد اروح
نسر : جوري
لفيت قربلي
نسر : لاتخافين من شي مستحيل اسمح للهوى يطخج
اني وياج أضحي بروحي بس احميج انتِ وبيبتج
بصوت يرحف
وردة : وباهر مااريده يتأذه
قرب
نسر : وعد احمي منهم بس مااكدر احمي من القانون
هذا حق
هزيت راسي بأيجابية رجعت كملت طريقي وماشوف
غير جدة، رجعت للدار خليت المبايل على شحن وصفت
ودموعي تنزل ماعرف شسوي
ألوم نفسي أني شورطني وياهم منين طلع نسر دمرني
ورطني بشي اكبر مني
خوفي على جدة يصيرلها شي اموت مالي بالدنيا غيرها
ماعرف شكد مر وقت واني على كعدتي فزيت ع وز
المبايل بلكوة رديت
وردة : هاا
نسر : تبجين؟
وردة : لا محد يسوه
نسر : امممم واضح
وردة : اكو شي؟
نسر : سلامتج
ماحجيت شي سديت الخط رجع تصل رديت بملل
وردة : هاا
بعصبية
نسر : اكرهج ودي اطك ركبتج بأيدي من اني احجي
وتسدين الخط
1 تع
تنهدت بتعب رديت
وردة : المطرت والصحت شمحصل العاكول!
1 ت
سكت ثواني كال
نسر : من احجي وياج بعد لاتسدي
وردة : غير خلصت كلام بعد شكو!
نسر : خو كولي مع سلامة صخام الطام ماحس له
طوط باذني
وردة : ان شاءلله منا ورايح وانتِ لاتتصل بكل وكت
جدة ماتقبل
نسر : اسبب ازعاج؟
وردة : لا مو مهم لدرجة بس افضل لاتكثر خلي حدود
وبعد مانخلص كل واحد بدربة
نسر : بس اريد اعرف على شنو هل غرور لعندج
وردة : اني حضي منين يجيب هل ناس التعبانه
ويورطني بسوالف اني بغنى عنها صدك جذب!.
نسر : افهم منج ندمانه؟
وردة : اي والله لان جذبت عليه ومن اولها سألتك
باهر له ايد بالموضوع كتلي لاااا
نسر : لان اعرف لو حجيت احتمال ماتوافقين
وردة : مواحتمال اكيد
نسر : خوش لعد هسه مضطرة تكملي الخطة على
اصولها
وردة : لا مومضطرة بس بمزاجي اماشيك وله اني
محد يفرض اوامره عليه فهمت!
نسر : اممم
وردة : هسه اذا خلصت كلامك مع سلامة ياسيادة
النقيب وحامي الوطن هيج يناسبك؟
نسر : هههههه كلش يناسب مع سلامه ياعطر الجوز
سديت الخط دفعت المبايل بقهر شوي واحت جدة
تلكيتها حضنتها
جدة : شبيج ولج وريدة
وردة : شتاقيتلج
لزمتني من جتافي بعدتني تشوف وجهي
جدة : خفتي؟
وردة : هواي
وردة : لا
جدة : يله تعاي اسبحج اجلفج جلف
وردة : هههههه لا اني اسبح وحدي شسالفه
جدة : يله لعد راح ادفي فراشج
رجعت حضنتها وابوس بيها حضرت ملابسي
كتلها
وردة : حبوبه ارد اخابر باهر باجر يجي ياخذني
اشتري موبايل وهذا ارجعه اخاف يوكع وينكسر
فشله
جدة : خوش من طلعين خابري
وردة : خوش
دخلت سبحت وطلعت ركض على مبايلها
جدة : تعاي ولج لاتتمرضين دفيتلج الحاف
اتصلت واخذت الغطا تغطيت رد
باهر : الو
وردة : شلونك
بس سمع صوتي نبرته تغيرت الفرح
باهر : من يسمع هل صوت ومايبقى زين!
وردة : ابهر
باهر : ياوجع گلبي فدوة يروحلج الابهر وگلبه
بتسمت
وردة : اذا ماعندك شي عادي تجي باجر اريد
اشتري مبايل
باهر : صار اذا مااجي على رجلي اجي على راسي
باجر من الصبح تلكيني بالباب
وردة : لا ع فراغك
باهر : ماعندي اهم منج
وردة : تمام
باهر : نتريك سوه
وردة : اي صار... يله مع سلامة
باهر : عادي ابقى احجي وياج؟
وردة : حتى جدة تفضحني
باهر : يله أصبر نفسي الباجر
وردة : مع سلامة
باهر : أحبج
سكتت ثواني سديت الخط طلعت راسي اشوف جدة
صافنه بية
جدة :شنو هل نعومة تحجين بيها؟
وردة : تعبت من الصياح
جدة : خاف حنيتي
وردة : تعاي مشطي شعري
اخذت المشط تمشط وشدت راسي حتى ماابرد ومثل
كل مره نمت بحضنها
ثاني يوم الصبح جهزت نفسي تصلت على رد
باهر : والله بالباب منتظرج
ضحك
وردة : يله طالعه
سديت الخط
جدة : نتبهي النفسج وريدة
وردة : صار
طلعت فتحت الباب واشوف نسر بوجهي
