رواية تحت ظل السعف الفصل الثامن بقلم ميار
لا عندي ســبع عيــون ولا عنــدي ستة شـو
هنــة بــس ثـنـيـن وتارسهـن انـــت♥️✨
____♕_____
ريتاج
: جنه كاعدين نتغده و وسام يحجي لابوي على الشغل مالت المعمل ومانحس غير صوت صياح عالي كام
ابوي و اخوتي طلعنا وراهم للحوش صوت فرات عالي
ما افتهمنا شسالفه واكفات اني والبنات وامي نسمع
فرات يحجي على ابوه بحركه ما عرفنه بس افتهمت
السالفة بيها بيت بس بيت منو ما ندري فتحت الباب
اوايج من الفتحه ادحك كلها ملتمه والتمت اكثر من
جيه جهاد الوجه يخوف من العصبيه وكف بسدي فرات
ويحجي ابرود عكس ملامحه الي واضحه اعصابه نار
جهاد:: لا تقهر بروحك ابو علاوي هاي السالفة منتهيه
جاسم:: مو بكيفك ولا بكيف فرات عمي البيت بيت
امي وهي رضت يلا امشو فضحتونه وانت فرات والله
اكسر ظهرك تعاندي اكسرر ظهرك محد اله حق بحلالي اني ابيع واشتري الي يعجبني ان رضيت وان لا
جهاد: خلصت شوف جاسم تره ساكتلك لخاطر عيون
خالي محمد و ولدكم والله لو ما همه من زمان حاط
چيله براسك وناهيك ترجيه وعلكها بأذنك بيت خالي
خالد ما ينباع ولا احد يكعد بي هذا حق بنته محد اله
بي شي لا تخليني اتصرف وياك بشي ما يعجبك خوش
جاسم:: وانت يا هو واتقرر البيت بعته فراات جيب
مفتاح البيت يابه اني منطي كلمه بيت مهجور عليش
باقي وخالد مات وشبع موت عليش باقي وبنته وكاعده بيت عمها وباجر عكبه تتزوج وهذا حك امي
جهاد:: هههههههه حگ امك يلا بيعه بس خلي ابالك
شغله البيت منا ينباع مضيفك الي معتز بي بيدي
لحركه والله جاسم اذا احطك ابالي اضوكك المررر
جاسم:: العتب مو عليك على ابوك الي واكف وعلى
ولدي ولك حتى احترام ما عندك خالك اني خالك
جهاد:: عگب خالي خالد بس محمد خالي ما اتشرف بيك
فرات:: يابه كطنه وشيلها من اذنك بيت عمي ما ينباع والله ما ينباع افشلك جدامهم والله ما تبيعه
جاسم:: خوش انشوف كلمة منو تمشي ويلا ولوو
من جدام بيتي عارات سررس... اجلاب انتو خالد..
جهاد:: والله انعلك خيررك جاسمم وخروو تعال
ولك تروح فدوة لتراب رجلين خالد بس وخروو
-من غلط على عمي وجهاد صار نارر يسب بعمي جاسم
ويريد بس يحلونه حتى يضربه بس هو الجبان عافهم وطب
للبيت وبقى جهاد واكف وينعل بي والولد يهدون بي بس
وين نار لحد ما خالي احمد سحبه وجره من بينهم واخذه
وراح سديت الباب من شفت اخوتي وابوي رجعو وركضت
يمهن ادحك على ريام العيون حمر مبتسمه بقهر وامي
تهون عليها وتبرر حتى لا تزعل دخل ابوي شافته واكفات
محمد:: ماكو شي يابه ماكو شي عليش واكفات هينه
امنه:: اي يلا يبعد گلبي هسه ندخل ننتظرك رباب
يلا يمه جايج لابوج واخوتج امشي يمه ريومه ويا خواتج
-ابوي يدحك عليها وواضح القهر عليه بس كلنه ندري
بعمي جاسم فد واحد طماع رغم حالته الماديه احسن
من اخو و ولد عمه طبينه للبيت ريام وكفت تغسل مواعين
ورباب ودت الجاي وبس رجعت ركضت اتصنت على ابوي
محمد:: ما ادري شسوي وياه يروح يروح وبرجع على هذا البيت جاسم خزانه وكتله عوف بيت خالد انوب جهاد حاطه
براسه ما عاجبني يعني جدام الاوادم يصيحه بأسمه لا يحترمه لا يكعد بمضيفه بس الصوج بأخوي يعني دعوف يا اخي عوف ادري ميت جوع وتريد تبيع بيت اخوك وامي اخ من امي
امنه:: لا تظل تقهر بروحك شسويله يقابل حشا جاهل
بس انت هم احجي ويا جهاد ما نريد مشاكل انوب بينهم
محمد:: شتحجين ليش هو يسمع من أحد حتى ابو خايف
منه ما ارتاح اذا ما اشوفه ذب الثامه وحتى عمامه شاك بيهم
ريام:: هاي شسوين
ريتاج:: يمه خفت وعابت اي والله جفلتيني شبيج
ريام:: سحبتها دمشي امشي واكفه تصنتين والله لو شافوج
-فوك ما اجيبلجن اخبار بس مو صوجج صوجي اني ادعبلي
ريام:: هههههههه ما يفيد بيها عفتها تتصنت وطلعت بالحوش جان اكو عدهم باب خلفي رحت فتحت شويه
يصير البستان گبالي حطيت راسي على طارف الباب وصافنه
ادحك اكو بيت قريب على البستان عمي كالي هذا هو بيت
ابوج شنو سالفة البيت ما عرفتها بس انقهرت من حتى بيته
يريد يبيعه ما يريد يخلي شي لابوي بهاي القريه صافنه عليه
وعبرو جهاد وفرات صارو مقابيلي ارتبكت لان صارو بوجهي
سديت الباب وركضت للبيت كعدت بسد عمتي مدده تريد
تنام من شافتني يمها سحبتني وخلتني امدد بحضنها وتمسح على راسي شبكتها اول انسان احس بحبه وحنانه هي فعلاً ام ماتفرق بينه اني والبنات وشكد تنصحني نمت
بحضنها وما ادري بروحي غير ست ريتاج تكعدني بهدوء
ريتاج:: ولللللج ريااااام بس نووووم كومييي احتركت الناسس
ريام:: يماا شكوو ولج اخذتي روحي شصارر جفلتني والله جسمي يرجف حتى حيل ما ظل بيه وهي كعدت تضحك
ريتاج:: هههههههه اخ ولج جبووونه ماكو شي بس مالي
خلك اظل اكعد بيكم يلا عيني اذن المغرب فاتتج صلاة العصر خد وخدر ودلال ليش لا كومي كومي سوي العشه
ريام: غميتها وعدلت شالي وكمت شلت البطانيه مغطيتني بيها ورحت توضيت وصليت ورحت اعاون رباب الي ما الها
صوت بهلبيت تشتغل بهدوء عكس ريتاج من تفتح عيني
تضحك وتسولف بين ما كملنا التمت العايله نتعشه سوه
امنه:: ابو وسام اريدن اخذ البنيات ونروح لبيت احمد
هم نشوف فطومه وامي هم دزت علينه نتعلل فد ساعه
محمد:: اي ليش لا روحو ما بيها شي غير جو
وسام:: اي يمه هذا حامد هسه يوديكم يحب بيت خاله
حامد:: اكل اكل همه يرحون قابل بالمريخ هذا بيتهم
حسين:: يمه زين ليش ما ترحين لبيت عمي جاسم
ريتاج:: لا تخاف بيت عمك بخير شفناهم بالمدرسة
-هههههههه
امنه:: يلا يمه كملن وروحن بدلن حتى ما نتاخر
ريام:؛ شلون هسه اني ما اريد اروح واستحيت اكول
جدام عمي والولد شلت الصينيه وكفت اغسل بيهن
رباب:: دعوفي وتعالي بدلي ريام اني اغسلهن امي تنتظرنا
ريام:: شوفي رباب اني ما اروح عفية روحن انتن واني ابقى
امنه:: ليش يمه ليش ما ترحين خما تبقين وحدج اتونسي ويا البنيات وهم امي تريد تشوفج يلا يا امي امشي امشي
ريام:: عمه ما اريد اروح هي عمتي وما تريدني وابوهم هم
لا تزعلين مني بس عمه والله تعز على نفسي اروح لبيت
ما يحبوني عليش احرج روحي واحرجهم اني ما ضايجه
وهم عندي اقرايه اكعد بالغرفة اقره والله ما اخاف
امنه:: بكيفج يمه ما اجبرج بس والله ردتج تتونسين
ريام:: حضنتها اني متونسه وفرحانه عندي هيج ام احبجج
امنه:: هههه يا يمه بعد گلبي والله بغلاة البنات انتي
ريام:: راحن وريتاج ظلت تحجي عليه ما اريد افرض نفسي
عليهم ما يردوني عليش هل الاحراج فتحت كتبي وبديت اقره بقيت اقره كملت وكعدت افكر اريد اعرف سالفة امي
لازم اشوف جهاد بس شلون محد يفهمني غيره عمي كل
ما اجيب طاري سالفة امي يتحجج ويكوم اريد اعرفها منو
هي عايشه ميته تمدتت وراسي عباره عن افكار لل10ونص
يلا جن البنات وبس دخلن استلمتنا ريتاج تسولفي على بنات وتعلولتهن وتقلد على خوالها بس رباب ساكته
ريتاج:: ولج غير طبينه وجان جهاد كاعد يبووو فد فشله
اني هل الانسان احترمه بس اويي هذا زياد غثيث اكرهه
رباب:: شبي والله خوش زلمه بس كولي انت تخافين من جهاد ولا مو تحترمين ريوم والله البنات ضاجن لان ماجيتي
ريام:: ادري والله وما اريد ازعلهن بس هيج احسن
ريتاج:: عليناا عمي تره عمتي حبابه بس هي مزاجية
وحده مدلله بجاااااال خالي وحايره تقهر بالرايح والجاي
رباب: صدك ريام تره محد مخليها هيج شايفه نفسها
غير خالي وانوب ولدها هم وج يمووت عليها اخذها عن حب ولهسه لو تشوفين شلون يعاملها هههههههه
ريام:: الله لا يحرمهم من بعض شريد منها والله بس
يعني مدري اني شعليه فشلتني ذاك اليوم جدام النسوان
رباب:: لا تزعلين ميخالف بعد لا تسلمين عليها
ريام:: راحن البنات فرشن ونامن واني بقيت اتگلب بفراشي
ما جاني نوم لان نايمه العصر كمت كلت اروح بلجي اشوفه
لفيت الثامي وطلعت وصلت النخله ماكو احد كعدت بقيت
ادحك على السما الجو حلوو بدأ يغير بداية شهر 3 صار صوت وراي فزيت ادحك ماكو احد توه اكوم وصار بوجهي
جهاد:: هاا اليوم وحدج
-خوفتني جهاد جيه كعد بسد النخله فتح الثامه وبيده الجكاره رفع راسه على السما واثنينه ساكتين وندحك
جهاد:: اكو شي ريام ليش طالعه وحدج؟
ريام:: جهاد
جهاد:: هاا يابه
-اذا اطلب منك طلب ما ترفضني
- شسالفه يابه اطلبي وادللي
ريام:: اريد اعرف امي احجيلي منو هي وشنو السالفه
اريد اعرف ليش زعلو على ابوي بسببها وليش عافتني
جهاد: شلج بهاي السوالف سالفه قديمه وحسبيها ماتت
-هي بعيني ميته بس اريد اعرف عفية جهاد راح اتخبل
الكل يكرهني بسببها احجيلي شلون تزوجها ابوي وليش
عافتنا اريد اعرف اني مو اصغيره تعبت محد يحجي ويفهمني عفية جهاد اني عفت الكل وجيتك احسبني صديقه
اخت اي شي اني ما عندي احد يفهمني وشوف اول انسان
اجي واحجي ويا بدون خوف لان اعرفك واعرف راح تفهمني
جهاد:: ما اريدج تنقهرين والله بس اذا هذا الحجي يريحج
احجيلج بس افتهمي زين ما اريدج تنقهرين احمم شوفي
ريام:: اسمعك جهاد عادي والله احجي اريد اعرف
جهاد: شوفي گبل جان بيت جدي سلمان عنده حلال
غنم وهوايش فـ جان اكو راعي كاعد بيت طين هو عينه على حلال جدي يسرح بيهن وبراتب وكاعد بيت
هو ومرته وبس بنته وياهم بين ما ولد الراعي بغير منطقة خالي خالد
جان اكثر واحد يداري الراعي لان رجال جبير بالعمر
وهو وبنته ومرته من جان خالي خالد يطلع بشغل
ابوي ينتبه عليهم من مسواك وغيرها ويوم من الايام
خالي خالد جان طالع لغير محافظه و موصي ابوي يتسوك
للراعي لحد ما يرجع ظل ابوي عينه عليهم يودي الغراض
ويرد لحد ما يوم البنيه صايره عينها على ابوي تودد
اله بـ نيه صافي ما تقصد شي هاي البنية جانت مصادقه
وحده من عماتي فـ كايله لعمتي بحكم صداقتهن فحامده
ابوي بس عمتي فهمتها على زواج ابوي وشكد يريد مرته
المهم البنت بدت تبعد يوم ابوي راجع من الكاع وشايفها
تحش وتريد تشيل الشليف بس ما تكدر كايم مساعدها
وشايفهم اخوها بذاك اليوم جان موجود وهذا فد واحد
احقر من عمج جاسم مسويله مشكلة شكبرها والا
مدخلين بيها العمام واكف اخوها ويقسم ابوي متحرش باخته وزعلت امي واهناي ابوي راح انهار شلون ما يريد
يقنعها ما تقبل وانوب زاد الطين بله من عمتي وجدام
الكل كالت البنيه تريد احمد واحمد صار فترة يروح ويرد
عليهم بعد محد اقتنع وصارو يتهمون ابوي غلطان وياها لحد ما خالي خالد راد يسد السالفه وحتى ما يخرب بيت اخته
وصاحب عمره كال اني اخذها واثبتلكم البنت ما عليها عيبه بس شرط كون البنت توافق و البنيه طبعاً توافق اهلها
يردون بذبحوها وافقو بس عمج جاسم فرها على ابوج
كال ياخذها شهر ويطلگها شلون خالد ياخذ بنت الراعي
والله واخذها وبقت فتره ما اعرف شكد والبنت هي طلبت
الطلاك ولان جديتي مشوفتها الويل وهو هذا الي يردونه
عاد والله خالي ما رفض رايح يطلك طبعاً همه رجعو لديرتهم طلعت سبحان الله المره حامل خالي مسولف لابوي والله بقى خالي يروح ويرجع يودي افلوس اغراض
ما منقص شي عليها وكايل تبقى يم امها وكل شي يصلهن
وره ولادتج اهل امج منطينج لخالي بحكم بنت ما يتحملون مسؤليتها وجابج وجيه بنت بعمر 5ايام .....
ريام:: ما اعرف مصدومه وبس ادحك على جهاد حتى الحجي ضاع رفع راسه يدحك عليه واني الدموع تصب..
جهاد: ريام يابه اسـ...
ريام:: كمل وليش زعلو على ابوي وليش طردو
جهاد: لان ما يردوج وخيرو بينج وبين ظلته اهناي
وبقو يفتنون بينه وبين ابوي لحد ما صارت مشاكل
واخذج وطلع من القريه هذا الي سمعته من خالي
ريام يابه اكو شي يجوز احنه ما نعرفه بس الي اعرفه
جاسم جت يمه الفرصه حتى يخرب بين ابوي وخالي
ريام:: صدمتني يعني فووك زينه على ابوك 14سنه ما يحاجي
معناها ابووك هم مذنب بحق ابوي فووك ما وكفله يمه
عمت عيني عليك يابه كمت بلا وعي ابجي اريد ارجع للبيت
وجهاد بس يريدني اكف عفته وركضت ولكم الله اكبر فوك
ما يساعدهم فوك ما واكفلهم هل وكفه طبيت للغرفه اشهك وساده حلكي ما اريد البناات يحسن وعفيه گلب
ام عافتني بعمر 5اياام اذا احجي قصتي لحد منو يصدكني
هاي الليلة ما نمت للصبح ما ادري يا ساعه نمت كعدتني
عمتي واني اريد ارفع نفسي ما اكدر اصخونه هلكتني هلاك
♡♕♡
فاطمه:: هاي الايام الي مرت علي صعبه صح ما جنه
اني وبسام متراهمين ولا اهله يحبوني بس من اطلگت حسيته صعبه وثجيله نضرة اهلي والناس
وانوب الي زاد همي جهال معاذ يلا اعمارهم بين 4والسنتين بنته بعدها عمرها سنتين وتكضي ليلها
تبجي هل يومين يلا شويه احسن جنت كاعده اثرم
زلاطه بين ما يكمل الغده وتوها جت مروى وكعدنه
نسولف على المدرسة ودخل جهاد وجهه مخنوك
-خير جهاد بيك شي
جهاد: تعالي فاطمه شويه عندي سالفه وياج
-طلع للحوش واني ومروى وحده ادحك على الثانيه
عفت الزلاطه تكملها مروى واني رحت وراه لكيته
يفتر خوفني جيت يمه.. شبيك جهاد صار شي خوفتني
جهاد:: احم لا ماكو شي بس شوفي يعني فاطمه ما ترحين لبيت خالي محمد يعني هم شوفيهم وهم شوفي بنت خالي خالد شو صار يومين ما اشوفها
تروح للمدرسه خاف بيها شي هم خطيه البنيه ما عدها احد
فاطمه: وانت شعليك بيها جهاد شكو بينك وبينها
جهاد: شنو شبيج شكو بيني وبينها يابه البنيه بنت خالي
وسألت عليها لا ترحين ولا تسألين صوجي اني الي احجي وياج
فاطمه:: يااا جهاد تعال عافني وراح شحجيت وزعل عفته ورجعت للمطبخ مروى عايفه الزلاطه ومنهزمه كعدت اثرم هو ناقصني اني كملت الغده وبدينه نصب وبقت سالفةجهاد
براسي خاف صدك بيها شي من التمينه على الغده ادحك
جهاد كوه ياكل اكله لكمتين وكام ما انطاني گلبي كمت وراه
-جهاد شبيك والله مو قصدي شي بس لان انت ما تسأل على البنات وخاصه بنات خوالي بعيد حيل فاجئني اهتمامك بسـ
جهاد:: لا بس ولا شي يابه البنت من معزت خالي ما عندي شي وياها ولا يمها اصلاً بس لان ادري بخالي الله يرحمه شكد يريدها وادري بيها وحيده سألت هاي هي لا علي ولا شي خوش سالفه وراحت
-بس غسل وراح متت قهر غسلت ورحت اخذت موبايلي
ودكيت على عمتي امنه يدك وما تجاوب صدك خفت وين يلا ردت.. الووو
امنه: هلا يمه هلا فطيم
-هلا عمه شلونج
امنه: بخير يمه انتي شلونج
فاطمه: عيني عمه بخير عمه ريام شلونها البنات ذكرن
ما جاي تروح للمدرسه خما بيه شي ظل بالي يمها
امنه: بله والله يمه سوده علي اصخونه دكتها دكه
لا تردين حالها اليوم الصبح وديناها المستشفى هسه
ان شاء الله احسن يمكن ماخذه برد تريدين تحجين وياها
-اي والله عمه اذا ماكو زحمه
-لا يمه هسه يمه ريام رياام
...
-تعالي يمه فاطمه بنت عمتح تريدج
ريام: الووو
فاطمه: هلا عمري شلونج
-الحمدلله انتي شلونج
-بخير نسأل عليج سلامات بقى بالنه يمج
ريام: بالكم؟ لا اني زينه بس اخذت برد
فاطمه: حسيت من نبرتها افتهمتني وارتبكت وحدج ريام
ريام: احمم اي اسمعج
-ريام جهاد من ما شايفج ترحين للمدرسه ظال باله عليج
فـ كالي حتى اسال عليج تعرفين هو شكد يعز خالي خالد
ويعزج وحب يسأل عليج انتي هم اختنا ان شاء الله و..
ريام:: فاطمه لا يروح بالج بعيد اعرف جهاد ليش يسأل
وليش يهتم ادري لخاطر ابوي وطمني ما بيه شي وان شاء الله باجر اداوم تسلمين عمري على سؤالج لا يبقى بالج
فاطمه:: الله يسلمج حياتي في امان الله
-سديته منها بله صدك جذب شو اني مدري شلوني ليش
حجيت وياها هيج تندمت لو ما مدخله وبس سأله عليها
لليل جهاد ما بين بقيت انتظره البنات قرن ونامن واني
باقيه انتظر جهاد اريد احجي ويا لل12يلا شفته دخل للبيت
-هلا جهاد وين ظليت ما جيت تعشيت
جهاد:: ليش كاعده لهسه امشي نامي
-تعال اصبلك اكل جوعان
جهاد:: لا اكلت يم فرات روحي نامي
-ما اريد انام اريد احجي وياك شبيك تطرد
-تعالي للغرفه الجو بي بروده
فاطمه:: دخل ومشيت وراه كعدنه بالكاع وهو لابس نص
ردن الجو بي بروده بس اخونه گلبه حار ردت الطف الجو كتله
-شبي اخوي الظاهر ضاربك الهوى رفع حاجبه ما عجبه كلامي
جهاد: يا هوى؟
-شبيك جهاد اتشاقه ردت اغيرلك جو لا تعصب وصدك
خابرت عمتي وسألتها على ريام وهم حاجيتها ما بيها شي
بس مصخنه انتظرتك حتى اطمنك لان تعرف اني ما اكدر اطلع فخابرتها و..
جهاد:: اي هاي هي بيها الخير سدي الموضوع
فاطمه: جهاد شبيك صاير ما تتحاجى اني مو قصدي شي
والله بس تعرف اخاف عليك سالفة بنت خالي خالد موضوعها حساس بالنسبه لهلها واهلنه ولان شفتك تسأل
عليها تفاجئت لا تزعل مني والله مو قصدي شي تره انت تعرفني
جهاد: ما صار شي يابه هاي هي اني شريد منها يابه كل الي اريده الله يوفقه تبقى بنت عزيز گلبي وبنت يتيمه وانتي هم
ما بيها شي اذا تصادقينها اسألي عليها دزن عليها يمجن
فاطمه:: والله جهاد اتمنى تجي بس ذاك اليوم من جن البنات ما راضيه تجي لان امي ما تريدها وما سلمت عليها
جهاد:: امج مدري شلون تفكر
-اي شنسوي اهم شي انت لا تنقهر البنيه ما مهتمه
جهاد: خوش يلا يابه خلي انام ورانه كعده من الصباحيات
فاطمه:: اي عيوني يلا تصبح على خير
-انتي من اهله يابه
-طلعت من يمه ورجعت لفراشي افكر بريام وجهاد ما مرتاحله احس اكو شي وضامينه علينه الله يستر منهم
مهى:: وره العركه الي صارت من وره بيت عمي خالد
وابوي يكوم ويكعد يغلط على فرات وجهاد وحتى فرات
ما جيه للبيت جي عمر اخذ عشاهم وراح لبيت فرات
كملت شغل وردت اروح انام وسمعت صوت ابوي يحجي
لامي وكفت اتصنت اريد اعرف شكو بالاول ما افتهمت
بس من كام يشرحلها افتهمت وانصدمن من كاللها
جاسم: حمدان يريد يرد للقريه يكول اكو اخبار تسرك
بس مقابل هذا الشي نتقاسم بالنص وبس بقى احمد
اخخ احمد معمل الثلج بأسمه ما مقتنع مشتري من
خالد لان ادري خالد شكد يريد ابتسام وما يثق بينه سجله باسم احمد بحجة اشتراه تعلميني بصداقتهم
نسرين:: الله لا يوفقهم حرمونه هاي السنين انوب
جاينه الصيف هسه تشوف المعمل شلون يكت افلوس
جاسم:: هو ابوي شلون يسجل كل شي لخالد شلوون
ما جاي اعرف وين راحن ما تكوليلي وين راحن الكيعان كلها مو باسمه بايعهن بس المن وين وده الفلوس وهذا الجلب حمدان هم اخاف اثق بي ويغدرني
نسرين:: لا بس اني اكول رجع حمدان هينه حتى تكدر
تسيطر عليه وما يسوي شي من وراك وبنت خالد هم
لو تزوجها لفرات حتى هم ما يرحن حلالها لغريب
جاسم: لا هذا ابن حمدان كاتل نفسه عليها يريدها
-يااا ويروحن لحمدان وابنه وانت تظل هيج
-لا اذا ما اخذ حگي ما ياخذها عوفج اذا صارت يم
فرات ما نكدرلها هذا خالد غاسل دماغه منه جاهل
نسرين: يلا عجل انطيها اهم شي مالنه يرجع وتنسد سالفة
خالد شيطان لاعب لعبته تكول يدري راح ينكتل
-عجل شعبالج بايع الكيعان من زمان الله يدري شمسوي بيهن بس ابن حمدان كايل يرجعن
نسرين:: اي ننتظر ونشوف
مهى:: ما مصدكه ابوي وامي شجاي يحجون احس
دماغي وكف شنو املاك شنو بيع معقوله ابوي يدري
منو كتل عمي خالد وساكت گلبي وجعني يعني يدري
باخو وما مهتم غير يرجع فلوسه واملاكه رجعت لغرفتنا
مصطوره ما جاي استوعب والخوف بداخلي لا ابوي الا ايد
بگتل عمي خالد وحارث بس لا معقوله ماكو اخ يگتل اخو
كوه كدرت انام راسي راح ينفجر من كثرة التفكير والخوف
-كعدتني الصبح امي حتى اسوي ريوك كمت لكيت جديتي
كاعده گبال الجمريه تفرد بالعجين وتخبز خبز صاج وكفت
اسوي ريوك بين ما طكيت البيض وحطيت الخاثر موعت دهن الحر طبت جديتي وراها رحاب شايله الخبز كعدنه
نتريك كلنه ادحك بالوجوه فرات كوه عليه كاعد والزادها
ابوي من حجى..
جاسم:: يمه خابرني حمدان حالته تعبانه حيل وبناته
متجهولات وانتي تدرين عنده احديثات يريد يرد للقريه
فرات:: شنوو ههههه يابه تضحك علينه انت
جاسم:: لا تدخل انت اني احجي ويا جديتك احترررم لو علمك جهاد على قلة الاحتررررام ما بقى ادددب
فرات:: لا حووول ولا قوة الابالله
عمر:: على كيفك فرات على كيفك خلي نفتهم يابه شسالفه
عجل يا هو الگال ما اندل حمدان وهيج بسهوله تنسون سوايته ابنت اخوكم تره ما جرررم عمي خالد وهيج تتصرفون ويا بنته هاي عرضكمم مو عدكم بنات خافوو الله
جاسم:: اهوووو شخصبتونا هسه يابه الزلمه باقي وهو
واهله بالشارع ادري غلط يجي يعتذر من امي انتو شكو
حاطين نفسكم ادري غلط قابل اخلي بناته يم العالم
شيكولون علينه يمه اني ما اتصرف بدون رضاج بس اني
شفت انسب شي يجي ونخلي يكعد بيت خالد مو ما يقبلون
احد ياخذه هذا هو عمكم ياخذه شتكولين يمه واني كتله
ينطيج زياده ترضاوه مزعلج ما تسوه يمه يظل بين الغرب
الجده: اي خلي يردد بس ما اشوفن وجه مرته ما احبها ولا اريدها بس اني لخاطر هلعجيات رضيت
-بس رضت گب فرات دفر الصينيه وكام واخوتي
لحكو وابوي ظل يحجي عليه ولازم يشرك جهاد بالغلط
كمنا لمينه الاكل ورحاب وكفت تطبخ حتى دوام ما خلونه نداوم هسه رحاب فترة وتروح بيت عمي محمد ابقى اني
رحاب: اكلج شتوقعين عمي محمد راح يرضى يرجع حمدان وجهاد والله الا يحرك الجو وخطيه ريام
مهى:: والله غير ابوي تره سالفته مو هينه الله يسترنا
الا تصير مذابح وانوب جهاد ولا ينكدرله وبس لا صدك
ولج غير البارحه سمعت ابوي يريد ينطي ريام لابن حمدان
-شنوووو......
-شنوووو......
