رواية الضابط والجميلة الفصل الثامن بقلم زيزفون
_
حور: واللة الة اكل لابوي اني اعلمك -وتبجي وتفرك بالعضة-
ضاههر وكعد بمكانة: حتة مره ثانية توبين ومتحطيلي ملح ومدري شنو الحار بالمرك لا وفوكاهه ترادد
الجده:عزه بعينج حويريه مال الوجع شعدج وي الولد
حور وهيه تبجي :بيبي شفتي شسوه بس يغثني
ام احمد: موعيب ولج اني اعلمج بس يجي ابوج
حور وكفت باب المطبخ تريد تطب وكالت وهيه تباوعلة
الة اخذ ابرره تكززز لان جلب مجلوب عضني
هيه بس كالت هيج و ضاههر وراهه احنة متنة ضحك عله حجايتهه نسمع ركضهم بالبيت وصايحهم واحنة نضحك
شوية و شفت موبايلي
موچ يتصـل رفعتة وحچيـت بههمس بـس اچـاني صوتة يرررعـد اللهم طولج ياروح خير شصـاير
بالعبـاس ههذا مكانة موهنا ونبي بالشماعية
فصلتـة وكمـت مـن مكـاني، شفت ضاهر و حـور يتناكرون لابـده وره التخم وهو صـاعد عليـه ضحكت علة منضـرهم
وصعـدت لغرفة حور والموبـايل يـدك يمة اچاك المـوت يتـارك الصلاه
سديـت البـاب وطبيـت حطيـت ايدي علة كلبي وغمضـت عيوني بخوف وكلبي يدك بـسرعة رفضتة اريد اكتب رسالة هم دك
يربي شنو السالفة صدك چـذب
رفضتـة وداكتب بـس شنـو اصابعي ترجف قسمبالله بس اتوقعوا مـن ابوية مـاخايفة هيچ
قحطـان شبي..هم دك يررربي صدددك جذب رفضته وكملت اكت
قحطان حباب كافي ماكدر احاجيك
دك مـره ثانية اني بلعمـت شلته وغمضـت عيوني اچاني صـوتة وهو يصيح تدرون اذني نطرمت 🙂💔😂
قحطـان بغضب: اشچممم مررره اني اننننبهههج واكلج مريممممم لبسجج مرريمم لاتطلعيننن وحدجج مريممم ههيج لج انتي شنووو ماتفههمين هههااا ليـشش طالعة وححدج وهههذا الصخخام الي لاابستة لج لاااتلبسيي بعععد ورجلج طالعة لاااا ومثل الفاهههيه تممشي وتوووكع بنص الشااارررع احجحي شبيج نخرررستي هههاااا شبييج احححچي شوووفي قسمـبالله يـامريم ههل مـره ررراح اعديهه مـره الثااااانيه انننفذذذ. الووعد اللي كتلجياا تذكككرينةة ههههااا احججي
اني منخلسة مـن صوتة وساكتة وابلعم سالني مـارديت رد جاوبني وصوتة يرعـد
قحطان: احجي تـذككرينة لووو لاااا هههاااا تذكككرين مـن كتلجج اسحلچ و اشككةة عليج ههههااااا احچي؟
اا اي بس مم مو بب بس اسمعني
قحطـان: هاااتخـااااافين تحجججينن مووو ماااخفتي من طلعتي بعززز الضههريه وحدجج اررريد اعرف انتي ماعدچ رررداد يردعج لچ اسمعي قسممً بكتاب اللـه مـره ثانيه ااذا شفتج بالشارع لو مو كامـرات عمامج اسححلج واشووف منيـة
عزه هذا شبي ضليت مصنمه بمكاني صاح بية رجف جسمي كلة الة شوية والموبايل يوكع من ايدي
قحطان: تسمعينييي لووشنوووو
مريم وهيه تبلعم: اي اي
قحطان: خوش خليههن بالج هسوالف
طبگ المـوبايل بوجهي فزيت ههذا شبي يربي 😂
ضحكـت علية وعلة روحي نمت ع الجرباية وافكر والابتـسامة بحلكي
ليـش هيچ يحسابني معقولة يغـار علية لو شنو معنـاهه واللـة مدافهمـة بَس احسة غريب كلشي غريب بي وغـامض
اوو مريم شنو شبيج بس تفكرين هههه وكعت بالحب لوشنو هاي شبية صدك چذب هاي اني شفكر خل انـزل احسلي
نزلت لكيت احمـد واسيـل واكفين باب الغرفة يردون يطلعون ابتسمتلـهم ورحَت شفت ححور كاعده بالحديقة ولازمهه ايدهه وتبجي وتفرفح من كل وكللبهه ضحكت علة شكلهه ضاههر الضاهر طالع
كعدنة شوية سوه وسوالف وضحگ كمـت قريـَت اني وحور مشة الوقـت بسرعة صـار الاذان صلينة وكملنة وتعشينـه بعدهي
نزلت ونزلت بيـدي الكتاب وياي سوالف وضحگ ولمة اچو اولاد عمو حسن ضاهر والچبير
طبعا الكبار منعزلين ميجون دوم وشي نفس علي الوحيدين الي منخلطين وشي
احمد وضاهر و عمـار وهسة عمار مدري شبي حتة موبايل ماعده يكول مكسور من اخدنة اخذ موبايل عمو حتة نخابره وكوه علية
بس واللة الة اعرف شبيهم هو وموچ اكو سالفة بينهم متـاكده
صـارت ال11 خـابرت بـابـا يدك يدك وميشيلة شنو سالفة بابا مو من عوايده خفت علية واحس بطني صارت مغص واللة خايفة علية
ب12الة ربع خـابرني طمني علية وكال جانت عنـدي مهمه
اسيل واحمد طبو ينـامون وعمار طب ينـام متعجبة شلون مستجن بدون موبايل ، عمو و بيبي وجدو نامو الولد طلعو من زمان بيت عمو حسَن ماما هم نـامت يم عمتي اني صعـدت يم حور ضايجة
حضرت كلشي ملابسي وچنطتي حور كـاعده ع الموبـايل نمـت ع الچرباية يمـهه كعدنـة نحچي سوه شوية وحور كالت نعسـت نـامت وني ضليـت وحَدي مجايني نوم
كعدت اصفح شوية ع الانستـكرام طبيت ع صفحتة واخذت صفنه
هسة شيصير لو اطي متـابعة هو عده هواية متابعين اصلا ميدري هاي اني انطيتـة متـابعة شفتة حاط ستـوري رسمة الة تجنن وكاتب الرسمة تخبل كلج ذوق
شوية واچتني رسـالة مستحيل احد يصور هل شعور كلبي فـز مـن مكانة
كعدت واني ابلعم وافرك عيوني هالشي صح لو اني انحـولت
فتحـت الرسالة مكتـوب بيـهه ....
قحطـان : بعد كل الي صـار احس بالي وعقلي وكلبي يمهه ، شايف وعايف خلال 36 سنـة كلشي شفت انواع البنـات بس مثل هاي ابد ماشايف موشكل لا شفت الاحلـة منهه بـس حسيت كلبي صـار ويـاهه اسـههر وافكـر بيـهه امـوت مَن اشوفهه تـلبس شي ضيك وتفاصيلـهه تبيـن اخ اني بمرتي مـاسويت هيج بهـاي هيج اتحكم بيـهه اكثر مـن مره ماتحكم باعصابي واخـابرهه واصيح عليـهه وهيه ولاچنـهه اوصلهن للمدرية الشعـر نصة طالع ولعلج بحلكهه خزرتهه يلا عدلـت نفسهه ، تطلع وحدهي لبيتهم ولابسة هذا المادري شنو الي راح يموتني فوك ملابسهه عود يغطي بالاسم نبـهتهه وكتلـهه مره ثانية ينشكن عليج حسيتهه بـدت تچـر عـدل بالاضافة لشغلي وللعمليات الي تشيب الي مخدرات والي خطف اچتني مريم تچي تذب النـار ع البانزين بتصرفـاتهه واني افرغ حرگتي بيـهه مرات ترادد ومـرات تسكت بس نهايتهه تخاف مني وتخنس شما عاندت وهالشي حبيته بيـهه، بخطبـه مصطفى اچتي وهيه طـالعة ملاگ ملابسـهه طويلة ومستـوره بـس ماعرف لَيش غرت كلولي يوم الالك وبـاوعتلهه واضحگ مـن كل وعقلي، نزلت الچامة وهيه تعدل روحهه ومـاتدري اول ما شفتهه اخترعت كلش حبيـت خچلـهه وتربيتـهه وشلـون تنزل راسهه وتحچي اباوعلـهه مـن لچامة ودي اكرطهـا ع الجمال الي بيـهه چنت مراقبـهه تشوف الستـوري راسـا خاصتـا بـليل زيـن هيه منيـن تعرف صفحتي هل شي فرحني هوايـة وكلساع لازم روحي ما اراسلهه
مثـل كل مـره كـاعد وادخن وبـالي يمـهه صرت احط الستوري في سبيـل هية تشـوف دزولي رسمـه نعجبت بيهه ووچهتهه ستوري ع الانستـا شوية وطبيـت علة حسـابهه كل عاده شفت
رد المتـابعة الضـاههر مطيتني متـابعة ضليـت اكلب بحـسابـهه ضـايفة 45 شخص كلـة بنـات وحسـاب مشهوريـن
رحـت للمنشـورات نـاشره ثنيـن بس موالـهه
شفتـه شاههدت الستـوري مـالتي چنت ادخـن وعيوني فرحـانه ماعرف شلون ادية طاوعني وكتبتلـهه
شعدچ كاعده لسة؟
ضليـت متـردد هـا اني شچاي اسوي بعد كل هل عمر هيج اسوب واخون ابوهه لا خل امسحهه احسـن
اريد امسحهه اجاني اشعـار انو شـافتهه
تنهـدت بفرح وكلـت خل اشوفـهه ونشـاللة خيـر خل اجربـهه شراح اتسوي من ذني البناويت الي بالي لو لا
شفتـهه ماردت ابـد ضليـت ل2 كاعد و هيه مـاردت ابـد اني هم خليـت ونمـت كلت خليهـا براحتهـا
مريم: كلبي يدك بسرعة وخايفة ومتوتره ارد لو لا
لا لا مريم هسة يكول عنچ خفيفه وشعدي متراسلة وي ولـد بنص اليل هسة ياخذ نضره محلوه عني
غلققـت الموبـايل ونمـت كلساع وافتحة واترردد اكتب شي اخر شي نعلتت الشيطـان ونمـت
كعدت علة حركة حور بالغرفة الدنيـا بارررده ححَيـل مـابية حيل اكوم ابـدل صبحَـت علة حور وكمـت اخذت ملابسي وطبيـت للحمام كلت لازم اسبح ماطول اكو وقـت
شغلت المي واچاني مي حـار يخبل اشو شوية والمي صـار ثلج اني جوه دوش ومـتت برد سديتـة بسرعة واني ارچف برد بسرعة نشفت روحي و بـدلت وطلعـت
حور: شبيج ترجفين
مريم وهي ترجف وتطكطك بسنونهه: لج. س سبحت والمي ث ثلج
حور: عابت اكو واحد يسبح من الصبح شعدج معرسة
مريم : ت تف ععابت
مشطت شعري ولبسـت شالي و لبسـت كوت طويـل ابيـض لان كلش بـارده الدنيـا والمي البـارد منا كمت اركص مثل الهنود جوه المي
نزلت حـذائي بيدي ولبسـت جنطتي وحطيـت ملابسي بعلاگة و موبايلي بيـدي خطية امي ليش تصعـد تاخذهن ونزلنة اني وحور صبحـت عليهم كلهم كاعدين طلعت حذائي حطيتهه بالطارمة وطيت لماما الغراض ورحـت كعدت يمهم واني ارچف مـن البرد
ام مريم: شبيج ترجفين يمة
مريم: سبحت بمي باررد وهسة كمت ارجف ميتة برد
حسام: دفي نفسج زيـن بابا
ابتسمتلة واني ميته برد همستلي حور
حور: تدرين طالعة جنج دب قطبي من الملابس لا وجمالة وجهج صار احمر ههههه حسبالي حاطة فانديشن 😂
مريم: ويني وين الفانديشن هو ني صايره فانديشن 😅
طبعـا هل ايام لازم نروح مشي لان عمو يحتاج السياره جان كبل احمد ياخذه ويجيبه هسة مايكدر لان احمد يتعطل يلا
كملنـة ريوك واني ارچف مـن البرد انوب كمت اسعل 🤧
هاي طبيعة جسمي بسرعة اتمرض وبسرعة اطيب
طلعنـة شفت بابا مبين ستوه چـاي من دوام سيارته صافهه يم بيتنه يچوز و واكف يم قحطـان ،
چان لابس بنطرون اسـود وقميص ابيـض وفوكا مثل البلوزه حمـره والحـذاء حمره ونضراتة والموبايل بيده شكلة صدك هيبـة دنكت بسرعة امم شكلة مو للدوام رايـح
وكفنة اني وحور، شوية وشافنه راح عمـار سلم عليهم وابوية اچة اني رحتلـه
حضنته وبوستـة واني اسعل وارچف بـرد
ابو مريم: شبيج بابا
مريم: لا بابا مابية شي بس بردانه شوي
ابو مريم: عمار اخذو سيـارتي لاترحون هيچ هاك المفتـاح دوامي بالثنتيـن اني
عمار : ماشي عمي
باوعتلة يباوعلي ويمسح بسيـارتة ابتسملي اني راسـا دنكت واللة اخجل مـن نضراتة الي
شوية وشفت موچ طلعت وماتقل عني بالملابس لابسة الكنتور كلة صايره دب قطبي ههههه
عمـار راح يچيب السيـاره ويجي
وابوية تقرب من قحطان ويحجي ويـا الي عرفتة ابوية ملقي القبض علة هذا
اجتي موچ سلمت ع بابا وصبحت علينة واحنة واكفيـن وميتين بـَرد
اچة عمـار باوع لموچ وابتسـم
عمار: يلا اصعـدن
صعـدت حـور بالصـدَر واني مـن چهه عمـار چان كبالي من الجامة قحطـان وموچ صعدت وسدت الباب
كمنة نفرك ادينة مـن البرد
ابـوية طب للبيـت عمـار ناسي مدري شنو بالبيـت نزل يجيبـة اباوع لقحطـان يباوعلنة
اتقدم لناحيتنة واني فوك ما ارجف كمت ارچف زياده دگ الجامة الي يمهه اني واشر بمعنه نزليهه
نزلتـهه وحچة وي موچ وهو ماد راسة مـن جامة احس تخربطت
وهو يمي كمـت اسعل باوعلي بخوف وعيوني كوه فاتحتهن همس
قحطان: شبيج
هزيت راسي بمابية شي ووجهي احمر صار
راح لسيـارتة وركب حسـبالي ديحرك اشو هـذا جاب كلينس وانطاني
قحطان: هاج تحتاجيهم
دنكت راسي واخـذتهن منـة ركب سيارتة وحرگ وراح
البنـات باوعلي وضحگن
موچ: شسالفتكم انتي وقحطان اللة عليح لا ونوب كلينس
حور: اكص ايدي اذا ماطلع اخوچ معجب ببت عمو
موچ: هههههه يعني موووبس اني ملاحضة
مريم: عابت هاج كلينس اخوج يعني شبينة متستحن تره بكبر ابوية
موچ: خاب دطيري واللة اذا سمعج تره قحطان الف وحده تتمنـا علة فكره بس اثاري بالة يم وحده
وغمزتلي
عززه بعينج موچ شهل حجي انجبي
موچ: اي واللة ياخي احسة يحبج وبعدين تره شعبالكم ماعرف يخابرچ من موبايلي
شههكت وضحكتت بنفس الوقـت باوعتلي حور دارت وجهه وعوزهه ماتجي تكعد بحضني وتسمع السالفة 😂😂
حور: بالعباس عرفت ولج مريمة تضمين علية اني اعلمج اليوم فحض كامل علة موبايلج بسيطة اثاري بت عمي واكعة بالعشك
موچ: اي ولج ثنينهم ومحَـد مسمي عليههم
مريم: واللة راح انزل شبيجن اليوم واللة الولد مابينة شي شهل اتهامات
موچ: اي اي ع اساس ذاك اليوم من عزمناكم ما حسيت بيكم من يرزل بيج علة لبسج تره يمچ استخبارات چهنم
شههكت وباوعتتلهه بغيـض
مريم: هااا مو احچي
موچ: احجي متحچين
مريم بغمزه: اهووو غير تكعد الي توبت النسونچي لاتخلينه نحچي ام عمـار احم احم
موچ تغيرت ملامحهه وباوعتلهه بصدمة
موچ: ممم اا انججبي مابينة شي عيني بس انتي يابه مشاللة مطيره عقل اخوية
حور: هههلا افضحني وافضحك جلسة برلمـان عدنة بلا انتن الثنين تعشكن بدون ماعرف لاا وهاي مويچة ولچ عاشكة اخوي واني اكول اخوي شبي متغير وصاير يصوم ويصلي ويشتغل وموباييل ماعده ويكعد يقره
موچ: ماكو هيج حجي بنـات
مريم: اوهوو شودكلي عسل. عبالهه مادري بالنضـرات اذا انتي استخبـارات جهنم تره اني مكافحة اجرام جهنم 😂😂
ضحكنـة سوه شفنة عمـار اچة سكتنة بسـرعة
صعَد وعدل المراية چانت موچهه لموچ عدلهه عـدل وسـاق
حور: اكص ايـدي اذا ما البطلة مزعلة البطل اني ويـاچ مريم اكو شي ولازم نتابع بقية الحلقات حتة نعرف
مريم: تدللين كلبي اعرفلجيـا لوشيصيـر
موچ: بـَس حور ذولا مو ابطال شبيچ الابطال ذولا الثنين الي هو يرزل بيـهه وهيه فاهيه متعرف انو يحبها لازم نعرف بالتفصيـل
حور: اي واللة هم صدك همه الابطال اربعة الة هاي الحلوه الي تخبـل وحدهه چنـهه طلي زايـد
ضحكنـة عليـهه اني وموچ وكتلـهه
لا تخـافين الطلية يمـهه چلـب مچلوب الة يخبل
حچيتهه ودارت وچهه وخزرتني ضحكت عليـهه والتفت لموچ تريد تعرف غمـزلتهه علة بعـدين
عمار: هذا الفلم مدري المسلسل مبين كلش يضحگ
مريم : فوك متصـور
عمار : شنو اسمة
مريم: ها نسيته مادري بنـات تذكرنة
هزن راسـهن بـارتبـاك بـلا
وصلنـة للمدرسـة ونزلنـة كليتنة وعمـار راح لمـدرستـة هو اكو گراچ يصف السياره ويـاهن
طبينـة للمدرسة ومن البرد حتة شالي منزعتة بردانة حيل وارچف
خَلص الدرسيـن الاولى طلعنه فرصة شوية ووراهـا چان اكو اجتماع مدرسـات فاحنـة طلعنه اني وموچ وحـور
اشترينـة چباسة و نسـاتل بس شنـو اني لسـة وچهي احمر واسعـل احس نفسي حتة صخنـت
كعدنة بالحـديقة گـالت حور
حور: اوف مـن بـاچر راح تبچي امتحاناتنة الشهرية اهو واللة مالي خلگ
موچ: بنـات لازم نشـد حيلنة وعنـدي الچن حل شرايجن بي
مريم وحور: شنو
موچ : باعن كل يوم احنة مو حنجرهه الامتحانات كـل يوم هسة عدنة ثلاثـاء واربعـاء وخميس ونوب الاسبوع الي ورا هم كلة امتحـانات ف احنة شنسـوي نقسم الامتحـانات كل يوم كل وحَده تروح لبيتـهه الهه سـاعة ترتب امورهه اذا عنـدهه تنضيف سبح صلاه غـده تكمـل تبـدن بالدروس اليومية خللنـهه ساعتيـن تصيـر بالـ4 كليتنة نجتمـع بيت وحده نقره لامتحـانه خوش يعني كل امتحـان عَد وحده نكل لاهلنه ونبقة لمَن نخلص الامتحان حتة يصير واههس سوه النة ونـرچع بـال10 يعني 6 سـاعات نقره ونوب نرچع للبيـت نراچع لـ12 ونلزم موبـايلنة شوية ونوب نـام شرايچن
مريم: اي واللـة خوش نضـام نسوي كليتنة
حور: اهو كل هل وقت قراية
مريم: نجبي حور واللة اكل لعمو عليج ادرسي عدل غصب عليچ تچين ويانه
موچ: حور هيه سنة خل نتعب وبعدين نلعب
حور: اللة وحتيت وصاكين مصكصكين اشوفهم بالكلية 🤓😂
هسة باللة انشاللة نسويـهه من اليوم هم صدوك حجيجن بس تعالن كللي وسولفلي شنو سالفتچن يلا يلا احچن بدون حچي زايـد
مريم: شو نجبي ماكو شي سدي الموضوع
موچ: علينة ست مريم احط ايدي ع القران اكو شي. 😂
مريم: هاا لاتخلينب احجي وانتي شبينج وبين عمار
حور: اي بلا سَـت موچ شنوه الي بينچ وبين عمار
موچ: بنـات صدك تحچن مـابينة شي لاتلحن
مريم: احجي بربچ احچي يلا لو ماكو شي شبيهن عيوونج مـدمعـات ها احچي
موچ : يچوز اني محتـاجة احجي بـس بداعتي بنـات السالفة متطلع ابد
حور: اهو هسة غير تحجي شصـاير
دنكت راسـهه والدموع بعيـونهه وسولفتلهن كلشي صـار بينهم
حور: عزه عزه كل هذا صـاير ويـاكم
مريم: اممم بس عمـار يحبچ تره مهمـا چان احچي وي حور بربج حور تذكرين شجان يكللنه ، چان يكللنه كلهن مجرد نزوه وهنه يذبن ارواحتهن علية مستحَيل هو يروح ويزحفلهن
موچ بدموع: وذيج الي باب المدرسة
حور: ها الكح.. خاب دطيري لج هاي لازكتلة صدكتي بحجيهه اصلا هيه تفتر ورا واللة وبعدين عمار اول مره هيج يسوي واللة مچان هيج ياعوبة متخلي عن الموبايل وديشتغل بعد شتردين
مريم : موچ بكل صراحة كليلي تحبينة؟
موچ: بنات كومن خلي نروح للصف واللة بـارده
مريم: شبيچ جاي احجي وياج تحبينه بكل صراحة كليلي
موچ : مادري مريم مادري
حور : خاب وصمخ شماتدرين احچي تحبينه؟
موچ : هو شلون صاير الحب ههه اني ماعرف غير انو افكر بي احس صورتة متروح عن بالي غرت ومتت من حاجه هاي ومن انتن حجيتن علية تعبت وكمت بس ابجي وحجيت حجي ويـا كلش مجرح وماعرف شلون اصحح غلطي
مريم : تره مبين تحبي هههه شوفي كلبي واللة العضيم واللة العضيم يعمـار مو مثل الي بالج ميضحك علة بنـات النـاس واللة صح هو يصـاحب اني اعترفلج بس الي ذابات روحهن علية وكل شاب هيج وههذا طايش ودائما يكول بس اصير احب انسة كلشي ولوما يحبج مجان سوه هيج ياغبية لاتخسري وحاولي تحجين ويـا
موچ: شلـون احچي ويـا مريم يعني اكلة تعـال خلنتراسل ههه انتي شتحچين مريم احنة وين عايشين غير اذا شافني قحطان يموتني
مريم: اهو لاتخليني احچي قحطان عايز هسة هه انچبي والي اكلچ علية سوي ابتسمي بوچهه لاتجعنصين وبيني انو انتي راضيـة شوي تمـام والباقي خلي علينه اني وحور اني احچي ويـا
موچ: عززه مريم شتكليله عوفي اللة يخليج خلي بالنه يم السادس وبـس مالنه خلگ
حور: ماعليج موچ واللة اني اعرف شسوي بس اسكتي واهدي هسة عرفنة انتي بلة قحطان شبي وي مريم
موچ : هههه اساليهه هيه كليلهه شعدهه وي قحطـان
مريم: ماعدي شي
موچ: نفس ماحجيت احجي
مريم: امم شحچي تره اني ماعرف شي واللـة
موچ: لابربچ احچي بداعتي يلا لاسوين هيج وتضميـن علينه
مريم: بنـات ماعرف بَس مادري احس تصرفـاته غريبـة ويـاية ساعه يضحك بوجهي ساعه يخنزرني ساعه نضرات خوف سـاعة نضرات جريئة مـاعرف
موچ : اهو لاتطينة مقـدمات احچي الي صـار بالتفصيل يلا يعني كُل موقف احچي بسرعة
مريم: امم تمام
حچيتلهن كلشي صار وياية جنت محتاجة هالشي هواية ماعرف الصـح متن الغلط
موچ: ونبي يحبچ يامريم واللة
حور: عمي حضوض جا اني شبية سوده بايره
مريم: ههه شتحجين موچ تره تعرفين قحطان مزوچ ومستحيل اخرب زواجهم يچوز ترچعلة يچوز كلشي مستحيل يصير هالشي
موچ: لج يكرهه ونبي صدك تحجين ماكو من جانت يمنه مشاكل وعررك دوم لاسوين هيج ماطولة يحبچ
مريم: وشمدريج يحبني
موچ: كل هذا شنو معنـا؟
مريم اسكتي يحبج لاصيرين غبية ومرتة امحيها من حياتج لان مستحيللل هالشي
مريم: ههه موج تره بكبر ابوية صدك تحجين
حور: خاب دروحي هو الموديل للثلاثيني عاقل وشايف وعايف تردين ملطلط قابل
موچ: العمر عمره مـاسوه اختلاف مريم صح عمركم بي فرق 18 سنـة بس اكو هواية اكثر منكم ومنسجمين فخلي هل فكره تروح من بالج واذا صدك يحبج لاتخسري مو لان اخوية واللة احجي ك صديقتج
ابتسمتلهه وتنفست وصرت افكر بي معقولـة يعني لو داوهم روحي ويوهمني ويـاهن واللة حيَره
موچ: كلشي فهمته الة الجلب المجلوب
مريم: هههههههههه وج ههذا ضاهر ابن عمي حسن شاد وي حور وعضهه عضه من ايدهه وتكلة جلب المجلوب
حور: لاذكريني بي عابت شون عضني ولجن سنونة ضلت بايدي طبعهه واللة
موچ: ههههههههه اكيد شوشسويتيلة
بنـاتَ اليـوم يمي خوش
مريم: خو يمي
حور: انجبن تعـالن يمي خو
مريم: حصير عركة شنو رايچن نفر بطل المي والي يوكف يمة هيه اليوم
حور: خوش فكره
موچ: اوكي يلا
فرينة البطل طلع لحَـور
حور: يلا نچبن واليـوم تچن يمي
ضحكنه وسولفنة سوه كمنـة لان خلص الوقـت طبينه لصفوفنـا خَلص الدوام وصـارت الطلعة
حضرت غراضي ونزعت الكوت خليته بيـدي وطلعنه اني وموچ مرينه علة حور وطلعنـة سوه لكينـة عمَـار منتضرنة راسـا صعدنة ويـا وصلنة للبيـت واحنة ساكتيـن نزل موچ لبيـتهه ونزلت حور وهو اخذني لبيتنة وصلني صف السيـاره واطاني السويج لان تعبـان وراح
وكفت بالبـاب ادگ بالجرص محَد يفتحلي اف شنو سالفة دكيت الباب مره هم محد طلع
شوية وشفت ولد اجة بالفرع بسياره شافني ونـزل اني حسبالي واحد من ولد عمب بس الولد ماعرفة درت وجهي اچه تقدم تچاهي اني خفـت وارتبكت ضليت دايره وجهي للباب وكلي
الضاهر اهلج موبالبيت
مريم: لاتسلم خوية اكيد هنانه اذا ماهمه بيت عمي موبعيدين
كلي زين محتاجة شي يحلوه
خرب شكد لزكة ههذا درت وجهي وخزرته وكتلة
ياخوية كتلك مامحتاجة شلزكت هنا
اشو ههذا ضحگ وكال فدوه للعصبي
اني بلعمت وضليـت جامده بمكاني
دگ موبـايلة اني ستغليتهه فرصة خل افلت لااحد يشوفنة وشكلهم ماهمه
لبست الجنطة شون مجان لان جانت بالكاع والكوت بيـدي والدنيـا حاره شفت مـن بعيد قحطـان وهو يصف بسيـارتة وينزل
اني بلعمـت سمعـت سياره وراية تمشي علكيف التفت شفته هذا غمزلي وضحك عزه هذا شيريد مني يربي ساعه وشافه قحطان خرب حضي
دنكت ومشيـت يم الحايط وههذا وراي بسيارته وفاتح الجامة الي يمي ويباوعلي ويسمعني حچي
قحطـان راح يفتح باب البيت بس شافني ضل واكف
ماحجي عن الشعور حسيـت نفسي امشي علة سجاجين كوه رجلية ييعنني امشي اباوع لهذا مايشوف قحطان لان صاير قحطان وره سياره وسيـارتة عالية ومن بعيد مامبين وهو يمشي بسيارتة بنص
بس اني امشي بالطرف وقربت اشوفـة
شفت قحطـان تقدم ويمشي بسرعة وهـذا ماشافة راسـا شمر ورقة الي اني شههكت ومشيـت بسرعة
