رواية ذيب الشامخ الفصل الثامن بقلم توتة
مازِلت اتعافَى من أشياَء لَم اُخبر اَحد عَنها.
×♪×××♪×××♪××××♪×××××♪××××ו♪
انفتح الباب وكان ذيب وياه رجال ماعرفه اول مره اشوفه.
سحبت نفس واني احس روحي رجعلي الدم خفت كلش عبالي عمي.
لْـۆ عمي جان مكانه يموتني كتل هو من نوع العصبي وميتفاهم ابددد واذا يشوفني كاعده لوحدي ولدنيا ضهر يفهم كلشي.
بقيت واكفه مكاني اجه ذيب هوه ولرجال الوياه نحوي نزلت راسي بتوتر وخوف
ذيب / هاا حبيبي شبيج وجهج مخطوف
رباب / هاا لا هيج ماكوو شي تأخرت علئ البيت لآزٍمٍ اروح اذا اتأخر امي تسويلي سالفه
ذيب / ايي صح تأخرت عليج بس قبل لاتروحين اريد اعرفج علئ باقر يصير ابن عمي هو بالاساس ابو ابن عمي ابوي بس اني اعتبره ابن عمي
هزيت راسي بأي.
باقر / شلونج خويه
رباب / الحمدلله
باقر / لاتخجلين مِڼـّي اعتبريني اخوچ وأي شي تحتاجينه گوليلي ولاتترددين. ترا ذيب اخوي الي ماجابته امي.
رباب / اتشرف بيك.
ذيب / يلا تعاي اصولج للبيت.
رباب / لا اني ارجع لوحدي اخاف يشوفك شخص وياي وتصير مشكله
ذيب / يااربي شكدد تخافين انتي من بعيد اوصلج لايصيرلج شي بهل ضهريه.
رباب / لاتخاف ميصير شي بيتنه قريب.
ذيب / تمام براحتج تعاي ع اقل خليني اعبرج الشارع لاتروحين بيها مثل هذيج المره.
ابتسمت وهزيت راسي بأي.
لزم ايدي ومشينه سويه باقر ابتسم وراح علئ سيارة ذيب گعد بيها
عبرنه الشارع سويه باس راسي وهمس.
ذيب. /احبج ولله ماريد تأذين نفسج اذا صارلي شي
رباب / ذيب شبيك ليش هيج تحچي.
ذيب / الانسان ميعرف يمته يموت ويعيش واني يوميه اطلع م̷ـــِْن الموت مجنت اخاف علئ نفسي بس من حبيتج صرت اتحذر اكثرر كله لخاطرچ ماريدچ تتأذين بسببي. ماريد اشوف هل وجهه الحلوو ذبلان وتعبان.
رباب / ولله كلامك مو خالي شبيك صاير شي وين تريد تروح وتعوفني ذيب انت تعرف شكدد احبك ومتعلقه بيك فدوه احچيلي لاتضم عليه.
ذيب / بويه ولله ماروح لمكان واصلا هل فترا راح يكون شغلي بغداد وكل مانزل راح امر م̷ـــِْن بابكم لأن طريقي يصير من يمكم.
رباب / ولله كلبي ممرتاح.
ذيب / لاتخافين وهسه يلا روحي لايشكون بيج
حچه هيج ذيب بسرعه باوعت علئ ساعه ايدي شفتها ب 2:00 الظهر.
رباب / عزااا ذيب تأخرت يلا رايحه مع سلامه
ذيب / هههه دير بالج لاتنگلبين علئ وجهج
رحت اركض واني خااايف من امي شراح تسوي بيه امشي وادعي ماتكون بالبيت
ياربي دخيلك هسه شگول ايي اكلها جنت عند بيت جدي مريت اشوف جدو هوه مريض
رحت بسرعه دكيت الباب فتحته امي وهيه عيونها صايره بكصتها م̷ـــِْن العصبيه
اول مافتحت الباب جرتني م̷ـــِْن ايدي للبيت احس ايدي نخلعت.
رباب / ااااي ايدي يمه شبيج
ام رباب / وين جنتي ???
رباب / هاا اسفه مريت علئ بيت جدي مو گلتي جدي مريض مريت اشوفه
ام رباب / لاتجذذذذذذبن ولجججج اني جنت عد بيت جدج وين جنتي.
ابو رباب / شبيكم اصوااااتكم طالعه لخارج البيت
درت وجهي كان ابوي واكف ورانه بلعت بالعافيه ياربي هسه شكول شلوون اشرح موقفي اني شجاني وجذبت...
_______________________________
ذيب.
مر يومين على الي صار وليوم ارجع لبغداد مقرر اعرف رباب على ابن عمي باقر
حته اذا اختفيت او صار شي تاخذ اخباري منه. صرت اخاف عليها مثل ماخاف علئ امي
الشخص الوحيد الي اخاف عليه م̷ـــِْن الهوئ هيه امي وهسه اجت رباب وسكنت گلبي صرت احبها واخاف اخسرها.
وحته انتبهه علئ نفسي لخاطرها ماريدها تتأذه بسببي.
رجعت لبغداد قبل لاطلع اتصلت برباب وگلت الهاا راح اجي لبغداد ليوم واعرفج علئ ابن عمي گالت تعال من اخلص دوامي.
وصلت لبغداد تقريبا. ساعه ب 11 ظهر. بوجهي للمركز الي يُشَتغلً بيه باقر. اتصلت بيها جهازه مغلق
وصلت للمركز سألت عنه گالو لآزٍمٍ واجب هسه بقيت منتضره يكمل واخذه واروح اشوف رباب
تاخر عليه ابو راس. اني من نوع صبري قليل ماحب الانتضار بسرعه اضوج.
بقيت كاعد واهز برجلي علئ الارض للحضه اكوم اكسر راسه هل حيوان.
شويه وطلع واجه يمي
باقر / واكول ليوم بغداد منوره اثاري ذيب داخل عليها.
ذيب / كافي تمسلت وتعال وياي محتاجك بشغله
باقر / شصاير بالدنيا ذيب يطلب مساعده مِڼـّي هاا هاا لآزٍمٍ شغله خطيره تعرفريني ابو المهمات
ذيب / اهوووو صاار يتفيدك هسه امشي وانت تعرف شغله.
باقر / مو تورطني بشي خطير تراني فقير
ذيب / انعل بس *** داكلك امشي شكدد تلح
طلع وهو يضحك شكدد يلح خرب يومه اخذته بسيارتي. بالطريق واني اسوق قصص وروايات عراقية
باقر / ايي ذيب احجي شنوو الموضوع.
ذيب / اريد اعرفك علئ حبيبتي رباب انت تدري شغلي مو مكان واحد واني ماگدر اكون دائما موجود ومرات اطر اغلق جهازي م̷ـــِْن ورا الاتصالات المستمره فأ. الي
اريده م̷ـــِْن عندك تكون أخو الهاا واذا اختفي اني انت طمنها وتنطيها اخباري فتهمت.
باقر / مو تدلل. هاي السهله عبالي شغله خطيره بيها عرك مصايب طلعت حبيبتك هههه
ذيب / مو بعينك شنوو. ??
باقر / لا يابه بعيني انتو ثنينكم اخواني
ذيب / اي زين.
باقر / انت انتقلت هناا لْـۆ بس تخلص شغلك ترجع ?
ذيب / لا انتقلت هناا راح اشتغل ب *** اسبوع.
باقر / يمعود ولله تعب شغلك كل يوم مكان ماتقدم واسطات شي وتثبتلك علئ مكان واحد
ذيب / مرتاح هيج منتظر ترقيه ولله كريم
باقر / والله لْـۆ اني مكانك اخلي أبوي يقدملي واسطه قويه واصير شي مهم.
باوعت علي بعصبيه.
باقر / عمري مانزلت نفسي وطلبت مساعده من شخص لاهسه ولابعدين. فأخلي نصايحك البايخه لنفسك مفهوووم.
باقر / علئ كيفك شبيك ضجت بس اقتراح
ذيب / سد المضوع. راح نوصل.
هز راسه بأي وسكت اني اتخبل م̷ـــِْن شخص يذكرني بأبوي تنعاد عليه كل ذكرياتي بهذيج الأيام شلون عاداني وصااار عدو ألي
خله اليسوه والي ميسوه يحچي علئ أبنه وهو يتشمت بيه وصلت وياي انام بالشوارع وهو مايرفله جفن.
ومن انفقد خالي ماجه ولاسأل عنه ومنع امي م̷ـــِْن الجيه خلاها تجي مره وحده لأولاد اخوها.
بقيت اتأفف واستغفر ربي
باقر / اسفه اعرف ذكرتك موقصدي ولله
ذيب / مصار شي.
وصلنه للمدرسه شفت رباب گاعده بالحديقه ابتسمت لأاراديآ. احس كل الحزن يروح مِڼـّي م̷ـــِْن اشوف نضرات عيونها.
نزلنه ثنينه ورحنه عليها عرفتها علئ باقر وسلمو علئ بعض حسيتها كلش خايفه مدري خجلانه م̷ـــِْن باقر.
ماحبيت احرجها اكثرر خليتها تروح عبرت وياها الشارع بقينه نسوالف شويه وصيتها انو اذا صارلي شي متأذي نفسها.
وهيه كل عاده خافت كلش ورتعبت عبالك جاي اودعها وراح يصيرلي شي.
هيه م̷ـــِْن نوع تخاف م̷ـــِْن كلشي وخصوصا اذا الموضوع يخصني.
بالكوه قنعتها ماكوو شي من الي بالها وراحت رجعت للسياره وصلت باقر لشغله واني
هم رحت علئ شغلي...
_____________________________
رباب.
درت وجهي جان ابوي واكف ورانه ويريد استفسار عن اصواتنه الطالعه.
ام رباب / أسال بنتك وين جانت بهل ضهريه
رباب /بابا ولله تاخرت بالدوام.
ابو رباب / دوامج خلص من 12 وكل لبناات لوياج رجعن وين جنتي احجيييي.
احس لساني انبلع شحجي هسه شگول ياربي دخيلك ساعدني وطلعني م̷ـــِْن هل ورطه
اجاني ابوي جرني م̷ـــِْن شعري وزمخ بوجهي
ابو رباب / لجججج احجي ويييين جنتي لاتخليني هسسسه اكسررر راسج بنت ال***
بقيت بس ابجي ماعرف شحجي شلوون اطلع نفسي م̷ـــِْن هل ورطه.#ڪــڔٰا̍ڕ
راح ابوي جاب صونده واجه عليه ركضت علئ امي عود اريدها تحميني منه صارت ضدي ودفعتني عنهااا.
لزمني م̷ـــِْن شعري وب صونده. موتني كتل
بقيت بس اصرخ وابجي اريد بس تساعدني امي. ماسوت شي وبس تباوع عليه
فجأه يمكن ربي بعثلي عمتي تنقذني
بوقتها جايه علينه وشافت ابوي يضرب بيه وصراخي واصل لخارج البيت.
سهام / عززااا لعزاني شبيك ابو محمد ياااااا.
اجت تركض لزمت ابوي وخرته مِڼـّي اني بس ابجي وارجف عيوني صرت ماشوف بيهن م̷ـــِْن الدموع.
ابو رباب / خلي تحجيييي ويييين جانت لاقسم بذات لله اذبحها هسسه
سهام / شنووو وييين جانت ماگالت الكم جانت عدنه شنووو
ام رباب / شوكت اجتكم انيي موو صبح عدكم. ?
سهام / اييي هيه موو خلصت دوامها مرت علينه شويه واني عطلتها واذا ممصدگين اسالو عمها.
بقيت صافنه معقوله يسألونه وننفضح اني وعمتي بس ابوي م̷ـــِْن نوع يحترم خوانه ومايسال.
ابو رباب / وهيه ليشش ماتحجي وتگول جانت عدكم
رباب / ءاا. . گلت. گلت األامي.
باوع علئ امي وعيونه حمرررر م̷ـــِْن العصبيه وصاح عليها بصوت عالي
ابو رباب / انتي حسابج عندددي.
عافنه وطلع اجت عمتي دنگت يمي وكومتني م̷ـــِْن الكاع. ومسحت دموعي بيدها
سهام / گومي حبيبتي گومي. تعاي اخذج وياي اهلج بدون رحمه
ام رباب / سهام لاطلعين عينها ختولي بنيه تحب ديـاحه.
بقيت صافنه ليشش امي تكرهني هيج شمسويتلها انييي.
سهام / ام رباب عيب هل حچي تحجينه علئ بنتج رباب مؤدبه ومطالعه لمكان واذا علئ جيتها لبيت جدها تحسبينها دياحه. بعد مانستقبلها بيتنه.
بقت امي ساكته اخذتني عمتي سهام م̷ـــِْن ايدي وشالت جنطه مالتي مال المدرسه وصعدت وياي لغرفتي حته ابدل وروح وياها لبيت جدي.
دخلنه للغرفه وسدت الباب صارت تباوعلي بنضرات استفسار يعني احجي وين جنتي.
رباب / عمه ولله مرايحه لمكان ليوم اجه ذيب لمدرستي وسلمت علي واجيت للبيت هيه امي مدري شبيها تكرهني وتفرق بيني وبين خواتي.
سهام / اااخ ولجج رباب ولله انتي ماتوبين ليووم لْـۆ ماجيتكم بألوقت المناسب جان ابوج صلخ جلدج بالصونده
كوني حذره اذا عرف شخص تحبين او تلتقين بيه بالقران يذبحونج اولهم ابوج وعمج.
هاي اذا مَآعِرَفتّ عمتج الحيه حرير تطش الخبر بالجرايد وانتي هسه مالج شخص يحميج امج واكفه بصف ابوچ
هزيت راسي بأي وسكتت بكد ماجنت فرحانه لأن شفت ذيب بجيت وشبعت كتل
سهام / يلا كافي تبجين روحي بدلي وتعاي وياي ضلي عدنه جم يوم رتاحي م̷ـــِْن شغل وانتبهي دراستج.
رباب / عمه گولي الأبوي اخاف اروح ومايرضه
سهام / معليج بيه اني اكول لعمج يخابره
هزيت راسي بأي. رحت سبحت وبدلت ملابسي وطلعت لگيت ساره كاعده ويه عمتي ويسوالفن علئ الي صارر اني جسمي كله يوجعني م̷ـــِْن الضرب الي اكلته.
ساره / شصااار ولج
رباب / ساره روحي مالي خلك احجي
سهام / يلا تعاي. نروح تأخرت علئ،البيت وانتي ساره من يجي ابوچ ويسأل علئ رباب گوليله راحت ويه عمه سهام لبيت جدي خوش
هزت راسها بأي. طلعنه واني وعمتي سهام علئ بيت جدي.
بيت جدي متكون م̷ـــِْن جدتي وجدي وعمتي حرير ممتزوجه وب نسبه لبنت عمتي هيه مربيتها فأ تعتبرها مثل بتها. وعمي هيثم وعمي ميثاق ومرت عمي هيثم سهام.
بنت عمي ميثاق مربيتها عمتي حرير.
رحنه علئ بيت جدي دخلنه رحت علئ جدتي وسلمت عليها خليت راسي بحضنها وبچيت احس روحي مالي شخص كلها تكرهني امي الي جنت اتقاوه بيها صايره ماتحبني ولادافع عني
الحجيه / شبيج حبوبه ليش تبچين ?
رباب / مابيه شي بس شويه تعبانه
صارت تمسح علئ راسي وتقرا ايات قرائنيه غمضت عيوني واني تعبانه نمت بدون ماحس
ماعرف شكدد مرر وقت گعدت علئ ضربه علئ كتفي.
