رواية ليتك قدري الأول الفصل التاسع بقلم رفل الكناني
كملت الغدا ولملمت البيت دادخل لغرفتي وماسمع بس الصياح واسمي بطاري طلعت لكيت بارق مطير عيونه ويصيح منو داخل غرفتي منو لاعب بغراضي وعمتي اجاوبه اكو غير هاي الثوله مرت سلام
يممممممه وليش تدخل غرفتي منوووو سمحله
اني عود كتله تنظفها يوميه
لااله الاالله وانتن منو عاتب عليجن تنظفنها انتي موتدرين شغلي وصخامي كله بيه
والله ادري وحذرتها
طلع سلام وخلدون واني هم كتله
شنو بارق اني يوميه انظفها شصاير
لاخلفله عليج وهسه تطلعين الورقه الضايعه من جوه الكاع
حجاها وضرب الباب حيل
جاوبه سلام
ليش تجاوز سئلتك شضايعلك جاوبها بحترام
لك شنووووو جاي تعلمني انت لودافع المرتك نسيت اني
اكبر منك
لامانسيت بس يمكن أنت نسيت الي دتصيح عليه هاي
مرتي بعدين شكو ماخذنه بصياحك
جيت على سلام لزمه من ياخته وسلام لازم ايده
انعل ابوك لابوه مرتك الورقه هاي عقد مال قضيه مستلمه بكومه فلوس اذا ملكيته البيت اهجمه
نزل ايدك ماريد اتجاوز عليك
هز سلام مرتين ويكوله
تجازوز تجاوز داشوف شيطلع منك
باررررررق نزل ايدك لاتكفرررررني
هديل وخلدون يجرون بارق واني اجر بسلام وعمتي تصيح كله من وراج الله لايوفقج
وجان ينزل مصطفى ابن مهند يصيح
عموووو عمووووو الورقه عد محمد اخويه جنه نلعب بيهم محمد راد يرسم لان الورقه جبيره
بارق هد سلام وتوجهه المصطفى صفكه راشدي الطخ بلباب وسوى الدرج شبخه وحده وصعد فوك دقايق ونزل بيده الورقه وصوت محمد فوك يبجي مصطفى كف بحضن عمتي وسلام هاج
خو انتي يمممممه كلشي وكلتي هبه هبه والله العظيم حرت وياج ماعندج شغله غيررررر مرتي
كافي عاد الورقه لكيناه لتضل تلوص
باررررق انت لاتدخل اني وامي هستوك من وره ورقه ماخذ عليه كم فلس تسبني وتسب مرتي وبعد شويه نضارب هسه تسكتني
خزره ودخل غرفته وهف الباب
خلدون كال
كافي سلام برروح ابويه كافي هاهيه سدو الموضوع
يمممممممه شسويلج بعد هاي صار شهر مكاطعج ومااحجي وياج كلت بلكت تحس وتجوز مني ومن مرتي وانتي تزيدين يعني اني مممممو ابنج مددتوشفيني مرتاح اكلي حاضر لبسي حاضر حتى الناس دكولي متغير ادددددري متكيفين ارتاح
كلمه واحده ماحجت لامه مصطفى بحضنها واكفه وخلدون خطيه يسكت بسلام عفتهم ورحت لغرفتي طكيت من البجي انوب الحقير بارق يسبني ولو يهدوو عليه يمكن يذبحني
دخل سلام وركع الباب الشباج طن من ضرب الباب باوع
عليه صاح
انتي الثانيه شبببيج
مجاوبت بس اشهك
موووووو احجي وياج
ليش تصيح اني شعليه يعني كل هذا الصار وانوب انت
تصيح
هبببه اسكتي تره روحي واصله بخشمي
وديني لهلي
اهووووووو كتلج اااااااسكتي
والله توديني وإذا متوديتني اخابرهم يجون ياخذوني
انعلي الشيطان اني تعبان جاي من الضخام من الدوام
وديني وديني والله مابقى اليوم ورقه ضاعت هيج سوو باجر يضيع الاكبر شيسون
استغفرااااااالله شلون مراح تسكتين
حجاه وورث جكاره والجداحه بيده شمره عل مرايه نفطرت
اي ماسكت ودريني وهسه
يله بدلي وإذا رجعتج اني كلب ابن كلب
ماهتمين لكلامه ابجي وجسمي يرجف لبست جبتي وسحبت الجنطه كمت اشيل واحط بملابسي وهوه كاعد عل جربايه ويهز برجله كملت طلعنا هديل بلمطبخ باوعت علينه وسلام بيده جنطه وكفت كدامه
سلام وين رايح صدك تحجي انت متعرف بارق مخبل ويامه
ويا مه مسوي بينه هيج
التفت عليه
هبه والله العظيم اني قبلج كم مره مكتوله من بارق من وراه هاي السوالف
عوفيها هديل خل اوديه لهلها خل امج ترتاح هسه حجيتي لعد وينج ذيج الايام مولعبت بينه طوبه
سلام انت جديده امي عليك ليش اني اكدر احجي وياه
وخري وخري خل نطلع
بعدها بيده وطلعنا صعنده السياره وشخطها ماحجينه كولشي وصلني لهلي حذام فتح الباب واني دخلت وعفته شافتني امي وجهي أحمر وخشمي من البجي عرفت متعاركه بوستني وكعدتني نطتني مي اجه حذام
هذا شبي رجلج كالب خلقته
عوفه حذام متعاركين
امي وجهه نخطف : يمه انتي ورجلج
لا يمه اني وعيالي
ميخاف يمه تصير اهدي
لعد شبي رجلج والله جيت اهفه عل وجهه أعدل جهرته
الكالبها
يمه حذام كلتلك مو ويه رجله ليش تكبرها روح معليك سوالف نسوان
هبه متأكده مووياه
حذام كتلك مووياه لاتلح
عافنه وطلع جيتت بحضن امي ابجي ابجي وهيه دكلي طلعي لبكلبج كوله ارتاحي لحد ماصدك ارتاحيت سألتها اشو ماكو احد كالت اساور يم اهلها بس اني وحذام بلبيت ذبيت شالي وجبتي وبديت احجيله كولشي من اول متزوجت وهيه تسبح وتهز برأسه من كملت كالت والله كلبي جان حاس بنتي ممرتاحه وبس ادعيلج ارتاحي وخليه عل الله هوه يجبر خاطرج ويريح بالج
كمت للغرفه مددت وادمعه بعيني لحد ماغفيت ما كعدت لحد ماحذام كعدني
يولي هبه شبيج اخاف هذا الحقير ضاربج
لاوالقران حذام سلام ماكو منه
لعد ليش ماعجبني شكله من اجه
والله هوه تعبان وجان بالدوام وصارت مشكله اني وعمتي ومقبل يجيبني بس اني لحيت وجابني
هبه تره اذا سلام موزين وياج كولي والله افكس عيونه
لا والله جان كتلك حبيبي لايضل بالك
تمام
كام من يمي واني هم كمت سبحت وكعدت شويه يم امي خطيه مفتحت الموضوع وهذا احسن شي سوته وره كمت سويت عشه وتعشينه وتعلنا عيني عل الموبايل من صفنت عل نفسي لكيته مقهوره على سلام خطيه هوه دافعلي وتعارك علمودي بس شسوي مكدرت ابقى ولازم اسوي هيج اخاف عبالهم اني ماعندي أحد وشيسون بيه ابقى كاعده دعيت الله سلام يخابرني كمت احوص عفتهم ورحت لفراشي يربي شبيه هبه شجاج مو حتى سب نفسه وكال مارجع عوفي إل هوه يجي يالله
ادكلب وفكري يودي ويجيب هسه وينه وشديسوي اشلون راح انام عبالك تعلقت بي ربي بلكت يخابر بلكت الساعه صارت 1 هسه اكيد نام كمت طلعت بره شويه ودخلت امي نايمه وحذام السماعات بذنه مدري ويامن يحجي رجعت للغرفه فوني ديدك باوعت سلام كلت اثكل عليه شويه مجاوبته
دزلي رساله (حبيبتي كاعد مداكدر انام وينج )
دك جاوبته
الوووو
اني اسف
سكتت
هبه اني اسف والله ولقران جنت ضايج
ادري بيك
مشتاقلج وروحي طالعه
اسم الله عليك
هبه داتعب خصوصن من امي عبالج اني مرتاح واني اشوفه هيج دتهجم بيتي لو هينه عليه صار شهر مااحجي وياه والله داموت حرت شلون ارضيه
واني شبيدي سلام موبعينك شفت بارق بعد شويه يضربني
اكسر ايده غير
متكدر اخوك اكبر منك شفته شلون مينجرع
صالحني واعتذر
اي شكو بيه الله يهديكم
وانتي
شنو
شوكت ترجعين
وموكلت مارجعج
ههههه لاتلزميهه عليه اني البيت مطابه من طلعتي وهسه ال فتت للغرفه
وين جنت
والله بيت مهند وايناس متخبله خطيه دكول من وره جهالي
بعد صارت
راح اجيج
لاعزه وين تجي
ماكدر والله راح اجي هسه نص ساعه واني يمج
لاسلام
فيملا
سده عزه بس لا صدك يسويه دكيت عليه مجاوب شويه وصار آخر اتصال منذو دقيقه بالله شكد عيب من اهلي يكعدون أصبح ما يلكوني يبووو يسلام كمت للهول شافني حذام ذب السماعات
هااا اليوم منايمه
اي يمكن سلام راح يجي
هااا كولي هيج يله هلا بي
والله شويه وسمعنه صوت سيارته طلعنا اني وحذام سلم ودخل كعد وكعدت بصفه
يعني سويته واجيت
اي لعد اعوفج
ههههه يله اراح اسوياك شي تاكله
وداعتج ماريد متعشي بيت مهند
بلعافيه هسه اجيك
رحت سويت فواكه وعصير وجبته اكلنا وسوالف هوه وحذام بعدين همسلي
حبيبي افرشيلي
اي هسه راح افرشلك يم حذام
اموتج شصخم بحذام لعد جان بقيت بغرفتي وفاتح كامره وياج
هههه لعد شتريد
اريدك بحضني
حذام دك فونه شال مخدته وكام كال راح انام بلغرفه
لايمعود وين موكاعدين
اخذ راحتج حبيبي اني ابقى للصبح عل فون
هااا لعد بكيفك
مممم توك دكول شسوي بحذام
اي غير اثكل كدامه شويه
كمت فرشت النا وطفيت الضوه وسديت الباب مددت بصفه أخذني بحضنه
سلام شنو هاي الريحه مال دخان بيك
شتم تشيرته كال: هاي مال نركيله
اويلي خنكتني
لعد راح انزعه
ذبه ورحت جبتله فانيله من حذام خلاه يم راسه
تعالي عاد ..اجيت نمت
هبه
ممم
باجر ترجعين وياي
لا
هبببه
والله مارجع
ليش تسستغليني دشوفني ماكدر بلياج
موهيج بس اهلك اذوني
واذا لخاطري
دفنت راسي بصدره
رفعه بيده صارت كصتني عل كصته
كافي حبيبتي ارتاحي وبعدين نحجي
باسني برقه وندمج وكام يتجرأ
كافي سلام احنه مو بغرفتنه
ادري مراح اسوي شي عصرني بحضنه ونمنه ثاني يوم الصبح كعدته راح للدوام وامي جانت كاعده تفاجت من شافته سلم وطلع
يمه رجلج شوكت اجه
بليل يمه جنتي نايمه
اي وشكال مكال
يكول بارق صالحني ويكولي ارجعي
اي
ماقبلت
ليش يمه
يمه تسلني لو ما البارحه حجيتلج كولشي
ميخالف يمه رجلج يحبج لاتضيعي من ايدج وذوله اهله مينطي بيهم وهذا اخوه اكبر منه قابل يضربه لو يعادي امه بنيتي أشكال شفنه من العيال والحموين وانتي مصار هواي من تزوجتي مال يطلعج بيت وحد ميسويهه اصبري لخاطره وكل صبر وراه فرج وانتي مثل حظ امج خلصته 30 سنه ضيم ويه اجدادج وينهم وهسه صار جوه لتراب واحنا وراهم حبيبه اسمعي الكلمه وارجعي لرجلج وحسبي جيت البارحه خطار وهم حتى تهدى النفوس وعمتج الله يهديها
ولاتتعلمين كل حجايه والثاني لامه هدومج وجايه بيت
ابوج صحيح البيت الج والعتبه النا بس يبقى مكانج بيت رجلج اني مدايمتلج واخوتج كلمن المرته سمعتي بنتي ابقي وارتاحي بس لاتحسسين رجلج زعلانه مدام يحبج ومدافعلج ميستاهل تجافي لو طابك ويه اهله جان صار غير حجي هاهيه بنيتي
هزيت راسي
فعلا كلام امي صحيح واني هم حبيته وهوه دافعلي وكف بوجه اهله لازم مااخسره وانفذ البراس عمتي تريكنه وكملنا واجتي اساور من اهله مسولفنالها خلينه كلشي طبيعي بس اني ضلت سالفه بكلبي الي هيه سوايت سلام من يتقربلي ماعندي غير اساور اسئله شسوي تجرات وسئلتها شهكت
شبيج يمعوده جفلتيني
ولج هبه هذا ميريد جهال
ليش شلون يعني
ولج هذا ديسوي خارجي بس الميريد جهال هيج يسوي
صدمتني بقيت لااخذ ولاانطي
هبه انتي جنتج الشهريه
صفنت
لامجتني
من تزوجتو
اي ابد
يعني صار شهرين
اي مجتني نهائي
وهوه من شوكت يسوي هيج
صار شهر تقريبا
وقبله
لا عادي
لعد بس لاحامل
اساور تره دخت
هاي شبيج اول متزوجتو جان عادي والشهريه مجدتج يجوز شكل عندج حمل
وشلون اتاكد
العصر اندز اختبار ونشوف
نار واشتعلت بيه ليش ميريد جهال مني يعني اني الجهال موبالي وحتى الشهريه ناسيتها وهوه حاسب حسابه ومفكر
الها ليش كلت اليوم ارجع واكعد وياه وافتهم كلشي بس ضليت اغلي حتى غده متغديت خابرني برجعته من الدوام كال راح اجي مناقشته وفعلا اجه بدلت ووصيت اساور الحجي الدار يضل بينه والاختبار كالت اني اشوف طريقه وادزه بدون محد يدري اخاف يطلع ماكو حمل رجعنا للبيت محجيت كلمه هوه عباله لان رجعت اول ماوصنا دخلت ماسلمت عل أحد ومن دخلت الغرفتي بعد ماتحملت اول مادخل انفجرت عليه .
