رواية لست غجرية الفصل التاسع بقلم روز الحيدر
فتحت عيوني
وردة : انتَ شكووو!
رد من بين اسنونه حتى مايفتح حلكه ويبن يحجي
نسر : شعندج ويا؟
هزيت أيدي لفيت شفت باهر يحجي بالمبايل، صحت
وردة : بااااهرر
طلع كلنيكس من جيبه مرد حلگي
وردة : اووووي... اني امسحها
اخذته من ايده طلعت جدة
باهر : ماشفتيها طلعت بحمرتها!
جدة : تطلب فحل
ضربت جهي
وردة : ياااا حبوبه!
بتسم بخبث غمزلي
باهر :موجود
جدة : ديربالك عليها ابهير
باهر : بنص گلبي وبعيوني اخليها
جدة : موش تتأخر
باهر : ماترحين ويانه؟
جدة : مابي حيل
باهر : تردين شي احيبلج؟
جدة : سالم
باس راسها، راحت تطلع بالغنم، مسحت الحمرة
رفعت عيني
وردة : ها؟
باهر : انعل بليسج
وردة : شكو بعد !
عض شفته
باهر : شتهيتها... صارت تخبل
وردة : باهررر
مد كفه
وردة : ما.. مانطيها
باهر : موبكيفج
سحب الجنطة من ايدي فتحها يدورها، طلعها
باهر : هاي موو!
وردة : لا حباب مااخلي بعد
اخذها خلاها بجيبه ونطاني الجنطة فتح الباب
باهر : يلا
طلعت ورا نسر واكف يم سيارته
وردة : وهذا شعنده؟
باهر : كعدت الصبح لكيت تاير السيارة منقص هوى
وگتله يوصلني
رفعت حاجبي
وردة : شعجب منقص هوى؟
باهر : ماعرف بس هل ايام صار هواي تنقص أكيد
بيها خلل اذا بقت هيج اغيرهم
وردة : وشنو يبقى ويانه؟
باهر : لا بس يوصلنا ويرجع
هزيت راسي بأيجابية عرفت سالفه وراها انَ، نسر
صعد هو يسوق باهر راد يصعد يمي صاح بقهر
سد الباب ورجع كعد كدام وهو يسب بنسر، جنت كاعده
بنص عبالي باهر يصعد، من صعد باهر، نسر شغل سيارة يضحك على مسبه لي اخذها
باهر اول ماصعد اشر
بايده من بين الكشن والباب بمعنى تعاي مارحت بس من لمحت نسر رفع عينه بالمراية
بسرعة دنيت على جهة باهر صرت اكرص بايده وهو ولا
يكول أخ ولا هامه...
نسر : وين اوصلكم؟
سحب ايده كال
باهر : للمطعم مدللتي اذا متتريك ينزل السُكر
نسر : اممم... انتظركم؟
باهر : انزل اتريك ويانه
باهر : تصلت بحميد بس يكملها يجيبها كتله شوف
علتها شنو خبلتني بالاسبوع مرتين ينقصن هوى
نسر : اي عادي يمكن حصوة او بسمار اني هم هيج
تصير
باهر : اي.. جوريتي
وردة : بەڵێ
ضحك
باهر : ئەی جوری من؟
بتسمت... صاح
نسر : هاااا هااا شنو هاي نوب؟ الغاز بينكم؟
باهر : مولازم تفهم
نسر : لا.. لازم شنو يعني جورى من؟
ضحك
باهر : شعليك داحوس
باهر : من ساعة غسلتك غسل وحجيت بالتفهمه
نسر : اهوووو تكول يااخي..
قاطعت كلامهم حتى اغير الموضوع
وردة : ابهر شرِدت؟
باهر : ياوجع گلبي.. والله نسيت
صار يسولفون بينهم لحد ما وصلنا.. باهر فتح الباب
نزلت قربت لباهر
وردة : مو نفس المطعم
باهر : اعرفج تحبين البيتزا الايطالية وهذا يسويها
مثل ميحبها السانج
تنهد
باهر : فدوة رحتله
باهر : بيج
وردة : لا بالنسوان
باهر : امشي لا تعكرين مزاجي
مشينا مد أيده
باهر : لزمي أيدي
وردة : ماا
باهر : ترا ماتحبلين
1 تع
وردة : نجب
باهر : بحضنج ولميني
ضحك، دخلنا للمطعم راقي، هادئ يفتح النفس سحب الكرسي كعدت باهر بصفي ونسر مقابيله، باهر نهض
وردة : وين؟
ماعرف وين راح بس عيني بقت عليه شفته طلع من
المطعم، هل شي خله نسر يتنفس وجود باهر كاتم
على صدره بسرعة كال
نسر : شنو حجيتو بالسيارة قبل شوية؟
لفيت وجهي له، بحدية
وردة : شعليك؟
نسر : عليه ونص لاعبالج تحجين حرف ويا فهمتي؟
هزيت راسي بنفي
وردة : مافهمت ولا راح افهم له بمزاجي.. بعدين
منو انتَ حتى تفرض كلامك؟
نسر : مادام وافقتي ودخلتي لعبة ماتمشين على كيفج
وردة : شوف نبرت التحدي والتهديدات ماتمشيهن
على وردة لان لو ردت اعاند واسوي لي براسي لا انتَ
ولا لي اكبر منك يكدرلي فهمت؟..
تغيرت نبرت صوته للهدوء
نسر : ماراح تكولين شي الباهر صح؟
وردة : مااكول ولو ردت اكول محد يمنعني اساساً
استعطف باهر لي معتبرك صديق أله بس طلع عدوه
الدود هاي اخر الثقة الزايدة
نسر : غلطانة اني مو عدوه بالعكس اريد احمي حتى
مايتورط وياهم اكثر
وردة : اذا صار شي الباهر اول ماانتَ تتحاسب
هز راسه
نسر : هسه جاوبي ليش طلعتوا وحدكم؟
نزلت راسي
وردة : يمكن... اخاف اخسره للأبد
1 تع
نسر : اجه
لفيت شفت اجه بايده ورد حمرة بتسمت قدمها
باهر : ديربالج ترا تذبل يم عطرج
ضحكت اخذتها
باهر : الله هاديج اليوم
وردة : حبيتها حلوة
باهر : والباقة ذبلت بالسيارة؟
وردة : جنت مزعوجة منك
بتسم
باهر : وهسه؟
وردة :بعدني بس مالي خلك اتعارك
رفعت عيني شفت نسر رافع حاجبه موعاجبه وضعنا
نسر : احممم.
وردة : حلو هل مطعم
باهر : يناسب جمالج
بتسمت بخجل نزلت راسي
نسر : حافظهن حفظ؟
1 ت
باهر : هههههههه شلون بيك؟
نسر : هسه اتسمم واولي
باهر : جوريتي نكمل ريوك بين ماحميد يجيب سيارتي
ونطلع حتى تختارين المبايل الي يعجبج
وردة : بەڵێ
نسر : هم رجعت ترطن
باهر : لا مو رطين هذا بالغة الكردية السوارني يعني
اي، او نعم
نسر : هااا يعني اي.. ولقبلها بالسيارة شكتلها؟
ضحك
باهر : تموت اذا ماعرفتها!
نسر : اي كلش تصير عندي حساسية وماانام الليل
1 تع
باهر : يعني مدللتي، غاليتي، مالتي.
باهر : هسه رتاحيت؟
نسر : هههه كلش ... لاترطنون بعد عيب يمكم عربي
احجو عربي
بمزح
باهر : صار تأمر بعد شتريد!
أخيراً نزل الأكل، قدمو البيتزا شكلها وريحتها تجنن
قدمو وياها شوكة وسجين، بعدتهن واكلنا اني وباهر
بايدنا
رفعت قطعة عضيتها وسحبتها الجبن صار خيط
على طول ايدي باهر كطعة من حلكي اخذه اكله..
همست
وردة : باااهر عيب
باهر : ياوجع گلبي ألما أله علاج. شنو العيب؟ اكل
النعمة من النعمة
سكتت ونسر كذلك ياكل بس غير طلب بعد ماكملنا
باهر ونسر كذلك راحوا... رحت غسلت طلعت اشوف
نسر وحده كاعد
وردة : ابهر وين؟
نزل شفافه هز راسه بخفه موعاحبه
نسر : ابهر!..
ستغربت تصرفه كعدت
وردة : شبيك؟
سند نفسه على طاوله كال
نسر : رح اروح.. بس لاطولين ويا فهمتي؟
وردة : مافهمت
وردة : وانتَ شكو!؟
نسر : لابين كلمة والثانية تكولين شكوو!
عقدت حاجبي
وردة : غير افهم! هذا جزء من الخطة لو شنو؟
نسر : اي هيج شي.. لذلك لاطولين بعدين منين
طلعتي بسالفة المبايل؟ مو عندج
وردة : لا اريد ارجعه ألك
نسر : شسوي بي خلي اني شتريته ألج بعدين
مو حلوة طلعتج ويا... واليوم ضروري اشوفج
بنفس المكان بالليل
وردة : شكو؟
نسر : عندي موضوع مهم
وردة : اذا قبلت حبوبتي
نسر : حاولي
وردة : كلش ماحبه علاقتي بيك ضميري يأنبني
رفع تك حاجب مركز بعيوني
نسر : ليش شبيها علاقتنا وضميرج يأنبج؟
نسر : ماشتغل ضميره لما خانج ويا صديقة عمرج
مافكرو بيج؟
احس كلامة سجين نغرس بگلبي نزلت راسي
وردة : الچلب اذا عضني مااعضه
نسر : عوفي ضميرج على صفحة وممنوع يعرف حرف
واحد بالي بينا... عدم معرفته انتِ تعرفين هذا امان ألج
والبيبيتج
هزيت راسي بأيجابية
نسر : موتنسين موعدنا
رفعت عيني له
وردة : لاتلح كتلك اذا قبلت لو صارلي مجال
نسر : تمام.. هسه اروح ولاطولين وتفرفرين ويا حرام
ارجعي بسرعة
وردة : شوف شغلك وحد وحياتي الخاصه وحد مااسمح
لا ألك ولا لغيرك يتحكم بية
نسر : اشوف حبيتي وگلبج رفرف عليه؟ يعني الخيانة
ماكفت حتى طلعه من گلبج؟
وردة : ترا ابد مافهم شتلغي هل شي خاص بية معليك
احبه اكرها اني احدد تصرفي ويا
نسر : الغي... اي.. اني... ألغي.. ألج نص ساعة اذا ما
كملتي ورجعتي ساعتها أني اتصرف
عفطت هو تخبل فتح عيونه بقهر مكبوت
نسر : متستحين ولج شلون تعفطين! وين اكو بنية
تعفط!!
وردة : منو گلك أستحي؟ بعدين المواقف لي عشتها
خلتي اصير ولد ومو اي ولد تربية شارع هسه عندك
اعتراض سيادة النقيب؟
هز ايده نهض
نسر : ماعرف على شنو باهر يحبج لا خلقة ولا اخلاق
وردة : أطلب الاخلاق منك.. اشوفك تخرخ، تخرخر
اخلاق
1 ت
اجه
باهر : ها وين؟
نسر : اروح... ها جابها السيارة؟
باهر : اي
نسر : يله نطلع سوه
باهر : لا احنا بعدنا كاعدين
نسر : شكو؟
باهر : هيج شي بسيط لجوريتي
عقد حاجبه
نسر : شنو!
باهر : اكو اكله مدللتي تحبها
طبطب على جتف باهر بقهر
نسر : مو تتأخر
باهر : شكو ماعندي شي اليوم اوف للكول اريد
اتنفس شوي
نسر ماحجه شي بس رمقني بنظرة انزعاج وكال
نسر : مع سلامة
باهر : الله وياك
نسر طلع..
وباهر كعد مقابلي ثواني، بعدها جابو صحن كيك عليه كاكاو سائل وآيسكريم
والوردة اللي جابها..ماعرف بشنو خلاها وطلعها بشكل جامد.
أنا بس مبتسمة،لماراح الولد رفعت عيني له،
باهر يباوعلي بعيون حب ومبتسم.
وردة : حبيت الحركة
باهر :واني حبيتج
نزلت راسي اخذت الشوكة اكل
وردة : امممم طيبة
باهر : ممكن تخليني اضوك
اخذت شوكة ثانية وقطعتله قدمتها
باهر : أريد اضوكها من شفتج
سكتت،اخذها من أيدي
باهر :لو من حلكج تصير أطيب
نزلت راسي رديت
وردة : يله نروح مااريد اتأخر جدة وحدها
هز راسه بأيجابية ثواني وكمنا، مد أيده بمعنى لزميها
غلست
باهر : ايدي لزميها بس مره واحده حتى ترتاح دودني
3 تع
ضحكت
وردة : شو صاير تغلط؟
باهر :لا مو غلطة بس معناها خايس
وردة : هههههههه
باهر : تفكين حلكج وتضحكين على غلط
1 تع
وردة : لا ستغربتك
فتح باب السيارة صعدت وهو صعد كال
باهر :تدرين مالومج بعد من تعفطين
بستغراب
وردة : ليش؟
باهر : لان بعض المواقف ماتحتاح رد تحتاج
اجرها بزيج.. وهواي عليها
ضحكت بصوت خفيفة
وردة : ليش صاير وياك شي؟
هز راسه
باهر : صار
عدلت كعدتي خفت ليكون لي يشتغل وياهم ، شغل السيارة، رديت بتوتر
وردة : شنو؟
باهر : مااريد اخرب طلعتنا أريد اليوم بس وجهج
يترس دنيتي وقتنا ألنا وبس.
بتسمت وهزيت راسي، اخذ مبايله شغل غنية رفع
الصوت وهو يصحك كال
باهر : أسمعيي..أسمعييي
انطيني وعد للموت
روح بروحك تشدني
كلي راح اضل وياك
بس الموت يبعدني
أشر عليه وهو يبتسم ويردد
باهر :
واذا يمك طلبت ارتاح
كلي ابشر ولتردني
واذا يتبرى مني الكون
اريددك تبقى ساندني
سكف واني انستر جواه
خاف الناس تطردني
اخذ ايد لزمها بقوة.. بعده مبتسم ويردد
احس نفسي مسوية جريمة
كل كلمة من الغنية تحاجيني بشعور باهر وخيانتي
له وخيانة نسر، باهر ثق بي بس نسر شنو سوه!..
هنا بعد ماتحملت نترت أيدي وضميت وجهي وأشهك
بجي هو بسرعة سدها الغنية وخفف لحد ماصف على
جهه وأني بعدني اشهك روحي تطلع من صدري
بدهشة
باهر : جوريتي! شبيج؟
بلكوة رديت من البجي
وردة : عوووفني
فتحت باب السيارة نزلت، وبقيت واكفه، بسرعه لحكني
اجه مستغرب وضعي
باهر : شنو جوري شبيج؟ سويت شي؟
دفعت صحت
وردة : كول شنو لي ماسويته بعد!
باهر : هسه مابيج شي وتضحكين!
مسحت عيوني بأيدي
وردة : تعبت، منك ومن نفسي
رفع ايده، فاتح حضنه
باهر : تعاي،... تعاي بس مرة وحدة
هزيت راسي بنفي ضربته بصدره
وردة : هذا الحضن مو ألي
نزل أيده لف وجهه عني صحت بقهر
وصوت مكسور
وردة : شلون گلبك نطاك تخوني؟
مارد، صحت وأشر على نفسي
وردة : اني اذا ارفع عيني بالغلط على شخص
ضميري يموتني.. شلون عندك هيج جرأة تخوني!
نهضمت أكثر من ذكرت صورته هو وياها
وردة : ومنووو ولك أختييي! اختيييي... فهمني
شكال گلبك، حضنتها؟ نيمتها على صدرك؟ بستها؟
مارد بحرف نزل عينه بالكاع، طلع باكيت جگاير
سحب وحدة ورثها، قربت بقهر وسحبتها بايدي
من حلكه نجويت صحت
وردة :شوووف ... دائماً تأذيني
رجعت أبجي سحب أيدي يشوفها
باهر : بس أسكتي لتبجي جوري والله حتعرفين
كلشي بس اهدئي هسه سُكر ينزل وتعبين
وردة : عساني ميته..
سحبت أيدي
وردة : عوفنييي... أكرهك
باهر : اهم شي أني أحبج
وردة : هسه اريد جواب تحبني مو؟ ليش تروح
تذب نفسك بحضنها؟
رجعت ضربته بصدره
وردة : جاوووب لاتسكت هي خانت انتَ ليش
طاوعتها؟.. ليش انطيت بيه وكسرتني؟
باهر : بعدين تعرفين كلشي
وردة : هسه اريد اعرف ولو ماحجيت...
سكتت رفعت عيني بعينه
وردة : أنتزوج وعينك تشوف
ضحك بقهر لزمني من زندي
باهر : لو أني ألمج لو الگبر يلمج اذا تحبين
سويها حتى طلقة براسج وينتهي الموضوع
وردة : عوووفني... واوعدك تسمع اخباري
قريب لا والله مو تسمعها اخليك تزفني بأيدك
باهر : اي وفتحي فيديو وشوفيني شتسون
بالليل
وردة : عوفنييي
باهر : جوري صبرت هواي وصبري له احدود
وردة : أحجي وفضها
عاف أيدي
باهر : شتردين اكول؟
هدءت نفسي شوية بلكت يعترف ويكول عن
شغله وشلون دخل بهذا الطريق القذر وشنو ألي
بعدين أعرفه؟!
وردة : الحقيقة لي ضامها
عقد حاجبه رد بتوتر
باهر : شـ.. شنو من حقيقة؟ قصدج ليش هيج
سويت ويا رند؟
صفنت معقولة خيانته مرتبطه بهذا الشي! هزيت
راسي
وردة : اي احجي كلشي وخلي يكون بعلمك مهما
جان سبب مايغفرلك
سكت رفع عينه بعيني
باهر : گتلج يعني بوقتها عقلي مو براسي وتفاجأة
بيها من صحيت
وردة :بس؟
وردة :وغلطت مرة ليش رجعتلها مرا ثانية؟
بتوتر مرر أيده على شعره
باهر : ماعرف
وردة : هي لو امها يعرفن؟
رفع عينه بدهشة
باهر : شنو؟
وردة : وله اكلك أني غبية.... ليش ابجي على مايسوه دمعه، طبكم مرض ثنينكم سالفة حبوبتي تكول الخرا اخو البول ثنينكم قذرين وموالمين البعض
لفيت اريد ارجع للسيارة لزمني كال بتوتر
باهر : شنو تعرفين شي؟
غمزتله
وردة : اشياء مو شي
بتعدت عنه اريد افتح الباب منعني
باهر : شنو تعرفين؟
وردة : ألي تعرف بي اعرفه
بلع ريكة
باهر : اي وحدة؟
عقدت حاجبي واني متأكدة ورا اسرار مو سر واحد
كتله
وردة : كلهن اعرف بيهن بس اعديهن بمزاجي
باهر : اذا تعرفين بيهن گلهن ليش تسأليني ليش نمت
وياها
بلعت ريكي سيطرت على نفسي
وردة : أريد أسمع منك
ويا كلامي دك مبايله
وردة : جاوب ليكون گ***
خله المبايل بوجهي صار
باهر : نسررر، نسررر مو قندرة شعدها تخابرني
مارد خله مبايله صامت رجعه، حتى اثبتله اني اعرف
كتله
وردة : اي نسيت اباركلك
باهر : على؟
وردة : سمعت راح تصير بابا
عيونه من كد الصدمة فقعت ضحكت
وردة : شتسمو؟
باهر : خرا.. لا حامل ولا شي
وردة : شمدريك؟
باهر : ادري وبس
وردة : مو على اساس مو صاحي؟ ومو بوعيك؟
لي يكون شارب ومطفي ماعنده وگت يفكر بهيج
شي صح لو غلطانة؟
باهر : لا غلطانة
فتحت الباب صعدت رجع صعد كملنا طريق وكل
ماألزم خيط اضيع احاول اربط الاحداث يبقى
شي ناقص، هسه تأكدت باهر من يتقربلها بوعية
بس هي ليش تجذب؟ زين معقولة مهددته ممكن
يكون مدمن!
رفعت عيني له: معقوله ؟ ليش هيج دخت ياربي
ساعدني
وردة : يمتى عرفت بيها حامل؟
باهر : مو حامل
وردة : يمتى كالتلك؟
باهر : الكـ***امها كالت
وردة : شكتلها؟
باهر : جريتها بزيج وسديته لان تعرف كلش زين
لو فعلاً حامل فأكيد مو مني.
وردة : واثق؟
باهر : كلش
هنا تاكدت من شكوكي صح، سندت راسي على جامه
وعقلي اكل نفسه بالتفكير... اكيد سلطانة مهدده باهر
بس بشنو؟!
زين ليش تهدده؟ شنو ممكن تكون نقطة ضعف باهر!
ماحجيت شي وبس مبايله يوز ويرفضه ويصير يسب
نسر لحد ما وصلنا نزلنا دخلنا محل كلش جبير كله
اجهزة...
باهر : أختاري شنو يعجبج
وردة : ماعرف اي جهاز
باهر : ايفون لو سامسونك؟
وردة : شنو الفرق؟
باهر : ماكو فرق ثنينهم يكولون الو بس احنا نحب
نعقدها
وردة : امممم وشنو اسهل شي؟ وكون انزل بي
العاب
باهر : سامسونك
وردة : ابو تفاحة المعضوضة؟
باهر : لا مثل هذا
وردة : اهم شي اكدر انزل بي العاب مليت من لعبة
الحية
باهر : هههههههه صار
حجه ويا الولد طلع المبايل واخذلي خط وقت الدفع
طلعت الفلوس ادفع باهر خزرني بس ماهتميت.. قرب
باهر : رجعيهن ياوجع گلبي
وردة :لا اني ادفع
باهر : مدللتي فدوة اروحلج بس هل مرة بنفسي
اشتريلج شي
وردة : لا ما...
قاطعني
باهر : بروح أهلج بس هل مرة
سكتت يعرف نقطت ضعفي أهلي، دفع الحساب فعل
نت شهري طلعنا صعدنا بالسيارة قبل ميشغل سجل
رقمه واخذ رقمي
باهر : من ترجعين خلي على شحن ساعتين
وردة : بس علمني شلون انزل العاب
ضحك
باهر :ياريت همي مثل همج
وردة : شعندك من هم؟
باهر : أكبرهن أنتِ
وردة : اني؟
باهر : هاج شوفي منا تختارين العبة تضغطين تثبيت
يطلع هيج جاري التنزيل انتضري شوي وتثبت
وردة : هاي هي عرفت
باهر : اي عفية وهذا الواتساب وهذا رقمي حتى اتصل وكل البرامج ثبتها ألج
اخذته وفتحت الكامرا صورت نفسي
وردة : علمني منين احذفها؟
باهر : ليش؟ حلوة
وردة : هيج اريد اتعلم بس
علمني شلون احذف واني همي صوري وصور جدة
الي بتليفون نسر حتى احذفهن وارجعه
رفع المبايل اخذ سلفي ألنا اني لفيت وجهي خباثة
بس هو مد ايده خربط شعري وبقى ياخذ صور
ويضحك..
ضربته بخفه
وردة : عوفنييي
باهر : بس صورة وحدة باعي
باوعت وحولت عيوني هو خرب ضحك
باهر : اشو عيديها ولج تخبل والله
وردة : ماا
باهر : يله اخر وحدة
رجع المبايل اشوف كومة ماحذ صور بس كلن حلوات
ماحذفتهن.
باهر : شنو رأيج نروح نشوف بيتنا
وردة : نجب ورجعني للقرية
باهر : هههههههه والله مااكلج لاتخافين
وردة : مو خوف بس مااثق بيك، مواهل ثقة، خاين
وغدار..
ضحك
باهر : تدرين البيت جهز من كل شي حتى ملابس شتريتلج ورتبتهن بأيدي
تنهدت
وردة : خلي الأم ابنك
باهر : انتِ ام ابني وأم بيتي مدللتي
وردة : هذا البيت راح يكون بس بخيالك مستحيل
اقبل بيك واحد قذر ومستعمل
ضحك
باهر :اي مستعمل... اسبح بكلور اذا تلعب نفسج
1 ت
وردة : الخاين لو يسبح بزمز مايطهر...
وعسى حبوبت گلبي ماتخطيكم و تطلع بيكم واحد
واحد
سكت ثواني كال بصوت شُبه مكسور
باهر : طلعت
وردة : لا بعدها أريد تصيرون مثل طشار النجم تنثبرون
ثبر خاصه الي عتبرتها أخت ألي هي واهلها كون حاف
يردم حاف
باهر : واني؟
وردة : كون تتمنى شوفتي وماتلكاني
باهر : وين ترحين؟
وردة : ارض الله وسيعة
باهر : گلبج ينطيج تعوفيني؟
وردة : اي مثل ماگلبكم وشهوتكم القذرة خلتكم تغدروني
تنهد بقوة سكت بعد ماحجه شي، سكتت رجعت سندت
راسي على جامه
وردة : شنو أكثر شي تخاف منه؟ خيانة؟ غدر؟ فقد؟
باهر : ليش؟
وردة : مجرد فضول هسه اني عشت الخيانة والغدر
من اقرب ناسي وفقدت أهلي بدون مااشوفهم تعرضت
للتحرش من القريب قبل الغريب
بعدها عيني على شارع كملت
وردة : عشت طفولة مشتته، عوز، خوف، تعب، قهر، تسول احس صارت عندي قوة فولاذية بعد شكد ما الدنيا
تضربني مااحس...
وماكو شي يكسرني لان مابقى مكان صاحي لذلك مااهتم واكول قابل شيصير اكثر من الصار!
لفيت وجهي له
وردة : وانتِ شنو أكثر شي يخوفك، يكسرك، يقهرك؟
باهر : انتِ
وردة : أني شنو؟
باهر : خوفي عليج
ضحكت بستهزاء
وردة : تخاف علية وهيج ، كسرتني، خذلتني، دمرتني وخنتني،....لو ماتخاف شلون!
باهر : مرات من نكسر الوردة مو حتى نأذيها بس حتى
نزرع بي الحياة من جديد
وردة : وبالخيانة؟
باهر : مثل الفاس من يكطع ويكسر الشجر
يكون مجبور يكسرها .. والخيانة مو دائماً شهوة
.. مرات تكون هروب او حماية
رجعت سندت راسي
وردة : لاتبرر خيانتك ألي، كسرتني بعد ما سميتك
العرض بس ياعوض؟... وانت صرت أكبر خذلاني
لزم جف أيدي
باهر : وعد اخليج تنسين كل الي عشتي
سحبت أيدي بهدوء
وردة : لا توعد وعد ماتكدر توافيه.
1 تع
فتح حلكه، يريد يحچي..بس ما طلع صوت
بلع ريگه، ولف وجهه عالشارع غص بكلامه
أيده شدت على الستيرن لدرجة بينت عروگه
تنفس بعمق بس نفسه متقطع
وردة: شبيك؟ سكوتك أول مرة يعجبني
ما رد ثواني.. وبعدين بصوت واطي مكسور
باهر: ما أعرف شلون أصلح شي.. أني أصلاً ما أعرف
شلون أحب بدون ما أخرب
رفعت عيني له، انصدمت اول مره يحجي صدك
باهر :بس تأكدي ماحبيت بحياتي شخص مثلج و أخاف عليج وكل ما أخاف… أخرب بإيدي
وردة : من شنو تخاف علية؟ من سلطانة؟
سكت
وردة :انت وكفتها عد حدها وماتزعجني بعد هي تسمع
كلامك وتخاف منك
وضحك بخفة.. بس ضحكة تعبانة
باهر :اي تسمع وتخاف سلطانة **ماتخاف بس بمزاجها
وردة : أفتح گلبك وأحجيلج ليش تخليني بدوامة
ماعرف شي
لف وجهه علية غمز
باهر : أفتحيلي حضنج..
وردة : اهووو اني وين احجي وانت وين؟
2 ت
باهر : وافقي نتزوج، والله حتى بالعراق مانبقى
اخذج واشرد بيج
وردة : ليش تشرد بية؟
باهر : من الوحوش
وردة : ليش انت مو مثلهم؟
باهر : اني وحش؟... مثلهم؟
وردة : ويمكن ازيد منهم
كأنه بلع الكلام سكت وهل مرة سكوته طول ماحجه
واني هم رجعت سندت راسي على جامه لحد ما وصلنا
ردت انزل قفل السيارة
وردة : افتح
سند راسه على كشن، يباوعلي
باهر : أحبج
ضحكت باستهزاء
وردة : المشكلة ماحس بيها لو تكول اكرهج افضل
حتى تتوالم وي افعالك
فتح الباب نزلت وسديت الباب بقوة صاح
باهر : فدوتج اني والباب
عيبت علية ضحك عفته هو رجع مابقى بالقرية
دخلت للدار صحت
وردة : حبوبتييي جيت
صاحت
جدة : هله تعاي لجاي وريدة
رحت يمها تورد الحلال ، رحت حضنتها وبست
راسها
جدة : شتريتي موبايل؟
وردة : اي حلو وبي العاب نلعب اني وياج
جدة : يا حبوبه منيلي عيون
وردة : هههههههه انطيج عيوني
1 تع
لزمت راسي باست جبيني
جدة : اريد الله يحفظج وينصرج على اعدائج
وردة : تعاي رتاحي اني اوردهن
جدة : كملت.. اكلتي؟
وردة : الحمدلله
كملت ورجعت خليت المبايل على شحن وبدلت
ملابسي كعدت شافتني صافنه وايدي على خدي
جدة : حبوبه لاتسوين هيج تبقين بحيرة
وردة : اكول حبوبه هسه اجتني فكرة
جدة : الله اليستر شنهو من فكرة!
ضحكت ونمت خليت راسي بحضنها
وردة : هاي المراة مأجرة المحلات ليش ماتحاجيها
طلعنا من القرية يعني تشوفلنا بس بيت
جدة : وتالي؟
وردة : اني اخذ واحد من المحلات وافتحه اشتغل بي
وبعدين حتى لو مااشتغل واردهن كافي.. ها شتكولين
جدة : حبوبه اني عمري خلصان واخاف عليج يصير
ألي شي واحط راسي واموت تيهين
وردة : وهنا مااتيه؟
جدة : على اقل أبهير موجود الي يمسج بماي يمسه
بدم
وردة : وخيانته؟
سكتت ثواني كالت
جدة : مانگص... ومنو يكول لتاخذي هم مايخونج؟
وردة : افهم منج دافعين لبهير؟
جدة : لا حبوبه ماادافع بس تردين الصدك هذا الصدك
وردة : مااتزوج
سكتت وكمت كملت شغل للعصر طلعنا اني وجدة البيت
أهل سهام وسمر، أمهن تقرب الجدة من بعيد وجاينهم هم اقاربهم وجدة تحبهم تكيف عليهم..
اني هم كعدت و البنات نسوالف ونضحك تغيرت نفسيتي شوية، صار دنيا الليل ذكرت نسر
وردة : يله جدة نروح
ردت مراة تصير قريبة جدة هم جبيرة بالعمر
:يععع وين ترحين وريدة ركدي خلينا نشوفها
جدة : حبوبه نبات هنا اليوم
سهام : اي شعدكم ابقوا
وردة : مو مبايلي خليته على شحن
جدة : روحي جيبي
وردة : يله رايحه
جدة : اخذي وحدة من البِنات وياج
وردة : لا حبوبه
قربت همستلها
وردة : ارد ارجع مبايل نسر
هزت راسها
جدة : وسدي البيبان زين
وردة : صار ماتأخر لايضل بالج عندي مبايل
واخابرج
جدة : الله وياج
طلعت وحدي ماخليت وحدة تجي وياي حتى ارجعه واخلص منه رفعت تنورتي وركضت للدار دخلت اخذت
مبايلي شفت ورجعت اخذت مبايل نسر تصلت عليه
بسرعة رد
وردة : شكو؟
نسر : ليش تأخرتي تجين لو لا؟
وردة : اي وين انت؟
نسر : بنفس المكان منتضرج صار ساعة
وردة : يله جيت
سديت الخط
: يووو هسه يسويها طلابة ليش سديتي
بسرعة سديت البيبان وطلعت من الباب الخلفي
لتفت ماكو احد واسويها ركضه وصلت صحت
وردة : ميووو
سمعت صوته يضحك طلع من بين شجر كال
نسر : برأيج البزونه ليش تموي؟
طلعت مبايله قدمته
وردة : تفضل
نسر : هيج رجعتي
وردة : لا رحم الله والديك مايحتاج.
اخذه
نسر : اي ست ممكن اعرف ليش نزلتي
من السيارة تبحين؟ سوالج شي؟
رفعت حاحبي
وردة : جنت تراقبنه؟
نسر : يعني صدفة
وردة : بطران
نسر : مو بطران هذا شغلي
وردة : اممم
نسر : احجي صار؟
وردة : ماكو هيج كلام بينا مثل أي ثنين
نسر : شنو نوع علاقتهم هذوله الأثنين؟
وردة : مافهمت؟
نسر : يعني تحبي لو لا
وردة : اتوقع كتلك حياتي الخاصة تخصني اني
وبس.
نسر : حتى وان كان خاص وباهر بي لازم اعرفه
نفخت
وردة : يوم اسود يوم شفتك
نسر :احجي... ممكن اعرف منج شي باهر
ماكايله
نسر : لا مستحيل بس مرات يشرب ومايكثر واذا
كثر وفقد عقله بس يصيح بأسمج.. بس ليش سألتي؟
وردة : اشك بسلطانة تهدد باهر
نسر : شلون؟
وردة : هاي ثاني مرة اتاكد باهر ورا شي او يعرف
سر مهم وسلطانة تدري لذلك تهدد باهر بي
نسر : شلون وصلتي لهل نتيجة؟
وردة : سالته من شنو تخاف وهاي السوالف يعني
سحبته بالحجي حتى اعرف نقطة ضعفه
نسر : وشكال؟
نسر : ماتوقع... انتِ ليش؟
وردة : ماعرف عقلي شخط
قرب راسه شمشم شعري بعدت،مستغربة تصرفه
ضحك
وردة : يااا شبيك؟
نسر : مو شاخط... مورث للستار
وردة : منو!
نسر : عقلج مورث ومتشعوط تشعوط
وردة : اي والله يخوي سالفه دوخ واذا ابقى هيج
اتخبل
نسر : تحسسيني احجي وي زلمه كل شويه راكعتني
بيخوي
باوعتله صفح
وردة : تستنكف لان اكلك يخوي!
نسر : لا والله لااا موهيج قصدي
وردة : هيج وله موهيج عادي بس اكول خوية
كأحترام
نسر : احترام؟ ومنو الجرتني بزيج؟
1 تع
عضيت شفتي نزلت راسي بخجل
وردة : مو اني
نسر : تدرين اختي بعمرج تقريباً
وردة : والله
نسر : اي والله تدرس طب
وردة : الله يحفضها.. هنيالها بيك
نسر : ليش؟
باوعتله
وردة : خليني اصير اختك واصير هنيالي بيك
ضحك
نسر : شكد عمرج؟
وردة : عشرين سنة
نسر : يامواليد؟
وردة : شنو طلعلي هوية؟
نسر : هههههههه لا بس فضول اختي اكبر منج مرحلة
ثالثة
وردة : ماعرف حتى الشهر جدة تكول اجيتي بوكت لا بارد ولا حار
هز راسه بأيجابية منتضر جوابي
وردة : ضميري أنبني شلون امشي ويا واضحك واني
اساعد عدوة الذيب المتنكر بزي خروف...
رفعت عيني له
وردة : بس بعدين....
حسيت ضربتني على راسي من ذكرت كلامك ليش
ما اشتغل ضميرة من نام وي هو وصديقتي.
نسر : هسه عجبتيني
نزلت راسي
وردة : اعتذر
نسر : على شنو؟
وردة : تصرفي وياك اليوم بس انت غثيث ماتنجرع
نسر : لا بربج؟
ضحكت
وردة : اي.... يااخي عبالك اشتغل عندك بس تتأمر
لاطلعين لاطولين لاتسوين
نسر : اخاف عليج... يروح يفلت السانج وتخربين
الاول والتالي
وردة : لا.. لاتخاف مايفلت ضابته
نسر : ههههه واضح
وردة : هههههه يعني مرات.. واعتذرت منك على سوء
تصرفي
نسر : ماكو داعي السانج معروف
وردة :شنو قصدك؟
نسر :لا لاتفهمين غلط قصدي ماعندج بريك
وردة :غير دوسون بطني واني بلكوة لازمته
ضحك
نسر :حقج والله..هسه احجيلي لي صار بالتفصيل
وردة : بس بردت خليني ارجع واخابرك
نسر : تعاي بالسيارة
وردة : جايبها؟
نسر : ورا الشجرات وللصراحة اني هم ثلجت البرد
يدك بالعظم..
وردة :خاف واحد يشوفنه
نسر : محد يشوف امشي
مشينا سيارته سودة والدنيا الليل محد يشوف ومكان
بين الشجر صعدت وكدرت اخذ نفس دافي، شغل هوى
حار
بعد ماحجيتله كلشي دار بيني وبين باهر
نسر : ليش خليتيها تكله حامل؟
وردة : لان مامقتنعة بكلامهم يعني شخص فاقد
عقلة بسبب الشرب شلون يركز بموضوع ميخليها
تحبل
نسر : صح وياج بهاي النقطة
وردة : برأيك خيانته مرتبطة بسر؟
نسر : حسب كلامه أي
وردة : متعرف؟
نسر : لا والله لو اعرف احجيلج
وردة : مو تكول من يشرب يحجي كل شي
نسر : اي ايكول جانت تحبني وخطبتها وردتي
وافقت بس الحية قصده رند خربت كل شي هنا
يبقى يسبها ويغلط
وردة : رند؟
نسر : اي دائماً يكول هي خربت حياتنا
لزمت راسي بقوة مقهورة
نسر : شبيج؟
وردة : راسي، راسي راح ينفجر
نسر : خاف سُكر؟
هزيت راسي بنفي
وردة : لا المصايب الي اني بيها اكبر من مصيبة
السكر
نسر : اهدي ولا تعبين نفسج كلشي يبين بالنهاية
وردة : اروح لان تأخرت خاف جدة تستفقدني
نسر : عادي تبقين شوية
وردة : ليش؟
مرر ايده من بين شعره كال
نسر : اريد اسمع منج... شلون خطبج باهر
وردة : اوو سالفة طويلة
نسر : مستعد اسمعها بتفاصيلها
وردة : بس ماعندي وكت هسه اسولفها
نسر : ماعندي شي انتضرج يمتى يصير عندج
وكت
وردة : خلي يصفى عقلي واحجيلك
نسر : اي هم صح
ردت انزل رجعت لفيت نطيته موبايلي
وردة : هاك سجل رقمك
اخذه
نسر : اخليلج رمز؟
وردة : بكيفك
نسر : امم وشكتبلج على رقمي؟
وردة : سمر.. خاف باهر يشوفه
نسر : لا ترا باهر ميعرف رقمي الي اتصل بي عليح
وردة : هااا بكيفك
نسر : خليت رمز قلب ونسر
وردة : اي
هز راسه بأيجابية والموبايل بعده بأيده شفته راح
على الاستوديو شاف صور وحدةوحدة، وأي صورة يشوفها يرفع حواحبه اخرها ضحك ماعرفت اذا
ستهزاء او شي ثاني كال
نسر : حلوين... كلش حلوين
سكتت ماحجيت شي ردت اخذ المبايل بعده ورجع
يشوف طلع الصورة لي حولت عيوني بيها وباهر
بوقتها يضحك
نسر : اشوفج مرتاحه ويا رغم الخيانة! لو ماخاين
شلون!؟
هم ماحجيت لان مااريد احجي ويا واغلط وهو حيل
زودها يعني دخلني بدوامة اني بغنى عنها ونوب يحاسب
على شي موحقه!
نسر : بلعتي السانج ماتحجين
وردة : شكول؟
نسر : ماعاجبني وضعج
برود
وردة : لا يعجبك شسويلك
خزرني عاقد حاجبه
وردة : نطيني المبايل خلي اروح تأخرت
نطاني المبايل ردت انزل لزم ضفيرتي، لفيت صحت
وردة : شبيك تخبلت؟
نسر : انتبهي.. اذا تبقين هيج تتدلعين ويا اكيد
تخربين شغلي
فتحت عيوني وكمت كعدت على كشن واكفشه من
شعره
وردة : يااادلع... ولك نووب!
بعده لازم شعري واني هم كافشته
نسر : نزلي أيدج لااكسرها
رجعت عفطت، شد شعري بقوة اني هم قويت قبضتي
نسر : تعفط ادب سز ...
زمخ بحدية
نسر : نزليييي أيدي ولجج
وردة : ما هد واهد
1 تع
لزم أيدي بايده الثانية فلتها من شعره
صاح
نسر : عرمة له أربيج
وردة : خليني محترمتك
نسر : تحترميني؟ وكل حجاية تعفطين؟ ولج بربوك
وردة : بس هدني هسه أشوفك البربوك شلون
نسر : مو باهر كدامج وتكسرين سيارته
وردة : والله له اطلع دمك
الخنجر ناسيته اخذت طرف الوشاح خليته على ايده
لان تلعب نفسي، وعضيته هو هد شعري وصاح
نسر : نجلبتي!
ماهديته اني صاعده على كشن مسيطرة و منبته
سنوني بأيده واحرك بفجي وهو يصيح
نسر : ولج هديني يمعودة هديتج... هدينيي
... ولج جووريييي يمعودةةة.
سحب أيده بقوة من حلكي هنا فقدت اعصابي توليته
ضرب وتخرمش وهو بس يشكف بايده يصد ضربات
وردة : امك بربوك واختك بربوك يا ماتستحي عبالي
ادمي اعتذرت منك ماتستاهل
نسر : يمعودة بس اهدي واخذي عتذارج مااريدة
جريته من القميص طكت اول دكمة ، هنا رجع لزم راسي
توقفت حركتي بس الهث بلكوة اخذ نفس صدري
يصعد وينزل
نسر : اششش اهدييي
بصوت لاهث
وردة : منو بربوك؟
عض شفته
نسر : أمي..
وردة : عفية شطور اذا تغلط بعد وياي......
قطع كلامي بسحبت راسي قربه له ماجنت متوقعة
فعله طبع بوسه
