رواية ثأر الشيخ مهران الفصل التاسع 9 بقلم حوراء

نارة:-

اليوم راح يجي ادم من الواجب ماصدكت يجي حته اخلص من نور ومشاكلها بهذني الاسبوعين خبلتني مخلت سالفه ماسوتهة هو يصير العصر وعمتي تروح ويه رياحين لبيت صديقتهة حتى تدرس وياهة وهي تتخبل عليه ونوب الطامه الكبرى اتخابر على اختهة نرجس ويجن يكعدن بالصاله وكاضياتهة يبسمرن بيه ولا عبالك كاعدة يمهم كم مرة تصيح عليه نور بال هديه واردهة 

:-ترى عندي اسم وهو نارة تكدرين تصيحيني بيه 

ترد تكول 

:-لا حبيبتي انتي هديه بعد على شنو اصيحلج بأسمج هههههه 

ماسكتتلهة وصحت بيهة 

:-ترى مضل شي ويجي ادم ونعقد اني وياه محكمه واصير بأسمه شرعأ وقانونأ واشوفج شلون تصيحيلي بعد الهديه 

اني حجيت هيج ومااحس اله طكنهة بضحكه اثنينهن وحجت نرجس 

:-وانتي صدقتي راح يعقد عليج محكمه لج بابا اصحي جان يضحك عليج حته ياخذ منج الي يريدة 

نور:-عوفيهة يابه هاي رب الغباء هي وين وحبيبي ادم وين من كل عقلهة ابن العز والجاه يعقد على بت الفكر 

نارة:-احترمي نفسج احنه صح ناس فقرة بس عينه شبعانه ومن شوكت صار الفقر عيب هاا 

نور:- اهوو هسة راح تبدي بمحاضرات الفقر مو عيب انعديتي من عمتج ترفه  لان اربعه وعشرين ساعه كاعدة يمهة 

نرجس:- لواكه زايدة منهة  

:-سكتت ماجاوبتهن لان هيج نماذج ميفيد وياهم الحجي عفتهن وصعدت وهيج مرن الايام على نفس الاسطوانه مالتهن 

:-قاطع صفنتي دخول رياحين للمطبخ 

رياحين:- وين صافن الحلو 

:-افكر بوضعي 

:-اهاا وبخصوص شنو يعني 

:-يعني بكلام نرجس ونور وسوالفهن وصدكك عود نور ليش عايشه هنا الي اعرفه امهة موجودة واخوانهة هم شعجب قابلين تعيش وياكم وبيتكم بيه زلم يعني معقول ميخافون على اختهم ولا تكولين يوثقون ترى الشيطان شاطر 

:-باعي هي من ناحيه الشيطان شاطر والله رب الشطارة بس مايوصل نقطه ببحر شطارة بت خالتي اما ليش عايشه يمنه ترى هي كل فترة تروح يومين يم امهة وترجع يمنه شهرين عبالك راح زيارة لبيت امهة ام اخوانهة لا عدهم غيرة ولا خوف على اختهم لاهين ويه نسوانهم 

                                  

              

                    

:- صدكك تحجين 

:-اي والله 

:-لج محمود لبيت عمي ساعتين اروح واجي وياه وميخليني ابات يمهم 

:- لج حته مهران هيج ميقبل وادم كم مرة حجه ويه امي حته تخابر خالتي يجون ياخذونهة بس الاخت لازكه هنا 

:-علمود شنو باقيه هنا؟؟ 

:-اكلج بس مو تضوجين مني 

:-ليش اني شعليه بالموضوع حته اضوج 

:-مو حبي هية باقيه علمود رجلج 

:-علمود ادم؟؟ 

:-اي 

:- وليش يعني شتسوي 

:-لج حيوانه تحبه لادم وتريدة علمود هيج لازكه هنا 

:- حاولت ماابين الهة اني اعرف 

:- صدكك؟ زين ادم هم يحبهة؟ 

:-شوف هاي شبيج بابا اكلج هو يطب ويطلع يحاجي امي حته ترجعهة لبيت امهة بس هي لازكه بيه 

:-يعني هو ماواعدهة 

:-ابدد لج كم مرة يحجيهة كدامنه يكللهة اني مثل اخوج الجبير وهي مطي متفتهم 

:-اذا هو ميريدهة هي المن كاتله روحهة عليه تدرين عبالي هو هم يحبهة وواعدهة بالزواج علمود هيج ضاله هنا 

:-ابدد والله  دائما يرفضهة بس هي الاخت بدون كرامه 

:-عوفج منهة هسة كومي خلينه نخلص الاكل مضل شي ويجون الخطار 

:-هم صح تدرين شوي ويجي ادم هم 

:- اي من خابر كال ساعتين واوصل 

:-امم صايره اتصالات وكذا  

:-ههههه ترى حجه وياج هم مو بس وياي 

:-اعرفف اعرف جاي اشاقه وياج 

ام مهران:- وينج ريحانههه تعايي 

رياحين:-اجيت اجيت، اروح اشوفهة واجي 

نارة:-اوكك حبيبتي 

:-راحت رياحين تشوف عمه واني ضليت اغسل بالخضروات حته اسوي زلاطه لان خلصت الاكل وبقى بس الزلاطه والخضرة والفواكه اشتغل ودخلت عليه نور تذب سمهة عليه 

نور:- شلون ناس ماعدهة كرامه ولو ليش احجي عليج انتي اصلا مكانج بالمطبخ وياريت تتعودين عليه لان بس يجي ادومتي اخليه يطردج من الغرفه وتنزلين تنامين بالمطبخ هههههه

            

              

                    

نارة:-شمرت السجينه من ايدي بعصبيه وصحت بيهة 

:-اكول انتي ليش ماتولين من يمي مو تكرهيني شكو لازكه يمي اربعه وعشرين ساعه وبعدين ماكافي مامليتي وانتي تعيدين بهذا الحجي وياريت ادم شايفج او رايدج انتي الي لازكه بيه 

اني كلت هيج ومااحس اله اجت عليه ركض ولزمتني من ركبتي تخنك بيه وتعيط 

:-كله من وراج يا كلبه اني جنت مخططه لزواجنه بس انتي الفگر اجيتي وخربتيه علية والله اله اموتج 

:-تحجي وتضغط على ركبتي بكل قوتهة النفس صرت اشهكة شهك مااكدر اتنفس كلت هاي هية راح اموت واني على هاي حالتي مااشوف اله نور انرفعت ونشمرت ليغاد واني بعد مااكدر اوكف على رجليه وكعت بالكاع مااعرف منين اجه ادم ونقذني منهة حاطه ايدي على ركبتي واجر بالهوة بالكوة وهو يمشي ايدة على طول ظهري من بدايته لنهاية ظهري  

ادم:- خلصنه الواجب ورجعنه وعلى طريقي وصلت فهد لبيتهم واني كملت لبيتنه فتحو الباب الحرس ودخلت السيارة واخذت جنطتي وونزلت امشي وصلت لباب المطبخ واسمع صوت عياط فتحت الباب وشفت نور تخنگ بنارة ونارة وجهة احمر وبلكوة تجر النفس على السريع ركضت الهة ووخرت نور منهة مجرد ما وخرت نور تكومت بالكاع بلكوة تجر النفس نزلت لمستواها وكمت امسد على ظهرهة حته تهدأ وحاولت احجي وياهة 

ادم:- اتنفسي بويه تنفسي علكيفج اخذي هوة من خشمج وطلعيه من حلكج يلا بويه اي عفيه عليج ريحانه وينججج 

رياحين:-جنت كاعدة بغرفتي وسمعت صوت ادم يصيح عليه نزلت بسرعه اركض ماشايفه كدامي وصلت للمطبخ واتفاجأت بالي شفته نارة واكعه بالكاع وتتنفس بصعوبه وادم يمهة ونور واكفه بالزاويه تباوع عليهم بحقد بعدني اريد احجي مااحس اله ادم صرخ عليه 

ادم:-شبيج واكفه متشوفين حالته جيبي مي بسرعه 

رياحين:-ايي ايي راح اجيب رحت ترست كلاص مي من الدولكه الموجودة على السنك وانطيتهة اله حته يشربهة 

ادم:-هاج بويه اشربي مي 

نارة:-اخذته من ايده بأيدين يرعشن مكدرت اسيطر عليه وراد يوكع مني بس هوة جان اسرع مني ولزمه وشربني شوي منه 

ادم:-تردين بعد 

هزيت راسي بنفي وحجيت بصعوبه:-م ا ر ي د.. 

رياحين ساعدي نارة وصعديهة فوگ 

رياحين:-حاضر خويه  تعاي نارة 

ادم:-امي والشيخ وين؟؟ 

رياحين:-امي جاي تقرة قرأن بغرفتهة والشيخ بغرفه المكتب 

:-خوش يلا صعديهة بس على كيفج وياهة 

:-تمام 

طلعت نارة ورياحين من المطبخ واني توجهت لهاي الحيوانه الواكفه بالزاويه وصحت بوجهة 

            

              

                    

:-شلون تمدين ايدج على مرتييي هااا؟؟ 

:-تستاهل اكثر من هذا الشي هي اخذتك مني 

حطيت ايدي على صدرة وكملت

:-خربت مخططاتنه وكلشي راسمينه سوة 

ادم:-نترت ايدهة من صدري وصحت بيهة لاتخليني امد ايدي عليج واطيح حضج خوشش من شوكت اني مخطط وياج هاا لج مو كل مرة يفتحون بيهة الموضوع اكول انتي اختي ربيتي ويه رياحين مستحيل اتزوجج شوكتت تفهمين هذا الكلام هااا 

نور بصياح:-مستحيل افهم هذا الشي انته الي وبس خوشش 

:-باعي لج صوتج نصي لا اكص السانج الج وحق علي اذا مرة ثانيه سمعتج او شفتج واصله لنارة او امأذيتهة اله اطيح حضج مفهوم 

:-منو هي وادافع عليهة كلهة خلگ هديه بلا كرامه 

:-اويي عيني لعد انتي شنو تخرخرين كرامه لميهة لا يطيح واحد بيهة 

:-خوش يا ادم نتواجه 

عفته ومشيت واني افكر شلون راح اكرهة بيهة 

ادم:-دخلت لغرفه امي هي تصير بعيدة عن المطبخ لذلك كلشي متسمع وفاتحه التلفزيون على القرأن يعني لو ميته نارة لاسامح الله بيد نور محد يدري 

:-من شافتني صدقت وكالت 

:-هلا يمه هلا بيك الحمدلله على سلامتك يمه شوكت اجيت؟؟ 

بست ايدهة وراسهة:-هلا بيج حبيبتي الله يسلمج قبل شويه وصلت 

:-ماسمعتلك صوت يمه 

:-يمه مو بس صوتي ما سمعتيه حتة صوت مرتي ماسمعتيه 

:-ياا شبيهة نارة تصيح علي؟؟ 

:-يمه نارة لو ما واصل بالوگت المناسب چان هسة احنه نبجي عليهة 

:-اسم الله يمه شكو شصاير 

:-يمه طبيت وشفت.......... وسولفتلهة كلشي 

الحجيه ترفه ضربت صدرهة وكالت:-صخام الصخم وجهج نويرة الزركه وشلون صارت مريتك هسة؟؟ 

:-ماادري اجيت اسلم عليج واصعد اشوفهة 

:-اي يمه يلا روح بسرعه شوفهة اني لو بيه حيل جان صعدت الهة 

:-مايحتاج يمه تصعدين بس حاجي خالتي برحمه امج وابوج خلي تجي تاخذ بتهة من يمنه ترة مو حاله هاي 

:-حاضر يمه هسة اخابرهة واحاجيهة 

:-هزيت راسي بالوافقه وطلعت ويه طلعتي صارت رياحين بوجهي واكفه يم الباب قبل لا احجي بسرعه كالت 

رياحين:-اريد احاجيك

ادم جتفت ايديه:- كولي اسمعج 

رياحين:-تعال لغرفتي الموضوع مينحجي بيه هنا 

            

              

                    

:-رحت وياهة للغرفه ومنتظر منهة تحجي

ادم:-مطوله بصفنتج؟ 

رياحين:-باع ادم ترة هاي مو اول مرة نور تأذي نارة 

حجيت بصدمه:-شنو قصدج؟؟ 

رياحين:-قصدي هم اذته بصباحيه عرسكم وبدت الچاي على رجلهة وحركتهة بمنطقه الفخذ مالتهة 

:-تحجين صدك انتي؟؟ 

:-والله صدكك اذا مامتصدگ بيه اتأكد بنفسك 

:-عفتهة وطلعت صعدت للغرفه شفتهة واكفه على المرايا وتباوع على ركبتهة بدون مقدمات سحبتهة لحضني وشميت نفس قوي من شعرهة كل شوي اشد على الحضن  شايف من تحب شي وتخاف تخسرة هيج بودگ اتحطه بضلوعك نارة نفس الشي ابودي اضمهة بضلوعي ومااخلي احد يوصللهة فكرة ان اليوم چان من الممكن اخسرهة تطير عقلي من راسي حجيت بهمس واني اشم بريحتهة

:-طيرتي عقلي شايفه لو صاير بيج شي اليوم چان حرگت البيت على نور 

:-من حضني ضليت جامدة بمكاني مااكدر اتحرك حسيت ضلوعي راح يتكسرن هلكد ضاغط عليهن عبالك شويه ويدخلني بصدرة حاولت ابتعد عنه واني اكول 

:-مابيه شي انت لحگت عليه 

بعدني عن حضنه ورجع شعري وره اذني وباسني من كصتي وضل فترة حاط شفته عليهة رجفه سرت بكل جسمي من الحركه الي سواهة ابتعد عني وحط كصته على كصتي وكال 

:-دايملج ضهر كدام الكل بس الي اريده منج تتعلمين تدافعين على نفسج اذا ماجنت موجود تمام 

:-هزيت راسي موافقه لكلامه 

:- اذتج بعد؟؟ 

:-هاا لاا 

:-نارو اكثر شي اكرهة الجذب دير بالج تجذبين عليه تخسريني والله 

:-هاا ايي هذاك اليوم حرگتني 

:-وين 

اشرت على مكان الحرگ من فوك الثوب:-هنا 

مد ايدة على الثوب ويريد يرفعه 

:-ادم شجاي تسوي احجي وعيوني متروسه دموع 

:-اشش بس اشوفه مااسوي شي 

:-وخرت ايدي وهو نزل لمستوى رجلي ورفع الثوب ومشه ايدة على طول الحرگ وهو يكول 

:-ريت الوجع بيه ولا بيج 

:-ماعرفت شنو الي لازم اسوي بس ضليت ابجي مااحس اله وباسني من مكان الحرگ بحركه سريعه رجعت ليورة واني اكول 

:-مابيهة شي عمه جابتلي عصارات وحطيتهن وطابت رجلي 

:-ليش من خابرتج ما حاجيتيني 

:-ماكو داعي للمشاكل 

:-ديري بالج نارة تتركين حقج وتتساهلين ويه الي اذاج لان راح يحس بيج ضعيفه ويتمادى اكثر الي يضربج رجعيله الضربة اضعاف حته بعد ميوصل الج مفهوم 

:-هزيت راسي بأيجاب 

:-نارو سمعيني صوتج بطلي هاي العادة مال هزة الراس 

:-مفهوم راح اسوي مثل مكلت بس شلون اذا عمه ضاجت مني؟ 

:-لاتخافين عمتج هي تريدج تصيرين قويه وادافعين عن نفسج حته اكثر مني لان الناس تاكل الشخص الضعيف 

:-بس اني مو ضعيفه 

:-كجسم لا ابد بس كشخصيه اي مو ضعف انما فقيرة مو وكحه 

:-يعني لازم اصير وكحه حته يكولون عليه قويه 

:-ابدد بعمرهة الوكاحه ماصارت قوه تكونين وكحه لمن انتي صاحبه حق مو غلطانه وتتعاركين ولسانج طوله مترتين 

:-اني غلطانه ومو غلطانه مااحجي 

:-غلط بويه ياكلونج هيج الناس تعلمي شوكت تردين وشوكت تسكتين حته الناس تهابج وتحسبلج حساب خوشش

:-اوكي تمام 

:-هسة تعاي حضريلي ملابس اريد اسبح 

:-اوك 

:-دخلت سبحت وكملت صحت عليهة حته تنطيني الملابس اخذتهن منهة ولبستهن وطلعت شفتهة تريد تنزل 

:-وين؟؟ 

:-انزل اساعد رياحين بصب الغدة للخطار 

:-تعاي ماكو داعي هي ونور يصبن الاكل انتي تعاي يم رجلج جاي من الدوام تعبان تعوفي وتنزلين يصير هيج؟؟ 

:-شسوي؟ 

:-تعاي نامي يمي 

بصدمه:-شنو شجاي تكول 

:-تعاي شبيج راح تموتين بس احضنج مااسوي شي وين راح تفكيرج 

:-ها لا لازم اروح اساعد البنات 

:-باعي اذا طلعتي من باب الغرفه يصير غير حجي هاا شكلتي؟؟ 

:-سديت الباب وتوجهت للجربايه تمدد هو وفتحلي ايدي بمعنى تعاي نامي هنا 

اجيت يمه سحب الحجاب وشمرة بالكاع وحط وجهة بركبتي 

:-ادم لا عفيه 

:-اشش ممسوي شي بس اشبع من ريحتج 

سحب نفس بحسرة وهو يكول:-مو ريحه ترد الروح ضل على هاي الوضعيه لحد ما حسيت بانفاسه ثكلت عرفت بيه نام حاولت اسحب روحي منه بس مكدرت مشدد لزمته عليه مكدرت اتحرك 

محسيت بروحي شلون نمت