رواية لست غجرية كامله جميع الفصول بقلم روز الحيدر
يقولون إن بعض الأخطاء تدفع ثمنها فورًا…
لكن أخطاء أخرى تنتظر سنوات حتى تعود إليك.
وأنا…
كنت غبية كفاية حتى أظن أن الماضي انتهى.
لم أعرف أن هناك شخصًا
يقف في مكان ما…
ينتظر اللحظة المناسبة فقط.
اللحظة التي أقع فيها بين يديه.
لم أعرف أن هناك رجالًا
لا ينسون.ولا يسامحون.
ولا يتركون فريستهم…
حتى لو اضطروا للانتظار سنين.
وهو…كان واحدًا منهم.
...................
نزعت صدرية الشغل وعلگتها، رتبت شعري المبعثر بسرعة، أخذت الجنطة بيدي وطلعت.
ألف سؤال يدور براسي.
ليش دز عليّ؟
معقولة شافني مقصرة بشغلي؟
ليش بس أني؟
كل البنات استلمن رواتبهم… ليش أني لا؟
وگفت متوترة كدام باب المكتب. دكيت الباب بخفة، وحطيت إيدي على المقبض.
فتحت الباب، ابتسمت بتوتر.
وردة: مرحبا أستاذ.
هز راسه بإيجابية، وعيونه بعدهم على الورقة الكدامه.
بلعت ريكي.
وردة: طلبتني؟
بصوت ثابت رد:
— دخلي وسدي الباب.
سديت الباب ودخلت. قربت خطوة من طاولة المكتب. أشر بيده على الكرسي.
— اكعدي.
ابتسمت بخفة.
وردة: شكراً… هيج مرتاحة.
سكت.
وأني واكفة، أنتظر أعرف ليش صاحني.
تنهد، ورفع عينه بعيني. مد إيده وضرف بين أصابعه.
أخذته مبتسمة.
وردة: شكراً جزيلاً.
رفع حاجبه وهو يتأملني.
— شنو؟ طالعة؟
وردة: إي، خلص وقتي قبل نص ساعة... بس بقيت
أكمل اللي بإيدي، وهسه طالعة.
هز راسه بإيجابية.
رجع ظهره على الكرسي… وعينه ما فاركت وجهي.
ثواني صمت
بعدين كال كلمتين حسيت بيهم السقف وكع على راسي.
— شكد الليلة؟
ابتسم ونهض من الكرسي.
رفع حاجبه مرة ثانية… وردد نفس الكلمات ببطء، وعينه بعيني.
— شكد… الليلة؟
گلبي صار يدك بسرعة مجنونة... رجعت ذاكرتي بكل الي عشته، حطيت إيدي على صدري، احاول اطمن نفسي،بس شطمن!
حسيت الغرفة دور بية
سندت نفسي على الكرسي… خفت أطيح من طولي.
اقترب خطوة كال بحدية و صوت واثق
— أطلبي اللي ترديه… حتى لو كان مبلغ خيالي. بس حددي السعر.
شديت نفسي ورفعت عيوني بوجهه.
وردة: اسأل أختك… أمك هي تحدد السعر.
لفيت حتى أطلع… وأني أسب الساعة اللي دخلت بيها لهالمكتب... بس كلامه ستوقفني......
#المشهد الثاني
توقفت.وعيوني اتوسعت فجأة.
شفته…واكف بطوله كدامي.
أريد ألف وأهرب، بس احس جدمي ثگل ماكدرت
اخطي خطوة، بس لساني انعقد. رفع عينه عليّ وكال بهدوء مخيف:
— تتوقعين تخلصين مني بهالسهولة؟
أنه صبرت سنين.
— شـ..شلون طلعت؟
عيونه جانت مثل الجمر.
يحاول يبين هادئ… بس أني أعرفه.
وأعرف الابتسامة اللي يضم بيها غضبه.
كال:
— خايفة؟
هزيت راسي بنفي…
مع أن الخوف ياكلني أكل.
درت عيوني بالمكان يمكن أحد يشوفنا.
ماكو أحد.بس لمحت بين الأشجار ظل
يتحرك بسرعة… اختفى .
مو هو… متأكدة.
لفيت راسي وعدلت شعري حتى أشوف منو.
قبل لا أستوعب لي شفته صاح
— باعيلي.
بسرعة اتقيدت …وإيد انحطت على خشمي وحلكي.
حاولت ما أتنفس، كطعت نفسي… صرت أقاوم، بعد
ثواني...
حتى أوهمه إن المخدر بلش مفعوله
رخيت جسمي كله.وگلبت عيوني وغمضتها مثلت
الأغماء،... أيده بعدت شوي.
حسيت بيدين تسندني…
وقبل ما أفقد التوازن، انحضنت بقوة.
عرفته هو عطره… أعرفه من بين ألف شخص...
دفن وجهه بشعري وهمس:
— إنتِ جبرتيني.
جاني صوت ثاني بسرعة
— يلا بسرعة قبل ما يجي.
انشلت بين إيديه.
وقتها… فعلاً بلشت أحس بدوخة خفيفة من أثر
المخدر، سمعت باب السيارة ينفتح
نومني بالمقعد الخلفي، وسد الباب بسرعة.
ركبوا…سمعت صوت السيارة ترحكت شخطت
الكاع..
كنت أسمعهم يحجون… بس صوتهم صار بعيد.
المخدر بدأ يثگل حواسي، حتى جفوني، صارت ثگيلة.
♡ــــــــــــــــــــــــــــــــــــــــــــــــــــــــــــــــــــــــــــ♡
نبدي البارت الاول بسم رب البدايات 😊💞
في تاريخ
14/3/2026
٢٤/رمضان
كل خطوة اخطيها ترن وتهتز الارض تحتي
اعشق صوت خلخالي وسلسال خصري لي
يررررن كأنه جرس انذار يبلغ بقدومي...
شافتني ضحكت
سمر : رنة حجولج توصل گبلج
ضحكت واني لازمة كركوشة تكون بسلسال خصري
افر بيها
سمر :جاهزة؟
:دائماً
سمر :هههه يله
وكفنا گبال باب خشب خلفه يكون الحضير فتحت
سمر بأيدها جرس ترن طلعو الاغنام بشكل منظم
وهي لازالت ترن لحد ما طلعو كلهم خلف السكن
اكو مساحات خضرة نخلي الغنم شوية يرعى وياكل
ويغير جو خطيه هم يختنك! كعدنا اني وسمر تحت شجرة جوز صارت تاخذ خشب ستغربت
: شبيج سمره!
سمر : ولج جوري هذا من هو اخضر يصير ديرم
يخبل
هزيت راسي وعفتها لزمت عود من الكاع صرت ارسم
بلا وعي مني رسمت دائرة راس وجسم شخصين وطفلة
بنصهم لازمين ايدها وتضحك وخلفهم بيت مثلث طالعه
منه مدخنه وخلفه شجرة وخليتهم بدائرة بقيت صافنه
بيهم
1 تع
ماحس له اقدام سمر صارت فوكها خربت الرسم
ضربتها بخفه بعدت ذبيت لعود من ايدي
سمر : شبيج، مو ع بعضج؟
سحبت نفس،بس هي عرفت
سمر : شاردة منه؟
هزيت راسي ب لا ونهضت اخذت حمل صغير
حديث لولادة لعب ويا اجت
سمر : حبوبة ماقتنعت تجين ويانه؟
امسد على ضهر الحمل رديت
: اذا بيها حيل نجي
سمر : هااا راح تجي خاله الليلة وخليها تقرالج
كفج.
: اذا قبلت حبوبتي
كامت تجيب لغنم لبتعد، عيني راحت على رسمه
شوية وصاحت
سمر : جيبيهن راحو لغاد
نهضت اصيح الغنم ثواني ماحس له صيح لفيت
اجت مهروله وهي تصيح:
سمر : ولج بركووو!
1 تع
لويت وجهي وأشوف فسيفس ذاك الديج البطران
نافش ريشه يركض ويضرب رجله بالأرض كأنه
يكول: وينها لبست احمر
ركضت أكثر، الخلخال يصيح الفسيفس يصيح
وسمر تصيح…
وكفت أخيراً سحبت نفس سمر ختلت وراي ترتجف
قرب علينا الفسيفس بخطوات ثكيلة كأنه زعيم
عصابة.
: خليها عليه… هسه أفهمه منو جوري
رفع جناحه يريد يجفتنا واني رفعت تنورتي صرخت
وكفخته كفخه طيرته بالهوا مثل الطوبه وخلخالي
طار ويا
صرخت بانتصار
: كوووووووووول!
سمر لاهثة
: ولج ورد…لايموت ونبتلي
ضحكت گتلها
:زين المهم خليناه يحترم نفسه ويتعلم مايلعب ويه الغجرية!
رحت افتش خلخالي وسمر من الخوف ساعه تضحك
ساعه تصيح اخذته رجعنا كعدنا تحت شجرة الجوز نضحك عالموقف لبست لخلخال شويه واجه سرحان
يكون اخو سمر يكمل رعي الغنم قريب الغروب يله
يرجع
رجعنا كعدنا سولفنه الموقف للبنـات والضـحك
زاد، بعدها طلعت راجعة للبيت
هنا احنه قريه كم بيت
بين الجبال قرية منسية بعيده عن عيون الناس
شبه منقطعه عن العالم الاخر... اذكر اجينا ليجاي
عمري بحدود عشر سنوات او اقل مو اكثـر احنه
الرحاله ستقرينا لان شفنا كل شي نريده متـوفر
من شغل ومن ارض مانختلط بغريب له للضرورة
او هم عدهم شغل محد يطلـع حـدود هل قــرية
له لشغل، غير كلام الي نسمعه من الناس.
واحنه فقط عشيرة مايقارب عشرين بيت يعني
محدودين كلش..
أثناء رجوعي سمعت صوته يردد
: وخلخاله يلالي بساكه شفته انه وجفلني البرق
ثاري عيونه البراگه
مالتفت كملت طريقي بهدوء عدا رن الخلخال
فتحت الباب دخلت جدة عدها كم راس غنم
تسلي نفسها بيهن، جانت تنطيهن أكل قربت
حبيت راسها
:حبوبتي تعبتي خلي منج اني اكمل
مارديت صاخ
: طرميتي مو احجي وياج؟
الجدة
:سمر دزت عليها
بعصبية
: من تمشين لا تتمايلي وهل خراخيش نزعيهن.
ضحكت باوعت له بنبرة استهزاء رديت
: انزعهن وألبسك!
3 ت
صاح بغضب
: أحجي عدل لا أكسر راسج
بدون مالتفت بس كلبت عيوني له
: كم راس كاسر قبل؟
1 تع
جدة باوعتله وضحكت، هز راسه يتوعد
: والله له اندمج واول راس اكسرة راسج
اذكرج
راد يطلع رديت برود
: اي اذا ماعندك طبر گلي اجيبلك؟
لف وهو يبتسم بخبث
: لا عندي لطبر لي يكسر عينج.
1 تع
الجدة
: بس عوفهااا بحالها
قرب وعيونه تترجه
: جدة مااعوفها جوري ألي تعرفين شكد احبها
سحبت نفس قوي ردت
: لا تاخذ گلب مايهواك
1 تع
بعين غضب وتحدي رد
: تهواني مو اليوم؟ باجر مستعد انتظرها العمر
كله
: وردة، بس كولي ليش ماترديني؟ اني اعرفج
لو مااعرفج جان گلت تعشك بس اعرف گلبج
خالي
بتسمت
: ودام تعرفني وأكيد تعرف گلبي خالي ليش
بعدك مجلب بذيالي؟
1 ت
الجدة : عوف وردة بحالها لا تزعجها خليها
عالراحتها
نهض صاح
باهر : احبها، احبها كلها تعرف اني احب ورده ليش
هيج تعذبيني!
جدة: باهر انت مو طفل تعرف ورده مريضه شلون
تتقربلها!؟
بتردد
باهر : تتعود
تركت من ايدها رفعت عينها له
الجدة: اكلك مريضةةةة تكلي تتعود؟ مرض مرض
افهم.
1 تع
عفته ونهضت لغرفتي نزعت الوشاح وذبت نفسي
على فراشي صفنت بالفراغ وكلام القذر يرن براسي
سحبت الخنجر من خصري فتحت كرابه وامرر ايدي
على حافة الخنجر ملسه حادة جرحة اصبعي جرح
بسيط طلعت قطرة اخذت الدم شربته
ضحكت وبللت شفتي
: مو دم عسل عسل سبحان الخالقني.
3 تع
سمعت الباب نركع عرفته نگلع من البيت دقايق
اجت
ضحكت كمت ضميت الخنجر تحت الوسادة
ورده : عيون جوري
الجدة : حيرني هل ولد ساعة اشوف يحبج وبس
يريد رضاج وساعة عفريت
تنهدت
: اعرف بس يجدة تعرفين سبب رفضي له! وغيرها
ترضين اخذلي واحد قذر وحلكه خايس من التتن
والخمر؟
: ياجدة اني مادايمتلج وتعرفين محد يكدر يدنالج
وباهر متقبلج ومتقبل مرضج
: الله الدايم وانه فكرة الارتباط رافضتها رفض قطعي
لا باهر ولا غيره والسبب كلكم تعرفو وخاصه انتِ
حتى لو يتقبلني جدة مو بأيدي مااكدر اتقبل
طلعت، وانه نهضت رتبت الغرفة طبعاً هذا البيت
نسكنه انه وجده بس ونام بنفس الغرفة رغم اكو
غرف فارغة بس انه اخاف ماانام وحدي ابد من
صغري جانت تنيمني يمها وتعودت نتغطى نفس
الغطه بس اخر فتره طردتني من الحاف
تكلي: تسحبي و اليل كله عضامي تتراجف
بس فراشنا سوه ومرات ازاغل وانام بحضنها انه
ماعندي غيرها حبوبتي وروحي وسعادتي بهاي
الدنيا
كملت تعزيل بعدها طلعت سويت أكل بين اني
وجدة محد يصرف علينا وجدة ماعدها عيال غير
بس ابوي تكول ابوج الله يرحمه
من تزوج أمج عدها محلات
واني كل شهر اروح اجمع وارد المحلات انه ماعرف
شنو من محلات ولاشنو شغلهن بس تكول يجي يوم
وادليج عليهن هي فعلاً كل شهر تروح وترجع محمله
انواع الملابس والاكل وتنطيني مصروفي وتضم لي
يبقى ماخلتني احتاج شي ابد..
كملت طبخ صبيت واخذته كعدنا ناكل
جدة : نكمل غده ونروح انه وياج لبيت سهام
: صار...اا... حبوبتي
رفعت عينها
جدة : ها شعندج؟
عدلت كعدتي واني ابتسم
: يعني البنات راح يروحـ......
قبل مااكمل كلامي سكتتني
جدة : شلون بيج جوري شلون؟ كبر راسج وصايره
تعاندين ماعرفت اربيج!
نزلت راسي اعبث بطرف تنورتي
جدة : من اكول كلمة تكولين صار كلت ماكو روحه
يعني ماكو
: بس جدة أني احب الركص وهل عرض مايتفوت
مهم اريد لكل تشوفني
جدة : مقصره وياج؟
هزيت راسي بنفي
جدة : مخليتج محتاجه شي؟
هزيت راسي بنفي
: لا أبد لي اطلبه ولمااطلبة تجيبي
جدة : اسمعي جوري هل شي اول مرة تسمعي
من الساني
رفعت عيني ألها
جدة : ابوج الله يرحمه كال مااريدها تستعرض
وهاي امانه يمج ورغم عنادج وكبر راسج من
صغرج تعلمتي الهجع وماكدرت امنعج بس مال
ترحين تشاركين وتستعرضين بمهرجانات ماقبلها
ولا ابوج يقبلها
هزيت راسي
: صار جدة
بنفسي اروح هذا مهرجان ثقافي بس بغير محافظة
سهام وسمر يروحن وبنات سلطانة هم مشاركات له
اني جده ماقبلت، ماحجيت شي كملت اگلي
جدة : شو ماراضية؟
: لا راضيه هاي هيَ صار
بعد الغدا طلعنا اول ما وصلنا نطيتها الملابس
واشوف البنات ملتمات
جوري : شكو؟
سوو مكان كعدتني كبالها مرأة متوسطه وجهه كل
دك لون اخضر حنجها جبينها اديها كلها مدكدكه
سلمت عليها ردت، باوعت بعيوني وسحبت كف
ايدي تتمعن النظر ردت
: طريقج طويل ومليان اشواك بعدج مابديتي
بلعت ريگي بتسمت
جوري: شنو من طريق؟
القارئة
: شايفة نزيف... دم وجع.
شايفة رجلين تركض وجلب يتبعهم.
ضحكت
ورده : هذا الجلب باهر
سمعت البنات يتهامسن وكل وحدة ترد .
: ماكو غير باهر
سهام : يعني غير باهر؟
تجاهلت سؤال سهام انحنت أكثر صارت عيونها
گبال كفي صارت تهمس
القارئة
: حياتج تتغير وكل لي عشتي هو كابوس وتصحين
منه
قبل ماابتسم
القارئة
: بس أكو شي يخوف أكو علامة بخط حياتج هذي
هاي!
دگت بصوت ظفرها على خط صغير متعرج
: هذي تخوف… هذي تكول إنه يوم من الأيام
ياحوري انت راح تكسرين شي أكبر من گلب
راح تكسرين قدر!
رفعت رأسها بسرعة كأن السؤال صدمها.
القارئة: لا…راح تشوفين المكتوب بالحرف الواحد
سهام :ماكلتي منو يفوز بگلبها ؟
: ما اگدر أگول بس الطريق إلج مو سهل گلبج قافلة والمفتاح؟ بقاع البحر الاسود
ضحكت ضحكة خفيفة
جوري :صدگتي كملي… خل نسمع بعد.
هزت راسها لا.
القارئة: : ما أكدر… نهايتج متغيرة مصيرچ مربوط
باثنين واحد منهم شر وواحد ماعرف له اسم
بس أعرف شي واحد راح تكتشفين اسرار وحقائق
تغير حياتج
القارئة : ترفة انت مثل الورد وجارحه مثل شوكه
ضحكت مامهتمه
بعدها كملت قراءة كف للبنات بس مارفعــت
عينها عني خاص من اتحرك ويرن الخلخـــال
تبتسم ابادلها ببتسامه... بدت سهام والبنات
يتجهزون واني كحلت عيوني بالاثمد واتحسر
سهام : ماقبلت؟
: لو قبلت تشوفين ماده بوزي شبرين؟
سهام : هههههههه يله لعد نزلي للجرجوخ دربي
: لا عوفيني شنو الفائدة ادرب ومااروح!
سمر : كليلها مااشارك بس اتفرج
: ماتقبل ابد قفلت حتى مالح كالت ابوج وصاني
واني متأكده جذب عليّ.
اجو صاحولهم طلعن وحجولهن ترن واني اطرب
على صوتهن طلعنا وياهن راحن للجرجوخ ساحة
بيها بيت لتدريب رگص وكفنا وجدة لازمتني خاف
اطير منها من اسمع الدف جسمي وحده يصير
يتمايل لا أرادياً
أني ولا مره نازله وراكصه وسط حظور غير بس
بينا اويه البنات بينه نتسابق،او بالاعراس نكسـر
الجو، طلعنا اني وجدة
ولازمه كركوشه لي نازله من حزام خصري اهـز
بيها شفت باهر اجه بسيارته
مارديت اخذت جدة ومشيت صاح
باهر : العناد يمشي بدمج مو كتلج لا تلبسيهن
: جوز منها جدة
كملت طريقي وهو يمشي
ورده : لا تغشم نفسك وتعرفني اعشك رنتهن
حاول يقرب خطوة بتجاهي بتعدت رد بعصبي
باهر : وردة فهميني شسوي؟
: تزوج وعوفني لا اني اصلح اكون زوجه ولا انتَ
باهر : لا مستعد اصبر عليج بس لاترفضين كولي
اصبر دهر كامل
هز راسه بأيجابية يردد
باهر : راح اكسر كل شي واخليج انت نفسج
طلبين رضاي
سحبت نفسي مشيت والخلخال يرن براسه
بقى واكف جدة طبطبت على ايدي
الجدة : لا تزعلين حبوبه،
: ما زعلت بس خايفه جدة تعرفيني مااتحمل
يمكن اموت وماعرف شنو ممكن يسوي لخبل
: اسسس اسم الله جدة شنو هل كلام، باهر يحبج
سكتت وصلنا البيت شغلت الدفاية وكعدنا نسلس
بزر جدة ماعدها سنون اني انضفه من الكشور
وانطيها تضل تلوج بيهن نضحك سوه، اكلها جدة
مامجبورة بعدها شوية ورحنا لغرفتنه نمت وهي
تمسد بشعري اخذت ايدها ابوسها
: جدددةة
الجدة :ها.
: فدو احجيلي عن امي؟
توقفت حركتها وصفنت بوجهي كل مااسالها عنها
نفس ردت الفعل اشوفها من سنين بوجها ونفس
الكلمة تردها
: تشبهج.
: لا حبابة سولفيلي شكلها شعرها تصرفاتها؟
: انتي نسخه منها حتى طولج وشعرج المجعد
هزت راسها
: اي ابوج هدالها خلاخيل ومثلج ماتنزعهن تطرم
راسنه بيهم
بتسمت وعيوني نملت دموع رديت بغصه
: هم شافتني؟ شربتني من حليبها؟ هم بوستني؟
سكتت وكأنها تذكر
: اي، يله جدة نامي
: شنو اي؟
: نامي
: زين اخر سؤال حبوبه، بعد وفاتها بشكد ابوي توفه؟
كل لي اعرفه ابوي توفه بعد أمي بس بشكد وشلون
ماعرف، لفت وجهه عني كالت
: عمرج سنه وابوج مات
: وامي بيوم ماولدتني ماتت!
: اي كافي جدة لاتفتحين جروحي اني گلبي خلصان
: ماعندج صورهم؟ امنيتي اشوفهم.
سحبت نفس بحسرة
: لا جانن موجودات بس من انتقلنا لهنا ضاعن
سكتت ماحجيت شي واني حسرة بگلبي ضلت
شوفتهم ولا حتى صورة ألهم دائماً قبل ماانام
ابقى اتخيل شكلهم واني عايشه وياهم حتى
اغفى وماحس على نفسي هواي احب ابقى نايمة
بس حتى اتخيلهم واعيش وياهم بخيالي
لو افكر لو صار شي لجدتي لا سامح الله اني وين
اروح؟ جدة جبيرة بالعمر كلش
ولو صارلها شي اضيع من بعدها كلما تجيني هل
فكرة ابجي بصمت بس دموعي تنزل، حست بيه
رفعت الغطا عن وجهي
بدهشة
: وردة، تبجين؟
: خايفة حبوبه خايفه
: من شنو؟ منو خوفج؟ باهر سوه شي؟
: لاتنشفين دمي احجي؟
جلست نفسي حضنتها رديت اشهك
: خايفه يجي يوم واخسرج لاتعيفيني انت هم
همَ عافوني، مافكرو بيه اخذهم الموت خايفه
يجي يوم ويحرمني منج.
بعدتني عنها وهي تبعد شعري عن وجهي
: وعد مااعوفج وحدج ولو اجت ساعتي
راح تبدين من جديد
رجعت ضميت راسي بصدرها اشهك
: عمري قبل عمرج
لمتني لحضنها بحنية ونيمتني على ذراعها وهي
تمسد شعري بلطف واني بس اشهك احس صدري
نشك وهي تحاول تهدي بيه لحد ماهدءت ردت
: اسولفلج قصة دبدوب؟
هزيت راسي بأيجابية دفنت نفسي بحضنها
: دبدوب اخته بالشام تاكل الحم وتذب العضام
هاي القصة اذكر تسولفها الي من اني وصغيرة
حتى كبرت وقبل ماتكمل انام،.. صحيت وراسي
مصدع دخلت جدة بايدها صينية الريوك
: صباح الورد
: كدام جمالج وردة تذبل
ضحكت
: كعدي سويتلج ريوك لي يحبه گلبج
: ماشتهي حبوبه مصدعه
: كعدي تريكي وخذي علاج
مااريد اكسر بخاطرها كمت غسلت واجيت كعدت
صبت الجاي ريحته ترست خشمي كملت ريوك
واخذت علاج، كمت شويه شتغلت بالبيت ورحت
يمها كاعده اخذت من أيدها حرف خبز اثلم بي
للدجاج بعدها اكمل احس
نفسي ضايجه لو اروح يم البنات لو اسد عليه
باب الغرفه واشغل غنية اوكف كدام المراية اركص
لحد مااحس نفسي تعبت
وباهر يومية يجي يصفن بوجهي ويروح يتأمل
اني اغير رأي واتقبله، مثل كل مرا اجه سلم وكعد
باهر : جدة راح اروح للمدينة تردون شي؟
: لا جدة سلامتك
لتفت
باهر : وردة شتردين اجيبلج؟
: شكراً
باهر : شعجب ضفرتي شعرج؟
: حتى يتجعد اكثر
بتسم
باهر : نتبهي عالنفسج
سكتت نهض قبل راس جدة وطلع طلعت ورا
لتفت وعيونه ذايبه
باهر : احبج، جورتي والله أحبج
سكتت ماعرف بشنو ارد لان فعلاً مااحس بأي مشاعر
احس گلبي صخر ممكن الصخر يجي يوم ويتكسر
او يتفتت له گلبي! وهل شي موبأيدي رغم باهر يجنن
كاريزما وشكل وجسم رياضي يشبه ممثل مكسيكي
بس لو لا عيوبه..
طال النظر بعيني بعدها طلع اعرف من ينزل للمدينة
يبقى اكثر شي أسبوع يله يرجع مايهمني وجودة
والعدم واحد.
صحيت الصبح ولگيت جدة كاعدة من الفجر تكمل
شغلها صبحت عليها وكعدت يم الدفاية الجو يگص
كص بداية شتا واساساً حتى بالصيف مو ذاك الحر
القوي خاصه المكان او القرية لي عايشين بيها بعدها
كمت جهـزت الريوك وخليـت قوري الجـاي يتخمـــر
براحته عالدفاية جدة ماتشربه له يتخمر زين ونار
هادية
بعدها ماطلعت لان جو يكص من البرد كعدت احوك
وجدة يم الدفاية مانحس له ولد ظافر اجو الضحكه
تارستهم گلبي نغزني من سمعت
انور : جدة ابوي طلع
احس جسمي صار نار جدة رفعت عينهو تريد تشوف رد
فعلي ومثل ماتوقعتها
رجعت بتسمت بوجهم
جدة : الحمدلله هساه اكمل واجي ؤوخو حبوبه
ضحكو وطلعو واني جسمي نتفض جدة كامت بسرعه
لزمتني لا ارادياً اهز راسي ب لا وشفافي ترجف ترجف
مو برد خوف، رهبه
جدة : حبوبة فدوة شدي نفسج هاي الحالة تخليج
ضعيفه جوري
عيوني ماترمش بعد وراسي يتحرك لا أرادياً بصوت
يرجف : لـ ـيش! مـ ـمـا مـا يموت!
لزمت وجهي باديها وضمتني بحضنها
جدة : لا تخافين ماكو شي
مخنوكه اريد ابجي مااكدر بس اردد
: ورده تخاف... تخاف هواي جدة هذا وحش والله
بقيت بحضنها لحد ما هدءت بس بعدني مخنوكه
ورده : صارله اشهر بالمستشفى مرتاحه حتى ما
اكوبس ياريت مايرجع
جدة : اسمعيني وفهمي زين حالتج هاي تخليج
ضفيفه لا تخليها نقطة ضعفج حبوبه اريدج
تصيرين قوية وتواجهين مخاوفج والله اذ يعرفون
نقطة ضعفج الضباع تنهش روحج قبل جسمج
بعدت راس منها
: جدة مو بأيدي احس شي يتملكني ويسيطر عليه
كل جسمي يرجف لا أرادياً
جدة : وياج حبوبة ماعوفج ابد بس مااريدج هيج
ضعيفه تستقوي عليج الاضباع
هزيت راسي بعجز
جدة : بروح امج وابوج قويلي نفسج وحاولي مره
بس مره مو الخاطري لخاطرهم، تكومين نروح
بدهشه
: جدة. بس...
قاطعتني
جدة : حلفتج بروح اهلج لا بس ولا غيرها كومي
وسوي لي اكلج عليه اذا ترديهم يرتاحون بأخرتهم
كومي.. شدي نفسج حبوبه
قبلت وكمت لبست الجاكيت واني رافضه، طلعنا
جدة لازمه أيدي ونمشي وصلنا وشفت سيارة باهر
ورده : جتمعو الشياطين
1 ت
جدة : يله اريد اشوف جوري القوية
هزيت راسي دخلنا سلمنا كعدنا مارفعت عيني ابد
مو حياء او خجل لا خوف… بعد وقت تجرأاااات
رفعت عيني له مثل ماتوقعت نفس النظرة القذرة
رغم وجهه وفجه معوج لع عيونه نفس القرف اللي
سببلي عقدة ومرض نفسي وجسدي ايده معوجه
وخلقته مكلوبه من الشلل له عيونه نفس النظرة
القذرة لي اشوفها بكوابيسي من باوعـتله بتسم
وعيونه تنكط خبث كانه يعرف الخوف لي يسؤي بجسمي..
بعدها الاقارب سلمو وطلعو عفنا يرتاح وطلعنا
محد يمه واني يم النسوان
بالمطبخ بس عيني على باب اشوف من يدخل
عليه ومنو يطلع محد يمه..
سمعت صوت حمل صغير هذا يعوفو على راحته
مايربطو ويا الحلال يبقى يكمز حتى يتقوى شفته
قرب من الباب سمعت زوجته صاحت
: ولكم سدو الباب لا يدخل لبوكم خليت كدر على
الدفاية يغلي حتى يصير بخار وتدفه الغرفه اكثر
گلت
: اني
: سامحني رح احملك ذنب موذنبك
رجعت للغرفة عينه شاحبه للباب من شافني رجع
يبتسم هذيج الابتسامة والنظرة لي تخليني اخاف
بس هل مره كدرت اسيطر على نفسي فتحت قبق
الكدر الماي يفوووور مثل گلبي رجعت باوعتله
وقربت بدون مااتعدى منطقة الامان"
همست بكل خبث
: شايف الدنيا شلون دور؟ من اسمع قبل يكولون
الدنيا دولاب يوم عالي يوم واطي اجذبهم بس هسه صدگت قِصٌصٌ مَآيِّ هِوِبَِّس گلب عيونه علي بتسمت وكمت برجلي دفرت الماي
المغلي عليه صار يرفس مايكدر يتحرك ولا يكدر يصيح، اني كمت اصيح، ابجي واضرب نفسي واكمز
والحمل بأيدي
ورده : لحكووووووو. لكووووووو
