رواية بنت المدينه كامله جميع الفصول بقلم احمد
ابدا قصتي معكم اني اسمي منارمن كان عمري ١٥ سنة كنت اعيش حياة الرفاهية والعز انا من إحدى محافضات الوسط....مواصفاتي بشرتي حنطية رشيقة شعري سرح ماأحب شعر الطويل دائما اقص شعري..شكلي حليوه طولي وسط يعني قزومة....❤️❤️خلي اعرفكم عاءلتي..والدي اسمة حجي منير رجل متمكن ماديا وسمعتة كلش طيبة مواليدة ١٩٤٨ متزوج اثنين والدتي تسكن بمدينة وزوجتة الثانيه تسكن بالقرية اغلب اقاربنا يسكنون بهاي القرية ...والدتي متوفية من كنت صف ثاني متوسط..زوجة والدي عدها ثمان بنات واثنين ولد...ومن والدتي عندي اخوات اثنين اكبر مني وأخ واحد هو أكبر واحد بالعائلة مواليد ١٩٧٠ وحدة من خواتي مزوجة وعدها اطفال واختي الثانية مخطوبة لابن عمي....عندي صديقه وحدة اسمها زهراء كلش مقربة علية نروح سوى لدوام هية تسكن بشارعنا....خلي اعرفكم على عمتي منيره اخت والدي شخصيتها متسلطة وحتتعرفون عليها ....زوجي محمد من أبناء عمومتي حتتعرفون عل شخصيتة فما بعد.....اخوي الكبير متزوج ونعيش معة في بيتنا بمدينة يشتغل بتريلة ....نبدأ قصتنا من سنة ١٩٩٥كنت طالبة صف ثالث متوسط. اني اصغر وحده باولاد امي. اخوي الكبير مدللني كلش وهسة نرجع لقصتنا اني نجحت وصرت صف ثالث متوسط صرت كلش حلوى وانيقة نروح ونرجع اني وصديقتي زهراء لمدرسة بذاك الوقت ماكوشي أسمى خط يعني نروح مشي ونرجع مشي ..❤️اكو شاب يسكن بشارعنا أسمى احمد يدرس اعدادية صناعة كانت نضراتة واضحة اعجاب بس مابادر وحجى وياي صارت بينا بس نضرات وبالحقيقة اني حبيتة ونضراتة جذبتني ويبقى ينتضرني آلة امر من يمة آلة يروح لدوامة 👍بهاي الفترة كانت حياتنا هادئة ومستقرة ولكن تصير بعض المشاحنات بين فتره واخرى من زوجة الوالد وعمتي اخت والدي كانت شخصيتهن متسلطة 😢 اكملت السنة الدراسية وطلعت مكملة بدرس النكليزي واخوي منعني من المدرسة كال احنى مو بحاجة تصيرين موضفة ولعلم اني الوحيدة الي دارسة متوسطة كل اخواتي يكملون ابتدائي ويتركون والدي يبطلهم يعني بعد ماكو مدرسة 😢بعد مااكملت الثالث متوسط اجبروني عل ترك المدرسة نهائي وهمين كانت الرواتب الموضفين كلش قليلة بذاك الوقت لان حصار...وأهلي عائلة متمكنة ماديا اخوي كلي اتركي مدرستج واني اعيشج ملكة وفعلا عيشني ملكة ومرت الايام والسنوات واني بالي يم الشخص الي حبيتة ❤️وبذاك الوقت الشاب الي يتخرج يلتحق بخدمة عسكرية اسمها خدمة العلم..اخوي صار عندة اطفال اثنين وبهاي الفترة ابن خالتي تقدم لخطبتي أسمى عمر اني جن جنوني كتلهم مااريدة هو شخصيتة مغرور وخالتي متكبرة بس اختي انطتهم وعد تقنعني بي ومرت سنتين واجى تقدم لخطبتي رغم ماحاجية ويا ابد بس نضرات بينا بس اختي ماقبلت وكالت الهم اني مخطوبة لابن خالتي...وبعد فتره صار سقوط بغداد واحتلال الامريكان لعراق ومدينتنا تدمرت واغلب العوائل طلعو من مدينتنا وقفلنا بيتنا واجرنا بيت قريب عل بيت عمتي بمنطقة الاسكان واختي همين سكنت بغداد بالشعب.....احلى الايام عشناها بغداد وسفرات ونطلع لمحلات الملابس. 👚......ولكن قلبي يحن لمنطقتنا ولحبي الكتمتة بداخلي وكنا نشتري ملابس من محل ملابس بالمنصور وابو المحل حجى ويا عمتي كالها نريد نزوركم اني وأهلي بس عمتي رفضت تنطي رقم مبايل او عنوان بيتنا كالت ماتزوجين غريب لاتصدكين تاخذين غريب .😞بعد مرور سنتين واحنى بغداد صارت الطائفية وصار القتل عل هوية. اضطرينا نطلع من بغداد وسكنا ويا بيت الوالد بقرية وهمين بيت عمتي منيره همين شالت ويا وسكنو ويانا بيت اهلي لكن يشترون بيت...اكثر اقاربنا ماشايفيني من جينا لقرية شافوني ..بالحقيقه اني ماتعجبني حياة القرى..واحد من اقاربنا تقدم لخطبتي وبقى يلح واني رافضة الفكرة نهائي من شخص يسكن بقرية لان احس مااكدر اتفاهم ويا اطباعهم.....
