رواية ذيب الشامخ كامله جميع الفصول بقلم توتة
قصه / حقيقيه
هو قاسي القلب متملك لايعرف الرحمه لقد انتزعوها وحدث ما حدث وانتهي ألامر فقد سمو ذيب شامخ لقسوته ومكره وذكائه كلمته أمر لايستطيع احد ؏ اخلاف اوامره ماضيه أمام عينه يراوضه دائما فيصبح قاسي اكثرر وبالرغم من ذالك يتملك طيبه وحنيه ولاكنها مخبأه تحت قناع القسوه هل يستطيع الحب تغييره ??
#اعلان ❤️
«#مشهد 1 »
زرت وكملت طلعت اني وجماعتي بالصحن اجواء الزياره كلش حلوه وتفتح النفس
شفت بنيه من بعيد عيوني مانشالت عنهاا شكلها كلش عجبني مگدرت ماباوع عليها
فكرت هووواي اريد بس احجي وياها بأيه طريقه المهم احجي وياها.
كانت شايله بأيدها علگ اعتقد تبيع بيهم رحت عليها بحجت اشتري منهاا واني اريد بس احجي وياها.
ذيب / سلام عليكم.
رباب / وعليكم سلام.
ذيب / انطيني علك.
ابتسمت وشالت علگ وخلته بايدي. ضليت صافن بعيونها مدري شجاني.
ضحت وگالت.
رباب / لمنوو راح تعكد هل علگ.
ذيب / الي والج.
رباب / ليشش انته تعرفني ???
« #مشهد 2 »
ذيب بغضب وهو يوجهه المسدس ؏ راس ابوهاا.
_قسم بذات لله اذا صار شي عليها افرغ هل مسدس براسك.
تهددني ولكككك. اطلع برااااا حيوووووان.
_احسبها مثل ماتريد اذا صار شي عليها احركم كلكم ولله انته لوصلتها لهناااا.
لزمه م̷ـــِْن قميصه وعيونه تجدح نااار.
ماتخوووف جلبي. وراح ازوجها وعيونك تشوووف.
_جبرب وانطيها وشووف شراااح يصير بيكم.
ياجماعه صلو علئ محمد كولو يالله
ذيب يمعودد نزل المسدس جاااي تخررب كلشي بأيدك. نزله.
طلعت دكتوره تركض م̷ـــِْن غرفتها.
ذيب / دكتوره شون حالتها.
اعذروني المريضه ...
~~~~~~~~~~~~~~~~~~
مساء الورد ❤️
متابعه للصفحه + تصويت + الروايه حقيقيه %100
ضيفوها للمكتبه علمود يجيكم اشعار بالتحديث 😍
روايه حقيقيه صاار كم يوم من ختمت روايه الطالبه والضابط شفت تفاعلكم عليها وحبكم الابطال وليوم اجيتكم بروايه ثانيه واتمنئ دعموني بيها
انشالله تعجبكم مثل ماعجبتني اني وتعيشون ويه ابطالها الحزن والفرح والحب والخذلان
# طبعا احداث الروايه كلهم حقيقيات وعن لسان البطل ماعرف يمته راح انزللكم البارت الآۆل بس اريدكم تتفاعلو وتسوو مشاركه الاصدقائكم. 😍❤️
#بارت. //1
******************
بسم لله الرحمن الرحيم.
تبدأ احداث هاذه الروايه لسنه 2010.
ذيب / يلا يمه اني طالع محتاجه شي.
ام ذيب / يمه لاتروح للمدرسه ليوم ابوك گلي عنده شغل وياك انتضره يرجع وروح.
ذيب / عود من ارجع عندي امتحان يلا مع سلامه.
طلعت لمدرسه ومر اليوم طبيعي للعلم اني كلش منتبهه علئ دراستي. كلشي يصير وياايه ماهمل دراستي وابقه اراجع دروسي.
خلص الدوام ورجعت للبيت لگيت ابوي كاعد سلمت ودخلت بدلت ملابسي ورجعت كعدت وياهم.
اعرفكم عن عائلتي.
ابوي ضابط جيش. عنده شركات من نوع العصبي الصارم الي يتحكم بكلشي. امي شرطيه. حنونه وعلئ
كلشي تبجي. اختي الي اصغر مِڼـّي دكتوره.
واني راح تتعرفون علئ شغلي باحداث القصه.
هوايه نتخالف اني وابوي لان اني م̷ـــِْن نوع ماحب شخص يتحكم بيه. كلشي اريده اسوي وماطلب مساعده م̷ـــِْن شخص.
عن شخصيتي. صاحب عزت نفس الدرجه
ماحب احد يسويلي شي اني اكون صاحب الفظل في
كل مكان وزمان. ماحب احد يساعدني منعزل عن المجتمع
احقق كل احلامي بيدي وحته اذا اتعب
مارح اهتم ولا احد يساعدني وبعدين يكون صاحب فظل
كلمتي وحده مصير ثنين.
ماحب الحديث المطول
ماحب اترجع عن شي
ماحب اتنزل عن حقي
ماحب اكول هذ ميصير
بل مختصر تباا للمستحيل.
كاعد ويه اهلي فجأه ابوي گال عوف دراستك واشتغل بالشركه مالتي.
رفضت المضوع. وتخالفنه اني وابوي علئ هل شي تعاركنه بينه عفتهم وطلعت من البيت ماحبيت اكبرر الموضوع.
بقيت اسبوع كامل واني ويه ابوي ع اصغر شغله نتعارك. لاحد اخررر شي تعاركنه عركه قويه وعفتهم
وطلع وراي ابوي رماني. وكان ناوي يموتني خلاص. بهذاك الوقت حلفت بعد مارجع عليه لْـۆ شيصير.
سكتت ماسويت شي احتراما اله ومن كلام الناس.
مريت بأصعب ايام بحياتي بحيث نمت بالشارع صار ابوي عدوي دائما يحب يذلنيي ويهيني. لأن ماسمعت كلامه
ابتعدت عن اهلي وقطعت كلشي يربطني بيهم. اعمامي هم يكرهوني. واني هم ماحب انزل نفسي لشخص.
افضل انام بالشارع ولاذل نفسي وانزل راسي لشخص.
اخذني خالي عليهم وگال تبقه يمنه عشت عدهم فترا. واشتغلت ويه خالي.
اشتريت سياره. وبقيت اشتغل بيها. لاحد ماأجرت بيت الي. لوحدي.
مرت ايام واشهر واني عايش لوحدي اشتغل. لاحد سنه 2010 طلع اسمي. بالوزاره الداخيله.
تعينت وصار شغلي هوه اساسي. مخلي كل وقتي للشغل ماهتم لأيي شخص سمعت هواي حجي نگال. ورديت عليهم بأسلوبي
بحيث خليت الكل يفكر الف مره قبل لايحجي كلمه بحقي.
گاعد بالمكتب اشتغل اتصل جهازي.
عمار / ذيب وينك.
ذيب / خيرر شكو.
عمار / ابوي ذيب من لبارحه ماكوو نتصل عليه جهازه مغلق مانعرف شصاير وياه.
ذيب / شبيك خايف ترا خالي موصغير وتخافون عليه اكيد عنده شغل يخلصه ويرجع
عمار / لا ذيب ولله اني اعرف ابوي حته لْـۆ عنده شغل جان اتصل علينه وكال عندي خايف صايرله شي واحنه كاعدين.
ذيب / اصبر هسه اشوفه.
سديت م̷ـــِْن عنده الاتصال وبقيت اتصل ع خالي ماكو جهازه مغلق. حاولت اكثرر م̷ـــِْن مره احصله مگدرت.
گمت من مكاني وبقيت افتر اروح وارجع معقوله يطلع كلام عمار صح وخالي بيه شي لا انشالله ماكو شي
رجعت اتصلت بعمار ابن خالي.
عمار / هاا بشررر.
ذيب / ماكو حاولت اكثرر م̷ـــِْن مره احصله ماگدرت جهازه مغلق وحته ماگدر اتعقب مكانه لأن جهاز ممفتوح.
عمار / هسه شلون. تعال خلينه ندور نسال.
ذيب / مسافه الطريق واكون يمك لاتخلي اهلك يخافون كلهم عنده شغل يخلصه ويرجع امك بيها ضغط لاتموت.
عمار / اني راح امووت موو امي خايف ذيب ابوووي هوواي ناااس تكرهه خايف يكون لزموو وراح
ذيب / انجب حيوووان. شحدهم يوصلو غير اسحك ع روسهم. يلا جايك اطلعلي ع شارع.
سديت منه وطلعت رحت علئ بيت خالي اخذت عمار ورحنه ندور علئ خالي دورنه المناطق وحده وحده وجماعته ماخلينه شخص مارحنه عليه ماكوو فص ثلج وماع.
نتصل بيه جهازه مغلق. ماعرفنه انخطف انقتل انذبح بقينه واحد ياكل بالثاني.
طلعت دورياات شرطه دور عليه وتتعقبلي كل المناطق الي كان يروح عليها.
بس ماكوو أمل.
بقينه اسبوع كامل ليل مع نهااار احنه مگاعدين دقيقه بالبيت ندور ماخلينه محافضات كل الناس الي تعرفه دور ويانه واهله حالتهم يرثئ لهاا.
مرت خالي نايمه مستشفئ. لاتاكل ولاتشرب وبناته يكسرن الخاطر. اني احس حيلي انهد عليه
هوه الشخص الوحيد الي كان مساندني وضهر الي ماعافني بأصعب ايام. ايامي الي اهلي عافوني بيهم وكانو معاديني..
_________________________________
رباب.
گاعده بغرفتي مخليه القلم بحلكي وحايره بالمسأله شون احلها.
واختي يمي مخليه هتفون بأذانها وعايشه بغير عالم.
رباب / ساررره ولججج كومي اقري باجرر عندج امتحان الثوله لاحد ماترسب يلا تحس علئ نفسها كووومي.
ساره / هاا شنوو گلتي.
رباب / وجع كومي اقري. عوفي تليفون مايفيدج.
ساره / بس تعاي اسمعي هاي الاغنيه النازله جديده.
رباب / ولله اذا ماگلت لامي عليج وخليتها طيح حضج كومي يلا
گامت وهيه تتأفف وشمرت الجهاز ع ميز وراحت طلعت كتابها وبقت تقرا.
اعرفكم عن نفسي وعائلتي. اسمي رباب من بغداد. عايشه ويه عائلتي الي متكونه من 2 بنات ساره وزهراء واني الجبيره.
ابوي متزوج علئ امي 2 من مرت ابوي الثانيه عندي اخو اسمه حسام والثالثه. معنده شي منهاا.
كل وحده منهم عايشه بيت وحدها.
اني طالبه احب دراستي كلش ومهتمه بيها عن
شخصيتي. لطيفه وام دميعه بسرعه اتأثر بالكلام بحيث. اذا شخص يعلي صوته عليه تنزل دموعي بدون سوابق انذار.
دخلت علينه امي واحنه ندرس.
ام رباب / رباب يمه كومي وياي نحضر العشه عمتج راح تجي علينه.
رباب / اهووو شعدها جايه علينه
ام رباب / انجبي ولجج شلوون نطردها غيرر بيت اخوها وتجي علينه
ساره / ايي مو هيه ع اساس ميته علينه اشو هيه كل ماتجي تصيرر بيتنه عركه.
ام رباب / ولله لساناتجن طولانه يرادلجن جرت اذن. ماتخافن ابوجن يسمع كلامجن وانتن تدرن اذا سمع شيسووي.
رباب / ساره اسكتي يمعوده. استري علينه لايسمع ابوي وتصير سالفه مابينه حييل مشاكل.
ساره / دكومي حضري الاكل للخانم جاينج.
رباب / ايي كايمه انتي راجعي دروسج لاتضلين بس بالتليفون.
ام رباب / هااا رجعنه للتليفون تريدين اكسره
ساره / لا يمه ولله اصلا اني. مالزمته هواي.
ام رباب / هاذه راح اخذه وياي من تخلصين عود تعاي انطي الج.
ساره / كله منجج رباب. عاابت
رباب / هههههه ولي موزين اريد مصلحتج.
طلعت من الغرفه اني وامي ورحنه ؏ مطبخ نحضر العشه لعمتي. للعلم هاذي عمتي حييييه بمعنئ الكلمه يعني شما احجي عنهاا قليل.
تكرهنه كره موطبيعي ودور علينه كلام دواره. كل ماتجي علينه تحرض بابا علينه.
وهوايه مرات گالت اله طلعهن م̷ـــِْن المدرسه لاتخليهم يكملو. بسس ابوي الله يحفضه ماسمع منهاا هل مره مدري شعجب لان امي حلمها تشوفنه خريجات ومتخلي.
ولاه هوه كلشي تكوله عمتي يصدكه شما كان. ويفضلها علئ بناته.
بقينه نحضرر بالعشه شويه واندك الباب راحت امي فتحته دخلت عمتي هيه وعمي وابن عمي.
رحت غسلت ورتبت شالي وسلمت عليهم.
حرير / كبرانه رباب.
رباب / ههه ايي عمه موو دائما تكولين كل البنات تكبرر اله انتي هسه كبرت.
حرير / اييي ولله كبرانه وحليانه. يرادلج رجل
رباب/ ماتزوج هسه اني اريد اكمل دراستي.
حرير / اكلج. بيان. (بيان امي) شمنتضرين ماتزوجون رباب ترا لبنيه استقرارها بيت رجلها.
ام رباب / بعدها صغيره واريدها. تشوف مستقبلها وتكمل دراستها متوازيه ع زواج تلحك علئ الضيم.
حرير / يااااعيني الي يسمعج يگول عايشه بضيم وقهرر اشو اخوي مامنقص شي عليج لْـۆ لان تزوج ع راسج 2 نسوان.
ضجت كلش من كلام عمتي هااي كل ماتجي علينه لآزٍمٍ تغث امي بالكلام. #ڪــڔٰا̍ڕ
ام رباب / لا اني ماگتلج عايشه بضيم الحمدلله ابو
رباب مامقصر وياي ولامسمعني حجايه بس اكلج ع زواج مسؤليه وضيم مو مثل ماهيه عند اهلها مرتاحه وماتفكر بشي.
حرير / ولله ماطلع عيوون البنات اله انتي.
رباب / ليشش شبينه هسه احنه.
ام رباب / ربااااااب. اصعدي لغرفتج يلااا
حرير / ولله بعد وبعد. لسانج طولان رباب
عفتهم وكمت صعدت لغرفتي واني روحي طالعه. شكدد اكره عمتي وماطيقها. كل ماتجي علينه لآزٍمٍ تسمعنه كلام وتسوي مشكله.
دخلت للغرفه واني ضايجه كانت ساره مدنكه وتكتب م̷ـــِْن دخلت رفعت راسها عليه.
ساره / هاا رزلتج موو.
رباب / شكدددد اكرهه. تخيلي تكول لامي ليش ماتزوجون رباب.
ساره / يمعوده ماتعودتي علئ عمتي وسوالفها طنشي ولاكانو تسمعينها.
خليها تحجي وتسكت شكوو مضوجه نفسج عليها صيري مثلي ضاربتها بالحايط وحته م̷ـــِْن تحجي وياي متجاهلتها.
ماتشوفينها حته ماتحجي وياي تدري بيه ماسكت الها انتي تشوفج. ضعيفه وتستقل هل شي لصالحها
رباب / هجم بيتج الي يسمعج يكول تردين عليها ب 10 كَلَّمَات اشو من تنزلين يمهاا تصيرين بزونه اليفه هناا لسانج هل طوله كدامي
ساره / ولله اني ماحب حته اكعد يمهاا افضل احبس نفسي بالغرفه ولاكابل وجهه تكول طاوه محترگه.
رباب / هههه ولجج لاتسمعج وتقوم القيامه.
ساره / هسه عوفج منهاا تعاي ساعديني خليني افهم هل منهج كلشي مجاي استوعب منه.
رحت گعدت يم اختي وبقيت اشرحلها بالدرس.
________________________________
ذيب.
مر شهرر كامل واحنه ندور فقدنه الأمل ماعرفنه شصاار ويه خالي حيييل دمرت نفسيتي عليه.
اهله حالتهم حاله. بقيت طول هل فترا اتردد عليهم ماعفتهم رغم شغلي اني لآزٍمٍ كل فترا محافضه
كان عندي شغل بغداد. بقيت هناك تقريبا اسبوع. بوقتها كانت زياره الكاظم (ع) ومشايه تمشي شوارع كلها مسدوده.
فاتح شباك الفندق واباوع ع اجواء. مواكب ومشايه وناس توزع وناس تضرب زنجيل.
اتصل جهازي. كان صديقي بالشغل.
باقر / الوو. ذيب شلونك
ذيب / هلا.
باقر / سمعت بيك بغداد صدك
ذيب / ايي ولله صارلي فترا هناا.
باقر / ها زين ماطولك بغداد تعال علئ الموكب مالتنه غير جو شويه ومناك نروح نزور اني وياك وحسام وليث.
ذيب / ولله تعبان ليووم كله بالمركز وراسي صااير طبله.
باقر /يمعود ماتمل شغل شغل ولله الي يشوفك يگول اله بسس تشتغل شويه حس ع نفسك. انته هم انسان.
ذيب / مرتاح هيج.
باقر / هسه شنوو مراح تجي
ذيب / خليني ارتاح شويه واجي عليكم وين صاير الموكب مالتكم.
باقر. / قريب ؏ شارع العام. منطقه ***
ذيب / ماشي.
سديت من عنده ورحت سبحت وبدلت ملابسي وطلعت رحت ؏ الموكب. مال صديقي باقر.
سلمت عليهم. وبقيت واكف وياهم همه يوزعون للزوار
باقر / هاك ذيب وزع شي
خزرته بنضره غضب
باقر / شبيك. ماتأمر عليك بسس اريدك تشارك ويانه وهاي شغله بيها حسنات
ذيب / ماعرف بهيج امور اني.
باقر / تروح تزور ويانه موو
ذيب / ايي نروح ليش لا.
باقر / ماشي بس اخلص الي بأيدي نطلع الاجواء بليل تخبل.
هزيت راسي اله بأيي وبقيت واكف وادخن. اتذكر مره اجينه اني وامي واختي. للزياره
بوقتها امي شكدد لحت عليه اخذهم واجبتهم هيه واختي زرنه سويه.
قاطع افكاري سلام صديقي بالشغل حسام.
حسام / سلام عليكم
ذيب / وعليكم سلام اهلا ولله بعد عمرر طويل وينك
حسام / ولله مشاغل الدنيه. انته ماكوو مختفي دائما اسال عليك باقر يكول. شغله مامستقر مكان واحد.
ذيب / اييي ولله بين فترا وفترا انيي مكان.
حسام / لله يساعدك ولله هاي شغله تعب اني الحمدلله ثبت. شغلي هناا بغداد.
ذيب / هاا. زين احسلك.
باقر / يلا شباب نطلع. نزور
حسام / اييي ولله بنفسي زياره م̷ـــِْن زمان مارايح زاير.
طلعنه كلنه سويه. وصلنه للكاظم (ع) دخلنه زرنه گعدت بالصحن صليت ركعتين واني مرتاح نفسيا راحه بهل مكان لاتوصف.
تحس هموم وتنشال عن صدرك.
زرت وكملت طلعت اني وجماعتي بالصحن اجواء الزياره كلش حلوه وتفتح النفس
شفت بنيه من بعيد عيوني مانشالت عنهاا شكلها كلش عجبني مگدرت ماباوع عليها
فكرت هووواي اريد بس احجي وياها بأيه طريقه المهم احجي وياها.
كانت شايله بأيدها علگ اعتقد تبيع بيهم رحت عليها بحجت اشتري منهاا واني اريد بس احجي وياها.
ذيب / سلام عليكم.
رباب / وعليكم سلام.
ذيب / انطيني علك.
ابتسمت وشالت علگ وخلته بايدي. ضليت صافن بعيونها مدري شجاني.
ضحت وگالت.
رباب / لمنوو راح تعكد هل علگ.
ذيب / الي والج.
رباب / ليشش انته تعرفني ???
