اسكريبت ليلة العيد كامل وحصري
:يوم وقفه العيد الصغير
الساعة عشرة بليل.
في شقه بسيطه في شبرا كانت سعاد بتصوت : يادي المصيبه ،يادي المصيبه حد يلحقني.
جري عادل من الاوضه راح على المطبخ وقال بصوت عالي: في اي يا وليه بتصوتي لي ابوكي مات
بصت له بغضب و قالت: بعد الشر على ابويا ان شاء الله ال يكرهوا.
عادل: لسانك عايز يتقطع ، بتصوتي ليه يا ولية.
ضربت علي صدرها و قالت: يا نهار أبيض دا انا نسيت.
سأل عادل : نسيتي اي
بصت سعاد ورا كان ابنها معاذ الى عندو سبع سنين قاعد على الارض بيعيط
سعاد بخوف: معاذ الشربه وقعت عليه يلا بسرعه نروح المستشفي.
عادل بصوت عالي: و واقفه بترغي يا وليه يلا بسرعه على المستشفي
شال عادل معاذ وجري بيه على المستشفي و سعاد وراءه.
/////////
في مكان تاني
كانت واقفه مها بتزعق قصاد جوزها
مها بعصبية: يعني أنا عايزة افهم النهارده الوقفه ولسه مجبناش لبس عيد للعيال.
رد عليها احمد ببرود:
انتي مجنونه اللبس في الدولاب ،سلامت عقلك.
ردت مها بردح: لا يا حبيبي اللبس اللي امك جايبه ده أنا لا يمكن البسه لعيالي، امك زوقها من العصر الحجري .
عادل: و أنا معيش فلوس اجيب لبس تاني واخبطي راسك انتي والعيال في الحيطه
مها بغيظ: و تخلي امك تجيب لبس العيال ليه يا بيه.
أحمد : امي طلبت مني ،تجيب هي اللبس ، حاجة بسيطة زي دي تفرحها يبقي لازم اعملها، غصب عن الكل.
مها بغيظ : تفرح أمك على حساب العيال.
أحمد: مالهم العيال ،هما مبسوطين ،محدش اشتكي منهم،انتي بس اللي بتحبي النكد.
مها: هما ساكتين قدمك بس، إنما غير كده يعيطوا و زعلانين ليل و نهار.
أحمد: اخر الكلام مفيش لبس تاني غير اللي امي جابته.
قالت مها بصوت عالي : يبقي حلو اوي كده انا بقي هاخد ولادي واروح على بيت ابويا
ضحك احمد بصوت عالي وقال: يا سلام ده احلى عيد هيعدي عليا يلا ومش عايز اقولك الباب يفوت جمل أنا هروح افتحلك الباب بإيدي
مشيت مها ناحيت الباب وزغرطت وقالت: و انت فاكرني هزعل يا اخويا دا يوم السعد هاخد ولادي وهمشي هو انت فاكرني باقيه على العيشه دي ومش هاخد شنطه هدومي كمان خلهالك أنت وامك
وهي خارجه راحت واقعه على الارض وصرخت : اه يا رجلي، اه يا رجلي ،منك لله يا احمد
جري أحمد عليها بخوف و سال: مالك يا مها اي الى حصل
مها بتعب و دموع: الحقني يا احمد رجلي مش قادره ادوس عليها
احمد بخوف : طب اسندي عليا خلينا نروح المستشفي
و خدها احمد على المستشفى
//////////
في نفس الوقت
كانت واقفه عربيه على الطريق السريع
زعقت نور وهي بتقول: شايف افكارك السودا يا رامي قولتلك بلاش نخرج النهارده الدنيا زحمه آدي العربيه عطلت مننا ومفيش ولا عربيه راضيه تقف لنا.
رد عليها رامي بهدوء: هو انا كنت اعرف ان العربيه هتعطل مننا بطلي ندب علشان انتي وشك فقر.
ردت نور بعصبية : أنا ال وشي فقر كانت جوازه سودا يوم ما اتجوزتك.
رامي بعصبية: لمي لسانك يا نور احسن لك، بدل ما ازعلك.
نور: و أنت تقدر تزعلني يا استاذ رامي
رامي: احترمي نفسك يا نور
نور بعصبية: أنا محترمة غصب عنك على فكرة.
و فجأة نور حست بدوخة و قالت : اه الحقني يا رامي.
رامي : هو انتي كده لما تلاقي نفسك مذقونة تمثلي انك تعبانة، كانك اول واحدة تحمل في الكون.
نور بتعب: انا تعبانة بجد و مش دلع أو هزار.
جري عليها بخوف وقال :طيب اهدي ادخلي العربيه و حاولي ترتاحي.
وجري رامي على الطريق حاول يوقف عربيه لحد ما لقى عربيه وخد نور وراح بيها على المستشفي
///////////////////((/
في مكان تاني
أم دعاء بعصبية: انتي مجنونة يا دعاء، في واحدة عاقلة تعمل كده.
دعاء بهدوء: أكيد في يا ماما.
ام دعاء: لا مفيش انتي عقلك مفوتو علشان كده وافقتي أن جوزك يتجوز عليكي
دعاء: ماما أنا شايفة اني عملت الصح
زعقت ام دعاء و هي بتقول: هو فين الصح ده
قامت دعاء من مكانها و سمحت لدموعها تنزل و قالت بحزن: يا ماما أنا ست متجوزة بقالي سنين،كنت عايشة مبسوطة و بحاول احافظ على بيتي بكل الطرق ، لحد ما جوزي من كام سنة بقي متغير معايا و حتي مع الولاد ، و بعد ما دورت في الموضوع ،عرفت الصدمة ،ادم طلع يعرف واحدة تانية عليا، كانت زميلته في الشغل، وبدأ يخرج معاها، و لما صرحته بالموضوع قال
//////////
فلاش باك
كان رجع ادم من الشغل، و قال: لو سمحتي يا دعاء حضري الاكل.
حضرت دعاء الاكل بهدوء و صمت
دعاء: الاكل جاهز
ادم: تسلم ايدك يا دودو ، مش هتاكلي معي
دعاء: مليش نفس
ادم: مش بعرف اكل غير معاكي
ابتسمت دعاء بسخرية و قالت: ده بجد
ادم : طبعا.
دعاء: طيب معلش كل النهارده لوحدك
///////
بعد الاكل عملت ل ادم شاي و بعدين قالت: ادم كنت عايزك في موضوع
ادم: اتفضلي يا حبيبتي
دعاء: أنا عايزة أطلق
انفجر ادم من الضحك و قال: بطلي هزار يا دودو
دعاء بجدية : أنا مش بهزر انا بتكلم بجد
ادم باستغراب: و ايه اللي حصل علشان تطلبي الطلب الغريب ده.
ضحكت دعاء و قالت: اللي حصل أنك خاين و تعرف واحد تانية.
اتوتر جدا و حاول يبان طبيعي ، قال بهدوء: ايه الكلام الغريب ده.
دعاء بهدوء: لو سمحت يا ادم من غير مشاكل و علشان خاطر الولاد خلينا نخلص كل حاجه بهدوء
قعد ادم على الأرض قدمها و قال بانهيار: انا بعترف اني غلطت ،سامحني و اوعدك مش هتتكرر تاني
دعاء بحزن: انا زعلانة منك اوي يا ادم مقدرتش اصدق انك تعمل فيا كده بعد كل السنين اللي بينا
باس أيدها و قال: حقك عليا يا دعاء سامحني و خلاص انا توبت
صدقت دعاء كلامه، و قررت تسامح علشان خاطر العيال و تحافظ على البيت.
//////////
عودة
ام دعاء: و ايه اللي حصل بعد كده.
دعاء بحزن: أنا صدقت كلام ادم ، بس اللي عرفته بعد كده،انه لسه مكمل معها، و كمان عرفت أن العلاقة وصلت بينهم زي المخطويبن،،.كل شوية يتخانقوا ويرجعوا لبعض، . كل مرة كنت اكتشف الموضوع كنت بعمل مشكلة كبيرة، وكنت أهدده إني أسيب البيت، وهو يرد إنه تاب و مش هتكرر تاني و قال إنه هو بيحبني و بيحبها في نفس الوقت و دي حاجة خارجه عن إرادته، و طالما هو جوزي انا بس و مش مقصر معي ،يبقي خلني جنبه لحد ما يخفف من حبه.
ام دعاء بعصبية: و ليه تتحملي كل دعاء، هو ميستاهلش.
دعاء: علشان أنا بحبه يا ماما و مقدرش أنكر أنه زوج و اب ممتاز و يستاهل كل حاجه حلوة.
أم دعاء: و ليه دلوقتي عايزة تجوزي جوزك بايدك..
دعاء بحزن: عرفت إن البنت اللي جوزي بيحبه، جالها يكفيناه الشر، سرطان في الدم. أول ما ادم عرف كده ، حالته النفسية بقت صعبة ، و يكلم نفسه و هو نايم و يقول:
أنا بحبك يا بسمة، ومش عايز غيرك ،انتي لازم تحاربي علشان خاطري هموت لو جرلك حاجة.
نزلت دموعها بانهيار و هي بتقول: تفتكري في واحدة تتحمل كده يا ماما.
طبطت امها عليها و قالت: ياه يا دعاء انتي اتحملتي كتير
ابتسمت دعاء و قالت: انا بدعي ربنا يجعل صبري على اللي بيحصل في ميزان حسناتي، عارفة انا طلبت من ادم يتجوز بسمة يوم الوقفة علشان العيد يكون مميز ليهم هما الاتنين.
أم دعاء: ربنا يقويكي يا حبيبتي.
مسحت دعاء دموعها لما سمعت خبط الباب ، مشيت تفتح الباب و كان ادم، ابتسمت و قالت: تعال يا ادم
ادم: كنت جاي اقولك المأذون تحت و عايزك تكوني معي.
مشيت أم دعاء و قالت بصوت عالي: تصدق انك معندكش دم، يعني هتجوز عليها و كمان عايز تكسرها اكتر و هي بتشوفك تجوز واحدة تانية،ربنا يسامحك، بس انا مش همسامحك على كسرة قلب بنتي
ادم بحزن: انا مش قصدي كده
ام دعاء: قصدك و لا مش قصدك ،طريقك اخضر و الف مبروك يا عريس
خرج ادم من الشقة و هو زعلان علي دعاء
.دعاء بصت على امها و قالت ::ليه كده يا ماما.
أم دعاء: اسكتي خالص مش عايزة اسمع حاجة منك، و لا عايزة تنزلي تحضري كتب الكتاب..
حضنت دعاء أمها و انهارت من العياط
///////////
في نفس العمارة ،اخد آدم شقة تانية علشان يتجوز فيها،،،،تم كتب الكتاب
بسمة بابتسامه: مبروك يا حبيبي
ادم : الله يبارك فيكي يا حبيبتي.
بسمة: اومال دعاء فين
ادم: مامتها معها فوق.
بسمة: علشان كده منزلتش ،انا خايفة يا ادم أن دعاء تكون زعلانة
ادم: ما هي اكيد زعلانة يا بسمة ،حطي نفسك مكانها هتكوني زعلانة أو لا.
بسمة: أكيد هكون زعلانة، بس هي اللي طلبت منك كده صح
ادم: طلبت مني كده علشان خاطر شافتني تعبان و انا بعيد عنك
بسمة بدلع: انت بتحبني يا ادم صح
ادم: بحبك كلمة قليلة على احساسي ليكي
بسمة ::انا حاسة اني طايرة من الفرح
ادم: و أنا النهاردة اسعد يوم في حياتي
////////////////
في الوقت ده كان وصل
سعاد و عادل مع ابنهم ل المستشفى
كان الدكتور يشوف مكان الحرق
سعاد بدموع: طمنيني يا دكتور
الدكتور: اهدي يا مدام هو كويس متخافيش.
عادل: يعني الحرق مش هسيب اثر
الدكتور: أن شاء الله، ثوني و ارجعلك يا بطل
معاذ: ماشي
سعاد::انت كويس يا حبيبي
معاذ: الحمد لله يا ماما
عادل: ايدك رتوجعك
معاذ: شوية صغيرة
عادل: معلش
و بص على سعاد و سال: صحيح يا سعاد كنتي فين و ازاي حصل كده.
سعاد: كنت في المطبخ بجهز اكل لبكرة أن شاء الله و معاذ يلعب حواليا ،طلبت منه اكتر من مرة يخرج بس هو مرضيش و حصل اللي حصل
عادل بغضب: ده إهمال منك يا هانم
سعاد بعصبية: يلا الحمد لله جتلك فرصة تمسك عليا غلطة، إهمال مني ازاي مش فاهمة، أنا عايزة اتعب ابني..
عادل: لا طبعا بس اللي حصل بسب الإهمال
سعاد: اسكت الله يسترك دلوقتي و لما نرجع البيت ،نبقي نتكلم براحتنا
عادل: طيب خليني ساكت لحد ما نرجع البيت و نتحاسب على اللي حصل.
دخل الدكتور و كمل علاج معاذ و سعاد و عادل مش طايقين بعض.
////////////
و كان وصل نفس المستشفى مها مع أحمد
في اوضة الكشف
مها بتعيط و تقول: يا عيني على حظك يا مها، رجلي انكسرت ليلة العيد، يعني هتحرم من صلاة العيد و زيارة بيت اهلي، انا شكلي محسودة
ضحك أحمد و قال: مين اللي حسدك أن شاء الله
مها بعصبية: أنت هيكون من غيرك
أحمد بغيظ: و أنا لو هحسدك ، كنت حسدت يحصلك حاجة بعيد عن الغرامة دي، بس دلوقتي انا اللي ادبست في الفلوس
مها: وفر فلوس انا لو عرفت اهلي اني هنا ،ثواني و هيكونوا و يدفعوا من جنية ل ١٠٠٠
أحمد : أيوة أنا عارفة هما فلوسهم كتير
مها: بطل كلام بقي نكدت عليا في العيد.
دخل الدكتور و جبس رجل مها و أحمد زعلان عليها بس اللي بيان ل مها أنه زعلان على الفلوس
//////////////////
و كانت نور وصلت مع رامي و علقت محاليل و رامي قاعد معها
ضحك رامي و قال : الف سلامة عليكي يا نور
جزت نور على أسنانها و قالت: و انت بتضحك ليه، مالك مبسوط كده
رامي: اصل اللي بيجي عليا مش بيكسب ابدا.
نور: و أنا اللي جيت عليك و لا أنت اللي جيت عليا.
رامي: انا غلبان يا نور ،و انتي اللي ظالمة و مفترية.
نور: ده بجد انا اللي ظالمة و أنت ايه ملاك
رامي: ملاك برئ
نور: رامي انا ضغطي عاليا لوحده أخرج برة دلوقتي
رامي ببرود: ليه بس يا نور انا معاكي لحد ما نخرج من هنا
نور: و انا مش عايزك امشي
رامي ببرود: مقدرش امشي من غيرك يا حبيبتي
نور : بقولك ضغطي وصل ل السماء ، امشي و سبيني لوحدي.
رامي: واجب عليا زي ما عليت الضغط أنزله تاني
نور : يارب حد يجي يخلصني منك.
في الوقت ده دخلت مها على كرسي متحرك مع الممرضة و أحمد وراءها
الممرضة: ساعدني يا استاذ احمد نحطها على السرير.
أحمد: ماشي
قعدت مها على السرير و قالت الممرضة: يلا أساتذة برة
أحمد: ليه كده انا عايز اقعد مع مراتي
مها: انا مش عايزة
أحمد: اخس عليكي.
نور: سمعت يا رامي ،ممنوع وجود الرجالة هنا
رامي: قلبي مش مطاوعني اسيبك
نور: معلش يلا أخرج
الممرضة : لو سمحتم يلا واضح انكم سبب اللي هما فيه
نور: حصل
مها: هما السبب في كل مشكلة في حياتنا.
الممرضة: اخرجوا أو اطلب الأمن
خرجوا الشباب من غير كلام
بصت الممرضة على مها و قالت: حضرتك هترتاحي شوية هنا و بعدين تقدري تمشي
و بصت على نور: و حضرتك اول ما المحاليل تخلص تقدري تمشي
و خرجت الممرضة
بدأت مها الكلام و قالت : الف سلامة عليكي
نور: الله يسلمك ، الف سلامة عليكي
مها: الله يسلمك ، انتي عندك ايه
نور: اصل انا حامل و الضغط عالي
مها: ربنا يقومك بالسلامة.
نور: يارب، و انتي الف سلامة على رجلك
مها: الله يسلمك
في الوقت ده دخلت سعاد و هي شايلة ابنها.
سعاد: سلام عليكم
نور: و عليكم السلام
مها: تعالي اتفضلي الاوضة اوضتك
قعدت سعاد مع ابنها على السرير و قالت : مين كان يصدق ان اقضي يوم الواقفة في المستشفى
مها: ماله ابنك اسم الله عليه
سعاد بحزن: وقع على أيده الشربة.
نور: يا حرام ،الف سلام عليك يا بطل.
معاذ: الله يسلمك يا طنط.
رن تلفيون نور بصت على الرقم و كان رامي، قالت بعصبية: اوف مش هرد عليك يا رامي.
سعاد: رامي ده جوزك صح.
نور: أيوة جوزي اللي كان السبب في ضغطي العالي
مها بعصبية: تصدقي أن الرجال. هما سبب كل المشاكل اللي في البيت
سعاد: بيت ايه هما سبب كل مشكلة في الدنيا
نور: شكل كل واحدة فينا قلبها معبي من جوزها.
ضحكوا التلاتة و بدوا يتشاركوا الحديث و الأزواج وخدين النصيب الأكبر عن الحوار
///////////////////
أما عن دعاء صمتت أنه امها تمشي رغم أنها كانت عايزة تفضل معها.
كانت قاعدة في اوضتها و هي حضنه هدوم آدم و بتعيط و تكلم نفسها: ليه يا ادم هي فيها ايه زيادة عني علشان تحبه كل الحب ده، أنت كنت كل حياتي ، أنا عارفة أن الناس هتقول عليا معنديش كرامة علشان اتحملت كل ده، هما عندهم حق أنا غلطانة أني عملت كده، كنت المفروض بعدت علشان كرامتي، بس مقدرتش ،مش اي حد يقدر يبعد عن اللي يحبه أنا أضعف من كده.
و عيطت على حبها و جوزها اللي ضاع من أيدها.
سمعت صوت بنتها من اوضتها: يا ماما، يا ماما تعالي بسرعة
جريت على اوضة ولادها و سالت بخوف: في ايه يا تسينم
و قبل ما تسينم ترد ،بصت على محمد اللي ينزف من راسه، صرخت و هي بتقول: ايه اللي حصل
و مسكت راسه تشوف الجرح
تسينم بدموع: كنا بنعلب و محمد وقع و اتعور.
دعاء بخوف: الجرح كبير ،ده لازم خياطة، اجري هاتي الموبايل اكلم ابوكي.
جابت تسينم تلفيون دعاء من الاوضة و طلبت دعاء رقم ادم تلات مرات من غير رد
كلمت نفسها: اه نسيت، هو عريس.
قامت من مكانها و قالت: انا البس و اروح المستشفى
تسينم: و انا هاجي معاكي
دعاء : لازم اعمل كده اومال اسيبك لمين.
و مشيت دعاء مع ولادها الاتنين على المستشفى
دعاء ركبت تاكسي مع ولادها و كانت خائفة جدا و تبص على الطريق بخوف ،بصت في الساعة كانت واحدة بليل ،قاعدة في النص و حضنها ولادها و هي ترتعش من الخوف و تكلم نفسها: يمكن انا غلطت لما طلبت من ادم يتجوز بسمة، و أو غلطت علشان أول ما لقيت جوزي حب وحدة تانية كنت المفروض امشي ،بس انا ضعيفة و رخصت نفسي مع واحد مش بيحبني.
فاقت على صوت السوق : وصلنا المدام
دعاء: شكرا
نزلت مع ولادها و دخلت المستشفى
////(((((((((((((((
محمد رأسه اتخطيت
دعاء: لو سمحتي ممكن اطلب منك طلب
الممرضة: اتفضلي
دعاء: هو ينفع اقعد هنا لحد الصبح.
الممرضة: هي الحالة مش مستهلة بس حاضر شكلك تعبانة و مش لاقيه مكان تقعدي فيه.
دعاء: شكرا
الممرضة: العفو ،تعالي هدخلك اوضة قعدة الفضضة
دعاء باستغراب: يعني ايه قعدة فضفضه
الممرضة: تعالي معي.
/////////////
في اوضة البنات كانوا لسه يتكلموا عن كل حاجه و اي حاجه و كأنهم اخوات، مش لسه عارفين بعض من شوية
دخلت الممرضة و قالت: جبتلكم واحدة كمان، و شكلها محتاجة تفضض
دخلت دعاء و هي شايلة محمد و ماسكة ايد تسينم و بيان عليها الهم و الحزن، قعدت و خدت ولادها في حضنها و انفجرت من العياط.
و اللي كانوا لسه يضحكوا سكتوا خالص و زعلوا عليها رغم أنهم مش عارفين عنها حاجه
بعد شوية
قالت مها: يا حبيبتي كفاية ،علشان خاطر ولادك
دعاء: خالص يا ولاد
تسينم: انتي بتعيطي ليه يا ماما
دعاء: علشان خايفة على محمد
محمد: انا كويس بلاش عياط
دعاء: حاضر
بعد شوية نام محمد و تسينم و معاذ كان نايم.
دعاء: معلش لو نكدت عليكم
مها: احنا كده كده في مود النكد
دعاء: اظن محدش زي وصلت ليفل الوحش في النكد
سعاد: احنا التلاتة كل واحدة فينا قالت زعلانة ليه، بس مش مشكلة هنعيد تاني علشان خاطرك،،،،،،
ابدا انا، انا هنا علشان الشربة وقعت على أيد ابني بالغلط و طبعا جوزي مش هيفوت فرصة زي دي و يثبت اني مقصرة و مهملة زي دي علشان كده عايزة اهرب منه.
دعاء:ابنك كويس
سعاد : الحمد لله
دعاء: خالص كبري دماغك ،هو انتي عايزة تضري ابنك
نور: قولنا كده.
دعاء: و انتي مالك
نور: انا حامل و الضغط عالي ،و السبب في كده جوزي ،اللي صممم اني أفطر عند اخوه النهاردة و انا مش فاضية و كمان النهاردة الدنيا بتكون زحمة و سلفتي دي مش بتبطل تستفزني
مها: انتي سلفتك أنا حماتي اللي مسودة عشتي
دعاء: أنا حماتي و حماي متوفين
مها : أنا حماي متوفي، بس حماتي عايشة و مدخلة نفسها في كل تفاصيل حياتي لدرجة صمتت هي تجيب اللبس ل الأولاد، و طبعا جوزي مش عايز يزعل امه ،يقوم يخليها تجيب هي اللبس، جابت لبس مش ذوق العيال و بسب كده اتخانقت انا و جوزي و رجلي كسرت
نور: صحيح يا مها،فين ولادك
مها: عند عمهم
دعاء: أنا شايفة المشكلة مش كبيرة
مها: لا مشكلة كبيرة علشان احنا من الناس اللي تجيب اللبس من السنة ل السنة يبقي نجيب حاجة كويسة
سعاد: معلش يا مها عدي الموضوع
مها: و انا في أيدي حاجة غير كده
نور: فاضل انتي عايزة تكلمي أو لا
دعاء: مش انا قولتلكم اني وصلت ليفل الوحش
سعاد: ازاي.
دعاء : من شوية جوزي اتجوز واحدة تانية
مها بصدمة: ازاي
دعاء بحزن: الموضوع طويل
و حكت دعاء لهم اللي حصل و بعد ما خلصت كانت كل واحدة من البنات لها رأي
مها::انا شايفة انك غلطانة يا دعاء، احنا بشر و مفيش واحدة تستحمل اللي انتي فيها، ازاي تطلبي من جوزك يتجوز عليكي، انا شايفة انك كنتي بعدتي عنه افضل لكي و ل الأولاد
أما سعاد كان لها راء تاني، لما قالت: انا مع مها أن مكنش المفروض تقبلي أن جوزك يتجوز عليكي، بس مش مش معها أنك تمشي و تهدي بيتك، كان لازم تفضلي و تحاولي تشدي جوزك ليكي.
دعاء: و انتي يا نور.
نور: انا مش مع سعاد أو مها ,انا الموضوع مختلف عندي و ده بسبب مرض بسمة، كلنا عارفين ان المرض اللي عندها اهم حاجة في النفسية اعتباري انك عملتي كده من باب فعل الخير.
دعاء: انا فكرت زيك كده و كمان جوزي كان صعبان عليا ، هو اللي حصل حصل، بس أنا حاليا مش فاهمة نفسي ،قلبي مولع نار ، و زعلت اكتر لما رنيت عليه تلات مرات علشان أقوله تعال معي و هو مردش عليا، عرفت كده أنه خسرته
مها: ربنا يصبر قلبك
حاولت سعاد تغير جو الحزن و قالت: انا مستغربة من حاجة
نور: ايه هي
سعاد: هو من امت الحالات اللي زينا كده يتحجزوا في المستشفى
دعاء: يمكن الممرضة شافت أننا محتاجين نفصل شوية عن كل حاجه
نور: ربنا يبارك فيها، هي فعلا عملت الخير معانا.
/////////////////
في شقة ادم
صحي من النوم، مسك التلفيون و شاف أن دعاء رنت عليه تلات مرات، طلب رقمها ،بس هي مردتش غير في المرة الرابعة
دعاء: عايز ايه
ادم::لقيتك رنة عليا تلات مرات، انتي كويسة
دعاء بعصبيه: و أنت لسه فاكر تسال أنا كويسه أو لا
ادم: أنا اسف كنت نايم وما سمعتش التليفون في ايه عايزه حاجه اطلعك دلوقتي.
دعاء: أنا مش في البيت اصلا
ادم : اومال أنت فين يا دعاء.
دعاء :انا في المستشفى
قام من مكانه بخوف وسأل : مستشفى ليه؟ انت والاولاد كويسين
ردت بصوت مخنوقة من العياط: لا يا ادم أنا و الولاد مش كويسين ،محمد اتعور و انا خرجت الساعة واحد بليل لوحدي علشان انت مع عروستك يا عريس ،رنيت عليك اكتر من مرة و طنشت المكالمة، صحيح هي حبيبتك اللي ممكن تموت علشانها ،بس انا و ولادك في ستين داهيه مش هنفرق معك.
ادم: ايه الكلام الغريب ده، عنوان المستشفى ايه
مردتش عليه
ادم برجاء: لو سمحتي يا دعاء ردي عليا.
قالت دعاء عنوان المستشفي و قفلت
و قام ادم دخل الحمام
كانت بسمة صحيت على الصوت
خرج ادم من الحمام ، سالت بسمة: انت ريح فين
ادم: زي ما سمعتي محمد متعور و في المستشفى لازم اروح اشوف في ايه
بسمه بعصبيه : هو الكلام ده بجد عايز تسيبني يوم فرحي وتروح لضرتي
بص عليها باستغراب و قال: اروح لضرتك اللي هي مراتي قبلك و هي بنفسها طلبت مني اتجوزك ،انتي طبيعية
زعقت بصوت عالي: أيوة طبيعية و مش هاسيبك تخرج من هنا
ادم : انتي مجنونة، ايه الطريقه دي يا بسمه
بسمة: انا قولت اللي عندي ، هي عرفت تتصرف يبقي خالص
ادم: جرا لمخك حاجة، دي مراتي و ولادي في المستشفي ،اسيبهم و اقعد جنبك هنا.
بسمة: أيوة أنا اهم منهم.
بص عليها بغضب و مشي.
و هي صرخت بجنون: ادم، ادم.
///////////////
في كافتيريا المستشفى كان التلاتة شباب قاعدين مع بعض.
احمد: انا اول مره اشوف واحده مكسوره تتحجز في المستشفى
عادل: انا بقول نفس الكلام يعني هم عقموا الجرح لمعاذ يفضل هنا المفروض نمشي
رامي: اقولكم حسيت بايه
أحمد: اقول
رامي: أن الستات مش عايزين يمشوا.
ضحك عادل و قال: عندك حق ،انا حاسس كده برضو
أحمد: شكلهم زهقانين مننا على الاخر
رامي: علشان كده انا سيبت مراتي براحتها علشان تفكك شوية.
عادل: بس فاضل كام ساعة على صلاة العيد، هنقضي العيد في المستشفى
رامي: مش بيقولك رمضان في مصر حاجة تانية
أحمد: اه
رامي: احنا بقي هنقول ، العيد في المستشفى حاجة تانية
ضحك عادل بصوت عالي و قال: أو نقول العيد في المستشفى له طعم تاني
أحمد: لا ياعم منك ليه انا عايز ارجع البيت.
عادل: مين سامعك احنا بنهزر
أحمد: انا هقوم علشان نمشي
عادل: خدني معك
رامي: و انا هقعد لوحدي ،معاكم طبعا.
///////////
في اوضة البنات
دخلت الممرضة تتطمن عليهم و قالت بابتسامه: كل سنة و انتم طيبين.
نور: و انتي طيبة يا قمر
دعاء: انا متشكرة ليكي
الممرضة: العفو، انا معملتش حاجة
سعاد: عملتي كتير و ريحتي اعصابنا شوية
الممرضة: طيب عايزة حد ينصحني علشان محتارة.
نور: قولي، بس اسمك ايه الاول
الممرضة::هدير
مها: أسمك جميل يا هدير
هدير: تسلمي يا مها، اسمعوا حكايتي بقي
سمعت البنات بانتباه
و اتكلمت هدير و بيان عليها الحزن::
انا جوزي كان متقدّم لبنت عمي قبل ما يتجوزني، هو كان جار عمي و انا كنت مرة في زيارة لبيت عمي قابلته صدفة و الصراحة اعجبت بيا، بس كتمت مشاعري في قلبي، و عرفت أنه اتقدم لبنت ،و هي رفضته و قالت كلام من نوعية ، إن لبسه بسيط ومش هيعرف يعيشها في المستوى اللي هي بتحلم بيا، و بعد 6 شهور اتقدّملي هو قال لي انه شافني مرة و انا عند عمي اعجب بيا، و الصراحة انا وفقت واتجوزنا، وربنا كرمه بشغل كويس وسافر برّه. و هي كمان اتجوزت واحد تاني، بس التاني رغم أنه غني و معه فلوس ،طلع طبعه صعب، و اتطلقت في الاخر..
و سكتت شوية و بعدين قالت:
دلوقتي الحمد لله جوزي بقى مرتاح ماديا ، واشترينا شقة ملك بدل الإيجار، وحياتنا بقت كويسة و بقالي سنين متجوزين و يعاملني معاملة حلوة ،و ربنا رزقني بولد زي القمر ، المشكلة دلوقتي إن بنت عمي بقت تزورني كتير، وبحس إنها بتلفت نظر جوزي بكل الطرق ، تضحك بصوت عالي وتظهر شعرها قال ايه الطرحة تزحلق ، مش هو ده اللي رفضته زمان و لا علشان بقي معه فلوس ، و انا مش عارفه اعمل ايه.
نور: هو انتي لسه بتسالي بكل وضوح قولها انتي غير مرحبا بيكي طول ما جوزي موجود
هدير: كده هعمل زعل في العيلة واحتمال عمي يقطع معي
نور: لو ده حصل يبقي قولهم هي بتعمل ايه، و اكدي على نقطة هي تجي تزورك في أي وقت المهم جوزك يبقي مش موجود
سعاد: السؤال الأهم ،موقف جوزك ايه و ملاحظ أو لا
هدير: طبعا ملاحظ كل حاجه في الاول كانت يدخل الاوضة و مش معابرها،بس بعد كده بقي يقعد معها
مها: يبقي عرفت ترسم على جوزك صح، رفضته لما كان على قد حاله،و لما بقي معه فلوس احلوا في عينها، خلي بالك و بلاش تتضيعي جوزك من ايدك و اسمعي كلام نور
هدير: بعيد عن العيلة لو مثلا سال عليها اقول ايه
دعاء:قولي الصراحة، هي رفضتك زمان لما كنت فقير و دلوقتي بعد ما أطلقت و أنت بقي معك فلوس بتحاول ترسم عليك، و انا مش هسامح بكده ،انا وفقت عليك علشان سبب واحد و اني بحبك رغم أن مكنش فلوس و مش هسيب بيتي يتدمر بسبب واحدة طماعة زيها.
سعاد: صح لازم تكوني صريحة معها و تعرفيه انك اللي وقفتي معه
هدير: انا ارتاحت اني اتكلمت معكم ، و هاخد بالنصحية.
نور: عندي احساس أن ربنا جمعنا في الوقت ده و احنا منعرفش بعض علشان كنا محتاجين بعض
مها: انا عندي نفسي هديت و قررت اعدي اللي حصل و مش مهم اجيب لبس جديد
سعاد: انا بقي متأكدة لو كنت رجعت البيت على طول، اكيد كنا هنمسك في بعض انا و عادل
ضحكت نور و قالت: و انا كنت ممكن أولع في رامي و اخلص منه
دعاء: انا بقي لو كنت فضلت في البيت ،كنت هموت.
هدير: يبقي يلا اجهزوا علشان تمشوا
قامت هدير علشان تخرج من الاوضة ،كان الشباب واقفين على الباب
دخل رامي و هو بيقول: مش يلا نمشي يا نور
.نور: تمام انا جاهزة
عادل: مش نرجع بيتنا بقي يا سوسو
سعاد: تعال شيل معاذ
عادل: ماشي
أحمد: يلا يا مها و علشان متزعليش ،انا اول ما وصلنا هنا كلمت اختك و طلبت منها تاخد العيال و تجيب ليهم لبس العيد و اظن ذوق اختك زيك
مها بسعادة :بجد يا احمد
أحمد: كل اللي يهمني سعادتك انتي و العيال.
و بدأ كل واحد ياخد مراته و يمشوا و فاضل ادم اللي وقف مكانه زي ما يكون خايف يقرب
كانت الاوضة فضيت عليهم، مشي خطوات بطيئة لحد عندها و سال: محمد عامل ايه
دعاء: الحمد لله
ادم: يلا نراجع البيت
دعاء : احنا محتاجين نتكلم
ادم: لما نرجع البيت
شال ادم محمد و دعاء شالت تسينم و مشيوا
/////////
عند هدير رنت على ابوها و قالت: كل سنة وانت طيب يا بابا
ابو هدير : و انتي طيبة يا حبيبتي
هدير خدت نفس و قالت: بابا عايزة اطلب منك طلب
ابو هدير: اتفضلي يا حبيبتي
هدير: كلم عمي و قوله بلاش دنيا تزروني في بيتي تاني
ابو هدير: ليه يا بنتي حصل حاجه
هدير: كلم عارفين ان عز قبل ما يطلب أيدي للجواز ،اتقدم ل دنيا و هي رفضت علشان هو فقير، هي دلوقتي علشان هي بقت مطلقة و هو معه فلوس كتير، بتحاول ترسم عليه،
ابو هدير: انتي شوفتي حاجة
هدير : أيوة يا بابا زيارات كتير و كمان تتعمتد تضحك قدمه بصوت عالي و حاجات كتير ملهاش لازمة تتقال، اظن من حقي احافظ على بيتي
ابو هدير: طبعا من حقك ،حاضر ها اكلم عمك.
هدير قفلت و دخلت تغير هدومها علشان ترجع البيت
////////////
أما عن دعاء رجعت البيت مع ادم
ادم: عايزة تقولي ايه يا دعاء
دعاء: انا مش قادرة
ادم: مش فاهم
دعاء: انا عملت فيها بطلة و بقلب جامد طلبت منك تتجوز ، و يعلم ربنا عملت كده علشان خاطر سعادتك ،بس لما الأمر بقي أمر واقع مقدرتش أتحمل
ادم: أنا قولتك قبل كده انا بحبك
ابتسمت بسخرية: اه بتحبني و تحب بسمة في نفس الوقت، بلاش تكدب على نفسك و عليا، انا بالنسبة كنت زوجة مناسبة علشان كده اتجوزتني ،اما بسمة هي الحب الحقيقي اللي في حياتك، انت بتحلم بيها و أنت نايم ،تخيل بسمعك و انت نايم تقول اسمها ،تتطلب منها أنها تحارب علشان خاطرك ، لو انا مكانك كنت عملت ايه، كنت تقدر تتحمل يا ادم ،اكيد لا .
ادم : دعاء انا
شاورت بايدها أنه يسكت و كملت: بص يا ادم أنا مش هطلق و ده مش علشانك ده علشان ولادي، بس كمان مش هكون مراتك
ادم: يعني ايه
دعاء: يعني أنا و انت العلاقة بينا انتهت، هنستمر بس علشان العيال
ادم : و انا مش موافق على كده
دعاء: براحتك انا قولت اللي عندي
و قبل ما ادم يتكلم خبطت بسمة على الباب بعنف و هي بتقول: افتحي يا دعاء، افتحي يا مياة من تحت تبانه
رح ادم يفتح و سال بغضب: في ايه مالك.
دخلت بسمة وقالت بعصبيه: اخص عليكي يا دعاء وعامله فيها الطيبه الغلبانه والمضحيه اللي جوزت جوزها بايديها ويطلع منك كل ده
دعاء: وانا عملت ايه ان شاء الله
بسمة: بتحاولي تسرقي جوزي يوم الفرح ينفع كده
دعاء: ريحي نفسك انا مسرقتش حد و زي ما قولتي أنا اللي جوزتك جوزي بايدي، و علشان تكوني مبسوطة، من النهاردة اعتبرني برة حياتكم أنا عايشة بس هنا علشان ولادي.
بسمة: ما بلاش دور الضحية و الملاك اللي تحبي تعيشي فيا.
دعاء: بقولك ايه انا يومي كان صعب ،يلا كده من غير مطرود.
ادم: انا مش موافق على الجنان ده.
دعاء: لو سمحت يا ادم خد مراتك و امشي ،علشان انا تعبانة.
ادم: دعاء انا همشي علشان ترتاحي بس لينا كلام تاني.
خرج ادم و بسمة وراءه و دعاء دخلت تاخد حمام و تنام علشان تعبانة
//////////
و عدت الليلة الصعبة على الكل و تاني يوم كان العيد
في بيت أحمد
مها بدموع: انا زعلانة اني مش هصلي العيد
أحمد: معلش يا حبيبي ده نصيب، و الحمد لله انها جت على قد كده
مها: يعني هتاخد العيال و تسبوني لوحدي
أحمد: مش هنتاخر عليكي ، يلا مع السلامة
مها: خلي بالك من العيال
أحمد: حاضر
////////////
عادل: يلا يا سعاد هنتاخر على الصلاة
خرجت من الاوضة و قالت: انا خلصت اهو
عادل: فين معاذ
سعاد: جاي وراي
عادل: يلا يا معاذ هنتاخر
معاذ: انا جاهز
و خرجوا على الصلاة
//////////
في بيت رامي
رامي: كل سنة و انتي طيبه يا نور
نور: و أنت طيب يا رامي
رامي: أن شاء الله العيد الجاي يكون بنتنا موجودة و منورة الدنيا
نور: يارب
رامي: يلا بقي علشان نلحق الصلاة.
///////////
في بيت هدير
عز: كنت عايز أسألك سؤال
هدير: اتفضل
عز: انا حاسس انك متغيرة الايام دي
هدير : ليه مفيش حاجه، انا بس كنت بنظف اورق الماضي
عز: يعني ايه
هدير: يعني بحبك يا عز و خليك فاكر أننا ابتدينا كل حاجه مع بعض
عز: عارف و مقدر انك سبب الخير اللي دخل حياتي
هدير: ده كله من كرم ربنا علينا
////////////
في صلاة العيد
كانت بسمة تتكلم في التلفيون على جنب : عايزة ايه
نوال: عايزة فلوس
بسمة بعصبية:فلوس ايه تاني مش كفاية فلوس
نوال: انا مزورة تحاليل تثبت أن عندك سرطان الدم و دي مش سهلة
بسمة: نوال قولتلك بلاش كلام في الموضوع ده، لو ادم عرف اني معنديش سرطان والتحاليل مزورة هيطلقني
نوال: متخافيش بس عايزة فلوس اسكت ضميري
بسمة: هو انتي عندك ضمير اصلا يا نوال
نوال: ضميري يصحي لما يبقي عايز فلوس و لما ياخد فلوس ينام تاني.
بسمة: حاضر يا نوال هدفعلك فلوس تاني بس استني يومين كده
نوال: بلاش تأخير علشان انا زعلي وحش
بسمة: مقدرش على زعلك يا نوال.
كانت بتسمع المكالمة تسينم اللي جريت قالت لي دعاء
تسينم: ماما
دعاء: مالك يا حبيبتي
تسينم : انا سمعت طنط بسمة و هي تتكلم في التلفيون
دعاء: و ايه المشكلة يا حبيبتي
تسينم: سمعتها بتقول انها مش تعبانة
دعاء: براحة كده و قوللي سمعت ايه بالحرف
قالت تسينم كل كلمة و بعدين قالت دعاء: ماشي يا تسينم انسي الموضوع
تسينم: حاضر.
كلمت دعاء نفسها: يعني بسمة مش مريضة و انا اللي كانت صعبانة عليا ،يلا هي و ادم يستاهلوا بعض.
قررت دعاء انها تسكت وما تقولش أن بسمه تخدع ادم لانه مش عيل صغير ممكن يكون عارف وهم الاثنين خدعوها سوا هو كده كده بيحبها.
و كان يوم العيد سعيد على الكل احمد ومها و ولادهم
و عادل و سعاد و معاذ ابنهم
و رامي و نور
و عز و هدير و ابنهم و الكل كان مبسوط حتى دعاء مبسوطه مع اولادها و قررت تنسي ادم نهائي..
تمت بحمد الله
