رواية واهتز عرش الجبال عشقا الحلقة الخاصة بقلم لولا نور

يا كحك العيد يا احنا .. يا بسكويت يا احنا 

يا شربتات يا احنا .. في الكوبيات يا احنا

يا فناجين يا احنا .. يا مرصوصين يا احنا

يا مهلبية يا احنا .. على الصينية يا احنا

يا عود نعناع يا احنا .. عند البياع يا احنا

يا عود ملوخية يا احنا .. ع العربية يا احنا

يا بلح بريمو يا احنا .. يتباع بالكيلو يا احنا

يا سمن سايح يا احنا .. دوا الصفايح يا احنا

ومحدش حلو إلا احنا .. يا احنا يا احنا يا احنا......

* كانت ديالا تردد كلمات الاغنيه خلف الخادمات وهن يقمن برص الكعك والبسكوت في الصاجات وخبزها في الفرن الكبير ...

* دخلت الحاجه جليله المطبخ : واااه  لساتكم مخلصتوش خبز ، ده تكبيرات الصلاه بدأت في الچوامع والصلاه كلها نص ساعه وتبدأ ...

انا معرفاش لزومه ايه التعب ده ما كنا چبناه چاهز يا بتي وريحتي حالك وانتي حبله وبطنك شايله ...

* ابتسمت ديالا باتساع وهي تضع اخر قطعه من الكحك في الصاج بعدما اخيراً اتقنت صنعها : ما انا مرتاحه اهو يا ماما الحاجه هو انا تعبت في ايه البنات هما اللي تعبوا وبصراحه كان نفسي اوي في كحك البيت نفسي اعيش الجو ده ، اني اعمل كحك العيد في البيت لان دادي طول عمره بيشتريه ليا عمرنا ما عملناه في البيت ...

* ربطت الحاجه جليله علي كتفها بحنان: وماله يا بتي اعملي اللي يلد عليكي انا عامله علي تعبك ، وچبل لو عرف انك جاعده لحد دلوك بتخبزي مع البنات هيشندلنا شنديل ، انتي خبراه بيخاف عليكي كد ايه..

* سخرت ديالا هازئه : اه فعلاً بيخاف عليا اوي..

انا خلاص خلصت هطلع اخد شاور واجهز جسور علشان صلاه العيد عن اذن حضرتك ..

* ابتسمت الحاجه جليله علي ملامحها الغاضبه : اذنك معاكي يا بتي ، اطلعي انتي اتسبحي وانا هصحي الچسور والبسه ..

ثم تابعت هامسه بعدما صعدت ديالا : استلقي وعدك منيها يا چبل ...

* دخلت ديالا جناحها ، فوجدت جبل يخرج من الحمام يجفف شعره بالمنشفه ..

صباح الخير .. كنتي فين ، صحيت مالقتكيش چاري؟؟؟

* اجابته ديالا بجمود وهي تمر من جانبه نحو الحمام : انا ما نمتش اصلاً ، انا مطبقه من امبارح مع البنات كنا بنعمل كحك العيد ...

* امسكها جبل من ذراعها وهي تمر من جانبه ، فاشاحت بنظرتها عنه ، فتابع هو بغضب: انتي ادبيتي في مخك اياك ، محروج ابو الكعك ده اللي يخاليكي تتعبي حالك وتسهري اكده وانتي حبله وتجلجيني عليكي..:

* ازاحت يده من علي ذراعها بجمود: لا ما تقلاقش عليا انا كويسه ، اوعي خاليني اخد شاور وانت كمان روح اجهز علشان الصلاه قربت خلاص ...

ودخلت الحمام دون ان تستمع الي رده ...

وقف جبل ينظر الي باب الحمام المغلق في وجهه، حك مؤخره عنقه وتابع : شكل المهره زمجانه منيك يا واد چليله وهتطلع عينك علي ما تصالحها ...

* بعد وقت خرجت ديالا من الحمام فوجدت جبل قد رحل ...

دلفت الي غرفه الملابس حتي تستعد ، فوجدت عباءه مغربي بلون الاوف وايت مشغوله بتطريزات ذهبيه غايه في الاناقه والروعه معلقه فوق المشجب ومعها كارت صغير مكتوب عليه : يارب ذوقي يعچبك ، كل سنه وانتي طيبه يا مهرتي ..

* كتمت ابتسامه سعيده دغدغت مشاعرها من تلك اللفته البسيطه خاصه بعدما انبهرت بجمال العباءه ولكنها لن تستسلم له بتلك السهوله ...

* نظرت الي العباءه تاره والي الكارت في يدها تاره اخري : بقي بتصالحني بعبايه يا سي جبل طب وحياه مامتك جليله ما انا لبساها ....

* ثم استدارت تبحث في دولابها عن عباءه اخري اشيك واحلي حتي وقع اختيارها علي قفطان مغربي باللون الاحمر الناري فلمعت عينها الرماديه بشقاوه وتابعت : والله لاجننك ياجبل واخاليك تعرف ان الله حق ...

...............

* بعد صلاه الظهر عاد جبل اخيراً الي السرايا  ومعه حسن بعدما انتهي من الصلاه والمعايدات علي ابناء قريته وتوزيع الطعام والاموال لغير المقتدرين ....

* دخل من باب السرايا فوجد عائلته باكملها مجتمعه ، عزيز الجبالي ، عمه ابراهيم وزوجته ، اخته جميله وتوآميها ، هند وزوجها محروس واولادها جابر وجبل ...

ما عدا ورد التي تحتفل بالعيد في دار الايتام ....

القي عليهم السلام وجلس بين عمه وحماه عزيز الجبالي وعينيه تبحث عن جنيته الصهباء...

*سمع صوتها يغرد من خلفه ورائحه عطرها الخلابه تسبقها ، تنحنح بخشونه حتي لا يظهر عليه تاثره بها فقلبه يهفو الي رؤيتها في عباءتها الجديده التي احضرها خصيصاً لها ....

* تجمد الدم في عروقه عندما ظهرت امامه وهي تقدم القهوه الي والدها وعمه عندما وجد شعله حمراء متوهجه بنيرانها تلمع امام ناظريه ....

* قدمت القهوه ولم تعيره اي اهتمام او تلقي عليه نظره مما جعل دماءه تغلي داخل اوردته ، فنهض مستاذناً منهم ولحق بها ...

* اوقفها صوته الرخيم قبل ان تجلس مكانها مع النساء ...

* ام الچسور عاوزك دقيقه...

ثم دخل الي غرفه الصالون ينتظرها داخله ، استاذنت منهم وتبعته وعيون هند تتابعهم بحسره لم ولن تنتهي ...

* دخلت غرفه الصالون فوجدته يوليها ظهره عاقداً ذراعيه خلف ظهره ، : نعم !!!!

* استدار اليها وفي عينيه نظره غيره مجنونه : فين عبايتك الچديده ملبستهاش ليه؟؟

* أجابته باقتضاب: مش حاسه اني عاوزه البسها دلوقتي 

* زم جبل شفتيه بغضب: والاُحمر هو اللي لادد عليكي ...

*ديالا بسماجه : هو كده بالظبط ، وبعدين انت ناده لي وسايبين الناس علشان تكلمني علي لون العبايه اللي انا لبساها ...

* جبل وهو يتحكم في اعصابه: ايوه طبعاً لما تكون مكسمه عليكي ومبينه بطنك ، ومش بس اكده شعرك اللي نصه باين من طرحتك ، ده غير ريحه برفانك اللي شاممها من علي بعد ٢ كيلو ، ورايحه چايه وده يبص ليكي وده عينه تاچي عليكي بسبب اللون الزفت الي انتي لبساه ده وانا اولع عادي مش هامك حاچه ...

* كتمت ديالا ضحكتها باعجوبه علي غيرته : مين اللي هيبص عليا ودول كلهم اهلنا ومحدش يقدر يتجرأ ويرفع عينه فيا وعلي العموم خلاص الغدا هيتحط وبعدها كلهم هيمشوا وهبقي اغيرها ...

* جبل بحده : ولا دقيقه واحده تجعديها معاهم وانتي لابسه اكده تطلعي تغيري وتنزلي واوعاكي تحطي برفان تاني الا في الچناح وبس انتي سامعه...

* زمت ديالا شفتيها وتابعت بمكر : حاضر يا جبل ..

وما ان استدارت حتي وضعت يدها علي بطنها وانحنت للامام تآن بوجع :ااااه بطني ....

* في ثانيه اقترب منها جبل يسالها بلهفه: مالك حوصل لك ايه ، ابعت اچيب الدكتوره..

* ديالا وهي تمثل الوجع : لا مش للدرجه ، انا بس حاسه ان نفسي مخنوق وكمان جعانه ما اكلتش من الصبح ...

* جبل بلوم : اهو ده اللي انا عامل حسابه بتتعبي حالك من غير داعي ومش مراعيه حالك ، انا هخاليهم يحضروا لك الوكل في الچناح تاكلي وترتاحي...

* ديالا بضعف : مالوش لزوم انا هاكل معاهم ولما يمشوا ابقي ارتاح بلاش يعرفوا اني تعبت وكمان مش عاوزه اقلق دادي عليا....

* نظر لها جبل بتردد ، فانسلت من بين يديه وخرجت من الصالون : يالا علشان ما نتاخرش عليهم ويقلقوا علينا وخرجت وهو خلفها وعلي وجهها ابتسامه منتصره ..

لمحها جبل خاصه مع اعتدال مشيتها : بقي بتلعبي عليا يا مهرتي صبرك عليا ....

...................

في جناح جبل ....

خرجت ديالا من الحمام بعد اخذ حمام منعش بعد يوم طويل ، فوجدت جبل جالس في الفراش يتابع باهتمام شيء علي هاتفه المحمول ولا يعيرها اي اهتمام....

* انتهت من تصفيف خصلاتها وترطيب جسدها التي أغرقته بالعطر الذي يعشقه جبل ...

جبل الذي انتعشت روحه وارتفع وجيب قلبه بعدما اشتم رائحتها التي يعشقها ولكنه اخذ يلاعبها كما تلاعبه ...

* اندست جانبه في الفراش واولته ظهرها : جبل اطفي النور اللي جانبك ده انا تعبانه وعاوزه انام ...

* ومين سمعك انا كمان هلكان وعاوزه انام سبوع بحاله .. ثم اغلق الضو واولاها ظهره هو الاخر ...

* صدمت ديالا من تجاهله لها واخذت تقضم شفتيها بغيظ محدثه نفسها : ايه ده بقي ان شاء الله ، ده نام بجد ، هو انا مش وحشاه ولا ايه ، ماشي يا جبل ولا هعبرك اصلاً ..

* وعلي الجانب الاخر من الفراش اخذ جبل يعد الي العشره في انتظار زوبعتها القادمه وقبل ان يصل الي رقم عشره كان صوتها يناديه بحده : جبل ... انت نمت؟؟

* كتم جبل ضحكته بصعوبه : لا لسه رايده حاچه...

* اعتدلت ديالا وخبطت علي ظهره العاري امامها : ايوه اقوم اتعدل وكلمني زي ما بكلمك ...

* استدار اليها راسماً الجديه علي ملامحه: نعم !!!!

* ديالا بحنق : ايه نعم دي ؟؟

* استغفر الله العظيم يارب ، مالك يا بت الناس رايده ايه مني ...

* نظرت له لثواني لا تعلم بماذا تجيبه : عاوزه ...فين عديتي انا ما اخدتش العيديه بتاعتي...

* كبح جبل ابتسامته بصعوبه وتابع : بس اكده ، حاضر اول ما اصحي هديها لك ...

* ديالا بحنق وهي تجلس علي الفراش: كمان لسه هستني للصبح لما البيه يصحي يبقي يديها لي ، لا شكراً مش عاوزه منك حاجه ،علي راي صافي مش بعد العيد يتفلفل كحك ....

* انفجر جبل ضاحكاً وتابع : اسميها مش بعد العيد بيتفتل كحك مش بيتفلفل...

وعموماً يا ستي حاضر هقوم اديكي عديتك دلوك حاچه تاني....

* ديالا برفض وهي تزم شفتيها كالاطفال : لا خاليك مكانك انا مش عاوزه منك حاجه ،الاهتمام ما بيتطلبش ، ويعني هي جت علي العيديه ما انت طول رمضان سايبني ومش بتسال فيا ، بتنزل وانا نايمه وترجع وانا نايمه ويادوبك تفطر ده ان فطرت معانا وبعدها تختفي في المندره مع ضيوفك تقدر تقولي ده اسمه ايه ...

* نظر جبل بافتنان الي ملامحها المحفوره داخل قلبه وتابع بعشق : اسمها اني بعصم نفسي من فتنتك يا مهرتي....

* بهتت ديالا من تعبيره : يعني ايه؟؟

* جبل وهو يخلخل اصابعه في خصلاتها الناريه: يعني بحافظ علي صيامي وقيامي منيكي ، انا مفتون بيكي يا مليحه ، قلبي بيفط مني اما بوعالك ، وجتتي بتقيد نار اما بسمع صوتك او تنادي عليا ، علشان اكده مش عاوزك تكوني سبب في ضياع صيامي  وصيامك لاني ممكن مجدرش امسك حالي عنيكي ....

* تخدرت ديالا من حلو كلامه وذهب غضبها منه ادراج الرياح : لحد دلوقتي يا جبل لسه بأثر فيك زي الاول ، يعني شكل جسمي اللي زاد من الحمل والولاده مش مضايقك ،او حتي حبك ليا ما قلش؟؟ 

* جبل بحسم : عمره ما قل يا مليحه ده بيزيد يوم عن يوم ، عشقك بقي هو الدم اللي بيحي قلبي ويخاليني عايش ، وبعدين انتي في عيني اجمل نساء الدنيا انا اكتفيت بيكي عن كل حريم الدنيا ...

* ديالا بدلال وهي تتعلق في عنقه: بس انت كنت بتوحشني اوي وانت بعيد عني...

* قبل جبل ارنبه انفها : وانا اتوحشتك اكتر واكتر بس اعمل انتي فتنه ، انتي فتنتني في الدنيا ...

* ديالا بدلال : ايوه يا اخويا اضحك عليا بكلامك الحلو ده ، بس برضه مش هنسي عديتي....

* ضحك جبل فزادت ملامحه خشونه ورجوله في عينيها : عديتك چت من بدري ومحضرها لك بس جلت اما اخلص تاري منيكي يا ام عبايا حمرا انتي ...

* ضحكت ديالا باستمتاع : انت اللي بديت فاتستحمل بقي...

* اني استحمل اي حاچه الا ان غيري يلمح حسنك وچمالك ده ، ده حصري ليا اني وبس يا مهرتي..:

* ديالا بغنج : حاضر يا قلب مهرتك ، فين العيديه بقي ...

* مد جبل يده علي الكومود بجانبه واخد علبه مخمليه من القطيفه قدمها لها : بس هو مش الواحد بيفطر الاول وبعدين بياخد العيديه...

* اومأت ديالا براسها موافقه، فتابع : طب اني صومت عنك كتير عاوز افطر الاول علشان اعرف اعيد عليكي ...

*ديالا بغنج: وعاوز تفطر ازاي

* جبل وهو يريحها علي الفراش ويشرف عليها بجسده الصلب: هفطر بيكي انتي يا مليحه ...

ثم قبلها بعشق محموم يكبر ويزهر مع الايام ....