رواية بنت العم والضابط كامله جميع الفصول بقلم مجهول
مرحبا اني اسمي تبارك عندي خوات ثنين اسمهن تقى ويقين عمري 17 سنه صف خامس اعدادي خواتي اكبر مني عايشين بلبصرة ويه عمامي بيت جبير الي هوه بيت جدي وعمامي كلهم بي بابه اسمه وليد جان افقر اخوانه ماديآ يشتغل سايق تكسي واحنه 3 بنات ومامه ودائمآ نحتاج شغلات على الرغم من بابه حالته الماديه فقيرة بس جان ممخلينه نحتاج ال اي شي مرات عمامي يريدون يساعدون بابه بس بابه ميقبل امي اسمهه حياه من محافضه اربيل ماعدهه احد ابوهه وامهه ميتين جانت عايشه ويه خالي ومن تزوجت خالي استقر ب خارج العراق
اني نسخه من امي كلشش اشبهه شعري لونه بني وعيوني لون ازرق فاتح طولي 155 وزني 50 بأختصار حلوة
▪هسه خواتي يعرفن بنفسهن
مرحبا اني اسمي تقى عمري 22 سنه مواصفاتي شعري اسود عيوني بني فاتح طولي 165 وزني 63 اني اشبه بابه
مرحبآ اني اسمي يقين عمري 20 سنه مواصفاتي شعري لونه اسود وعيوني خضر طولي 160 وزني 56 اشبه بابه بس عيوني ماخذتهن على اهل امي
يوم الخميس ساعه 6:30 صباحآ بتوقيت العراق
حياة||تبارك تبارك يمه يله كومي
تبارك||ايي كمت
كمت بدلت لبست القميص ابيض وصدريه سودة لفيت شال ابيض وحذاء البيض اخذت الجنطه على الجتف لون وردي فاتح لبست ساعه وردي بلون الجنطه رشيت عطر نزلت جوه
تبارك||صباح الخير
وليد||صباح النور بنيتي تعاي تريكي يله
كعدت تريكت بيض وجبن وجاي ويه بيبي وبابه ومامه وعمامي
▪اني الوحيده الي ادوام مدرسه عمامي ميقبلون بنيه تكمل حدهه اول متوسط وتبطل يعني متدخل متوسطه
اني من صرت اول متوسط بابه راد يبطلني بقيت اتوسل ابجي واسبوع اني كلشي ما اكل وكلساع اتخربط كال ميخالف دوامين الحد سادس اعدادي مدخلين جامعه اني وافقت كلت الله كريم منا للسادس
الصبح بابه يوصلني وبلرجعه اني ارجع ومرات خطيه هوه يجيني يطلع من الصبح يشتغل يرجع ساعه 2 يتغده ينام يكعد العصر ياكل ويروح للشغل يرجع بليل ب 10 يتعشه وينام سودة عليه هواي يتعب
صعدت بسيارة بابه كعدت ليكدام وهوه صعد شغل قران وداني للمدرسه انطاني الف
وليد|| ديري بالج على نفسج بابه
تبارك|| اوك حبيبي وانته هم دير بالك على نفسك
وليد||مع السلامه
تبارك||الله وياك
دخلت للمدرسه واكفه المرشده تفتش على اللبس خاف وحده مخالفه حاطه مكياج
وصلت يمي باعت عليه كالت يله دخلي
دخلت للمدرسه رحت لصفي كعدت اول رحله وطلعت الكتاب بقيت اراجع بلموضوع الي عدنه واجب بي الحد ما اجتي المدرسه كالت ضمو الكتب ضمينه وبقت تكوم على الاسماء وتحط درجات يومي
كومتني قريت كلش زين كالت ممتاز
بقن الدروس هيج واحد ورة الثاني الحد ماخلصت طلعت باوعت بابه مجايني رجعت مشي هوه بيتنه قريب بس اعبر شارع بس بابه الصبح يكول على طريقي ويايه
بقيت امشي والشمس تركع بوجهي معتت من الحر الحد ماوصلت للبيت دخلت سلمت على بيبي وجدو وصعدت فوك طلعت ملابس رحت سبحت بمي بارد بدلت وطلعت لكيت مامه صابتلي غدة ويه بابه هستوه اجه كعدنه اني وياه ناكل ونوب رحت غسلت الاماعين صعدت فوك لكيت خواتي كاعدات يباعن فلم وقتت التلفون على ساعه ب3:30
نمت الحد مادك التلفون نزلت غسلت وجهي وصعدت فوك طلعت الواجبات وبديت اقرة مادة مادة وكل مادة اخلصهه احط عليهه صح بلجدول الحد ماكملت كلشي باوعت ساعه ب 9 الا ربع حضرت الجدول ولميت الاوراق والهوسه الي مسويتهه غيرت ملابسي ونزلت جوة
باوعت كاعدين يشيلون ب اماعين العشه مكملين عشه رحت وياهن اشيل غسلت الاماعين وياهن ونوب لكيت مامه حاطتلي بماعون بتيته وكباب وكبه وطرشي وخضرة سويتهن لفه واكلت كمت رحت بلهول كعدت الهول كلشش جبير كلنه كعدنه نسولف عمامي ونسوانهم واولادهم بنات و ولد وبيبي وجدو
كاعده بصف بنات عمي وهنه يحجن
ايات||هم يجي يوم واتزوج هل حلاوة الي كبالي
باوعت منو
شفت ابن عمي سلوان اسمه منذر اكبر واحد بولد عمامي يطلع عمرة بلعشرينات
يقين||واني هم يجي يوم واتزوج هل حلو الي لابس اسود
باوعت لكيت ابن عمي حيدر اسمه علي
تقى||واني هم يجي يوم واتزوج هل كمر الي يباوعلي
تبارك||منوة يباوعلج
تقى||ابن عمو كاضم
تبارك||منو منهم
تقى||مصطفى
اباوع للباقيات كلمن حاطه عينهه على واحد
ضحكت بدخلي وكلت والله ياالله كلمن حاجزتله واحد
بقو يسولفن اني نعست داروح انام بس سمعت بابه كال
وليد||تبوكه تريدين حلويات
تبارك||ايي بابه اريد جبس وعصير
بابه ديريد يدز حلويات النه كلنه بس عمي كله اني وياك ادز لان احنه ماشاء الله كومه اذا يريد يدز يخلصن فلوسه الي محصلهن اليوم😂
عاد عمي هم دفع وياه جابو حلويات كعدنه ناكل ونكرز حب كمت
صعدت فوك نمت
كعدت الصبح بابه وداني للمدرسه كلي اليوم اني اجيج لترجعين
تبارك||ايي بابه انتضرك
باسني بخدي
وليد||ديري بالج على نفسج بويه
دخلت للمدرسه كملن الدروس طلعت انتضر بابه اباوع ماكو سيارته كلت خلي اني ارجع جوز نسه
رجعت دخلت للبيت واسمع الصريخ
دخلت اركض
تبارك||شكو شكو
تقى اجتي تركض عليه حضنتني وتكول بابه راح يموت
سمعت هيج بقيت صافنه شنو بابه راح يموت شلون يموت ليش يعوفنه ميدري ماعدنه احد بس هوه
تقى||تبارك بابه مسوي حادث وهسه بلمستشفى وحالته خطرة والله اذا مات اموت نفسي وراه😭
تبارك||ميموت بابه ميعوفنه 😢
بقيت اكول بس ميعوفنه هسه يرجع هسه يجي هوه هيج وقت يجي
امي تبجي يقين وجهه ميبين من البجي بيبي والبيت كله مكلوب بجي
3 ساعات احنه كاعدين بس نبجي امي راحت تصلي وتدعي من الله مابي شي
خابرنه عمي
سلوان|| ام تقى ابو تقى تعده مرحله الخطر والحمد لله زين هوه
امي سمعت هيج بقت تبجي وتضحك اني ر سن مسحت دموعي وابتسمت وكلت
تبارك||مو كتلج تقى ميعوفنه
بقه بلمستشفى يومين وطبعآ اني مادوامت اني بيا حال واداوم اريد بس بابه يرجع ثالث يوم اجه بابه يمشي على عكازات راسه ملفوف وجهه بي جروح
جدو ذبح خروف على سلامته
واني ومامه وخواتي كلنه طفرنه على حضنه وهوه يبوس بينه ويبتسم
مر كم يوم رجعت للدوام اني
المهم كملت دراسه بليل ردت اروح البابه يراجعلي هذا الموضوع وصلت لغرفته هستوني دافتح الباب ونصدمت صدمه حياتي.....
