رواية الطالبه والضابط الخاتمه بقلم توتة

نارين.    

أنا شخص بسيط أومن إن العلاقات خلقت للراحة، للود والتفاهم واللين في التعامل بيننا، لم تخلق للدفاع عن    

أنفسنا، لتجميلها، وللفوز في معارك المناقشات، كلمة لطيفة كفيلة بإنهاء أي خلاف لمجرد إنني أحبك..    

حياتي. استقرت ويه ضرغام. احس نفسي محضوضه لأن تعرفت عليه.    

جهالي كبرو وصار عمرهم سنتين. جودي ميتاحاجه طالع علئ ابوه.    

عكس ملاكي. بريئه وعلئ كلشي تبجي. احسها تشبهني بالصفه بس بالشكل ثنينهم يشبهون ابوهم.    

ضرغام يلح عليه يريد بعد طفل بسس اني ارفض لأن جاي ادرس فـ. ماكدر دراسه وحامل وجهال عندي    

گتله خلي يكبرون جهالنه ولله كريم.    

بعد فترا م̷ـــِْن ولدت جهالي عرفت انو مرت ابوي حامل وعليها شهرين ومتدري    

كلش كلش فرحت راح يصير عندي  اخ اخت ماعرف بس المهم راح يكون عندي اخوان.    

بنفس الوقت فرحانه لأبوي لان حصل علئ زوجه مثاليه تهتم بيه وتحبه اكثرر م̷ـــِْن نفسها    

كنت دائما اتمنئ. بابا يتزوج ويعيش حياته وميبقه علئ ذكره م̷ـــِْن امي.      

گعدت صبح علئ ضربات علئ وجهي بأدين ناعمه    

فزيت بسرعه م̷ـــِْن حضن ضرغام شفتها ملاك صاعده يمنه علئ السرير وعاقده حواجبها. مدري شعدها.    

_هاا مامي شبيج    

ملاك / اممه امه.    

ضرغام / شهل صباح الحلووو تعالي باباتي.    

سحبها عليه وصااار يبوس بيها ويشمها ويلاعبها وهيه تضحك    

_اني نازله اشوف جود وينه اشو ماكو.    

ضرغام / لبارحه نام عند امي وگالت خلي يمي.      

_هاا نازله اشوفه اكيد شلع كلبها مينحمل هوه طالع عليك.    

ضرغام / تعاي لججج شنوو اني مانحمل.    

_هااا هههه لا موهيج قصدي بس يعني    

سحبني م̷ـــِْن ايدي عليه وعض خدي بقوووه صرخت وخليت ايدي ع خدي موجوعه.    

_اااااي شبيك ضرغام.    

ضربته ملاك علئ صدره بقووه وهيه خازرته متقبل بالضرب ولالعياط ترتعب    

ضرغام / اااخ ولج.    

_ههههههه فدوه لبنيتي الحلووه شوف شون دافع لأمها تعالي يروحي نعوف ابوج يضرب بينه    

ضرغام / انجبي اصلا ملاك تحبني اكثرر منج موو باباتي.    

                                  

              

                    

بقت صافنه بوجهه متعرف تحجي بعده كلامها مينفهم بس اممه بااه     

شلت  ملاك منه وگمت م̷ـــِْن السرير.      

_يلا گوم تأخرت علئ شغلك نازله اسويلك ريوك.    

ضرغام / انتي ليوم ماعندج دوام شنو ?    

_لا عندي بس موهسه اروح. انتضر منارس تجي ونروح سويه.    

ضرغام / شنو منارس اني اوصلج بطريقي.    

_لا حبيبي مو اني اداوم ب 9 وانت هسه تطلع شسوي اروح للجامعه وابقه اصفن.    

ضرغام / اي. كملي وتعاي من وكت لاتنسين ليوم طهور جودي. ولازم تكونين موجوده.    

_اكولك ليش مناخذه للمستشفئ هناك احسن. يعتنون بيه.    

ضرغام / لا بويه اجيب دكتور هنا بالبيت عمامي واهلنه كلها راح تجينه واحنه هيج متعلمين.    

_اني مابقه يمكم اكعد بالغرفه عود من يخلصونه تصيحولي.    

ضرغام / شحدج دخلين. ولد عمي كلها راح تكون موجوده مطلعين الباب.    

_هوه اني اصلا ماريد اشوف شخص    

ضرغام / يلا اخذي بنتج واطلعو برا. اخرتوني علئ شغلي.    

_هاا ولله هسه احنه الي اخرناك منوو لازمك متگوم صار ساعه تتمغط.    

ضرغام / لسانج طولان ولجج اكوم هسه اكسر راسج    

رفعت شعري بغرر ورت وجهي عنه واني اضحك

شمر المخده عليه بس ملاحتني.    

طلعت م̷ـــِْن الغرفه واني اضحك نزلت جوه لگيت عمتي كاعده ومسويه ثريد لجودي توكل بيه اني اتخبل من شغله ثريد    

همه ميتين علئ ثريد واكل لحم وهل سوالف. شغلتهم بعد الدليميه.    

_ياااا عمه اكوو شخص ياكل ثريد من صبح    

ام ضرغام / عجل شلون غير تكعد كلبه تريدين تشربينه حليب وتخلينه ميت من الجوع شوفي وجهه حته مابي لحم. ضعفان سوده عليه    

_عمه ولله حته موزين عليه دسومه هل كدد اني شفت بالنت الطفل. ياكل لحوم وشي دسم لاحد ميصير عمره 3 سنوات.    

ام ضرغام / ياااا. تعلميني ولجج ربيت هاي ولدي كلها هيج اوكلهم لحم وثريد وسوب. ماتشوفينهم ابطال.    

_براحتج عمه راح اوكل. ملاك سيلاك. تريدين اسوي لجودي لْـۆ شبع.    

ام ضرغام / جيبها هم اوكلها. من هاذه جودي شبع    

_لا عمه فدوه خليها هيج لاتعلمينها علئ الثريد    

ام ضرغام / ولله راح تجلطيني انتي ولج يمه ولله مابي شي يخليهم يكبرون بسرعه.    

نور / صباح الخير.     

_صباح النور.    

نور / شبيكم.      

            

              

                    

_شوفي نور عمه توكل جود ثريد واني اكلها موزين عليه دسومه لحم بعده زغير.    

نور / ههههه يمعوده خلي ياكل مابي شي شوفي شون مكيف هوه    

_ولك جودي كوم مامه تعال اغسلك كافي ماشبعت شنوو.    

ام ضرغام / امشي ولي تكومه هيه غير اموتج علي ولله.    

نور / عمه. موزين تكثرين عليه.       

_خليني اغسله عمه هسه تجينه العالم ليوم اطهاره نسيتي شنوو.    

ام ضرغام / يااا صدك. ولحجي مدري وين طلع من صبح تعاي اخذي سبحي وبدلي ملابسه وهسه اجي اخذه منج    

للعلم عمتي تتخبل علئ جودي تحبه حب مو طبيعي. تفضله علئ الكل وشكددد تتعارك وياي عليه مرات اضوج منه اعيط عليه اريده يخاف    

تجي ترزلني وتحجي عليه وتاخذه وهوه هم متعود عليها بس شخص يحجي عليه او مينطي الي يريده يروح عليها    

يكولها دهه دهه.      

وهيه ممصدكه يكلها هيج تكولنه شوفو شلون يگولي جده. ههههههه    

هوه ميعرف يحجي وبس هل كلام يطلع منه وهيه عبالها يكول جده.    

اخذت جود اسبحه ونور راحت تسوي ريوك. نور. انسانه واعيه وحبابه بشكل اني وياها متفاهمين كلش.    

وحده تحب الخ.  حيدر يموووت عليها شون اني وضرغام تماما.    

گاعده بالحمام. واسبح بجودي وادردم بصوت ناصي    

_هسه اكوو واحد ياكل ثريد من صبح شبيك ياامي مشايف شنوو. اكل شي يفيدك شنوو ثريد تريد يصيرلك كرش من هسه    

نههه امممه. بابه بابه.    

_هوه انته نسْخَھِ من ابوك. ابو كرش.    

حجيت هل كلمه ماحست غير انلزمت م̷ـــِْن شعري م̷ـــِْن ورا.     

ضرغام / منو ابو كرش ولججج    

_اوووي ضرغام. وخرر. خليني اكمل بعدين انته شعندك تسمع علينه.    

ضرغام / مشفتي جود شلون يكول بابا.    

_ هههه ولله عبالي هيج يحجي.  هسه عوفني خليني اسبحه واروح ابدل تاخرت ولله.    

ضرغام / تعاي حضرلي ملابسي اني هم تاخرت علئ شغلي خلي جود امي تلبسه    

_اممم لا عيني اني البسه ملابسك تلگاهم بالكنتور    

ضرغام / تكومين لوو اكسر راسج منوو اهم اني لْـۆ جود بعد كم يوم يتزوج ويهتم مرته وينساج. وميبقالج شخص غيري.    

_عود الله كريم منا لاحد ميكبر. ارجع عليك    

ضرغام / وعبالج اضل عليج اخذ وحده ثانيه تهتم بيه وانتي ضلي ويه ولدج    

درت وجهي عليه بعصبيه    

_لا ولله. ليكون مخلي بالك تريد تزوج عليه سيد ضرغام. ولنبي امووتك انته وياها    

            

              

                    

ضرغام / اني رجال اريد شخص يهتم بيه انتي هاملتني. واصلا اكو وحده وياي بالشغل اوف غير جسم غير شكل    

گمت وضربته علئ صدره واني ضايجه    

_مخلييي عينك عليهاااا مووو بعددد ماضل عندك ولله هسه اخذ جهالي واروح منككك.    

ضرغام / ههههه جودي باباتي تريد ام ثانيه موو.    

ضحك جودي علينه اني احس دخان طلع م̷ـــِْن راسي    

_ضرررررررغام.    

ضرغام / صوتج ولج فضحتينه هسه شيكولون اهلي حصرها بالحمام    

_وخررر.    

دفعته وطلعت م̷ـــِْن الحمام هوه كان وكف بالحمام رحت علئ الغرفه واني ضايجه م̷ـــِْن كلامه اني اعرفه ميباوع علئ غيري بس الغيره تسطر عليه    

وماكدر اتحكم بعقلي وتفكيري.    

شويه ولحكني للغرفه درت وجهي عنه واني ضايجه كلش.    

ضرغام / كومي لجج حضري ملابسي بين ماجيب شريچتج.      

_ضرغام قسم بذات لله. اطلع م̷ـــِْن الغرفه لاتخليني هسه انتحر روح    

ضرغام / عادي يابه انتحري بس خليني اتزوج بالاول. هسه التهي فاتحتج اريد اسوي عرس انه    

خليت ايدي علئ وجهي وبچيت ماتحملت كلامه ابدد وهو يتقصد يستفزني هواي    

ضرغام / اششش كافي باباتي اشاقه ولله تعاي يروحي    

_مااا وخرررر انته ماتحبني ولله يلا روح علئ هاي حبيبتك الجديده    

ضرغام / يول مخبل احب وحده ثانيه واعوف العسل العندي انتي نسيتي منو انتي بالنسبه الي.    

_هاي قبل هسه تغيرت وصرت تباوع علئ غيري ادري بيك.    

ضرغام / اااخ يشلعان الكلب تعاي    

سحبني علئ حضنه وصار يبوس براسي ورگبني واني ادفع بيه ضايجه منه.    

ضرغام / اكعدي راحه ولج شكد تحوسين.    

_وخرر. زعلانه منك اني لاتاجيني.    

ضرغام / هسه اطيب خاطرج.    

وغمزلي. عرفت شنو يقصد دفعته وگمت واني اضحك سحبني عليه وشمرني علئ سرير وصار يتقرب مِڼـّي.    

نسيت الزعل ولضوجه. وياه صرت بغير عالم لمساته الي تنسيني كلشي.      

انفتح علينه الباب فزينه ثنينه كام ضرغام وخرر عني. وهو يمسح وجهه متوتر.    

كانو جود وملاك بالباب يضحكون علينه    

گمت واني اضحك خطيه ضرغام كل مايريد يتقرب مِڼـّي جودي وملاك يدخلون بينه وينحرم من كلشي.    

ضرغام / اروح لشغلي ابركلي ماوراكم. شي انتو كاعديلي ركبه ونص.    

_هههههه ياا ضرغام شبيك تحچي هيج. وياهم شيعرفون همه.      

            

              

                    

ضرغام / دكومي اخذي جهالج وروحي م̷ـــِْن وجهي.    

شبعت ضحك عليه خطيه ضاج كلش اخذتهم ونزلت لكيت نور محضره الريوك خطيه ماساعدتها وهيه ابدد متشتكي حته لْـۆ بس هيه تشتغل     

بس اني استحي منهاا دائما شغل اتقاسمه وياها.    

_اسفه صعدت احضر ملابس لضرغام وتاخرت    

نور / عادي حبيبتي اصلا ماعندي شي. هوه بيضات وسويتهن ولكيمر خليته بالمواعين ولجاي عمه مسويته.      

_حيدر طالع للشغل شنو   

نور / ايي طلع م̷ـــِْن الفجر عنده شغل حته ماتريك    

_خطيه.    

اخذت الجاي والخبز ونور جابت بقيه الاكل كعدنه سويه شويه ونزل ضرغام ملابسه العسكريه. كعد ويانه وخله ملاك بحضنه وصار يسوي لگمات ويخلي. بحلكها.      

خلص وكام رحت وياه اوصله للباب هاي لآزٍمٍ دائما اودعه بوسه حضنه قبل لايروح.    

وكف قريب م̷ـــِْن الباب سحبني م̷ـــِْن خصري عليه صرت قريبه علئ جسمه حييل    

شال خصلات شعري خلاهم ورا اذيني ونزل راسه علئ رگبتي وشمني بقوووه وكانو ديشرب مخدرات غمضت عيوني واني خدرانه علئ لمساات اديه    

ضرغام / خرب يومج راح تخليني ابطل ماروح للشغل    

_ضرغام روح لايطلع شخص ويشوفنه عيب    

ضرغام / ولله ماكوو غير شياطينج الصغار يحرمونه م̷ـــِْن هل لحضه.    

_هههه وخرر كافي.    

باسني بهدوئ م̷ـــِْن رگبتي وابتعد عني وهو يمسح علئ شواربه ويباوعلي بذوبان.    

_يلا روح تأخرت    

ضرغام / ايي رايح لمرتي الثانيه    

ضربته علئ صدره بعصبيه    

_ضررررغام.    

ضرغام / يروح ونفس ضرغام    

_عليك لله لاتحجي هييج    

ضرغام / احب اغثج شويه يعجبني وجهج وانتي ضايجه.    

قوست شفايفي وغلصت عيوني مراضيه بكلامه    

لزمني م̷ـــِْن شفتي وقريب راسه مِڼـّي وهمس    

ضرغام / شعلتي جدي يولي بهل شفايف    

دفعته عنيي ..    

_روووح كاافي    

ضرغام / ايي تاخرت ولله يلا حبيبي مع سلامه    

عافني وراح بقيت واكفتله بالباب اباوعله صعد بسيارته وراح.    

دخلت للبيت.  اخذت صحون الريوك غسلتهم ورتبت المطبخ اجت نور تريد تساعدني بس مخليتها گتلها ترتب الاستقبال خاف يجينه شخص لأن نريد نطهر ابني جود.    

            

              

                    

كملت شغلي ومسحت المطبخ والكاونتر.  وطلعت علئ غرفتي. فتحت شبابيك حته يدخل هوئ للغرفه.      

رتبنها ومسحت الاخشاب صرت ام بيت ههههه.    

كملت كل شغلي. اخذت ملابس ودخلت للحمام سبحت وبدلت.    

نسيت اكلكم. كملت سادس،  ودخلت كليه اول مرحله ادرس قانون لأن بابا كان حلمه اكون محاميه واني كذالك احب هل مهنه    

منارس مثلي واني وياها منتفارق للعلم صارت عدها بنوته سمتها.  ديما. كلش حلووه مدبدبه    

دائما تجي عليه وتجيب بنوتتها وياها. اكثرر شي حلوو صاار بحياتنه انو. منارس اتزوجت م̷ـــِْن صديق ضرغام كرار.      

لأن كرار دائما يجي علينه ومنارس كل مايجي هيه وياه اكدر اشوفها دائما    

رتبت مكياجي واخذت جنطتي ونزلت شويه واجت منارس. ويه زوجها اني استحي منه. ولامره حاجيه وياه بالرغم ضرغام ميمنعني لان يعتبره واحد م̷ـــِْن العائله.    

وصيت نور علئ جهالي وطلعت وياهم سلمت علئ كرار ومنارس وصعدت.    

وصلنه كرار للجامعه وراح نزلنه نتمشئ سويه علئ الرصيف.    

_تجين وياي ليوم موو    

منارس / ولله مادري اكول لكرار هوه يمكن هم يجي يبارك لجودي.    

_اكيدد مايفوت الحم ولثريد. ههههههه    

منارس / ههههه اي شي اكيد ميفوت.      

_تخيلي ليووم لگيت عمتي توكل جودي م̷ـــِْن صبح ثريد.    

منارس / ههههه هاي جود اذا يستمر علئ ثريد سبوع تلگي بكدد ابووه صايرر.    

_شسوي عمه تكول زين اله يخلي يكبرر اكلج مابي دسومه.    

منارس / يمعوده إنتــي شفتي ديمو بنوتي شون دبدوبه هاذه كله ويكول كرار موتتها جوع ضعفانه مابيها روح    

_يخبلون الواحد ولله.    

بقينه نحجي واحنه نتمشه صلنه لباب الجامعه. كنت اريد كتاب گلت لمنارس تدخل كدامي اني رايحه للمكتبه.    

رحت علئ المكتبه. اخذت كتاب لازمني وطلعت اتمشه ارتمت بشخص رفعت. راسي وكانت الصدمه.    

سهئ واكفه وتباوعلي بغضب.    

_سهئ ?    

سهئ / شلونج نارين    

_الحمدلله انتي شلونج    

سهئ / ولله بخيرر اني عايشه احسن عيشه الحمدلله تزوجت م̷ـــِْن رجال. يقدرني ويعرف قيمتي موو مثل ضرغام. راح يركض ورا الجهال.    

ضحكت وگلت.    

_هذولي الجهال الي معاجبينج. خلفو وصاار عدهم جهال 2 مثل الملائكه موو مثل ذولاك الناس كبارر وخطيه ماعدهم شي    

            

              

                    

مكنت اريدد احجي هيج واجرحها بس هيه جبرتني اطلع لساني وياها.    

سهئ/ مثل مانطاهم لله الج انشالله ياخذهم م̷ـــِْن حضنج ويحرمج منهم.    

_سم لله بعيد الشر عنهم انشالله يومج قبلهم بشنوو طالبتهم متخافين ربج انتي    

سهئ/ شوف منوو يحجي.  ب اول علمي نفسج. انسه نارين. ماخفتي ربج وانتي دخلين بين زوج وزوجه وتخلينه يطلكني       

_اووو سهئ شكدد قديمه انتي بعدج تفكير بهل موضوع وانتي هسه مَـرّھٌ متزوجه. حبيبتي اني مادخلت بينج وبين ضرغام هوه حبني وتزوجني ومابيها شي    

زلم تاخذ وحده و2 و3 وانتي مالج حق تحاسبينه لان شرع محلله هل شي.    

سهئ / ضرغام ماحبج انتي صرتي تحوسين عليه سحرتي مدري شنوو سويتيله وخليتي يريدج.    

_ههههههه ولله لْـۆ ماتحجين بالسحر احسن نسيتي عملتج بيه وشنوو سوو اهلج بيج م̷ـــِْن عرفو بيج مسويتلي سحر.      

صارت تتنفس بغضب وماعرفت شترد عليه للعلم اهل سهئ م̷ـــِْن عرفو بيها مسويه سحر كاتلينها كتله مرتبه وجابوها. للبيت اهل ضرغام خلوها تدنك وتعتذر مِڼـّي ومن ضرغام.    

وشكدد توسلو بضرغام يرجعها ماقبل.    

عفتها ورحت للجامعه بس شنوو كلش ضوجتني. ماعرف منين طلعتلي وشعدها جايه لهل مكان.    

دخلت للقاعه خلصت ماحضراتي ورجعت للبيت.    

لگيت بيت عم ضرغام عدنه وسحر ومنار وكل اخوان ضرغام موجودين البيت صاير هوسه    

سلمت علئ الكل وصعدت لغرفتي.    

لگيت ضرغام نازع قميصه وفاتح الكنتور يريد يطلع ملابس.    

_سلام    

ضرغام / وعليكم سلام    

عفته ورحت للكنتور اخذت ملابس قبل لادخل للحمام لزم ايدي وسحبني عليه رفع راسي بأيده وركز بعيوني    

ضرغام / شبيج ?    

_مابيه شي    

ضرغام / شنوو مابيج شي شوفي وجهج شلون مگلوب صاير شي. واني ماعرف    

_ليوم شفت سهئ.    

ضرغام / سهئ ?? شون شفتيها وين وليش    

_هيه كانت بالمكتبه وصدفه شفتها.    

ضرغام / ايي وليش ضايجه سمعتج كلام شنو    

_لا حبيبي بس ضجت م̷ـــِْن شفتها    

ضرغام / تعلميني بسهئ. ماترتاح اله تشمرلها كم كلمه سامه. احجي شنوو گالتلج.    

_تدعي علئ جودي وملاك تكول انشالله ربي مثل مانطاج ياخذهم م̷ـــِْن حضنج.    

فتح عيونه بعصبيه وحجه بصوت عالي    

ضرغام / اذا ماااااكسر رااااسها هل صاق*** الكح** فلا اطلع ضرررغام.    

لزمته م̷ـــِْن ايده بخوف    

_اششش فدوه اسكت ناس عدنه راح تسمعك عيب    

ضرغام / بسس خلي يخلص هل يوم واني اعرف شلون اتصرف وياها هل مره. راح اخليلها حد    

_لا ضـرغام فدووه ختولي هيه تريد بس تحرگ كلبي     

ضرغام / اششش لاتدخلين اني اعرف شون اتصرف وياها.    

_ضرغام بداعتي اذا تحـبني اذا تحب جودي وملاك اسكت عنها ختولي هيه هسه مره متزوجه لايخرب زواجها وشيخلصني منهااا.    

ضرغام / تخااااافين منهاااا يووووولي. واني موجود    

_ماخاف منهااا بس ماريد مشاكل من غير شي هيه محمله عليه ولله تخرب حياتنه ختولي فدووه اروحلك اسكت عنهااا.    

ضرغام / استغفرلله يااااااربي.    

بقه يغلط ويسب وهو ضايج كلش ب كوه خليته يهدئ ويقتنع مايسوي شي لسهئ.    

نزلنه سويه بقيت احجي ويه البنات وجودي اخذو بالاستقبال طهور.    

شويه وطلع ضرغام يضحك وجهه منور اخذ السلاح مالته وصااار يرمي طلق عشوائي بالجوو.    

الكل دخل علئ جود اني كلبي يرجف اخاف ادخل عليه ولگاه يبجي وماتحمل ابجي وياه.    

سحبتني سحر م̷ـــِْن ايدي ودخلنه سويه كان يبجي سوده عليه. ويناشغ.    

جابت عمتي جيس جكليت وشمرته عليه اجه حيدر وشمر فلـﯜٰس علئ راسه. وكل واحد يجي يبوس راسه ويخلي فلوس بيده وهو يشمر بيهم ويبجي مايريد شي.    

ام ضرغام / يمه اكعدي يمه خلي يسكت راح يوكف كلبه م̷ـــِْن البچي    

_عمه اخاف الچمه    

ام ضرغام / خايبه بصفه اكعدي شمالج.    

سحبت نفس ورحت گعدت يمه بقيت اسكت بيه وبوس براسه وهو يبجي شويه ونام.    

دخل ضرغام واشرلي اطلع لان ولد عمه يريدون يدخلون طلعنه اني ولبنات حضرنه الاكل.سويه    

گعدت الزلم بلاستقبال ولنسوان بالصاله.    

صبينه الهم واخذو الاكل واحنه هم كعدنه تغدينه سويه كانت احلا لمه. لتمت كل العائله    

اتصل بيه بابا وتباركلي وگال بليل نجي عليكم اني ومرام.    

كلش فرحت صار شكدد مشايفه ابويه.      

خلصنه غده شلنه الصحون اني ونور وسحر ومنار كلنه تعاونه.      

خلص الشغل بسرعه لان احنه هواي.      

كملنه ورحنه كعدنه سويه. صار اليل واجه بابا علينه. وشال جودي وباسه وصار يلاعبه يموت عليهم بابا    

دائما يكولي لاحد لان ممصدك طفلتي صار عدها 2 جهال.      

واني اضحك واكوله ياا بابا صرت جبيره شنو طفله.

________________________________________