رواية قدر كتب لنا ( كاملة جميع الفصول ) بقلم ساميه عبد القادر

امي انا هنزل عشان اتأخرت ع المحاضره 

ـ ماشي يـ بنتي خلي بالك من نفسك ومتركبيش لوحدك و...

عارفه يـ امي والله مش طفله انا ، سلام 

نزلت من البيت وبصيت فـ الساعه لقيت فاضل ع المحاضره خمس دقائق ، خمس دقائق بس يـ الله مفيش مره اطلع بدري 

وعشان انا حظي حلو لقيت مواصله بعد ربع ساعه 

يعني دلوقتي الساعه وعشره ، هل الدكتور هيدخلني ، ولا هيطردني قدام المدرج كله ويبقي منظري زباله ، بس حقه بصراحه انا الـ جيت متأخر 

وفضلت اكلم فـ نفسي قدام باب المدرج ادخل ولا لا ، لحد ما لاقيت حد بينادي 

ـ يـَ أنسه 

لفيت وانا بغض بصري لمّا عرفت أنه شاب تقريباً 

نعم 

واقفه عند المدرج هنا بتعملي ايه ؟

ـ اصل انا جيت متأخر و خايفه ادخل الدكتور يطردني 

لقيته ضحك ضحكه عاليه 

خلتني ارفع عيني وابص ، وبعدين استغفرت ونزلت عيني تاني 

هيطردك ازاي إن كان الدكتور ذات نفسه جه متأخر 

مفهمتش هو يقصد ايه 

لحد ما لقيته دخل 

وقالي تعالي 

دخلت وانا مش فاهمه ، بعدين طلع واتكلم وقال :

طبعاً يـ شباب بعتذر عن التأخير ، لأن حصل فـ عربيتي عطل ، ومكنتش حابب اول مره لينا مع بعض تكون كده بس تتعوض يعني 

بمَا إني الدكتور الجديد بدل الدكتور أشرف ، فـ المحاضره دي هتكون تعارف بس ، نفهم نظام بعض ، عشان نقدر نتفاهم ، وطبعاً انا هنا مش دكتور بس انا اخوكم قبل كل شيء 

الـ عنده اي سؤال يتفضل 

طبعاً اكيد لازم افسره كده أنه الدكتور يعني ، واضح أنه إنسان فاهم لأن قالي يـ انسه ومقالش يـ مدام او يـ طنط أو يـ ام عباس بسبب لبسي 

دائمًا الناس بتقولي كده .

وطبعاً المحاضره مخلتش من أنه يعرفنا النظام وهندرس ايه وقد ايه كليتنا مهمه وال يذاكر يطلع حاجه 

والبنات الـ كانت قاعده بتعاكس فيه واضح أنه ليه شاب صغير وحد كاريزما 

بسبب أنه من اول م دخل كل البنات حرفياً مرمشتش حتي رمشه 

نهي المحاضره بـ أنه اتكلم عن الحِجاب وقال :

بما انكم فـ فتره صعبه، والفتن كتيره اوي ، فـ كل واحد مننا يجاهد ويعمل حاجه بمعني ، إن البنات تلبس الحِجاب الصح والرجاله تغض بصرها ، البنات تحاول تلبس حجاب صح عشانها هي عشان هتتحاسب وهتقف قدام ربنا لوحدها وهتتحاسب علي كل مره شاب بص لها وافتتن بها ، محتاجين نحط ربنا رقم واحد فـ حياتنا ،  الكلمتين دول من اخ ليكم ومجرد نصيحه ، والسلام .

وطبعاً سوسن حناكه الـ جنبي تسكت بعد الكلام ده أبدًا 

ـ ده يـ ختي لو مش هنلبس الحجاب عشان ربنا نلبسه عشانه هو .

ردت سوسن حناكه الـ جنبها 

ـ ايوه والله ، ده انا هلبسه من بكره لأجل عيونه دي يختي عليه 

ردت سوسن حناكه ال جنبهم 

ـ د انا هفركش مع خطيبي عشانه وحد يخطب ويسيب القمر ده 

زهقت معرفش السبب وطلعت من المحاضره بعد م خلصت وقعدت فـِ الكافيه

لقيت فجأه كائن ذكر قاعد قدامي 

لمّا لقيته كدَ اخدت شنطتي ولسه بقوم 

لو سمحتِ يـ مريم دقيقه بس من فضلك 

مردتش عليه ومشيت لقيته جه ورايا 

ـ لو سمحتي بس دقيقه 

لفيت له وقولت :

لو سمحت ابعد عشان ميحصلش مشاكل 

ـ مفيش مشاكل والله ، تعالي بس نقعد ونتكلم خمس دقائق 

ابعد عني لو سمحت ، انا حذرتك بالذوق وبطل تلاحقني 

لقيت صوته علي فجأه 

هو أنتِ مفكره نفسك مَلكِه جمال يعني ايه القرف ده 

كنت واقف فـ المكتب بزهق معرفش سببه لمّا شوفت واحد بيقعد جنب البنت ال قابلتها الصبح 

مليش حق ازهق ، حرام احنا هنميل ولا ايه اثبت يـ زين 

لمحتها وهي واقفه خايفه وهو واقف وصوته عالي مفكرتش كتير ونزلت بسرعه ...

فـِ حاجه هنا ؟!

لا أبدًا يـ دكتور .

ازاي وانا شايف الانسه خايفه وحضرتك يـ محترم صوتك عالي 

رد بهمجيه :

دا نقاش م بيني وبين خطيبتي عادي .

اتكلمت بعصبيه استغربتها مني :

بجد ، تمام يـ ريت صوتكم يبقي واطي لانكم لميتوا عليكم الكليه 

ردت وهي بتعيط :

والله أبدًا يـ دكتور انا ولا خطيبته ولا اعرفه أصلا هو الـ بيحاول يضايقني 

مش عارف ليه حسيت براحه لمّا قالت كده 

اتكلمت وانا ببصله :

اظن مفيش مبرر دلوقتي ليك ، وازاي تقف وتضايق فيها كده ، يعني حتي الـ لبسهم كويس وبيحاولوا يرضوا ربنا مش سايبنهم 

يـ دكتور واللهِ ...

قاطعته وانا ع أخري :

من غير ما تحلف بس ، قدامي ع مكتب العميد 

أخدته وعملت له فصل اسبوعين ، بس بردو كان لازم يتحرم من الميدتيرم ، مش كفايه العقاب ده ، عشان يبطل يعاكس البنات ويضايقهم ، مش عشان مريم ولا حاجه ، والـ عرفت اسمها من كشف الاسماء ، أقنعت نفسي بكده ورجعت تاني اكمل باقي اليوم .

رجعت البيت مقدرتش اكمل باقي المُحاضرات ما بعد الموقف ده اكيد مش هكمل 

رجعتِ بدري يعني 

رديت عليها وانا بخلع النقاب واحطه ع الكرسي 

آه يـ امي خلصت محاضراتي بدري 

طب يلا ادخلي غيري وصلي علي ما احضر الاكل 

دخلت اترميت ع السرير حرفيا ، انا مش تعبانه جسدياً بس تعبانه نفسيًا ، انا وامي بس الـ باقيين من عيلتنا ، ابي توفي من وانا عندي 5 سنين ومعنديش اخوات وحتي قريبنا قطعونـا بعد موت بابا .

قومت صليت ودعيت ربنا كتير أنه يخفف الحمل من ع قلبي ، ويبارك ليا فـ امي لأنها الـ باقيه ليا ويبعد عننا اي شر لأننا ملناش سند 

مالك يـ مريم مش بتاكلي ليه ؟

مفيش يـ امي بس مليش نفس ، هاكل لمّا اجي من الشغل 

اه صح نسيت اقولكم إني شغاله فـ صيدليه مع واحد صاحب ابي طيب جداً ، قدم لنـا مبلغ شهري بس انا رفضت فـ عرض عليا اني انزل اشتغل فـ صيدليته .

ربنا يوفقك يـ بنتي ويوقفلك ولاد الحلال .

رديت وانا ببوس رأسها :

يارب يـ امي اهم حاجه متنسيش العلاج 

نزلت اختها مشي لحد الصيدليه لانها مش بعيده وكُنا الساعه ٣ العصر 

سلام عليكم عمو محمود 

رد بابتسامه :

ازيك يـ بنتي وازي الست الوالده 

الحمدلله بخير 

دائماً ، جايه بدري يعني 

خلصت المحاضرات بدري قولت اجي 

طب يـ حبيبتي بالتوفيق ، انا همشي عشان ورايا مشوار وزين ابني هيجي مكاني ، كملوا انتوا شغل عادي ولو احتجتي حاجه رني 

لحظه هو عمو محمود من امتي وهو عنده ابن الـ اعرفه أن عنده بنتين بس ، بس انا مالي 

ورجعت كملت شغل مع التيم الـ موجود و حرفيا هما ناس سكر خالص وصيدليه عمو محمود مشهوره عندنا 

لفت انتباهي بنوته داخله منهاره وبتعيط جامد 

لو سمحتوا اي حد يجي معايا لأمي عشان تعبانه اوي ومفيش حد معايا  

حسيت انها تشبهني فـ نفس المُعاناه وروحت معاها بدون تفكير 

خدي مكاني يـ زهره لحد ما اجي 

قولت كدَ وانا باخد البنت و امشي 

متخافيش يـ حبيبتي إن شاء الله والدتك هتكون بخير 

شكراً لكِ جدًا والله 

الشكر لله ، ها البيت فين بقا ؟!

هناك اهو 

شاورت علي بيت يكاد يكون مُتهالك فـ شارع مهجور ، لـ لحظه حسيت بخوف وبعدين نفيت كل ده 

دخلت مع البيت البيت وكان من جوا منظره ارعب من برا ، اثاث مُتهالك ، ارض مش نضيفه ، ريحه وحشه جداً ، الرعب زاد جوايا اكتر 

فين والدتك عشان اشوفها ؟!

اتكلمت وهي بتشيل طرحتها :

اقعدي بس الاول اشربي حاجه وهخليكِ تدخلي لها ، هي نايمه دلوقتي 

لا شكراً انا بس هشوفها وامشي ع طول عشان سايبه الشغل 

والله أبدًا لتشربي حاجه ، وأنتِ خايفه تخلعي النقاب قدامي متخافيش انا بنت زيك 

ابتسمت لها من تحت النقاب عن أساس أنها شايفاني وكدَ 

لا خالص بس عشان مستعجله 

طيب هروح أصحيها واجي 

مشت وانا قاعده لوحدي فـ الصاله و خايفه جدًا وكمان نسيت موبايلي فـ الصيدليه ، فضلت اذكر ربنا لعل الخوف يخف لأن قلبي بيخفق بسرعه اوي 

وسط ما انا قاعده لمحت دم جمب الكرسي الـ قدامي وبحيث أنه عريض فـ مش شايفه الـ وراه ، الخوف تملكني اكتر وقومت بالعافيه اشوف عشان اقلل خوفي ، وفضلت ادعي تكون حاجه عاديه زي أنه حد اتعور والدم وقع هنا مبررات كتير جداً عشان اقلل خوفي 

قربت من الكرسي عشان اسمع صوت نفس عالي كان حد بيحاول يلاقي اكسجين ، خلانـي اقرب اكتر واشيل الكرسي ال كان تقيل اوي 

انصدمت لما لقيت طفله صغيره بتلفظ أنفاسها الاخيره بسبب جرح كبير اوي فـ ايديها 

بدون تفكير نزلت لها وحاولت اني اكتم الدم بحكم اني فـ كليه صيدله قلعت الجوانتي وربطهم الاتنين ع أيدها عشان النزيف يقف ، وشيلتها ونزلت بيها لأنها كانت طفله لا تتعدي السنه تقريباً 

وانا طالعه بيها سمعت صوت حد ورايا وال كان شخص والبنت الـ جابتني 

أنتِ مفكره نفسك رايحه فين يـ حلوه

متقربش مني الا والله اصرخ والم عليكم الناس 

ضحك بصوت عالي وشر :

اصرخي من هنا لبكره مفيش حد هيسمعك 

الخوف زاد جوايا اول مره اتحط فـ موقف زي ده ، يـ رب ساعدني عشان البنت الـ بتموت دي 

حرام عليك سيبني عشان البنت دي بتموت 

وهو أنتِ مفكره انك بعد الـ شوفتيه ده هتمشي ولا هسيبك عايشه أصلا .

لـ لحظه جاتلي فكره اني اطلع اجري مهو الجري نص الجدعنه بردو ، نزلت فعلاً وجريت باقصي سرعه عندي ، وهما ورايا بيجروا بردو ، مبقتش قادره اخد نفسي .

بعد وقت كبير من الجري ، بصيت ع البنت لقتها بتتنفس الحمدلله ، بصيت ورايا ملقتهمش 

وفجأة وانا ببص ورايا خبطت فـ حد 

وكان لـ الصدمه دكتور زين 

دكتور زين عصابه ، البنت هما انا كنت 

وبعدها اغمي عليا ومش فاكره غير اني شوفت الدكتور زين وهو بيسندني قبل ما اقع انا والبنت ..