رواية زوج اختي والماضي الفصل العاشر بقلم مجهول
صعد سد الباب وكال "
الفلوس كاملة
ريان _ كاملة
الولد _ اوك جيب الفلوس
طلعت الفلوس مخليهن بضرف باللون الأبيض شوفتهن له ..
بالأول احذف الصور بنفسي مثل
ماطلبت البنية من عندي
الولد _ ماكو داعي أنت تحذف أني احذفهن
بنفسي وكبالك هسه
ريان _ لا لا أني احذفهن بايدي وانطيك الفلوس
اخذ صفنه مدة دقيقة وعيونه على الضرف
الفلوس اللي بايدي هز راسه
الولد _هاك احذف بسرعة وراي شغل
اخذت الموبايل طلعت الصور كمت احذف بيهم
هاي النسخة الوحيدة لو عندك بعد ؟
الولد _لا نسخة والوحيدة هاي
كملت حذف اخذت الموبايل ما انطيته الفلوس استغرب باوعلي وجه نخطف من اشرت بايدي راسن فتح باب
الصدر يريد ينزل
الولد _ خدعتني يالكلب
سد عليه الباب صديقي بقوة هو خاف حيل
طلعت المسدس صوبته عليه
_ حيوان تلعب بعرض العالم وفوك كلشي تدور فلوس تفوو عليك وعلى شكولاتك القذرة
سكت مارد خايف حيل فتح باب الصدر صديقي يضحك وكال
_ نكتله ونشمر الجثة بالبزل
الولد _ اروحلكم فدوة لا تكتلوني والله اكعد راحة
منها وبعد بعمري ما اشوفها ركعة وجي
ريان جبته براشدي فريت وجه فر
_ غصبا ماعليك وعلى الخلفوك ما تشوفها ركعة وجك الجرب جلب ابن الجلب شلون هيج تسوي وتستغل بنات الناس
بشرفك جم وحدة جانت ضحيتك بلا
صديقي _ عاشت ايدك ريان هسه تلكاه لاعب على
خمسة ستة وماخذ فلوس بسم الحب
الولد _ والله بس أثنين اخذت منهم افلوس وهسه
ندمت بعد ماعيدها بس خلوني امشي
صديقي ضربه على ركبته منورة بقوه
صديقي _ فرحان الحيوان فرحان ناصب على أثنين من البنات ولك انت دواك كتل وشمر بنص البزل واخلي
الحيوانات تاكلك
الولد _ غلطت والله خلوني امشي كفيلكم الله بعد ماسويها
ريان فاير عليه فورة منوراة ومنورة امثله هند تخاف ترتبط بي وماتصدك بي أحبها بس صدمني من كال ضاحك
على أثنين من غير أقارب هند
ماعرف شلون هيج بشر موجودة بهذا العالم ويضحكون على البنات مايخافون باجر الدنيا تدور عليهم ويصير وي
أمه أخته بنته بنات أقاربة !
الدنيا دوارة اليوم لك وباجر عليك
ريان _ انزل حيوان انزل
نزل الولد صديقي جابه بجلاق وكال
_اذا شفتك مرة للخ تحوم ورة بنات العالم وتضحك عليهم والله بالسجن اشمرك وهذا فديو عدنا
الولد بس ماراد يبجي من الخوف. أني حفظت الفيديو
واشرت بالموبايل اله هو باوعلي بصدمة
صديقي كال بضحكة
صديقي _ هذا الدليل ضدك عدنا اذا لعبت بعرض الناس واذا اقتربت للبنية راح ادز الفيديو لاقرب مركز شرطة وخل يشيلونك ولييي منا لو ارجع اكفر بيك
ماحجه ولاكلمة مشى بطريقة صعد صديقي
وسد الباب باوعلي بضحكة
_ انتهى امره هذا الله ياخذه شكد عار
_ عار ابن عار
_ شلون لهم نفسيه يستغلون بنات وياخذون
فلوس من عدهم
_ والله مدري شلون عدهم نفسيه ياخذون فلوس
بالحرام ويستغلون البنات العالم
رجعت على النجف بوجي على امام زرت ورجعت على البيت ما انطيت.......... خبر الزهراء كلت انطيها الخبر بالليل
واطمنهم أكثر خطيه هسه كاعدين على نار
زهراء صار الليل وريان ماكو منه أي خبر خفت حيل صاير ويا شي .... لا سامح الله واحنا السبب بالموضوع شغل بالي شغل وحدي بالغرفة كاعدة لازمة الموبايل
انتظر منه يراسل علمود اطمن
أصلا نسيت المشكلة اللي أني واكعة بيها بهاي الفترة أني مشكلتي جبيرة حيل اذا هذا يدور منها فلوس فا أني
يدور وياي شغلات جنسية
اجت بيبي نامت كمت غطيتها رحت تمددت بالفراش بايدي الموبايل انتظر ريان يرسل رسالة ويطمني البنية
كاعدة على نار مثلي
دزتلي رسالة (بشري زهراء اتصل الولد ؟
_لا والله بعده
_ من يتواصل وياج انطيني علم فدوة
_ اوك
طكت روحي صارت الساعة بل١١ بالليل دخلت على الأنستا تذكرت حمزة لعبت نفسي اجت بالي فكرة ليش ما احذف الحساب مالتي نهائيا وبعدها ينزال حسابي
ويصير الحساب مجهول الهوية
أني ماعرف شلون ينحذف اجت بالي هند هي سوته
اللي وتعرف شلون تزيل تواصلت وياها
جانت ناشطة فيس بوك
_ هند تعرفي تغلقين حساب الانستا نهائيا ؟
رت علي بسرعة _ اي اعرف ليش ؟
_ اريد تحذفين حسابي مااريده
_ اوك دزي الرقم السري والاسم هسه خلال دقايق
قليلة ينمحي من أساس
دزيت الرقم السري والاسم ... هاي هن حذفي
_اوك
جنت جاي اصفح بالانستغرام جان يسجل تسجيل الخروج استغربت ليش سجل انوب تذكرت طلبت من
هند تحذفه رحت راسلتها
_ سجل تسجيل الخروج ؟
_انحذف الحساب حبي
_هاا وهاي هم تنحذف المحادثة ؟
_ لا ماتنمحي تبقى موجودة بس يصير
الحساب مجهول بس سؤال ؟
_ هاا اي جواب
_ ليش حذفتي الحساب ؟
_ مالي نفس بي والله
_ بس هيج لو اكو غير شغلة
_ لا ماكو شي قابل شكو ياهند
_ اوك شخبار ريان ؟
_ لحد الآن ماكو عنه أخبار
_ ههه شكلت أني مو كلت راح يشرد منكم ما سمعتولي
_ انجبي ريان رجل وعد كلمته
_ لعد وين الرجال مالكم ؟ طار للسماء مع الطيور
المهاجرة أو دخل القبور مع الموات ؟
_ هند لتصنفي رجاءً
اجاني اشعار من ريان ابتسمت كتلها
_ اجه ريان
_ روحي شوفي روحي وانطيني خبر
_اوك
فتحت الرسالة ( السلام عليكم أخت زهراء موجودة
_ وعليكم السلام نعم موجودة
_ شلونج أخبارج
_ الحمدالله بخير أنت شلونك سويت ماسويت
_ ماشيه الأمور سويت الشي لازم يصير
_ يعني انتهى كلشي ؟
_ ايي نعم انتهى كلشي وكولي للبنية خل تنام
رغد بعد ما يزعجها بحياته كلها
_ ألف الحمدالله والشكر والله ماعرف شلون نشكرك على الشي اللي سويته وي البنية ان شاءالله ينزل بميزان
حسناتك اشكرك مرة أخرى
_ العفو يابة ماسويت غير واجبي
_ الصور نحذفت ؟
_ أكيد محيت كلشي على جهازه وبعد ماخليتله خط رجعا ابد
_ الحمدالله خطيه هي قلبها مشلوع وخايفه
يسوي شي غلط وياها
_ من حقها تخاف مو هين الصاير وياها
_اي صح
_ شخبار هند ؟
أبتسمت اخذت اسكرين للمحادثة كلها دزيت نسخة للبنيى ونسخة ثانية الهند
رديت _ الحمدالله بخير
_دوم ان شاءالله بخير ... انخطبت تزوجت ؟
لو بعدها مخبله متقبل
_ لا والله ولا نخطبت ولا تزوجت وبعدها خبله
مثل قبل واكثر صايرة
_ شعجب متخبله ؟!
_ هي خبله من كبرت كنه راح تعقل اثاري تخبلت بالزايد
_ تكسرين بيها كبالي هههه
_ هاي حقيقة
_ اي صح حقيقة
_مرخصتك
_مرخوصة زهراء بس قبل لتروحي دزيلي سلام الهند
_ يوصل ان شاءالله
_باي
_بايات
دخلت على المحادثة هند دازة كومة رسايل اقرأ واضحك عليها بعده الولد عندة مشاعر اتجاهه مدام سئل عليها
ودزلها سلام
_ هذا صدك طلع رجال .. وكدر يحل المشكلة الواكعة
بيها نور .. عليش يسئل علية ؟ !
_ هاا مو تكولين جذاب وشرد من الشغلة هسه صار رجال
_ ماعندي ثقه جنت بي بس ليش سئل علية ؟
_ هذا المرض شيلي من عقلج وقلبج مرض الشك
تريدين تعرفين ليش سئل
_ ايي
_ سئل أنتِ مزوجة لو لا
_ وليش هذا السؤال ؟ !
_ مدري يجوز حب يعرف
_جذاب هو يعرف أني مامزوجة ولا مرتبطة باحد
_ وهاا قبل لا أنسى دزلج سلام
_ الله لا يسلمه في أمان الله
_ كبر الياخذج المفروض تكولي الله يسلمه سوه شي كلش جبير وحلو بحق أقاربج ليش ناكره الجميل أنتِ
_ في أمان الله
_ امداج ألف مرة مو مرتين صوجة هو يسئل
عليج ويدزلج سلام عوبه
رحت راسلت بنت خالها خطيه جانت فرحانه حيل وتوبت بعد . بعمرها مراح تصادق شباب بالجامعة لو هنا على
الانترنيت لأن مبيهم أمان بعد
مرت الآيام والشهر وهند بعدها تكابر وتكول ما احب ريان ولا اطيقه وأني اشك بيها تكذب رحنا العصر نزور الامام
علي (ع) بالرجعة صادفنا أم ريان
واكفه بره هي وأم عباس باوعت على السماء جانت الشمس جاي تغرب والجو حلو بارد هند نبزتني وكالت
_أم الطنطل وام عباس بره
_ واذا
_ شكلها يخوف
_ هاي عمتج المستقبلية هههه
_ حيوانة منين جايه عمتي
وصلنا قريب عنها هم كبال الباب واكفين جان
تصيح علينا أم عباس
_ زهراء هند تعالوا اريد احجي وياكم
زهراء ابتسمت هند طنكرت وكالت بهمس "
شتريد رب الكعبة شتريد!؟
زهراء رحنا عليها بوستها وهي هم بوستني وبوست هند وكالت
ام عباس _ سلموا على خالتكم أم مروان
زهراء_ السلام عليكم شلونج عمه
ردت علية _ وعليكم السلام زينه الحمدالله أنتِ شلونج
زهراء _ الحمدالله
ام ريان _ أنتِ هند
هند _ ايي خاله أني
ام ريان _ لعد ما تسلمين شبيج خرسة
زهراء كوه كتمت ضحكتي هند خجلت حيل
صارت مثل الطماطة الحمرة
هند _ شلونج خالة
ام ريان _ اي هسه طلع حسج يمه الحمدالله أنتِ شلونج
هند _ زينه الحمدالله
ام عباس _ شخبار بيبيتكم
زهراء _ الحمدالله زينه
ام عباس _ سلمولي عليها
زهراء _ يوصل
طلع ريان من الباب بيده الموبايل عينه على
شاشة الموبايل مامنتبه علينا
ريان _ يمه هاي خالتي أم علاء جاي تدك عليج
رفع راسه باوعلنا راسن نبتت ابتسامة على شفايفة وكال
_ السلام عليكم
زهراء_ وعليكم السلام
أمه _ شتريد؟
انطه الموبايل لامه "
والله مدري احجي وياها
وشوفي شتريد
احنا ساكتات بحرف واحد ماننطق باوعت ام ريان على هند وراها على ابنها ابتسمت وكالت
ام مروان _ ريان فوت جوه
ريان _ ماشي
دخل جوا ودخلت ويا بقت تحجي ويانه أم عباس وتسئل على الاهل وراها رجعنا على البيت هند دخلت وياي
وكالت اليوم عشاي يمكم
بقت تحجي على ام ريان وتكول تباوعلي بنظرات غريبة ماعرف شنو التفسير كتلها يجوز جانت حابه تتعرف
عليج وبس
_طيب ليش تتعرف علية ؟
_شدراني كومي روحي البيت اهلج كومي
_ ولج تطرديني من البيت ؟
_ لا ما اطردج بس تأخر الوقت وأهلي ناموا صارت
الساعة بل ١٢ بالليل
_مااروح راح انام هنا
_ براحتج خل اكوم انزلج فراش لعد
_ بصفج فرشيلي
_ انطي خبر لاهلج راح تباتي
_ انطيت خبر الها منزمان
_ ماكتي
_ هسه كلت يلا نحمي ورانه الصبح خبز
_ لحظة أنتِ بقيتي هنا علمود ماتخبزي وي امج
نامت جرت البطانية تغطت راسها وكالت
_ايي
_امداج اي والله
_ مابيه حيل اخبز انحمي
غميتها بايديه هي نامت بسرعة الثولة شاردة علمود ماتخبز وي أمها مدري باجر اذا تزوجت من يخبزاها ويعجنلها
هاي أمها دا تعلمها هي شاردة
ثاني يوم الصبح تريكنا حبيت اخبث عليها عجنت عجين مال يومين شغلت التنور هي مخليه راسها بحضن بيبي
وبيبي تفلي براسها
زهراء_ بشري بيبي جم كملة
بيبي _ مابيها بيبي راسها جنه شمامة
هند _ أنتِ ام الكمل ام شعر الحياية
بيبي _ اي والله شعرها حياية يحتاجله قص
هند _ لعد خل اكوم اجيب المقص نكصة لها
زهراء _ ام الكمل قابلة بس مالت اقص شعري من سابع المستحيلات اموت ولا اقصة
بيبي _ شلج بي تخلي بشيب اهلج
هند _ بيبي شتكولين اكوم
بيبي _ خل تولي
زهراء _ ولج شعليج بي حاروكة
هند _ هههه
زهراء _ بيبي خل تجي تساعدني هند بالخبز
هند باوعتلي خزرتني
بيبي _ هسه تساعدج قابل تعوفج الوحدج و
هند سباعية طالعة علية
هند رفعت راسها من حضنها سوتلي بايدها عود اصبريلي
زهراء _ يلا كومي ساعديني بالخبز
بيبي _ فدوة رحت لطولج الحلو هنودي ساعدي
زهيرة ام شعر الحياية
هند _ من اعيوني الاثنين بيبي الحلوة
طلعت بره خربانه ضحك اجت مفورة شالت
قبق التنور حار ويلي
_ اليوم اموتج شلون تطلبين من بيبي اساعدج
وأني شاردة من أمي شلون
_ خباثه ههههه
_ هسه اضربج بالقبق كولي اضربج
بيبي من الاستقبال _ شبيجن ولجن
هند _ ماكو شي بيبي
زهراء _ اشتغلي واسكتي والله اكول البيبي خل تموتج كتل
هند _ لما خوفي من بيبي لاجان بتليت بيج والله أنتِ تخبزين
زهراء _ اوك تعالي شنكي العجين
هند.رجعت قبق النتور بمكانه اجت لعندي متعصبه
تباوعلي بس ماتريد تخلي راسي بالعجين
_ مدي ايدج لو بيبي
جابتني براشدي بخفه بس وجعني
_ اخبز هم بس اسكتي
ضحكت _ هههه
والله خبزت بس نصهن وكعن بالنتور كل دقيقة ايدها تحترك خبزها محلو ابد ماتعرف تخبز عصبت عليها
_ اكعدي المي الخبز اني اخبز كلهن وكعن بالنتور
شنو حسابي اني
جرت نفسها كعدت بصف الخبز بالكاع
_ مو مال واحد.يساعدج باعي خبزي احسن من خبزج
_ واضح
_ انجبي غيورة
_ اي اغار من ام خبز الصواريخ
طلعت بيبي تمشي على عكازة _ خيرجن تتناكرن
هند _ ماتخليني اخبز بيبي
زهراء _ بيبي وكعت كول الخبز بالتنور
بيبي _واذا المهم تتعلم
زهراء _ تتعلم يم اهلها مو يمي
هند _ شفتي بيبي
بيبي _ زهيران تخليها تخبز لو اجي اكسر العكازة
على راسج وراس الخلفوج
زهراء _ كومي يابه امري الله
كامت عود تسوي روحها تخبز بيبي واكفه بعتبه الباب تراقب بحذر والله بيبي تخوف حيل وايدها والضرب هاي تريد بيبي تبسطني علمود خبثت عليها
بس عدت على خير كملنا الخبز انطيتها منه ودزيتها البيت اهلها خلصت منها الحمدالله بس تخبث علية خبيثه حيل طلعت
حية مالت تبن تلدغ وتضم راسها
مر أسبوع كامل وأمي وبيبي وأختي قنعوا حسين يخطبولة مرة لكولة خوش بنية وبت عالم وناس تكون أقارب حمزة اسمها ريتاج متخرجة العام من الجامعة
كالوا على اليوم الصبح يرحون يخطبونها اله بعد ما اخذوا الموافقة من بيت اهلها صار الوسيط حمزة النذل هو اللي
سواها اله ويكول جانوا
بالبداية .رافضين علمود ماعندة شهادة وحالتنا المادية مو هالكد قوية بس حمزة يكول فريتهم وخليتهم
يقبلون ردت اروح وياهم مقبلوا
بيبي كالت ابقي وبقي وياج جهال أختج روحي البيت عمج ابقي أنتي وهند وأحمد لما نشوف البنية ونقرأ الفاتحة
عود بيوم الخطوبة تعالوا
ماعرف ليش هل معتقدات القديمة بعدها براس بيبي مطبوعة تخاف يطلبون مرة بمرة اذا شافوني أني لو هند
وتخرب الخطبة هاي عتقادها
أني اشوفه شي قديم ولازم مات عدها بس هي الشغلات القديمة مطبوعة بالذاكرة مالتها المهم اتصلت عليهم
وره الغدة جاوبتني أختي
_ الوو هاا فاطمة بشري
_ كول الخير حياتي انطونه المرة
_ ألف مبروك شلون معنويات حسين ؟
_ المعنويات عالية بس شوي خجلان هههه
_هههه اكيد يخجل شوكت ترجعون
_ راح نرجع فد شوي نجي شلون الجهال خوما عذبوجن ؟
_ لا حبابين حيل سجى نايمة وي هند وعلي
دا يباوع أغاني بيبي
_ هاا زين لعد ديري بالج عليهم بعد ماوصيج
_ ماشي
_ باي
_ بايات حياتي
سديت الخط باوعت على هند نايمة بالفراش بحضنها سجى جاي تباوع يوتيوب قناة مالت أطفال
_ ابشرج منطين المرة جهزي روحج راح يجيج عرس
_ ألف مبروك يستاهل حسون مجهزة حالي من هسه أني
_ وأني حايرة شاخذ ؟
_ خل تصير الخطوبة وراها الله كريم حبي
_ اي هم صدك حجيج بس متحمسه هذا أخوي
الوحيد والجبير فرحانة حيل ولج
_ من حقج تفرحي
بقينا نحجي ونخطط للخطولة من هسه حايرين شناخذ ماناخذ اني مامصدكه من أصل أخوي قبل يزوج
بس القهرني حمزة اللي سواها وأكيد
هسه صار ... جبير حيل بنظر أهلي وفوك كلشي بيبي تحبه حيل وتموت عليه روحها من الدنيا صاير حمزة هو اللوكي
يعرف شلون يكسب الناس
هو بعد ما اجاني ولا هدد ماعرف ؟ يمكن بطل مني اتمنى من الله يبطل من عندي وينساني ويخليني أكمل حياتي
مثل ماهو كمل حياته
رجعوا أهلي وي المغرب دخلوا فرحانين حيل كالوا بعد يومين نروح نكطع مهر سيد وحكومة الاثنين بنفس اليوم وبالليل نرجع
اجه اليوم كطعان المهر راحت أمي وفاطمة وابوي وأحمد وحسين احنا مارحنا لأن مالها داعي اشوف
وثاني سبب يمنعني من الروحة شوفت وجه حمزة مااريد اشوفه كبالي واتذكر لسواه وياي وشكان يطلب مني
علمود يسكت عن الماضي ّ
مر أسبوع كامل واجه موعد حفلة الخطوبة راحت تصير يم بيت أهل العروس على الساعة بالربعة العصر والجو جان الصيف
بس بعده الجو حلو ماكو حر
لأن بالبداية الصيف اشترينه ملابس أني وهند نفانيف لحد الركبة طوال ومستورات راح نروح ومانلبس عبي هالمرة اني ردت لبس عبايه بس أختي مقبلت
كالت يعيبون عليج ويكولون لابسة جادر كتلها واذا
جابتني براشدي فرتني فر
تكول أريد اشوفلج واحد مناك حمضتي على قلبي أنتِ وهاي العوبه هند بومات فكر الاثنين خربت الخطبة مالاجن واحدة مات الرجال الثانية رفضها الرجال بدون أسباب ومن
نرجع اروح للعلوية خل
خل تكشفلجن ليش بومات والقسمة مالتجن مسدودة الاصغار تزوجن وأنتن بعدجن مكابلاتني وكاعدات
ضجنا منها بس مالنه كلمة وياها الجبيرة وكلمتها مسموعة وراح تسويها صدك بس ترجع تروح البيت العلوية تكشفلنة
اني ما أمن بهيج شغلات ابدأ
رحنا الصبح على الساعة بال ٩ وصلنا على الساعة رحنا على بيت انفال نزلنا وجانوا بيت ابوي جايين ويانه بس مرت
ابوي وأختي الصغيرة واخوي حازم
عماتي ما اجوي ولا خالاتي كالوا شيودينا البغداد طبهن ألف مرض على كولت هند ضاجوا لأن ما خطب حسين منهم
مرة هو مايريد من الاقارب احنا شنو بايدنا
دخلنا بعد ماسلمنا الحمدالله جان حمزة بالدوام وره عشر دقائق اذن رحنا صلينا البنات كلنا بغرفة انفال كملت قبل الكل
هالمرة ونزلنا نمشي على الدرج
صادفنا حمزة شايل الجنطة سودة بايده
باوعلنا بضحكة وكال
_ هلا بالعزيزات شلونجن
منار _ هلا بيك حمزة شلونك
حمزة _ الحمدالله بخير وأنتِ شلونج اخبارج
منار _ زينه الحمدالله
حمزة _وانتن الآثنين شبيجن خرسات صايرات
ومندري ؟ مابيجن نردن السلام
هند _ السلام عليكم
حمزة _ وعليكم وأنتِ الثانية؟
زهراء _ السلام عليكم
حمزة _ وعليكم اشو بالكوة طلعتوا السلام عليكم
شبيكم وياي مسوي شي ومدري
هند _مامسوي شي يلا خل ننزل ممكن تزيح شوي
زاح مشينه من يمه بسرعة خايفات منه بصراحة بس مانبين له احنا نخاف منه هو ضاج علمود ما سلمنا وبلكوة
طلعت من عدنا السلام عليكم
ورة ما تغدينا..رحنا نعوف مكياج بغرفة اخلاص خلينه ونزلنا صادفنه ولد شكلة غريب آول مرة نشوفه هنا باوعلنا ابتسم وراح دخل جوه بلاستقبال
سألنا سارة عليه وكالت هذا أبن خالي يوسف الصغير
ماشاء الله شكله حلو احلى من حمزة بس منعرف شي عنه بقينا كاعدين بالهول نسولف ونضحك وي بعض اجه كعد
يمنا رامي يحب الكعدة وي البنات
لأن اربعة وعشرون ساعة وي أخته التوأم سارة هذولة أحبهم كلش محبوبين وطيبون كلش عكس حمزة اجت هم كعدت ويانه رشا وابنها اجه علي بركضة كعد بحضني
الجمعة جانت كلش حلوة
حمزة طلبت من ابن خالي يوسف يجي لعدنا عندي كم شغلة وياها كاعدين أني ويا بالغرفة ابوي جان مسويها
مكتب خاص بي
يوسف _ حمزاوي
حمزة _ هاا
يوسف _اكلك حمزة منو هالبنات اللي عدكم ؟
خزرته _ يابنات
يوسف _ البنات شبيك
حمزة _ أقارب مرتي ذني ليش تسأل ؟
يوسف _ ما شاء الله حلوات
حمزة _ وشنو المطلوب
يوسف _ والله عجبتني واحده منهن
حمزة _ يالله منو منهن ؟
يوسف _ شبيك انزعجت
حمزة _ منو منهن ؟
يوسف _ أم النفنوف الجويتي
حمزة _مالكيت غير زهراء تنعجب بيها
يوسف _ ليش شبيها البنية ؟
حمزة _ بدون جذب البنية ماتفيدك
يوسف _ ليش شبيها ماتفيدك ؟؟
حمزة _ أنت مجرد عجبتك لو تريد تتقدملها للزواج
يوسف _ أنت تدري بي ما احب سوالف الحب لأن حبيت مرة وفشلت لذالك اريد اتقدملها للزواج ان شاءالله
حمزة _ بابا البنية ماتفيدك للزواج اخذها مني
يوسف _ عليك الله كول شبيها البنية ؟ وليش ماتفيدني لزواج
حمزة _ راح اكولك سر بس يبقى بيناتنه ماشي
يوسف _ ماشي
حمزة _ أني جنت اداوم بالجامعة الكوفة وهي
جانت وياي بنفس القسم
يوسف _ ايي
حمزة _ هي مكبلة ترى بس مع اسف طلع الولد مو خوش ادمي وطلع عليها شغلات من شغلات بعد مدري الشغلات الطلعهن عليها صدك لو جذب بعد الله اعلم
يوسف _ صدك تحجي
حمزة _ قابل اطلع هالحجي من عندي الحجي صح جانت مكبلة واني اشوفها كل يوم ويا سوه بالجامعة وي غيره هم شفتها
أكثر من مرة عدها وياهم علاقة الله أعلم بعد
يوسف _ يجوز أصدقاء؟
حمزة _ ماعتقد
يوسف _ لعد شلون تزوجت أختها اذا سمعت أختها فاسدة ؟
حمزة _ أني بيوم العرس والله يلا عرفت تكون أخت
مرتي بعد شسوي الفاس وكع بالراس
يوسف _ صح همزين سألتك قبل ما اخذت خطوة
وتندم عليها بعدين
حمزة _ أني ابن عمتك وتهمني مصلحتك حبيبي
حمزة ابتسمت بخفه ضحكت عليه والغبي صدك بسرعة هو ميدري أني مخلي عيني عليها واريدها بس لالي وراح اشوه سمعتها كبال كل واحد يحاول يتقدملها
زهراء صارت الساعة على الربعة العصر رحنا البيت العروسة جانت طالعة أميرة لابسة بدلة بنفسجي اصلوخ تسريحة نازكة ماكو احد غريب بس الأقارب موجودة
شغلوا أغاني واني .ما اسمع أغاني ابد ولا اركص
بعرس شلون هسه ياربي شلوون
ركصوني غصبا عني هند وفاطمة كلت خل اكسر بس بالعرس وراها راح اتوب وأستغفر الله علمود يغفرلي انتهت
الحفلة على الساعة بالخمسة
رجعنا على .... بيت عيال انفال اخذنا الغراض طلع الولد من الغرفة أهل حمزة باوع علية بنظرات ماتعجب مشه
طلع بره طلع حمزة وراه
يرفع بايديه... بالهوى و يمطمط بجسمه من شافني نزلهن دزلي بوسة بالهوى كام يغني بصوت ناصي يادوب ينسمع
حمزة _ اخربها اخربها روحج سم اشربها يزهيرة هههههه
راح دخل بالاستقبال مستغربة شنو يعني اخربها
روحج سم اشربها شبي هذا ؟ يالله
اجت هند _ هاا زهراء
زهراء _ جبتي اغراضج
هند _ ايي هم يلا نوديهم بالسيارة علمود نرجع
زهراء _ امشي خل نوديهم بالسيارة
ودينه الغراض كلها بالسيارة رجعنا خطيه انفال تعبت حيل بطنها صايرة ...لخشمها بشهر السابع وحملها صاير ثكيل
كلش تكول يادوب تكدر تنزل من الدرج
طلعنا بره الاستقبال جاي نمشي نزل حمزة من الدرج مشي سريع هم يغني هالاغنية
_اخربها اخربها
بيبي _ حمزة شتخرب ولك
وكف على الدرج وابتسم وكال "
شخرب بيبي بس الاغنية طابعة براسي
من الصبح لحد الآن ههه
بيبي _ ملكيت غير هاي الاغنية؟
حمزة _ سمعتها بالصدفة ههه
نزل حضن بيبي باسها من خدها وكال "
بيبي ليش متبقون عدنا
بيبي _ لا بيبي منكدر وزحمة نبقى بعد يمكم
حمزة _ صدك جذب بيبي يازحمة هاي اللي تحجين
بيها انتو اهلي هم وهذني البنات أخواتي
بيبي _ اعرف بيبي بس البيت مالتنه تايه
حمزة _ براحتج بعد حبيبتي
هند همستلي _ شكد لوكي جاي يبين كبال بيبي هو ملاك وهو عكس المطلوبة شيطان بكرون سودة
زهراء _ شبه الشيطان الله يلعنه
والله طلعنا بره وهو ويانه يمشي انفال مطلعت بقت كاعدة صعدنا بالسيارة تعاركنا اني وهند على
المكان يم الجامة
هند _أني اكعد
زهراء _ لا والله أني
هند _ بالجيه أنتِ كعتي وبالرجعة أني اكعد موعدل زهراء
زهراء _ لاوالله مكاني ماكو
بيبي _ طيح الله حضجن تتعاركن على مكان
زهراء _ بيبي مكاني
هند _ بيبي بالجية كعدت وهسه اجه دوري اكعد
بيبي _ شو زيحن خل أني اكعد هنا
زهراء كمت كعدت بيبي كلها كامت تضحك علينا
سبقتني وكعدت بصف بيبي
هند _ وجان اربح هههه
زهراء _شكد خبيثه
هند _ عليج طالعة ملاية زهورة هههه
بيبي _ زعاطين يتعاركون على مكان يم الجامة
امداجن وامده الخلفوجن
احمد _ يحتاجلهن كتلة
بيبي _ ايي والله من زمان مامكتولات جلدهم يحكهن
هند _ اسكت ولك بيبي احنا شمسويات علمود ننكتل
بيبي جابت هند براشدي "
انجبي ام لسان الطويل وأنتِ الثانية
يجي دورج بعدين
زهراء _ بيبي شبيج ويانه ؟
بيبي _ بالبيت تعرفون
هند كامت من الخوف اجت كعدت وياي باخر
مكان بالسيارة وكالت
_ شمسوين احنا ؟
_ اندري كله منوراج والله تعاركتي على المكان
_ بس لالج تردين
_ لا موهيج بس أني متعودة على هذا المكان
أنتِ شجابج علية اليوم
هند _حظي الغبي يلا حرك احمد
احمد _ تعالي بمكاني بعد
_لو اعرف اسوق جان اجيت بس مع أسف معرف اسوق
بيبي _ لاا ربحت بناتنه يسوقن سيارة مثل الزلم
حسين _ شكو بيها بيبي
بيبي _ انجب خوش يعلمهم انوب ييدها
احمد _ ههه العريس ترزل ههههه
حرك السيارة كضيناها ضحك وشقا بس منعرف بيبي شبيها ضايجه من عدنا ؟ مسوين شي غلط بالحفلة لا ماسوينة
شي ابد جنه طبيعيات تماما
وصلنا للبيت جان ما أذن اشتروا أكل من بره جهزنا لعشا تعشينا كلمن راح ينام بالغرفة حسين نام بالاستقبال وأختي وجهالها ناموا يم امي بالغرفة مالتها
الصبح كعدت الفجر صليت وكعدت بيبي صلت كملت قراية قرأن صاحتلي اجي يمها كعد رحت كعدت يمها هي تسبح بالسبحة وتكول الحمدالله الحمدالله
_ هاا بيبي
_ ليش البارحة مامسلمات على حمزة موعيب عليكم
_منو كال ؟
_ماعليج بالمنو كال ليش ما مسلمات ؟ اريد أعرف
_ سلمنا والله بيبي
_ بس السلام عليكم كايلات هو مفشلجن وانتن يلا
كايلات السلام عليكم مو
_ ايي هذا مو سلام بيبي
_ بيبي عيب عليكم ماتسلمون ترى هو موغريب هو اخوكم صار بعد ما اخذ أختكم وهسه يعير انفال ويكللها اخواتج
مايحترمني ومايسلمن علية
_ اسفة بعد مانعيدها والله
_ اي عفيه
خجلت منها حيل بس معرفت منو وصل لها هذا الكلام ماكو غيره كاللها اعرفه واحد نذل .ثاني يوم طلعنا العصر نزور المقبرة زرنا مقبرة مالتنا ورجعنا بالرجعة صادفنه
ريان وأمه يمشون
هند باوعتلي وكالت _ ريان وأمه
زهراء _ ايي اكيد دا يزورون قبورهم
هند _ ليش مقبرتهم يم مقبرتنا شي ؟
زهراء _ ماعرف امشي ولا تباعين عليهم ماشي
فاتوا من يمنا ريان ماعرفنا يمكن ماباوع علينا كمل طريقة واحنا هم كملنا طريقنا وصلنا اللامام زرنا وكفنا بره شفنه واحدة من صديقاتنه من غير محافظة بالصدفه بقينا نحجي وي بعض بالصدفه صاحت من يمنه على مرة وره ظهرنا
_ خاله هنا هنا
التفتنه جانت الصدمة أم ريان هي و ريان واكفين ورانه من شافوا البنية اجوي لعدنا
ريان _ ها ولج اخبارج اليوم هنا
البنيه راحت عليهم "
اي اجيت وي أختي
راحت باوست أم ريان وسلمت على ريان من بعيد واحنا مستغربين شصير منهم و تلتفت
علينا وكالت بضحكة
البنيه _ خاله اعرفج بصديقاتي هند وزهراء
ام ريان _ هلا بيجن خاله تعالن عليش واكفات بعيد
هند همست _ ريان وين يعرفها ؟
زهراء _ اندري
هند _ شكرأ خاله بس راح نرجع عالبيت في أمان الله
ريان _ دومج مستعجلة هند
هند فشلت من هيج كال هو بعيد عنه بقرب ثلاث
امتار أمه باوعتلي مستغربة
أم ريان _ وين تعرف البنية؟
ريان _ وياي بالجامعة جانت وهاي هي هند يمه
اللي حجيتلج عليها
البنية _ هند ويانه جانت خاله
هند خجلت حيل من كال اللي حجيتلج عليها هذا شحاجي لامه علية واني مدري اكيد.كاللها أني وحدة خبلة وعناد
ورفضته يمه شكلها يخوف صار
تباوعلي منفوك الجوه وكالت _ هااي !
ريان _ ايي هاي
هند بقيت مصدومة ماعرف شكايل لامة علية بس لا كايللها اريد هاي البنية سوده مصخمه اذا كايللها هيج وكبال
هاالبنية والله اصير مشهورة
وهالبنية جنه معلكين عليها بالجامعة قناة الشرقية الاخبار اللي تصير بالجامعة تعرفة بسرعة وتبث على كول
المراحل خلال دقايق قليلة
هند" خجلت حيل من كال اللي حجيتلج عليها هذا شحاجي لامه علي واني مدري اكيد.كاللها أني وحدة خبلة
وعناد ورفضته يمه شكلها يخوف صار
تباوعلي منفوك الجوه وكالت _ هااي !
ريان _ ايي هاي
هند بقيت مصدومة ماعرف شكايل لامة علي بس لا كايللها اريد هاي البنيه سوده مصخمه اذا كايللها هيج وكبال
هاي البنية والله اصير مشهورة
وهاي البنيه جنه معلكين عليها بالجامعة قناة الشرقية الاخبار لتصير بالجامعة تعرفة بسرعة وتبث على كل
المراحل خلال دقايق قليلا
البنيه _ اي خاله هاي هند جانت ويانه بالجامعة
امه _ هاا مو جوارين بيت أم عباس لو غيرها ؟
ريان _ اي هي نفسها
هند قطرة دم مبقت بي هذا ريان يبتسم بخباثه وهاي امه تباوعلي بنظرات غريبة
هند _ احنا نترخص
امه _ شنو تخجلين من عندي ؟
هند همست _ أستغفر الله العظيم
هند _ لا خاله بس لازم نرجع عالبيت
ريان _ اوك يابه اخذوا راحتكم
البنية _ أمر بيكم باجر العصر ان شاء الله
زهراء _ بالبيت ؟
البنيه _ اي لعد وين
زهراء _ وين تعرفين عنوان بيتنا
البنيه _ ريان يعرفه وخل يوصلني
زهراء_وين تعرفين ريان
ريان _ ابن خالتي
زهراء _ هاا
هند تفاجأت من عرفت هاي بنت خالته بس أمه ابتسمت بوجي متت من الخوف شكلها مو راحه أبد اخذت زهراء ورجعنا عالبيت زهراء جنت كاعدة بالغرفة يم بيبي بالليل دا
نحجي بموضوع زواج حسين
_ باجر جيبوا احمد وهند علمود نعزل الغرفة
_ اي
_ الكنتور نشمرا صاير قديم ونجيب كنتور
صغير يكفينا أني وأنتِ
_ هم صدك غرفة أمي تكفي
_ نشمر الزاوية مالت أمج والبوفية
_ البوفية أمي قديمة مالتنا جديدة باجر عد
عيناج نشمرهن نصهن ههههه
_ ههه عفيه بنيتي
دك تلفون بيبي كمت شفت منو جان حمزة
اخذت نفس صاحت علية
_منو ؟
_حمزة زوج انفال
_افتحي خط شبيج واكفة
رحت عليها انطيت الموبايل لالها '"
هاج أنتٓ احجي ويا أني محجي ويا
_هاي شبيج بيبي
رحت تمددت بالفراش قطيت راسي أسمع بيبي تحجي ويا كل يوم يجي وياها ثلاث مرات ومرات اكثر هواي
مقترب لبيبي بهاي الفترة راح يخبلني
اذا يحب أهلي هيج لعد عليش يريد يشوه سمعتهم من خلالي أني والله راح يخبلني معرف شيريد
حمزة بالضبط؟
ثاني يوم الصبح تريكنا واجت هند وأحمد وخواني من أبوي واختي الصغيرة عزلنا الغرفة مالتنا شلنا يم أمي لأن الغرفة انطيناها لحسين يزوج بيها
شمرنا جم أثاث من غرفة أمي وشمرنا الجرباية مالت أمي هي والديكور مالتها اثاث قديم الحمدالله الغرفة كفتنا
كضيناها ضحك على أمي
تكول البوفية لا تشمروها حرامات
والله انشمرت .. ونشمرت الزاوية جابوا الولد كنتور ابو اربع بوب لبيبي ولي وبيبي دزت بلازمة صغيرة
علمود اخذ راحتي بالغرفة
طلعنا الغرفة .مالت أمي تخبل تعزيل وتنظيف لحد الاذان الظهر واحنا مامخلصين البيت هوسة صاير وكفنا عن الشغل
رحنا نصلي كملنا صلاة
وراها تغدينا ورجعنا نكمل شغل حسين واحمد دا يصبغون بالغرفة وحنا نشمر بلاثاث الزايد بره اجرنا ستوتة
تنكل بالاغراض بمكان يشمروهن
بقينا نشتغل لحد ....٣ الظهر يلا خلص الشغل ونظفنا الغرفة حسين من الصبغ والبيت كله نظفنا لأن نصبغ الاستقبال والمطبخ وغرفة أمي جانت نظيفه
البيت طلع حلو ومعدل على كولت هند هههههه
تعب فوك تعب بس كله يروح فدوة لحسين كعدنا العصر بره بالطرمة أني وهند نحجي وي بعض عن موضوع
ريان وابن خالها قاسم
_زهراء احس ابن خالي راح يسوي شي محلو
_شلون ؟
_ البارحة كايل لاخوي أحمد راح أشوفك شي اخليك تندم مليون مرة أنت واهلك على حجيك علينا
_يالله بس لا يسوي شي
_ اني هم كلت هيج وهسه خايفه حيل والله
_لتخافين ان شاء الله مايسوي شي
_الله لاينطيك الصحة والعافية حمزة ليش هيج سويت
_الله لا ينطيه ان شاء الله
_ هسه شسوي اذا كال لاخوي أني عندي علاقة وي ريان كولي
_ يأكل تبن انتِ معندج أي علاقة بريان
_اعرف والله بس ...
_اششش لا بس ولاشي وأنتِ انسي ولتفكري بكلامه
أبد يجوز يجذب بس يحب يشلع قلوب
_ ماعتقد
بيبي _ تعالن دخلن جوه
التفتنه عليها _ جايين
زهراء _ كولي ياالله
هند _ ياالله
دخلنا ....جوه وأمي دا تطبخ بيبي كاعدة فوك
الفراش كعدنا بصفها
بيبي _ راح يجون بيت أهل خطيبه اخوج
زهراء _ شوكت يجون
بيبي _باجر ان شاءالله
هند _ أهلا بيهم
زهراء _ أكيد يباتون ؟
بيبي _ ايي يباتون عدنا
هند _ ريتاج هم تجي وياهم ؟
زهراء _طبعا ريتاج جايه لعد منو يجي
بيبي _ أمها تجي و أخوها الجبير يونس وحمزة وريتاج
هند_ حمزة رجل انفال ؟!
بيبي _ اي شبيج متعجبه ؟
هند _هاا لا ماكو شي أني رايحة
زهراء _ وين اكعدي
بيبي _وين مولية ابقي اليوم عدنا
هند _ منودي أبقى بس عندي شغل بل بيت غسل ماعين
وغسل ملابس وعندج الحساب بيبي
بيبي _ واشبيها أمج
هند _ أمي دومها تشمر الشغل فوك راسي وتروح تكعد
يم ابوي عبالك أني خدامة مالتهم
زهراء _ لعد عليش خلفتج غير ترتاح بجاهج
بيبي _ مساعدة الاهل واجب عليج بيبي بس
من هيج ذابه الشغل براس البنية
زهراء _ هسه مو أني جاي اشتغل بيبي
بيبي _ امج تساعدج بالشغل واحنا معدنا احد
زهراء _ وهم هم ماعدهم احد عائلتهم بكد عائلتنا
هند _ اكثر منكم بواحد ابوي
زهراء _ امدج
بيبي _ مالج دخل أنتِ روحي واني اجيكم باجر الصبح
احجي وي امج خل تزوج احمد بعد شتنتظر
هند _ ياريت تجين وتقنعين أحمد وامي تزوجة
والله تعبانه حيل بل شغل
بيبي _ خل نزوج حسين وانتفرغ لاحمد ازوجه يعني ازوجه
هند اجت تبوس بيبي "
اي هاي بيبي الحلوة اي هيج اريدج
راحت هند بعد ما شحنت بيبي على أمها واخها أحمد ماعرف هاي هندليش هيج عجوزية وشايلة خباثة بيبي تكول
نسخة مني من جنت بعمرها
يعني بيبي جانت عجوزية وأم لسان وتحب تخبث أكول كل الجناين عازلات من أول يوم بالعرس بس أمي باقية
وياها لان تكون بنت أقاربها
ثاني يوم الصبح راحت بيبي البيت عمي وأني بقيت انظف وأمي ..كاعدة تخابر بأختي كملت الشغل اجت
بيبي وهند وياها
كعدوا بالاستقبال رحت كعدت يمهم
هند _ جايين بالطريق
زهراء _ لعد راح يوصلون ساعةالساعة
بيبي _ ايي خليتوا الغدة عالنار
زهراء _ ايي خلته أمي
اجه حسين كعد يمنها وره نص ساعة اجوي كعدوا بالاستقبال وأني وهند بعدنا مامسلمات كاعدات بالغرفة على
جرباية بيبي نحجي وي بعض
هند _ اسمعي صوته يعلعل
زهراء _ خل يولي مالج منه بس تريدين الصدك
هند _ كولي
زهراء_ استحي اطلع اسلم
هند _وأني هم مثلج والله اكلج نغلس شتكولين
زهراء _ ياريت نغلس بس بيبي فضيحة
هند _ مو بيبي تصير مطلع اسلم وحمزة موجود
وهذا اخوها غريب
زهراء _ وياج مطلع
اجت أمي فتحت الباب
أمي _ كومن اطلعن سلمن
زهراء _ ماا ماا
هند _ بنسبة لي مطلع أبد
أمي _ ماتخجلن على نفسجن امشن اطلعن عيب منك الناس
هند _ أني معرف العيب شنو
زهراء _ والله العظيم ماطلع أبد استحي
أمي _ طاح الله حظجن فضحنتا منك الخطار
هند _ ماكو عيب بالموضوع
أمي _ والله فضحنتا أنتن
زهراء _ والله استحي اطلع منك أخوها وحمزة
امي _ حمزة أخوج وكل مرة من يجي مو
تطلعون كباله اليوم شكو ؟!
هند _ مو هذا غريب اخوها
امي _ طبجن مرض ابقن كاعدات مثل الجهال
طلعت امي ضايجة منه أحنا كمنا نضحك سوه
هند _ ههههه
زهراء _ هههه سويناها والله
هند _ راحة النفسية فول صارت عندي هههه
زهراء _ مطلع أبد اليوم
هند_ عفيه عليج ابقي ثكيلة ترى هذا اجه علمود يشوفج
زهراء _ اعرف والله
وره ربع ساعة اجت ريتاج سلمت علينا فشلنا
الصراحة كبالها هي اجت سلمت علينا
ريتاج _اعرف بيكم تخجلون
هند _ ايي والله نستحي من اخوج وحمزة
ريتاج _اخوي اي حمزة عليش مو نسيبكم
هند _ هو احنا بالكوة نطلع نسلم عليه والله
ريتاج _ هههه مامتعودات
زهراء _ صح
ريتاج _ تجون ويانه نزور العصر
هند _ اذا بس نسوان جايين واذا زلم ويانه لا اعذرينا
ريتاج _ لا بس احنا البنات وأمي ويانه
هند _ موافقين
ريتاج _ ماتحجين زهراء اشو هند بدالج تحجي
زهراء_ هند نصفي الثاني
هند _ أني وياها شخص واحد
ريتاج _ حلو صداقتكم قوية حيل مبينه
هند _ أخوات مو بس صديقات
ريتاج _ اتمنى لو تصير عندي اخت مثلكم هيج
هند _ واني أختج وزهراء هم أختج
زهراء _ امنيتج تحققت وصارن عندج أثنين أخوات
ريتاج _ اروح فدوة لهل أخوات
وره الاذان الظهر سلمنا على أمها وماطلعنا سوينها من صدك بيبي رزلتنة مفاد ويانه قافلات منطلع
صبينه الغدة تغدوا الزلم واحد واحنا النسوان تغدينا بغرفة أمي .....سويه كملنا غسلنا الماعين ودت الجاي ريتاج خطيه حبابه كلش والحمدالله صارت من نصيب أخوي
للعصر رحنا كلنا نزور حتا أم هند زرنا المقبرة اولأ ورها زرنا الأمام أم ريتاج طول الطريق مخليه عينها على هند
يالله بس لا تريدها لابنها يونس
هو عمره ٢٦ سنة حلو ومعدل خوش ولد الله يستر عليه هاي أفكر اني تدور براسي معرف ليش تخيلت الموقف
بس صراحة مااريد ياخذها غير ريان
ريان ...خوش ادمي وابن ناس وعالم وهواي ساعدنا واحنا مندري وندري وفوك كلشي يحبها هواي ولحد الآن يحبها ويريدها وهي العوبة مقابلة
طلعنا من الأمام نمشي بشارع الطوس هند كالت
هند _ زهراء خل نشتري
زهراء _ ماشي
نفصلنا عنهن رحنا اشترينا شوي حبشكلات
وهم هم اشتروا بالطريق كتلها
زهراء _ ماعرف ليش عندي احساس أم
ريتاج تريد تجيج خطاب
هند _ منو كالج ؟
زهراء _ محد كالي بس مجرد احساس جاي اكولج
هند _ اوي أموت وماقبل
زهراء _ توقعي اجتج توافقي ؟
هند _ مو كلت أموت وما اقبل قبل شوي شبيج
زهراء _ فهمت
هند _عوزي والله لو أخذ اقارب حمزة النذل
فرحت... من سمعت جوابها أتمنى تقبل بريان اذا تقدملها
وصلنا للبيت مالتنه ماسوينه العشة حسين كال اجيب
من السوك سمك مشوي
وره العشة فرشت للزلم بالاستقبال وفرشت الريتاج وامها بالغرفة يمنه نايمة بالفراش سويت روحي نايمة سمعت
أم ريتاج تحجي وي أمي
ام ريتاج _ اكلج خيه هاي بنت عم حسين هند مخطوبه محجوزة لواحد من الأقارب
أمي _ لا مخطوبة ولا محجوزة
ام ريتاج _ خير ان شاء الله أكلج أني خليت عيني
عليها من يوم الخطبة
أمي _ يعني تريدين تجينها خطابة ّ
أم ريتاح _ والله أريد اتقدملها وره زواج
حسين وريتاج لأبني يونس
أمي _ مابيها شي البنية خوش بنية وبمثابت بنتي
الثالثة والنة الشرف بيكم
زهراء حزنت حيل من سمعت هيج كالت واذا اجوي خطاب والله ينطونها أهلها و تجبرها عمتي على الزواج منورة
سالفة فسخ الخطبة من ابن خالها قاسم
بعد ماناموا أني مجاني النوم أبد بس أفكر بحال ريان اذا اخذت هند والله ينقهر حيل أني أحب ريان حيل
ومعتبرته أخويه الرابع
كمت طلعت بره بالطرمة روحي لاعبة معرف ليش منورة ريان ؟ لو منورة وجود حمزة هنا بل بيت موجود كولها نايمة
وستغليت الفرصة وطلعت بره اشم هوى
واكفة وانظاري للسماء اباع على النجوم والقمر الكامل يخبل المظهر جان والدنيا كمرية ، حلوة تخبل نسمات هواء خافته باردة تضرب بوجي
فزيت على .....ايد على جتفي الأيسر التفتت بسرعة جانت الصدمة حمزة ، قلبي وكع بين رجلية منشدة الخوف
ماعرف وين انطي وجي
حمزة _ هاا ولج شسوين طالعة بره بهالليل ؟
زهراء بلعت ريجي يباوعلي بهذيج النظرات القذرة
اللي كالمرة يباوعلي بيهم من يشوفني
زهراء _ شعليك
ومشيت منيمه وكفت للحظات على مسك ايدي
اليمنى بايده جريت ايدي بقوة
_ ايدك
رد _ ليش مطلعتي علية ؟
ماهد ايدي التفتت عليه احاول اخلص ايدي من قبضة ايده
_ ايدك ولك ايدي هدهاا
جريت..... ايدي من ايده بقوة انطيته ظهري ودخلت من باب المطبخ خايفه حيل سديت الباب بسرعة بقيت التقط
انفاسي بصعوبة رحت عالثلاجة
طلعت مي شربت _ الله ياخذك شكد نذل
ثاني ...يوم الصبح رجعوا البغداد حددوا موعد
العرس وراح يكون أسبوع الجاي
وقت ... العصر طلعنا بره أني وهند مثل كل يوم نروح
للامام كعدنا بالامام احجي وياها
زهراء _ هند حابه اكولج شي
_ كولي شعندج
اخذت نفس طويل شفت زوج أختي عباس
هو وعلاوي كبالنا وكفين كتلها
_بعدين اكولج باعي عباس هنا هو وعلاوي
_وينهم ؟
هو ماشافنة كمنا سوه رحنا عليهم
زهراء _ السلام عليكم
عباس _ وعليكم السلام صدفه حلوة زهراء هند
هند _ السلام عليكم
عباس _ وعليكم السلام هند شلونجن اخبارجن
_الحمدالله بخير
هند _ تعال علاوي
اخذت هند علاوي من عباس ابتسمت
_ شخبار اختي فاطمة
_ فاطمة يافاطمة شالعة قلبي هي وأمي والله
زهراء _ خير ان شاءالله شكو ؟
عباس _ متعاركات هالمرة موعركة _وأني حاير بيناتهن والله وهسه اجيت أزور وادعي بلكت الكة
حل يرضي الطرفين
زهراء _ وليش ماكلتوا
عباس _ شكول هاي كل مرة يتعاركون وماكو داعي
ادخلكم انتو بيناتنه
زهراء _ براحتك ان شاء الله تفرج وتلكة الحل
عباس _ ان شاءالله
هند نزلت علاوي اجه علية شلته بوسته من خديداته انطينا لابوه خطيه عباس واكع بنارين نار أمه ونار مرته الله لا يخلي عبد من عبادة بهيج موقف محير
طلب منه ...ما نكول لاحد عن العركة وافقنا مانكول رجعنا مقهورات واني اكول ليش ما اجت أختي البارحة من
اجوي بيت خطيبه اخوي حسين
اثاري متعاركين الصراحة أم عباس مرة وكحة حيل وما تنبلع أبد اذا طلعت تزور تدكلها طبول واذا باتت عدنا تدك ألف طبل وتسوي مشاكل شادة
وياها هي الشدة علمود اخذ فاطمة غضبا عليها جان يحبها حيل واخذها عن حب من طرفه هو وبس وأمه جانت تريد تاخذلة بنت خالته ولهذا لسبب جاي تسوي مشاكل تريد
تفرق بيناتهم أختي تكول
وره يومين سمعنا أختي عازلة بيت لوحدها واحنا مندري فرحت حيل أني واخيرا راح تخلص من المشاكل وعباس
الكة الحل المناسب الحمدالله
رحنالها .......البيتها جان قريب عن بيت عيالها بثلاث ابيوت بيناتهم بقينا للغدا البيت صغير بكد بيتنا تقريبا بس
بناء جديد كال اجرته وان شاءالله
من يصير عندي جم درهم أشتري مشتمل واخلص من اليجار والمشاكل هم لأن تعبت حيل _وأني اشوف زين سوه
خطيه مبين نفسيه تعبانه حيل
طلعت وي علاوي بره نشتري من المحل الموجود يم بيتهم قريب براس الشارع نشتري فواكه وكفنا كبالة ابو
المحل جان ادمي جبير بالعمر
كملنا شراية شال علاوي علاكة وأني شلت علاكة والصدفة جانت ريان نزل من السيارة يضحك واكف كبال الباب
ولد بعمر علاوي منزعج
الطفل _ هاا مو كلت مااروح
ريان _ هههه ما رايح
الطفل _ جذاااب
ريان _ هههه فضحتنه ابن الوادم
الطفل _ ليش تجذب علية موكلت اخذك وياي
ريان _عمي مارايح جنت بسيارة كاعد قابل اجذب
عليك وأنت رجال بطولي
الطفل _ رجال رجال وأنت تجذب علية ..
ماكو توديني هسه نشتري
ريان _ العصر اوديك
الطفل _ هسه يعني هسه
ريان _العصر يعني العصر يلا جوه جووه
الطفل _ مادخل انت ادخل جوه جذااب
ريان ضحك وشاله على جتفه وكال _ هههه جذاب ايي جذاب طلعت وهسه رجعت شلي بالجهال ماخذهم وياي
الطفل _ نزلني جذاب نزلني
خربت ضحك عليه مغشمر الطفل خطيه دخلوا
جوه كملنا الطريق سألت علاوي
_ علاوي تعرف هذولة منو
_ ياهم ؟
_ الولد الصغير اللي جان يتعارك وي الولد الاشقر
_ هاا هذا حمودي والرجال عمه ريان
_ تعرفهم
_ ايي ريان صديق عمو وحمودي صديقي كل
يوم العصر نلعب سوه بالشارع
_ مدري أني
_ ايي شمدريج خاله اكلج هنودي ليش مااجت
_ اهلها مااجويي يمكن عكب باجر يجون
_ هاا تعالي وياهم أنتِ
_ الله كريم
رجعنا على ..البيت ورة الغدة بساعة رجعنا وحايرين مشغولين حيل العرس بعد ثلاث أيام مبقى شي كضينا تجهيزات بتجهيزات ماكو راحه عندي أبد
جابوا اثالث للغرفة غرفة النوم جانت حلوة كلش أثاث تركي باللون الأبيض والذهبي ونسيت حمزة بهاي الآيام هند وياي وياي بكل خطوة وبل شغل رحنا اشترينا ملابس وثاني يوم ماعين وشغلات للمطبخ نعتازها
ماخلينا شي لما اجبناه
اجه يوم الحنه طلبنا من اهلها يجوبونها يمنا والحمدالله قبل ابوها مابينه حيل من طول الطريق والخطورة عالية تكون علمود عرس وزفه والطريق بعيد
يوم الحنه اجت هي واخواتها وامها وبيت عيال انفال كلهم راحت وياها الصالون أختها الجبيرة مزوجة وأختي واحنا بقينا نجهز لكلشي لأن الحنه راح تصير بالليل
النسوان بالبيت مالتنا والزلم بيت عمي طلبت من أمي نسويها مولود كالت عادي مولود حلو وأحلى من الطربكة
جيبي ملاية لتردينها
البيت جان هوسة كله أقارب كامت وياي نسوي العشة سارة ورشا مرت سيف وهند وبنت خالي تعاونه على الطبخ احناا الخمسة وره فترة اجوي من الصالون جانت
العروسة طالعة ايه من الجمال اويلي أختي فاطمة طالعة أميرة خررب هي..... أحلى مني اشوفها بهواي برغم مخلفة
ومزوجة حلوة بعدها
وجسمها يخبل صراحة غرت منها ثولة أني أغار من أختي علمود طالعة حلوة وتخبل امداني اني هم ورة العشة اخلي مكياج واطلع حلوة مثلها دخلت المطبخ فاطمة
مخوصرة بعتبت الباب
فاطمة _ كملتوا
زهراء _ اي كملنا فاطمة ماشاء الله طالعة أميرة
فاطمة _ هههه اعرف حلوة ماكو داعي تذكريني
ولج اصير مغرورة ههههه
هند _ حظج فطومة حظج
فاطمة _ خير هنودي ؟
هند _ صالون ومكياج واحنا هنا نايمات بالمطبخ
فاطمة _ اهووو بعد أنتِ هند حاسدتني ماتروحون منو لأزمكم
زهراء _ منو يبقى بالبيت ويكوم بالواجب
هند _ أنتِ ابقي بالعرس بالبيت واحنا نروح على الصالون
زهراء _ حجيها صدك
فاطمة _ وأني شعلي اووي باي ههههه
طلعت عافتنه مشتعلات مو عدل
هند _ موعدل والله
زهراء _ شكد أنانية
هند _ توج يلا تدرين
زهراء _ خل نكمل الشغل يمعودة دومنه بالضيم اني وياج
هند _ حظ مصخم خيه مصخم
زهراء _ الحمدالله ماكو وحدة من الأقارب وسمعت
الحجي جان شكالوا
هند _ ايي جلبة فاطمة جلبة
زهراء _ أنانية تريد بس لالها
هند _ بس نكمل الشغل نروح نصبغ صبغ مو طبيعي
زهراء _ عد عيناج الا نطلع اضرب منها
كملنا الشغل كله بالليل والماعين البنات كامن غسلنهن ويانه رحنا كلنا للغرفة والبنات ناس بالكاع تلبخ وناس على
الجرباية واحنا وحدة مكابلة الثانية
وتلبخلها مكياج كملت مكياج الهند ويلي طلعت فدشي وهي خلتلي المكياج كملنا والبسنه نفانيف قصار لحد الركبة
صلوخ لأن الحنه بس نسوان
تصوير ماكو طفل بعمر سبع سنوات مايدخل كلها وديناهم يم الزلم بيت عمي بس دخل اخوي حناها واخذوا كم
صورة وكام وطلع بره بدت الحنة
مالتنا كلها.. اناشيد دينيه نبوية حلوة تخبل وصفكات وهلاهل ما شاء الله الاستقبال نترس نسوان بس الاقارب
وبيت جوارينة اربع ابيوت من
ظمنهم بيت أم عباس
هند _ ولج امشي اخذي المكيوفون من الملاية و
قرينة شي من عندج امشي
زهراء _ استحي هواي نسوان
هند _ امدة حظي الجكمه تستحي ولج شلون تريدين
تصيرين ملاية لعد عليش جاي تدرسين
زهراء _ _هوو اريد اصير ملاية بس استحي كلها
اقارب واخاف اجفص ويضحكون علية
هند _ عادي واذا ضحكوا هي الحياة تجارب جربي والله كريم
زهراء _ هاا أنتِ هيج تشوفين
هند _ خايبة امشي وفضيها هاي فرصتج علمود
امج تجيبلج جهاز تدربي عليه
زهراء _ هم صدك اريد جهاز
هند _ لعد دا احجي أني راح اسجل الصوت مالتج
علمود اسمعة لالج
زهراء _ ما حافظة شي
هند _ روحي جيبي الموبايل وطلعي نشودة
حلوة قصيرة احفظيها عالسريع
زهراء _ خوب أنتِ لكلشي عندج حلول
هند _ من الله هاي امشي وفضينة يمعودة
تشجعت والله رحت طلعت موبايلي كعدت على الدرج انزل انشودة حلوة وقصيرة ... لكيت اناشيط اعراس حلوة كلش عجبتني واحدة
بعنوان (وهاي للعريس نهديها القصيدة )
حفظتها على قلبي بسرعة بس كلت لأزم الموبايل وياي رحت دخلت بالاستقبال اشرت الهند اجت علية بسرعة
_ هاا بشري
_لكيت روحي كوليلها اريد اقرأ وياها
_ماشي تعالي وياي
رحنا كعدنا بصف الملاية جانت تشرب مي
هند _ اكلج خاله ام مرتضى
الملاية _كولي خاله
هند _ زهراء تريد تقرأ وياج عادي
الملاية _ يا اهلا بزهورة خل تجي تساعدني
زهراء حرارتي ارتفعت فوول صارت عندي خوفه أحس نفسي راح يغمى علية بيى لحظة كانت امداني شكد.
جبانة طلعت
هند _ يلا اكعدي
زهراء هزيت راسي وكعدت بصف الملاية هند راحت من يمي كعدت كبالي تضحك وتشجع بي من بعيد اخذت نفس جان أسمع اختي فاطمة
تحجي من مكانها كاعدة بصف بيبي
_ راح تقرينة زهورة
هند._ طبعا راح تقرأ لعد عليش كاعدة
بيبي _ اي عفيه بزهورة يلا سمعينا شي حلو مثلج
زهراء _ ان شاء الله بيبي
اخذت المايك من ايد الملاية وعيون الماعزيم كلها علية بنظرات تنتظر مني يطلع شي والله تشجعت وكدرت اقرأ الماعزيم مبين على ملامح اوجوههم عجبتهم والصوت حلو بس أني مدري الصوت حلو لا ؟ رفعت راسي باوعت بعيون هند
ابتسمت وسوتلي علامة اوك بايدها وتصفك .... واخيرا كدرت أتغلب..... على مخاوفي وكدرت اقرأ قصيدة وحدة
والحمدالله صوتي عاجب لكول
بيبي كالت صوتج يخبل واحلى من صوت الملاية ماعرف بيبي تبالغ علمود أني حفيدتها وجاي تشجع بي ؟
ورة فترة انتهت الحفلة راحوا الماعزيم على الساعة بل ١٠ بالليل رحنا بدلنا لبسنة تراكات طوال لحد الركبة وعزلنا البيت اقاربنا كلها راحت بس بقوا عيال انفال يمنا وأهل العروسة
كامت .....العروسة سحبت وبدلت لبست دشداشة موروني وحجاب عافت على راسها اجه عباس واحمد وكفوا
بره راحت هند عليهم ورجعت كالت
هند _ يكول خل يجهزون حالهم علمود يروحون
البيت عمو ابو حسين
انفال _ أني ابات هنا
أمها _ ليش يمه تباتين هنا تعالي ويانه
انفال _ رجلي يبات هنا _وأني أبقى يمه
أمها _ خوب حمزة هم يجي ويانه يبات
انفال _ يكول ابات هنا بعد بكيفه يمه
أمها _ ماشي ديري بالج على نفسج بعد ماوصيج
كامت مرت ابوي وكالت "
يلا كوموا عيوني
كاموا أهل العروس والعروس سارة ماقبلت تروح كالت ابقى هنا يم انفال قبلت أمها مدام أخوها موجود هنا بل بيت
راحوا كامت بيبي تنام رحت وياها انطيتها العلاج وقطيتها نامت بسرعة خطية تعبت حيل اليوم من الهوسة و
الطربكة هي مامتعودة على هيج أجواء
رجعوا الزلم على .... الساعة بل ١٢ بالليل عباس اخذ فاطمة وجهالة وكال باجر الصبح اجيبها عرف ماعدنا مكان بالبيت والمكان راح يصير ضيق اذا بقت وي أطفالها
اخذت أمي فراش الحسين وحمزة فرشتلهم بالاستقبال وأني لحد الآن ماطالعة كبال حمزة ولا مسلمة عليه الحمدالله محد درة بي ولا شك للحظة مامسلمة هههه
مغلسة ناموا الكل اجت أمي علية جنت
بالمطبخ دا اغسل بالكلاصات
أمي _ روحي شري الملابس غسلتهم
_ ماشي
_ رايحة انام أني بسرعة شريهن وتعالي نامي
_ ابقي وياي اخاف
_ من شنو تخافين مابيه حيل أبقى انثولت
من النعاس شري وتعالي
_ ماشي
راحت أمي بقيت لوحدي بالمطبخ دخلت الصالة جنه مخلين الغسالة هناك اخذت الملابس بالسلة جانن قليلات
طلعت بره التفت يمين يسار
خايفة حيل لا تطلعلي بزونة شيطان نططل اخاف حيل منورة سوالف هند تكول هسه مليون ألف شيطان وجن
ساكن ويانه لأن احنا يم المقابر بيوتنا
كملت شرهن بساع ابساع رجعت امشي وانظاري بالكاع اخاف ارفع راسي وانصدم بمخلوق اووف منج هند دومج
تخوفيني هسه قابل شكول وتكولين
طناطل اكو هنا انصدمت بجسم شخص وكعت السلة بالكاع من الخوف حسيت على نفسي راح يغمى على بهالحظة يمكن كلامها صح اكو طناطل هناا ؟!
تشعجت ورفعت رأسي بالكوة وانصدمت من شفته
كدامي واكف ويخزر
الفصل الحادي عشر من هنا
