رواية زوج اختي والماضي الفصل الحادي عشر بقلم مجهول
رجعت كم خطوة للخلف قلبي صار دمام.يدك حيل
ماعرف وين انطي وجي تنهد وكال
_هه تخافين من عندي ليش
شكالولج علية... صاير وحش أكل بنات ؟!
بلعت ريجي اباوعله بخوف مرديت عليه
ردت اتحرك كفني وكال...
_ الهالدجة صاير اخوف ؟ حتى ما طلعتي
تسلمي علية من اجي لعدكم ؟!
اخذت نفس وزفرت بعصبية "
ولك شتريد مني لاحكني ؟!
كلت كلامي ومشيت من يمه حاول يلزم ايدي راسن
جريتها رفعت صبعي بتهديد كبال وجهه ...
_ احذرك تلمسني مرة ثانية والله افضحك مو عبالك
راح اسكتلك هالمرة لا بعد ما اسكت
ابد افتهمت لو لا
مشيت كم خطوة وكفني رده ...
_ اختج انفال تدري بكلشي اذا تردين نكمل بقية
القصة للاهل شتكولين !
رجلية صارن خيوط بالكوه حاملات جسمي بلعت ريجي التفتت ناحيته بهدوء وخوف باوعلي وضحك وطلع باكيت جكاير من جيبه وسحب جكارة شعلها نفخ الدخان علية
يحجي وايشر بايده ناحيتي
_ اختج انصدمت من عرفت الحقيقة كاملة بس
كتلها ماضي بعده شغال بيني وبينج هههه
بقيت بس ارمش مصدومة من اللي سمعته اريد اللي سمعته يطلع كذب وأني هسة بحلم مو بواقع اجه ناحيتي يمشي بخطوات خفيفه كلش ويدخن جكاير
_ احلف كتلها
وكف بعد عني مترة تقريباً ابتسم ورد"
مايحتاج احلف روحي اسألي اختج
وراح تكولج بنفسها الحقيقة
_ ياا حقيقة ولك شكتلها شكتلها ؟!!
_ ترست راسها أكاذيب وهي صدكت بسرعة
خطيه فطيرة وبسرعة تتغشمر
_ الله ياخذك شكد حيوان ونذل
_ بيش طالبتني الله ياخذني ما ياخذج الله أنتِ
وأختج العوبه شكد اكرهكم انتو الآثنين
_ قصدك تكره انفال !؟
_ اي انفال اكرهها حيل وأموت منها ساعة السودة اللي
تزوجتها بيها واجيت لهنا وشفتج كدامي
زهراء بقيت مصدومة حلكي مفتوح مادا استوعب الكلام اللي دا اسمعه صدك يكره اختي مثل مكال لو دا يكذب
عليه بس مجرد يزعجني
انفال" ماكدرت أنام كعدت بفراشي سألت أمي عن زهراء كالتلي بره داتشر الملابس كلت خل اطلع اكعد بره يمها
مابيه حيل انام وعندي ألام بطني
وصلت .. يم الباب المطبخ ردت اطلع بس تراجعت عن طلعة شفت أختي زهراء ومحمزة بره دا يحجون والكلام واضح اسمعه لأن باب المطبخ قريب عنهم لمسافة
قريبة كلش ...
سمعت من كالتله راح افضحك هو ما اهتم أبد وكاللها أختج تدري بكلشي اني صدك كالي بالحقيقة الماضي
مالته وي أختي زهراء
بس مصدكت ... بي أبد لأن أختي مستحيل تغلط هي حذرة حيل وتخاف من الله تلاغيت قبل فترة أسبوع وي مرام بنت خالة وكتلها أنتِ مخليه عينج
على حمزة وتريدين تاخذينه من عندي كالت لا عيني خافي من أختج على رجلج مو منعندي أني هي عدها علاقه ويا
ولحد الأن أكو علاقه بيناتهم
ماصدكت كلامها حتى مديت ايدي عليها وضربتها بلكوه خلصها من بين ايديني تعارك وياي حمزة مد ايده علية
نهاريت بهذيج ليلة
جانوا اهله طالعين بس أني ويا بالبيت ومرام اجت لعدنا كال كلشي ... وكال ايي صح عندي علاقه وي أختج منزمان ولحد الأن عندي وياها علاقه ودا اخونج وياها
بقيت ساكتة وحابسة كلشي من الم واوجاع وقهر حزن أكل قلبي ماردت افضح أختي لأن مادا استوعب الكلام
والحقيقة صدك لوكذب أختي مستحيل
تطعن بظهري وتخوني وي زوجي لا اختي ماتسوي هيج ابد وكلت احجي وياها وأعرف الحقيقة منها
الصدمه ... الجبيرة طلعت حمزة واحد كذاب كذاب أختي ما تخوني وي زوجي يمكن صدك عدها علاقه ويا بالماضي
وخبت هاي الحقيقة علمود نفسها
زهراء _ حمزة انت تعرف الماضي جان ماضي وانتهى كلشي بيناتنه من سنوات مو من أيام وأشهر
حمزة _ منو يدري ماضي بس أني وياج ندري وكم شخص
بس مع أسف أختج هسه مفكرة أنتِ خاينة
جلبة قذرة فهمتي لو افهمج
زهراء _ راح احجي وياها وافهمها كلشي بحرف الواحد
واكيد راح تصدك أختها
حمزة _روحي احجي وياها ماراح تصدك ههههه
نزلن... الدموع من عيوني بحركة واعصاب واشوفه هو كبالي يضحك بثقه ماعرف بيش مسمم عقل أختي
تجاهي هو وبنت خاله مرام ؟
رحت دخلت جوه المطبخ ادموع تنزل ماكدر اتماسك روحي اريد اموت بهالحظة ولا اواجه اختي بوجه المصخم
شلون ضميت عليها الحقيقة شلون
وهسه هو استغلها وألف سيناريو من عندة كذب بكذب هسه شلون حال أختي من جوه مابين عليها ضايجة ولا مهمومة شكلها طبيعي مثل كا مرة اشوفها بيهاا
غسلت .... وجي ورحت نمت راسن كعدت الصبح على صياح هند كاعدة يم راسي وتنده بي
_زهراء كومي زهراء
_ هاا شكو ؟
_دكومي ام الشكو المفروض كاعدة من الصبح
مو نايمة لحد ال٨ الصبح
بعدت الغطة عن وجي بسرعة اباوعلها بنص
عيون مغوشة كبالي صايرة اربعة
_ صدك !
_ اي والله كول عائلة تريكت وأختج فاطمة اجت
قبل ١٠ دقايق تقريباً
كعدت بالفراش مخليه ايديني على عيوني افرك
بيهن بتعب ونعاس
_ ليش مكعدوني ؟
باوعت بوجه هند نزلت دموعي تلقائي نفسها
حضنتها بسرعة بجيت
_ هند واكعة بمشكلة
_ شنووو ؟
بعدتني...... عن حضنها بسرعة لازمة اكتوفي بإيديها
الآثنين نظراتها تدور مني جواب
_ حمزة
_ شبي هل كلب شبي وياج
_ كايل لانفال كلشي هند
_ اوكفي اوكفي شكايل لانفال؟
_ كايللها عن الماضي مالتنه ومو بس الماضي
كايللها هم أني ويا بعلاقه هسة !
_ عززة العزاك ابن الكلب على هاي السوايه القذرة
ولج هذا دواه قتل قتل
_ تصخمت وكعدت هند دمرني ودمر أختي وياي
_ يأكل#$% وانعل ابوه يابو الخلفوه هسة أني اتصرف ويا واخلي يندم والله العظيم إلا انطي سم واسممه
ونخلص منه هالناقص !
لزمت ايدها _ فدوة لا تسوين شي من راسج
خل نفهم انفال السالفة
جرت ايدها _ امسحي دموعج وتصرفي طبيعي كبال عائلة وهسة ناخذ انفال لبيت مالتنا ونحجي وياها
بكلشي ونكشف كول اوراقة كبالها
_ اخاف ماتصدك ؟
_ شلون هسة اهفج بطراك اشيل وجج شيل كومي
غسلي وبدلي وتعالي وراي للمطبخ
هزيت راسي طلعت هي مسحت دموعي ادعي بقلبي الله يهدي انفال وتصدك بينه وماتصدك بحمزة ومرام
بدلت طلعت رحت عالمطبخ
جانت انفال كاعدة بالكاع يم هند وتحجي وياها كلت
_صباح الخير
انفال _ صباح النور نايمة اليهساج ؟
زهراء فرحت من ردت علية"
تعبانة حيل ونمت متأخرة
انفال _ شعندج باقيه سهرانه ؟
تلبكت باوعت بوجه هند اريد تتدخل والله تدخلت وكالت
_ انفال تجين ويانه للبيت مالتنا
انفال _ خير شعدنا بالبيت مالتكم ؟ مو راح
يجون طبابيخ بعد شوي
هند _ عندي موضوع وياج حابه اكوله الج
والطبابيخ بعد ساعة يلا يجون
انفال _ هاا خوب كولي هنا عليش بيتكم ؟!
هند _ لا لا بيتنا احسن
انفال _ ماشي خل تكمل زهراء ريوك ونروح
زهراء _ ما اشتهي اكل خل نروح
انفال _ ليش أنتِ هم تجين ويانه ؟
هند _ ايي تجي يلا روحي جيبي العبي زهراء وانط
ي خبر احنا بالبيت مالتنا عدنا شغل
زهراء _ اي هسى
طلعت من المطبخ طايرة من الفرحة لأن راح نلكة فرصة نكدر نحجي وي انفال وعلى الله تصدك بينه انطيت خبر
لامي جبت العبي وطلعنا صادفنه حمزة
بره بالباب كال .. خير ان شاءالله
انفال _ بيت عمي عدنا كم شغلة نجيبها
حمزة _ ليش أنتِ تجيبيها خل هن يجيبنهن ارجعي أنتِ
انفال _ اريد اروح
حمزة _ انفال ارجعي وجفي الشر
هند _ ياشر هذا ؟
حمزة _ هند مالج دخل. .. انفال ارجعي جوه بلا مشاكل
اجه حسين من بره نزل من السيارة وكال "
خيرجن واكفات بره ؟
هند _ دا نروح نجيب اغراض من البيت مالتنا
حسين _ لعد روحوا لاتبقون واكفين كبال الباب مناك العالم
هند _ يلا امشوا
هند . فرحت حيل من اجه حسين بالوقت المناسب و انفال اجت ويانه غصبا عليه افيش مي بارد وكع على قلبي ارتاحيت حيل لك شنو هذا حاكمها حكم فرعون
الله يلعنه وهي ماتكول دخلنا للبيت جان ابوي كاعد على الكرسي ويباوع تلفزيون أمي بيت عمي
من شافنة كال
_ هاا يابه جايات ؟
هند _ والله يابه عدنا كم شغلة نسويها ونرجع
ابوي _ اخذوا راحتكم
رحنى بالغرفة مالت أمي نزعنا العبي سديت الباب انفال تباوع بعدم فهم زهراء..... دموع بطرف عيونها موقف كلش
مؤلم جان ماينحمل أبد بين لاخوات
هند _اكعدي انفال
كعدت وكالت _ وهاي كعدت شكو ؟
هند _ تحجين لو احجي أني
زهراء ..... واكفة بصف الميز مستندة عليه انظاري
على هند واكفه بصف انفال
_ احجي أنتُ
هند _ماشي انفال اريدج تهدي وتروئي وياي
وماريد انفعالات رجاءً
انفال _ غير اعرف شكو احجوا وخلصوني
هند _ من البداية أختج زهراء جان عدها علاقه غرامية وي زوجج حمزة بس العلاقه ميته تماما من سنوات
انفال _ لحظة لحظة عيدي شكلتي
هند _ والله الكلام صح وأنتِ تدرين حمزة كايلج بس والله العظيم نص الكلام مالتة كذب بكذب
زهراء انهاريت بالبجي ماكدر اخلي عيني بعين
أختي انطيت ظهري الهن مختنكة
انفال _ وكلام حمزة طلع صدك !
هند كعدت بصفها عيونها نترسن دموع
_ مو كله والله صح جانت بالجامعة عدها علاقه ويا بس كفيلج العباس كلشي مسوت ويا علاقه شبه الحب جانت بيناتهم وأنتهت وره أربعة أشهر او خمسة
انفال _ هسه اصدك منو أختي الضمت علية لو
رجلي اللي يكول غير هذا الكلام
هند _ مستعدين نحلف كلام الله زهراء ماعدها علاقه وي حمزة بالوقت الحالي وكلام حمزة كوله كذب بكذب
دا يفتري عليها ولوو ...
انفال _ طيب نكول دا يفتري عليها ليش ؟
زهراء التفتت عليها ودموع تجري "
تعرفين ليش حاب يدمر بيناتنه
انفال _ ايي اريد اعرف
زهراء _ طيب راح تعرفين كلشي بعد تبقى يمج
تصدكين أختج لو تصدكين برجلج
هند _ زهراء اهدئي وعلى كيفج
زهراء _ راد يستغلني و طلب مني انام ويا وأني مقبلت
مقبلت انفال والله العظيم دا اكول الحقيقة
انفال كامت بطولها مصدومه ودموع نزلن
_ تحجين صدك !!؟
زهراء _ كفيلج العباس ابو فاضل احجي الصدك واصلا كلما اجي لعدكم يتحارش بي واني اسكت مااكول اكول
مااريد اخرب عيشة أختي
راحت عليها انفال وحدة كبال الوحدة صارن ودموع يجرن انفال جابت زهراء براشدي
_ ولج شلون تتحملين كل هذا الوحدج ليش ما كتيلي من البداية مجان دمرت حياتي وحياتج أنتِ ليش
هيج سويتي وضميتي ليش
وكعت للكاع تبجي نزلت لعدها بسرعة
_ انفال كافي لا تبجين علمود البطنج
دفعتني قوي _ بعدي عني هند بعدي انعل ابو الطفل ولج ابوه واحد ناقص وقذر شلون راح يجي للدنيا
وابوه هيج شلوون
هند _ مالج علاقه بإبوه الأهم أنتِ امه طاهرة
ونظيفه راح تعلمينه
_ هند شعلم شعلم لج باعي حال أختي شلون حالها رجل اختها نفسه مدنيا عليها ويريد يستغلها وياخذ شرفها شلون اهدي شلوون هند كوليلي شلون؟!
هند بقيت كاعدة اراقب بحسرة الاثنين يبجون وحالتهم مو حالة شخص واحد دمر أنسانتين وهاي المسكينة حامل
ومنا مريضة اخاف صحتها تدهور
وحدة حضنت الثانية عفتهن شبعن بجي من كيفهن وحجي وعتاب صدك ندمت لأن ضميته الماضي عنها لو كايليلها
جان اخذت الاحتياط من عندة
وجان ماخلفت منه أطفال هسه معاندة تكول بس يجي الطفل للدنيا اطلب.. الطلاق منعنده مااريد إنسان قذر
خنزير لا مستحيل
اتقبله _وأني وياها واكفة خل يعيش الطفل بدون ابو احسن مايعيش وي ابو فاسق وقليل الاخلاق والشرف
هند _ هسه نكشفت الحقيقة وانفال عرفت كلشي كوموا
غسلوا خل نرجع عالبيت أني طالعة
زهراء _ ماشي
والله ربع ساعة ورجعنا عالبيت حمزة بالطرمة واكف
يخزر بينه ماهت ميناله أبد صاح على انفال
حمزة_ انفال تعالي
انفال بتهنتر _ ماعندي شي وياك علمود اجي
حمزة _ تكسرين كلمتي
انفال _ اكسرها ونص امشن ...امشن
حمزة _ بسيطة انفال بسيطة
طنشته .شكد فرحت آول مرة اشوف انفال هيج شجاعة وكدرت تكسر كلمته هو أكيد خايف تعرف الحقيقة وفعلا ماخوفة تحققت وعرفت الحقيقة كاملة
بعد مايكدر يسوي شي مابينه كبال احد صاير ويانه مشكلة الآثنين يتعاملن وي الكل طبيعي صار الغدة جابوا طبابيخ طبخوا بالبيت مالتنا الحمدالله نقذونا حتى غسل الماعين
عليهم الولد غسلوهن والزفه العصر تصير
اباع على زهراء مهمومة حيل مالها واهس بشي خطيه جانت متحمسة للعرس حيل وهواي خطط براسها مكياج
العصر كوه خليتها تخلي
انفال ...... مبين عليها أقوى من زهراء بهواي خووب هي راح تتأثر أكثر واحد بيناتهم هي هسة معانات معانات عدها
بس ماتبين وفوك كلشي الحمل
بشهر .... الثامن صارت مابقالها شي وتولد ويجي الطفل لهاي الدنيا اللي مايعرف شلون أب راح يشوف وشلون أم راح يشوف مايعرف شلون راح تكون حالتة
بين أهله هو اني ماعرف ؟ شراح تكون نهاية العلاقه انفال وي حمزة وشلون راح تخلص زهراء ؟ على الله وأهل
البيت (ع) تنحل كول المشاكل
لان كلش تعبنه حتى أني متأثرة بمشاكل حمزة ومصايبة واخاف.. على روحي من عندة صح ابين كباله قوية وماخاف منه بس والله اخاف منه خوفه الحية
صار موعد الزفه العروس بيت عمي خلوها راح تكون الزفه مناك باع لا نفال كاعدة يم أمها بالأستقبال ماراح تروح
للزفه تعبانه كلش _خطيه
أخاف تولد بشهر الثامن من كثر الضغوطات عليها والمشاكل والهموم زهراء سحلتها سحل واخذتها صعدنا وي
أخوي أحمد جان مخلي أغنيه حسام الرسام
(اجيبك الدرب كتلك اجيبك )
أغنيه .......حلوة واحبها كلش طول الزفه أنظاري على زهراء شاردة الافكار نزلنه جبنة العروسة من بيت عمي وكفوا
كبال الأستوديو ياخذون صور
بلكوه نزلت...... زهراء اخذت كم صورة وياهم رجعنا عالبيت الزفه جانت حلوة حيل بس ما حسينه بطعم العرس أبد منورة حقارة حمزة وبنت خاله مرام
دخلوا العروسة جوه شوي وطلع العريس شغلوا أغاني البنات ركصوا زهراء واكفه صفحة
هند _زهراء شوي فرديها يمعودة وطبي ارقصي وي البنات
زهراء _ مالي خلك
هند._ شبيج بعدج متأثرة بحمزة
زهراء _ وهذا قليل الصار قابل هسه حياة أختي
راح تدمر بسبتي أني
هند _ انجبي أنتِ شعليج وكافي تلومين بروحج مالج
ذنب أنتِ هو نذل وساقط
زهراء _ عوفيني بحالي هند رجاءً
هند _ شبيج
راحت من يمي كعدت بصف انفال الاثنين مهمومات خطيه وأني أعرف ......زهراء هسه ذابة لوم عليها بس ودا تعذب بروحها ماعرف ليش هاي البنية
هالكد.ضعيفة وابد ماعدها قوة احسها طفل رضيع لا حولة ولا قوة إله انتهت الحفلة راحوا الأقارب بس بقوا بيت عماتي وأهل العروسة وره العشة زفوا العريس على العروسة حمزة دخل دمة فاير مبين من ملامح وجه
كاعد بالاستقبال كبال انفال ويريد يأكلها بنظراته انفال مطنكرة ماتوقع راح ترجع ويا للبيت بعد صراحة بقلبي مااريد
تنفصل عنه لأن الطفل خطيه
بلكت الله يبطل ويتوب ويكون خوش ادمي ويصلح الغلط كلها بس مااتوقع راح يبطل سوالف المكسرة
انفال _ زهورة فدوة جيبيلي كلاص مي بارد
زهراء من المطبخ _ من عيوني
هند جانت وياها بالمطبخ
_ زهراء تطلعين كبال حمزة ؟
_ لعد هي عليش صاحت علية علمود تبين لاله تصدك بي وتثق وماكو زعل بيناتنه وتريدني اطلع على عنادة
_ وراح تطلعي ؟
_ اي اطلع واكسر عينه القذرة
_ ايي عفيه هسه صرتي انسانه قوية مو هذيج
الجبانة اللي تخاف من ضلها
_ ماكو خوف من اليوم والله وراح كلشي اسوي علمود
اختي مو علمود نفسي
_ فديت القوية أني
زهراء تنهدت اخذت نفس طويل اخذت الكلاص المي
بايدي صاحت علي هند
هند _ خلي بالصينية هسه تترزلي من بيبي
زهراء _ هاا اي صدك ناوشيني الصينيه من يمج فدوة
انطيتها الصينيه اخذتها وطلعت بقيت انتظرها
بالمطبخ ترجع وهم يلا نرجع عالبيت بعد
زهراء دخلت عيني وكعت بعين حمزة كاعد بصف بيبي بنص الاستقبال منطين ظهرهم عالحايط وبنصهم
مخدات قدمت المي لا نفال
حمزة _ جهزوا حالكم بعد ساعة نرجع لبغداد
امه _ ان شاء الله يمه
انفال _ أني مرجع أبقى هنا
حمزة _ شنو شنو تبقين عليش صارلج يومين
هنا بعد شكو باقيه
انفال _ راح أبقى لحد السبعة مابيه حيل اروح
وارجع الطريق طويل
حمزة _ ماكو بقيه ترجعين
انفال انفعلت وكامت _ أني كولت باقية
دخلت جوه بالغرفة رحت وراها حمزة ضاج كلش ردت أمه عليه
_ شتريد من عدها خلها تبقى شعدنا قابل يايمه
_ ماشي خل تبقى
دخلت الغرفة جانت كاعدة فوك الفراش مقهورة
حيل كعدت كبالها على الكاشي
_ انفال
_ هاا زهراء
_ سؤال
_ كولي
_ بعد ماترجعين الحمزة لو بس فترة وترجعون البعض
_ أنتِ ششوفين يستحق ارجعله برأيج ؟
لخذت صفنة مدة نصف دقيقة رديت
_ اذا صار ادمي وبطل من سوالفة المكسرة وعدج ماراح يخونج ويجر عدل وياج اقبلي واذا مقبل انفصلي عنه
_ صدك تحجين تريدين انطي فرصة
_ اي انطي والله كريم
_ ما يستحق الفرصة اريد انفصل عنه
_ انفال اسمعي كلامي الانفصال مو شغلة هينه وأنتِ هسه حامل بشهر الثامن فكري زين وأخذي قرار يخصج ويخص مستقبل الجنين البطنج لا تتسرعي بقرارج مو الخاطر
احد الخاطر البطنج
دخلت هند وكالت _ ويه زهراء أني انطي فرصة
وان شاءالله سيتعدل
_ أنتو الآثنين شكد باردين الصار وياكم موهين
أبد وماينغفرله ترى
هند _ الصار صار بعد وكل انسان مامعصوم عن ارتكاب الأخطاء كلنا نغلط ونسامح وان شاءالله الله
سيامحه ويهدي
انفال _ ماكدر اسامحه أني أبد كذب علي وفترة على أختي وراد يطعن بشرف أختي شلون تردوني
اسامحه ! ؟
هند كعدت كبال انفال بصف زهراء على كاشي بارد جان
هند _ انسي كلشي وكنك ألم تسمعي بذالك
انفال_ شنسى ولج شنسى
زهراء_ اخذي واقتج بالتفكير واحنى لعلينا كنا
هند _ هي بقت يمج بعد بعد أنتِ وشطارتج
سمعنا صوت هلاهل صارت عرفنا العريس طلع
من الغرفة كامت هند وكالت
هند_ العريس طلع معناها راح نرجع عالبيت وأنتِ انفال لتتسرعي بقرارج واني ادري صعبة عليج كلش وموهينه
ابد بس اتحملي الخاطر البطنج
زهراء طلعت ويه هند بقت انفال واحدها بالغرفة دخلت امها واختها وام حمزة باركنا الحسين والعروسة وره نص ساعة راحوا أهل العروسة واهل حمزة وبيت أبوي
محد بقى يمنا حتى أختي اخذت اطفالها وراحت بيبي راحت نامت هنودي كذالك راحت وي اهلها رجع البيت
سنطة صوت ماكو هدوء في هدوء
زهراء مرت ثلاث أيام وبعدها انفال متقبل ترجع تكول ماارجع اريد انفصل عنه بعد اخذناها العصر اني وهند نزورها الأمام وبلكت الله نكدر نقنعها
زرنا وكعدنا بصحن هند بلشت بالكلام
هند._ جفي الشر وارجعي
انفال _ ماارجع اريد اطلق
هند _ نفترض رتي تطلقي ماراح يكولون ليش وشنو الأسباب لاصايرة مشاكل ولاشي بيناتكم
زهراء _ انفال تردين تطيحين حظنة ولج اعقلي
انفال _ اكول الحقيقة
هند _ عفيه عفيه علمود ننذبح أني وزهراء وأنتِ
تطلقي ولج اعقلي وفكري زين
انفال_ وليش تنذبحون شمسوين أنتو قابل ؟
هو ينذبح مو أنتو
زهراء _ منو اللي صدك راح يكولون احنا
السبب وراح يكتلونه والله
هند _محد يصدك والله
انفال _ مالت أرجع شيلوها من بالكم
زهراء _ لا فدوة لا تسوين هيج والله يشكون بالموضوع
هند _ ترجعين وغضبا عليج فتهمتي
انفال _ ولجن ليش تريدون تخلصون من عندي
صرتن شكو شصار ؟
هند _ مصار شي ارجعي وجفي الشر
زهراء _ ارجعي ابوس ايدينج انفال بس ارجعي الرجلج
انفال _ احلفكم بالله ليش كلبتوا علية من الليلة العرس ولحد الأن تقنعون بي ارجع الحمزة الجلب
هند _ جلب وخنزير ونذل وقليل الاخلاق هاي كلها بي
والله بس تكدري تشرطي عليه يلا ترجعي
زهراء _ اي قدمي شروطج عليه واكيد راح يوافق
لأن يخاف من ابوه كلش
هند _ يخاف من ابوه وراح يوافق بس اطلبي
انفال _ شطلب قابل ؟
زهراء _اطلبي يكون خوش ادمي وياج ومايخونج ومرام ماتجي لعدكم الواحدها ويبطل مني ومن هند ومايضربج أبد وينفذ كول الشروط اللي تطلبيها من عنده
انفال _ ماراح يوافق اعرفه أني
هند _ غضبا على راسه يوافق أنتِ هدديه بإبوه
وشوفي شلون راح يجي وياج
انفال _ واذا ما اجه ؟
زهراء _ يجي بس وافقي أنتِ
انفال _ راح اوافق مدام أنتو دا تلحون علية من
ثلاث أيام والله أعلم عليش؟
بالكوه يلا قتنعت خطيه هي تحبه بس ماتكول الكبرياء عالي عدها مثل هند رجعنا على البيت وداها حسين للبيت
ورجع هند هماات راحت وره العشة
كاعدين بالغرفة مالت أخوي فوك الجرباية أني
وريتاج دا نحجي
ريتاج _ شبيها انفال احسها زعلانة ؟
زهراء _ لاعيني مو زعلانة ماكو شي
ريتاج _ مدري حجيت وي حمزة الصبح وكال خلتولي هواي انطيتها عين فـ حسيت صاير شي بيناتهم
زهراء_ ضايج منها علمود مقبلت ترجع ويا
بنفس ليلة من رجع
ريتاج _ خطيه البنية صارلها هواي مجاية لهنا وهاي آخر جيه الها راح تولد وأكيد حتبقى فترة طويلة بغداد يلا
تجي شيريد منها
زهراء _ اندري بعد
ريتاج _ هند اليوم ماكو ؟
زهراء _ تكول تعبانه مالي واهس باجر الصبح تجي اكيد
ريتاج _ هاا
رن التلفون مالتها كامت شافت المتصل ابتسمت وكالت
ريتاج _ أبوي
زهراء ابتسمت وكمت كلت خل اطلع علمود تاخذ
راحتها بالحجي باوعتلي
ريتاج_وين
زهراء _ اروح اسبح
ريتاج _ هاا
طلعت بره الغرفة سديت الباب وراي عود صدك رحت اسبح مااريد اطلع كذابة كبالها أخذت الملابس ودخلت الحمام
كملت سبح بدلت وكفت كبال المراية
بالحمام باوع الشكلي حلو بس ماكو حظ يحظي النايم جوه الترب ما تطلع فوك التراب وتخليني شوي سعيدة
بيك لا حظيت بإبو مثل بقية البنات
ولا حظيت بحبيب مثل بقية البنات ولا بحظ حلو حظيت من كلشي محرومة بس المشاكل السودة توكع على
راسي من يوم يومي اليوم اللي
اجيت بي للدنيا أبوي تلاغة وي أمي منوراي يكول مااريد بنات هاي أثنين صارن وبس ولد واحد أكيد مابيج خلفةولد تخلف جان يريد ..... ياخذ مرة فوك أمي وهاي
حجه طلعها مالت البنات وفعلا سواها وره الاربعين مالتي خطب أم حازم وعزل بيت من هذاك اليوم يمر بينه بالسنة
حسنه هاي من العرس
مامار بينه وجان يصرف علية بالحوزة وهسه درهم احمر مايصرف علية بطل مني وشال ايده عني أني أعرف
مرته وحدة حقيرة وتريد بس لها
وبحقارتها وعيارتها راح تدمر حياة بنتها الطفلة زوجتها لشخص ماتعرف منو وشنو بس بمجرد قارب بنت أختها
شايلة هم لانفال حيل أني
ماعرف شلون راح تكون حياتها بعد ماراح ترجع للبيت وتعيش وي حمزة تحت سقف واحد ؟
راح يبطل مني ويسمع الكلام؟ وينفذ كول الطلبات انفال ؟
أتمنى ينفذ كول الطلبات ويكعد راحة مني ومن هند
خطيه لأزم لزمة عليها ريان
ويريد يشوه سمعتاها اذا مارجعت انفال اله
طلعت بره الحمام مسحت ادموعي شبعت بجي من كيفي بالحمام بوجي على الغرفة شلت الموبايل تمددت
بالفراش ارسل هند على الفيس بوك
هند _ بشري اتصلت بالنذل ؟
زهراء _ لاوالله بعدها
هند _ يارب يقبل بالشروط ونخلص منه
زهراء _ ان شاء الله يقبل ماعرف هذا شنو كلما نصل
نخلص منه يطلعلنا بشغلة جديدة يرجعنا
هند _ حيوان لازمنة من ايدنا التوجعنة
زهراء _ الله ياخذه مايعرف يتفاهم أبد ايده وتشويه السمعة
هند _ مال الله يطلعها بي وتصير بوحدة من اخواته
هيج علمود يعرف المعاناة شلونها
زهراء _ لا تدعين خطيه اخواته خوش بنات والله
هند _ امده حظي ولج من يا بشر مصنوعة أنتِ
زهراء _ من طين ومي من شنو مصنوعة قابل بس
ما أحب يصير وي اي شخص لصار ويانه
هند _ ااخ منك حمزة ااخ
زهراء _ وهسه شلون واذا مقبل بالشروط مستحيل ترجع انفال وأني أخاف منه ينزل الصور مالاتج وي ريان على الفيس ويدز اشارة لاهلي واهلج والله يذبحونج
ويذبحوني وياج هند
هند _ تخيلت الموقف أني والله يارب مايسوي هيج والله ننذبح التلاثة مو الاثنين وتصير سيرتنا على كول لسان اذا أهل صدكوا ماكو شي العالم ماتصدك وماترحم
زهراء _ ادري والله ادري شورطنا ويا هذا شورطنا
هند _ حظي وحظج المصخم ورطنا وي واحد
مايتفاهم أبد والخبث يمشي بدمه
زهراء كملت حجي وياها كمت خليت الموبايل على الشحن اجت بيبي نامت قطيتها ورحت نمت بفراشي كضيت الليل
كوله بواجي وادعي الله يخلصنا منه
ثاني يوم اجت انفال هي واختي الصغيرة علينا جايين
مشي سلموا اختي كعدت وهي بقت واكفه
بيبي _ اكعدي
انفال _ مااريد اريد زهراء وين ؟
ريتاج _ بيت عمي راحت تشوف هند
انفال _ خير شبيها هند ؟
بيبي _ شبيها هي هاي هي كاليوم اذا موهند
هنا تلكينها هي هناك
انفال _ ماشي راح اروح البيت عمي لعد
بيبي _ وين رايحة هسه ادز عليها وتجي
انفال _ لا تدزون اريد احجي وي هند هماات
اختي كامت _ اجي وياج
انفال _ اكعدي اروح الوحدي
بيبي _ خيرج انفال شصاير ولج
انفال _ ماكو شي بيبي بس كم سؤال عندي وياهم وبس
بيبي _ ماشي روحي
انفال رحت على بيت عمي صادفني احمد بره يم الباب سلم
أحمد _ السلام عليكم
انفال _ وعليكم السلام شلونك أحمد
أحمد _ الحمدالله بخير أنتي شلونج
انفال _زينة الحمدالله هند وزهراء موجودات
احمد _ موجودات قابل وين يولن تفضلي
طلع هو وأني دخلت جوه سلمت على عمتي ورحت يمهم بالغرفة شفتهم كاعدات على السجادة بغرفة عمتي
_صباح الخير خوش جمعة
_صباح النور
هند._ شجابج ولج
انفال _ ارجع ؟
زهراء _خلتولي اكعدي شلونج
كعدت بصف زهراء _ الحمدالله زينه
هند _بشري مكسور الركبة اتصل؟
انفال _ اي والله أتصل بإمي وكاللها خل تفتح عليه خط
_وأني محجيت ويا أبد
زهراء _شعجب
هند _مو كنالج حاجي واشرطي عليه
انفال _ مكدر احجي ويا كبال أهلي أخاف يشكون
هسه أمي تدري اني ويا مزاعلين
هند _ وشكتيلها ؟
انفال .كتلها متعاركين منورة سالفة العزال وهيج هي صدكت لأن كل مرة نتعارك علمود هاي الشغلة
هند _ عفيه
زهراء _ وهسه شلون
انفال _كومي سدي الباب هند وتعالي خل احجي
ويا ونفتهم كلشي
هند _ كايمة
راحت هند سدت الباب بسرعة وكالت "
اتصلي بالمصخم اتصلي
انفال _ والله ميستاهل اتصل بي بس مجبورة والله
هند _ اتصلي يمعودة
انفال _ ترى ابطل والله العظيم
زهراء _ لا يمعودة كلشي ولا تبطلي اتصلي اتصلي
انفال ... اتصلت بي انتظره يرد هند وزهراء وحدة بصف لخ كاعدات على نار ماعرف ليش هالكد متحمسات علمود
أتصل بي والله يظمن علية شي ؟
_ شكو ولجن احس بيجن تظمن علية شي ؟
هند._ لا لا وين أكو
زهراء _ قابل شنظم مرد
انفال بعده مرد يمكن بالدوام
هند _ يادوام اليوم جمعة
انفال _ والله مدري اليوم جمعة عقلي مشدد
حيل ماترد ابن الكل.....
رد _ الوو
سكتت ردت اكول ابن الكلب رد بلعت ريجي الحمدالله مكملتها رديت _ الوو
حمزة _ الحمدالله اتصلتي خاتونة وكلتي أتصل برجلي
انفال _ شلون رجال عاد
حمزة _ انجبي حيوانة لسانج طولان مو عبالج عفتج براحتج هل كم يوم تكومين تطاولين علية بكيفج
والله اربيج من جديد
انفال _ من الأخر اسمع الشروط
حمزة _ ياشروط ؟
انفال_ مو تريدني ارجع لك
حمزة _ غضبا عليج وعلى الخلفوج ترجعين
انفال _ لا حبي ماكو غصب عليج وعلى الخلفوج بعد تنفذ الشروط أرجع ما تنفذ ماارجع والله وراح اطلب الطلاق منك خلال أسبوع ارفع دعوة
حمزة _ شنوو شنوو ولج لسانج طولان منو علمج على هاي القذارة وسولف الطلاق زهراء لو هند منو
منهن كوليي
انفال _ منو منهن ليش ماتكول سوالفي المكسرة و
طايح حظها وغيرت مرتي علية
حمزة _ انفال جري عدل ترى والخالق الكون
أسوي سوايتج سواية بالنجف فتهمتي
انفال _ لا مافتهمت تسمع الشروط لو اتصل بعمي واكوله كلشي عنك وشلون جنت تستغل أختي وهند
بالماضي كلشي أعرف
ختفى الصوت للحظات وأني اخذت نفس الحمدالله بينت كباله قوية وماخايفة بالحقيقة خايفة كلش وقلبي صاير دمام من الخوف أول مرة هيج احجي ويا من تزوجته لليوم
صوتي ماارفعه بوجه أخاف
اليوم قوية كلش رد
_ كولي الشروط
_أول شرط مرام ماتجي للبيت لواحدها ولا تلتقي
بيها تكطع صلة الصداقة بيناتكم
حمزة _ موافق بعد اكو شروط
انفال _ الشرط الثاني ماتقترب على أختي وهند بحياتك بعد وتعتبرهن أخواتك وشرفهن من شرفك
حمزة _ موافق
انفال _ الشرط الثالث ماتمد ايدك علية وتضرب
ولا تعاملني بقسوة
حمزة _ موافق
انفال ماصدك على كول الشروط وافق شبي
هذا هيج يخاف من عمي طلع
انفال _ الشرط الأخير
حمزة _ ايي
انفال _ مانعزل بيت الوحدنا هسه اله يكون عمر ابني ١٠ سنوات
حمزة _ الشرط الأخير ماموافق عليه
انفال _ توافق عليه اوافق ارجعلك مع انت ماتستحق ارجعلك والله بس مجبورة ارجع علمود أخواتي هند وزهراء وابني ماريد افضحك كبال العالم وافضحهن وياك
حمزة _ وهن خطيه شكد خايفات ههههه
انفال _ ولك عين تضحك حمزة
حمزة _ لعد ابجي واتوسل بيج قبلت بكل الشروط تعالي وي أمي بالسبعة أني مراح اجي اوك حبي
انفال _ اوك
سديت الخط طايرة من الفرحة _ ولجن قبل بكل الشروط
هند _ مو كلتلج راح يقبل مايريد يفضح نفسه
زهراء _ الحمدالله والشكر
زهراء مصدكنا قبل بالشروط وراح يبطل مني ومن هند ماراح يسبب ....مشاكل النة بعد بحياته وراح يكون
خوش أدمي اجه يوم السبعة
اجوي اهلها الصبح عماتها وخالاتها خير من الله وأمي حمزة بس جايه مجايات البنات عدهم دوام رجعت انفال وياهم والحمدالله نسدت الشغلة من أساسها
وراح اكدر أنام مرتاحة ،
ورة ..السبعة بثلاث أيام عزموا العرسان بيت انفال وكالوا كلكم تعالوا قبل الدعوة حسين وكال كلنا نروح باجر
الصبح نبات وثاني يوم نرجع
اهلها هم عازمينها على العشة اجه اليوم بدلت لبست نفنوف طويل زيتوني وشال أسود وي الحذاء وعباية
ايرانية لبست ريتاج ملبست عباية
لبست نفنوف طويل للكاع حسين كال لبسها عباية بس هسه خليها براحتها لأن عروسة جديدة ماريد احرمها من هسه هي خطيه ماتكول تحب حسين حيل
وأني .اظن جانت من زمان تحبه حب من طرف واحد وماتكول تستحي وهسه صارت مرته والحمدالله
البنيه ذرة مالت ذهب
وصلنا للبيت أبو سيف على الساعة بال ١٠ ونص دخلنا سلمنا الحمدالله حمزة ماكو جان طالع اخذت.انفال وصعدنا فوك نحجي حبيت اسألها شلون يتعامل وياها بعد مرجعت
كعدنا بالغرفة عالجرباية
انفال _ شلونج اخبارج اخبار هند
زهراء _ زينه الحمدولله بخير هند وأني هم زينه اي شكو ماكو
انفال _ الحمدالله كلشي حلو اكو
زهراء _ يالله مثل شنو
انفال _ حمزة صاير وياي مثل الورد والمي مايكدر يفاركني أبد ويسمع الكلام ماعرف شجاه وياي هيج صاير مطيع لالي عبالك مو هذاك حمزة تغير مليون درجة
زهراء _ شجاه وتغير ؟
انفال _ اندري والله يجوز الله هداء وعرف الغلط
زهراء _ شريد لعد احنا عيني
انفال _ وأحلى شي مرام اجت تبوسه مخلاها كاللها بعدلا تبوسيني عيب سلمي علية من بعيد
زهراء _ صدك ؟
انفال _ ايي والله
زهراء _ سبحان مغير الأحوال من حال إلى حال
انفال _ الحمدالله الله التفت الحالي والحالكم
زهراء _ اي والله
زهراء بقت تحجيلي عن تغير حمزة _وأني مصدومة بكلامها شغيره هيج وصار يحبها ماتوقع هذا يخاف منها علمود تكول لابوه يكدر يسد حلكها بدقايق
ويهددها بشغلة بس هذا التغير هم لصالحنا
نزلنه جوه هي راحت عالمطبخ وأني كعدت بالصالة وي ابن سيف ورشا نحجي وي بعض انتبهت على
صوت حمزة سلم علية
_ السلام عليكم
_ وعليكم السلام أخويه
_ شلونج زهراء
_ زينه الحمدالله وأنت شلونك
_ على الله انفال وين ؟
رشا _ جوه بالمطبخ
