رواية ليليان الفصل الحادي عشر 11 بقلم زينب نور

                                        

                                                    

ليليان .. 

                                

- اني شنو ؟!

- انتي بنتهه 

                                

اذكرت ايام قبل ..

قبل ما اعرف اني مريضه ..

جان تعامل امي يختلف وياي ..

                                

بس هاي امي الحقيقه شتريد جايه بعد كل هاي سنين ..

امفكره ارجعلهه مثلاً ..

                                

- وشعدهه جايه هنا ؟

- اتريدج ، اتريد تاخذج !

                                

الدمعه بعيني ، ردت اعرف شنو السالفه من اول ..

رحت قفلت الباب ورجعت كعدت يمهه ..

                                

- ماما احجيلي السالفه من البدايه ، شلون انطتني الج !!

                                

اخذت نفس وكالت ..

                                

- من ازوجت وره فتره طويله يله صار عندي مراد وردت بنيه ويا واكتفي بس ماصار عندي ، وره فتره حملت وهم ولد الي هوه جود ، شكد تمنيت بنات بس ماكو واني احبهن اكثر من البنات ..

                                

- بديت ابجي اكثر .. واني الضحيه موو؟

- لا حبيبتي اني حبيتج وجنت ادللج بس ..

- بس شنو يا يمه كمليلي 

                                

- حضنتني وكالت .. والله احبج اكثر من كلهم 

                                

اذكرت مواقفهه ومحبه ميان الاكثر مني ..

                                

- اي مبين تحبيني اكثر ..

                                

- جابتج رواء وبنفس اليوم انطتنياج الي وره ماعرفت سقطت مني بنتي الوره جود ،، ماهتميت بأي شي واخذتج عاملتج مثل بنتي وحته من اجتي ميان ..

                                

الحسره خنكتني ،، شلون  ام تفرط بطفلهه بأول يوم جابته ..

يعني مالي اهل وماعرفهم ، ولا اعرف شي عنهم ولا ع كرايبهم ..

اني وين اروح ، منو السند الي ؟!

                                

- شتقربلج رواء ؟

- امج !! قصتهه قصة طويلة ، صديقتي وجواريني جانت كاعده هنا وشالت وره شهر من ولادتج ،، بجت عليج هواي ورادت تنتحر بس ماكدرت الهه ظروف ولازم نحترمهه...

                                

وكفت اصيح عليهه ..

                                

- كااافي ... شلون ادافعين عليهه ، مو قبل شويه طردتوهه انتي وابويه ، ليش ؟ 

وثانياً ماكو شي يمنعهه تحتفظ بيهه وتواجه كل الظروف بس هيه مو ام ،، مو كل ام أم ..

                                

وكفت يمي تهدأ بيه وتحاول تحضني ..

                                

- لا تحجين هيج عليهه حبيبتي ما تستاهل واحنه النه اسبابنه 

                                

دفعتهه وجريت ايدي وطلعت ..

رحت ابجي بدون سبب ..

                                

ماعرف ليش ، مامقهوره ع امي الي عافتني ولا ابويه هم ..

ماعرف حسيت الدنيا هواي وكفت ضدي ..

مواقف اقدار صارت مو بصالحي ..

                                              

                                                    

اجتي ميان يمي ، ماعتقد تعرف بهذا الشي ..

تمددت يمي وحضنتني ..

                                

- اني سمعت كلشي وانتي راح اضلين اختي للأبد ليلو 

- قربتهه الي وبستهه .. حبيبتي اكيد اني اختج ودائماً موجوده بجانبج 

- يله لعد مسحي دموعج اذا تحبيني !

- مااشي حبي 

                                

كامت من يمي تقرأ ..

واني رحت انام ..

                                

للمغرب يله كعدت ..

قريت شويه الامتحان ونزلت ..

                                

ساعدتهم بلعشه وصعدت مالي نفس اكل ..

حجيت شويه بلكروب ويا أماني وشهد ..

ماحجيت شي بس سوالف عاديه ورجعت نمت ..

                                

الصبح كعدت بس اريد ابدل واطلع ..

اخلص من البيت ، كمت اضوج منه ..

                                

رحت للجامعه ، عالم ثاني ويا صديقاتي ..

كمت انظر للبنات بنظره ثانيه مومثل قبل ..

                                

نظره مو ، مو زينه وانما احساس ناقص ..

كل البنات هنا عدهم اهل وعائله جبيره بس اني لا ..

                                

كامت تحز بنفسي وعود اني جبيره مو صغيره ولا مراهقه ..

اذا صغيره جان شلون عشت واستمريت ..

                                

ماكلت لصديقاتي عن الي صار ..

ردت اعرف عنهم اكثر ..

                                

رجعت للبيت مثل العاده ..

للعصر رحت احجي ويا بابا ..

اشوف وجهة نظره ..

                                

طبيت للصاله وين ما ابويه موجود ..

كاعد يباوع اخبار ويمه جود ..

مراد جان طالع ويا خطيبته همسة ..

                                

- بابا اكدر احجي وياك ؟!

- نصه التيلفزيون وكال ،، تفضلي بنتي خير ..

- اريد احجي وياك بخصوص اهلي الحقيقين 

- اهااا كولي شتريدين ،، بس من هسه اكولج روحه الهم ماكو ، هذا قرار مايتغير ..

                                

- لا مو هيج ، اني اريد اعرف عنهم اكثر 

- شتردين تعرفين مثلاً ؟

- وين عايشين ، شيشتغلون ، كم اخ اخت ، ليش عافوني ؟

- هواي اسئله ، اهلج جانوا يمنه وهسه هم بلاعظميه ، عندج اخ واخت ، ابوج محامي وامج معلمه بس تقاعدت 

- ليش تقاعدت ؟

- مادري سمعت هيج اني 

- زين وليش عافوني ؟

                                

- تقرب يمي وكالي،، ما عافوج وانما انطوج النه متعرفين شكد فرحنه من صرتي بنتنه 

                                

- بس اني مو بنتك الحقيقه ، هيه ميان !

- انتي اول بنيه وفرحه جبيره النه

                                

- ضحكت وكلت بأستهزاء ،، اي صحيح 

                                

طلعت من الصاله ورحت نمت ..

كعدت الفجر من وكت كلش ..

                                

اذكري ماضيي واضحك ..

ع الصوت الي براسي ..

                                

ليش وشلون اختفى ..

صار مده شوي طويله مداسمع هلصوت ..

                                

جريت موبايلي عبالي اتصل بجمانه ..

بس الوقت ماكدر ، كلت بلجامعه احجي وياهه ..

صار فتره ماحاجيه وياهه..

                                

كمت بسرعه بدلت وطلعت ..

مانتظرت الخط ، خابرته لا يجيني ..

اخذت تكسي ورحت للكليه ..

                                

كعدت ضايجه اباوع منا ومنا ..

رحت جبت كوفي وكعدت ..

كلت اكملهه واخابر جوجو واشوف اخبارهه ..

                                

بديت اشرب ،، شفت هذاك الولد الي يشبه حسام ابن عمتي ..

ياا شجابه هنا مره ثانيه ، خررب هذا عبالك ديمشي بأتجاهي ..

                                

اجه كعد كبالي بدون أستئذان ، مبين كلش ضايج وعصبي ..

عادي اني هم طالعه مني الحياه ومالي واهس ..

                                

ضليت اشرب ابرود واباوع بمحيطي ..

وهو كاعد يهز برجله ويباوع بنظره حاده ..

                                

كلسع اختلس النظر واباوع عليه وابتسم ابتسامه جافه ..

ليش مايحجي مثلاً ينتظرني اني ابدي فوكاهه ..

                                

- انتي ليش هيج بارده ؟ 

                                

- انداريت عليه وكلت ،، عفواً !!

                                

- ليش هيج تتعاملين وياي ابرود ؟

- عفواً ليش اني اعرفك ؟

- وليش مثلاً ماتعرفيني ، صار مرتين نشوف بعض 

- اهاا مرتين ، هواي مرتين اعتذر اني 

- ماكو داعي للاعتذار عيني 

- انت صدك تحجي ؟!

- ع شنو ..

- هيج انسه 

- تقرب الي وخله ايده ع الميز ،، هههه تدرين انتي اسويتي ؟!!

- شسويت بله ؟

- دمرتي حياتي كلهه 

- صدك والله 

- اي قابل اشاقه وياج 

- شلون ؟!

- ههههه 

                                

شكد فطير هستوك جنت تبجي ياربي ..

                                

- كمت وكلت ،، ضل اضحك اني حروح 

                                

- مشيت لزم ايدي حيل ،، مو داحجي وياج

                                

- ولك عوفني شبيك !

- لك بعينج ، شنو هاي أخلاق ؟

- اخلاق !! انت شلون لعد تلزم ايد بنيه ؟ 

- انت وين عايشه بنتي ؟ 

- معليه بغيري ووخر من يمي 

                                

- ترك ايدي وكالي ،، روحي هو انتي شبقيتي بيه 

                                

- انت شبيك جايه عليه ، اني شمسويلتك لا شايفتك ولا حاجيه وياك 

- انتي لو تعرفين شصار بيه 

- شصار بيك يعني ؟!!

- اني مالي احد بهالدنيا 

- عادي 

- عادي ؟! انتي صدك مو طبيعيه 

- انت المو طبيعي وماتعرف هاي الدنيا 

- اعرفهه بس ماعرف الاشخاص الي عايشين بيهه

- والحل ، اني لازم اروح 

- ههههه اوك روحي الله وياج 

                                

رجع كعد نفس كعدته ..

واني مشيت عفته ، الي بيه مكفيني ..

                                

رحت اتمشى بلحديقه ، الهواء بارد وصبح بروده اكثر ..

خابرت جمانه وضليت احجي وياهه ..

                                

صديقاتي ماكو لان جايه من وكت وهنه مرات يتأخرن عادي ..

ضلينه نسولف وحجيتلهه ع الي صار وع اهلي ..

الى ان كالتلي ..

                                

- اكولج ليلو حبي بس مو تضوجين او شي ؟!

- عادي احجي هو شبقه بعد

- اممم تعرفين ليش جنتي تسمعين صوت بأذنج ؟

- لا ماعرفت ليش 

- اني عرفت ليش !!

- صدك شلووون ... 

                                

                                

تعتقدون شنو السبب ؟؟

شلون بس جمانة عرفت وليليان ماعرفت ؟!!