رواية بيت الطاعة الفصل الحادي عشر 11 بقلم مجهول

طلع جاسر من الغرفه ..ومرت الايام ابينهم بثقل جاسر لا ياكل ولا يشرب بالبيت يجي وقت النوم ..

غسق اتندمت ع الكلام اللي كالته الجاسر هي اتحب جاسر مووت 

واهمال جاسر الها كسر كبريائها مرات يلتقون يم الحمام… 

جاسر يدنك راسه ويدخل الغرفته.. 

حتى ملابسه ياخذهن وياه بعلاكه للبخار ..ولا يخلي غسق تلمس اي حاجه اله ..

غسق بدت اتحوص اشلون ياربي الحگران يگطع المصران واني ومصراني اتگطعنه من تجاهل جاسر قررت تلبس برمودات ضيقه ودشاديش قصيره وجاسر مثلما هو ..

مايحرك ساكن يجي ويفوت للغرفه.. 

مابقى اظفر بيدهه مااكلته من گد التفكير مرت ١٦ يوم وجاسر جاي يزيد ماينقص ..

غسق قررت تستخدم كيد النسا وي جاسر.. ورتبت الها خطه محكمه ..ع كولت المصريين (ماتخرش الميه)

وبالليل لبست روب ابيض قصير ورتبت الغرفه وفرشت فرشه ع الجربايه مالتها ورشت عطر بكل مكان وخلت مكياج خفيف.. 

وانتظرت جاسر يجي..

صارت الساعه ب١٢بالليل وجاسر ماكوو.. وربع..  ونص واخيرا وصل جاسر طبعا الانتظار صعب ع غسق

دخل جاسر الغرفته وغسق تسمع من وره الباب وتحجي وي نفسهه اكيد هسه نزع ملابسه ولبس اتراك ..

اكيد هسه راح للحمام ..وطلع من الحمام.. يمكن هسه اتمدد ع السرير.. خ

ل انطيه بعد ٥دقايق.. 

غسق وكفت ع المرايه ورتبت نفسهه ورشت عطر للمره العاشره وفتحت شعرهه ورجعت صعدت ع الجربايه وظلت تصرخ.. جاسر الحكني جاسرررررر الحكني… 

جاسر طفر من مكانه ودفع الباب ودخل ع غسق 

غسق اشبيج احجي.. 

غسق بقت تصرخ وتبجي بدون دموع الحكني جاسر ..وواكفه ع الجربايه وتكمز.. 

جاسر كافي لا اطفرين كولي اشبيج

غسق… فاره بالغرفه

جاسر  سالها بتعجب ..فاره

غسق لا مو فاره ..فارتين وحده اجت منا ووحده راحت منا.. 

جاسر وين بالضبط

غسق جوه المرايه.. راح جاسر يبحث وكلشي مالگه 

جاسر /ماكو يتهيألج

غسق ظلت تبجي وتصرخ اني شفتهه بعيني ليش متصدكني.. 

جاسر كافي لاتبجين هسه ادور بعد

ورجع جاسر ايدور ومالگه .. همين شي

غسق اكيد لبدت بمكان بالغرفه.. وراحت غسق وحظنت جاسر.. اكيد راح تتطلعلي من تروح.. 

جاسر ..جاي اكولج ماكو.. 

غسق بقت حاظنه جاسر فدوه لاتعوفني جاسر اما تاخذني يمك او تنام يمي والافضل اتنام يمي لان ماعرف انام بره غرفتي.. 

جاسر اوكي رجعي نامي.. ع السرير راح اجيب موبايلي واجي

غسق ..ما… اروح وياك اخاف ابقي الوحدي وي الفاره

جاسر والله تسوي فضل لو تاكلج.. 

غسق يعني الفاره تاكل ..وينج ماما لحگيني

جاسر  راح للغرفه جاب مخده وافراش وبطانيه.. وفرشهن بالارض.. وغسق كاعده ع الجربايه

فرش جاسر افراشه بالارض ..وطفى الاناره وانطى الغسق ظهره.. ونام.. 

طبعا غسق مااستسلمت طفرت من سريرها ودحست روحهه داخل بطانيه جاسر وخلت راسهه بصدره العاري..

 جاسر فدوه لاتخليني انام الوحدي اخاف تاكلني الفاره من صدك.. 

جاسر اتمني تجي هسه الفاره وتاكل هذا اللسان الطويل

غسق وتهون عليك غسق

جاسر ظل ساكت اتقربت غسق اكثر ولصقت بيه وخلت ايديهه وره رقبة جاسر

غسق بدلع ماكتلي اتهون عليك غسق 

جاسر صوته انحبس من الاثاره والشهوه.. كملت غسق كلامها ..

اتريد الفاره تجي وتعض اللسان غسق وشفايف غسق ..اللي مشتاقه الشفايف جاسرررررر 

جاسر ماتحمل مياعه غسق ودلاعته وانوثتهه ونومته شبه عاريه بحظنه .

.اخذ شفايفهه بالقبلات وبقى يبوس رحيقهن وايديه لمست كل مكان بجسمهه .

.جاسرر والخصره المكبوته بداخله...

مشتاقلج غسق راح اموت من الاشتياق بالڰوه مصبر نفسي.. 

غسق بداخلها حست بالانتصار ..والراحه بنفس الوقت لان ابتعاد جاسر عنها كان مو تجاهل وكره الها وانما بسبب الوعد اللي قطعه.. 

عاشت غسق بحضن جاسر اجمل اللحظات غسق خضنت جاسر وهو همين خضنها ..

كعدت الصبح غسق فرحانه كولش تمغطت وهي بالفراش ودارت ع جاسر. ماكان نايم يمهه ..كعدت دورت بالبيت ..عرفت انو طالع ..

رجعت بالغرفه شافت قصاصة ورق ع المرايه من جاسر

اني اسف ع اللي صار بالامس واوعدج هذا الشي مراح يتكرر.. 

غسق لزمت القصاصه وبقت تبجي.. ليش هيجي جاسر كلما اتقدملك خطوه تبتعد خطوتين ..

حست بالاهانه من تصرفات جاسر وياها وكرامتها انجرحت لان رفضهه واتندم لان اتقرب ‏​‏​منـِْهـ♡̨̐ـِْا ..قررت غسق ان تتجاهل جاسر وابد ماتلتقي بيه وتعامله مثلما يعاملها ..

وظلت اتمر ايام وجاسر وغسق شي ميشوف شي ومرات يلتقون بالصدف وغسق بسرعه تتدخل الغرفتهه.. 

هو ياكل بره وهي تاكل شي بسيط ومرات متاكل لان بدت شهيتهه اتقل ولعبان نفس ودوخه 

..ومرات تتقيأ وجاسر مايعرف بالوضع والحاله اللي غسق بيهه بدت تذبل وعيونهه فاتره .

.وبيوم من الايام جاسر رجع بالليل ودخل للشقه شاف غسق متمدده وواكعه يم باب الغرفه.. ركض عليها وضربهه ع خدهه حتي تنتبه بس غسق كانت عباره عن شبه جثه.. 

وشفايفها بيضه

. جاسر اتوقع غسق منتحره.. اخذهه وركض للمستشفي..

 وهناك اخذولها تحاليل وفحوصات وشدولها مغذي.. 

اجت الدكتوره وكلمت جاسر حظرتك شنو تقربلها

جاسر اني زوجهه.. خير دكتوره اكو شي.. 

الدكتوره زوجتك حامل.. ليش نقص التغذيه هذا مو تدري مو زين عالجنين 

جاسر… ظل صافن حامل

الدكتوره اي نعم 

جاسر طار من الفرح غسق،حامل واخيرا طلع الموبايل وخابر والدته يمه اني بالمستشفى هسه ..

لميعه/ خير يمه شكو اشبيك

جاسر يمه غسق حامل ..

لميعه/ صلاوات يمه صلاوات ..الحجي من سمع طفر من مكانه اني جاي عليكم هسه ..

جاسر ..يووووم گلي لابوي لا يجي الوقت متاخر هسه اجيبهه واجي

لميعه كالت للحجي ميروح بس هو اصر يروح عليهم للمستشفى ولميعه اجت وياه.. 

فتحت غسق اعيونهه لكت الكل واكفين ع راسهه ويبتسمون.. 

غسق / اني وين وليش اجيت اهنا

حجي حسن / بويه غسق انتي حامل

غسق / حامل

جاسر / اي حامل وراح اتجيبين جاسم ازغيرون

غسق / مااحب ريحة المستشفي رجعني للبيت

جاسر/ لازم ترتاحين اشويه ..

غسق/ اخذني البيت..

الجماعه اخذو غسق وحجي حسن ولميعه فرحانين بالخبر.. جاسر اخذ زوجته وصعدهه فوك.. 

جاسر راح اسويلج عصير برتقال

غسق/  ماريد شي اكعد اريد احجي وياك

جاسر/ نعم غسق

غسق/ اني ماريد هذا الطفل

جاسر/ غسق انتي اتخبلتي

غسق لا عقلت العلاقه اللي بينا مقطوعه.. ومستحيل يرجعهه طفل.. 

غسق بقت تبجي وتصرخ مااريده مااريده ماريد شي يجمعني بيك… 

حظنها جاسرر وظل يهمسلها اهدي حبيبتي اهدي لتأذين روحج.. 

غسق مااحبك اكرهك وكولشي ماريد منك لا طفل ولا اي شي.. رجعني الماما 

جاسر اني ماما واني بابا واني دادا واني بيبي مستعد كولشي اصيرلج بس هدي اعصابج ..

غسق استمرت تبجي وتصرخ وين هذا الحجي قبل شهر من اجيت ونمت بحضنك وسلمتك نفسي وردت ابدي وياك صفحه جديده.. وبعد ما فرغت غريزتك صديتني ورفضتني ..وتجاهلتني واعتبرتني مثل اي قطعه اثاث ابيتك ..

جاسر ..لا تفهميني غلط بوقتهه ..اتصورت انتي انثاريتي لان بحظني.. وخفت من تكعدين الصبح تتندمين ع اللحظه اللي صارت كتبتلج قصاصه وكلت خل اشوف ردت فعلها.. اتوقعتج تجين وتحجين وياي ونتعاتب ويروح الزعل.. بس انَـỲǑŲـْتي اتجاهلتيني وظليتي ايام مطلعين من غرفتج.. اتاكدت انو انتي اتندمتي ع اللحظه اللي مرت.. 

غسق تبجي 

جاسر لا تبجين ادموعج.. توجع گلبي

غسق ابجي مقهوره ع روحي لان هذا الكلام ماسمعته منك الا من عرفت بييه حامل .

جاسر صحيح فرحان بالحمل ..بس اللي مفرحني اكثر انو هذا الطفل منج.. غسق حبيبتي حامل بأبني.. قطعه مني بداخلج.. 

غسق ماتحبني تحب الطفل اكثر مني

جاسر من هسه بدينا انغار.. يابه وداعت حجي حسن وروح عمي جاسم احبج اموت عليج اعشقج 

غسق بدلع ..ممصدكتك كول والله ثلاث مرات

جاسر والله والله والله احبج.. اي مو راح اموت من كدما احلف.. 

جاسر حظن غسق… هَـ (⊙﹏⊙) ــاآ طاح الحطب

غسق لا بعده ماطاح.. 

جاسر هَـ (⊙﹏⊙) ــاآ شكو بعد

غسق ماما

جاسر اشبيهه امج

غسق اتخابر ماما بالموبايل وتاخذ من خاطرهه

جاسر بس هاي غاليه والطلب رخيص ان شالله باجر اخابرهه واتصافى وياهه.. وهسه صفينا 

غسق ابتسمت صفيناا 

جاسرر فتح عينه وصاح فاره شفت فاره 

غسق حظنت جاسر بسرعه ونامت بحظنه.. الدكتوره مو كالت لا تتقرب منها بالاشهر الاولي

جاسر بس هالمره يعذرني ابني ..مااصبر بعد

جاسر حط،ايده ع بطن غسق وحجه وي ابنه بابا حبيبي من رخصتك كولش مشتاق الامك ..

بعد كم سنه جاسر وغسق صار عدهم اربع اولاد وحجي حسن اتوفى.. وغسق نزلت جوه يم خالتها لميعه.. 

ولميعه متفارك الجهال ..وغسق بعدهه هي هي جميله ومخبله جاسر بسوالفها اما جاسر فالشيب ملى شعره ..وصار ملتزم العائلته وقرر يحج بيت الله.. واهنا تنتهي احداث قصتنه واتمنى ان تكون نالت رضاكم واستحسانكم.. دمتم سالمين