رواية هو لا يشبههم الفصل الحادي عشر بقلم تبارك الوائلي
ذنبك إيتها الحقيقة حادة كالسيف وذنبنا أننا نخشى الجروح🍁
جمانه : ماعرف شنو الصارلي وليش هيج تغير تفكيري بحيث حجيت واني مراضيه عن نفسي
بس احس نفسي حجيت خارج عن ارادتي كلتلهم .
_ اي ارجع علمود بنتي ارجع .
هنه من سمعن ردي ما وسعتهن الكاع الي تهلهل والي تضحك والبيت كله مخبوص اشلون اني وافقت وهو اني نفسي مادري اشلون قبلت و وافقت ارجع اله
احس شي مقيدني وخلاني اقبل مو برضاتي راحت خالتي البيتها وراحت فرح تركض دكت على عمتي من ام ميس جارتنه وكالت العمتي اني موافقه ارجع واتفقو يجون باجر ياخذوني
_ اي ارجع علمود بنتي ارجع .
كعدت و اني محتاره اشلون قبلت ارجع البسام واشلون نسيت كل الي سوا بيه بهلـ سرعه مادري احس عقلي مشوش مادري حايره عقلي يكلي ارجعي الخاطر الطفله وكلبي يرفض رفض قاطع وبقيت افكر اجه ابويه وكال .
كلتها واني غصه بكلبي الكل
فرحان برجعتي بس اني خايفه ومتردده من كثر التفكير مادري شلون نمت وكعدت الصبح واني احس نفسي ضايعه صار العصر واجتي عمتي وبسام واني مالي نفس اباوع بوجها سلمو وكعدو وعمتي كعدت تمدح ابسام ولا عبالك اعرفه واعرف سوالفه كلها واخر شي كالت .
ام بسام : هذا بسام كدامج بنتي ابدو صفحه جديده وانسو كل شي الخاطر هاي الطفله ، يله كومي بنيتي انطيني نور وجمعي ملابسج .
جمانه : اباوع عليهم كلهم فرحانين العذابي
ياربي والله نفسي متريده اباوعله شلون كاعد
و يوزع ابتسامات وعيونه عليه كمت توكلت على ربي وجمعت الملابس فرح وشهد ويايه كملت غراضي وطلعو اهلي وصلوني الراس الشارع راح
بسام اجر تكسي واكف منتضرني اباوع امي على امي كامت تبجي دمعت عيني اليشوفها ولا يكول هيه اول المشجعين الرجعتي رحت وياهم وصلنه البيتهم ولكينه طيبه كاعده
فرحت برجعتي وشالت نور تبوس بيها وعمتي
مكيفه هو نزل الجنط واجه شال نور يبوس بيها وكال .
بسام : يمه اني راح اروح للدوام .
جمانه: باس بنته وانطلها العمتي و اخذ ملابسه وراح لدوامه وماحجه ويايه اي شي ، راحت عمتي سدت الباب ورا ورجعت كالت
ام بسام : يا يمه جمانه هسه البيت نور بيج وبـ نور.
جمانه : البيت منور بيج عمه بس مكلتيلي بسام اشوكت يرجع كالت .
ام بسام : باجر يجي من دوامه المغرب .
جمان : حجيت بكلبي الحمدلله يعني اليوم يبات بدوامه ، كمت الغرفتي لكيتهم منزليها جوه تفاجاة اجيت كلت العمتي .
_ عمه منزله الغرفه جوه ؟
_ اي نزلتها احسن الكم هم علمود نور باجر عكبه تكبر وتكوم تزحف تروح توكع من فوك خليها جوه غرفتج احسن .
جمان : همست الها واني صعدت غراضي فوك كالت .
ام بسام: تعالي اشوفج جبت مبرده الكم لغرفتكم .
جمانه : ها زين تسلمين رحت اسفط الملابس بالكنتور ورتبتهن وصفنت مادري شضاملي الوكت وياهم وبسام صدك تاب وعقل لو جذب وكملت
تعشينه اني وعمتي وطيبه ورحت فرشت بالصاله
ام بسام: تعالي اشوفج جبت مبرده الكم لغرفتكم .
يمهم ونمت ولليل كله احوص مامتعلمه مكاني متغير نمت وكعدت الصبح ولكيت عمتي رايحه للمحل كعدت طيبه وتريكنه وكعدت انضف بالبيت من فوك لي جوه لمن تعبت وخلصت طاقتي ماخليت شي
ماغسلته ونضفته اجتي عمتي فرحانه لان لكتني منضفه البيت وغاسلته وطابخه الغده وصبيت وتغدينه وكعدت تنصحني اشلون اتعامل ويا بسام واشون متغير ومن هل حجي واني بس اكول .
_ اي و اي واهز الها براسي وساكته ومامصدكه بالحجي كله بس عبالك احد جابرني اسكت واطاوعهم ،
للعصر اجه بسام سلم وكعد وعادي يتصرف ويا امه واخته بس احسه خجلان مني حيل اني ساكته
ولا حجيت اي شي ويا ، راح صعد بسطح على طيوره وصار العشه ونزل وتعشينه سوه وعادي
لا وجه اليه كلام ولا اني وجهت اله كلام كمل
و راح طب للغرفه وعمتي فرحانه كالت .
ام بسام: كومي يمه روحي وره رجلج بغرفتكم
وحاولي تنسين كل الصار وانطي فرصه ثانيه .
_ اي عمه كايمه ، رحت نيمت نور بفراشها ونمت على افراشي شويه وصار يسالني .
بسام : جمانه متوقعتج هلكد عنوديه وراسج يابس
ولج سنه كاملة مبقيت واحد مدزيته عليج وحضرتج
راكبه راسج ومعانده ومتقبلين ترجعين .
جمان : حقي لو مو حقي .
بسام : حقج بس لو مخليتنه نتفاهم اني مجان قصدي بكلشي سويته .
جمانه : بس انت تعبتني حيل .
جمانه: سكتت هو يحجي واني اسمعله صار يعاتب بيه واخر شي راح نام هو بصفحه واني بصفحه وكعدنه الصبح نفس الروتين ريوك غده عشه وهو عادي كلامه ويايه عادي كلش بقينه 3ايام على هل وضع وهو يوميه ممل ، كل ماندخل للغرفه يفتح العتب واشلون واشلون عفتيني ومن هل كلام اخر شي شافني ساكته وما ارد عليه كال .
_ اي انتِ هم حقج .
وكل عاده كمل كلامه ونام عرفته ماعنده كلام
جديد يحجي ويايه يحجي هل كم كلمه يخلص الوكت بيهن وينام إلى أن اجه الليل و كال .
بسام : اني كلت خليها ترتاح هل كم يوم وتتعود
بس هسه كافي بعد صار سنه ماحنيتي اليه .
جمانه : يحجي بهدوء وتقرب مني بس اني عبالك جسد من غير روح وماعندي مشاعر اله ابد ووووو
ثاني يوم طلعو كلهم وكعدت بجيت ويه روحي وكلت بيني وبين نفسي اني اشلون قبلت ورجعت
اله شلون تقبلت بسام من جديد
راح اتخبل والله ، مااعرف عقلي يكلي اسكتي بس كلبي ابد مارايده ولا راضي عليه وبعدني رافضته بس خلي انطي فرصه علمود بنتي خطيه مالها ذنب
صار العصر خابرت طيبه على خواتها بشرتهم برجعتي للبيت فرحن على رجعتي
وثاني يوم اجه بسام كال .
بسام : جمانه حضري نفسج نروح نبارك الزينه
صارلها سبوع جايبه ولد وهسه اكيد راح يفرحون
من يشوفونه سوه .
جمانه : عمتي كالت روحو انتو اني رحت وفعلا
رحنه عليها هن اخواته متزوجات ولد عم ابوهم وكلهن وحده بصف الثانيه بفرع يعني نفس المنطقه رحت بدلت ولبست تنوره وقميص وشلت شعري من الجوانب لان اني ممحجبه طلعنه واجر بسام تكسي ورحنه بالاول على ليلى الجبيره وكعدنه وتغدينه يمهم وكال عمها ابو زوجها ويصير ابن عم امي هم .
_ ها جمانه هسه الله هداج ورجعتي جنتي ميبسه راسج كل مانجيج متقبلين ترجعين .
جمانه : اني خجلت وكتله اي عمو كلشي نصيب ومكتوب علينه ،
سكتت وهو هم سكت كملنه سلمنه وطلعنه على زينه وباركنه الها وهي فرحت حيل بجيتنه عليها انطيتها هديه ولادتها وهم سلمنه وطلعنه ورحنه البيت ساره وسلمنه على اعيالها وكعدنه فرحت حيل
ساره برجعتنه كعدنه شويه وسلمنه ورجعنه للبيت ويا المغرب طبينه واني حيل تعبت من الطريق وكل نهاري حجي وسلام خلصته ، رحت انطيت نور العمتي ورحت صليت وسويت عشه تعشينه كلنه سوه والوضع هدوء وكلام عادي رحت سبحت وطبيت بغرفتي ونيمت نور واجه بسام نام اني
من التعب بوجهي نمت .
ومرت الايام _
حياتنه هدوء وعاديه بين ريوك والغده والعشه وعمتي نفس طبعها بالمسواك والاكل نفسه ماتغير احس كل شي ابيت عمتي ماتغير بس بسام ومادري ليش احسه يمثل ومامتغير واحس بي بعده على سوالفه بس هو ذكي ميخليني احس بس گلبي
يگلي غير المشكله ، هل مره ماشفت بعيني و ماعندي اي شي اثبته قررت اسكت والله كريم طيبه بعدها نفس روتينها أول متكعد من النوم تروح يم الجيران
همزين صارت عندي نور و سمع صوتها بالبيت يمي والتهي وياها شويه من اكمل تنضيف اكعد يمها والعبها وهيه تضحكلي واني ابتسم على ضحكتها
بسام : جمانه تعالي شوفي منو اجه .
جمانه : طلعت شايله نوره شفت ساره فرحت
بيها سلمت عليها وبسام كال .
بسام : ياله جمانه امشي نروح اني وياج وساره لسوك نشتري شغلات .
جمانه : ضحكت ممصدكه و كتله صدك تحجي بسام اني وياك نروح لسوك شنجيب كال .
بسام : امشي واسكتي .
جمانه : اني من فرحتي مامصدكه كتله .
_ اي اروح هسه ابدل واجي ساره كالت .
ساره: ولج جمانه البسي عبايه امي وامشي فضينها ليغير رائيه .
جمان : ولج ما اعرف البسها اشلون اخاف توكع مني .
ساره : دلبسيها شلون ماكان وطلعي بساع .
جمانه: اني ماعولت راح ياخذني للسوك رحت ركض لبست عبايه عمتي ونطيت نور العمتي فرحانه كالت
ام بسام : روحو يمه .
جمان : رحنه للسوك وكف بسام يم محل أجهزة كهربائية واشتره ثلاجه وطباخ وكال ها حلوات ناخذهم واني وساره كلناله اي حلوات حاسب عليهن ورجعنه وكلنه فرحانين بالثلاجه والطباخ ابو الفرن وطلعت عمتي القديمات ذبتهن واني فرحانه بيهن
ومرت الايام _
حياتنه عاديه وهم اجه الشهر الي وره وهم راح بسام لسوك واجه مشتري ميز تلفزيون حيل حلو وتلفزيون واجه واحنه صافنين عليه عفناهن بالاستقبال وفرحان بيهم وكال .
_ بعد اجيب صحن واخلي .
جمانه : جان هسه نازل موديل الصحن والستلايت
مرات يعجبني شي اريد شي واستحي اطلب منهم وهو ابد مينطيني اي افلوس يكول هذا راتبي جبت بي الكم غراض بس جنت متاكده يجذب وراتبه اكثر بس هو مينطي لا اليه ولا العمتي سكتني بالغراض كل شهر غرض ، واخيرا نخطبت اختي فرح الرجال
غريب علينه وبسيط رحت لاهلي وشفته شكله مقبول وعلى كد حاله وافقت فرح واهلي عليه والفرحه ماسايعه امي من نخطبت فرح وجهزت للعرس وصارت يوم حنتها ورحت عليهم اني وعمتي وطيبه وشتريت فستان لونه زيتوني كتله البسام عاجبني اصبغ شعري ماقبل ورحت ويا فرح لصالون وجانت طالعه حلوه الحنه بين القرباء والجيران والهلاهل بتت يمهم ثاني يوم كالت فرح .
فرح : جمانه اني انطيج وصبغي شعرج .
جمانه : فرحت وصدك انطتني افلوس وصبغت شعري طلع حيل حلو الون ولاك اليه رحنه البيت اعيال فرح لان العرس بالبيت وبقينه تعشينه يمهم وشافني حماها الجبير مامزوج وكال هاي اختج الصغيره متنطوها اذا خطبتها كلوله عمي مزوجه
قبل فرح وعده بنوته هو سكت فشلان واني وشهد وخالتي رجعنه للبيت وهم بتت يم اهلي وثاني يوم
اجه بسام اخذني وامي ضايجه على فرح ، رجعت الحياتي عاديه تجي مرات شهد عليه وتاخذ نور يمهم وترجعها العصر اليه ومرات يجي صالح بليل يتعلل ويروح مرت فتره وتقدم حما فرح الاختي شهد وره
زواج فرح بـ 3اشهر واهلي وافقو عليه لان خوش ناس وهم يم اخته تصير وراحت فرح على اهلي تجهز الشهد وفرحانه لان شهد يمها راح تصير واني هم فرحت الامي اكثر منهن لان جان امي حلمها ازوج اخواتي والحمدالله تحقق حلمها
1 تع
بدت فرح ادوخ وتتعب فتره وطلعت حامل وكلنه فرحنه الها وباركنه الها وصار عرس شهد اختي ورحت على عرسه واهلي انقهرو فرغ البيت عليهم
مرت فتره تمرضت حيل ومحد وداني لدكتور
ومن اكول البسام يكلي ماعندي واني الوجع اخذني
مينحمل كتله .
_ بسام وديني الاهلي ،
وفعلا اخذني و رحت الاهلي وكعدت ابجي
من الوجع وامي تكلي .
_ ليش ماوداج بسام يمه .
_ بجيت وكلتلها ، يكول ماعندي شسويله .
اخذوني اهلي لدكتوره وطلع عندي فتق عندي
ولازم اسوي عمليه وابويه كال هاي افلوس وسوولها
العمليه
وبسام عبالك مو بهل دنيا ، اجه موعد العمليه
وجتي عمتي وكالت الابويه .
ام بسام: ادفع انت ابو صالح واني من اخذ الراتب انطيك .
عصب ابويه وكال الها .
أبو صالح: وابنج مو عنده راتب لوه ماعنده مسوليه على زوجته اشلون يعني ميتغير ابنج .
سكتت عمتي خجلانه ورحنه للمستشفى واجت عمتي وصالح وفرح ويايه وسويت العمليه ونجحت ورجعت للبيت
رجعت يم اهلي الاحد ماتحسنت حالتي اسبوع يم اهلي بقيت واجه بسام كعد وسلم ومااحجه اي شي وبعدين كال .
بسام : ياله جمانه نروح للبيت مو صرتي زينه .
جمانه : ماروح اريد ابقى .
بسام : ها براحتج .
شو هذا اخذ نور وطلع وماحجه اي شي ابد واني فرفحت وره نور ابجي عليها وامي كالت .
ام صالح : كافي يمه هسه تبجي ويرجعها الج اشبيج.
جمانه : شبيه يعني يمه ، شفتي ولا اهتم ولا ناقش كبل يريد ياخذني بدون ميكلف نفسه ويحجي اي مبرر موقفه .
ام صالح: ايجوز صار عنده ضرف.
جمانه : وليش ما اجه العمليتي والله يمه جان يشوفني الوب من الوجع وميهتم ابد .
سكتت امي محجت شي لليل اجتي عمتي
وجارتهم وجايبه نور وياها و كالت .
ام بسام: لتضوجين عمه ويله امشي ويايه للبيت متعرفين سوالف بسام .
جمانه : عمه رحمه الاهلج انتِ قابله على ابنج
اخذ نور وطلع ولا اهتم .
_ ميخالف خاله واحنه جاين عليج شنو ماالنه خاطر يمج .
_ لا خاله جيتج على عيني وراسي .
ام صالح: يله جمانه ماما روحي ويا عمتج ميخالف هناك تحاسبي انتِ ويا .
_ كمت وياهن ورجعت وصلنه وراحت جارتنه البيتها واحنه طبينه لكيته كاعد هو وطيبه وكام
اخذ نور من حضن امه وهو ساكت رحت الغرفتي اجه ورايه و كال .
بسام : ها رجعتي هسه بس من يجيج بسام مترجعين .
جمانه : التفتت عليه و كتله ، وانتَ ليش اخذت
نور ورحت .
بسام : اي لعد اشلون ارجعج عبالج مثل قبل خاليه وتزعلين شوكت ميعجبج ومديرين بال اليه هسه بنتج ترجعج وغصب عنج .
جمانه : انصدمت بتفكيره كتله ، والله هيج يعني .
بسام : اي والله اشبيج واني ماجيتج ولا رجعتج رجعتي ويا عمتج برضاتج .
جمانه : ها زين يعني اني هسه غلطانه لان رجعت ويا عمتي .
عافني بدون مبجاوب وطلع كعدت ابجي من كل كلبي يعني اني ماعندي كرامه بنضره وهيج حجه
اخخخخ يا اهلي هم الي رجعوني ويا عمتي وماخلولي كرامه رحت نومت نور ونمت وكعدت الصبح ومشت الايام بينه مره نتعارك ومره لا
دنيا لليل و ندكت الباب حيل طلعت عمتي فتحته طلعت جارتنه بيت ام ضياء كالت يا خاله ام بسام ماتدرين بسام اشسوه .
_ والله لللللو يصير ششششي بابني اكلب الدنيا عليكم ام بساام.
_ يا خيه كولي يا الله شلون ضربه وهو ماعنده اسلاحو.
_ بعصبيه ، والله مادري خيه ااابنج ضارب ابني وهسه ابني وضعه تعبان .
_ طبت عمتي بالكوه تحجي وكالت .
_ اني شيصبرني الباجر ويجي بسام افتهم منه .
_ وليش باجر عمه لعد غير بايت ويا لولد بالمستشفى هو .
_ اخخخخ منك بسام ماتكعد ولا اتوب من سوالفك اشلون بيك .
جمانه : لليل كله واحنه ما اجانه نوم من الخوف والتفكير وطلع الصبح وعمتي خطيه تلوب سمعنه صوت سياره بالباب طلعت عمتي طلع جاي بسام ونزل من تكسي هو وابن الجيران لازمه من ايده وطببه لاهله راحت عمتي وره بقو ماعرف شكد مر وقت وجوي أول مطبت صاحت .
_ وللللك اشلون هيج مسوي بالولد منيلك المسدس فهمني .
بسام : بصياح : اشششبيج خبصتي الدنيا متكليلي .
_ ولك ابني منيلك هل سلاح فهمني .
_ مالت صديقي و صوتي مو حقيقي جنه نشاقه وطلعت بلغلط مني وضربته بضهره تره طلقه صوتيه مو قويه حيل .
ام بسام : ياااا ولك الولد من البارحه بالمستشفى وتكول مابي شي انت اشوكت تكبر وتعقل بزعتني كافي عاددد .
بسام : بصياح وعصبيه ، كافييي تلحين مالج دخل اني احلها وياهم .
بسام : امشييييي طلعليلي اهدوم انتِ شبيج بس صافنه .
جمانه : أي ، اي هسه اطلع الك .
ام بسام : ياله امشي روح جيب فواكه وروح عليهم اخذ من خاطرهم .
بسام : اني مامتقصد تره يمه والولد صديقي هو .
ام بسام : ميخالف امشي روح عليهم وهم انطيب خاطر امه بكلمه .
جمانه: وصدك راحو واني وطيبه بقينه بالبيت
الوب اشلون وخاف اهله يحجون شي والله
مرت ساعتين و اجوي الحمدلله متراضين وساكتين الناس على طاري صديقه وميدري بي ومرت على السالفه اسابيع واجه بسام كال .
بسام : يمه بطلت من الحرس الوطني .
بسام : ماريد بعد اشتغل هيج شغل اشوفلي شغله حره احسنلي .
ام بسام: اي يمه براحتك .
جمانه : عاف الدوام وكعد بالبيت و كل يوم حجه شكل ماعرفنه ليش عاف دوامه بعد مبطل بااسبوع
اجه و كال .
_ اريد اشتري صحن واطلع قنوات وسمعت زوج شهد يعرف ينصب الصحن هم نعزمهم على الغده
وهم يجي يسويلنه الصحن لان شهد .
جمان : اني فرحت بداخلي بس محجيت شي
كدامه رحت احضر شنو اسوي غده الباجر اجيت وكتله .
_ اعزم فرح وزوجه هم عيب كال .
_ اي راح اعزمهم واعزم خالي وعمتي .
جمان : اني سمعت ابويه وامي هم يجون الكاع ماوسعتني من الفرح متحملت اسكت اجيت وكتله .
_ زين انتَ منيلك افلوس مو على اساس ماعندك وعمتي راح تدفع افلوس عمليتي الابويه من راتبها .
وكف يصيح عليه وكال .
_ واني منيلي جمانه خاطر ربج متعوفيني وتسكتين.
جمانه : يااا ، اشبي هذا بله شحجي ويا ثاني يوم صار الصبح وكعدت انضف واطبخ وراح هو جاب امي بتكسي وكعدنه ننتضر خواتي شويه و اجني صعد هو وزوج شهد ينصب الصحن واني وخواتي وامي وطيبه نسولف واجتي عمتي من المحل واجه ابويه وفرشنه السفره وكعدنه كلنه تغدينه وسولفنه وضحكنه وراح ابويه وراح زوج فرح لان عنده شغل وبقت فرح وشهد وزوج شهد ينتضرون يكمل نصب الصحن ويرحون وصار العصر وندكت الباب وطلعت عمتي فتحته واجتي صاحت .
_ يمه بسام صديقك يكول معزوم بعرس .
_ أي يمه جاي .
_ نزل من فوك وكال الامي .
_ عمه ترحين للبيت اوصلج لان صديقي عنده
سياره واجه عليه .
ام صالح : اي عمه علوا توصلني .
جمان : يمه ابقي بعد وكت .
_ لا يمه اروح احسن بالي يم ولد اخوج ميكعدون وماتكدر الهم سندس وحدها .
_ براحتج يمه .
اخذ امي وراح وصلها لبيتهم وراح للعرس وهم ماخذ ويا المسدس هذه الصوتي وضارب بي طلق وفايتين الامريكان وشايفي يضرب واكفين ماخذي هو وصديقه والمسدس و لاكين بجيبه سجينه
اجانه ولد صغير كال .
_ خاله بسام اخذو الامريكان عمتي كامت تلطم .
_ يا يمه ابني راح عزاااا ، اشلون اخذو
جمان : البيت دخل انذار لان هل اسم يرعب كل الناس من تسمعه الامريكان الي يروح عدهم بعد
هاي هيه ، عمتي طلعت تركض حافيه وتصيح .
_ عبااااتي ولجن جيبليي عباتييي .
اجيت ونطيته عبايه وراحت تركض واني وطيبه كعدنه مصدومين من الي سمعنا ونبجي
مر الوقت واجتي عمتي وياها اثنين من اصدقائه بالكوه تجر بروحها جر لازميها اصدقائه وطببوها كعدت جبتلها ماي وكلتلها .
ام بسام : اويلي عليك يمه وليدي يالمدلل اشلون بيك وين ودوك ذول اليهود .
_ عمه احجي فهمينه شصايررر .
ام بسام: اي ولج عمه راح اخذوو الي ميخافون الله.
جمانه : زين اشلون ومنو كلج وشنو الصار .
ام بسام: ولج يمه يكولون ، رايح بعرس هو وصديقه
وراكبين سياره بالزفه وبسام مطلع ايده من الجامه وكايم يضرب بلمسدس وفايت الرتل وشايفهم وماخذهم هم والسياره .
طيبه : زين منو هذا صديقه يمه .
_ ولج طيبه اني شدراني منو من جماعت اخوج هم كلهم مابيهم خير اوف يمه تعالي شوفيلي حل ويا ابني راح من ايدي الولددد .
_ ياا ولج خيه صدك هل خبر ماخذين ابنكم الامريكان .
ام بسام: اي خيه ام سيف اي تعاليلي شسوي وين انطي وجهي المن اشكي المن اكول الولد راح من ايدي يربيييي .
ام سيف : الله يكون بعونج هذا بسام من صغره شالع كلبج ومايكعد راحه .
_ شسويله ام يوسف اني اريد ابني باي طريقه اريده .
جمان : كعدت يمهن اباوع ام يوسف طفرت عبالك
تذكرت شي وكالت مستعجله .
ام يوسف : كومي خيه كومي نسيتي جارنه ابو مجتبى ابنهم يشتغل مترجم ويا الامريكان بلكي
نروح نسأله ونفتهم منه نشده دكومي ياخيه كافي بجي .
ام بسام : اي خيه كايمه فدوه امشي بلكي الله جابج اليه السبب .
جمانه : راحت عمتي ويه جيراننا واني كلت الطيبه.
_ طيبه راح ادك على بيت ام ميس اكول الهلي بلكي صالح يسال يشوف خبر على بسام .
طيبه : اي عيني روحي .
جمانه : رحت الجيرانه واتصلت على اهلي وانطيت خبر الجارتنه ام ميس تبلغ اهلي بسام اخذو الامريكان ورجعت لكيت عمتي هم راجعه .
جمانه : أن شاء الله خير عمه بالكي ابنها يجيبلنه خبر .
_ اويلي عليك يمه بسومي اشكالت روحك من خذوك اليهود .
ام سيف : كافي خيه اشبيج لتموتين من القهر اصبري وربج كريم .
_ شيصبرني بس كليلي اخخخخ ،يا يمه لحكيلي .
جمانه : جبت ماي انطيت الام سيف وجيت العمتي .
_ هاج عمه اشربي مي ريكج نشف .
_ اخخ يا عمه اشلون بيه ولج المن انشد عليه ومنو يطلع يسال وراه ابو لو اخوانه شو وحيد وماعنده احد .
جمانه : ان شاء لله يبرد كلبج عمه اصبري .
بقينه كاعدين وحده مگابله الثانيه لحد ما اندك
الباب وطبت امي وصالح اجت امي سلمت وكالت .
ام صالح: ها خيه راح وليدج اخذو منج .
ام بسام : بجت وكالت ، اي خيه اخذوووو الميخافون الله اخذوووو وليدي منييي .
ضلت عمتي تبجي وتنوح وتسولف هي وامي
صالح كال .
صالح : اني راح اروح اسال عليه بالسوك وافتهم وارجع بالكي احد يعرف عليه شي .
راح صالح وامي كالت .
ام صالح: يا يمه يا بسام والله ما صدكت من سمعت هو وصلني وكال عمه اروح للعرس شمدريني منين اجو ذول الانجاس .
_ شسوي يا خيه حضه هذا .
_ بس صدك ام بسام هو منيله اسلاح ؟
_ خيه ابني ماعنده سلاح بس هذا طالبه من
صديقه وهيج شايله للكشخه عود .
_ اوف منك بسام شيدور سوالف هسه مو يعرف ممنوع حمل سلاح ورايح يشيله بهل وكت .
جمانه : حطيت نور بحضني وكعدت اباوع عليهم
مابيدي شي اسوي اجه صالح فزت عمتي عليه وكالت .
_ ها عمه بشررر .
صالح : شبشر عمه مثل ما حجولج بسام مطلع راسه من الجام ورامي وفايت الرتل وشايفي وماخذي .
جمانه : صار الليل وندكت الباب وطلع صالح
شويه وطب كال هذا الولد المترجم طببو جوه وعمتي حجيت ويا ، وكال الها باجر يروح للدوام وبالكي يكدر يجيب الها اخبار ، راح الولد و صارت تبجي عمتي وتصيح شيصبرني الباجر كل هذا
واني صافنه عليهم امي كالت الصالح يروح للبيت
لان سندس وحدها وهي بقت يمنه باتت ، باوعت عليه امي وكالت .
_ ليش وجهج أصفر بنتي .
_ مابيه يمه بس خطيه صبري عمتي ولتخليها
تبجي .
_ بنتي حقها تبجي كلب ام هذا .
_ سكتت وكمت اسوي عشه كملت وجبت العشه امي گوه جبرت عماي تاكل اكلت بالكوه خطيه كم لكمه وراحت نامت عمتي هي متعلمه تنام من وكت .
نمنه كلنه بالصاله كعدت الصبح سويت الهم ريوك وعمتي اليوم ماراحت للمحل بقت بالبيت خليت نوره يمهن ورحت بالكوه نضفت وكلنه كاعدين و عيونه على الساعه اشوكت تصير بـ 2 ونعرف خبر وصدك ندكت الباب طلعت عمتي شويه وفاتت هيه وجيرانه
المفتش خطيه جاي بملابس الدوام اسمعه يكول العمتي
_ لتخافين خاله صدكي الامريكان ميضربون احد ولا يعذبون وهو ابنج رجال ويطلع صدكي ميطول يطلع ان شاء لله .
_ يا يمه يعني هو مسدس صوتي مو حقيقي ليش اخذو بعد .
_ خاله هذوله ميعرفون صوتي هذا قانون ويمشون عليه ، وابنج مخالف القانون بتصرفه .
راح الولد وخالتي زادت بالقهر ، بقت امي يمنه
للعصر واجه صالح اخذها وراحو اجه للبيت وكال
_ بليل اجي ابات يمكم حتى لتباتون نسوان وحدجن بالبيت .
جمان : راح وصدك اجه بليل وفرشتله بالاستقبال واني فرشت بصف طيبه ونمت من التفكير بحال بسام عفتهم يحجون عمتي وصالح ونمت وكعد صالح الصبح وراح .
ومشت الايام __
بينه وصار اسبوع عمتي كاعده بالبيت وتبجي
على بسام والي رايح والي جاي يسالون عليه
كرايب والجيران وعمتي بس تبجي اجه ايهم
اخو بسام سامع الخبر من الناس وجاي يفهم
وكعد وسال عمتي وحجتله
كل شي وكللها.
ايهم : الله كريم يمه ان شاءلله يطلع ويبرد كلبج واني هم ابنج شتحتاجين يمج .
_ تسلم يمه متقصر .
_ راح اروح اسالج عليه واعرف وين بالضبط حتى بالكي نروح نشوفه .
جمان : كعد شويه بعدها سلم وراح استغريت من ايهم يكول العمتي يمه كلتلها .
_ عمه شو ايهم يكلج يمه ؟
_ اي عمه هو يكلي يمه من زمان .
_ زين هو مو زعلان من بسام شجابه .
_ كافي ولج هسه اني بيا حال جمانه خلفله عليه
من اجه وسأل .
جمانه : سكتت بعدين أجيت كلتلها.
_ عمه روحي افتحي محلج وشويه لهي نفسج
احسن ما كاعده بالبيت وبس تبجين اشويه فكي
من نفسج .
وصدك طلعت عمتي وراحت تفتح المحل
وبعد كم يوم ، اجه ايهم علينه وكال .
ايهم: يمه بسام ساجني باابو غريب ولازم تروحين تكصين وصل وينطوج موعد للزياره .
_ أي يمه اروح ليش ماروح .
وصدك عمتي خطيه كيفت وراحت سجلت اسمه وانطوها موعد للزياره وكالت اخذ صالح ويايه
وبعد مده راحت عمتي وصالح وابويه وحاجين
ويه بسام اجتي عمتي مادري فرحانه مادري تبجي وكالت .
_ ثاني مره اخذج ويايه انتِ ونور حتى تشوفي .
_ اي عمه ان شاء لله .
وصارت المواجها الثانيه ورحت وياهم اني ونور
هنا نور صار عمرها سنه وهسه متعلمه تمشي اجه صالح ويانه بس ماطب لان ميقبلون اكثر من ثنين يطبون طبيت وشفته خطيه اشلون مكان صدك يخوف كمت ابجي من شفته بهيج مكان اني وعمتي تقريبن صارله شهر ونص مسجون حضن عمتي وحضني واخذ نور يبوس بيها وكال .
بسام : لتخافون عليه اني زين هنا ميضربون احد بس الي يسوي شي غلط يتعاقب .
ام بسام: والك يمه تعبتني ليش متكعد بس كلي هسه هيج احسن افتر وراك .
بسام : شسوي يمه صارت بعد غلطه ومتتكرر .
_ اشوكت يخلصن غلطاتك بس كلي طاب بحرب
رايح معركه وشايل مسدس وسجينه .
_ مو مالتي هذا مالت صاحبي والله مو مالتي وردت ارجعه اله بس السجينه مالتي صدك ،
جمانه : يحجي بعصبيه وعبالك مغلطان ، بعدها باوع عليه وكال الامه .
بسام : وانتِ شكو جايبه جمانه وياج هنا يمه .
ام بسام: زين اي يمه خبصتنه مااجيبها بعد .
جمانه : نقهرت منه وكتله بدموع .
_ ليش بسام متريد تشوفني اني وبنتك .
بسام : استغفر الله جمانه شبيج ، شنو ماريد اشوفكم بس امي مره جبيره بالعمر وتجي هنا انتِ ممنوع تجين بعد متشوفين كلها زلم وشرطه .
جمانه : سكتت حسيت كلامه صحيح كال .
بسام : والله اخاف عليج منهم ومن عيونهم .
جمانه : اي بعد ما اجي والله هاي اخر مرة.
بسام : عفيه بجمانه ، سمعيني كولي الطيبه اني ضام فلوس فوك بالغرفه بالبوري مالت البرده طلعوهن واشترو بيهن ملابس الكم والباقي ضموهن اليه من اطلع لتلعبون بيهن .
ام بسام : اي يمه ميخالف من اروح اطلعهن
بس مكتلي منيلك انت وليش اضم فوك مو عندك مره وعندك كنتور .
بسام : اهووو يمه هسه وكت عتابج هسه .
ام بسام : سكتنه لتصيح منا العالم تباوع .
جمانه : بعدها التفتلي وكال .
_ ها تباوعين شكو ست جمانه تره ذني من راتبي قبل لا ابطل من الدوام جنت اضم منهم فوك وجمعتهن .
جمانه : اي شكو بيها اني محجيت شي تره .
اجه الشرطي وكال .
_ يله خلصت المواجها .
جمانه : صاح عليه بسام .
_ جمانه ديري بالج على امي وطيبه ونور وانتضريني ما اتخر ان شاء لله كالو بعد شهر اطلع .
_ هزيت راسي وكتله ان شاء لله .
ام بسام : يمه بس تطلع احضر الذبيحه الك الوجه الله .
بسام : ان شاء لله ياله يمه مع السلامه .
جمانه : رجعنه و عمتي الطريق كله هي تبجي .
شنو رايكم بالبارت علقو بتوقعات بنات اكو احداث حلوه راح تصير والزمن راح ينكلب والاقدار راح تتبدل ويصير شي متتوقعو ويه جمانه قصه جمانه
تعلمنه الصبر اصبرو وانتضرو بشنو راح يكون عوض
جمانه...
