رواية خفايا القدر الفصل الثاني عشر بقلم انين الروح
اسمعت الباب الخارجي يندك باوعت الساعه ٣ الظهر منو هذا اليجي هيج وكت علينه
كمت رحت الامي شفتها نايمه ماصحيتها خطيه تعبانه لان دوام اكماليه دور ثاني
طلعت صحت وره الباب منو
رد عليه صوت خشن
انه جراح
استغربت 😒😒 هذا شعنده جاي
وياي ايوب
اي جايه بس دقيقه
اركضت فتت جوه صحيت امي
ماما ماما ايوب عالباب هو وجراح
اي يمه فوتيهم
لا ماما استحي اطلعلهم ..انتي طلعيلهم ..
شو ناوشيني حجابي
طلعت امي واني اباوع من شباك المطبخ
فوتتهم جوه اشويه وجتلي ...سوي جاي ولحكيني
اي ماما صار ..هدرت جاي وفتت بدون شال جنت لامه شعلي كبه ولابسه برموده وردي لونها يسحر الناظر
وفتت سلمت عليهم ..باوعت ع ايوب فاتح عينه ع وسعهن عليه 😳😳 بس ما حجه شي
بعدين جتي عيني ع جراح شفته عاكد حاجبه وكاعد متجي يده ع رجله وخاله ع وجهه معاجبه العجب ..🤨🤨
السلام عليكم
اثنينهم .ردو السلام .. نطق جراح يابه شنو هالبس مايصير تلبسينه كدام احد غير زوجج
اسفه مامتقصده عود عالجايات انتبه اكثر قدمتلهم الجاي ..امي اشرتلي اكعد يمها
رحت وكعدت
وسمعت صوت ايوب واخيرا
شلونج رهف
الحمدلله .وانت ..اني ايضا الحمدلله
اني في طبعي جريئه ما اخاف من احجي وبالاخص اذا كان حجي حق
بدون مقدمات كتله
بس اني زعلانه منك ايوب
مني ليش رهف ...
وتسئل يعني موضوعي اصلا مهامك
ونطق جراح ..شوفي يبنت الناس احنه ما جايين نتعاتب ون جان ع روحتنه بدون ما ننطي خبر الكم فعدنه اسبابنه الخلتنه نطلع من بغداد بدون علم احد
سالفتج قديمه ولاتردين فتحها
بس هذا حقي اريد اعرف ليش ايوب مهتم الطلبي من كتله اريد اشوفك لان عندي موضوع وياه ولازم ينحسم
شنو موضوعج رهف
اسكت ايوب انه اعرف شنو موضوعها
شوفي اكلج احنه اصحاب ديوان وشيوخ وسلفنه مفتوح وناسنه رايحه وراده علينه
ما نكدر نعوف اشغالنه ونكعد اكبالج وحضرتج تسولفين
بس هذا حقي اريد اعرف شنو سالفه يارا
ماكو اي سالفه البت هي حبت وعشمت حالها الحالها
ونجان ايوب رايدها ما اجه عليج وخطبج ماعدنه زلم تلعب ع النسوان
الي بكلبنه ع لسانه والنحبه ناخذه النه ومايكون الغيرنه فاهمتني
ام احمد .احنه اليوم ماجايين نفتح مواضيع انتركت صارلها ايام
هالتشوفين صار شهر ع خطبتهم مرينه شفناكم بعد
احنه ناس عدنه شغلنه مانسوي الطريق سجه يارايحين يارادين
اليوم انه وبنفسي اجيت حتى اكللكم زواج ايوب ورهف نهايه هذا الشهر
رهف ..كمت ع حيلي وبصوت عالي شنوووو😟😟😟
شنو تكول يا عرس يانهايه شهر اني كلشي ممجهزه شتحجي انت
شوفي اكلج لا تاكليني بسوالفج
امور الزواج كامله ومكمله عدنه يم الحجيه انتي العليج بس البدله لا تدوخينه اكثر
رهف..متحجي ايوب شلون ازوج واني مجاهزه
ام احمد ..ياخوي شلون يصير تزوج بنهايه الشهر واحنه مامنطين خبر العمامها
جراح .اصور هو عم واحد عدها وساكن بغداد ماهو بمحافظه ثانيه تكدرين في اي لحظه ترحين وتعزمي عندج ١٥ يوم تكدرين تبلغين بي العراق كله من جنوبه الشماله وانه كتلج جهاز العروسه كاضي وجاهز كله بس هي تدوس غرفتها
هذا العندي
يله امشينه ايوب
اوكف شنو امشي ايوب شنو انت مشتري بقره لو جاموسه وتفقت وهاهيه خلصت المشتره
اكلج انه عايف حالي ومالي بيد العمام يادوب الحك ارجع للبصره لا دوخين راسنه
اودعناكم
مع السلامه اوليدي
يوم شنو هاي شيحجون هذوله 😦😦😦😦 شنو عرسي نهايه الشهر اني ممجهزه شي يا امي
حبيبتي ماسمعتي جراح يكلج امه الحجيه مجهزه كلشي
لا بس ميصير هذا عرسي يعني لازم اني اختار مو همه
امي حبيبتي هي ليله وراح تنكضي وتنسي
لا يوم هذا عرس شلون ينسي
زين وين يصير عرسي اني اريد ابغداد ماروح اهناك ويزفوني وكمت ابجي ع حضي
😭😭😭😭😭😭😭😭😭
ماريد هيج زواج شفهمت من خطوبتي شفهمت من ايوب كل خطوبتي صارت ثلاث شهور
فتره حيل قصيره وما شفت بيها ايوب بس مرتين او ثلاثه وما اعرفت عنه شي
لا والنوب جاي ويه اخوه وظال ساكت حلكه مافتحه ولا حجه هاي شلون اذا صرت زوجته بعيطه يسكته وبعيطه يحجي
ماريد ماما هذا الزواج ماريد فدوه رحتلج خلي نروح ع ابو علاء ونكله نفركش هالزواج ماريد
اسكتي ماما اسكتي تفركش الزواج مو هو لعب جهال زوجوني طلكوني
الناس كامله وجاهزه وماحجوا شي غلط
شوفي الوضع وانتي ادورين عرس وما عرس
اني ماردت ازوج انتي جبرتيني
ع اكو ارهابيه يخطفوج ويذبحوج ويأذوج
مو هذا كان كلامج لو نسيتي
اي صحيح مجاي تسمعين الاخبار يوميه خاطفين مجموعه ومعذبين مجموعه
وانتي ابوج الله يرحمه جان ضابط عسكري يعني صيده ممتازه الهم
هاهيه عرسج نهايه الشهر خوما تردين خطوبه سنه اطول
همه هم زلم وارهم شغل وعمل وشيوخ مو يوميه تعال ايوب ارجع ايوب
دخلت الغرفتي واني بس ابجي ع حضي ونصيبي عود ليش بس اني هيج زواجي ركض بركض ليش هيج قسمتي اسويت بحياتي اني
جتلي امي ..ماما عليش تبجين انتي اول وتالي تزوجين اذا مو اليوم باجر
ان شالله باجر اروح ع ابو مكتب وتصل ع اختج من هذا الاسمه ثريا وبلغها تجي قبل العرس بسبوع
اي ماما فدوه حيل محتاجه رفيف هسه لان داحس نفسي صرت وحيده
حضنتني وكامت تبجي عليه واني ايضا بجيت
ونمت بغرفه ماما اني كنت حيل نايمه بحضنها واحمد وره ظهرها بس مجالي نوم ظليت افكر شلون راح اعيش اهناك وشلون راح ادبرها خايفه من هالزواج شجاني ورضيت بيهم التوتر والقلق مخلوني انام اله وجه الصبح
الفجر كمت صليت صلاه الفجر والاستخاره وبعدها كمت قريت قرأن نويت اختمه خلال اسبوع ع بركه الله
صحيت ساعه ١١ الصبح امي بعدها مراجعه من المدرسه كمت حضرت الي ريوك تريكت وبديت احضر الغده امي لازكه ورقه عالثلاجه
ماماتي من تصحين سوينه غده باميه وتمن والحم اني سالكته من البارحه كبل طبخي
وبديت اقلم الباميه وندك بابنه صحت من الشباك منو
ردت اني رشا
رحت فتحت الباب الها
بوستني
ولج هاي اشوكت جيتي
البارحه ويه ولد عمي بس بسيارتنه اني وقاسم بس مكدرت امرلج لان تعرفين اهلي كوه فكوني عاد هسه صارلي مجال وجيتج
هله بيج ياعمري وفتنه جوه
شدسوين
احضر الغده تعاي ساعديني
ساعدتني بالباميه
اكلج صدك راح تزوجين نهايه الشهر
اي والله هذا حكم ابن عمج جراح يكول مانكدر نظل يوميه رايحين رادين بغداد
تره رهف صدك كلامه
همه اصحاب شغل وعلوه سمج وفاكهه وتعرفين الشغل ينعاف يوم واحد يخرب
بس كون الله يسهلج ويتمم ع خير
شوووفي اني كلولي اكلج لازم قبل العرس بيوم او يومين انتي اتكونين بالبصره
لان والله تتعبين الطريق يدمرج وانتي لابسه البدله
خليها مناك افضل عالاقل لاتعب ولا شي
اني هم جنت مفكره هيج لان بدله ثكيله
ومتعبه بس والله ما اعرف لازم اخذ شور امي
اي اكيد بس انتي قنعيها تره يصير بيج مثلي اني طاح حظي والنبي
اكلج رشا انتي بالبصره بيتج قريب عليه لو لا
لا والله مسافه سياره بينه
حرامات عالاقل انتي اعرفج وصديقتي المقربه
والله ماعرف شلون راح ادبرها وياهم
ليش انتي مو تعرفيهم عشتي شهر يمهم
صح رشا بس كنت خطار محد يحاجيني ولا ينطلب مني شي هسه الوضع راح يتغير
ادخللهم جنه
لاعادي مره عمي والبنات طيبات حتى الولد فقره بس بيهم جراح القوي والكل تمشي بحجايته
لان هو الجبير ما عمي وكلشي يكوله جراح عمي وافق وعمامي كلهم
الله يسهلها ان شالله
طبخت المرك والتمن واني ورشا جاي نسولف ونضحك ونذكر دراستنه
وجتي امي
الله يساعدهم ...هله يمه ..هله خاله
شلونج رشاوي ...زينه خاله بشوفتج
رهوفه خابرت رفيف وكتلها خطيه طارت من الفرح وكالت فد يوم يومين وتجي لان طه لازم ياخذ اجازه من شغله
اي ماما زين سويتي
يله امي صبي غده ميته جوع
صار ماما
اوك اني اترخص
هاي وين خل نتغده سوه
لا اشكرج حبي غيره مره ان شالله اودعناكم
وصلتها للباب ورجعت صبيت وتغدينه
وصار حجي بيني وبين امي وكتلها ما اطلع بالبدله لان اتعب هي وافقت ومكالت شي
وعده الايام وجتي رفيف يمنه هي وزوجها واطفالها
طلعنه اني وياها اشترينه شغلات هي اشترت ملابس للاطفال وفستان الها وماما ايضا اخذت بنطرون عليه صايه طويله كلش حلو
اني اتحدد عرسي يوم الاثنين
طبعا كتلها الامي بأن يجون قبل كم يوم من عرسي وهناك انسوي العرس
بس هي مقبلت تكول فرحه الاهل من تطلع بتهم من بيتهم كدام الناس والجوارين
مكدرت اعترض امي بعد
لان خطيه تريد تفرح بيه وشوفني عروسه طالعه من بيتها
طبعا اني ما سويت حنه لان جارنه يبعد عن بيتنه بخمس بيوت خطيه ابنه مخطوف ومحد يعرف وين اراضي
ف احترام الهم ماسويت حنه حق الجوره عالجوره
يوم السبت اجه ايوب من الصبح وياه اخوه رضا واثنين من ولد عمامه ونسوانهم
اني حجزت يم ام صالون كتلها اجيج ساعه ٨ الصبح لان وراي طريق جدا طويل
هي وافقت
وطلعت مو اني ابد شنو من نزاكه بالمكياج والتسريحه
ساعه عشره اجانه طه ورجعنه للبيت
بالعشره ونص جتي المزيقه ودكت يم الباب الناس طلعت وفرحانه وتهلهل
سيارتي عاليه بيضه اجنن شكلها وبارده
عمي وعالته جوي وعماتي كذلك بس مقبلوا يمشون ويانه للبصره لان طريق طويل وعماتي تخاف من الطريق
كام عمي سلمني الايوب وكله
رهف وحده من بناتي وهي عيني واني سلمتك عيني اريدك تراعيها
ايوب باس راس عمي وكله ان شالله اتعيش ويايه بالجنه وراح تسمع الاخبار الطيبه عني وعنها
وبعدها انطلقنه ساعه دعش احنه اربع سيارات
سياره العريس
واهلي
وعمامه الاثنين الايوب وبيت ابو علاء
وصلنه للبصره ساعه ٩ بالليل ميته تعب البدله شلت حالي شل والتسريحه بثكل اسليمه فوك راسي
وكل اشويه طالع كدامه رتل امريكان بحيث كضيت كضي
وصلنه منطقتهم انفتحت باب البيت فتحها الحارس
دخلنه شو هدوء ماكو شي لاحفله ولا شي
رفيف .يوم لعد مو كالوا حفله وطنه ورنه وناس شو كلشي ماكو معقوله صارت ونتهت بدون العرسان
والله يا امي ما اعرف هسه ننزل ونفهم شنو الموضوع
ايوب ..انت مو كتلي حفله وناس شو هدوء
خل ننزل بالاول وكلشي تعرفين
وصلنه اكبال باب البيت شفنه ابوه وعمامه واخوه جراح واكفين
نزلنه وستقبلونه احر استقبال
عاد ابو ايوب حجه وكال الامي والزوج اختي
يابه عذرونه احنه ماكنالكم بس ماردنه نكسر بخاطر ام رهف
وخلينه يصير عرس اكبال بيتها وبحضور جيرانها واهلها
صح هالكلام يا ام رهف
صح حجيك حجي
ماقصرتوا ابد اشهد ما بلاه
اي يا اختي تعرفين احنه عشاير وشيوخ وما يرهم عرسنه يكون هيج هالتشوفين ابيش اجيتي من بغداد شكم الساعه عندج
والله ياحجي ساعه ٩ ونص
شفتي يعني ماتسوه نسوي عرس والعرايس ماحاضرين صح كلامي
صحيح
ف انه واختي وجراح قررنه صح نجيب البت بزفه من بغداد بس عرسها الصدك يكون بعدباجر بأذن الله
ليش هالتكلفه ياحجي
لا اختي ماكو تكلفه انتم ردتم عرس من بيتج يطلع وهذا حقج
واحنه نريد نفرح ابعرس ولدنه وكدام العمام والخوال
والله ياحجي التشوفه سوي
ان شالله ع خيره الله بعد الباجر يكون عرسهم
رهف ..هاي شنو ايوب همست بذنه ليش ماكتلي جان مالبست هالبدله وتعبت تعرف هسه اني شصاير بيه من التعب
ايوب ..حبيبتي كبل دخلي للحمام سبحي ابمي دافي راح ترتاحين وتامين يابعد كل عمري وطوايفي
دخلنه جوه النسوان رحبن بينه هي امهم والجده مالتهم
فتحولنه الاستقبال سونه عشه معتبر
صدك يفتح النفس وبعدها فرشولنه جميع بس احمد وطه غير مكان
اني فتت سبحت مي حار ع دافي رخيت اعظامي وطلعت سشورت لان خفت من بروده
التبريد لا اتمرضني
وبعدها نمت من التعب بس خليت راسي عالمخده غفيت ونتهيت بس ما نمت بغرفتي نمت ابغرفه الجده
طبعا من وصلنه لا افتريت بالبيت ولا اعرف شنو متغير بي او لا
اهم شي عندي الزم المخده
كعدوني كوه ارفع راسي شفت زينب ورقيه ورشا والبنات فوك راسي
هاي الي اجر البطانيه وهاي التكومني وهاي التعيط
مثل المخبوصه
هاي شبيكم يمعودين شكو
زينب .يمعوده هو شنو الشكو غير تكومين تتريكين حتى نبلش عرس
صاحتلي مره منهم
خاله تعالي يردون يذبحون خل يذبحون كدام رجلج
حتى تكون عتبه خير عليج وعليهم
طبعا اني اخاف ما اتحمل اشوف الدم او شي ينذبح كدامي حتى ما اكله الينذبح لا دجاج ولا طلي تكش نفسي منه
كومني البنات حتى ماغسلت طلعت لطرمه مالتهم جايبين ثلاث طليان
كوه وكفت
هو اول طلي ذبحه واني عطت عبالك اني ذبحوني
لا والاضرب طفر دمه ع رجلي والدم حار ردت اتقيىء اله اشويه
امي اخذتني من بينهم ودخلتني جوه
غسلت وجهي شافتني صرت صفره
طلبت من رباب عصير
شربته كوه
رباب .خايبه دهر اشمالج كشيتي جنج كرشه من نحطها بالماي الحار كبل تلم روحه
رهف ..يعني شنو مفهمت كلامج
ليش انتي ماتنظفين الباجه
يا باجه غير معناها ينقلوني طوارىء كبل اخرب
خاب دطيري ..هو اكو احلى من تنظيفها وطبخها يولي طعمها ولا تكولين سمج لا والله حتى اطيب
ويييع راح ازوع عابت
دطيري لا اجي اطيرج بصبعي دلع بنوات
هههههه لعد انتي شنو مو ابنيه يعني
لا داده اني ابنيه بعشر زلم
اي والنعم منج جنج اخوج جراح هههههههه
وخلص اليوم ابساع ابساع وما شفت واحد من الولد بيت بس بنات
ثاني يوم طلعنه لصالون وطلعت اجنن مكياج وتسريحه خليجي يعني احلى من مكياج قبل البارحه بس الصدك تعبت من البدله لان احسها حيل ثكيله ع جسمي
رجعنه للبيت ساعه تلاثه وجانوا ينصبون الكراسي
ومكان لديجي مثل المسرح والدنيا كلها مكلوبه ابيتهم
اني كاعده بالهول مالتهم تعبت بس اريد استرخي كوه لازمه نفسي
انتبهت عليه وحده من نسوانهم وحجت
يولي البنيه داخت خل تفوت الغرفتها الحفله ماتبدي اله ساعه خمسه خوما تضل هيج
كامت زينب وهي ساعه تهلهل وساعه تكول اهازيج وساعه تركص
اخذتني من يدي
كومي رهف خل ادخلج غرفه امي تره راح تتعبين
كمت وياها والكل هلهل وعاط
مشيت دخلت غرفه عمتي كعدت عالجربايه
زينب خلت وره ظهري مخاد انتجيت عليها وغمضت عيوني
وهناك انفتح الباب باوعت طفل يطلع عمره بالست اسنسن او اكثر
تقرب الي وكلي انتي شكد حلوه اريد ازوجج بدل اخوي
اني استغربت واصلا نصدمت
😳😳😳😳😳😳😳😳😳😳😳😳😳 شنو اخوي منو هذا
ومنو اخوه خاف راح ازوج رجال ثاني مو ايوب
سحبته الي سئلته منو اخوك
رد عليه انتي مو عروسه اخويه
منو اخوك شسمه
هاي اشبيج وجعتي يدي
اسفه بس كلي منو اخوك شسمه
كمت ع حيلي من الخوف كمت احس برجلي حتى كوه واكفه
ردت اطلع
والولد كال اني اخويه اسمه ايوب
رجعت كعدت عالسرير
اخوك ايوب ....؟😮😮😮😮
اي هو اخويه من زمان من اجيت لدنيا هو اخويه
يعني انت امك اسمها فائزه
لا لا لا امي اسمها فطم
يعني قصدك فاطمه ..لا هي فطم يصوحولها
وامي فائزه هاي امي الثانيه
هاااااا افهمت يعني ابو جراح مزوج اثنين نسوان
لا مو اثنين
لعد اشكد مزوج .تلاثه نسوان عنده
شنو 🤭🤭🤭 شدعوه
اي اني عندي تلث امهات وعندي عشر خوان وخوات
لعد شو اني ما شفتهم
دخلت زينب شافت الطفل يمي كاعد وحاط البدله ع حضنه
صاحت عليه .انتي شجاي تسودن اهنا ليش مو وي الجهال طالع
زينب اني احب العروسه اريد ازوجها
دنجب وسكت لايسمعك واحد ويضربك يله امشي من هين
اي اي طالع بس لا تعيطين
زينب منو هذا الطفل ..
.يمعوده هاذ اخوي حمد
بس اني مشايفته
صح ماجان موجود عدنه ابوكت الحرب ابوي طلعهم للكويت يم خوالهم بقوا شهرين وردو
بس هو يكول عندي ثلاث امهات
اي صح ابوي جان مزوج امي خلف منها اربع اطفال وزوج فطم بعد شيبي بحجه الحب
مو ابوي رجع مراهق وحبله وحده لان هي بيضه وامي سمره وخلف منها ثلاث اطفال حمد ومحسن ويسر
والنوب اجانه ابفلم جديد فك كضيه القاضي راد ينعدم وهو قاضي
كام وهداله بنته بكد كصتنه انه وانتي وصارلها سنه من تزوجها وهي هسه حامل راح ادحكيها وتفزين من شكلها
ليش محلوه
لا حلوه بس هالكد مابيضه شكلها جنه شبح كارتون كاسبر تذكري
اي اذكره
اكلج ارتاحي ومن يجون اخوتي اجي عليج واخذج
اي ان شالله بس فدوه زينب اريد اكلاص مي ريكي نشف حيل
صار ثواني ودزلج المي
واني كاعده وسمعت صوت زلم بس عبالك جاي يتعاركون
كمت لشباك اشوف شكو
