رواية بديلة اختي الفصل الثاني عشر 12 بقلم خاتون الكعبي

تذكير

تقى بتسائل : شرط شنو

مسلم : بعدين اكلج شنو الشرط وهسة كليلي موافقة لو لا 

تقى بتردد : اي موافقة 

مسلم : هاهية لعد ارجعي الغرفتج ومن اليوم اعتبري سالفة زواج ابوج انسدت

تقى بشك : اكيد 

مسلم : باوعتلهة صفح ورجعت عيني علة الأبتوب

تقى : كلبت عيوني بملل وطلعت من غرفتة المهم حيخلصني من سالفة زواج ابوي بس معرف ليش كلبي ممطمن الهل شرط الحطى ان شألله خير كلت هيج واني ادخل الغرفتي و.......

_______________

مرسلين

رهام : ولله بعد معرف بس هاية تعتبر عيبة عدنة بديرة

مرسلين برود : عزيزتي اتوقع هذة الشي خاص بينة ومو اي واحد يكدر يدخل بي ويحجي من كيفة صح

رهام بستفزاز : اكيد حياتي بس حنه عدنة بديرتنة الكلشي الة أصول يعني انه انخطب الواحد جان خاطب اختي ميصير يا عمري يعني بشرفج مشمئزت روحج وانتي تعرفين انو جان بحسبت زوج اختج ونسيبج 

مرسلين برود : تحبي 

رهام : شنو 

مرسلين : الشاهين تحبي 

رهام بعصبية : شهل حجي شنهو احبه مو عيب 

الحجية ام مالك : ايمان ( ام مرسلين ) خلي بتج تكظب السانهة وتتأدب 

مرسلين : هههه عفواً منج حجية بس طريقة كلام حفيدتج توحي انو هية تحبة او معجبة بي واني مجبت هذة الكلام من عندي والحمد لله متأدبة زين و. قاطعتني بيبيتي وهية تكول

بيبية مرسلين بحدة : مرسلين كااافي اسكتي ودارت علة رهام وكال اعذرينة حبوبة بعدهي طفلة وما تعرف اتثمن حجيهة 

رهام ببتسامة : لا عادي جده قابل ازعل منهة اعرفهة بعدهي فرخة وما تقصد مو مرسلين 

مرسلين : ردت اردهة بس حصلتلي خزرة معدلة من امي فسكتت وهزيتلهة راسي بمعنة اي الحقيرة اشون تحجي فرخة بعينج بس حقج اشوفيني فرخة غير انتي بكد بيبيتي كلت هيج واني اباوعلهة تبتسملي بخبث وتحرك بساورهة ادري شنو مشايفة ذهب لابستلي تخم كامل وتحركلي بيهن اتوقع عود تقهرني او تغيظني ما تدري اني اصلاً اكره الذهب وما اطيقة وراهة كامت هية والبنات فرشن السفرة وبداً يصبن الغدة بس معرف يمكن عدهة مشكلة بأسمهة او تكرهة اشو كل ما صاحتلهة وحدة من اخواتهة تكلهة شيخة اباوع علة نسوان عمامي يباوعلهة ويتبسبسن وهية تتبسملهن ورة مكملو نقل الأكل اجت ام رهام الي انصدمت لمن كلولي هاي امهة جانت مختلفة جذرين عن بتهة يعني هية بصفحة وبتهة بصفحة ثانية تماماً مبينة حبابة وهادية وكومت الكل علة الغدة اباوع علة بيبيتي شكلت وية بيبيتهم ودكنهة اسوالف وكعدنة نتغدة بس مطلع علية غدة اشو كل ما ارفع راسي اشوف الي اسمهة رهام مخنزرة بوجهي هية وبنات عمهة مدري اخواتهة عبالك بايكة رجلهن وبألف يا ويلاه يلة خلصت الغدة وكمت غسلت وسئلت ابنية عن مكان ارتاح بي لأن شبه طفيت من النعس والتعب واخذت جنطتي ودلتني علة غرفة فوك صغيرة ومرتبة اني وبت عمتي اوتار نشارك بيهة اشكرت منهة واول مطلعت سديت الباب ورحت سبحت وصليت وبوجهي ع النوم ما كعدت الحد ما حسيت بأوتار تهز بجتفي وتكول 

اوتار بصوت ناصي : مرسلين مرسلين اكعدي حيأذن اذان المغرب وانتي بعدج نايمة 

مرسلين بنعاس : فددوة عوفيني والله نعسانة 

اوتار : لج امج كامت تحجي وحتة بيبي ميصلح تنامين هسة 

مرسلين : اووف كايمة كايمة كلت هيج واني افرك عيوني بنعاس واكول 

مرسلين : اكولج 

اوتار ببتسامة علة شكل مرسلين : كولي 

مرسلين : مرتاحيت البناتهم 

اوتار : ولا اني ارتاحيتلهن حسيتهن مغرورات اكثر من الازم وكل ساعة ومحركتلي وحدة منهن اسواراتهة كدامي اليكول مشايفين ذهب 

مرسلين : ههههه حتة انتي انتبهتيلهن لج ينرفزن 

اوتار : هههه دعوفج منهن احنة جايين اشكم يوم نتونس ونرجع البيتنة ولا تهتميلهن 

مرسلين : وهوة هيج 

اوتار : يلة لعد حنزل جوة مو تتأخرين 

مرسلين : لا بس ابدل ونزل 

اوتار : اوكي منتظرتج 

مرسلين : ابتسمتلهة وكمت طلعت اتراك طويل لون احمر فاتح وبي شريط اسود من الجانب لبستة ولبست ويا شال اسود واتصلت بتقى حجيت وياهة اشوية وسديتة ونزلت جوة شفت النسوان كولهن كاعدات بصالة سلمت عليهن وسئلت علة البنات كاللي بالمطبخ ديحضرن بالعشة هزيت راسي ورحت وراهن للمطبخ دخلت وشفت كل وحدة منهن لازمتلهة جهة وتتبسبس هية والبصفهة ابتسمت بسخرية ورحت كعدت يم اوتار وبديت اكصص وياهة دقايق ودخل زلمة جبير تقريبن يجي عمرة بعمر شاهين وشاهين ورة ومحمد اباوع علة هدى ابتسمت وكامت سلمت علي سئلت اوتار عنة وكالتلي انو هوة العريس يعني ايصير ابن عم بابة وكامت اوتار سلمت علي واني وراهة بس اشو هذة طكاهة بضحكة اول مكتلة اشلونك عمو وربي فشلني الحقير وما سكت الحد ما شاهين دك علة ظهرة بقوة واشرلة بعيونة بشي مفتهمتة وهذة زاد بضحك منقص اباوع علة رهام متجية علة الكاونتر وتبتسملي بشماتة ومنة هذة يضحك علية فعلاً تنرفزت منهم وكلت 

مرسلين بعصبية مكتومة : عفواً منك عمو بس ما اتوقع كلت شي يضحك حتة كمت تضحك بهل طريقة 

جواد : ههههه لا يبعد عمج ما كلتي بس ترة انه بكد رجلج وانتي تكليلي عمو 

مرسلين : اعرف بكدة بس احتراماً الك كلت عمو وذا تريدني اصيحلك بأسمك فعادي مبيهة شي 

جواد : ههههه لا بوية بقينة علة عمو احسلنة 

مرسلين : اباوعلة كال هيج ومدري شهمس بأذن شاهين خلا يبتسم برود ويباوعلي بطرف عينة مهتميت الهم ورجعت كملت تكسيم ورة مخلصنة العشة صبينة قسم للزلم وقسم للنسوان وكعدنة نتعشة والنسوان يسولفن كملنة العشة وشالن البنات المواعين وبداً يغسلنهن واني واوتار انصب بجاي صبت هية للزلم واني للنسوان وسئلت امي اشوكت العرس مالتهم كالتلي باجر الحنة وعكبة العرس تأففت بنزعاج وضليت كاعدة يمهن الحد مصارت بالعشرة يلة اترخصت منهن وصعدت فوك شمرت شالي علة الجرباية وكعدت اشوي ودخلت اوتار باوعتلهة وكلت 

مرسلين : لازم هم مليتي 

اوتار : اي والله كعدتهن بس غيبة ونميمة 

مرسلين : هههه مبقن واحد محجن علي 

اوتار : هههه لا انوب امهم تحجي واصيح مالنة دخل بالعالم

مرسلين : هههه سمعتة وصدوك يول 

اوتار : همم 

مرسلين : ضايجة 

اوتار : هههه حتة اني 

مرسلين : اشرئيج انسولف 

اوتار : يلة صارلنة اهواي ممسولفين اني وياج 

مرسلين : تصحيح حياتي اني وياج اصلاً مجنة انسولف ودائماً انتي جنتي تجنبين تحجين وياي وبصراحة مجنت الكة مبرر التصرفج هذة

اوتار : عادي منحجي بهذة الموضوع ونسدة وهسة اني كدامج خل نسولف ونحجي براحتنة بس بدون منطرق للماضي 

مرسلين : هههه اوكي براحتج 

اوتار : وهسة شنو تردين تعرفين عني اسئلي واني اجاوبج

مرسلين : طيب ليش اختاريتي طب تحليلات 

اوتار : ههه معرف بس هذة القسم جنت احبة من البداية وخططنة اني وصديقتي فجر ندخلة من ايام المتوسطة 

مرسلين : هههه اوكي زين ايكولون الجامعة مليانة اصكوكة معقولة محبيتي واحد بيوم او اعجبتي بي 

اوتار : ههه حبيت بس مو من الجامعة 

مرسلين بمكر: محمد صح نهت كلامهة وهية تغمزلهة 

اوتار : ههههه ومدام انج تعرفين محمد فليش اسئلين 

مرسلين : هههه لا والله معرف بس جنت شاكة وردت اتأكد منج وزين هوة يحبج يعني ايبادلج نفس المشاعر 

اوتار : ههههه لا واكثر من مرة كلي انو مستحيل ايحبني بيوم او يبادلني نفس المشاعر 

مرسلين بتسائل : لعد ليش بعدج تحبي 

اوتار بقهر : هههه كلبي الغبي بعد حبة وتعلق بي ومستحيل بيوم اكدر انسه حبة 

مرسلين : سالفتج صعبة 

اوتار : هههه عوفج مني هسة وكليلي وانتي هم حبيتي بيوم واحد او اعجبتي بي بشخصيتة 

مرسلين : ههه لا والله اني بعيدة كول البعد عن هل سوالف حاطة كول تركيزي وفكري بمتسقبلي ودراستي وبس 

اوتار : احسلج لا حب ولا وجع كلب 

مرسلين : هههه احس كعدتنة انكلبت كعدة درامية 

اوتار : ههههه اي عوزنة بس ملاية تجي وتلطم علة حالنة 

مرسلين : هههه حتة تكمل السبحة وصدوك اكولج مدام بعد وكت اشرئيج اروح للشط الكبالهم بنفسي اشوفة عن قرب الله عليج خل اروح 

اوتار : والله حتة اني اريد اروحلة واول مأجيت وشفتة كبال بستانهم وربي ردت انزل من السيارة بس اشون خاف ميقبلون هسة نطلع 

مرسلين : لجج حصير بثنعش اكيد كلهم نامو اروح بس كوت ونرجع بسرعة 

اوتار : اوكي لعد بس البس بشت او صاية فوك ملابسي وروح انتظريني 

مرسلين : اكولج كملي وسبقيني لشط واني حروح اشوف هدى بلكي تروح ويانة وذا مقبلت اجيب نونة واجي 

اوتار : ماشي بس مو تتأخرن علية 

مرسلين : لا منتأخر بسرعة نجيج

اوتار : اوكي لعد اتفقنة كلت هيج ورحت طلعت بشت لبستة فوك تراكي وشديت احزامة واخذت شالي لفيتة اشون ما كان وطلعت علة كيف نزلت جوة والحمد لله كلهم نايمين رحت فتحت باب الصالة علة كيف وطلعت علة البستان قربت علي وضليت منتظرة مرسلين بس اشو هاي اتأخرت بقيت منتظرتهة الحد ما مليت وايست منهة وقربت علة الشط جانت اكو مثل الدجة او ابلوكة اكبال الشط كعدت عليهة وتنهدت براحة واني اشوف منظر الشط جان فعلاً ايجنن وصوت الهدوء عام بالمكان صفنت علي وابتسمت ولا ارادين كمت ادندن بغنية من زغري ومراهقتي حافظتهة وكل ما اضوج او اختنك من الدنيا جنت اغنيهة احسهة تمثل حالتي او تلامسني باوعت علة الشط وغمضت عيوني ورجعت مرة ثانيةاغنيهة بصوت اعلة وكول 

شفت العالم بهل دنيا جاي تعود 

بس انت يا بويه ما تريد تعود 

خلي المكبره ورجع البيتك هاذ 

صعبه الدار اذا ما بيه ابو والله 

وين يابة ردلي ورجع الضحكات

وينك بويه والله بنتك م.. مكدريت اكملهة واني احس مثل الغصة صارت ابلعومي مسحت ادموعي الي نزلاً من غير حتة ما احس بيهن واول مكمت وردت ارجع شفت رجال ضخم واكف ومتجي ظهرة علة الشجرة خفت من هيأتة بس مبينت واول مردت امشي كال 

: ليش سكتي 

اوتار بخوف وصوت مبحوح : عفواً بس منو حضرتك 

: واحد من خلك الله بس ما كلتيلي ليش سكتي 

اوتار : اخي اتوقع هل شي ميخصك 

بهدؤ : ابوج ميت 

اوتار : اباوعلة يحجي بطريقة غريبة حسيتة مثل المنكسر او مخنوك هزيتلة راسي بمعنة اي ودنكت 

: هههه اني همين امي وابوي ميتين 

اوتار بقهر : الله يرحمهم 

: ويرحم موتاج وهسة عادي ترجعين تغنين صوتج حلو 

اوتار بتوتر : بس اشون خاف ايشوفونة وعبالهم اعرفك لو... قاطع كلامي وهوة يكول 

: لا تخافين كلهم نايمين 

اوتار بتردد : ماشي لعد كلت هيج واني ارجع المكاني وباوعلة بخوف علة توتر ورجعت درت علة الشط وغمضت عيوني وغنيت اول اغنية اجت علة بالي وكلت 

بويه ليش الوادم تكلي يتيمه 

شنهو معنات اليتم واني بهظيمه 

شكد صحيت احااهـ

عمري ما انساااهـ

انته مو كون الحبل لازم يميني 

خلي نفرض بالكلام 

انته ميت مو عدل 

بس اشوفك بكل مكااان 

نهيت الغنية واني امسح اخر دمعة نزلت علة خدي وباوعت علة هذة الزلمة صافن علة الشط وساكت ابتسمت بوجهة وكلت 

اوتار بعيون مدمعة : ها عجبتك 

: هه اي حيلل 

اوتار : ابتسمت بوجهة وكمت نكتت التراب عني واول مدرت ظهري سمتعة يكول 

: هم تشتاقيلة 

اوتار : هههه جنت 

: زين كدرتي تنسي 

اوتار : نسيتة او بالصح حاولت اتناساه

: كسرج فركا 

اوتار : هههه حطمني بس اني اكلك بس اول ايام وبعدين تنجبر تتحمل وتسكت 

: اشوكت توفة 

اوتار : حيلل من زمان من واني طفلة وانته

: ابوية قبل لا اجي علة هل دنية هوة منطيج عمرة وامي لحكتة بولادتي نحس مو هههه 

اوتار : لا هذة يومهم وراحو الدار حقهم وما يجوز تحجي هيج وهسة يلة اترخص 

: مرخوصة يابة واسف خاف ازعجتج بهل ليل

اوتار : لا ولو خوية عادي تدلل كلت هيج ودرت ظهري واول مردت اعبر شفت محمد بوجهي اباوعلة عيونة تجدح نار وعروك ايدة وكصتة ناطات من العصبية معرف ليش بس خفت من شكلة ونظراتة بلعت ريكي بخوف واول مردت احجي قاطعني وكال هوة مصوب نظراتة علة الولد

محمد بحدة :...........

____________

مرسلين 

رحت الأختي هدى دكيت عليهة الباب ودخلت شفتهة كاعدة تبرد اضافرهة والجهال نايمين وخرت اسماعات من اذنهة اول مشافتني وكالت 

هدى : بعدج منايمة 

مرسلين : لا مجأني نوم وحنروح اني واوتار انشوف اشط اشرئيج تجين ويانة 

هدى : لا مبية حيل واريد انام 

مرسلين : اوكي براحتج لعد يلة حروح تصبحين ع خير 

هدى : اجمعين 

مرسلين : ابتسمتلهة ورحت بست خد نونة وسامر وطلعت من الغرفة ورحت لبست صايتي علة السريع ونزلت جوة واني امشي علة اطراف اصابعي خاف واحد يكعد وتخرب اطلعة والف الحمد لله جان الكل بسابع نومة فتحت باب البيت علة كيف ورحت بتجاه الشط واول مردت ادخل بالبستان اجاني صوت شاهين يرعد من وراي خلاني اكمز من مكاني من الخوف درت ظهري علي وباوعتلة وكلت 

مرسلين بخوف : عود صدوك تحجي اكو واحد يعيط بهل طريقة وربي خوفتني 

شاهين : وين امولية بنص الليل 

مرسلين : رايحة للشط 

شاهين بحدة : وهسة وكت شط رجعي للبيت وعود الصبح اني اجيبج اشوفي 

مرسلين : لا فدوة اريد اشوفة واوتار طلعت قبلي من زمان وهسة اكيد منتظرتني 

شاهين : وشعدجن طالعات بنص الليل ما تكدرن تنتظرن للصبح 

مرسلين : باجر الحنة واكيد الزلم حتترس الشارع ومنكدر نطلع اباوعلة كام يتأفف وكال 

شاهين برود : ماشي بس اقل من ربع ساعة وترجعن مفهوم 

مرسلين بفرح : اي والله اصلاً قبل متخلص اربع ساعة نرجع 

شاهين : اباوعلهة راحت تركض داخل البستان صحت عليهة وكلت 

شاهين بعصبية : لجج ثولة وين امولية منا 

مرسلين : غير رايحة للشط 

شاهين : وشعدج داخلة من البستان بهل لليل اكو درج من ذيج الجهة علة الحافة مال شط 

مرسلين بستغراب: يا بس اني واوتار اتفقنة نلتقي من جهة البستان 

شاهين برود : اكيد هية شافت الدرج ومرت منة لأن البستان نصة اظلم وما اتوقع تكدر تمر منة 

مرسلين : هزيت راسي وباوعت علة الجهة البيهة الدرج ظلمة وتخوف رجعت باوعت علي وكلت 

مرسلين بحراج : احمم عادي تروح وياي توصلني 

شاهين وهوة رافع حاجبة : وليش انتي متروحين 

مرسلين بحراج : مو شسمة ظلمة اباوعلة ابتسم بس خفة ابتسامتة وكام يمشي واني وراه نزلنة من الدرج وصرنة اكبال الشط اباوع منة منة اوتار ماكو وربي الة اشوية وابجي اباوع علة شاهين باوعلي ورفع تك حاجب وكال 

شاهين : ها وينهة 

مرسلين : معرف بس يمكن دخلت من جهة البستان 

شاهين : شيدخلهة بهل ليل للبستان يمكن ملت من الأنتظار وراحت 

مرسلين : برطمت بزعل وباوعت علة الشط وكلت 

مرسلين : زين خل نبقة اشوية وبعدين نرجع فددوة 

شاهين بملل : خمس دقايق ونرجع 

مرسلين بفرح : اي شكررراً كلت هيج وكعدت كدام الشخط اباوع علة شاهين طلع جكايرة وكام ايدخن رجعت عيوني علة الشط وكلت ببتسامة 

مرسلين : عادي اسئلك سؤال

شاهين برود : جواب 

مرسلين : عمرك فكرت تكرهني من بعد السوتة اختي

شاهين : لا ليش 

مرسلين : ههه هيج مجرد سؤال طيب سؤال ثاني ندمت 

شاهين :علة شنو 

مرسلين : علة حبك الهدى 

شاهين برود : لا

مرسلين : اباوعلة سكت اشوية ونفخ دخان الجكاير ورجع كال 

شاهين : مندمت لأن حبيتهة بس ندمت علة الاهتمام والحب الطيتهة يا شفتهة ما تستاهل ولا شي من هذة السويتة علة مودهة 

مرسلين: زين اذا حصلتلك الفرصة انك ترجعلهة مرة ثانية حتوافق 

شاهين : لا 

مرسلين : حركت عيوني مستغربة من كلامة وباوعت بوجهة وكلت 

مرسلين بحماس : زين هسة انته اسئلني 

شاهين : ليش ردتي اطلكج 

مرسلين :...........

الفصل الثالث عشر من هنا