رواية دمار ضالم الفصل الثاني عشر بقلم ام علوش
مَصدوم صَح بروحتك
بس الوجع هَمّ نعمة
مَرّات لو راح النَبض
يحتاج گَلبك صَدمة
خلصت وشلون خلصت... هاله اعترفت تبوك من زمان وهي طفله هي ورغد وبيبي كل مره تستر لانه هي نفسها جانت تاخذ من حلال جدي للاهلها ووللاعمال.. الشيطانيه.. كشفت اوراقهن ام شمخي.. من اتصل عليها ابوي اجت ام شمخي وانصدمت من منظرهن.. وعرفت هدل ستار المسرحيه وكشفت الحقيقه وهي اعترفت على سوالف بيبي واسحارهن واعمالهن... شلون منهول وانفتح وطلعت الريحه والصراصير هنه هيج تشبيه؟. فقط صابرين تختلف عنهن ومبتعده منهن.. ام شمخي طلعت المخفي اعمال ام هاشم وبناته وشلون رغد من ايام المتوسطه تبوك وتنطي للصحبها.. وهاله شلون تبوك وتصرف على اللوكيات.. وبعدين تزوجت امجد.. هم كم مره امها تلكفها.. تبوك وسترت... اذن ليس احتياج هو مرض وشاره....اموركم زينه مصرف شخصي مدللات ولجن ليش ما اشوف ابوي مقصر ابد ولا هاشم ولا اني... جنت الاحظ تختفي مني فلوس.. بس اني دائماً جنت شارب ما منتبه.. ليش ولجن.. هيج صخم الله وجهجن.. اي ولله.. وانتي يا امي مرت حجي صالح ليش هيج... بس هي طبع وجوهر قذر.. وانت اتذكر ابوي دووم يعيرك بقسيمه خالتك.. وبناتها وانتي نسخه منها... سبحانك ربي... العتب بعد ما يفيد.. وهاشم الله يعينك على رشا... طلعت اجيف منهن وعلاقتها وتلفونتها.. هاله امجد اعترف وترى جان مكبل ويه رشى مو ريحانه.. يا غمه....هاله... رشى كلشي يطلع منها هي ولد رجلها رادت تغريهم وفشلت.. رشى وانتي الشريفه.. من عرفتي امك راح تنطي واثق الشدات.. بكيتهن انتي ورغد.. وسويتن فلم الكامره.. وانتن عفتن المبخره مشتغله حتى تنزل وكامره تصور وتستر مصابيجن.... سنيه هاله رغد ام شمخي اعترفت عليها هاله هي حطت فكره الذهب وشلون نبدله حتى ويه امي ما تعرف شلون بكنا الذهب وهي تبيعه وحتى هي وبتها ضمن قطع منه بغرفه ريحانه..... ماتت ريحانه وخلصت منجن.. بس انتن وين ترحن من رب كريم.... واثق.. تعبت وماكدرت اكمل ليله وبيوم وياهن.. تعبت ولعبت نفسي... من اي مستنقع قذر هذا... مو ريحانه وغيرتهن منها.. لا.. هذا مرض هاله وعظمه الغرور وكلشي مستباح تبوك تجاوز تغلط كله ينستر.. ورغد الحيه اني الها هاي بربوك جابت واحد كبسله وساقط واخذته غصبن عليه ورشا هاي هي خيسه وتورط بيها هاشم.. الله خلصنا بناتها اثنين متزوجات عد عمامنا.... اما اني اي حيرة حيرتي... استر وابلع غصبن عليه.. ريحانه حقها منين اخذه مني اني منهن من امي.... اسم حجي صالح شلم منه وهنه بعثرنه... اوووف هاشم بويه اطلعوا... عليه اي حمل حملي الهي انت تعلم بحالي الصبر والقوة... غيث.. شفت والدي تعب اخذته لغرفه جدي يرتاح حتى ملاك اجت هي وفدك رادن يشوفن الحقيقه واي ظلم وقع على امي... ليث متصل بخالي ثاني اجا خالي موسى... ومنتصر وسيف ذوله اخوتي وسندي... سيف خلصنا عمرنا غربه حتى وفاة والدي ما حضرنا خوف امي علينا وكذلك عمي طلب نكمل دراسه ونرجع.. وفعلا رجعنا للعراق وعمي كان سند وظل النا شفنا معاملته ويانا تختلف ولده قاسي.. اكتشفنا هواي امور... وارمله ابوي داهيه وملعبه وقذره.. واخواتي اشوفهن اطفال بس هي تحركهن.. بعد موتت زوجه عمي وانهيار عمي.. استفحلت.. طلعات طبات.. واغلبهن منتصر ما يقبل يطلعن البنات وياها وصلت للضرب احيانا ولهذا شدت ويانا... وبعد ما مسكنا امجد وبدات الحقيقه تنكشف.... ووضحت... اثاري ابوي من بعدنا يعرف الوضع شنو.... الله يرحم الاموات والاحياء.. على هذا البلاء... يومين وهنه مربطات حتى ام شمخي وياهن بس بيبي بغرفتها.... بس المي الهن غيث يستمتع بتعذبيهن كان... موسى اخذ سنينه وسجل القاء القبض عليها بوكه الذهب ورتب الامور... عماتي ما ينذكر اسمهن بعد تهديد ام شمخي حتى هي تنسجن.. رغد اتصل عمي عليها واستلمها غيث ومنتصر كسرها تكسر... هاله كسر بالحوض وسجنها عمي بغرفه نهايه البيت ام هاشم اكتفى خالي بتجاهل وجودها
... اصلن رشى طلكها.. بعد ما سجل اعتراف كامل عليها واي كلمه تطلع كلشي مسجل وحتى مرسلاته المراهقه.... وسوالفها المكسره..وكلشي.. بحضور اخوتها الكبار... وذوله يجوز غيث ومنتصر ارحم منهم... اخذوها وطلعوا.... انهد عمي بعدها 14بالمستشفى... واثق بعد ما انحلت القضيه.. تعبت ضغط نفسي وندم وعتب لروحي على ظلمها.. ريحانتي اي عقاب اعاقب روحي.. وهو اشد عقاب للانسان الندم ومعاقبه الروح.. وعذاب الضمير... جسد بلا روح يا حبيبتي ورفيقه دربي.. اصبح عطرك ملاذي وهروبي.... مرت الايام والاشهر.... والدتي تعبت وتوفت بغرفتها ام الولد والاحفاد ماتت وحيده وهذا هم ذنب الي فوك ذنوبي... هاله شبه تخبلت.. اصلن هي مريضه بمرض داء العظمه.... رغد تزوج عليها وابنها مات بجرعه مخدرات... رشى زوجها اخوتها لشايب بالعرب وهي خدامه وبالظيم والفكر... بنات هاشم منتصر رجع صاغ تربيتهن ونعم منهم معدلين وحاليا مسطره وكملن متوسطه... ملاك يا ملاك روحي ثالث سنه طبيه... غيث وليث تركوا.. الدراسه وتكفلوا...
شغلي وحلالي اسودي ذوله.. طيف خلصت عمليه بالهند بخير وسلامه وسنه اولى تخدير.. فدك فراشتي العذبه سنه خامس اعدادي...سيد صبار... رفيق دربي مرشدي الروحي وحجيه صفيه هاي الامراه النادره الربت وزرعت طيب ومحنه.. وهي فقيره معدمه... ولد وبنات متفوقين رغم عسر الحال لكن صنعت رجال موسى اخذ حق ريحانه قانون امجد سجن عشر سنوات سنيه كذلك.... جماره شيهانه امهات لبناتي ولدي ولا فاركنهم ابد... بيت القديم اعدت بنائه وبقيت نفس المنطقه وغرفه ريحانتي استقراي هي... بيت حجي صالح لولد هاشم.. رغد حتى من تحظر منبوذه مره مرتين وبعدها انكطعت من عدنا..... واثق انا المذنب انا الجاني انا الظالم انا المظلوم انا المخدوع.. انا ااضحيه انا المبتلى انا البلاء.... كل شي يدفع ثمنه.. بيت صالح ما انهجم من فراغ امي اساس هذا... والام اساس البيت اذا صح انعدل حاله واذا غلط هاي النتيجه.. غرور المال.. وطغى البشر يدفعه للتهلكه البعض وليس الكل احيانا المال نعمه واحيانا نغمه.... التستر دائماً وعدم المحاسبه يدفع للغلط الاكبر وهذا غلط امي لانه هي غلط شلون تحاسبهن وهي كدامهن تبوك وتفتري... المكان والظرف حجه.. صفيه وصبار رغم وضعهم لكن صنعوا بيت واسره.. لا مكان ولا ظرف اثر بيهم.... اذن هي جوهر الانسان النقيه.... اما انا.... كنت ظالما ومظلوما...... انتهت الحكايه... لكن هل انتهى الظلم يوميا تتكرر قصه ريحانه لكن بسناريوا مختلف... والظلم مستمر... الستر حلو ومر.. واثق اضطر يستر اخواته واسم ونسب وعار يبقى مستمر اسنين ويلحگ بناته وبناتهن وبنات اخوه أحياناً مسك الجمره يكون اشدفتكا.. من رميها ونثر رمادها.. لكن لابد منه.... الرماد يلوث العيون والابصار.. وتالف الحكاويه والاقاويل.... نهايه حكايتها رغم الكل تألم على ريحانه لكن هذا الاجل.. لابد منه... واثق دفع الثمن وما زال... عايش على ذكرياتهة.. وعطرها.. بعض الأحيان ملاك بابا ينعزل ايام وليالي بغير عالم بعيد عن الكل فقط طيف وفدك.. ذوله يسمح الهم... الدموع على اي ذكرى منها.. والدي قمه الوفاء والحب.. لامي لكن الدنيا قست عليه وعليها.. غيره اتزوج عاش حياته نساها... لكن ابد.. المقابر اذا مو كل 15بشهر مره هو عدها...وتبقى ذكريات العاشقين رغم اهات السنين هي الحنين السرمدي..... اختكم ام علوش.. تعرفت على ملاك بحفله تخرج وهي كانت ضيفه مثلي دعوه من صديقه قريت بعيون ملاك حزن عميق وصديقاتي يعرفن هاي الخصله الي بعض الأحيان اشوفه مزعجه لانه مرات حزن المقابل وعيونه تجذبني اقراهن بشكل دقيق ومفصل ملاك اول ما شفتها حتى ما اعرفها.. اعيونك حزنها عميق ومتعب... وفعلا حزين ومتعب الهضيمه بعيونها كانت كافيه لفتح جروح وحكايه ريحانه... ووضحت الها اكتب لكن عدد القراء بكروب ما يتعدن العشره.. بس ناس دتقراء فعلا وتحس بالمعاناة وتفهم الواقع مو تصفيط قصص ومثاليه بحته واقع مر... وحقيقه امر منه.. لهذا قبلت تنزل قصه امها بقلمي المتواضع جدا.. ارجو قراءه سوره الفاتحه ولترحم لريحانه.. واثق لانه وضعه الصحي متعب.... وفي النهايه لكن ظالم نهايه.. وهناك رب يرى ويسمع
انتهت احداث الرواية نتمني أن تكون نالت اعجابكم وبانتظار آراءكم في التعليقات شكرا لزيارتكم عالم روايات سكير هوم
شكرا لزيارتكم عالم روايات سكيرهوم
