رواية خفايا القدر الفصل الثالث عشر بقلم انين الروح
مر ع زواجي شهرين بين الصد وبين الرد
عمتي يوم تكون طيبه وحنونه
ويوم تكون الشيطان الرجيم ماتوكعين ع طينتها
ازهار .من يوم يومها شاده ويايه ماعرف ع شنو اليكول مزوجه زوجها .....مو ايوب
النوب طلعت عدهم بنت اخت ازهار اسمها سحر كل ما تشوفني تبسمرلي كلام محلو ومحسستني اني ماخذه منها شي
وهناك اعرفت هي جانت اتحب ايوب وتريده الها تجي علينه بستمرار بحجه تساعد ازهار بالطفله
عفيه هالايوب الظهر عالساحه بعد زواجي
طلع الكل يريد ومتعلق بي نفظناه من التراب طلع الكل معجب بي
والله يا الله
ابوهم الحجي ما التقي بي هواي او اصلا ما اشوفه اله بالنادر يمكن من ازوجت لليوم مرتين شفته فقط
دوم ديوانه مفتوح عزايم وفصليات وطلابات وتعالوا طبخوا وحطو كدامهم
منذر ابن عمهم متعلم يفوت للبيت لان هو رابي وياهم من هم اطفال وكل ما يشوفني وحدي انظف بالمطبخ يذبلي كلام ماعرف غزل ماعرف ذم ماعرف شنو كلامه
هو تصرفاته فقيره بس اني ما حبيته لان عينه نكسه يباوع ويدقق حيل
من يكلي كلام
اتحلف اكول الايوب ورجع استغفر ربي
لان اعرفهم محد راح يصدك بيه لان شو اهنا عدهم النفاق والكذب اكثر من الحقيقه والصدق
خو اذا رادو يكصون واحد والله يجردوه حتى من ملابسه وبعد شيخلصك ومشكلتهم كلهم سماعين ويشاركون وابد ما يكولون عيب او شي من عالقبيل
واذا حجيت ع منذر الكل راح يصور اني عندي شي وياه
وجاي اتبله عليه بالكلام لان هو علاقته حيل قويه ويه امهم ام جراح وازهار
وحتى الولد اكيد من راح احجي وبالاخص ماكو فد دليل محد راح يصدكني الكل راح تتبله عليه
من صدك....... من صدك كرهت هاي العائله بس بعد شسوي فاس وكع بالراس
بس الصدك اتمنى اخلص منهم
شجاني شورطني بيهم شلون غلطت هالغلطه ورضيت ازوج ناس مو من ثوبي
صارت الافكار تاكل براسي اكل
بس اريد اخلص منهم وبأي طريقه
بس ايوب ميستاهل اعوفه لان اطيب شخص بالعائله
فكرت هواي اسوي مشاكل ويه ايوب اتحجج عليه
حتى تصير ابينه عركه ومن كثر العركات اطلك بس حظي الفكر ايوب لو ادوس ابطنه ما يحجي
ولا يفتح حلكه دائما يكون هادئ ويسمعلي ويبررلي مواقف
واني اشتعل وطفه سكته
اخر مره اتعاركت وكتله وديني الاهلي صار شهرين او اكثر من ازوجنه ولليوم مرايحه الهم ولا شايفتهم
كلي حضري حالج يوم الخميس نروح البغداد
اليوم ثلاثاء جنت طايره فرح كمت اكمز وطلبت منه ياخذني لسوك حتى اشتري شغلات الامي اختي اخويه
طلعنه العصر مرينه بسوك الجمعه وسوك
الصيادله وشترينه كومه اشياء حلوه وثمينه واحنه نمشي بالطريق ماعرف شو كفختني ريحه فلافل دمرتني بس اريد اكلها
ايوب .فدوه خلي نشتري لفه فلافل
اي حبي خلي نمشي اوكلج كص شنو فلافل
لا لا ماريد اني ريحه الفلافل ضربت خشمي فدوه راح اموت بس اريد اكلها
هاي اشبيج رهف اليسمعج يكول احنه فكر ومتاكلين بس فلافل
هاي اشبيك انت دا اكلك ريحتها ضربت خشمي
وطلعت من قميصه الف ومشيت
اوكفي يمج انه اجيبلج اصبري
جاب لفتين كعدنه ع مسطبه اكلت الفه الله بيها فلافل وزلاطه وعمبه اهم شي العمبه
شو متاكل....؟
انه جبتهن اثنينهن الج
ليش متاكل انت ...؟
ماريد حبيبي اكلي انتي
اني هم ماكذبت خبر اكلت الثانيه وشربت ببسي ورتاحيت حسيت اكلت طلي مو فلافل كمت عدلت فستاني وكتله يجيب لفه الرباب
خطيه احبها حيل وهي دايما تذكرني من تطلع
جاب واجه يله خلينه نمشي
اجيبلج بعد
لا ماريد اشبيعت
مشينه مسافه نمشي وناكل شاميه ونشتري شغلات
ايوب عجبه سيت لونه بنفسجي غامق
وكفنه وشتراه الي
واخذت وياه قلم حمره نفس الون حلو
ايوب .اشبيج رهف
شنو صار عندي الم ابطني مو طبيعي عبالك سجاجين تكطع بيه
لزمت يد ايوب بقوه
هااا اشبيج رهف
الحكلي ايوب بطني وجع مو طبيعي
ليش ياعمري
ماعرف ماعرف ايوب وعطت ردت اوكع بالكاع من شده الالم
لج هذا كله من الفلافل الموتي نفسج عليها
وكتلج خل اوكلج شي ثاني
واني قابل اعرف هي بيها شي او متجرثمه
غير روحي اشتهتها الحكلي ايوب
امشي مدامنه قريبين خل ندخل الدكتور
وصلنه للعياده وجانت كتل لظالين
الناس من شافو حالتي واحد خطيه انطاني اسمه
ودخلت وره ماطلع الجان يم الدكتور
حجيتله عالمغص وطلب مني اسوي تحاليل دم و ادرار
سويت الدم ودخلت للحمام
شفت دم عليه .
اااوووووو هاي بس لا دوره وهيج صار عندي الم ابطني شكد عيب من الدكتور شراح يكول عني مره متعرف موعد الشهريه مالتها
طلعت وحجيت ويه ايوب
ماله داعي ندخل لدكتور عرفت سبب الالم
شنو السبب
هيج وهيج ...لا بربج تحجين صدك
اي صدك اشبيك مستغرب
بس ميخالف رهوف احنه بعد سوينه تحاليل خل ندخل ونشوف يمكن عندج التهاب
وله ليش يصير عندج الم هيج قوي
لا عيب والله ايوب ادخل عالدكتور ويطلع ابسبب الدوره
ماكو عيب خل ندخل ونشوف شنو سبب هالالم
اخذنه التحاليل دخلنه عالدكتور
د.......بنتي انتي حامل وهاي شغلتج مو يمي روحي ع دكتوره نسائيه
من صدمتنه اني وايوب ظلينه ساكتين واحد يباوع بوجي الثاني منعرف شنحجي او شنكول لان مجنه مفكرين بالطفل
د...هاي اخذ اوراقها ع دكتوره
ايوب ..اي دكتور تشكر
طلعنه منه
ايوب فرحان واني مصدومه
اني وين فكري جان بس اريد اخلص منهم النوب الله ربطني بيهم اكثر واكثر بعد
لا ياربي مو وكته هالطفل ابد
ايوب .لعد شنو تكوليلي دم وماعرف شنو
ما ادري غير اني شفته
امشي خل ندخل ع هاي الدكتوره
لا ايوب اجلها غير وكت
شنو غير وكت انتي حامل ونازل عليج دم غير نعرف شكو
دخلت لدكتوره .سوتلي سونار وقرت التحاليل
اي فعلا انتي حامل صارلج شهر ونص
بس وضع الطفل مو زين مهدد بالاسقاط لذلك نزل عليج دم
هاي ابر ومقويات وعندج التهاب خفيف
اخذي الدوه ونامي ع ظهرج بدون اي جهد لا شغل ولا سفر ولا تعب وبعد شهر رجعيلي
ايوب .يعني دكتوره السفر خطر عليها
اي خطر لان وضع الطفل مو تمام خلي يثبت بالاول
صار دكتوره
طلعنه منها واني ابجي لان اريد اروح اشوف اهلي
وهذا مصدك سمع حجي الدكتوره وماكو سفر بعد شيخليني اسافر
ليش تبجين حبيبي .
مابيه شي
شنو مفرحانه بالطفل
اي مفرحانه لان مو وكته هسه
واصلا ما اريد يصير عندي طفل منكم اريد اخلص اني
النوب انربطت بيكم اكثر بعد
ليش متحجين حبي ...؟
هااااا .اشبيك
اكلج ليش تبجين شنو مفرحانه بالطفل
فرحانه اكيد خلي نرجع للبيت
حب ما مشتهيه شي اجيبلج شي
لا ماريد شكرا
خلينه ورجعنه للبيت وجان الكل موجود بالديوانيه كاعدين
الحجي وجراح والجده والحجيه ديشربون جاي ويسولفون
اول ما دخلنه ايوب زفلهم الخبر
الله بالخير عالجميع
الكل ردوله
ابشركم راح اصير اب
رهف حامل صارله شهر ونص
رهف ..ماعرف ليش ضجت حيل ماردته يحجي ولا ينطيهم خبر
جتي عيني ع جراح شفته منزل عينه للكاع
كام ابو ايوب وامه يحضنون ويبوسون ايوب
راح لجده بوسته وباركوله
وباركولي عمتي بوستني وكالتلي بس يجي اله اكبر حفله اسويله
جراح كام ع حيله .يتربه بعزك اخوي السبع ابو صكر
مشه صار قريب من يمي .وحجه وعيونه بعيوني
مبروك عليج ..
خله وطلع
همست بذن ايوب اشبي جراح
ماعرف .....عوفج منه روحي ارتاحي بغرفتج
اكلك شنو شو كبل كلك ابو صكر ما اسمي ابني صكر
ايوب ..هاي اخوي سماه رفعه راس النه كلنه منو لاكي جراح ويسمي ابنه
ليش عيني قابل هو منو جراح حتى يتمون يسمي ولدهم
بابا هذا الصكر والذيب مالتنه انتي شتحجين اسكتي رهف ونصي حسج بعد
هاي اسمي بعد صار ابو صكر يله امشي الغرفتج
من رخصتكم راح اطلع عندي كم شغله اكضيها وارد
وانتي روحي الغرفتج واخذي علاجج
يمه فدوه لو سمحتي عندي احجايه وياج
اي يمه تدلل
طلعوا بره واني فتت غرفتي
يمه الدكتوره حذرتنه من الاسقاط لان الطفل ع وشك ونطتنه علاج وابر تكول مثبته بس لازم اتنام ع ظهرها تعدي فتره فدوه لا تكلفيها بشغل متعب فدوه رحتلج يمه
غالي يايمه وطلبك رخيص والله اخليها بعيوني بس كون ابنك يكون زين
تسلم عيونج يا ام جراح الورد يله يمه خل الحك ع شغلتي قبل اليل
دخلت غرفتي وتمددت عالفراش والدموع جرت بدون وعي ...اذكر امي الصار شهرين او اكثر مشايفتها واخويه احمد ورفيف
انمردت روحي بذكراهم ...وغفيت
حسيت ع يد انمدت ع جسمي وصحي بيه
كومي حبيبتي خل اشوفج ...ارفعت عيني عليه
هلو ايوب اشوكت ارجعت
هاي توني ادخلت سألت عليج كالوا ما طلعت من غرفتها
اي صح اخذت علاجي ونمت
ارتاحيتي حبيبي
اي الحمدلله
ايوب
عيون ايوب وروح ايوب
عفيه خلي باجر نروح البغداد مو هيج متواعدين احنه
حبيبي مو شفتي وسمعتي وضعج ميسمح والطفل مهددت بالسقوط
بس اني مشتاقه الاهلي ايوب
فدوه يروحلج ايوب والله ياعمري لو بيدي انه اسفرج بطياره بس هالتشوفين وضعج مو تمام
زين فدوه جيبهم انت اهنا خل اشوفهم وارتاح
لان حيل مشتاقه الامي والله حيصير ثلاث اشهور مشايفتها ..وبمناسبه البيبي احب اني افرحها بالطفل
صار من عيوني بس هاي الفتره عندي شغل جثير اخلصه واطلع البغداد اجيب اهلج كلهم وتدللين
كام سبح وطلع اجه يمي اتمدد ع الجربايه وخله راسه ع يدي يحب اوسدله
والعب بشعره الحد ما ينام
اكوم احضرلك شي تاكله
لا حب شبعان
ثاني يوم ازهار كالت بيت اهلي راح يجون علينه
وتعال هاي شراح يفضها ضلي سمعي كلام وسوي حالج طرشه
هله هاي شرفوا بعدني ما كملت لكمتي
ايوب .رهف لا اتعبين حالج كملي ريوكج ودخلي غرفتج انه كتلها الامي ع حالتج لا تهمين بروحج
اي صار بس اشوف عمتي خاف محتاجه شي
مو كتلج انه كتلها الامي ما تشتغلين بس هاي الفتره ..لا اتعاندين
اي اي هاهيه خلص راح الم الماعين واكوم الغرفتي
عوفيهن كدامي فوتي ..بس ايوب مصير اعوفهن والله يحجون
اشمالج رهف مو جاي احجي وياج
اي صار هاي كمت
ازهار ..والله وكت ما جنه حوامل احنه شو حبلنه وخلفنه وكل كراب البيت صار ع روسنه وما واحد كدر يفتح حلكه ويكول ازهار تعبانه ومحتاجه راحه لو بس بنت بغداد
رباب .ويامن جاي تحجين ازهار
لا عيوني مو وياج 😏 بس سالفه طرت براسي توها
اي مو سمعتج تحجين عبالي اكو شي زاعجج
انه ابيت عمتي كاعده محد يزعجني عيوني رباب
رقيه .يله وينجن كومن طلعن الحم خل نبلش نطبخه
وانتي سحر مو جايه حتى اساعدين ازهار كومي عجني ابمكانها
رباب وانتي طلعيلي تمن العنبر حتى الكطه
رهف جنت بالغرفه دا الم ملابسنه اني وايوب حتى اطلع اغسلهن
وفاتتلي ازهار .شو انتي ماكو بالمطبخ مو تدرين اهلي راح يجون عالغده شو ماهزيتي طولج وساعدتينه
لو معاجبج تشتغلين ابحجه الحمل
ازهار ياريت اتكفين عني مالي خلكج من الصبح
هاي ياصبح عيوني ساعه ١١
لو جانت بالوحده الظهر كتلج كفي عني تره عندي الم والنبي اذا هاج عليه اكثر صدكي اطلع المي كله بيج
هله هله بنت بغداد والله وطلعلج صوت وتهددين عايزه انت تمدين يدج عليه
ازهار طلعي
ون ما طلعت
ازهار طلعي وكفي الشر
انتن شنو الخاطر الله عكارب كل ما ادخل للبيت اسمعجن تتناكرن ولجن انه اخاف ع اوليداتي ومناكرجن هذا يجيب الفكر والموت
وحدتجن جنه عكرب تكرص وتختل كافي بسجن لا والعباس اطيح حضجن سمعتن
اي عمه فدوه رحت للسانج العسل ياريت تسمع بنت بغداد وتتعض من كلامج
لانها شو من جتنه لليوم ناويه ع فكرنه
اكلج انتي ليش متنجبين وتسكتين
لان عمتج ما حجيت بس عليه
حجت علينه اثنينه
لا عيوني اني غير اني اكون بنت اخوها وكلامها وياج بس لان انه ما تطخني بحجايه تغثني لان تحبني
رهف ..بداخلي حبتج حيه كون انتي وعمتج ام وجهين
صدك لو كالوا وجهين والعمله وحده
رحت غسلت الملابس وصعدت اشرهن
شريت كملت اباوع واحد بالسطوح يأشرلي
اني باوعتله بس مفهمت شيريد
هو يصوفر ويسوي حركات
الصدك خفت منه نزلت عالسريع
ورحت يم البنات بالمطبخ حتى اشوف اشمحتاجين
ماشوف اله بثواني دخل علينه منذر شايط روحه واصله لستار
زينب ..هاي اشبيك ليش هيج هجمت الباب
ولجن منو جانت فوك صاعده
محد حجه
وعاط مو داكللجن منو جانت فوك 😡😡😡
اني جنت اشر ملابسنه ونزلت ابساع
خير اكو شي
اي وانتي يالغبره ما شفتي جاسم بالسطح مو
ما اسمحلك تغلط انتبه ع كلامك منو هذا جاسم
اجه لزمني من حجابي ولج انتي منو وتكليلي انتبه ع كلامك ..وين رجلج
زينب ..هاي شنو منذر تره صدك اجاسرت عليها
انتي اسكتي ولا تحجين ..تعرفين جاسم سكير ينام ويصحي ع مشروب
وهاي الخاتون صاعده فوك وهو يأشرلها ودك سوالف
اني مشفته 😠😠 وكتلك اصعدت اشر الملابس ماحجيت وياه ولا شي لا تكعد وتبتلي عليه سوالف
وصار اتبسبس ابين البنات
سحر .هو احنه شعرفنه ومنين جنه خايفين
سحر ما اسمحلج الزمي حدودج شو الكل ماخذ نظره عليه محلوه
ليكون بعلمكم كلكم
اني اشرف وانظف منكم كلكم انتوا اخايسكم وصل لسكف ومحد يحجي وهذا منذر اني اعلمه خل بس يجي ايوب لشوف شلون بعد تفتحون حلكم ويايه
ازهار ..هوب هوب هاي ياهو جاي تحجي
زينب .انتن كافي المره حامل وصحتها تعبانه عوفنها لا يصير شي بيها وتفقد الجنين
اي اي انتي كويها علينه وخل تطلع عينها
يمه شكواتها
لا عينها ولا بطنها البنيه فقيره وما شفنه منها الشينه بس انت عوفنها ابحالها مالجن دخل بيها
عفتهم ورجعت الغرفتي..كمت ابجي اختنكت حيل بس اريد ايوب يرجع طفره روحي من مهامسهم عليه عبالك اني حايط انصيص ياهو العنده بلاء يذب بلاءا عليه
فطم .وينج رهف .
ها خاله اني بالغرفه ..هاج يمه اكلي لكمه لا يصير بيج شي تره ايوب وصاني بيج من راح
خاله شو تأخرو حيل
اي يمه شغلتهم ابغداد ما مشت وجاي يحاولون ويها
جراح كل يوم يتصل ويحجي وي ابوه
خاله يعني همه زينين
اي يمه لا يضل بالج يله احبيبه اكلي لكمه ورمي عظمج
خلي ابنج ينشنش
اني اشكرج خاله والله بس انتي التحسين بيه
يمه اعرف وحاسه بيج لان لوعتج مجربتها
انه اهنا وهلي بالكويت وامي تعبانه ومريضه وهاي صار سنتين ما شايفتهم ولا اعرف خبر عنهم
وهالتشوفين عمج ولا يرضه اروح ولا يوديني
الله يساعدج خاله والله صعب افراك الاهل ربي يصبرج ع افراكهم
الله يحفظج ابنيتي يله حبابه اكلي
صار خاله
صارت ساعه وحده الظهر كامو الزلم لصلى والنسوان صبن غده
اني وحدي كعدت اكلت ابغرفتي خاله فطم جابتلي خطيه والحمدلله اكلت وشبعت ونمت
..........
ومرت الايام اني كنت اخذ ابر مثبته وما اشتغل شغل قوي بس ع كد شي بسيط
عمتي مرات تحجي عليه ومرات تغلس
البيت مايفض من الخطاطير احمواتي يطبخن واني وعمتي انصب غده ومرات اكوم كاضيه من التعب
كل هذا يهون بس كلام ازهار وتحريك البيت عليه ميهون عبالك هي عمتي لو اني ماخذه زوجها ماعرف ليش هيج تكرهني
شنو السبب ماعرف مع العلم اني زينه وياها حتى من جابت عشر تيام اني مداريتها
وجنه انظف بالبيت عمتي كالت باقي اسبوع ع رمضان لازم انجهز حالنه
رجع ايوب وجراح الحمدلله
وسمعنه اعياط بالشارع
بس احنه محد يكدر يقترب للباب
بس عمتي طلعت تركض
وفات ايوب غادي اعصاب نار
ويدفع الموجود كدامه
وراه فات جراح ويعيط عليه ويغلط ويسب
رهف ..وكفت هاي اشبيك ايوب ليش هيج عصبي
وخري عن وجهي انتي
اول مره ايوب يدفعني بقوه وماحسب احساب اني حامل بحيث من دفعته نضرب ظهري بزاويه الثلاجه تأذيت حيل
عبالي اروح وراه دخل جراح وهم غادي نار كبره
انتي وين زوجج فات
ماعرف بس اكيد فات الغرفته
وخله ومشه واني وعمتي ورباب ركضنه وراه انريد نعرف شكو ليش هالعياط
دخلنه لكينه جراح لازم ايوب من ياخته ويعيط بوجهه
عمتي ركضت عليهم اتفكهم وتعيط عليهم
جراح فك يده من ايوب وجابه براشدي قوي ايوب كام يشتم ويغلط
العياط وصل لشارع بحيث بعد فتره دخل ابوهم علينه وعاط بيهم
مشه جراح وطلع من الغرفه وثنينهم غادين بركان من شده الاعصاب
الاب لحك جراح وطلع
وعمتي والبنات ايضا طلعا بقيت بس اني بالغرفه واكفه يم الميز بهدوء اخاف حتى اتنفس عالشفته من اعصاب
بس سمعت ايوب عاط
سدي الباب اشبيج صافنه
فزيت ورحت اركض سديت الباب ورجعت اله اخذتله مي وقدمته اله
تفضل ...ماريد
ميصير لازم تشرب اشويه
عاط بيه ..كتلج ماريد ولي عن وجهي
من خوفي عفت كلاص المي يمه وخليت وطلعت من الغرفه
وسمعت عمي وجراح بالصاله يحجون الي فهمته علمود موضوع السطح وهذا الاسمه جاسم
يعني الحقير منذر ما سكت وضم السالفه
وايوب رايح الجاسم ومكسر راسه
ومانع دخلته للمنطقه
جراح ايضا ما رضه ع جاسم
بس ايضا ما رضه ع ايوب يكله شلون اتخلي المره تصعد فوك وحدها
والهذا السبب كبت بين الاخوه
لان جراح غالط عليه وايوب ما راضي يكول اعرف زوجتي شنو واعرف جاسم شنو
الحمدلله يعني ايوب اخذلي حقي وان شالله يسكت الكل
جنت بالمطبخ اسوي جاي لجميع حتى يهدئون وندك الباب
لفيت حجابي ابساع وكمت فتحت الباب ولن طارق ابن عمهم جاي
السلام عليكم خويه
وعليكم السلام
هاي منو جاي
التفتت شفت جراح واكف ورايه اشرلي بعيونه اطلع من المطبخ
خليت وطلعت وكفت وره الباب اريد اعرف شنو صاير
مفهمت شي بس سمعت طاري لسلاح وصار هدوء بالمطبخ
فتحت الباب ع كيفي ماكو احد يمكن جراح وطارق طالعين
رحت لطباخ طفيت الجاي وعفته رحت الغرفتي اشوف ايوب صار ساعه من عفته
دخلت ع كيفي للغرفه شفته نايم خليت وطلعت
صارت بوجهي ازهار
هاااا ست الحسن ارتاحيتي من شفتي الاخوه يتعاركون
وليش ارتاح يعني شنو قصدج ازهار
😏😏 انتي تتمنين الاخوه يتعاركون والبيت ينخبص بالمشاكل حتى ترتاحين
ازهار وضحي كلامج شنو هالخريط ليش يعني افرح من اشوفهم يتعاركون شنو مصلحتي من هالشي باله
لان تردين الكل يهتم بيج لانج بنت بغداد وعليج العين لزكه
ازهار اكيد انتي مخبله تعرفين شجاي اسولفين اخوه يتعاركون ابينهم اني شكو بالموضوع
حبيبتي علمود موضوع السطح لو نسيتي
لا منسيت وايوب اخذلي حقي وسكت الكل
عمتي ..هاي شكو شجرالكم اليوم الظهر الاخوه يتعاركون وهسه الحموات يتعاركن
ازهار ..والله ماعرف عمه شو رهف جتي تتهجم عليه
لا عمه لصدكيها والله مالي دخل بيها هي جتي وتكلي ارتاحي
العمه ..والله انتي يالبغداديه من دخلتي بيتي كلبتي كل كيانه
عمه واني شكو
عمى العماج تره راسي يعورني وان سمعت حسج بالبيت ماتلومين غير حالج
رهف .هاي اشبيكم همه اتعاركوا ابينهم اني شلي دخل بالبيت كله ..
شنو شفتوني حايط انصيص وتعلكون مشاكلكم عليه
لشوفوني ساكته عبالكم ماعرف احجي ..
.تره ساكته الخاطر زوجي عفتهم ودخلت غرفتي
شفت ايوب صاحي وجاي يدخن
شعجب اول تالي ادخن ايوب
رهف مالي مزاج احجي
لا احجي اريد اسمع
عوفيني وسكتي ..لا والف لا ....كتلج عوفيني
والنبي ما اعوفك احجي
رهف وبعيطه كام لزمني من زندي بقوه
انتي اشعندح بالسطح قبل فتره
وحق الحق يا ايوب واني مخايفه من احد اذا سويت شي اكوله طك بطك وانت تعرفني كلش زين
اني اصعدت اشر الملابس من كملت شفته واكف يحرك بيده
اني كبل نزلت ومنطيتله اي مجال
انتي ليش صعدتي وحدج
لان بيومها جان عدنه بيت ازهار معزومين والكل مخبوص بيهم ومحد فارغ الي يجي يصعد
بس اكو كومه جهال يارهف هذا مو عذر
تكدرين تصيحين ع جهال زينب او رقيه او جهال فطم
او او او ...مو حجه تصعدين وحدج
يعني شنو قصدك اتشك بيه
ماعندي قصد بس تعرفين احنه ابيوتنه مكشوفه والف واحد يعاين مانكدر نغطيجن كلجن
لازم تنتبهين انتي عالمكان الترحيله منو بي ومنو طالع منه
ماشي ايوب ان شالله راح انتبه اكثر عالجايات
انس اتعصبت بداخلس بس شفته مقهور انكسر كلبي عليه وحاولت اغلس عن الموضوع
تريد جاي اجيبلك توني سويته
اي اريد
حاظر
طلعت للمطبخ وشفت ازهار واختها كاعدات بس يقشبن ومن دخلت سحر اخت ازهار علت صوتها وتحجي
يامن تعب ويامن شكه ويامن ع الحاضر لكه
ماباوعتلهم ولا اهتميت الكلامهم اخذت الكوب وصبيت جاي وطلعت من المطبخ
هاي ايوب الجاي
رحمله والديج
ادلل
كعدت بصفه وبديت افرك راسه وحاول اهدي من اعصابه
اشويه وهدء جر يدي باسها رهف
عيوني ..
.تدرين بس انتي الي بهالدنيا
ليش هيج تكول اهلك لعد وين راحو
اهلي مايحبون غير مصلحتهم وبس
لا لتكول هيج اهلك لو داروا عليك احنان
فدوه رحتلج اني شكد احبج واشكر الله العرفني بيج ياروح روحي
رغم كل الحب اليحبه الي ايوب بس مكدرت ابادله نفس الشعور دائما احس اكو حاجز بيني وبينه
رغم ازوجني واني هسه حامل منه بس شعوري بتجاها حيل بارد مو شعور انسان يحب ولا شعور انسان متلهف الشوفه حبيبه
احس روحي مجرد صار تعويد ع وجوده
ومر ع زواجنه ست شهور واني حامل بالشهر الثالث وضعيتي تحسنت الحمدلله اخذت كورس ابر وداكل زبيب ومعلاك حتى ازيد الدم بيه
لان الدكتوره كالتلهم بيه فقر دم قوي لازم التزم بالاكل ماعرف هاي الحاله ابكل حامل لو بس ويايه
ما اشتهي اكل شي وتلعب نفسي من كل شي حتى وحامي لعبان نفس شكد قرفت من روحي مشكلتي ماحب كرب زوجي مني ولا احب افراشه
او حتى ريحته وهو ينزعج من هالحاله يحسسني اني كارهته
واحجي وياه وكله مو بسببي هذا سبب الوحام بس هو ميصدك
حجت وياه زينب وامه وهم مفاد
جنه من ننجمع بالغرفه هو ينام عالكنبه واني عالجربايه ما اكدر اتقبله كبل اتهوع وهاي حالي من دريت بنفسي حامل واتمنى ينتهي الوحام ورتاح
بليل اني نايمه حسيت ايوب اتقربلي وبده يتلمس جسمي صارت انفاسه قريبه انفاسي
فتحت عيوني بتعب باسني من عيوني وخشمي وصل شفايفي
وقرابت خمس دقايق متحملت دفعته من صدره وكعدت ع حيلي
ايوب ما اتحمل قربك مني فدوه افهمني احس مصراني راح تطلع من كثر التقيىء
وركضت للحمام
وطلعت ممروده معدتي مكلوبه كلاب
مافتت غرفتي رحت للمطبخ اشرب مي او عصير حتى ارتاح
مشيت وجتي عيني عالصاله يمكن كانت الساعه حدود ثنتين باليل
عرفت جراح كاعد لان هو هيج وكت يحب يكعد يشتغل
عفته ودخلت للمطبخ فتحت الثلاجه مخلصين عصير ماكو اتأفأفت اااااااف عفيه بيت ماتبقه حاجه بي الثاني يوم
اشجاي ادردمين ويه نفسك
فزيت والتافيت خلفي شفته جراح واكف يم الكراسي
شجاي تحجين سمعيني
هاي اشبيك والله فززتني
ليش اتفزين ماكو غريب يدخل بيتنه وبالاخص هيج وكت
اعرف بس ما اصورتك تدخل للمطبخ
دخلت من سمعت صوت يوصوص
بس اني ما وصوصت
جراح .هههههههههههههههههههههههههه
والله ضحكتيني
اشبيج ليش ادردمين
ماعرف معدتي توجعني وردت شربت مالكيت
شو وخري
هاج
هاي شنو حليب ...؟ اني ما احبه
ومنو كلج حبي ..هو هم ميحبج 😏
بس اشربي حتى معدتج ترتاح
عفته واريد امشي ...حسيته سحب يدي ورجعني المكاني صارت عيني بعينه معرفت شحجي بعد
لج انتي ليش اتعاندين من يومج مابطلتي هالعناد اسمعي الكلام وسكتي
شلون ما اكدر ....ما اكدر اتقبله
مو ابكيفج اشربي وسكتي حتى معدتج ترتاح
بس اني
اسكتي وكافي اتبس بسين جنج يقين بنتي من تزعل بعد مترضع وتضل تبجي شنو وحدتجن تغار من الثانيه
ههههههه ضحكت يقين اجنن الله يحفظها الك
تسلمين
يله جيبي كلاصين وكعدي
المن الكلاص الثاني
وانتي اشعليج جيبي وسكتي خلصيني
رحت عالكاونتر طلعت اكلاصين ..خليتهن ع ميز الطعام
وجراح صب حليب بالكلاصين
خله واحد الي وجر الثاني اله
هو شفط كلاصه بثواني واني صافنه عليه منتبهت غير من حجه ويايه
انتي وين صافنه متشربين الحليب
هااااا اي اسفه ...
وشربته صح ماحب الحليب بس هذا حسيت بي طعم ثاني مو حليب وكأنما اشربت كاكاو او شربت شي طعمه ومذاقه يختلف ..واني تايهه في مذاق الحليب اسمعت صوت
اي والله عزموني شجاي اسوون
جراح ..خيرج ازهار
كل الخير يازوجي يا ابو بنتي جيت اشوفك محتاج شي ليش تطلب من الغربه
رهف ..مطالب شي مني الرجل
اني نزلت اشرب حليب وشفته هو جاي يشرب حليب ايضا
ياااا خطيه وانتي ما تشربين الحليب اله هسه صدكتج رهوف
جراح ..ازهار لمي نفسج تعرفيني شسوي ماريد احجي
لا لتحجي ابو بنتي
ازهااااار كتلج كافي تره راسي يوجعني
كام جراح وعافنه اني وياها بالمطبخ
كمت اريد اطلع وجان اسمعها تحجي
اي ماتحلالج الكعده اله بليل وي زوجي
من يكون الكل نايم حتى يخلالج الجو
رهف ..احترمي حالج وعرفي شلون تحجين ماعندي شي مع الرجل هو مجرد حمايه وكنله كل الاحترام والتقدير
اي عيوني بس خلي في بالج اني مقابيلج
رهف عفتها وكمت رحت الغرفتي استغفرت ربي
هاي شتحجي المخبله شلون تفكير نكس شايله براسها
عمت عينج والله ع هالتفكير النكس
ما ابدل اظفر ايوب برجال
نايمين وفزينه ع عياط بالبيت
الكل فز وطلع من غرفته يتراكض منعرف شي بس نسمع صوت العياط
صادق ابن عمهم .لك وينكم علوتنه احتركت ونشوف الزلم الي بالبيت كلها اطافرت بقت بس النسوان
ام جراح .كامت تلطم يمه ولدي راحوا
ولدها كلها بالبيت بس رضا ماكو لان هو الوحيد يطلع الفجر للعلوه يفتحها
جراح وايوب طفروا
جراح ..ايوب روح ويه صادق شوف رضا واني رايح للعلوه اشوف شكو
الكل جان ع اعصابه ننتظر خبر من الشباب يطمنه
بس لساعه عشره الصبح ماكو ولا خبر
والنسوان بالبيت لا تريكن ولا حضرا غده
الكل ملتهي ويفكر
وام جراح تعبت وبس تبجي ضغطها ارتفع
كمت اني طلعت دجاج سويته تشريب اصفر وتمن لان من يرجعون اكيد تعبانين وجوعانين
ازهار .هاي شسوين
مثل ما اشوفين الكل ناسي الزلم واكلهم وملتهين بس بالبجي
هاااا وانتي صايره ام البيت وتحسبين احساب لزلم الجايه
اكلج ازهار عندج احجايه بيها خير احجيها ماعندج ياريت اتفاركين خلقتي
بنات وينكم
تعاي رباب احنه بالمطبخ
تكول امي محد دك عليجن نعرف شنو الاخبار
ازهار .لا محد دك
رهف .انتظري رباب هاي ايوب جاي يدك عليه
الو هلو شلونك ها بشرنه
والله يا رهف علوتنه كلها محتركه
يمعود فدوه الكم بالحديد ولا بالبشر
بس اكو بشر متأذي
خير منو ايوب
والله يارهف شحجي اثنين من العمال محتركين وووو
وو منو بعد
رضا بس لاتحجين
لا بربك صدك
اي والله ...يعني متأذي
جراح راح ياخذهم تلاثتهم البغداد يعالجهم
بس كلي رضا متأذي
ايوب ......رهف لا تحجين راح اكلج بس الج
اي احجي مو زرفت كلبي
