رواية زوج اختي والماضي الفصل الثالث عشر بقلم مجهول
_ دام فضلج ...والله الصراحة زهراء اريد احجي وياج
بموضوع مهم كلش واريدج تبقين وياي
لأخر الكلمة اكولها تمام
_ تمام
_من البداية أني قبل من جنت وياج بالجامعة بعلاقه غرامية
_ اي
_جنت اضحك عليج بالبداية وجانت نيتي السوء الج
_مع أسف مجنت ادري بالبداية لكن عرفت بالنهاية ..
_ اي جنت مخادع بس ماتدرين بالنهاية
الانفصال شصار بي !
_ ماريد اعرف شصار وياك انتهت العلاقة وخلص كلشي بيناتنه وهسه أنت مزوج وراح يجيك طفل ليش تنبش بالقبور
الماضي خلهن نايمات رحم الله والديك
حسيت بي اخذ نفس طويل بحسرة وراها وزفر بقوة
احس بانفاسه من خلال سماعة الاتصال
_ زهراء أني اكتشفت بالنهاية احبج
بلعت ريجي كمت ارمش بسرعة بعيوني مامستوعبة شكال ؟ وليش دا يكول هسه اني احبج بعد فوات الاوان رجعت
بلعت ريجي مرتين علمود اجاوب على كلامه
_ تحبني ؟
_جنت احبج قبل مو هسة
_ مايهمني تحبني قبل لو هسه المهم عندي تبتعد عن
طريقي وتكمل طريقك وي أختي
_مكمل وي انفال للأخر هاي منتهين منها بس احبج مو بايدي
_حمزة ...مادا افهم عليك ساعة تكول قبل احبج و
هسه تكول احبج ليوين تريد توصل ؟
_ اريد اوصل لمرادي
_ شنو مرادك ؟
_ بعدين راح تعرفي بس هسه راح اكولج كلام
خلي ترچية باذانج زهراء
ماهتميت لكلامه أبد كالعادة مايتغير أبد نفس
الكلام والتهديد راح يكوله رد
_ أنتِ أخت زوجتي وراح احترمج وراح اعتبرج اختي من اليوم وماكو تهديد ولاشي راح اكعد راحة منج والله منا
لما تجيب انفال الطفل وراها الله كريم
_شتقصد منا لما يجي الطفل للدنيا ولك شضاملي
وراها من مكايد سوده حمزة
_ يجوز مكايد بيضة
_ الله لا يوفقك اذا تفكر بأشياء القديمة
_ الله هناك يجوز راح يوفقني لأن مراح اسوي
شي يغضب الله ويغضبج أنتِ
_ شراح تسوي ؟
_كلشي بوقته حلو ياحلوة في أمان الله
_ لحظة هو اني شفتهمت من هاي المكالمة
_ سمعت صوتج المهم في امان الله
سد الخط بوجي رجع الخوف لنفسي مثل قبل لا وازود
_ربي شضاملي هذا ؟
كعدت بالكاع على السجادة خايفة من كلامه مفهمت شنو المقصود وليش كال بعدني حببج هو هذا يعرف
شنو شعور الحب وشنو الحب
لا والله ميعرف شي بس يعرف يلعب بعرض الناس ويستغل بنات العالم وأحد قذر حاولت اتعايش وي الظروف بس مع أسف مكدرت بعدة الخوف مسيطر على قلبي
ثاني يوم العصر رحت وي بيبي وأمي وابوي هم اجه وريتاج حسين مجه راح على شغل كطعوا مهر سيد هند خايفه
اكثر من قبل معرف شبيها
راحوا أهل العريس وأهلي هم راحوا كعدت يمها بالغرفة صارت الدنيا المغرب نسمع صوت قراءة القرأن من العتبة
المقدسة ضريع الأمام علي (ع)
_ هند شبيج خايفة ؟
_ خايفة حيل ...حلمت حلم موزين البارحة بالليل
__شحلمتي ?
_ حلم موزين أبد وتفسيرة هم موزين مكدر
احجي اخاف يتحقق
_ أستغفر الله العظيم كولي يالله هو حلم ماكو داعي تخافي
_اعرف حلم بس مرات الأحلام تكون إشارة من الله
_اعرف بس مو كل حلم معناه حلم تعوذي الشيطان
وكومي اقري قرأن وان شاءالله ترتاحي
_ وين رايحة
_ للبيت
_ فدوة أبقي عندي اليوم
_ اممم
_ بس اليوم فدوة
_ ماشي خل انطي خبر لامي
اتصلت بأمي وكتلها راح أبقى عند هند اليوم كالت ابقي مبيها شي أذن صلينا سويه وراها صبينا العشة مقبلت اروح أكعد
اكل وي عمي واحمد على نفس الصينية اخجل
_ هههه صدك ولج تستحي
_ ايي والله استحي خل ناكل هنا بالمطبخ
_ ماشي خل اودي الاكل وارجع أنتِ صبي العشة لما ارجع
راحت سمعت عمي يكول
عمي _ وين زهراء
هند _ بالمطبخ
عمي _ شسوي بالمطبخ خل تجي تاكل ويانه
أحمد _ تستحي تاكل كبالنا هههههههه
عمي _ هو منو غريب علمود تستحي صيحيها يابه
عمتي _ البنية تستحي لا تصيحها خطيه مراح تاكل
عمي _ شهالخجل عدها هاي
هند _ من الله هي خجولة ههههه
أحمد _ زهراء يابه تعالي مراح ناكلج بدل العشة ههههه
زهراء خجلت حيل معرف ارد إلا نقذتني هند من ردت وكالت
هند _ عوفها متحجي لو تكطع لحمها خل اروح اكل وياها
احمد _ بعد بيتي حتى الجداري سحكوها
هند _ ولك شايفنة هوايش
احمد _ انتو الانكس هههههه
عمي _ احمد موعيب عليك
احمد _لا ليش عيب جنت اشاقه
هند ختموا الكلام بلشوا بالاكل رحت يم زهراء
لكيتها كاعدة تاكل
_عزززة كل هذاك الحجي وأنتِ دا تاكلي ام كرش
_ ههه اهم شي الكرشة جا شعندي غيرها هههه
_ اياا ام نفس الدنية
_ عادي اكعدي اكلي عروسة
كعدت بصفي _ اكلج شوكت اعرس ؟
_ مستعجلة
_ لا موهيج بس يمكن ريان راح يقدم
موعد العرس حسب ظني
_ليش ؟
_ مدري بس حسب ظني راح يستعجل
_ خير الأمور عاجلها بعد احسن
_ لااا
_ شكو بيها لو اخذج بسرعة بسرعة والله أني اشوف احسن علمود لا تطلع مشاكل وراكم
_ هو هنا العلة اخاف من قاسم أني
_ صراحة اني هم مثلج خايفة لذالك اكول لو
ستعجل احسن وأفضل
_ الله كريم ان شاءالله ماكو شي ويلطم للابد وجه الدبس
_ الله كريم حب
ورة ماخلصنا العشة.جابت الصينية عمتي غسلنا الماعين سوه وصبت الجاي عمتي اخذتها ورحنا دخلنا جوه غرفتها
نحجي وي بعض بسوالف
تذكرت حمزة وكلامه كلت بقلبي اكوللها لا ؟ اخاف اكوللها وتتعصب لو تتهور وتسوي شي غلط هي ماكو عقل براسها ودومها متسرعة بتخاذ القرارات
بقيت كاتمة كلشي بقلبي الله يساعدك يقلبي
شايل هموم الدنيا كلهاا .
ثاني يوم الصبح حجيت وياها على موضوع كطع المهر الحكومة كالت بعد يومين لأن اليوم جمعة وباجر السبت ويوم الاحد يكون دوام كتلها اذا حجه وياج هسه تقبلي لا.؟
كالت _ طبعاً اي هههه
وراها رجعت على البيت صادفت ريتاج دا تغسل بالطرمة بايدها الماسحة راشة الطرمي مي
_صباح الخير
_صباح النور شخبار هند
_ تمام
رحت دخلت جوه البيت نزعت العباية وبدلت كعدت بصف بيبي هي كاعدة خليت راسي بحضنها كامت تلعب بشعري
بصابعها ارتاحيت
_ شبيج
_ راسي يوجعني
_من السوالف
_ والله محجينه هواي بسرعة نمنا
_بيش الساعة نمتوا ؟
_بال١١ بالليل
_مكايلة شي بيبي جهزي روحج راح نروح البيت
عمتج فاطمة العصر
_ مالي خلك اروح
_ وين تبقين قابل اهلج كلها رايحة
_هاا افكر
_ ماكو تفكير راح تروحي
_ماشي اروح
دك تلفون..طلعته من جيب الدشداشة كالت شوفي منو المتصل اخذته من ايدها المتصل حمزة نطعجت انطيته لها
_حمزة رجل انفال
اخذته _ هاا
فتحت خط _ الوو هلا بيبي شلونك
اسمع _الحمدالله بخير بيبي أنتِ شلونج أخبارج
_ الحمدالله بخير انفال شلونها الاهل شلونهم ان شاءالله بخير
_الحمدالله كلها بخير
_ دومكم بخير اي شكو ماكو
_ والله يا بيبي كلشي ماكو ضوجة وكاعد بالبيت و
ساكت وكلت خل احجي وي بيبي
_هلا بيك بيبي
رفعت راسي وكمت بقت هي تحجي ويا معرف ليش هلكد يحب بيبي وبيبي تحبه اظن علمود كل يوم يحجي وياها هو اللوكي ويعرف شلون يكسب القلوب الناس
ناحيته بسرعة بدون ما يحس الشخص هو منجذب له الحمدالله اني كدرت اتخلص من حبي ناحيته برغم هواي تعذبت لما نزعت حبه من قلبي
اجه اليوم الأحد راحت هند تكطع مهر حكومة انتظرها على نار ترجع عالساعة بال ١١ خابرتني وكالت كطعنا مهر باركتلها
طايرة من الفرحة خطية
وكالت راح نتغدة بيت ريان والظهر ان شاءالله نرجع .
الظهر كاعدة بفراشي البنكة فوك راسي تهز بصوت مزعج خليت سماعات بإذاني تغطيت بالبطانيه خفيفه أسمع ردات الباسم الكربلائي عشقي هواي هواي أحبه وكذالك أحب سيد محمد الصافي برغم يبالغ مرات بالحجي بس احبه الحب من الله سبحانه وتعالى ينزرع داخل القلوب
اخذت تصفح فيس بوك دخلت على حساب محمد ابن خال حمزة شفت منزل منشورات جديدة خلال ثلاث ساعات
صورة اله وصورة الثانية
الحمزة صاعد على الموطور جان كشخه شكله حلو أستغفر الله عيني انجذبت اله الله يلعن الشيطان طلعت بساع ابساع من صفحة مالته دخلت على حساب هند كلشي ماكو منشورات مصفيه الحساب محذوف كنه ؟ ا
ستغربت كلت خل اراسلها هسه رجعت اكيد الساعة بال٣ الظهر
دزيتلها رسالة على الواتس اب انتظر جوابها بفارغ الصبر والله خلال خمس دقائق تقريبا يلا ردت علية
_هلاوات حبيبتي اسفة جنت ابدل
_ عادي حب بس سؤال ليش حاذفه كل
منشوراتج على الفيس بوك ؟
_ايي راح ازيل الحساب وافتح حساب ثاني
جديد على رقمي الجديد
_شعجب راح تغيري كلشي
_ريان كال هيج صراحة مااريد مشاكل منورة ابن خالي ورقم مراح انطي لشخص غريب بعد
_ زين العقل سوه دنيانه مبيها أمان
_اي والله
_اخذي راحتج روحي ارتاحي حب بالليل اشوفج
_اوك حب في امان الله
_ الله وياج
ريان" جنت طالع بره رن تلفوني شفت المتصل جان مجهول رقم جديد وآول مرة يتصل علية
رديت _الوو
_طلع الحجي كله صدك
_ ياا حجي منو وياي
_وياك قاسم أبن خال الحقيرة قليلة الشرف
هند عرفت منو ياكلب
_ أستغفر الله ولك لسانك اكصه لك اذا جبت
طاري هند على السانك
_انجب هذا التهديد مايمشي علية والله والسمه الله الا افضحك وافضحها وياك وان شاءالله اخرب الخطبه من
اساسها واخذها مني هالمرة
_ ءء
ردت ارد على كلامه بس نفصل الاتصال سد الخط بوجي عصبت حيل واحد نذل قليل الشرف والله اذا سوه شي الا اذبحة
ياربي هاي منين طلعتلي هسه منين
هند "جنت كاعدة يم أبوي بالاستقبال أمي طالعة وي احمد تشتري مسواك وقت العصر تلفون أبوي رفع الخط
_الوو
شفت ملامح وجه أبوي تغيرت تماما عيونه صارت حمر دم باوعلي بعصاب معرف شصار ويا كلمة وحدة ماينطق ؟؟
بس أريد اعرف شكو وشصار ويا
منو هذا اللي دا يحجي ويا ؟! نزل الموبايل بقى يباوع
عالشاشة الجهاز رفع راسه باوعلي وكال
_ ليش هيج يابه
_ شكو يابه ... شبيك ؟
رفع الجهاز ناحيتي انصدمت من شفت الصور القديمة اللي عند قاسم وكع قلبي بالكاع من الخوف والله أبوي راح يذبحني
اكيد كمت بطولي ودموع تنزل من عيوني
_ والله العظيم يابه دا يكذب ماعندي أي علاقة وي ريان
هذا واحد كذاب والصور مزيفة
شمر الموبايل بصفه عالكرويتة مسح وجه بكف ايده وكال
_ خابري ريان خل يجي لهنا بسرعة
فزيت صوته جان يخوف وعالي
_ ان ان ان شاءالله
رحت على الغرفة ارجف من الخوف معرف شراح ينتظرني بعد دقايق لو ساعة ؟لزمت الموبايل بايدي كوه اكدر أحمله من الخوف بلعت ريجي همست
_ يارب مايصير شي دخيلك يالله حلها
طلعت رقم ريان دكيت علية رنتين وفتح خط
_ الوو هاا هند
_ ريان تعال على البيت بسرعة
_ شكو شصاير وليش دا تبجين هند شبيج شصار؟
_قاسم
_ شبي هذا الكلب ابن الكلب شبي ؟
_ دز الصور كلها لابوي وهسه متعصب حيل
فدوة تعال ريان أبوي يريدك
_ الله لا يوفقك قاسم على هاي الدكة الناقصة جاي ...
أهدئي هند هسه أني اجي و احلها
_ انتظرك
سديت الخط بقيت ابجي كعدت بغرفة أمي اندب حظي يافرحة لمادامت مالحكت افرح أيام وطلعتلي المشاكل صدك بوجي وجه البوما على كولت بيبي وأمي
نص ساعة اندك الباب وأسمع ابوي يكول
_ تفضل يابه استريح
هند _ يارب مااريد مشاكل وتخلي أبوي يقنع ويصدك الحجي
ريان .وقع قلبي بالكاع من سمعت كلام هند من كالت قاسم داز كلشي لابوها وأني مصدكت قبلت بي وراح تكون من
نصيبي يطلعلي هذا النذل
يخرب كلشي دخلت جوه ابوها جان متعصب حيل كوه متحملني كباله كاعد
_ تفضل احجي عمي
_ اعتقد كالتلك هند ليش دزيت عليك ف ماكو
داعي تسوي روحك غشمر
_ اي كالت
_ الصور والمقطع الفيديو حقيقة لو مزيفة كول الصدك
عندك علاقة سابقة بهند ؟
_ ماعندي اي علاقة وي هند بالماضي والصور
والمقطع الفيديو مزيف
_ نكول صدك ماعندك علاقة وياها منو سوه هاي الصور ودزها لابن خالها بيوم الخطبه غيرك أنت ؟
_ راح اكول الحقيقة عمي أني جنت بأيام الجامعة احب هند ومعجب بيها بس والله ماقتربت منها أبد وبقيت احبها
من بعيد لبعيد وره ما تخرجنا
_اي عفيه كمل
_ حجيت وياها وي زهراء بنت عمها وكتلهم راح اتقدم واريد اخطبج من بيت اهلج هي رفضت وكالت مقبل ومن هذاك اليوم بعد مامقترب لها واذا ما تصدك دز على زهراء واسمع منها
عمي _ هند دزي على زهراء
هند فزيت أبوي مصدك بي خابرت زهراء كتلها تعالي بسرعة بس مكتلها على المشكلة الصايرة هسة ...
عمي _ ما كلتلي منو دولك الصور ؟
ريان _ معرف منو
عمي _ منو دز الصور منو غيرك أنت هسه أنت المشتبه الواحيد بهاي القضية لأن جنت تحبها وتريدها من شفت اجوها خطاب كلت اخرب هاي الخطبة علمود
تصفه لالك مو صح
_ لا غلطان عمي مستحيل انزل لهيج مستوى علمود
اوصل لشي اريده بالأساليب القذرة
_ هسه تجي زهراء وافتهم كلشي ... هند تعالي يابه تعالي
هند متت بدمي لبست الحجاب شلون ما جان وطلعت بقيت واكفه ابوي انظاره علي وكذالك ريان مبين عليه
الخوف أعرف بي يخاف يخسرني
ندك الباب رحت افتح طلعت زهراء
زهراء_ هاا هند شكو
هند_ تفضلي أبوي يريدج
زهراء_ شيريد
هند_ دخلي وراح تعرفي
زهراء دخلت شفت ريان وعمي متعصب حيل سلمت
_ السلام عليكم
_ وعليكم السلام
عمي _ تعالي اكعدي بصفي يابه عندي موضوع وياج
زهراء كعدت بصف عمي كبالي ريان
عمي _ هند اكعدي عليش واكفه بالنص
كعدت هند ماعرف شكو شصاير هند مبين عليها شابعه بجي وهذا ريان متوتر حيل وايديه ترجف ياالله
شكو شصاير هنا ؟
عمي _ قبل نص ساعة دزلي قاسم ابن خال هند صور ومقطع فيديو الهند وريان ويكول هم بعلاقة غرامية من الايام
الجامعة هالحجي صدك لو كذب ؟
زهراء بلعت ريجي بس رديت بسرعة بدون تردد
لو خوف لأن حقيقة معدها شي ويا
زهراء _ وداعت بيبي عندي هند وريان كلشي ماكو بيناتهم بأيام الجامعة لا أصدقاء ولا يحبون بعض جانوا غربة حالهم حال الطلاب وهذا الكلام كله كذب وملفق
عمي _ ريان هم كال هيج يكول من إنتهت مرحلة الدراسة وتخرجنا اجيت حجيت و زهراء وكتلها كولي الهند
أريد اتقدملها صح
زهراء _ اي صح حجه وياي على الفيس بوك بوقتها كلت الهند وهي رفضت وهو هم سافر الايران بعد ماقترب أبد وهسه تقدملها مرة لخ وصارت القسمة
عمي _ اذا هيج الحجي لعد منو اللي طلع هاي الاشاعة
عليهم وخرب الخطبة غير ريان؟!
زهراء خفت حيل لو يعرف حمزة راح نتكلب الدنيا
كلاب مرديت باوعلي عمي بشك
عمي _ احجي منو ؟
ريان _ عمي خ....
رفع ايده ناحيته وكال "
اشش خل زهراء تحجي
زهراء _وحدة بالجامعة جانت تكره هند حيل وهيج سوت
عمي _ منو هاي ومنوين منا من النجف ؟
زهراء _ من بغداد
عمي _ عندج عنوانها ؟
زهراء _ لا والله كلشي منعرف عنها لا عنوانها
ولا حساباتها الشخصية
عمي _ اذا بنية لعد شلون عرفت هند بهل اليوم راح تخطب وابن خالها بتحديد وليش خلت ريان بين كل
الشباب الجامعة كولي
زهراء عمي ذكي ماعبرت علي هاي الحيلة
شلون هسه ياربي شلون
زهراء _ هي عدها تواصل وي صديقتي هبه ويمكن كايلتلها عن خطبه هند وهي عرفت منها اكيد وطلعت حساب
الفيس بوك وسحبت الرقم
عمي _ خبيرة هاي البنية مادري
زهراء _ عمي والله العظيم مالها أي ذنب هند مظلومة وريان كذالك مظلوم معنده شي وياها والله
عمي _ أعرف تربيتي زين مايحتاج تحلفي وهسه هي مخطوبه له ماكو داعي بعد نحجي ونسوي مشاكل بس أريد عنوان البنية علمود اروح البيتها واعلمها شلون تشوه سمع بنات الناس وتخرب اعراض
ريان رتاحيت حيل عمي بسرعة صدك بزهراء مدري جاي يمثل هو مصدك بالحجي والله معرف بس المهم ما تهور وفسخ الخطبة لو صاير شي موزين لا سامح الله
جان سويت جريمة بقاسم وحمزة ومحمد زهراء خوش لفقت كلام بسرعة بسرعة برغم هي خايفه حيل ودموع
بطرف عيونها صايرة .
ريان _ان شاء الله بس نعرف العنوان أني بايدي اجيبه لك عمي
عمي _زهراء تجيب العنوان أنت معليك يابه تكدر تروح هسه
زهراء" طلع ريان ضايج عمي من طريقة كلامه جان الطرد بس طرد هادء ولا مشاكل متخلص اووف حنى وين مانروح تطلع المشاكل بنص الطريق وتخرب كل فرحة
نفرحها ؟!
عمي محجه شي وكال لاتكولون الكائن مايكون عن هاي السالفة وراها خله وطلع بره اجت عمتي وأحمد محجينه ولا كلمة تمينة بالسان مربوط عزلت وياهم المسواك وراها رجعت
على البيت وي طبتي
اذن كبل توضيت ورحت أصلي وأقره قرأن ادعي الله يفرجها بوجه هند وتزوج وتخلص منكل هاي المشاكل وعقبات
الي صارت بطريقها عثرة
ثاني يوم طلعت ويا نزور المقبرة أهلنا بالطريق تحجيلي
على لصار البارحة بالليل وي أبوها وأهل ريان
_ أبوي كاللهم تاخذون البنية بهاي الآيام
_ اي وشكالوا ؟
_كالوا عكب باجر ناخذها ونروح نجهز وان شاءالله
نهاية الأسبوع القادم نزف #ڪــڔٰا̍ڕ
_يعني عرسج راح يكون الأحد الجاي
_ايي
_ ألف مبروك حبي أحسلج والله
_ اي والله احسلي مابي حيل فضايح لو تنفسخ الخطبة
بعد منو يتقدملي أبقى طول عمري عانس
_هههه بعيد الشر عنج حب
_ هههه
زرنة .... المقبرة ورجعنا على الامام كملنا زيارة وكلمن رجعت للبيت مالتها صادفت ريتاج كاعدة بالصالة على الدرج تخابر معرفت منو تخابر بالضبط؟
نزعت العباية علكتها وره الباب وطلعت اشرتلي بايدها وكالت
_زهراء تعالي لعندي
_هاا ريتاج
_ عندي موضوع وياج
رحت يمها وكفت مقابيلها مستغربه شعدها وياي ؟
_ أختج راح تسوي عملية قيصرية الخميس الجاي
_ عملية ؟
_ اي خطيه عدها ضيق بالرحم متكدر تولد طبيعي رايحين للدكتورة البارحة ومطيتهم موعد
_ ان شاءالله خير وتكوم بصحة والسلامة
_ان شاء الله باجر يمكن نروحلهم
_ليش باجر
_غير حسب فراق حسين
_هاا هم صدك
_جهزي روحج رايحين باجر الصبح ونرجع الظهر
_ الله كريم
ثاني يوم الصبح رحنا لبغداد حس روحي مخنوكه مالي واهس الروحة أبدا وصلنا سلام وكذا وراها كعدنا بالاستقبال وي أهل حمزة كا العادة كاعد كبال
بيبي ويسوالف وياها ويضحك بصوت عالي احس ضحكاته سجاجين داخل مسامعي خطيه انفال كضيانة صايرة عامود محوري من الضعف ماعرف هاي شجاها وهيج ضعفت
اشك بيها مريضة وماتكول ؟
تكول لا مبي غير العافية بس مادا اشتهي أكل شي لذالك وزني نزل من ٥٠ إلى ٤٤ كليو خلال هاي الفترة القصيرة
وجهها صاير أصفر ليمونة
سودة علية أختي خلصانة انقهر عليها حيل وبنفس الوقت خايفه من العملية معرف ليش ؟ قلبي مقبوض من
سالفة العملية القيصرية
وره ساعة طلعت بره وي سارة جانت مامداومة اليوم بس رامي مداوم وحمزة هم مارايح على الدوام كعدنا بره
بالحديقة جو جان حار شوي
كتلها ... حارة سارة خل ندخل جوه
_ ايي حارة وهاي اجت اخلاص
دخلت اخلاص من الباب البره لابسة بنطرون وتيشيرت لحد الركبة بردان اطوال الشعر ....مشدود ذيل احصان والجنطة سودة بايدها من شافتني ابتسمت
حمزة طلعت بره واكف بالطرمة اباوع عليهم زهراء شلون واكفة بصف سارة بقيت اراقبها وأبتسم شكد حلوة ونازكة
ولبسها المحتشم طويل
كلشي بيها حلو ويلفت الانتباه بقيت سارح بحلامي الوردية فزيت على ايد تضرب جتفي
_ هاا ولك وين صافن
التفتت طلعت اخلاص بلعت ريجي و كتلها
_هيج شوكت رجعتي ؟
_ قبل دقايق
_ ماشفتج من رجعتي
_هو أنت أصلا فاصل من الرئيسي ماعرف وين عقلك زين شفتني من سلمت على زهراء ؟
_لاوالله
_مو اكول فاصل كول ليش صافن هيج على زهراء ؟
_ مو عليها
_لعد على منو ؟ على العصافير لو على السماء الزرقاء
بنصها الشمس اللي تصدع صدع
_ شكد تحجين اخلاص
اخلاص فلت مني راح دخل جوه البيت _وأني أدري بي جان سارح بحلامة الوردية وصافن على زهراء صفنه العاشق
الولهان يباوعلها بنظرات طفل محروم
من أمه صار سنوات مو أيام
مرات ا نقهر عليه لأن الحب من طرف واحد صعب حيل ويوجع بس هو حبه مايجوز يخلي عينه على أخت مرته
واني أدري بالماضي كلش زين
هو دا يكابر ويكول ماكو شي ومرام تحلف وتكول اكو شي ولحد الأن حمزة يكن لها المشاعر محمد بوكتها جان سكران
وحاجيلها كلشي عنهم .
زهراء رجعنا عالبيت رحنا بالصالة شفت حمزة مرتجي على الدرج يدخن باوعلي بضحكة وراها دار وجه عنه
وصعد الدرج يمشي بخفه ،
وره.ماتغدينا انجبرت اكعد وياهم أكل يالله شكد استحي اني سوكت ابطل من هاي المستحاء مدري ؟حمزة وره ما تغدينا كعدت عالدرج انتظر محمد يجي عدنا شغل سوه اليوم
ندك الباب فتحته أمي دخل محمد كال
_وين النذل ؟
_انذل ابن النذل هويني
أمي _ طاح حظكم بعد اكبروا واحد.يغلط على الثاني
محمد._ عمه هي الدنيا أذا مبيها غلط وسب
محلوة تصير مو حمزاوي
حمزة _ اكيد شو؟ تأخرت
محمد _ اجيت مشي على رجلية
حمزة _ وين الموطور مالتك ؟
محمد._ عطلان شمرته يم المصلح الصبح وكال
باجر صبح تعال أخذه
حمزة _ يلا تعال فوك
أمي _ خير شعدكم ؟
محمد _ عمه هسه أنتِ شعليج شغلة بيني وبينه
جابته أمي بكفخه على ركبته منورة
أمي _ ولك لسان تلاسن حيوان شكو احجوا
محمد _ ماكو شي والله عمه
حمزة _ جبته يساعدني نسوي أسئلة للطلاب مبي حيل أني
أمي _ ماشي
اخذت ......محمد وصعدت للغرفة مالتي دخل
سديت الباب ضحك وكال
_اللي تريده صار
_ احلف
_ والكعبة
_الحمدالله لعبت نفسها منها يعني
_ لعبت نفسه وخلص
_ خررب بيومك مو مخرب أنت قنبلة مؤقتة
_شعبالك لعد ههههه
_ هههه
زهراءكال حسين هم يلا نرجع عالبيت طلبت منه ريتاج تروح.... لأهلها مقبل كال ميبقى وقت غير مرة اجيبج
عود قبلت بس طنكرت
صعدت عالدرج وي انفال كالت اشتريت كم اغرض لأمي وأختي وديهن _أنتِ الها دا نمشي على الدرج صادفنه محمد وحمزة يضحكون شافني حمزة وكف ضحك وكال
_ هاا وين
انفال _ للغرفة
حمزة _ شعدكم ؟
انفال _ تحقيق
حمزة _ لاا اخذور راحتكم
محمد _ سلام عليكم
_ وعليكم السلام
صرت صفح انزل أول محمد وراه حمزة رفعت رجلي اريد اصعد على الباية وره انفال جان رجلي تزحلكت ماعرف شلون
هيج صار وياي وكعت عطت
_ اااه
ماحسيت إلا واحد لزمني من ظهري بسرعة وكال
_ الله
انفال _ زهراء شبيج
حمزة _ ماتشوف شبيها جان وكعت وبتلينه بيها
زهراء بعدت عنه بسرعة خجلانه حيل وفشلة مناك محمد كام يضحك بصوت عالي وهذا حمزة يضحك بسكوت نذال الله ياخذهم حتى بهيج ظرف يضحكون ويتمسخرون
انفال _ الحمدالله أنت موجود لو جان هسه بعداد الموت
محمد _ المستشفى قريب ماتموت
حمزة _ هههه الدرج طويل تتكسر وربك حتى
أني وأنت نروح بيها
محمد _ والله نسيت ههههه
انفال _ حمزة موعيب عليكم تتمسخرون عليها
حمزة _ عادي يابه عادي انزل حمودي
زهراء تمنيت الكاع تنشك وتبلعني بهالحظة صرت مضحكة كبالهم والله تعالي شوفي حالي هند صرت
مسخرة للنذال
انفال _ ماعليج منهم هذولة هم بدون احساس
زهراء هزيت راسي
صعدت للغرفة وياها وبعدني خجلانه أتمنى من انزل ما اشوفهم كبالي اخذت الأغراض ونزلت جوه لكيت ريتاج لابسة العباية وأمي كذالك خليت الاغراض بالكاع
رحت.لبست العباية
رجعت اخذتهن بايدي ودعناهم وطلعنا طلعوا ويانه للباب خجلت حيل نزلت راسي من شفت حمزة ومحمد بره
واكفين ويضحكون كبال السيارة
مالت ابوه محمد يطك بإيد حمزة بانتصار ؟ ماعرف شعدهم هذولة من مكايد وخطط ويمكن هاي الخطة ناحجة
لذالك دا يحتفلون
ام سيف _ خيركم ولكم تتمضحكون وتصافحون ؟
حمزة _ ماكو شي يمة
أبو سيف _ هاي شوكت اجيت حمودي ؟
محمد _ قبل نص ساعة اجيت
ابو سيف _ هلا بيك شخبار أهلك
محمد _ زينين
صعدنا بالسيارة اجرة صعدوا أمي وبيبي وريتاج وحسين بالصدر ....أحس المكان صار ضيق حيل اويلي هاي مو نفس السيارة هاي صغيرة حيل
حمزة دخلوا أهلي وأهل زهراء راحوا هماات باوعت لمحمد بضحكة هو هم باوعلي وكال
_ حيوان أنت وكعتها
_ ايي والله ههههه
_اعرفك نذل ماتبطل مذاوة
_ احبها مو بايدي ههههه
_ الله يحبك بس هههههه
_ ماكو أحد يحبني غير الله حب
_ جا وأني شيطان طلعتني
_ انكس من شيطان هههههه
_شراح تسوي وياها ،؟
_ خل تجيب مرتي بالخير والسلامة راح اشوف
شغلي وياها عدل
_ اعرفك ماراح تخليها تعيش بسلام
_ ماخليها والله لو تكون لي لو تموت وتندفن جوه التراب
_ هه وحدة من الآثنين راح تصير
_ والله أعلم منو منهن تصير
_ ان شاءالله لك ولا للقبور
_ الله كريم المكتوب يصير بعد شوف شمكتوبلي راح يطلع
_ صح ديلا أني راجع في أمان الله أشوفك بالليل
_ الله وياك حبيبي اشوفك اكيد
زهراء"بعد مارجعنا عالبيت كامت أمي تسوي العشة وريتاج كاعدة بالغرفه ضايجه علمود حسين ما اخذها لأهلها
حجيت وي هند من فوك الحايط
وكالت جبت ملابس اليوم تعالي بالليل شوفيهن وباجر اروح أكمل البقيه كلت أمر بيها بالليل اني وريتاج خل اطلعها
مابي حيل تتعارك وي حسين
هي حيل ضايجة حسين بدل وطلع بره معرف وين ؟ وره المغرب اجه بدل وصلنا وصبينا العشة اكلنا وراها طلع وي
احمد الزلم ابد مايكعدون بالبيت
مو مثلنا احنا النسوان نكعد بالبيت ونسكت ، رحت يم ريتاج بالغرفة من يم عتبة الباب حجيت وياها
_تروحين البيت عمي ؟
_ لاا
_ليش ؟
_مالي خلك اروح
_ضايجة علمود حسين موداج البيت اهلج
_ اي
_خيرها بغيرها حبي لا تضوجي
_ضجت بعد
_متسوى تضوجين هو مو كال غير مرة ياخذج
_ اي كال
_خلص لعد يلا كومي نروح يم هند نشوف الجهاز مالتها
_ مصرة إلا تاخذيني
_ رجلي على رجلج يلا كومي
_ماشي جاية ثواني واكون عندج
_انتظرج بالاستقبال
اخذت ريتاج رحنا البيت عمي شفنه الجهاز هند وبقينه نحجي وراها رجعنا عالساعة بال ١٠راسن لفيت راسي ونمت راح يوم واجه يوم اجه موعد الحنة مالت هند راحت. عالصالون راحت وياها فاطمة وأخت ريان الجبيرة مزوجة
وعدها أربع أطفال
رحت من وقت البيت عمي وي أمي وبيبي كعدنا بالاستقبال وره نص ساعة ... اجت هند دخلت نزعت الغطاوة
من راسها طالعة تخبل غير شكل
البدلة باللون .الماروني صلوخ فرحان حيل رحت
باركتلها كعدت بصفها
_طالعة كيك
_ لا تخجليني ولج
_ جديات طالعة تخبلين جنج لعابة باربي
_ وأنتِ مو قاصرة
_ميلي يحظي وجي اجلح املح
_ههههههه
_ ههههه
خلال دقايق العالم كامت تجي كمت كعدت بمكاني بصف فاطمة اجت الملاية قرت جم قصيدة وهوسات وكالوا
اجوا اهل العريس أبتسمت
فاطمة _ شبيج توزعين ابتسامات
زهراء _ هيج
دخلت بلأول ام ريان تهلهل وتطش جكليت على راس هند دخل وراها ريان جان لابس قاط ازرق شكلة حلو ومعدل كعد يم هند الله شكلهم يخبل وأخيرا جتمعوا مع
بعض بقيت أراقب وابتسامة على وجي مزروعة اجت
بالي يوم حنة تنفال من تحرش بي حمزة اختفت
كل.ملامح الفرحة انكلبت للحزن
فاطمة _ كومي سلمي على العريس
زهراء _ هاا
فاطمة _ خرب بحظي هاي وين صافنه
زهراء _ هنا
فاطمة _ كومي سلمي على العريس لو تبقين
كاعدة حالج حال الغربة
زهراء _ هسه اكوم
كمت رحت وكفت كبال ريان
_ ألف مبروك برفاه والبنين
_ الله يبارك بيج يوم الالج زهورة
_شكرأ
رجعت... كعدت بمكاني ماعرف ليش حزنت بداخلي وحسيت قلبي مقبوض بس أريد ابجي بهالحظة رفعت
راسي شفت مره تباوعلي وتضحك
جانت بعمر أمي فاطمة نبزتني
فاطمة _ هاي عمه ريان وعدها ولد تلاث حك زواج
زهراء _ اي شسويلها
فاطمة _ دا تباوعلج وحتى سألتني عليج من دخلنا
زهراء _ على شنو سألت؟
فاطمة _ شكيت بيها تريد تجيج خطاب
زهراء _ اووي
فاطمة _ وجعوي شتريدين لعد هاي هند وراح
تاخذ وأنتِ تبقين على قلب أهلج
زهراء _ مفكر بالزواج حالياً
فاطمة _ وليش يابة ؟
زهراء _ دا أفكر ادرس ماجستير على السنة
الجاي اقدم ان شاءالله
فاطمة _ انجبي
زهراء _ ليش انجب
فاطمة _ تدرسي وتعبين وين اكو تعيين يابه تزوجي وانجبي
زهراء _ الله كريم يجوز تتغير الحكومة
فاطمة _ ينزل واحد يصعد واحد شكل الحكومة العراقية مثل المنشار صايرة تصعد تأكل تنزل تأكل فا
مستحيل يجي واحد براسه خير
زهراء _ مدري بعد
فاطمة _ اني اختج وأريد مصلحتج اذا اجوج
خطاب وافقي وانجبي
زهراء _ أفكر والله كريم
فاطمة _ الله كريم
انتهت ..الحفلة راحوا العالم اخذت كم صورة وي هند بالموبايل مالتي ومالتها وراها عزلت البيت رجعت للبيت مالتنه
راح استفقد هند هواي
راح تزوج وتعوفني الوحدي هنا بعد ميلي ونس منو يطلع وياي نزور الامام كل يوم وقت العصر صدك من كالوا كلشي مايدوم بهل الدنيا حتى .أهل والأصدقاء مايدومون هاي هنودي راح تروح وتعوفني ريتاج مو هالكد صداقتي وياها مومثل هند متعودة عليها وكلشي احجيلها
أخذت ... الموبايل كعدت بفراشي عالساعة بال ٢ بالليل ناموا اهلي متعودين ينامون من ال١١
اقلب فيس بوك بملل ......وحسرة بقلبي بس اريد ابجي راح افترق بمعشوقتي هند والله صعب علي حيل فركاها ماجنت متوقعة هيج راح تصير حالتي
نزلت دمعتي مسحتها بصبعي مسحت خشمي
_والله ماتوقعت راح هيج تصير حالتي بعد فراق هند عبالي شغلة عادي طلعت مو عادية وصعبة كلش
اجاني إشعار على الواتس اب رقم مجهول أستغرب
فتحت الرسالة نهاية الرقم ٥٠
كاتب _مساء الخير زهراء شلونج بعد ماراح تفتركي
بضلعتج هنودي ؟
_منو هذا بنت لو ولد موغريب مدام دا تسأل على
حالتي بعد فراق هند خل أرد واشوف منو؟
_ منو وياي ؟
رد بسرعة جان واكف على المحادثة
_حمزة منو غيري يسأل عليج خاتونة
_الله ياخذك شتريد ؟
_مال ياخذج الله أنتِ بيش طالبتني ياخذني الله
_ شتريد ؟
_مااريد شي بس اجيت واسي اخت مرتي الحلوة
_ الله لا يعوزني لك أحذف الرقم مالتي ورجاءً بعد لا تراسل
_ لا مامفهوم والرقم ما احذفه
_اني لعد أغير الرقم واخلص منك
_ غيري ألف رقم وهم راح اجيبه فتهمتي وهذا
الأسلوب غيري وياي
_ ليش أتعب روحي واحجي وياك
انطيته بلوك وايدي ترجف دموع نزلت على
الشاشة الموبايل احجي بداخلي
_ والله تعبت حيل ويا هذا شلون اخلص منه شلون يالله ابعده عن طريقي مثل ما خليته بطريقي
حمزة عقلي. طار من انطتني بلوك كعدت على الجرباية روحي لاعبة أتمنى هسه هي يمي علمود اشرب من دمها
واعلمها شلون تلعب وياي وتنطيني بلوك
عبالها راح اعوفها الغبية لو على فراش الموت هم ماراح اعوفها ولا اشيلها من بالي رسمت بخيال عقلي وراح تبقى
بعقلي طابعة وكذالك بقلبي
صورتها مرسومة زهراء لي وراح تبقى لي .
هند" رحت عالصالون الظهر عالساعة بال ٢ ردت زهراء تروح وياي بس مقبلت عمتي كالت عيب وصعدنا بنات تروح
لصالون وي بنت عمها وهاي ناس غرب
كالت بعرس اخوها مراحت شلون تروح وياج كسرت قلبي عمتي فوك ما قلبي مكسور لأن راح افترك بصاحبتي
من الطفولة وكل يوم أحنا سوه
بعد ماكو طبات وطلعات مثل قبل أني وزهراء .
راحت وياي مرت أخوي الجبير فاطمة ما اجت كالت اجي وي الزفافه أني وزوجي مدري قبل لا اروح على صالون حسيت زهراء مخنوكة وتظم علية شي ؟
حاولت اسألها كالت ماكو شي بس حزنانة على فراقج وبس مصدكت بيها ..أعرفها حق المعرفة تظم شي وماتكول
اخاف حمزة طلعلها من جديد
وماتكول ؟ الله أعلم بعد.شعدها من مشاكل هل زهراء ؟!
رحت...... على الصالون اختاريت المكياج والتسريحة فخمة اختاريت ما أحب أشياء النازكة والبسيطة لبست البدلة بردان اطول جانت حلوة كلش
كعدت ....بالكرسي كامت تسويلي التسريحة وأفكار كلها يم زهراء لما خلصت وكالت باعي على شكلج شفت شكلي متغير حيل هاي مو أني هاي وحدة غير
صدك المكياج والتسريحة تغير الواحد كلش ،
رجعنا عالبيت شفت زهراء كاعدة عالكرسي مخليه ايدها على خدها وصفنا تاخذها وصفنه توديها كعدت صحت
اختها الصغيرة
_ولج تعالي
_هاا
_تعالي لعندي
_هاا
_شبيها زهراء ضايجة منو حاجي وياها
_محد والله محاجيها
_روحي صيحيها كوليلها هند اجت من صالون هي متدري
_هسه
راحت وكفت يمها وتحجي وياها
_زهراء هند اجت من صالون
زهراء _ هاا صدك
_اي والله ودزت عليج
_هسه أروح اشوفها
كامت اجت علية تضحك
_هاي شوكت اجيتي ؟
_شوكت صارلي ١٠ دقايق وأنتِ متدرين
_ شكد حلوة طالعة هنودي
_عيونج الحلوة ولج شبيج صافته ؟ شصاير وياج
_ماصاير شي والله
_لعد عليش صفنه تاخذج وصفنه تجيبج
_علمودج
_علمودي ليش ؟
_راح تاخذين وتعوفيني بحالي بعد منو يطلع وياي
_هههه قبر يازهراء قابل راح أموت هو بيتي قريب عن
بيتكم عود اجي شوكت ماتردين
_ لا ماراح تجين مثل قبل بكيفج هسه راح تاخذين مومثل قبل
_ نكول صح بس والله راح اجي شوكت مايعجبني
_الله كريم
_زهراء
_عيون زهراء
_راح أبجي والله
_واني هم
_نبجي لعد سويه
_ لااا المكياج ينزل ويخرب مظهرج
_لعد شلون
_خل اكعد عندج ونبقى نضحك ونسولف علمود انسيج شوي
_ يلا
كعدت يمها احجي واحجي هي كوه لازم نفسها دخل واحمد باركلها والدمعة بطرف عيونه وراها أبوها ماتحملت بجت بحضن أبوها اجت أخت ريان
تواسيها طلع عمي يبجي شكد صعب فراك البنية عند ابوها وامها هند الوحيدة والمدللة البيت جبت المكياج وعدلت شكلها خررب خربت ربع المكياج بالبجي بلكوه يلا سكتناها اني حالي من حالها دموع عشرة على عشرة
ورة نص ساعة هدت الموضوع بطلت بجي هند كعدت بصفها اشاقه وياها عالساعة بالخمسة العصر كالوا اجوي
الزفافة كمت رحت وكفت بصف أختي
دخلوا الزفافه آول واحد العريس وأمه واخوه الجبير يونس على هوسات وطش الجكليت باوع الهند خجلانة حيل كعد بصفها قطرة دم مبقت بوجهها ههههه.
هند من كالوا اجوي الزفافه متت بدمي معرف ليش
شكو خوف وتوتر نزا علي .
كعد خمس .... دقايق وراها كمنا خله أيده بايدي بس مااريد ابجي ماخليت عيني بعين واحد من أهلي صعدنا بالسيارة هو سد الباب وصعد من الجهة الثانية
صعدت بالصدر أمه وجان السيايق السيارة أبن خاله عمار بعدة عزابي وشكلة حلو ومعدل طول الطريق على الصامت أني ريان كذالك كلمة وحدة محجه شكد بريئ مبين وهادئ
وصلنا كبال الأستوديو التصوير نزلنا اخذنا صور وراها صعدنا وراها رجعنا بالسيارة كملنا الصور وصلنا للبيت
نزلنا ايدي بايده وكفنا
بعتبة الباب البيت جابوا خروف ذبحوه جوه رجلي صارت الهلاهل وأغاني عالية كلش حلوة جانت ساجدة
عبيد شيصبر العاشق ياخالة
خوب بكل عرس لأزم ساجدة عبيد أغانيها حاضرة ومزينة العرس هههه دخلنا جوه بالبيت كعدنا على الكرويته دخلوا شباب مو غرب اقاربة
ركصوا وامه واخته واخوانه كلها ترقص كبالنا اجه اخوه يونس وعمار كوموه يرقص وراها كوموني ويل بالكوة كمت رقصت ويا شوي ورجعت كعدت هو هم كعد وكالة بهمس
_ مامصدك أنتِ صرتي لي
_لا صدك
_ هههه راح اصدك
_ههههه
_ يمه فدوة اللي تضحك مو ضحكات تشك القلب شك
_ريان
_قلب ريان
خجلت حيل اويلي شلون راح تعدي هالليلة ياربي طلع ريان هو والشباب بقوا بس النسوان يرقصون وحدة
معرفت منو اجت كعدت بصفي
تباوعلي بنظرات متعجب نزلت الغطاوة من فوك
راسي باوعتلها بعدم فهم ؟
_منو أنتِ ؟
_مريم أقارب ريان
_هلا بيج مريم
_هاي أنتِ الريان كتل نفسي عليج شكلج عادي مبيج شي جذاب
_ مفهمت ؟
_ لا فهمتي يابه هه
خلت وكامت بقيت متعجبه هاي شبيها مخبله لو شنو بقيت اباوعلها تباوعلي ... وتغزر واكفه بصف بنية هم معرفتها منو يحجون وي بعض وانظارهن علية
اجت كعدت بصفي فاطمة ابتها سجى بحضنها
_عرفتي هاي منو ؟
_لاا
_هاي رادوا يخطبونها الريان من قبل وبسببها ريان
سوه حادث قبل فترة طويلة
_هاا هاي هي مريم
_اي هي
_ موحلوة أبد وشايفة نفسها شوفه
_ زينه صدك شكالتلج ؟
_والله كالت هاي انتِ الريان كتل روحه علمودج
كالتها بتهنتر وكامت بعد
_خلتولي اكيد غيرانة
_يمكن
_ماعليج منها اكلج هم يلا اوديج للغرفة ترتاحي باعي الساعة بيش وراح يديرون العشة
_ياريت اكوم رجلي يوجعوني والبدلة مضايقتني
_يلا كومي
كمت هي تمشي وياي اجت أخت ريان ساعدتني شالت البدلة وراي آول .مدخلت نزعت الحذاء وهي.طلعت بقت
بس فاطمة وياي هي
اكون خالتي تجي .....وياي بس زوجها مقبل لذالك فاطمة صارت من طرف أهلي كعدت على الجرباية
_اريد انزع البدلة
_ هههه انجبي مووكتها
_ليش مو وكتها ؟ والله مضايقة حيل
_خل يجي العريس ينزعها لج
خجلت حيل مرديت عليها نزلت راسي
_ عشتوا خجلت ههههههه
_فاطمة
_عيني أني هم مثلج جنت استحي عادي حب
لا تخجلي هاي سنه الحياة
_اي
بقيت أراقب الساعة. احسب الدقايق دقيقة دقيقة علمود يجي ريان بزعت روحي من البدلة شكد مزعجة تذكرت
زهراء كلت بقلبي
_ لو مخلينها تجي جان موهيج حالتي هاي فاطمة منحرفة كلمة وحدة مني راح تخليني أموت من الخجل اجت اخت ريان اخذت فاطمة وطلعوا
_هاي شنو أخذت فاطمة علمود العشة لعد أني شنو محد مفكر بي شاكل لو ششرب والله مصارين بنطي
راح تتكطع من الجوع
خل أتصل بزهراء نسولف شوي لما يفرجها ريان ... لحظة عيب أتصل عليها هسه شتكول ريان هسه يأكل ويشرب براحته وأني محبوسة هنا لا من أكلة ولا من شربة
زهراء" جنت كاعدة بالغرفة بعد ما تعشينا بالي يم هند هسه شلون حالتها ؟ كلت أتصل ب فاطمة انوب ترددت كلت عيب هسه شيكولون علية ؟
أتصلت انفال علية رفعت الخط
_الوو هلا نفولة شلونج
_الحمدالله بخير وأنتِ شلونج شخبارج
_الحمدالله بخير حملج شلونه
_ والله مبي حيل أمشي خطوات من التعب وألم نايمة وساكتة
_ولج شصاير وياج وليش هيج حالتج صايرة ؟؟
_والله يا زهراء أني مريضة ومرضي صعب
حيل والله يستر مني
كعدت عالجرباية بخوف آول مرة تعترف لي بمرضها
_ شبيج ؟
_مريضة زهراء وبعد يومين العملية مالتي وخايفة حيل زهراء
_كولي يالله الله المسهل وان شاءالله يسهل عليج
بس مكتيلي شبيج وشنو مرضج
_ ونعم بالله ...
_احجي انفال لا تستكتي فدوة كولي شبيج ؟
_ والله يازهراء عندي عجز بالقلب
_ شلووون
صارت تبجي بس اسمع شهكاتها نزلت دموع مالحكت افرح الهند انوب تطلعلي أختي مريضة مرضها يخوف
حيل وصعب جدأ
_ من شوكت مريضة ؟
_ مرضي قديم حيل بس مجنت ادري بي من بداية
حملي عرفت بي
_وليش ماكتي ليش تميتي ساكتة ليش
_ أهلي يدرون بكلشي بس أنتِ متدرين
_ شلوون يعني اهلي يدرون
_ والله كلها تدري حتى ريتاج بيبي حسين بس أنتِ
متدري اني كتلهم مايكولولج
_ ليش هيج ليش تظمون علية
_ والله أخاف عليج
_ شكو علية علمود تخافين انفال هسه شلون
ماله علاج هذا المرض
_له علاج بس أني حالتي كلش صعبة مع وضع الحمل
_ يالله هاي منين اجتج هسه
_ لا تبجين زهراء هذا أمر ربج
_ اعرف أمر الله بس ليش مامكتوبلنا الفرحة والراحة كلما نفرح لدقايق تنزل علينا الأحزان بسرعة البرق هاي مالحكت افرح الهند وانوب احزن عليج ليش هيج ليش
..... بقيت ابجي وهي تبجي عاتب بيها بس ماكو أي
فائدة بعد فات الاوان والله يستر منها
_ زهراء اوصيج بأبني اذا صار وياي شي لا سامح
الله ابني امانة عندج
زهراء اخذت نفس دموع تنزل عشرة عشرة ختنكت بالعبرة ماعرف شرد عليها ....
_ تسمعين كلامي زهراء ابني امانة عندج والله ما
أمن بيه واحد غيرج أنتِ
_ لا تكولين هيج ان شاءالله تكومين بخير والسلامة
_ ماعرف شمكتوبلي بعد يومين بس العرفة أبني امانة
عندج فدوة ديري بالج عليه زهراء
_ اوعدج ادير بالي عليه بس فدوة لا تكولين هيج
والله قلبي صار يوجعني
_ هذا الواقع
_ يا واقع هذا ياواقع مافرحتي مثل خلك والناس
_ شسوي هذا المكتوب لي من يوم ولاتي بهالدنيا
يصير وياي هيج بحرف الواحد
مسحت دموعي _ الله كاتبلنا بس الاحزان مامكتوبلنا الافراح
_ هذا المقسوم لنا بهالدنيا بعد
_ الحمدالله على كل حال
_ هسه امنت على أبني عندج ورتاحيت كلش
والله من حجيت وياج
_ والله من تكولين هيج اريد اكتل روحي لا تكولين هيج خليج متفائلة بلكت الله يباوع الحالج وحال ابنج اللي بعده
ماشاف الدنيا بعينه
_ مئيسة من الحياة أني والله
_ حرام عليج هيج تكولين
_ حابه اكولج شي زهراء بس يبقى بيني وبينج فدوة
_كولي بيناتنه باقي
_ حمزة دا يخرب عليج
_ شلون مافهمت ؟
_ رادوا يجونج خطاب من أقارب ريتاج وحمزة ومحمد ملعبين نفس الولد منج فا ديري بالج من حمزة ومحمد ترى خباثه عدهم محدشايلها ودري بي يحوم وراج
_ صدك تحجين
_وداعت أبني البطني بس احس بحركاته بداخلي اكول الصدك حمزة بعدة وراج ومراح يعوفج بحالج
_ الله لا يوفقه شيريد مني بعد
_ يريدج
_ شلون يريدني تاليتها ويا
_واحد حيوان قذر ومن المستحيل يكون خوش أدمي جان يمثل علينا كل هاي الفترة واني الغبية جنت مصدكه بي صار خوش أدمي لاكن للاسف طلع كذاب
_والله أدري بي جان يمثل علينا
_ وبعد موتي راح يلعب جولة ف ديري بالج منه ولا تنطي وجه فدوة والله اذا وصلج راح يدمرج
_ هه أموت ولا اخليه يوصل الشعرة وحدة من راسي
وهذا وعد مني لالج
_ اي عفيه .. ولج اجه حمزة يلا باي بعد ماوصيج ديري بالج على نفسج منهم الخاطري فدوة
_ان شاء الله اكدر اصدهم وأنتِ هم ديري بالج على نفسج
وتفائلي لا تيأسي من رحمه الله
_ الله كريم باي
_بايات حياتي بايات
نزلت الموبايل خليته بصفي بدت تنزل دموعي خليت اكفوف ايدي على وجي وابجي بحركة مدري ابجي على حظي
لو على حظ أختي الي بين
الحياة والموت هي مئيسة من الحياة تماما ،ودا توصي بأبنها عندي وتكولي ديري بالج من رجلها أبو ابنها الله
أعلم شظاملي من مكايد ؟
من يوم يومي ما تكمل فرحتي كلما افرح ليوم لو يومين تخرب علية الفرحة بحزن جبير ينزل علي الله ماكتبلي الفرحة
ماعرف شوكت ينكتبلي أفرح.
هند "جانت عندي ام ريان خطيه فرحانه حيل حجت وياي وراها طلعت بعد ما كالت اخته راح يزفون العريس قلبي صار دمام أحس نبضات قلبي زادت أكثر
عبالك ملك الموت اجاني مو رجلي لحبيته بالسر بيني وبين نفسي تمنيته أسمع هوسات حلوات آول مرة أسمع
بيها كمت بطولي افرك بايديه
لو بايدي انهزم من الغرفة بهالحظة
دخل سد الباب وراه وبعدها قفلة بالمفتاح صار كبالي
ضحك من شافني واكفة متوترة
_ هاا هند شبيج متوترة ؟
_امم م...
_ خوف من آول ليلة هاي أعرفها بس ليش الخوف
ماكو شي يدعي للخوف
بلعت ريق رفعت راسي لكيت واكف بطولة شكله حلو نزع السترة شمرها على طرف الجرباية تذكرت جنت اكوله
الطنطل ضحكت من تذكرت كلمة طنطل
أستغرب باوعلي بحاجب مرفوع ؟
_تضحكين شكو ضحكيني وياج
_ هههه تذكرت بوقتها جنت اكرهك واكولك الطنطل هههه
_ الحمدالله ذكرتيني بعمايلج السودة وياي بالماضي
وشلون جنتي تجاهليني هند
تقدم ناحيتي بخطوات ثابته خفيفة يباوعلي ببتسامة ماكره بلعت ريجي صعدت عالجرباية بقيت واكفة اشر
بصبعي ناحيته بتهديد
_ اموتك ريان اذا سويت شي
_هههه اليوم الطوبة بملعبي مو ملعبج مثل كالمرة
_ريان لا تحجي هيج
_ لعد شحجي حب
غمزلي عين وصل بصف الجرباية يباوعلي
بمكرضحكت _ههههه
_وتضحكين ؟
_لعد خل اصيح اذا ميعجبك اضحك
_صدك جذب هند تشلعين قلبي حتى بآول ليله لنه إكعدي راحة وتعالي والله مشتاقلج كوماات واني صارلي سنوات منتظر هالحظة نكون سوء وتكوني لي وحلالي
_انزل بس بشرط
_موافق من هسه على الشرط بس انزلي
_الشرط يكون شوكت مايعجبني اروح الزهراء صديقتي وأنت ماتمنعني أبد وتعوفني براحتي و ما تتمرجل براسي مثل بقيه رياجيل وهاا قبل لا أنسى ماتمنعني من المكياج
وقت الطلعة وهسه القرار لك
_اممم
_هاا مو كلت موافق
_خل أفكر شروط هواي امم
بقيت ...... واكفة اراقبة وحابسة الضحكة صدك هاي فرصة ماتتعوض أبد وحدة تطلب كلشي بهل ليلة
_ ها ريون وين وصلت بالتفكير ؟
_ موافق انزلي يحلوة
_احلف بالعباس ابو فاضل ماتجذب
_ اهوووو والعباس أبو فاضل مادا أكذب أصلا الشروط
بسيطة وحلوة مثل وجج الحلو
_ حنزل لعد
_دتنزلي وماعليج
_عززز شضاملي ولك ؟
_ مديت ايدي جريتها من ايدها بقوة
_ دتعالي مو سمطتي سلفة سلفاي هند
هند _ ولك أيدي شلعتها ريااان
نزلتها من فوك الجرباية كامت تصيح سديت
حلكها بايدي وحضنتها
_خررب بيومج راح تفضحينا شبيج خبلة
_عوفني
_ راح اشيل ايدي بس فدوة خل تعدي هاي ليلة على سلامة مو العالم جاي تنتظر وأنتِ جنج جاهل تكمزين
من مكان المكان
هزت راسها _اممم
شلت ايدي أبتسمت بوجهها
_هاا هسه جاهزة لو لا
_ريان راح اموتك عوفتي ولك ماجاهزة اجلها لغير يوم
_هههههه
_شبيك تضحك؟
_بالحلام الوردية اعوفج لغير يوم اليوم يعني اليوم
_ريان أسمع الكلام وخليك عاقل
_ماكو أسمع الكلام بعد صرتي مرتي وحلال كلشي أسوي بيج محد يكلي ليش وهسه راح امتلكج وخلص ليش
تشلعين قلب
هند خجلت حيل اصلا من الخجله هيج جاي اسوي لو بايدي مخلي يقتربلي أبد خررب بحظي أضحك على زهراء اكول خجولة _وأني انكس طلعت
وهذا قافل علي اخذت نفس أحاول أرجع طبيعية ويا انوب نسيت العالم دا تنتظر بره همس بأذاني خله بدني يرتعش
رعش آول مرة احس بهيج احساس و شعور غريب
_أحبج
حضني.... بإيديه الاثنين بهدوء وكل رقة واحساس نزل على اركبتي يطبع بوسات بكل رقة حسيت بشعور غريب
وصابتني رعشة أقوى من البداية
حتى.حرارة جسمي حسيتها ارتفعت استسلمت وخليته بكيفة رفع راسة باوع بعيوني بادلته النظرات أخذ بوسة من
الشفايف بكل حساس وشغف
وايديه على خصري تتلمس بلمسات مغرية سحب
شفته عن شفتي وكالي بهمس
_انداري
انداريت انظيته ظهري حسيت ايديه على ظهري كوة لزمت نفسي احس نمل ويسير برجاء جسدي حسيت
القيطان انفتح والسحاب كذالك
دارني علية متت من الخجل سديت عيوني من ماهلكد خجلانه خله ايديه على خصري جرني عليه طخ جسمي ويه
جسمه ايده اليمنى
نزعت مكتف البدلة ماحسيت للثواني لبدلة جوه رجليه صايرة اخذني بحضنه نيمني على فراش جان مفروش
بالكاع هو فوكاي صاير لوووو.......
زهراء" ثاني..... يوم الصبح اجت فاطمة حجيت وياها شوي وراها راحت لبيت عمي عالساعة بالعشرة كلت خل اخابر هند واباركلها اخاف تاخذ زعلة
أعرفها خبلة والله كعدت بالغرفة على جرباية بيبي
دكيت عليها رنتين وثالثة رفع الخط
_الوو
_الوو هلا زهراء شلونج
_زينه الحمدالله ألف مبروك برفاه والبنين ريان
_الله يبارك بيج يوم لالج ان شاءالله
_ شكرأ هند وينها ؟
_بالحمام جاي تسبح
_ هاا آسفة على زعاج اخابرها بعد شوي
_ لاا يابه ماكو أي إزعاج هلا بيج بيى وقت زهراء
_ في أمان الله
_ الله وياج يابه
زهراء خجلت من رد ريان سديت الخط بقيت كاعدة روحي طاكة لوحدي عبالك مفاركة هند سنوات مو ساعات
قليلة يالله شراح يصبرني أني بدون هند ؟
هند طلعت من الحمام جان بنفس الغرفة .لابسة دشداشة كشمير حمرة بردان أطوال مخليه المنشفة على راسي
ريان ممطول على الجرباية
بايدة الموبايل مالتي أستغرب
_موبايلي بيدك ّ؟
رفع راسي باوعلي وكال
_هاي زهراء خابرت عليج وأني رديت عليها
_ هاا وشكالت
_باركت وكالت بعدين احجي وياها
_ حبي زهورة أكيد مشتاقتلي انطيني خل احجي وياها
رحت علية أخذت الموبايل كعدت على طرف الجرباية دكيت عليها انتظر ترد عليةحسيت ريان كعد وره ظهري
نزع المنشفة من راسي
_دا تسوي ؟
_اريد امشطلج شعرج اكو مانع
_ ههه مخبل أنت
_هو اللي يكعد وي ملاك مثلج يبقى عقل براسه
_ هههه ماتبطل
_ لاا
زهراء" طلعت من شرودي على صوت النغمة الاتصال الموبايل رفعت الموبايل شفت المتصل هند فرحت حيل اكيد
كاللها ريان ودكت علية
_ الوو هند
_ الوو شلونج حبي شخبارج بدوني
_ آولا ألف مبروك برفاه والبنين حبي
_الله يسلمج حب والله مشتاقتلج لليل كله ابجي عليج والله
_ ههه على شنو تبجين ماراح اموت هاي أحنى قريبين
عنج وشوكت مانريد نجيج
_ أعرف بس فراكم صعب حيل والله
_ اي والله حالي من حالج هم ابجي بالليل عليج
ريان ضحكت من سمعت حجيهم ههههههه
هند ضربته بعكس أيدي على بنطخ جان
يمشطلي شعري بالمشط
_ لا تتمسخر
ريان _ اااخخ يمه مو مره طركاعة سوده
هند _ تستاهل ليش تتمسخر
زهراء سمعت حجيهم خربت ضحك هاي هند بعدها
خبله خررب شلون وياها
زهراء_ هند شبيج ؟
هند _ هذا ريان دا يتمسخر علينا علمود دا تحجي
على البجي والفراق
زهراء _ هههههههههههههه
هند _ شبيج أنتِ الثانية
ريان جريت شعرها بقوة نزلت راسها علية وجهها صار كبال وجي غزرتها همست
_أموتج اذا تضربي مرة لخ
_ ولكك شعري ريااان
زهراء سمعت هيج راسن فصلت الاتصال خربانة ضحك هذولة مخابيل وعيب أسمع الحجي
ريان _ ايي هيج أريدج تصرخي بأسمي مثل البارحة بالليل
هند خليت ايدي على أيده أحاول اشيل ايده
راسي واجعني حيل
_ شعري ولك تكطع رياان شعري
ريان دنكت عليها اخذت بوسه من الشفة شلت شفايفها شيل جريت شفتها سفلية بقوة بسنوني هي تلوب بين ايديه
واني مستمتع بيها ويلي
هواي شغلات ضاملها الا اطلع كل اهانه سوتها بي بالماضي بسيطة هند جريت نفسي عفت شعرها كعدت
اضحك بصوت عالي
ريان _ ههههههه
هند ملخ..... شعري تملخ وفوك كلشي كطع شفايفي بسنونه ماصدكت عافتي راسن كمت باوعتلة بعصاب هو
يتمضحك بصوت عالي
_ هاي شبيك تخبلت شلون هيج تسوي ولك دا تأذيني والله
_هو هذا المطلوب
_ليش ولك
_ شلون أنتي اذيتيني بالماضي اجه دوري اذيج ههههه
_مو صوجك صوجي اني منطيتك مجال
شلت المخدة كمت اضرب بي اربع ضربات أكل مني بقوة خامس ضربة لزم المخدة شمرها من ايدي وجرني من ايدي
شمرني على الجرباية
هو فوكي صاير يباوعلي بمكر
_مالج شي كبالي يابه بيد واحدة انهيج
_ ولك وليي
_ههه ولي وين أولي ماكو ولي بعد هند
حاولت .... أكوم بس لزم ايديه ابيديه الاثنين نزل
وزنه علية حسيت بثكلة عطت
_رياان ختنكت
_ هو المطلوب ههههه
_ولك راح أمووت ريااان
_ شكد حلو أسمي بلسانج هند كولي بعد مرة رياان
_ ريااان انززل
اخذت بوسه من خدها واخرت عنها نمت بصفها اضحك
_ههههه
_ليش هيج تسوي ريااان
باوعتلها تباوعلي بعصاب عيونها براسها صايرة
_ والله جاي انتقم منج على الماضي
_ تنتقم وأني سويتلك بالماضي
_اذكرج سويتي
_ اي ذكرني سويت ؟
_ هنتيني بالجامعة كبال ليسوة ولمايسوة وعترفت بحبي لج رفضتي وتذكرين فضلتي أبن خالج العار علية وتذكرين من ضربتيني بالشارع بالحصوا بظهري لحد الأن كلما
أتذكر أحسن بالوجع
هند خربت ضحك من تذكرت الضربة
_ ههههه
_ تضحكين مو اكوم أسوي غير شي واخليج تبجين وتتوسلين
_ لاا فدوة توي سبحت مبي حيل اكوم اسبح مرة
لخ بس والله توجعت بوقتها
_ اي والله بس ماردت ابجي
_ ليش ماكلت توجعت بوقتها
_ علمود اصير مسخرة كبال أبن خالج الجاهل
كعدت خربانة ضحك
_ تستاهل والله
_ ليش ولج استاهل
_ لأن جنت تراقبني بوقتها لا تكول جذب ترى أدري بيك والله
كعد بصفي يضحك ...
ايي والله جنت كل يوم اجي البيت عمتي علمود اشوفج من تروحين للامام وي زهراء
_ بلا شتستفاد جنت تراقب ؟
_ هواي استفاد
_مثلج شنو تستفاد ؟
_ مثل اشبع عيوني بشوفتج واهدي نبضات قلبي بشوفتج كبالي هواي وهواي استفاد جنت والله
_مخبل ما خفت أحد يكشفك
_ وليش أخاف! مامسوي شي عيب لو حرام جنت أريدج بالحلال مو بالحرام والحمدالله الله وأهل البيت عليهم
السلام حققولي هاي الأمنية
_ الحمدالله
زهراء اجه اليوم عملية انفال راحت مرت أبوي وابوي وكذالك حسين وريتاج راحوا حسيت أبوي وحسين
من عيونهم كو شي موزين راح يصير ؟
سئلت بيبي كالت. ماكو شي بس لأزم يكونون وياها هاي عملية وهي بين الحياة والموت تكون بين ايدين الدكاترة وشلون مايرحون هسه يكولون عيالها ماعدها
أهل لو شنو تردين
ما قتنعت أبد كمت رحت بالغرفة سديت الباب دكيت
على انفال مرتين ما اجاني الرد
حزنت حيل ضربت ايدي بالميز بقوة حسيت بوجع
كمت اهفي بيها بالهوى دخلت أمي
_ هاا يمه تهفين بإيدج بيج شي ؟
_ ألتفتت عليها
يمه احلفج بغلات حسين انفال شبيها وليش راحوا أبوي وحسين مستعجلين ؟
_هاا
_كولي شبيهاا ؟
_ انفال حالتها حالة يمه
_ يعني شبيهاا بالضبط؟
_ متخربطة البارحة بالليل وهسه هي بالمستشفى
_ وشلونها هسه
_موزينة والله
_ شلوون ؟؟!
_ اي والله يمه وبعد ساعات يسوون العملية علمود
يولدونها قبل لا تسلمها الربج
وكع الموبايل من أريد"
انفال راح تمووت ؟
_ هذا أمر ربج يمة
كمت ابجي اجت أمي حضنتني تبجي وياي تهدي بي وأني حالتي مو حالة صارت اذا ماتت أختي اكيد حمزة
راح ينتقم مني ويلعب جولة بي
وابنها اذا عاش منو له بهالدنيا الكشرة اجت بيبي للغرفة جانت أقوى مني اني بهواي بيبي هواي اعزاز فاقدة كامت
تهدي بي واني منهارة تماما .
