رواية دخيله الشيخ زين العابدين الفصل الثالث عشر بقلم أوتار حزينه
ليان
رجعنا للبيت علگت البدله
كدامي واني فرحانه بيها ماما جابت بقيه الغراض كالت
لارا وينها شنو نايمه
باوعت للساعه بالسبعه جاوبت
يجوز ماتعرفيها تنبل مال نوم اروح اشوفها
راحت عليها رجعت وره لحظه
هاي نايمه يله خليها ماعدنا شي ابوج
راح يجيب عشه من بره
سكتت ظلت تباوع للبدله بفرح عيونها
غوركت وكالت
بنتي الحلوه واول فرحتي
راح تعوفني وتروح
عيوني غورگت رحت لحظنها باستني من
راسي وكملت بحنيه وبصوت
مخنوك
فرحانه بيج وبنفس الوقت مقهوره لان
راح تروحين والبيت يفرغ عليه
حظنتها بقوه رديت بصوت مخنوك
يمج لارا وووسيم
اي بس اانتي غير اول فرحه اليه اني
وابوج انتي الجبيرة والعاقله
سندي بهل الدنيا وصندوق
اسراري
وخرت منها تبجي وومتأثره كلش
جاوبت بدموع
ابطل ماما
ابتسمت مسحت دموعي ردت
لااا ماما شنو تبطلين غير ايهم يذبحنا
يتخبل ويخطفج من عدنا بس
يسمع بيج بطلتي من ورانا
تمالكت روحها گوة وكملت
مبروك ماما وشايفه كل الخير ايهم خوش
ولد ويكفيني هو يحبج وفرحان بيج
ابتسمت ردت
هاي حال الدنيا محد يظل يم اهله
تنهدت سمعنا صوت بابا صاح
اجه ابوج خلي انزل علي
عافتني ونزلت ظليت صافنه على البدله
والجنط الي جهزتهن حتى اخذهن
لبيتي
ايهم اجه بين عيوني كلت وينه شعجب
مااخابرني اليوم وهو يعرف اني
رايحه اجيب البدله
خابرته دك عنده
ماجاوب عفته كلت مشغول
بدوامه
تعشينا ولارا ماكو كالت مالي خلگ ومااشتهي
كملت شغل المطبخ صعدت اباوع
بجهازي ايهم ماكو
لا داك ولا داز رساله خابرته من طبيت للغرفتي مغلق عكدت حواجبي وصفنت كلت اول مرة يطلع
مغلق عنده
ظل بالي علي كلت خلي اخابر افنان
دكيت عليها جاوبت
هلو افنان
هلو ليونه
شلونج حبي وشلون ماما وعمو
الحمد الله كلنا بخير
الحمد لله اكلج فنوو
هاا ليونه
ايهم وينه ظل بالي علي الصبح خابرني
وبعد مااتصل ادك علي جهازه
مغلق ظل بالي علي
وكلت خلي اتصل عليج اشوفه
وين
ايهم يمنا ونايم اجه ماله خلك وكال اريد
انام لا احد يكعدني
گلبي هبط وسالت بخوف
ليش شبي شنو اليوجعه
ماكو شي لاتخافين يجوز فلاونزه هو سبح
وطلع للدوام اكيد اخذ برد
هاا تمام اكلج حبي من يكعد خلي
يخابرني لان والله ظل بالي علي
ههه صار ادللي يااميرة الورد
ابتسمت من كالت لقب ايهم
جاوبت
حياتي اترخص وسلامي للكل
يوصل حب بااي
بااي
سديت الخط كعدت كدام الحاسبه صافنه
وبالي مشغول باايهم كلت من يكعد
يتصل عليه مااتصل
كملت شغلي بالحاسبه وتمددت افكر
بالجاي فرحه وخوف وحياة جديده راح ابدي
بيها وي انسان يحبني وحبيته
لان استحق اسلمه گلبي
بعد السواه اليه
🌿🌿🌿🌿🌿🌿
زين العابدين
بعد الصار بيني وبين ابويه هجيت لاربيل
بالطريق امي خابرت ماجاوبت
الهنوف هم دكت مارديت طفيت جهازي
وزدت السرعه اريد اصل
هناك واركد وعقلي
يركد من الصار
بنص الدرب نزلت غسلت وجهي من الدم
وذبيت باقي المي على راسي
اريد ابرد النار الي مشتعله
بيه
عگبت لسيارتي صعدت حركت سريت
واشوف جدامي السويتو بهيله
حجتلو لابويه وش عملت فضحتني يمو
كالت مااكول ولا ااتكلم
وطلعت السر وخلتو يمد ايدو عليه انا الشيخ زين العابدين ابويه يضربني من وره حرمه ومن هيله
هي ماغيرها
لزمت الستيرن بقوه مردتو بايدي جزيت على
سنوني وحجيت بغضب
حسابج ثگل ياااهيله وصار ثجيل وصدري
هذااا
فرگتو بقوه وكملت باعصاب
انترس حقد ونار شبت به ماتطفى الا وانا
مسوي الي براسي ااعكب يولي
ااعگب واخذووو ومااهدج
الا وانا كاسر عيونج
اجه بالي شلون بجت وهي تتوسل بيه اهد
ابن عمها غمضت عيوني بقوه ونيت
بصوت مخنوك من رجع
ذاك الهوجاس يدك بعگلي وگلبي سوه
وكفت للمره الثانيه سندت راسي على
الستيرن كمت اون من وجع
روحي والجاي احس
به
رفعتو دحكت للبعيد سراب والعيون تسورب
غيمه حدرت عليهن وكمت مااشوف
شي الكره الي بگلبي وينو
عش انگلب لللل
بلعتها سندت راسي ليوره حاجيت
روحي بقهر
انكسرت ياازين كسرتك هيله وخلتك تعشگها
وانت ماتدري بروحك
صفنت بجمود من عرفت انا عشكت
ومو اي وحده عشكت وحدة تكرهني وتموت
مني شلون صار هذا مدري
🌿🌿🌿🌿🌿
هيله
عمي حلف على شهم الا يعگب
من ورة خوفو عليه من
زين وغدرو اجه ليم دارنا وطلب يشوفني
طلعت له الفجر بعد الاذان واكف بزيو العسكري
صفنت علي لو جاتلو زين
جان ماشفتو واكف جدامي الحزة
نزلت راسي هو تكلم
شلون صارت ايدج ياملي
بخير والحمد لله
سكت وظل صافن بوجهي وهو مبتسم
نزلت راسي بخجل تكلم
راايح ياهيله ادعيلي
اودعك بايد الله الماتضيع يمو امانه
سرى للزرع واشر لي امشي معو
سريت جنبو ادحك لگاع الهامل هو فطن
لي حجه بغضب
لااتخافين عليه منوو هذا جبان ومتسبع
بسلاحوو
اعرف زين ماهو بجبان واعرفو ماااينام
على ثارو سكتت وهو كمل
من اعگب باجازه اللخ اعقد عليج
واسد الحلوك
ماجاوبت وكفت يم بيت الماطور
وهو وكف كمل بتنهيده
يظل العهد بينا موو ياهيله
هزيت راسي الو وجهو تغير وتكلم
بصوت مخنوك
انتي برگبتي گلادةَ
وانا برگبتج ذمه
كلبي زادت داكاتو مارفعت راسي
من خجلي كمل
راايح يبنت العم
گوة ودعتو
الله معك ياشهم
سرى وانا ادحك الو ركب وي عرف وحدرو
على الشارع ظليت صافنه علي
الما بعد
انا هم جنت اريدو يروح يبعد هالايام عن
الگاع ونظر زين الي عرفتو ماراح يجوز منو
بعد الصار بينهم عرف غلاتو بگلبي
وعرف هو شنو بالنسبه اليه
وراد يقهرني به
دحكت لگاعهم وانا متوقعه اشوفو
باي مجان يراقب ويخزر بعيونو
ماشفتوو ولا لمحتو
عرفت الظهر ابويه مخابر ابوه بليل
وكايلو على الصار وهو مطيب خاطرو وكال انا اتصرف معو ايام مرت ماشفتو ولاا لمحتو
علوم اجتي من علا
مشعل محدر يم ابوها وكايل الو
الشيخ شعلان اجه ثاني يوم وعالكه بينهم
وزين طلع من دارهم الدم تارس
وجهو وابوه طرده
من الديرة كلها
حجيت وي روحي
ذلف واخذ شرو معوو
برق خلصنا منو لجن الشيخ صگبان ظل
يحور يمنا ويتحجج على ابويه
بالشغل كعد بالعشه وره ماذلف ذاك الشايب
مايمد ايدو على الزاد امي
حجت بقهر
تالي ويا هالشويب
اشر لها من خواتي دحكن لها سكتت
وبعلت السالفه من فض العشه
ابويه طلع بره امي
لحكتو بالفروة
جانت بارده والجو تبدل سريت وراهما
كاعد بره وهي يمو حس بيه
تكلم
عگبي يابه بارد عليج كومي يازهيرة واخذي
بنتج معج
ياابه
تكلمت بقهر وكملت
يابه خلي نسري من هينه
سكت امي كملت
ياحميد خل نسري لكاع الشيخ شعلان
هو مو كلك حدر اذا ضاك بك الوگت
وين احدر يااحرمه نسيتي الصار بين شهم
وولدو
احنا مااخصنا بهل الشي
استغفر الله وش بلاج ياام هيله كمتي
ماتعرفين تفكرين صح شهم من وشيصير
اليه مو ابن اخويه
وانا عمو مو هو المد ايدو على ولدو وخلاني اخابرو واكلو بالصار والرجال ماسكت له
كسرو وطردو من الديرة كلها شلون تردني
وباي وجه انا اروح اكعد بكاعو
عكب الصار
امي سكتت هو رد تكلم بهدؤ
تهون يااام هيله انا ادبر حالي لاتشيلين
هم
ابتسم بوجهي وكمل
وانتي يابه لاتشيلين هم ربج ماينسى عبدو
رزقنا يمو ماايضيع ابدا تضيج لجن
بلحظه ربج يفرجها
ونعم بالله
جاوبتو كام وكمل
يله خل ندش جوة البرد لفه علينا
من وكت
🌿🌿🌿🌿🌿
ايهم
مااعرف شلون رجعت لبيت اهلي
امشي دايخ ومااشوف اي شي كدامي
امي سالت بقلق شبيك
كتلها تعبان ومريض اريد انام لاحد يكعدني
احجي فاصل عن الدنيا ومااخلي
عيوني بعيون احد حسيت بروحي وصخ
انسان ساقط وواحد عار
مشيت وره رغبتي وشهوتي
ونمت وي اخت مرتي نسيت روحي
وياها واخذتها وعرسي اني واختها بعد ايام
كعدت على الجربايه اضرب براسي ومو مصدك
اني دنت نفسي على لارا فتحت
الدكم بقوه اريد اتنفس
مااكدر صحت بصوت مكتوم
ااخ ولج شجاابج عليه يااساقطه يااگحبه
ولج وكعتني خليتني اصخمج واصخم
روحي
شااسوي ولك ايهم شراح تسوي عرسك
بعد كم يوم شاسوي يااربي واني
صخمت هااي
شراح اكول الها ليان اذا سمعت
افتر مثل الطير المذبوح بالغرفه
اردد بجنون
راح تموت بس تسمع ووولج ااخ كلشي
جهزنا بيتي غررراضنا فرحتي
رااحت ووج فرحتي باختج راحت
انباكت من عدنا وانتي
السبب
عضيت ايدي بقوه وضربت راسي
اكثر من مرة
عووفها ايهم هي ذبت روحها عليك موو صوجك
هي وحده كحبه ودنت نفسها عليك
واانت رجل اختها
ازوج ليان ولك لاتخسرها من ورة هاااي
الساقطه
صفنت على حالي وشلون احجي انهاريت
كعدت وصحت وانا اضرب
بروحي
ولك المن تزوج ووولك ايهم انت اخذت اختها
البنيه تصخمت وين عقلك من خرب
بيك شلون ضعفت شلون
لزمتها واخذتها وانت تعرف
منو هي
راسي ثگل كلش والدنيا افترت بيه
خشمي طك دم وحسيت شي حار طلع من
اذني ردت اكعد اوصل للجربايه
مااوصلت وكعت فاقد
🌿🌿🌿🌿🌿🌿
مالك
الظهر رحت لحي الجامعه داشوف
العمال شسووه وكفت يم اسواق داخذ
جكاير اشتريت وطلعت وكفت
بره عيوني راحت لمشتل
بصف الاسواق
الزرع حلو والترتيب يجذب النظر
اخذت جكاره ورثتها سحبت نفس طويل
مااماا دااكلج ماادري شبي
درت راسي بنيه طلعت من
المشتل خايفه وتبجي عكدت حواجبي
من شفت وضعها سمعتها
كالت
راايحه علي اااي عفيه ماما
خاايفه لا صار بي شي
لون شعرها جذب عيوني شايفه بس
وين ماادري مااشفت ملامحها
زين رگبت سياره تكسي
وراحت
رحت لسيارتي صعدت وطلعت للگاع
فركت راسي لان جان يوجعني
دورت مسكن ماكوو خلصان
وصلت للشارع لمحت سياره بيت حجي
مصطفى مشت من يمي ووسيم بيها وامه
وصلت للگاع نزلت العمال
كاعدين يتغدون
الله يساعدهم
الاسطه كام بوجهي وجاوب
هلاا استاذ مالك تفضل ويانا
تسلم بالعافيه عليكم
الله يعافيك
افتريت على الشغل جان مابي شي
توب لان اني مااتعامل غير وي وين ماكو واحد مضبوط رجعت للمكتب
اخذت غده اليه ولبشير وتغدينا هناك
مارجعت لليل طبيت البيت وكفت بالكراج
من اندك الجرس طلعت جان ابو
قاسم جيراني سلم وسال
والله سمعت بيك عارض بيتك للبيع
وكلت اذا تريد تبيع اني اشتري
صفنت علي،،،، بيتي جبير 250متر قديم
اشتريته من زمان ورمتته وضفت
كم شغله بي وطلع كلش
حلو ردت ابيعه واخذ اصغر لان
جبير عليه اني ولميس
جاوبت
اي من زمان عرضته بس خاف السعر
مايعجبك
كول ونتراهم
كتلو السعر صفن على البيت وجاوب
يعني ماااتنزل منه شويه لخاطر الجيرة
ابتسمت وجاوبتو
ادلل انزل مليون اثنين اكثر مااكدر
سهله مالك البيت اني رايده احضر المبلغ
واجيك حتى نكتب العقد وتسلمني
الحجه بس هاا تره ازعل
اذا راح لغيري
ادلل حجي حضر فلوسك ومايصير غير الك
تسلم وبارك الله بيك اخابرك
بس اكملهن الك
تمام انتظرك
سلم وراح رجعت للبيت طبيت كعدت
افكر اذا رهم وبعته وين اشتري
اجتي كاع حي الجامعه براسي ابتسمت
من تذكرت البنيه الصاكه ام عيون
ملعبه وكلت
ااي واكعد هناك وتصيرين جارتي العب
يوميا اصبح وامسي بوجهج الحلو
ويجوز تصيرين الثانيه
سكتت ضحكت وكملت
المن اخذ هاي زوج الياخذ وحده مثلها خفيفه ومو راحه العيون تدور حلوين وعدهم فلوس
وجيبوهم متروسه ههه هيج شكول
للعب مو للزواج
كمت لحيلي ،،،رحت سبحت كملت
طلعت اخذت جهازي امي دكت فتحت
الخط واستلمتني بهده
عش مااتجاوب ولك اادك عليك اكثر من
مرة مااتشيلو كبرت ياامالك كبرت
عليه يبن بطني
حجيه مااكبرت عليج بس
اعرف شتريد تحجين وياي وراح
اسد الباب بوجهج وماادوخج ولا وادوخ روحي بالكلام لميس ماااترجع بعد السوتو
ولك ياامصخم حشه گلب ابوك
البنيه حامل والقهر مايجوز لها
لاااا يجوز اليه اني موو
جاوبت بغضب ردت بهدواه
مالك يمه انت جاي تغلط جثير شوف نفسك
شكاعد تسوي شرب ونسوان وطامس بالحرام
يول حرام عليك الكاعد تسوي بروحك وبينا
يمه انا جزت من كلش جزت وكلت خل اركد
لخاطر بنتي بس ذيج الادبسسز
ماااجازات مني يوميا
مشكله يوميا سالفهلعبت نفسي منها ومن سوالفها
الجايفه احلف يابه بطلت
تصخمت وبطلت جوزي مني تره مليت
تعبت ماكوو اطب منا تعلكها
على راسي منه
ماايخالف يمه جاهله وماعدها عقل وتغار عليك
وتحبك كل النسوان هيج شتريد يبطن
بطني تخون والمرة تسكت
هاي وين صايرة
اني مره شكبرني جده واغار على ابوك
اذا كال على وحدة هاي حلوة
ماتريد الحديثه تغار
يمه انتي شتريدين
رجع لميس البنيه ماظل شي وتطب بشهرها
ماايصير گاطها بيت اهلها وماتسال
عليها
حجيه اخر الكلام اني مااطردتها لبيت اهلها
تريد ترجع خلها ترجع غير هذا الحجي
ماعندي
ماايصير يايمه رروح
قاطعتها بغضب
ماااروح يمه ااني مااروح لذاك البيت ولاا
ارجع اي احد افتهتمي
شااحجي يمه مااكول غير الله يهديك
على روحك ومرتك
راايح يمه تعبان واريد انام
سديت الخط ورحت تمددت فركت راسي
بقوه اريد يهدأ الوجع ماكو جريت
جراره طلعت مسكن وشربتو
رجعت تمددت وغفيت بس
اشتغل بجسمي
🌿🌿🌿🌿🌿🌿
ليان
اخذتني نومه وتاخرت على المشتل
محد كعدني من اهلي عبالهم مااريد افتح اليوم
تمشيت اله بسرعه فتحت رتبت كم شغله
وكعدت اشوف جهازي ايهم
مو داك ولا داز رساله
دكيت علي
هم خارج التغطيه ظل بالي لان مو من طبعه
مايتصل ولا يدز رسايل خابرت افنان ماردت
خجلت ادك على امه كلت هي افنان
من تشوفني داكه عليه تتصل عليه واسالها قلق
صار بيه من مشت ساعه ومحد اتصل لا هي
ولا هو رجعت دكيت علي هم
ماكو وامه هم ماجاوبت گلبي هبط
وكلت خاف صاير شي
الظهر صار بسرعه لان فتحت متاخر كلت
خلي اسد المشتل واخابر
وسيم يوديني عليهم لان ماظلت اعصاب
عندي من ورة القلق
اني بعدني بي افنان دكت فتحت
الخط وجاوبت بسرعه
افنان وينج ليش محد يجاوب ظل بالي عليكم
سمعت صوتها مخنوك گلبي هبط صحت بخوف
شصااير ااحجي
لااتخافين ليونه ماكو شي ايهم جان متخربط
بس هسه هو زين يعني احسن من الليل
حيلي راح،،،، كعدت بسرعه وگلبي
يدك بسرعه سالتها بدموع
شبي ااحجي عفيه شبي ايهم
ماادري بليل صعدت اكعده ديتعشه لگيته
فاقد الوعي وخشمه طاك دم هو واذنه
متت من الخوف وصحت
ليييش صار هيج ووينه هوو هسه
ولج افنان لاتجذبين عليه كولي بي شي
ااحجي عليج الله
لااا والله مابي شي هينا يمنا ضغطه
جان صاعد وضربو ابر
جااي هسه اجي عليكم
تعالي ليونه
سديت الخط طلعت مثل المخبله وعفت
المشتل مفتوح خابرت ماما
وكتلها علي وكالت هسه اجي اني ووسيم
اخذت تكسي ورحت لبيت اهل
ايهم وصلت دكيت
الجرس طلع ابوه شافني شلون صايره
حجه بهدؤ
ماكو شي يابه لاتخافين
عموو وينه هو اريد اشوفه
نسيت خجلي وترددي من سمعت بي مايكدر
تفضلي بنتي
مشيت وراه امه استقبلتني ومبين عليها
التعب حجيت بسرعه
ماما وين ايهم صدك السمعته
لاتخافين ليونه هسه وضعه احسن
ام ايهم اخذيها اله
مشيت وراها افنان طلعت من المطبخ
شايله عصير شافتني اجتي
سلمت صعدت وياهن
لفوك گلبي وروحي يريدون يطيرون اله
امه طبت واني وراها متمدد وخاله
ايده على وجهه امه حجت
ايهم اجتك ليونه
فز من الفراش بقوه امه حجت بخوف
اسم الله يمه شبيك فزيت
صفنت علي وجهه صاير اصفر كركم
وشكله موو هو گلبي انمرد علي مشيت ليمه
كعدت سالت بخوف
الحمد لله على السلامه
ماجاوب ولا خله عيونه بعيوني دار وجهه
امه انسحبت من يمنا افنان جابت
العصير وحجت وياي
خلي يشرب هذا برتقال وليمون
هزيت راسي الها طلعت من يمنا باوعت
علي شكله مخنوگ وتعبان كلش
مديت ايدي اريد
الزم ايده سحبها بسرعه
من سوه هيج تعجبت صفنت علي وسالت
ايهم شبيك وليش ضغطك صعد
اخذ نفس وذبه بقوه كملت
ايهم باوع عليه وكلي شبيك ليش تخربطت
دار وجهه عليه عيونه مغوركه والوجه
الاصفر صار احمر واحتقن سالته بتوسل
حبيبي احجي كلي صاير شي مضوجك
فگيت عيوني من دموعه نزلت فزيت
من خله راسه بحظني وكام يبجي بصوت
ماتحركت روحي اختنكت من الشفته
منه توسلت بي
شصااير خوفتني ايهم
ساامحيني ساامحيني
ظل يردد هالكلمتين وهو يبجي بصوت مخنوك
لزمته من راسه حجيت بتوسل
وخوف
ايهم باوع عليه كلي شصاير
سحب روحه مني اشوفه مخنوك وهم
ماخله عيونه
بعيوني
ايهم على شنو اسامحك احجي
كول صاير شي
غمض وهز براسه بلاااا
لعد ليش ادكول سامحيني صاير شي
ااحبج ليان
صفنت علي من دار وجهه عليه كررر،
تعرفيني كلش زين اني احبج موو
اي اعرف ايهم واني هم احبك
دموع طفرت من عيونه مسحتهن تقربت
منه حجيت بخوف
گلبي ليش تبجي تره خوفتني كلش كلي
ايهم احجيلي الي بگلبك بلكي
اكدر اساعدك
ذب حسره بقوه وجاوب
مابيه شي
تفضلي ام وسيم
كمت من يمه من سمعت صوت امه
ماما طبت هي ووسيم هو كام منزل راسه
ومااعرف شبي سلمو علي كوة
رد السلام
كعدو شويه يمه وكامو من شافو تعبان
وماله خلك يحجي ردت اظل يمه
لان وضعه ماعجبني
بس ماكدرت من طلعو اهلي وامه كتله
ايهم راح اروح بس من اخابرك جاوبني
عفيه لان يظل بالي عليك اذا
مااتجاوب
هز راسه باي رددت بقلق
ديربالك على روحك وانتظرك تحجيلي شنو
بيك
ماجاوب ظليت واكفه وصافنه علي
جهازي دك جان وسيم سلمت
علي طلعت من يمه خايفه علي كلش
لان شفته مو على بعضه
وتعبان كلش
سلمنا على اهله ورجعنا للبيت ماما حجت
عين وصابتكم ماكو غيرها الولد شكله مو هو
شجاه بين يوم وليله هيج ذبل
والوجهه صار اصفر
وسيم رد عليها
صاعد ضغطه ماما وكلش عالي همزين
ماانجلط
ااسم الله علي ادري شجاه وهيج صعد
يجوز مغثوث بالشغل لو صاير شي
ليان ماما ماكلج شي ماحجه وياج شبي
لاا ماما ماحجه شي
خلي يرتاح هالليله وهو يحجيلج شبي
اخويه حجه هزيت راسي باي وصلنا للبيت
نزلنا طبينا من المطبخ لارا كاعده
فزت من شافتنا وحجت
بخوف
هاا شبي ايهم
الولد حاله حال الضغط تعبه من صعد
وشكله كلش تعبان
ماما ردت رحت غسلت وجهي بالمي
وشربت كلاص من البراد انتبهت اختي انسحبت
من يمنا وهي مو على بعضها
مادرت بال اني واكفه تذكرت عفت المشتل
مفتوح حجيت وي اخويه
وسيم عفيه روح للمشتل سده وتعال
مالي خلك ارجع اله ولاا افتحه
ياا شنو عفتي مفتوح
ماما سالت
اي ،،،،،ماادري شصار بيه من سمعت
ايهم متخربط طلعت بدون وعي
وعفته مفتوح
تمام وين المفتاح
طلعته من الجنطه وانطيته لاخويه وراح
يسده
🌿🌿🌿🌿🌿🌿
زين العابدين
كاعد بشقتي باربيل ودلع يمي كاعده
جوه رجلي تفرك بها سالت
بقلق
زين شبيك وليش هيج متعور متعارك وي
احد
جاوبت مختصر
لااا
صفنت علي سالت
ابوك شلون عافك ترجع لهنا
دلع بلا حجي زايد تره دايخ ومالي خلك
لسوالفج
سكتت سحبت رجلي تربعت على القنفه
سالت
اسويلك اركيله
سوي
انسحبت من يمي جهازي دك
امي للمرة الالف دكت عليه
ماجاوبت لان راح تظل تلوم بيه وانا مالي خلك للملامه ،،،،،وره مشوار دكت الهنوف
اختي الجبيره ارتاح لها واحبها جثير واعزها
واحترمها والها مچانه خاصه بگلبي
لان ماتغث وتحبني جثير
فتحت الخط جاوبت
هلاا بالهنوف
هلا بيك يبن ابويه
عتبها هيج اذا زعلانه دكلي يبن ابويه
واذا ماكو شي دكلي يالزين كلو
سكتت تكلمت
شلون ياخويه
بخير مادامج بخير
مااني بخير عگب الشفتو
سكتت هي ردت
عش هيج مسوي يبن ابويه عش
كاعد تعمل بحالك هيج وتقهر الشيخ وامك
جاوبتها بقهر
ابوج ضربني ياالهنوف
سكتت وبعدين كالت
ابوك ماهو بخير عگب الصار
فزيت من مچاني وصحت بخوف
وش به ابويه وش به احجي تكلمي
عگب من يمك الوجهه مطعون والعيون غاديات
حمر ساكت وهو تعرفو من تعمل العمله
يجي يطلع غضبو بالبيت ويحجي
ويطلع الي بگلبو لجن هالمرة
ماحجه شي ساكت
والوجهه مو هو
سكتت
يول شمسوي وشعامل تلكمت معو وماحجه
ولا كال اي شي انت گلي
شعامل وهيج
ابوك صار
ماجاوبت هي كملت
ابويه عگب من المزرعه مو هو
شصاير يول وعش عگبت لاربيل وهو حالف
عليك ماتصلها بعد لا هي ولا بغداد وعش
ماد ايدو عليك وهو ماامسويها
ابدا
ردت احد احجيلو الي بگلبي اطلع الي به
اختي كاتمه اسراري وتفهمني كلش
تكلمت بقهر
ااخ يالهنوف غلطت ياخيه
وش عملت احجي
مااينحجي السويتو
يبن ابويه احجي تكلم خلني اعرف
اتصرف
دلع جابت الاركيله اشرت لها تروح
مشت من يمي بس اعرفها راح تتسمع عليه
كمت وطلعت من يمها اختي
حجت
وينك يازين
طالع بره انتظري شويه
نزلت بالمصعد للحديقه اليم العماره الساكن
بها كعدت تكلمت
من معك
محد
لاتجذب ياخويه وبطل حرام
يااخيه محد معي
ماردت ورثت جكاره هي تكلمت
احجي اسمعك
انا غلطت مع بنت مله حميد
عزة العزاني ووش عملت صخمت البنت
لاااا مااصخمتها ووج ماا
سكتت وروحي اختنكت
هيله يازين
اي هي لجن ماصار الشي الي بالج
عجل شصار احجي تكلم
يااخيه البنت مابها شي والصار ابوج
عرف به وتصرف هيج
يازين احجيلي الصدك حتى اعرف اتصرف
بس هذا الصار لو بعد اكو شي
انت ضامه علينا
تنهدت وصفنت للبعيد
يول انت من صدگ عاشكها لهل البنت
يعني ماجنت تجذب علينا
سالت وماجاوبت
اااخ يبن ابويه الله بلاك بالعشك ومن
هيله المخطوبه لابن عمها وهي
تهواه ويهواها
خليني هينه ياخيه
ليش يازين ليش تريد تظل هناك خايف
من شنو تكلم ياخويه وش صار هناك بالمزرعه
غير الي كلتو
شهم اجه بين عيوني والسويتو به رديت بقهر
ردت اجتل ابن عمها
سمعتها لطمت خدها ردت بغضب
ولك تخبلت انت عش تريد تذبح ابن عمها
وليييش شنو عقل ماظل براسك
وكمت ماتعرف تصرف
رديت بقهر وبخنكه
جنت اريد احرگ گلبها لجن
لجن شنوو تكلم
يااخيه انا ااي احترك گلبي عگب ماشفتها
شلون حمتو بروحها
ماردت ولا انا تكلمت ورثت جكاره اخذت
نفس طويل هي تكلمت
شااحجي يبن ابويه نارك بصدرك وانت
الشايلها مو اي احد لجن اكلك شي واحد
كولي ياخيه
البنت مو الك شيلها من راسك انت تعرف
هي لمن وتحب من
بعدت ياخيه خليني هينه احسن لي ولكم
وابويه يازين تخلي زعلان عليك
ومتكدر حالو
خله يبرد وانا ارد ارضي واعكب هينه مالي
مجان بعد يمكم عكب السويتو
والي كاعد اهوجس به
تزوج ياخويه بنات حوه جثيرات وانت مو
شويه شيخ ابن شيخ
هي صارت بين عيوني من شفتها بين
الگصب مفرعه تنهدت وجاوبت
الزواج شلتو من راسي ولاتحجون به بعد
فهمني انت شوكت عشگتها لهيله وشلون
وانت وياها مو صحبه ناس تكره
ناس من زمان ودايسه
بطنك جثير
يااخيه روحي ولاتساليني هالسؤال انا
نفسي مااعرف شلون حبيت
ومن هيله الجنت مااطيق
شوفتها
شيلها من راسك يازين ماهي لك
اشيل يابه اشيل بس ابعد عنها وعن
شوفتها
كابرت وكلت الي حسيت به مو حب
انا وين وهي وين انا شيخ وهي فلاحه
انا غني وهي فقيرة ابن ناس معروفه وقبيله
جبيرة وهي ولا شي بديت
اذكر روحي بالسوتو بي كلما لاح
خيالها جدام عيوني اطلع الف عيب بها
حتى يرجع ذاك الكره الجان
تارس گلبي لجن الي بصدري خاني وظل
يحن لها ولشوفتها گضبت روحي
گوة حتى مااعگب ولهيت
روحي وي دلع لجن
لا دلالها ولا الكاعد تسوي خلوني انسى
السمرة والسوتو بيه
حنيت بيوم للذيج الديره وعگبت
بدون مااحجي
لاحد طلعت بليل وصلت الفجر بارده والدنيا
شتا دشيت للمزرعه الحرس تلگوني
سلمت ورحت لهايل شافني
تخبل وكام يصهل
هلااا ياهايل شلونك عگب ماهديتك
خله وجهو بوجهي رددت
يصهـل صهيل وكنه قوم يهلون
قام يرحـب بالصهيل ويلالـي
وخرت منو تكلمت
خلنا نسري انا وياك
هز راسو بفرح جهزتو واخذتو بره مشعل
لفه يمي وسلم
الحمد لله على السلامه ياشيخ
الله يسلمك يامشعل
تظل يمنا ياشيخ
لاااا العصر اعگب
سكت رگبت هايل وسريت به عيوني
على ذيج الگاع صحت به
يله يااهايل ااسري
طلع بسرعه وجان مثلي مشتاگ للبريه ويريد
يطرد بها عفتو يسرع براحتو بعدنا
عن گاعنا مسافه ووكفت
يم وادي غميج
عگبت بها سرينا بهداوه وانا ادحك
للسما غيمت وبشرت بالمطر
وي حد الشاخه سرينا گربت من كاع
ابو شهم محد بها عبرتها ووصلت يم ماطورنا
عيوني على دار هيله
درت هايل اريد اعگب وكفت من
شفتها طلعت من يم بيت
الماطور شافتني
وكفت ،،،عكدت الحواجب والملامح تگدرت
صفنت عليها وانا احس بروحي صارت مو الي لجن
ماكدرت احجي جلمه سرت
🌿🌿🌿🌿🌿🌿
هيله
الفجر سريت للبيت الماطور اريد اشوف الكاز
عدنا ويكفي لو مايكفي حتى اكلو
لابويه الجو جان مغيم ويبشر
بالمطر
شفتو وردت اعگب طلعت من يمو
وكفت من شفت برق الشر هو وهايل دحك
علي وملامح وجهو تغيرت سريت
ووكفت انداريت
علي وتكلمت
يااابن الشيخ احاجيك
حدر من هايل وجاوب
كولي ياهيله اسمعج
ثارك معي لاتخلي شهم بالنص هو ماخصو
بالصار بيني وبينك
وجهو تغير وانطعن جاوب بصوت مخنوك
مااعندي ثار لا معج ولا معو لجن
عكدت حواجبي سالتو
لجن وش ااحجي
ياهيله ابن عمج ماايفيدج ااا
ابتسمت باستهزاء لان عرفت وش يريد
تكلمت
افهمك عدل يااايبن الشيوخ
وش فهمتي وانا ماكملت كلامي
اشرت على المحصر تبعهم رديت
الماكدرت تسوي بالحرام تريدو بالحلال
تريد تكسر خشمي وتاخذ ثارك
حتى يبرد گلبك
الدنيا زختها بلحظه ظلينا واكفين
عيوني بعيونو تقدم عليه رد بثقه
ياابنت العرب ااسمعيني زين ويشهد
عليه ربي والسحاب المطر انتي مااتصيرين
غير لي ولو حزت هالرگبه
اشر على رگبتو
جابتو
شايف السراب يااازين
صفن بعيوني كملت
هذا انا بالنسبه لك
سريت وصاح
ياهيله عز الله مااغدر بابن عمج لجن
ادعي من الله الزمن يغدرج به
والوكت يلفى بج
يمي
وكفت من دعى هيج انداريت
واكف بنص الگنطرة تبلل وانا تبللت من مي
المطر تكلمت بثقه
عز الله لو الزمن دار مالفي يمك
لو جنت الهوه الي اشمو
تلفين ياهيله بس ينكسر لج جناح
يازين انا ماينكسر لي جناح ولايهزني
كثر الخصوم اتخاطهم لو جانو قبيله
وجهو انطعن سريت
وعفتو واكف جوه المطر
برق الشر ماظل بالمزرعه عگب العصر
هذا الي عرفتو،،،،،، من عم محمد فلاحهم
من لفه يم ابويه
🌿🌿🌿🌿🌿
ليان
ايهم ظل مريض ومااعرف شبي اخابره يحجي
شويه ويعتذر من ورة وجع راسه
ظل بالي علي كلش
لان كام مايجي عليه ولا يخابر رحت مرتين
علي اني وامي وبابا ووسيم
كعد شويه ويانا وترخص من عدنا لان
مايكدر من ورة وجع راسه
صافنه علي طول الكعده مايباوع عليه
وجهه مطعون وعيونه حمر رفع راسه كم مرة
تجي عيوني بعيونه ملامح وجهه تتغير
وينزله وهو يتنفس بقوة
سالت افنان شبي وشصاير ماتعرف
سالته هوو ماكو جواب غير مابيه شي اني
اصير زين زوجنا تاجل من وره وضعه اخوته
اجوي وعرفت من افنان هو تحول لبيتنا
لان ماارتاح وياهم من وره دوخه
اطفالهم
المغرب اني داشتغل ماما خابرت كالت
اروح لبيت خالتج هي وبابا لان جانت ماتكدر جيبو عشه انتي ووسيم وتعشوا وي لارا لان ظلت وحدها اختي هم صارلها فترة مااعرف شبيها عازله روحها بغرفتها نسالها شبيج ادكول مابيه شي
تركنها لان هي دائما هيج تحب تعزل نفسها عنا
ظل،،،،، بالي على ايهم لان مااتصل اخابره مايجاوب خجلت كل مرة اتصل على اهله
كلت خلي اسد المشتل من وكت
واخذله عشه وياي اودي اله اني
واخويه خابرته كال ماعندي
شي هسه جايج
اجه المغرب بعد ماوصل ماما وبابا لبيت خالتي
اخذني ورحنا اخذنا دجاج ومقبلات وصمون حار
كتله اودي العشه لايهم
مااعترض
ماخابرته كلت خليها مفاجأه اله
وصلنا نزلت اخويه وياي نزل واحد دك هورن اله
لان وكف يم بيته كال
روحي ليان بس اوكفها هناك اجي وراج
الباب جان مفتوح طبيت
ورحت للمطبخ من شفت بابه هم مفتوح سمعت حجي كلت وي روحي
عبالك افنان يمه
مشيت للصاله ماكو احد
الصوت جاي من الاستقبال ردت اصيحه ووكفت من ميزت صوت اختي تحجي وهي تبجي
اايهم لاتسوي هيج واسمعني اني احبك
وانت هم تحبني لاتنكر الصار بينا شفتك شلون نسيت روحك وياي
وشسويت
اااي شفت شسويت وجانت رغبه شهوه لارااا رجال راد مرة هذا الصار
عقلي مااستوعب االسمعته مشيت بصعوبه للباب وكفت من صاحت
ايهم لاتظلمني
بعد ماسلمت روحي الك
رجلي بادن لزمت الحايط
اااي اعرف شصار ااخذتج وتصخمت
ااخذتج لاراااا ونسيت
نفسي وياج بس اااا
عضيت ايدي وكتمت صرخه رادت تطلع طبيت كل جسمي يرجف شافوني
فزو هي راحت وكفت
يمه دموعي نزلت صفنت بذهول علي كال اسمي بخوف
ليااان
عيوني راحت لاختي ردت اصرخ صوتي ماطلع دخت لزمت التخم الم فضيع صار بكتفي وايدي من جهه گلبي صعد
لوجهي اخويه صار
بصفي صاح من شاف اختي
لارااا شعندج هنا
شهگت بقوه من الم ضرب گلبي
بقوه لزمته من حسيت بسجين انضرب بي
عيوني راحت لايهم تقدم عليه بسرعه غمضت عيوني وانهاريت على الگاع
