رواية الطاغية والمغرور الفصل الثالث عشر بقلم يارا الياسري
وشكله وهيئته تنطي شبه
خفيف للشخص لمخليت بالصوره
شنو موقعه بالدولة عذرني ماكدر أكول
بالمناسبة هو على الحكومة الجديدة
تغير منصبه ومكانته
بالانتخابات لصارت ب٢٠١٨
تغير كلةمكانته ومنصبه
بيسان عمرها ١٩
وأصف عمرره ٢٣
أبهر عمره ٢٦
رحيق ذكرت عمرها بذاك البارت
من مواليد1995
رمضان كريم عليكم وعلى احبابكم ربي
يرزقگم مغرته ورحمته .
______________________________________
تينة فتحت الباب انصدمت بسهيل واكف
ومتحضر يهجم ماخليت يلاحظ خووفي .
خير سهيل شرايد؟!!
مضيع طريق الملهى واجيت ادليك؟!!
سهيل بحنق : تينة رحيق وووين؟!!
تينة بسخرية: بحضن شيراز .
سهيل :شنووووتستهزئين هالحيوانة محاولة
تقتل شيراز
يعني أول مايصحى يريدها گدامه .
تينة : أي لكوها وأنطوها اله أني شكووو لو
الا تخلوني بنص گل فاينة .
بعدين وعقدت حواجبها تعالى هنااا أني غبية
حتى أساعد هيج وحدة .
مارأيدة روحي واذ يعجبك دور أدخل شوف .
سهيل : دخل خطووات أفتر يمين يساررر
فتح الغرفة شافها هدووء مابيها شي .
الحمام كذلك
رجع لتينة الي نبت
تينة: مو كلت مو عندي ليش تزعلني منك
وتشك بگلامي ترى صادقه
مو عبالك احلفلك حلفان مقنع .
سهيل باوعلها بنص عين يكون أعرف الج أيد
بهروبها ساعتها .
تينة بسخرية وايدها على خصرها :غمزتله ساعتها
شيصير تهز بالملهى ههههه سهيل صرت تعرف
منو بضهري يعني راحت ايام تينة المسكينة
الحزينة .
ومثل ماشايف أفترت كدامه
صرت دولة وعلم
روح دورها بعيد عني ودور حواليك .
لوليتا غيرهاااا هوواي يكدرون يهربوها .
سهيل : شتقصدين ؟
تينة : مالي قصد عليك قصدي على روحي
انا لخاني الحبيب ووزات روحي .
سهيل : هزز ايده بغضب الله يشافيج .
تينة : امين ورفعت ايديها بحرگة مضحكه
ديله أطلع انحصرت وخر حباب .
طلع وراحت تركض للغرفة مالكت رحيق
تينة :شبيك لبيك رحيق بين ايديك حلال ولج
وين رحتي بس لا أنتحرتي .
وماتحس الا صوت يطلع من جووه الجرباية
بالكووة تطلع .
راحت لعدها وبدل ماتساعدها كعدت تضحك
تينة : ههههه حفرتي خندق من الخووف متتت
هههههه شيگعد سلمان المحمدي هههههه.
رحيق طلعت معصبة الحقير راح .
تينة اي بس اله رجعه ومراقبه أعرف دروب
سهيل .
رحيق : لعد شلون أطلع منه .
تينة: ولو بطيارة ماعليج اني اطلعج .
رحيق : لزمتني عاصفة غضب بسيطة
اكتفيت بتهدئة نفسي
ورحت شربت مي من الصالة .
اجت تينة خلت گفها على كتفي أهدي وكملي
شكلج نغيره .
كملت شكلي وصرت اشبه ام ستوري عوزي
بس موخرة عريضة من ورا .
طلعت من كنتورها جبه اسلامية وياها شال .
هااج لبسي ذني .
لبستهن بدون تردد وسالتها شلج بيهن؟!!
تينة!؟ اركص بيهن
ترى بشر مثلج مرات اروح ازور البسهن مو يهودية
رحيق: شبيج عصبتي هوو سؤال؟!
تينة : مامعصبة بس أفكر بسهيل شراح يسوي؟!!
رحيق: شلون عرف بيه هناا او شك؟!
تينة : لان الي سوابق طبعاً يشك يله يله استعجلي
رحيق : كملت لبس وبقين لحد ما غوربت الدنيا وبدت خيوط
الليل اخذتني وطلعت وياها
دانزل من الدرج ضربتني بووري وراحت صفح
صعدت بقيت واكفه .
صاحتني
تينة : تعالي وراي شييج تصنمتي .
لححگتها دكت الباب على أحد الشقق
طلعت مرة اربعينية
ميادة: هلا تينة شلونج .
تينة : تمام يعمري انتم شلونكم .
ميادة بخير وبتساول تباوعلي خير بهالوقت
صاير عدج شي .
تينة : محتاجتج بشغله ماادخل اريد ابنج
يروح يشتريلي وياخذ هالمكموعة ويا
يخليها يم ماركت حسن .
ميادة : ماكالت لا صهيب صهيب طفل عمره ١٥
تعال روح أشتري لتينة واخذ خطارها وياك .
ميادة : بس احجيلي بفراغج شديصير .
تينة : اي ولا يهمج أحجيلج امشي الك صهيب
كبران صاير زلمة وشاربك طالع .
صهيب : نفخ ريشات وعدل ياقته لعد شعبالج.
تينة: بس بعدك فاهي ووجهك يطرد النعمة .
صهيب : هااا رجعتي تضوجيني بطلت مااشتريلج
تينة : لا صدوك جذب على شنو اضوجك .
احب أمازحك. .
خزرتني بمعنى روحي ويا من دون ماافهم شي
هسهست الي .
تينة: روحي وأبقي يم المحل الي راح يشتري
منه واني الحكج .
هزيتلها رأسي ورحت ويا بس حااولت مالفت
أنتباه وصلت للمحل الولد اشترى بقيت اباوع
الرجال سالني بقيت مصفنة بعدين
أنتبهت وأتدراگت الوضع عمو منتظرة أختي
هسة تجي مابيها أشگال غير؟!!
گال اوك بنيتي انتظريها هنا .
بقيت منتظرة وتينة شتتلتني شتلة ساعة
گاملة. وراها دكت هوورن طلعت وصعدت
وياها حررگت بيه ساقت سريع ومشغلة أغنية
داوين يلاوينه ومعلية الصوت ضحكت رايحة جبهه ؟؟
تينة بضحكة للاذن : جبهتي لساتها مابلشت يخلص داعش وابلش اني
ورجعت تضحك لهناك ووكفت السيارة ولاحضت اللون وجهه أصفر .
مديت ايدي علهيا تينة شكووو ؟؟
تينة بخوف : بلعت ريكها ويعونها فتحتهن وجرت نفس رحيق
لبسي الحزام ألامان .
رحيق برهبة : ليش؟؟
تينة أكو منه يراقبن لازم أضيعهم .
وكفت تينة وبقت تفحط بعدها ماحس الا السيارة طااارت بين الافرع وتهز راسها
بأنتصار ويا الاغينة وتغني وياااا
تينة يلاوينه يلاوينه ياهوو ليكدرلي ساقت بسرعة رهيبة وأني مابقت أية ماقريتها وجسمي احس
يرجف واباوعلها ردت اطفي الاغنية ضربتني بكفها على ايدي
وخزرتني عوفيها ولاتوتريني .
رحيق ديري بالللج على كيفج ااه كضيتها اصرخ واكولها عفية انتبهي
وهي تضحك وتسوووق بسرعة وعلت الاغنية .
بقيت اتلفت اشوفهم كولش قريبين علينا وهي من الافرع أخذتهم .
رحيق بلهث وتوتر : تينة تندلين وين موديتنه لايحصرونه ؟؟؟
تينة اااش سكتي خليني متحسمة ااويولي اكشنهاااا يااابة .
انشوف منو يلزمها لتينة .
رحيق: حبابة خففي سرعة خلصيني من هالورطة مو وكت خفة دمج .
تينة : ااخ مشكور ربي حققت امنيتي هالايام مشتهية اكشن الج داحس نفسي
ممياتي باااشا من يسووق سريع الله كان فلم ااكشن اااخ وتسوووق سريع
وطلعت على الشارع العام ورفعت ايدها من الجامه سووت حركة أنتصاررر وصرخت يسسسس
ومانحس الا سيارة ثاانية
وازتنه فتحت تينة عيونها بشهكة خررب بيك سيف نبيل أنجعصن
ورجعت تحاااول تسيطر صاارت سيارتين وحدة من الخلف وحدة توازي بينه من اليمين
ويحاول يكسر علينا وأشرها لتينه بسلاحة
هنااا من الخوووف ذرة هدووء مابقت عندي صررخ لج تينة راح يكتلونه .
تتينه بخووف ومزح مزيف وتسوووق سريع اااااش خليني مركزة مايسوونها يردوج صاحية
وعلت الموسيقى
رحيق: خررب بيج مال أغاني بهالوضع .
تينة أحاول أشوش عليهم ورفعت الجامة وساااقت أسرع للحضات حسيت خلاص
طارت السايرة بينه للحضات حسيت نفسنه بالتروبو سفير .
بقيت أتنفس وازفر مثل وحدة دتولد وابلع ريك وادعي وايدي بقن بتوتر يضربن على رجلية
حرررت شسوي واحنه طااايرين .
بعدين تينة دخلتن بين السيارات .
وشوووية وعكست بفرع بي محلات دخلت بي سرريع اباوع للعدد فووول هاي هية
كلت راح تنفجر بينه وتينة ايديها متمسكه باحكام بالمقود اخر شي وصلت للساحة
كبيرة وبقت تفحط دوائر بيها سووتها دخااانه وطلعت منها سريع شغلت الماسحات
ودخلت بفرع أظلم ركنت السيارة كدام بيت ونزلتني
باوعتلها بأنفاس محتسرة وين نرووح ؟؟؟
تينه مستعدة نطكها ركضة راح يضيعون أثرنااااا امشي ركضي ومااحس ألاركضتني
لزمتني من ايدي وركضتني كد ماركضن حسيت رجلية خيوووط وكفت ومثل لركعت لزمت رجلية
وأتنفس سريع رفعت راسي وشهكت ربي هوون هالمصيبة علية وخلصني
تينة : مالهم أثر يسسس وبقت تكمزززز بنص الشارع مثل الارنب اوووف وسوت حركة
على قلبها سبقتهم وضيعتهم أخخخخ كلبي
شووية وفزززن صووت التلفون رفعته من بنطلونها ردت على زوجها ماتذكر اسمه
كله لو ماي هازبن لو بيبي حبيبي روحي وتكعد تصبغ بي .
شووية وتبدلت تينة من انوثة الى جعفر ابو المولدة شنوووو شنووو بخشونة صووت
وملامح محتدة يعني هذوووولة لصارلهم ساعة يمشون وراية
وركضوني ركضة طوويرج
أنت دازاهم يحموني غمضت عيونها خاب امده هيج حماية سكطتني غير ردت أسوي
حاادث ليش هيج ونعمت صووتها بغنج ليش هيج ماي هازبن ؟؟؟
مااعرف شنو كلها وردت
تينة : يااا صدوك الحمد اللة طلع من المستشفى يا بعده صحى من العملية
همهمت اي مالكيتولها أثر ؟؟؟؟!
أي تلوكها شردت تولي خلي يعوفها تولي يله ماي بيبي روحي بيباي .
ويفغلت وتأففت وخزرتني خاااب امداني امداني طلعوا ذوله مو من سهيل
خرب حظك سيف نبيل كل من ورا خلاني أتحمس زين ماعندي سلاح كان عشت
الدور ولكيتني ارمي عليهم مثل مراد علمدار .
هسة السيارة بقت هناك واحنه هنااا وتالي والله مابية اسوق .
تنفست باريحية وردفتلها
رحيق : تينة ترى لورانه من قبل زوجج زين والي مشوا موازة النه ماشفتيهم حتى سلاح
ذولة مبين
تينة : وايدها على جبينها وومطت شفتها مو هذولة كل هالحركة متفق عيلها
رجعت عضت شفتها بحركة كلب وضرربت فخذها بأمتعاظ
هذا تفكيرهم دزوا منه يخووفني حتى يعرفون أذ انتي ويايه امداني
واني االغبية هرربت هسة أيقنوا انتي ويايه خرب حضك سيف نبيل كل من ورااا
هسة تفيدني جاااوينه يلاوينه جاااوينه ليخلصني من هالغيمة.
تنهدت ورجعت كالت
تينة : أكولج أمشي اجر تاكسي أوصلج على مكان أمن .
رحيق : وين ؟
تينة : نوصل وتعرفين أمشي وراية
رحيق : سألتها تينة تندلين وين عفتي سيارتج ؟؟
تينة : ضحكت بجنون شبيج بابا يوم أمسى صارلي سنين ببغداد وأسوق حفضتها واني
لو ماأندل ماشفتيني دخلت بهالافرع
رحيق : تنهدت أي الحمد الله بس شنو احس ريكي نشف وجسمي مختض
بقيت بس اتنفس وأزفر وأقرا ايات وادعي شووية وكفت تينة للشارع أجرت تاكسي
دنصعد بعد ماتحملت كللتها عفية مي بعد مابية .
تنهدت وكالت
تينة : أكعدي عيني دقايق وارجع بس اشتري مي
شوية جابت شربته وارتويت كعدت يمي وضربت على كشن السايق
طير بينة عيني طير .
بعد ماتفاهمت ويا على المكان الي ياخذن اله كعدت يمي وشووية وكالت
فدوة لقلبك فوك الضيم مشغل حزين اغنية حززينة وصوت حزين
شووية تبجين ونلطم احوو احوو
دشغلن شي فريش .
دار القنوات طلعت اغنية سيف نبيل جاوينه وهي تينة كمززت من مكانها
طفي طفي طفي بعد اتووبه اذ سمعتها على طيحان الحظ الي أكلته خرب بهالاغنية سحلتنا
رجعلنا دك لطم وحزن .
بعد ماسيطرت متت من الضحك قبل شووية مشغلتها وتغني ويااا وهسه تموت وماتسمعها
صار وضعي اخرطي بنص الضيم أضحك أعتاديت ومنتظرة فرج لهمي وصلنا لمنطقة
بيها شقق أفترت يمين يسااار تينة وكالت هاااي أمشي ورايه ماكانت شقق حديثة حدبثة
يعني عمارات زينة دخن لعمارة هدوووء سنطة وصعدن طابق ثالث دكت الجرس .
ووكفن ننتظر تينة حطت ايدها على الباب ارتكت
رحيق : تينة لايفتحون وتضربين دقلة
تينة : يا ركضت كل هالركض وايدي بيدج وماضربت دقلات هسة اضرب ومانحس
غير الباب انقتح وتينة مجبوحة وملزوكة بالارضية هناااا من الضحك كعدت
بالكاع بسطت اضحك منه محصورة حمام ومنه موقفها أريد أسكت ماااكو والبنية لفتحت الباب
ارتكت للحايط وتضحك بعلو صوووتها على صووتنا الجيران طلع باوعلنا خزرن ورجع دخل
تينة وهي بعدها تكوم من الارض كالت كبور لوجهك ومانحس غير زلكت ايدها
ورجعت انلزكت هنا بعد فطست ضحك اريد أسكت مااكووو ؟
تينة كامت بعد هالانبطاح وكامت تنكت بملابسها شووور بية بس لاسيد هالمكموع .
ردت البنية صفاء .
صفاء ههههه لاوين هذا واحد كلاوجي يمثتل الدين ويدور ملاهي ونسوان ماعليج بية
دخلي دخلي كشخة وهالله هالله راحت بنص الارضية شميتي ريحة المنضف ؟؟؟
تينة : لا شميت ريحة شخمه وباميا
صفاء ههه خرب يومج
رحيق بقيت كاعدة لحد مارجعت تينة تباوعلي
تينة : ها عيني عاجبج ادخلين لو تبقين متشمسة يم الباب
باوعت لحالتي وشكلي متتت من الضحك رجعت دخلت وراها
صفاء: باوعت لتينة واشرتلها بيديها وعيونها
عود منو شنو ؟؟
تينة: دخلينا دخلين واحجيلج .
صفاء : هو انتن دخلتنّ.
رحيق : جووة كعدنّ اجة طفل يجي عمره ست سنوات الولد كعد يمي ويفرك بعيونه
درت علية ومااحس الولد غير كمز خمس امتااار ويصررخ يمااااااااا جنية
يماااااااا مادري شنو هااااي
بس هنا تينة وصفاء ماتن ضحك واني كابلتهن وأضحك على رووحي والولد طفر لامه لازك
بيها وامه عود تهدي وسكرانة ضحك.
بعد طن ضحك وتحشيش والولد نايم بحضن امه
اردفت صفاء
وهي تشخص گعدتها على القنفة بيتها كان
حلو ودافي قنفات قدذيفة بالان مريحة
بين الازرق البحري والتركوازي الحيطان بالوان
حلوة أبيض ورسمات عشگل ورود فاتحة
مخلية لووحة كبيرة بمنضر طبيعي شلال بحيث
مريح للنظر .
بلازمة وسط حجمها على الشباك مخلية طاولة
فاصل بين المطبخ والصالة باب .
صفاء : وترفع حاجبها بتساؤل : أي تينة هانم
أحجيلي شصاير وهالتحفة لوياج منين؟!!
تينة: گعدت وفردت رجليها وخلت عگس ايدها
اليمين على رجلها اليسار وسوت صوت بفمها
أقاربي هااي ومحتاجة مگان تبقى بي فترة
صفاء عقدت حاجبها وصفگت أيديها أهلاً وسهلاً
تدرين بغلاتج تينة بس غير أفتهم شكو ؟!
شاردة؟ مطلقة؟ عدها مشگلة؟!
تينة : كايليتج دورليها رجل
ردت مكان تبقى فترة وشغليها بالصالون يمج
وخبري لوزة أني دزيتها تشتغل يمها
مو أطنكر فترة والبنية ترجع لمگانها
رحيق : هنا من گالت ارجع خزرتها واعاين بدهشة
وين أرجع؟!
هاي بس لا الدقلة ضربت مخها .باوعتلها وهي
تباوعلي وتغلس وتگمل حديثها .
تينة :صفوش لا أدوخيني بالتحقيق خليها يمج
وأنتي متوقعة بيها خطر واجيبها يمج .
قابل ماعندي ضمير بشنو أحلفج هالبنية ماعدها
هالكد مشگلة ..
صفاء :عقدت حواجبها وصغرت عيونها وطوت
ملامحها بعدم تصديق تينة متأكدة لاأنوب
متورطة ويا ضابط منه منه عفية مابية حيل
مشاگل.
صفاء تنهدت : عادي خلي تبقى بس ها ورفعت
اصبعها بتحذير أي خطأ تعذريني بيتي يتعذرها .
تينة بمزح: عاد من حور بيتج هسه ليسمعج
يگول البيت الابيض كاعدة بي .
صفاء: ضحكت لج تينة ولا تبتي من سوالفج
شخبار الممم .
تينة : عال العال ينام ويسبح براسي بعد شيريد
صفاء: همات ناوي ينفصل عنج ترى مرته ماتعوفج
بحالج .
تينة: اوكلها خررا غيرر ماكافي هو لف ودار علية
وهسة شماخذة منه شو بالسر .
حتى لو مات مااحصل ورث .
صفاء : كامت للمطبخ جابت عصاير ورجعت كملت
حديثها وكعدت رجل على رجل بس مع ذلك
تحذري ترى مهم يكون هي مرته ام أطفاله
ماينطي بيها وانتي .
تينة: عفية صفوش ولامرة گعدت بيج أذ ماذكرتي
أني من الملهى وبت ليل الله مسلطج علية ؟!
عدج ثأر ويايه؟!!
صفاء : ضحكت لا والله بس أخاف عليج .
تينة اخذت العصير شربته شربة وحدة بدون
ماتكطع عبالك تحدي عدها وحطت على الميز
وگامت باعي صفوش هالمكموعة امانتج وأنتبهي
منها تجيها حالة تشتغلكم سجاجين .
خزرتها وصفاء شهكت لكن سرعان ما خفت دهشتها
المن ضحكت تينة واردفت .
تينة : أشاقة شبيج تصدكين ياحضي عموماً
شغليها وياج وعلميها .
وأني أمر عليجن أطمن حضنتها وتشكرت منها
وهي ضربنني بگتفي وابتسمت
تينة : لاتشكريني لحد مارجعج لشيراز .
دفعتها بقوة ورجعت ضحكت وكالت باي .
بقيت وأگفة عد الباب .
صفاء : فوتي .
فتت وگعدت بعدم أرتياح شووية وأجت صفاء
من الغرفة
صفاء : گومي نامي بغرفتي وأني أنام عد الجهال
رحيق بنفي : لا لا ابداً لاتخربون نظامكم
انام بمكاني على القنفة بس أنطايني بطانية .
صفاء : خاف تتأذين ؟!
رحيق : ابتسمتلها لا عادي .
صفاء جابتلي بطاين أثنين وخلتهلي مخدة
جديدة وأنوبىشووية جابت تراك .
باوعتلها شكراً گلفت عليج .
صفاء بابتسامة هادئ الله يحل همج ويفرج عنج
وتنهدت كلنا مرين بضرفج وربما أصعب .
باوعتلها أي ياكثر البنات المظلومات .
صفاء: هو الظلم شائع أكثر من شعاع الشمس
منو بيده حبل جره وخنك غيره ..
رحيق : صح لسانج .
صفاء : وهي تكوم نامي وارتاحي بكرة ورانا
روحة اشوفج الصالون والشغل
والمركز وشلون تشتغلين .
رحيق: الصبح تشتغلون ؟!!
صفاء :أي شغل حفافه شمع وبعد شغلات ليش
نوقف لعدهاةحجز تجي .
رحيق : الله يوفقگم
صفاء امين .
رحيق عافتني وطلعت ولفهمت ثقتها بتينة
قوية وعلى الاغلب تينة مسوية فضل
عليها لذلك ماردت طلبها قريت أيات ونمت
ماردت افكر بشي من كد تعبي الشي
الوحيدة ردت اهرب من الوقوع للنوم
الصبح گعدت على صوت أطفال وصفاء وهي
تكلهم يله راح تتأخرون عفتهم يطلعون
ماردت أكعد وكذاا طلعت جهالها وراحت وياهم
ماعرف وين گمت غسلت وجهي ورتبت
باروكتي شفت الحمام. قفلت وسبحت ورجعت
على التراك نفسه بالون زيتوني .
بقيت گاعدة منه تقريبا للساعة تسعة رجعت
أثاري كانت بالجيم.
أبتسمت وصبحت عليها .
صفاء : ليش ماماريگة اعتبري البيت بيتج .
رحيق: گلت أنتظرج .
صفاء : تمام گومي ويايه. للمطبخ .
رحيق: گمت وياها وسوين ريوك خفيف تريكت
وأنطتني منها جينز وبلوزة صوف وطلبت شال
لبسته وهي تجهزت ورحن للصالون هوو مركز
وبي جزء صالون بس على كد گبره
بقيت أتصفن أول مرة بحياتي أدخل لهيج
مگان أقوى شي صالون لعدنه .
وداخلة بي عشرين متر وهذا لا گله ابيض وبي
طقم بصالة أنتظار بالون وردي فاتح .
أجت وحدة من العاملات صفاء هاي منو ؟!
صفاء: أقاربي لوزة هنااا؟!!
ألعاملة : اي موجودة .
خلت وأخذتني وياها صعدنّ طابق ثاني لكين
لوزة شلون لوزة لابسة بينصل ماروني
والشعر أشقر ثلجي والمكياج اندارت عاقدة
حاجبها ها صفاء؟!
صفاء: كعدت على الكرسي. هالبنية اقارب لتينة
فترة تشتغل هنااا .
باوعتلي لوزة بنص عين تعرفين تشتغلين ؟!
رحيق:لا ..
لوزة بغرور: لعد شنو اشغلج ؟!
تمام صفاء أخذيها علميها وياج أذ افتهمت وفادت
خليها.
أومأت صفاء وأخذتني.
صفاء : هاي صالة البودكير والمانكيرا صراحة
شغلة سهلة ونحتاجج بيها من فترة قصيرة
بطلن اثنين ومحتاجين بيها
خليج قووية وتعالي اعلمج لان مكياج صبغ
ذني الا استاذات بس هنا وها وبعد
الشمع شغلات سهلو وعليهن طلب بلشت تعلمني
وتفهمني وأني احفظ وياها وقوويت نفسي
استمر يوم يتبع يووم وخلص الاسبوع بملل
وذات الروتين وسنطة ماكو خبر عن شيراز
بينما علاقتي بصفاء حد السلام وهي كله
من ترجع تقري اطفالها لو تلزم دك
مراسلة بجهازها وطبعا جهاز تينة بقى يمي
انطتنيه .
بس مالي واهس حتى أكلب بي أبقى ادور على
قنوات هندية ومصفنة لاأني منهم ولا من عالمي
وصافنة بلا أمر ولا تفكير ساعات اااخ ياساعات
الليل تشتاك روحي لامي واحس نيران تشتعل بصدري .
كلشي اعتاديت علي الا أفراكها ااخ يا تجاعيد
أيدها لتمسد على راسي ااخ يمه .
القهر شسوه بيج وهمات لبنى الحقيرة تزعجج
لو تقهر كليبج .
اختنكت ااخ من الخنكة لو لزمتني الليل كله مانام
تحملت اسبوع وصادف يوم جمعة صفاء
رجعتي ويا أبو التاكسي تعرفه يمهم .
ووصتني على اطفالها .
صفاء : عفية عينج عليهم هو بس هالليل الصبح
أجي هاا وقفلي الباب زين واكل هاج فلوس
راح اطلب من مطعم متعودة علي من يوصل
دفعيله .
ماكلت لا وصلت وشفت الاطفال عدها ولد
سته سنوات وبنية ثمن سنوات بيها قليلة
كلام اول مادخلت اابيت ركضوا لعندي عبالهم امهم
غزل: وين امي ؟!
رحيق: عدها شغل
غزل اووهو مايخلص شغلها جعت.
رحيق اسويلج .
صغرت عيونها وتكبر اي .
سويت اكل لكيت عدها لحم مثروم وبصل
وطاطمه سويت حميسة العصرية هالكلام .
بعد هي لليل تطلبلهم دلفري وصدوك للساعة
٨ اندك ااباب فتحت واخذت الاكل الجهال دخلت
لغرفتهم نايمين غطيتهم تمددت يمهم بالارض
اكو وسادة وعلى. الفرشة نمت .
لساعة متاخرة اسمع صووت خرخشة خفت
كلت هاي هية لزمني شيراز اباوع يمين يسرى
شفت أكو خشبة رسم صغيرة مال اطفال
حجم صغير طبكتها ولزمتها باثنين ايدي والباب
مامسدود مردود فتحت خفيف
وطلعت وبس حسيت الخيال قرب ركعت بقوة
ومااحس الا صرررخة ااااخ
ياحقيررررة اااخ .
فتحت عيوني بدهشة واني اشوف تينة
لازمة راسها ااااخ
تينة : الج انتي شنوووو مرة سجينة مرة خشبة
ليش متوحشة؟!!!
اااخ من ياغابة جابج سهيل ؟!
رحيق: بنص الخووفةوالرعبة طكيتها ضحكة
على ثول تينة ههههه مرة دقلات بالبلب
مرة أخسف راسها .
تينة بغضب تفرك راسها : ااخ اضحكي اضحكي
امشي كدامي لا اصرخ واكعد امة محمد .
ضحكت واجت كعدت كعدت كدامها .
رحيق: كون تاذيتي ؟!
تينة بسخرية وشكل مضحك تشبه شكل فارتولوا
متت يضربون على راسه وتعقج بملامحها تضحك.
تينة : عضت شفتها اموتج يابة بنيتي ليش
ايدج والاسلحة الخفيفة خفي علينا
يافاندام وتنهدت اووف شلونج ؟!
رحيق : تمام كمت جبتلها عصيرمن الثلاجة واجيت
شلون دخلتي سكتة ؟!!
تينة : العصر اتصلت صفاء وكالت روحي لبيتي
اذ ماعدج شي وبطريقها شمرت مفتاح الشقة
علية ووسافرت .
رحيق: لوين؟!
تينة : شخصج تعالي لهنا ترى اني وثقت بيج
وداساعدج وللهاللحضة ماعرفت شنو قصتج
وغمزت ناوية تحجين لا ؟!! لو اشغل اليايا.
رحيق : ضحكت احجي شووراية بيج حيل
بعد الضربة تسمعيني .
تينة بلهفه بية بية كل حيل بية حيل شيراز
ابو النسوان هههههه.
رحيق ابتسمت ومادري ليش شعوري تغير
ماادري شعور ان نحس هالشخص يخصن
هيج مثل مانسمع فد موسيقى ونحسها قريبة
للروح هيج حسيت ذكره طلعت من هوس
مشاعري ونطقت شلون صار؟!
تينة: تمام طالع من المستشفى ووضعه ديتحسن
لاتخافين مايموت خافي من لراح يسووي
هالهدوء هدوء ماقبل عاصفة وهيجان بحرر
ومحيط .
ولا تغيرين الموضوع احجي احجي بس بالاول
روحي جيبلي شبس حلويات فواكه من الثلاجة
حتى استمتع بالسماع .
رحيق : ضحكت متوقعه راح احجيلها نكت
جبتلها واجيت كعدت بملابسي جينز ازرق
وبلوزه صوف ابيض واسود كعدت كبالها
وتربعت على القنفة وتنهدت .
وأيدي على خدي بقهر وذكريات سيئة
مااتمناها لعدوي .
تينة بتحمس: بلشي وان تو ثري انطلقي ...
رحيق : سمعي قصتي قصة اغتصاب وزنا محارم
قصة الوجوم وهو أعظم حزن حيث يسكت
صاحبه وقيل عن الوجوم أنها كنحت وجع
على وتين القلب وعن الوجوم أنه حزن
مكتوم .
جرريت حسررة واخذتني رعشة شووك ورعشة
ألم وبعيوني اااخ ياعيوني
قصتنا اربع بنات وتلث ولد
من الناصرية بابا تزوج وحده غريبة بس كانت
اية بالجمال أمها الها رص ايراني لهنا تمام .
تينة : مندمجة تمام كملي .
رحيق : ولدت ضحى ومصعب وأمينة ومصطفى
وثائر وأني والكعدة نهى .
والدي كان عمري ٩ سنوات وتوفى بس هالكلام
اني كنت متعلقة بوالدي قطعة من گلبي .
تدمرت رغم انيى طفلة بس عرفت معنى الفقد
فقد حنان الاب أحساس بأن شخص
وزان واعي يفهمج فوك راسج هالشي خلق
فراغ عاطفي كبير بداخلي خاصةً
بعد موت بابا صار تعامل أخواني عمامي بحرص
وعنف شديد لدرجة صااروا حتى مرات يضربوني
اني ونهى بحجة انتن بنات والشرف عقلية
متحجرة وضوء الوعي مامر بيها .
تنهدت بقهر تحملت بية مابية الفارق بيني وبين
نهى سنة .
نهى ماتحب المدراس بطلت وبقيت أقرا أني
ويا مرت خالي ملاية عمري اثنعش سنة
ونذرت روحي لاهل البيت وادرس أخواني
ماحجوا وغلسوا عني بس لبسوني عباية
وحتى برقع بحجة حلوة وتمشين بالشارع
لو تبطلين عاد لبستها
كل هذا ماحجيت ولاشكيت .
تنهدت بقهر لحد مافات عمرري بال١٦ سنة ونهى
١٥ اجوا عليها ناس وصارت القسمة وافقت .
وبذاك اليووم المشؤم الي أندفنت بي روح
وترافة رحيق .
تينة مندمجة وايدها على خدها وتاكل بالموزة
شوية شوية كملي شصارررر.
رحيق : تنهدت وحست جمر بقلبي واني
أتذكر ذاك اليوم المرير ودمعة حاارة حركت
محجر عيوني وغصة لزمتني لكن جاهدت
وكملت بيوومها انزفت نهى وأمي بقت وياها
وأختي ضحى أصررت تضل وياها رجعت ويا
بيت عمي مارضيت اروح وياهم .
رحت ويا امينة لبيتنا دخلنا نضحك ونحش
بالعرس .
امينة : لج رحيق شفتي مرت الشيخ شكد نازكة
وحليوة .
رحيق: اي شفتها خطية متزوج عليها صدك
زلم مايشبعون هالشايب ويتزوج هالوردة
وفوكاها ماراضي .
امينة حضنت رحيق يوم الج وافرح بيج
قسمة تلوك لاخلاقج وثقافتج قسمة
تبرد كلبج وتعوضج عن كل قسووة ضكتيها
ربي يكتبلج قسمة بعيدة عن كل همجي .
رحيق : ابتسمت يكفي الله يهدي خوتج يخلوني
أكمل مارايده شي .
امينة يقبلون ان شاء الله يقبلون واتصيرين أحلى
مدرسة ..رحيق رفعت كفوفي أمين .
دخلت للغرفة امينة تنام واني بقيت انضف
بالمطبخ شفت صاير لعوسة وماجاي أبالي نووم دخلت أمينة نايمة ويمها أطفالها
مصعب وثائر ماموجودين ..
دخلت للمطبخ وبديت أنضف مندمجة وأمسح
ومااحس الا أيد نمدت علية وكتمت صووتي
وايد أنمدت على صدرري حااولت اوخررها
أرافس كان مقيدني رجلية برجليه
