رواية المتمردة الفصل الثالث عشر
بسم الله ولا إله إلا الله وحده لا شريك له له الحمد وله الملك يحيي ويميت وهو علي كل شئ قدير
صلاح .. يا حقير طول السنين دي وانت تاجر مخدرات وانا معرفش انا هوديك في داهيه وبيتحرك بالراحه من جنب الباب وبيطلع علي العربيه وبيقول للسواق يطلع علي المستشفي
عبد الحميد .. بيدخل الاوضه عند فرح ومعاه محمود وفارس و صباح الف سلامه يا بنتي
فرح .. الله يسلمك يا بابا
عبد الحميد .. مش عارف اعمل ايه فيكي انا كنت هموت من الخوف عليكي
فرح .. مالك يا حاج ما انت عارف بنتك زي القطط بسبع ارواح
صباح .. مش هتبطلي جنانك ده انا هموت بسببك
فرح .. حقك عليا بس كنت هعمل ايه هسيبهم يخطفو الولد قدامي
صباح .. الحمد لله بس بالله عليكي بلاش تضحي بنفسك انا من غيرك اموت
فرح .. عمر الشقي بقي يا صباح وهو قاعده علي قلبك
محمود .. طول عمرك لمضة يا فرح ومش هتكبري أبدآ الف حمدالله بسلامتك يا بنتي
فرح .. ابتسمت الله يسلمك يا عمي انت جيت امتي من العمره
محمود .. وصلت من العمره علي المستشفي علي طول انتي عارفه غلاوتك عندي يا فرح انا مخلفتش بنات بس انتي بنتي
فرح .. عارفه يا عمو وربنا يديك الصحه وطول العمر
محمود .. تسلمي يا فرح يلا كده شدي حيلك وقومي لنا بالسلامه ابوكي كبر وما بقيش حمل الخوف عليكي
فرح .. بتحط ايدها علي ايد ابوها وهي بصاله ربنا ما يحرمني منك يا اجمل اب في الدنيا
عبد الحميد .. ولا. منك يا حبيبتي
فارس .. احم احم نحن هنا
فرح .. فارس الولد فين
عبد الحميد .. بعته مع مهران عشان يروحه
فرح .. انت تعرف اهله
عبد الحميد .. اه عامر ده صاحبي ابوه الله يرحمه مات وامه ربنا يديها الصحه رفضت الجواز عشان تربيه وكانت قالبه الدنيا لحد ما كلمتها وبعت عامر مع عمك مهران
فارس .. خلاص اطمنتي
فرح .. انا كان هيحصل لى حاجه لو ما لحقنهوش الف شكر يا فارس و اسفه لو دخلتك في مشاكل معايا
فارس .. ما تقوليش كده انا الي بشكرك انك خلتيني السبب ان عامر يرجع لمامته وكمان عشان خدتي الرصاصه مكاني
فرح .. ابتسمت كده خالصين
محمود .. الحمد لله اطمنا عليكي هروح انا هتجنن ونام
عبد الحميد .. ماشي بس خد صباح وصلها في طريقك عشان سايبين الدوار لوحده يا محمود والف شكر ليك
محمود .. احنا اخوات يلا يا صباح
صباح .. هجيلك تاني يا نور عيني
فرح .. ماشي يا حبيبتي
محمود .. يلا السلام عليكم
الكل .. وعليكم السلام ورحمة الله وبركاته
فارس .. الف حمدالله علي سلامتك للمره التانيه انا هسيبك مع باباكي واستنى بره
عبد الحميد .. انت اكيد تعبان روح ارتاح يا ابني والحمد لله اطمنا علي فرح
فارس .. لا يا عمي انا بخير بعد اذنك انا بره لو احتاجت حاجه وعينه كانت علي فرح اللي كانت بتهرب من نظراته وبيطلع وبيقعد بره
صلاح .. يوصل و يلاقي فارس قاعد بره صلاح فين العمده
فارس .. جوه عند فرح مالك يا بابا في ايه ومالك كده انت مش قادر تاخد نفسك
صلاح .. تعالي وبيخبط علي الباب وبيدخل عبد الحميد
عبد الحميد .. اهدا يا صلاح مالك فيه ايه اقعد ارتاح هات له مياه يا فارس
فارس .. بيجيب المياه اتفضل يا بابا
صلاح .. مش عايز لو اتاخرنا ممكن طفل صغير ما لوش ذنب يتقتل
عبد الحميد .. اتكلم يا صلاح في ايه
صلاح .. انا عرفت مين تاجر المخدرات اللي حاول يخطف فرح وكمان هو الي حاول يخطف الطفل الصغير عشان يدبحه عشان يفتح مقبرة اثار
عبد الحميد .. مين الكلب ده يا صلاح
صلاح .. حاتم صديق عمري طلع حيوان مش انسان عشان الفلوس عنده استعداد يعمل اي حاجه
فارس .. بابا انت بتقول ايه عمي حاتم هو الي وراء كل المصايب دي ازاي انا مش قادر اصدق
صلاح .. انا شوفته في المطار وبكلمه عشان اعرف هو بيعمل ايه في قنا ولما بقوله فينك قالي في الشركه الشك دخل قلبي ومشيت وراه ودخل بيت قديم عندك يا عبد الحميد في البلد ولما قربت من الباب عشان ادخل سمعته بيكلم السكرتير بتاعه وعرفت كل حاجه يا فارس وكمان هيجيبه طفل تاني عشان يدبحوه يلا ما فيش وقت
عبد الحميد .. يلا بينا
فارس .. انا هاجي معاكم
عبد الحميد .. لا انت خليك هنا مش عايز اكون قلقان علي فرح انا هبلغ عبدالله بيه وهنتحرك علي هناك
فارس .. حاضر
عبد الحميد .. عارف المكان
صلاح .. ايوه ومعايا التاكسي الي جابني عارفه اكتر مني
عبد الحميد .. يلا بينا وبيطلعوا بيلاقه عبدالله في وشهم كويس انك جيت انا كنت هرن عليك
عبدالله .. انا جيت عشان اطمن علي الانسه فرح خير يا عبد الحميد .. اخيرا وصلنا للي خطف عامر وهو نفسه تاجر المخدرات
عبدالله .. ازاي
عبد الحميد .. هنتكلم في الطريق ما فيش وقت
حماده .. انا هطلع اجيب اي ولد عشان نفتح المقبره ونخلص
حاتم .. بسرعه الليله لازم نفتح المقبره
حماده .. بيطلع وبياخد معاه عتريس
عتريس .. مش كنا استنينا لحد الدنيا ما تهدا
حماده .. ما فيش وقت لازم الليله كل حاجه تخلص وانا هغرقك في الفلوس ما تقلقش
عتريس .. بيضحك شكلها هتلعب يا حماده بيه
حماده .. عايزين نطلع بعيد عن المنطقه الي جبته منها الولد الي اخدوه منكم
عتريس .. يبقا اطلع من هنا يا حماده بيه
وبيلف في البلد وبيلاقو ولد صغير جايب طلبات من المحل حماده يقرب منه بالعربيه لحد ما يوقف جنبه و بيشاور له وهو بيبص حوليه وبيتاكد ان ما فيش حد في الشارع
الولد .. ببقرب من العربيه
حماده .. كنت عايز اروح بيتكم انا صاحب باباك يا حبيبي
الولد .. قرب اكتر
عتريس .. لما اتاكد ان ما فيش حد فتح الباب وشد الولد وحط المنديل اللي فيه المخدر علي بقه
الولد .. وقعت منه الطلبات ووقع مغمي عليه في العربيه
حماده .. اتحرك بسرعه وطلع علي البيت الي فيه المقبره بعد ما تاكد ان ما فيش حد شافه
الكبير .. الست وعيالها فين
افيونا .. جوه يا كبير
الكبير .. بيدخل وهو لابس قناع
ندي .. اول ما الباب بيتفتح بتحضن ابنها وبنتها وبتقعد في زاويه في الغرفه
الكبير .. ما تقلقيش ما حدش هياذيكي انتي ولا ابنك وبنتك طول ما انتي بتسمعي الكلام
ندي .. انتو عايزين ايه مني انا وعيالي
الكبير .. منك مش عايزيك لكن من جوزك عايزين ١٠ مليون جنيه
ندي .. ١٠ مليون ده مبلغ كبير اوي هيجيبه من فين
الكبير .. انتي تعرفي جوزك بيشتغل ايه
ندي .. رجل اعمال
الكبير .. ضحك جوزك مجرد واحد من رجالتي وانا الي عملته رجل اعمال وبسببه خسرة بضاعه بعشره مليون جنيه وده كان غلطه ولازم يدفع التمن وزي ما قولتلك طول ما انتي بتسمعي الكلام انتي وعيالك ما حدش هياذيكي انا جيتك بنفسي عشان اطمنك
ندي .. انت ليه لابس قناع
الكبير .. عشان الي بيشوف وشي بيموت وانا مستخسرك في الموت اي حاجه تحتاجيها اطلبيها من افيونه وهيجبهالك المهم تفضلي هاديه
ندي .. بتحضن ابنها وبنتها اكتر
الكبير .. بيطلع افيونه
افيونه .. نعم يا كبير
الكبير .. اي حاجه تحتاجه هتودهالها واوعى حد يقرب منها فاهم
افيونه .. فاهم يا كبير
الكبير .. بيطلع من المكان وبيركب عربيته وبيتحرك وفي مكان عباره عن مزرعه بينزل وبيقلع القناع وبيغير العربيه وبيتحرك
فارس .. كنت عايز اعرف الكلام الي قولتهولي صح ولا كنتي بتهلوسي
فرح .. كلام ايه انا ما قولتلكش حاجه
فارس .. اني انا بتاع بنات وساره هي الي قالتلك وتامر هو اللي قالها
فرح .. بتسكت وبتقول في نفسها انا شكلي خربت الدنيا من غير ما حس
فارس .. ساكته ليه
فرح .. لا انا ما قولتش حاجه ممكن كنت بقول اي كلام وخلاص
فارس .. انا قولت برده مستحيل تامر يقول الكلام ده
فرح .. واثق اووي في صاحبك
فارس .. زي ما انتي واثقه في صاحبتك
فرح .. وانت عرفت من فين اني واثقه فيها
فارس . من كلامك وانا جايبك علي المستشفي
فرح .. افتكرت وبتقول في نفسها ايه الغباء ده ازاي اقوله كل حاجه
رانيا .. السلام عليكم
الكل .. وعليكم السلام ورحمة الله وبركاته
رانيا .. عامله ايه دلوقت يا فرح
فرح .. الحمد لله يا دكتوره بس في وجع جامد
رانيا .. تطلع حقنه من الدرج وبتضربها في المحلول دي حقنة مسكن عشان الالم وده طبيعي والحمد لله احنا كنا فين وبقينا فين
فرح .. الحمد لله كله بفضل ربنا عز وجل ثم حضرتك
رانيا .. انا ما عملتش حاجه كله بفضل ربنا سبحانه وتعالي
فارس .. الحمد لله يا دكتور وربنا سبحانه وتعالي جعلك سبب في شفائها
رانيا .. ربنا يجعلنا سبب في الخير ديمآ
الكل .. امين يارب العالمين
ساره .. بتفتح الباب وبتدخل فرح حبيبتي عامله ايه انا لما سمعت كنت هوقع من طولي
فرح .. اهدي انا بخير
ساره .. الحمد لله ازاي ما حدش يقولي انا رحتلك البيت ولقيت صباح لسا راجعه من المستشفي وما صدقتش لما قالتلي
فرح .. ضحكت المره الجايه وانا بنضرب بالنار هبقا اتصور فيديو وبعتهولك
ساره .. انا هتجنن عليكي وانتي بتهزري وانت يا دكتور فارس ازاي ما تكلمنيش
فارس .. معلش انا كنت في دنيا تانيه والحمد لله انها بخير
حماده .. بيدخل البيت ومعاه الولد متخدر
حاتم .. اخير يلا يا شيخ ابداء التحضير عشان ندبحه ونخلص
الشيخ .. ولع البخور وبداء يحضر خدام المقبره وحط الولد تحت رجله ومسك السكينه وحطها علي رقبته وفضل يكرر اسماء خدام المقبره ومسك راس الطفل عشان يدبحه
