رواية لأنها اختي الفصل الرابع عشر بقلم فاطمه حمود
يشايلني إعله چف الموت
ودموعك ترس عينك
گضت وبجثة المكتول..
يا مرخص سچاچينك
يزين..
الضيّعت زينك
تذل ومن الثريا تطيح..
وإحنه رموشنه تشيلك
ولو مو عادتي أشكيلك..
أنه الناي البچه إعله جفاك والغنّى بمواويلك
..........
أم ملاك :- حقج يمه حقج قرت عيني بيج ما تدرين ب دنيه طاشه لو راشه ب غير عالم انتِ فاصله بعد امج غير عين الما صلت على النبي علينا ابن خالج فسخ خطبته ورايحين نعتذر على دوسه البيت وهاي السوالف
1 تع
ملاك :-يا ابن خال ؟ مدا افهم عليج
1 تع
ام ملاك :- ملاك لــأ تشغليلي غبائج نيااار قابل كم ابن خال عندج خاطب واني ما ادري ؟
ملاك :-
بقيت صافنه ومصدومه من كل الي صار هسه إلا فهمت شنو قصده
من كال داكه تتشمتين بس مو علمودج سويت هيجي !!
زين ليــش هيج سوه شنو غايته وليش دا يفسخ وهوه كان طاير من الفرح بيها !!
1 تع
اذا مو علمودي لعد علمود شنو سوه هيجي معقوله حس انو يحبني ف فسخ لــأ لــأ ما معقوله لا تفسرين هيج لان لو يحبني مكان خطب من الاساس
بس ليش اكيد اكو سبب لأن الكل تحمد ب جمال البنيه وعائلتها خوش عائله ومعروفة كامله والكمال الله ما بيها نقص إلا إذا هوه حس ب نفسه يحبني لو تندم ف سوه هيج
1 تع
هذيت راسي يمين ويسار حتى ابعد هاي الافكار من راسي واسيطر على تفكير عقلي
صاح بابا على ماما يستعجلها
أبو ملاك :- ها ملاك محتاجه شي اجيبه الج قبل لا نروح باباتي
1 ت
ملاك :- لا بابا حبيبي تسلم
وصلتهم للباب وراحو دخلت كعدت ب المطبخ وإني صافنه من كل الي صار اجا على بالي محمد والسبب الي خلاه البارحه بالذات يدك
1 تع
ليش ما دك قبلها لأن حامد رد اله جوابي ثاني يوم ب الضبط بـ؏ــد اصرار مني ب الرفض
بس ليش إلا البارحه هوه اكيد بما انو صديقهم فيعرف بي راح يفسخ اليوم زين ليــش دك البارحه شنو غايته !!! اكيد عنده غايه من هل موضوع !
1 ت
فصل تفكيري وتشتت عقلي دكت الباب رحت طلعت كانت مريم
ملاك :- عمي هسه إلا نور بيتنا
مريم :- منور بيج يعمري
ملاك :- فوتي فوتي ضرغام وين
مريم :- عنده شغل هنا وراح يخلصه
ملاك :- هاا
مريم :- امج موجوده لو لا لان ما الي خلك وما اريد احجي وي احد
ملاك :- لا تاكلين هم ما موجوده وحدي ب البيت اليوم
مريم :- خوش
مريم :- هسه انتِ متعاجزه من غسله الصينيه مال ضيافه والكلاص
ملاك :- تمشي لج الله يرحم من اجيكم دزيني اني الاخوانج حتى يروحون يشترولنا وانتِ مي متنطيني
4 تع
مريم :- كامت تفتح دفاتر قديمه يبووو شيخلصنه بعد
ملاك :- تهاج هاج اشربي
مريم :- فدووه ما اريد شي العسل مر ب حلكي من الي صار
ملاك :-شصاير فهميني اني الحد الان مثل الاطرش ب زفه مفاهمه شي
مريم :-اووف اوووف شحجي ومنين ابدي كليلي ولج عيرني ب سالفتي وإني صرت مثل بلاعه الموس لا بيدي اسكت ولا احجي هاني وجرحني وعن اول سالفه عيرني هاي شلون يكضي العمر وياه ب الكومه والكعده يخلصها عليه سترت عليج سترت عليج
ملاك :- تهدي وفهميني شنو السبب الي خلاه يحجي هيج وليش ولو هوه مبين دنغوزي من جوه الجوه
مريم :- لج اااخ بس لو تشوفين عجائب الدنيا الي اشوفه هناك غير تنجلطين على كميه الانحطاط الي موجوده اصلن ذكر الله يعتبر ذنب اذا ذكرتي ب هذاك البيت الشيطاني اي والله شيطاني على كميه الذنوب الي بي
2 تع
ملاك :- اكلج ترا خوفتيني احجيلي شصاير
مريم :- ولج شحجي عشتووو زوجي مسوي نفسه رجال وطالع من ظهر رجال بس عليه ولج خبلني
بس عليه وما يكدر لا على اخته ولا على امه عايفهن يلعبن على حل شعرهن اااخ اااخ ولج عايفات اله كرون ستيل يلمعنن لمع وهو مفتخر ب كرونه لج حطكككك حطكككك
1 تع
ملاك :- ليش شمسويات ولج هذني اني امه ما ارتاحيت الها ابدااا ابدااا من البدايه
مريم :- ولج هاي امه فد وحده كح** واذا تكليلي عيب ومدي ايش احط راسج ب مجره
ملاك :- يابه شبيج شصاير الهل درجه
مريم :- ولج خاله عينها على واحد كرايبهم اصغر منها ومطلك مرته على مودها لاعبه بي لعبببب
ولج وتريد تزوجه بس أهله هادين عليها وما مخليها ولاعبين لعب بيها وعود عشتو كاطعه علاقتها بي
ومخبله الرجال تخبللل واهله من شايفي هيج خاطبيله ومزوجي وصاير هسه عنده ولد وبحجه زواجي
رايحتله للبيت عود عشتو عازززمته هي ب نفسها ورجعت علاقتهم وكاعد تحوم على الرجال تريده يتزوجها ويطلك هاي هم وتكعد ب البيت ولججج
3 تع
ملاك :- انتِ متاكده من الي دا تحجينه
ملاك :- هلو هلو تنكط شرف وعفه عمتج هي وعبودي اي كليلي شتريد مراسلته
مريم :- لــوو تدرين شنو تكوله لــوو تدرين
ملاك :- شنو ؟؟
مريم :- تكوله عبووودي اني هسه طلعت من الحمامم وبردتتت شلوون ادفه علمنييي ومسويه روحها طفله ولجججج انوب صارت سوالف اتشيب الراس ما تنحجي والله خلتني يومين صافنه ب زماني
1 ت
ملاك :- عززا العزاني عود صدك هيج هاي !!!
مريم :- ولج هاي لا شي ولج ياريت باقيه على عبودي وبس ياااريت
ولج ما صارلي شهر يمهم وشفت مصايب يابو مصايب تشيب الراااااس تشيبه والله
ملاك :- يمههه هاي شنو من عائله
مريم :- لو بعد شنو تريدين احجيلج تريدين احجي عن اخته المصون ام البلاوي
ولج حتى اكو تصاميم اني وربي استحي البسهن العلي وهي عدها كل شي
من موديلات الحديثه الي بعدها منازله للسوك للقديمه تصفنين عليهن تصفنينننن
ملاك :-ياا هي مو مطلقه بعد شسوي بكل هذني ولج لــأ تصفنيني
مريم :- ولج الزلمهاا غيررر
ملاك :- يا زلم
مريم :- ملاك رحمه الجدج لا تبديلي بالثول مالج ترا اني دمي محترك حرك
ملاك :- هسه اني شحجيت !! شبيج على كيفج
مريم :- ملاك حماتي ام العفه وشرف والاشرف مني كله تطلع الشقق تروح هناككك طلعت
1 تع
ملاك :- عزززه وانتِ شمدريج ولج !!!!
مريم :- لعد اني شحارك دمي شحاركه غير عشتو البارحه زلمتي الرجااااال مالي شايفها طالعه
من عماره هي واحد حاضنها عود شايلته الغيره رجالي ف جايبها سحل للبيت تخيليييي وسجل يا تاااريخ سجللل اشو هذا بس فات وكال الامه شفتها من عماره طالعه
امه صاحت بي صوت واحد واحدددد بس اشو هذا صارلي مثل المره المرة لج اني صارت بيه غيره عليها اكثر منه امددده حظيييييي (تحجي وتضرب على وجهه )
2 تع
ملاك :- ثواني ثواني يعني ما سوالها شي ابدا ابدااااا
مريم :- لج يحظي ما سوه شي ما سوه بس سحلها وجابها للبيت حتى ضربه ب الغلط ما ضربهااااا ولج
1 تع
ملاك :- عليج الله !!!!! ابدا ابدا ما سوه شي
مريم :- اني لا دخلني انت وأهلك حل مشاكلك
علي:- ما دخلج موو ست مريم مووو
مريم :- كل واحد يعكس تربيته تريد تذب حركتك ب أحد هذيج غرفة اختك روح الها لــأ تجي عليه تذب حركتك بيه وتصير رجال عليه
تقرب عليه ولزم فكي عصره ب ايده حسيت سنوني تكسرت من قوه ايده
علي :- هههه شوف شوف ست مريم صاير عدها السان وتحجي
مريم :- من زمان اني عندي السان واحجي انتَ يمكن ما عندك
علي :- وفوكاها تتجاسرين فوك شينج كوات عينج
1 تع
مريم :- ما عندي شين وما وصلت الربع من الي سوه اهلك
علي :- على منو تحجي بله كليلي على تربيه اهلي اشو مبين نسيتي ست مريم تريدين اذكرج
منو الي ستر على سالفتج وستر فضيحتج هااا لو ناسيههه ومنو الي خسر نفسه علمود شهوته هااا تذكرين مووو
ولو تريدين اذكرج شلون فتحتي نفسج وفقدتي عذريتج وشرفج ب اصبعج لو متذكره عيني
انتو اهل الدوله الي كلها تاج وباج وعشتو كلها اهلج رتب وشحده الي يندك وياكم بله اريد اعرف يعرفون بسالفتج لو لا ما يعرفون
مريم :- تهددني لــوو شنو عللللللي
علي :- لااا عيب كلشش عيب اهدد اني من شوكت مرامي بس دا اسأل يعرفون لا
1 تع
مريم :- تعيرني موو علي تعيرني !!!!
1 تع
علي :- الي يدك الباب يسمع الجواب مرامي وها اذا اسمع هاي سالفه
طالعه واصله
العتبت الباب العتبت الباب يا ويلج ويا سواد ليلج ترا سهله عندي تليفون واحد ال اخوج والمحادثات مأخذ الهن سكرينات وحافظهن
لمن اعترفتي الي ب سالفتج واكلهم هيج وهيج واسويج دا تخونيني وساعتها اكتلج
ويصفكولي يكلولي بطل غسلت عارك ف اكعدي واسكتي واستري على نفسج مني احسلج
مريم :- انت منو حتى جاي دا تهددني هااا منووو نسيت منوو كدامككك عليييي نسيتتت
هوه انت لو بيك خير روح الأمك الي دا تفتر على رجال
متزوج كبال عينك وانت ساكتت وقابلللل
وعلى اختك الي كل يوم رايحه الحضن رجال شكل مو جاي تصير رجال ب راسي على الاقل
اني اشرف منكم ما رحت زنيتتت اني غلطتت وغلطي ما يوصل الربع من اغلاطكم
من كلت اله تهستر وصار يضرب بيه
ملاك :- عزززا العزاني ولج هاي انتِ وين عايشه هذولي شنو من عالم زاعوهااا كلللش
1 تع
مريم :- حظي الاغبر غيرر
ملاك :- زين باعي شلون خلاج اطلعين
مريم :- اووف ولج راح أطك واموت ب حسرتي والله ولج نذلل نذلل لزمني من أيدي التوجعني وباقي يلوي بيه
ويكلي مو زين سترت عليج أحمدي ربج ما انذبحتي وهسه تعالي فوك كل هذا لازم ابقه ساكته ومتحمله
لان يهددني ما اتحملت ابقه ب هذاك البيت كلت اله وديني الاهلي كال انتي خابري على اهلج يجوج
اني ما بيه حيل وما اشتغل عندج وهددني انو ما احجي وما اكول شي صار
ملاك :- زين شلون هسه شنسوي ؟
مريم:- ولج اني مريم انضرب وانهان وما اخليهم يأخذون حقي اااخ
ولج ما صارلي شهر يمهم وهيج صار لعد لو ابقه بعد شلون شيسون بيه يخبلوووني
ملاك :- أي والله صحيح زين اكلج وسالفه الأطفال شلون بس لــأ طلعين النا حامل فوك هل ضيم
مريم :- لا تخوفيني حبابه والله ما ادري اول فترة عشتو لمن كنت عروس
اول أسبوع ما كنت اخذ احتياط بس ورى هذا الأسبوع صرت أخذ الاحتياط عسى ما اطلع حامل
1 تع
صارت تبجي واني اهدي بيها كعدت اسولف وياها وانسيها شويه إلا أن سمعنا الباب انفتح كانت دنيه المغرب فات حسن
حسن :- هلا مريومه نورتي بيتنا
1 تع
مريم :- منور بيك حسوني
حسن :- شلونج شلونه زوجج
مريم :- الحمدالله ب خير وانت شلونك
حسن:- الحمدالله ها ملاك بما انو مريم هنا اكيد ما راح تسوين النا عشه نجيب من بره تريدون
ملاك :- والله يا ريت حسوني
دا نحجي ودخل حامد اول ما شاف مريم تصنم ب مكانه متفاجىء ب وجودها حسن شافه هيج سحبه وطلع بره
3 تع
مريم :- اني اكول خل ادك على ضرغام يجي ياخذني احسن مما ابقه هنا وحامد موجود مو مال مشاكل هسه
مريم :- أكلها تعاركت وي عمتي علمود شغل وهوه كال الي روحي ارتاحي يم اهلج او اكولها اشتاقيت الكم وهوه راح الاربيل او شوف شنو عود ارتبها هناك يمها ما ادري
ملاك :- خوش بس يدري بالج لا تنتبه على شي ترا وربي تكشف كل شي امج مو هينه ابدا
مريم :- دا تحسسيني انو ما اعرف امي وما أ؏ــرف سوالفها
ملاك :- لــأ بس انبهج خاف ناسيه
خابرت مريم على ضرغام اجا اخذها وراحت ورى ما طلعت ب شويه اجا حسن وحامد
حسن :- ها راحت مريم ؟
ملاك :- همم أي راحت
حامد :- بيها شي
حسن :- حاااامدددد
حامد :- وسم هسه اني شحاجي دا اسال شفتها مو على بعضها
حسن :- وانت وين شفتها مو سحبتك وطلعت
صفنت ب وجهه ب كلبي اكول شنو يا خويه كلبك دليلك حتى عرفت بيها شي وانت حتى حجايه وحده ما حجيت وياها بـ؏ــد شلون عرفت
1 تع
ملاك :- لا ماكو شي كالت انو علي شايفها ضايجه سألها كايله اله مشتاقه الملاك وأهلي ف جايبها لــأ اكثر وكلش مرتاحه هي وفرحانه ب اعيالها وضعها
نزل راسه وما حجه شي صبيت الأكل اشوفه ما حط لكمه ب حلكه كملت شلت كل شي كانت الساعه ب9 صعدت الغرفتي
نزلت صحته وصعدت دخلت الغرفتي مرت نص ساعه
وسمعت صوت امي دا تحجي وي إخواني همه كاعدين ب الصاله الفوك
أم ملاك :- ها يمه اتعشيتو لــوو اسويلكم عشه
حامد :- لــأ يمه اكلنا
أم ملاك :- زين ملاك وين
حسن :- ب غرفتها كالت تعبانه تريد تنام يمكن نامت لان مالها صوت
حامد:- يمه فضت سالفه نيار لــوو لــأ
أم ملاك :- أي يمه فضت بس والله مقهورة علي متت قهر هي خوش ابنيه أصل وفصل وجمال ليــش يريد يفسخ خبلنه تخبللل
حسن :- يمه لا تحكمين على المظاهر ترا نيار ما يسوي شي اذا ما اكو ورى سالفه يمكن ما يريد يكول
أم ملاك :- الله يهدي سره يا يمه لـ؏ــد اني اروح ارتاح
ما اهتميت الحوارهم إلا لمن سال حامد خلاني مصدومه من الجواب
حامد :- اكول انت تعرف السالفه شنو صاير عود ليش فسخ طاكته ب عصه شو الكل يحلف ب جمالها بـ؏ــد شكو واهلها مبينين خيرين ؟!!
حسن :- ولك كول ربك الحمدالله خلصه منها قبل لا يتم زواجهم احسن شنو الفايده ب جمالها وهي استغفر الله
3 تع
حامد :- احجيلي ولك شصاير اشو ما كلتو الي وما حجيتو !!!
حسن :- مو هوشي زين حتى انطشه ونكعد نحجي بي بله ما تسكت رحمه للميتين غير من وراك وسوالفك طايح حظها كل هذا صار
حسن :- هو شنو شعليك غــير نيار الته بيك وسالفتك وداز مومل حتى يسال على البنيه وهذاك شلون مطفي وفاصل على العالم
وما يدري الله وين حاطه رايح سالي شكو واحد جبير ب العمر رجلي والكبر ما يدري ب دنيه وين
وقابل يكولون البنيه مو زينه اكيد لا حتلو يعرفون يغلسون لان على زمن قبل همه
1 ت
حامد :- أي وشنو يعني
حسن :- ورى الخطبه ب يومين اجاني كال حسن البنيه مدري شلونها
ملعبه تعرف كل دروب بحيث تقربت الها ابوسها وكان ردها غريب الي مبينه خبره
حامد :- وهوه شعرفه بيها !
حسن :- حامد شنو اليوم انت شوفت مريم اثرت عليك لــوو شنو مطي تربع ب راسك خويه
حامد :- اهوووو والله مو صوجك صوج اليسألك
حسن :- حامد البنيه تنعرف من اول بوسه خبره لــوو لا الي ما تفهم ب هل سوالف تبقه جامده ما تعرف شسوي هاي ماصت* مص الاخونا
2 ت
حسن :- أي وتعرف مراد اجا وفجر القنبله علينا خلاه يكمز النيار
حامد :- لعد وين جان قبل هل كوا**
حسن :- الكو** جان مسافر
حامد :- شوف شوف عود اني متفق وياه نسافر سوه اني اله خل اشوفه اي وشكال ؟؟
حسن :- كال
دكو على حسن وحامد كام سمعت صوت سدت الباب مال غرفته
بقيت صافنه على كلامهم يعني شنو البنيه شنو شبيها فوك هل سوالف ومراد صديقهم شنو كايل ؟
بس يعني هسه انثبت الي انو مو علمودي علمود مصلحته فسخها
يعني هذا الشي ياكد انو اني منفيه من حياته هاي هي وانتهينااا
2 ت
اكدت هل شي ب عقلي وكلبي هل مره ما بجيت ولا شي لان بـ؏ــد هاي هي .
1 ت
مرت الأيام صارت امتحانات الدور الثاني وامتحنت مريم ونجحت بس كان معدلها 65 بدت القبولات قدمت وطلع الي هندسه علوم الحاسوب المعدلات عاليه كانت
حجو وياي اهلي حتى يقنعوني انو أقدم اهلي صيدلة صح كان حلمي بس ما قبلت ابدا اقتنعت انو ما مقسومه الي وربي مكاتبلي ياها
2 ت
وبده الدوام وبدت حياه جديده الكل شخص
ب نسبه الي هاي الفتره الي مرت ابتعدت عن نيار ابتعاد نهائي بس ما اكدر انكر انو احبه
مع كل الي صار كان دا يزيد ما ينقص مع كل الي صار والي قدمه الي من وجع بعدني بس رافضته بيه تناقض كبير ما عرفت احله
بس كنت ما احجي وياه ابدا نهيت سالفه ب وقت ضعفي اروح احاجي
أما هوه الي من بعد حادثة خطبته الي بقت نص الأمور ما واضحه الي ب خصوص خطيبته رفض الزواج رفض كبير والكل سكت محد ادخل
أما مريم ف حياتها من هذيج الحادثه تغيرت 180 درجه أو نكدر نكول بين علي على حقيقته المره
لأن احنا تعودنا انو الشي الحلو ما يكمل كدرنا نوصل أو كدرت اني ملاك انو ابرر تصرفاته ك ضعف شخصيه
بسبب جو الي دا يعيشه من ناحيه امه واخته ودا يحاول انو يفرض شخصيته على بس مريم
لان مصلحتها يمه بس مريم ابدا ما تتقبل هذا شي ما تحب انو أحد يقيد حياتها وحريتها تضل تتمرد
وهي ما زالت على تمردها وهذا أحد الاسباب رفضي انو تكون زوجه حامد
أما حامد حياته بعدها حزينه من بعد الي صار انكسر بي شي
بس دا يحاول انو يرجع مثل قبل وأقوه انقل دوامه صار ب محافظه ****
صار عشره ايام ب بغداد وعشرة ب الدوام
2 ت
حاول بابا انو يخلي دوامه ب بغداد بحكم شغله ومعارفه بس حامد كان هوه راغب انو يبتعد
يمكن حتى يمكن هوه الي قدم النقل كان ظنه انو كل ما يبتعد راح ينسه بس مثل ما كال عريان سيد خلف
العزيز اليبتعد تكثر معزته
أبعد اشما تبتعد تبقه انته انته
11
وكانت خطه فاشله من عنده على نسيان
أما حسن تمت ترقيته من ملازم أول ال نقيب كانت فرحه كبيره
النا وفخر سوينه احتفال ب مناسبه هذا شي وكنت اشوف نظرات الفخر ب بابا وهوه يباوعله
1 ت
شخصيه حسن كانت شويه صعبه عليه افهمها كان احيانا يحسسني
انو هوه ابوي مو اخوي طيب حنون كان احيانا يبين انو هو مجروح
ومطعون بس دا يكابر وتجي أيام يبين
1 تع
انو هوه غركان ب الحب حرت اوصف الحاله الي كان بيها كل فتره شكل لكن كان ياكد للكل انو هوه مو على علاقه
1 تع
أما دانيا صارت حامل ب طفل الثاني وحياتها مستقرة وما عدها اي مشاكل وي قيس
أما منى اختي الما جابتها امي الي زاد عندي الخوف عليها واني اشوف الحب من عيونها الحسن
1 تع
بعد ما ترقه حسن وخاصه انو هوه قبل كان كل ما نفتح موضوع زواج يكول او يتهرب ب هل جواب لمن اصير نقيب افكر أكون عائله وكنت انقل الها هل جواب
بعد ترقيته حسيت ب خوفها كانت خايفه من اللحضه الي راح ادك عليها
واكول الها صار الغيرج لا تفكرين بي بعد وخاصه شكوكها
انو ما معقوله شخص ب هذا المنصب والمكان والاهميه ما يحب اله وحده او ما عنده علاقه ب وحده
1 ت
بس مع كل هاي الأفكار بقه الخوف عدها أكبر من انو تروح وتصارحه انو تحبه
1 ت
اليوم بدايه أسبوع جديد من حياتي
كاعده وي الكروب مختلط شباب وبنات سوالف وضحك عاديه من بـ؏ــد ما صرتب جامعه
مركزه ب تليفون دا اراجع ماده مهمه صار كبالي خيال مال شخص والكل سكت واختفه صوتهم وصوت ضحكتهم
1 تع
صارت عيني على الكاع بدله عسكريه ابتسمت عرفته منو من غير ما ارفع راسي
1 تع
رفعت راسي واني ابتسم كل الشباب ساكتين منتظرين يشوفون شراح يصير لأن بدون سابق إنذار فات
من يمهم وصار كبالي كان لابس نضاراته ابتسمت اله ب استفزاز واني اشوف وجهه ما يكصه السيف وكل ملامحه تبين عصبيته
ملاك :- شباب أحب اعرفكم نيار اخوووووويه
6 ت
عبدالله :- والله يا ملاك اللحضه ظنيت انو حبيبج وسوالج كبسة ورحتي ب رجلين
2 تع
الكل ضحك بس نيار بعده مبوز
عبدالله :- اسف خاف كلامي ضوجك كل الهلا بيك اخ نيار تشرفنه ب معرفتك
ما اهتم اله وجهه كلامه الي
نيار :- كومي امشي اريدج ب موضوع
1 تع
ملاك :- ما اكدر خويه عندي بعد نص ساعه محاضرهماكدر افوتها
1 تع
صل على سنونه وحجه
نيار :- ملاااك كوومه عندي موضوع وياااج
نيار :- اللهم صبرج يا روح
ملاك :- امين الله يصبرك
1 ت
نيار :- كلت الج كومي بلا كلان خره لا طلعين صوتي كدام العالم وتصيرين علج ب حلكهم والله اسحلج منااا ملااااك
1 تع
حبيت استفزازي اله
ملاك :- من رخصتكم شباب بس صاير ظرف لازم انو اطلع ان شاء الله الباجر نلتقي تمام وفدووه اميره اذا شفتي منى كولي الها انو ملاك طلعت تمام حبيبتي
أميره :- ب عيوني
مشيت كباله بس تخطينا شباب لزم زندي ب قوه وسحبني وصار
يمشي سريع وهوه يحجي يم أذني ويغلط ما اعرف شنو شبي وشعده جاي الي من بعد كل هاي الفترة آخر كلام صار بينه ب مكالمه
قبل لا يفسخ خطبته ب يوم
وصلنا للكراج دفعني على كرسي مال سياره وكان كراج هدوووء محد بي
صعدت واني ساكته منتظره رده هوه صعد متوتر نزع سلاحه من فخذ رجله وسحب بطل مي وشربه كله اني اراقب تصرفاته حاول يهدي نفسه
ملاك :- شنو هاي تصرفاتك شلون هيجي تسوي وياي وكدام الكل شنو ترا لا تنسه منو اني نياررر تذكر زين اني ملااااك مو وحده من شارع حتى هيج تسحبنيييي خووووش
1 ت
نيار :- ها هسه استحيتي من تصرفي كدام الكو*** الي كاعده يمه ست ملاك هااا بس ما استحيتي من لمن مسويه يمهم ميانه وكلام وكاعده ب نصهم تسولفين وتضحكين ورافعه رجليج ورجل على رجل ومبينه زرورج وهاي
ملاك :- اول شي هذولي أصدقائي وإني ما كاعده وحدي خووووش
ترا احنا كنا كاعدين حوالي ب 15 نفر العلمك وهم اني اعرف شلون احجي وما متجاوزة الحدود وي اين كااان خوووش ثالثا اني لابسه ملابس ومحترمه نفسي وحشمتي وما طالع مني شي ولا مبين لا تكعد دور زله عليه خوووووش لــوو لا
نيار :- واحنا من شوكت اكو عدنا بين الولد والبنيه صداقة ههههييييي ترا احنا ما كاعدين ب امريكا لو اوربا فهمتي هذا الحجي ما يصرف عدناااا ترااا بس هوه مو العتب عليج على المكرنين اخوانج الي قابلين على هيج وضع
1 تع
ملاك :- وانت شخصك بيه فهمني شخصك اني مو انتهيت من حياتك ليش بعدك ورايه ليييش هاااا شعلييييككككك بيه انت شعللليك يا أخــي كف عني اطلع من حياتي خلصننني منك ومن شرك وعمايلك اخذت ثارك هاي هي اطلللع وانشه ملاااك بـ؏ــد شعندك لازكلي على زله
1 تع
كان راص على زندي حسيت ايده رخت وصفن ب وجهي رجع جسمه على الباب لحضات وهو صافن عليه وصرخ ب وجهي
نيار :- أنزلي من سياره انززززززلي
فتح الباب مال سياره وهوه يصيح عليه نزلت بسرعه دموعي نزلت هم خفت منه تغير هواي هذا مو الي اعرفه تصدفه واندفاعه عليه صدمني عروقه
كلها برزت كانو تريد تنفجر صرت امشي وأعثر ب الكراج وهوه هدوووء محد موجود بي
1 تع
من ورى دموعي صرت ما أشوف شي غوش نظري انضربت
ب شخص رفعت راسي بس كان هذا آخر شخص اتمنا انو اشوفه
ب هذا الوضع الي اني بي الي راح يكشف كل شي
13 ت
محمد :-
