رواية بديلة اختي الفصل الرابع عشر بقلم خاتون الكعبي
تذكير
الجد : والله يا خوي ما نلكة احسن منكم ونسر زلمة ونعم منة والف من تنمناه بس اعذرني بوية البنية محجوزة لحفيدي محمد من صغرهة
محمد : انصدمت من طلب ابو مالك بس الصدمني اكثر رد جدي واول ما ردت ارد علي واحجي لزم ايدي ابوي واشرلي اسكت باوعتلة بحدة وكلت
محمد بهمس : هذة اجاي يحجي شنو محجوزة لمحمد من صغرهة
ابو محمد ؛ أهدة هسة وبس يرحون ازلم نفهم من جدك الموضوع
محمد بحدة : شنفهم اذاا هوة يكول محجوزة لمحمد كدامهم
ابو محمد : اشش نصي صوتك راح تفضحنة وكتلك بس يمشون الزلم نفهم من جدك السالفة
محمد : سكتت واني اباوع علة النسر تبدلت ملامح وجهة للخيبة وكام طلع من الديوان وجده اعتذر وكال
ابو مالك بحراج : نعتذر بوية ما نعرف البت محجوزة لأبن خالهة والله يتمم الكم ياهة علة خير
الجد : لا خوية ماكو داعي تعتذر وتسلم يا طيب هذة من أصلك
محمد : اباوعلهم بدو ايسولفون واني كاعد علة اعصابي منتظر يخلصون اسوالفهم ويطلعون و..........،
____________
تقى
تقى : علة الخطوبة عمة كالت شايفتلك مرة زينة وتريد تخطبلك ياهة
مسلم : ها الله يبارك بيج
تقى : يعني انتة ناوي فعلاً تزوج
مسلم : وليش لا اشو وظيفة وعندي وسيارة وكدر افتح بيت وكون اسرة وحدخل بالثلاثين يعني ماكو اي شي يمنعني او يوكف ابطريقي
تقى بغيرة واضحة : زين اشعجب هسة يلة قررت تزوج اقصد جنت شايل موضوع الزواج من بالك ليش هسة فتحتة
مسلم : تكدرين تكولين جنت اكون نفسي وهسة يلة وصلنة خلصت افلوسج
تقى برود : يلة باي وشكراً ع التوصيلة مجان اكو داعي اتعب نفسك كلت هيج ونزلت بسرعة من السيارة ودخلت للمدرسة و...........
______________
مرسلين
رهام بصدمة : شنوو
مرسلين : مثل مسمعتي
رهام : لحظة شنهو يعني جاي تضحكين علي لو شنهو مو كلتي خطيبي
مرسلين : قصدي جان خطيبي قبل فترة انفصلنة وبقة بس نفسخ عقد السيد
رهام : زين اشمعنة كلتيلي
مرسلين : ههه حتة متعبين نفسج وتسوين خطط انتي وبنات عمج حتة تفرقيني عنة
رهام : زين وليش ما كلتي من البداية انكم منفصلين
مرسلين : مدري بس مامة مقبلت احجي شي الحد ما نفسخ الخطوبة رسمي واتمنة منج ما تحجين الحد
رهام بخبث : ما اوعدج
مرسلين : ههه عادي براحتج يلة اترخص باي كلت هيج وعفتهة وصعدت فوك احس جسمي كلة ايون علية من التعب واول مدخلت للغرفة شفت اوتار بوجهي ابتسمتلهة ورحت اخذت ملابسي ودخلت سبحت وصليت قضاء وراهة كعدنة اشوية سولفنة اني واوتار ع الحنة والبنات واول مردت انام كالت اوتار
اوتار بخنكة: مرسلين والله مخنوكة اشرئيج هم نطلع انشوف الشط منطول كلهة تقريبن نامت
مرسلين بنعاس : اعذريني نعسانة واريد انطمر اذا تردين روحي وحدج بس مو تتأخرين
اوتار بتردد : ماشي حروح ومتأخر اقل من ربع ساعة ورجع
مرسلين : اوكي تصبحين علة خير
اوتار : اجمعين حياتي اباوعلهة غطت بنوم بسرعة ابتسمت علة شكلهة وكمت لبست صايتي ولفيت شالي اشون ما كان وطلعت من البيت عليكف لا واحد يكعد والكف واول موصلت يم اشط زفرت انفاسي براحة وكعدت علة الدجة معرف ليش بس منظرة ايريح البال والكلب احس مثل الخنكة بصدري وبس اجي ايروح ورة فترة حسيت مثل الحركة غريبة صارت وراي كمت بخوف واني اتلفت بعيوني ادور علة مكان الصوت وعطت بصوت عالي من كثر الخوف وكلت
اوتار بخوف : منوو اكوو احدد اهنااا
نسر ببتسامة علة خوفهة : هاي اني شبيج لا تخافين
اوتار بتوتر : هذة انتة ولا خوية مخايفة بس اشوية توترت من الصوت ويلة اترخص تصبح ع خير
نسر : انتظري لحظة وين رايحة خلينة بالأول انباركلج ونسوي الواجب وياج
اوتار بستغراب : مفهمت تباركلي علة شنو
نسر بغضب : علة خطوبتج جدج كال محجوزة الأبن خالج محمد وا.... قاطعة صوت محمد الحاد من وراه وهوة يكول
محمد :..............
____________
محمد
طلعت من الديوان واني احس النار صاعدة الكصتي من ورة كلام جدي اكلة ما اريدهة يكلي بت عمتك ويتيمة
اكلة ما احبهة يابة منتفاهم اني وياهة يكلي حتة لو غصبن ما عليك تزوجهة ومو الدكتور محمد الينغصب علة شي وهوة ميريدة ومن سابع المستحيلات ازوجهة من بعد ما رجعلي الأمل
بمرسلين وبس منتظر الأستاذ شاهين حتة يتحرك ويطلكهة رسمي يم السيد وكتهة حتقدملهة كدام الكل وحتة لو
مينطوني ياهة انهي عليهة مستحيل بعد اخسرهة مثل قبل وخليهة تروح من ايدي بساطة كلت هيج واني ازفر انفاسي بعصبية ورفعت عيني للسمه
راجي ربي يجعلهة من نصيبي بقيت فترة علة هل حالة الحد محسيت بصوت قوي جاي من جهة اشط مشيت علة كيف واني اتبع مصدر اصوت الحد
مقربت من الشط وشفت اوتار واكفة وهذة الغضب واكف ويحجي وياهة حسيت الدم صعد الراسي من العصبية قبضت علة ايدي حتة لا اروح ادفنة ودفنهة وصحت بصوت عالي خلاهة تلتفت بهلع وخوف واضح علة وجهة اباوعلهة كامت تبلعم بخوف والأخ واكف ايباوعلي برود رجعت التفتتلهة وكلت
محمد بحدة : اررجعي بسررعة للبيت
اوتار : هزيت راسي بخوف علة صدمة من الكلام الكلي يا نسر ورجعت بسرعة للبيت
محمد : ظليت اباوع عليهة الحد ما شفتهة طلعت من البستان ورجعت درت علة نسر وكلت
محمد بصوت جهوري : وحق الحق اذا اشوفك او حتة المحك واكف وياهة او حاجي بكلمة ادفنك ابمكانك مفهووم
نسر برود : ان شألله
محمد : باوعتلة بتحذير وعفتة ورجعت للبيت و............
____________
تقى
كاعدة ادرس من بعد ما رجعت من المدرسة واني احس راسي صاير طبلة من كثر التعب تنهدت برتياح واني اسد سحابت الجنطة وكمت لميت شعري ذيل احصان ورحت غسلت وجهي حتة اصحصح ونزلت جوة شفت عمة دتلبس بجواريبهة وزينب دتعدل بحجابهة شافتني عمه كالت
ام مسلم : راح اروح انشوف العروس ترحين ويانة
تقى بصدمة : بهل سرعة
ام مسلم : اي ليش بنيتي
تقى : ها لا بس اشوية استغربت مو جنكم مستعجلين
ام مسلم : لا ليش اشو الولد يحبهة وهاويهة
تقى بلعثمة: ءش.. شنو ..يحبهة.. منو كلج
ام مسلم : هوة كال لهيش استعجلنة اني وامي وهسة يلة اجهزي حتة ترحين ويانة
تقى : هزيت راسي بعيون مدمعة واول مصعدت فوك و دخلت الغرفتي انفجرت بالبجي ابجي وصوت شهكاتي تعلة احس اكو مثل الغصة ابلعومي ليش وشون وشوكت شافهة حتة يحبهة ويريد يزوجهة بهل سرعة وحتة دورت السنة مالت امي بعدهة مصايرة مسحت ادموعي بقهر بعد ما اجت بت عمي زينب حتة تستعجلني حاولت اشكد ما اكدر اخفي ضعفي وابين قوية النفسي والة مو تقى التنكسر وكمت غسلت ولبست تنورة سودة وقميص اسود وشال اسود واخذت جنطة ازغيرة سودة علة السريع ونزلت جوة اباوعلة واكف بصالة متحضر والعطر ايعط منة باوعلي وابتسم برود حسيت بدموعي رجعن اجمعن بعيوني بس لزمت روحي حتة ما ابجي وانفضح وطلعنة اني وزينب ركبنة ورة وعمة ليكدام ومرينة علة بيبيتة ام امة واخذناهة اويانة عقدت حاجبي مستغربة وردت اسئل زينب بس انحرجت واول مصف السيارة كبال بيتهم كال العمتي خلصن وخابرني كلتلة عمة ماشي ونزلت من السيارة هية وبيبيتة واحنة وراهن ودكينة الباب وطلعتنة مرة مبين عليهة بنهاية الربعين وجهة بشوش وحلو رحبت بينة ودخلتنة للستقبال مالتهم ورة السلام والترحيب دخلت ابنية شايلة صينة العصير تقريبن عمرهة عشرين او اكثر عرفتهة العروس قدمتنة العصير وكعدت يم امهة مستحية وبيبيتة ورة فترة فتحت الموضوع وكالت
بيبية مسلم ببتسامة : ام حسوني اليوم جاينج بطلب واتمنه ما ترديني خايبة
ام حسين : أمري حجية اعيوني الج
بيبية مسلم : سالمة اعيونج احبيبة واليوم اجيت اني وام مسلم حتة نطلب ايد بنيتج ضحاوي لأبني مهدي ع سنة الله ورسوله
تقى :................
_____________
مرسلين
فزيت الصبح علة صوت الهوسة والعياط الجوة تململت بنعاس بفراشي واول مدرت علة مكان اوتار شفتهة كاعدة ابمكانهة وصافنة ع السكف باوعتلهة بنعاس وكلت
مرسلين : شمكعدج من الصبح
اوتار بسخرية : اصلن منمت
مرسلين بستغراب : ليش
اوتار : التفتت علة مرسلين وكلت بصدمة مراح اصدكين اذا اكلج اصار البارحة
مرسلين فزيت من مكاني وكلت : ليش خير اصار
اوتار بتوتر : ءنس..نسر كلي .ءانو جدو كلة انو اني محجوزة لمحمد وحيخطبني الة
مرسلين بصدمة : لحظة مدا استوعب هوة منو نسر وشعرفة
اوتار : نسر ابنهم والبارحة لمن شفتة يم اشط كلي اباوعلهة ظلت صافنة بوجهي وساكتة الحد ما تحمحمت وكالت
مرسلين بحيرة : شوفي تعرفين اني اول الناس الي حفرحلج اذا هل شي فعلاً صحيح بس اني وياج نعرف ان.. قاطعتهة اوتار وهية تكول بخيبة
اوتار : انو محمد مستحيل يقبل او يفكر بية بهل شكل صح
مرسلين : هزيت راسي بقهر واني اشوف ادموعهة بدت تنزل ع خدهة انكسر كلبي عليهة وكمت بسرعة حظنتهة وكلت
مرسلين : ولا ازعلين نفسج صدكيني الف من يتمناج وباجر هذة حميدو اذا ما يعض اصابيعة ندم ع خسارتج ما اطلع مرسلين
اوتار : ابتسمت من بين ادموعي وخرت عن نمرسيلن واني امسح ادموعي واكول
اوتار : يلة كافي بجي من الصبح وهسة اكيد الكل كاعد عيب نتأخر عليهم
مرسلين : اوكي حروح اسبح
اوتار : ماشي واني حنزل قبلج لأن سبحت وصليت من مساعة بس مو تتأخرين ترة امج تبدي تحجي
مرسلين : لا متأخر كلت هيج ورحت طلعتلي ملابس ودخلت سبحت وصليت واخذت شالي لبستة ونزلت جوة صبحت علة النسوان وظليت اتلفت بينهم ادور علة مامة بس ماكو مختفية سئلت بيبي عليهة وكلتلي بالمطبخ هزيت راسي ودخلت صبحت علة البنات وشفت امي واكفة يم الكاونتر وبديهة ابن اخوي وبصفهة اختي هدى شافتني مامة وخزرتني خزرة معدلة لأن اتأخرت بالكعدة قربت عليهة بتوتر واول مبديت احجي وياهة ما احس غير بكرصة قوية بزندي من امي برطمت بوجع وباوعت علة اختي هدى تباعلي وتبتسم والله لو مو عيب جان طكيتهة بجية كدام النسوان واول مدرت اعيوني عنهن شفت شاهين ولد واكفين اباب المطبخ اباوع علة شاهين يباوعلي ويبتسم زفرت انفاسي بغيض ورحت كعدت يم اوتار اتريك والست رهام ما شألله ما قصرت وية شاهين عبالك زوجهة كولة ادلل وادلل ابن عمي من انعلج هسة انتي وابن عمج اموت واعرف منين اجة ابن عمهة كلت هيج واني اشيل كوب الجاي واشربة ورة فترة يلة بدينة بالتنظيف والغسل كملنة وكعدنة احنة والبنات انكصص باللحم اشوية ودخلت مرة عمو باوعتلي وكالت
ام شاهين : وين راحو الجهال لا حسن ولا ابراهيم
مرسلين : راحو يلعبون بالبستان واخذو وياهم علوشي
ام شاهين ببتسامة: لعد بعد عمتج كومي ودي هذني الملابس الشاهين تلكي واكف يم المضيف
مرسلين : باوعتلهة بتردد وهزيت راسي وكمت غسلت ايدي واخذت منهة الملابس واني اشوف اعيون رهام مسلطة علية ابتسمت بسخرية وطلعت من باب المطبخ ع الطرمة شفتة واكف قريب علة المضيف ويحجي وية ولد شافني وعقد حواجبة بعصبية واتقرب علية بسرعة وكال
شاهين بحدة : شمطلعج بررة
مرسلين بتوتر؛ ها مو عمة كالت اجيبلك الملابس اباوعلة جرهن من ايدي وزمخ بوجهي حتة ادخل جوة من الخوف عفتة ورجعت ركض للمطبخ دخلت وشفت رهام واكفة ع السنك وتباوعلي وتخزر كملت اسبحة ما ناقصني غيرهة كلبت اعيوني ابملل ورحت كعدت يم اوتار. وعمة وللثنعش يلة صبونة غدة تغدينة وكمنة غسلنة المواعين وية البنات وصعدنة انجهز روحنة لأن كالو الزفة بتلاثة ونص يعني معندة وقت دخلت بسرعة قبل اوتار سبحت ولبست فستان بسيط لون ماروني وشال بيجي وكعب بيجي ومكيجت مكياج بسيط اباوع علة اوتار طالعة تخبل بفستان طويل بنفسجي وشال اسود ويا كعب اسود ومكياج بسيط شافتني اباوعلهة وكالت
اوتار بستغراب : اشبيج تباوعيلي هيج لبسي محلو لو مكياجي مظابط
مرسلين : ههه لا والله بالعكس طالعة تخبلين
اوتار : شكراً ع الصبغ حبي وانتي التخبلين وهسة يلة خل ننزل بسرعة ترة اتأخرنة
مرسلين : اوكي كلت هيج ورحت اخذت تليفوني ونزلنة اني وياهة جوة شافتنة بيبي وكامت تصلي ع محمد هية وعمة ابتسمتلهن ورحت شلت بت اختي نونة ورة فترة يلة صاح حتة اروح البيت العروس وبداً انسوان ايطلعن يركبن بالسيارات طلعنة اني واوتار واختي هدى شفت محمد بالباب واكف وية ازلم باوعنة وابتسم واول مراحت عينة علة اوتار كصهة كص بعيونة وهية العوبة ملتهية بفستانهة لأن طويل اباوعلة خنزر وعروك ايدي وكصتة نطت من العصبية قرب ابسرعة علينة وكال
محمد بعصبية مكتومة : تعالاً ركبن وياي السيارات قبطن
مرسلين : اباوعلة يحجي وعينة مرتكزة ع اوتار ابتسمت وكلت
مرسلين : لا خوية مشكورة كولنة المامة تحجزنة مكان بس اوتار تختنك من الهوسة فخل تركب وياك احسن
محمد بحدة : يلة لعد تعالي ركبي بسرعة الشارع انترس زلم
مرسلين : اباوع علة اوتار الخدود طكن حمر وخزرتني وراحت ضحكت ع شكلهة ودرت ع هدى وكلت
مرسلين : اكولج صدوك مامة وعماتي صعدن بأي سيارة
هدى : واني اشعرفني كلت هيج واني اتلفت بعيوني علة شاهين شفتة واكف بصف سيارتة ابتسمت بمكر وجريت مرسلين ورحت وكفت اكبالة وكلت
هدى بخجل مصطنع : احمم شاهين عادي بس نركب وياك لأن السيارت قبطن ومنعرف وين مامة
مرسلين بسخرية : لا والله
هدى : خزرتهة ورجعت التفتت علة شاهين وكلت ها شتكول
شاهين برود : عادي اصعدن
مرسلين بعناد : بس اني اريد اروح وية مامة وعماتي
شاهين بخزرة : ركبي وبلة اعناد
مرسلين : اباوعلة ركب وعافني بكول برود واخت هدى ما صدكت يكولهة اي كبل ركبت ابصفة تنفست بغيض وركبت ليورة اني وسامر ونونة كعدت بحظني بدة ايسوق البيت العروس والسيارات ورانة اباوع علة الولد طالعين من الجامات ويرمون سديت اجامة بسرعة من الخوف وقربت نونة اكثر علية ورة فترة يلة رفعت راسي ليكدام وشفت اعيون شاهين مرتكزة علية من المراية شافني ورجع عينة علة الطريق واختي هدى ما شألله من اول مركبنة واليجاي مسكتت اليكول بالعتلهة مسجل من جهة ارمي ومن جهة ثانية صوتهة حسيت راسي اشوية وينفجر وبعد عناء يلة وصلنة البيت العروس وأول مأجيت انزل زمخ بوجهي شاهين وكال
شاهين : وين امولية مشوفين ازلم تارسة اشارع
مرسلين بنرفزة : لعد اشون ندخل
شاهين : انتظري اشوية
مرسلين : اباوعلة نزل من السيارة ورة فترة يلة رجع وكال
شاهين : يلة نزلاً وبوجهجن للبيت
مرسلين : يحجي ويباوعلي بحدة اليكول مسوية مكسورة وما ادري هزيتلة راسي بمعنة اي وشلت نونة ونزلت ورة هدى ودخلنة كبل للبيت و........
___________
اوتار
صاعدة بسيارة محمد واحس كلبي حيوكف من كثر الدك معرف ليش بس اول مرة اتوتر منة بهل طريقة واحس بشعور خجل قوي بحيث ما اكدر حتة ارفع عيني بعينة اما هوة فعكس هل شي تماماً جان اسلوبة وتصرفاتة ابرد من الثلج اشكد ردتة يحجي ويبادر بس ماكو فايدة الحد ما درت علي وكلت بتوتر واضح
اوتار : احمم محمد
محمد برود : خير
اوتار : بخصوص الشسمة الكلام الكالة جدو الب...قاطعني وهوة يكول بكل برود وبساطة
محمد : مكال شي احسبي كلامة منسي ورجع وكلج لا تعلقين اي امل بية ترة مستحيل افكر ارتبط بيج وخصوصن بعد ما اطلكت مرسلين مفهووم
اوتار : غرغرت اعيوني بالدموع اعرف دا انزل كرامتي واهين نفسي الة بس احبة اعشكة من طفولتي وكلبي متعلق بي اعرفة مو الي ومستحيل ايصير الي بس مكدر انسى مسحت ادموعي الي بداً ينزلاً بغزارة ودرت علي وكلت
اوتار بصوت مبحوح : زين مدام متحبني ومستحيل ترتبط بية ليش مكلت البارحة كدام الزلم انو متريدني وكفت بقسمتي من الي اسمه نسر
محمد بحدة : جدي حجة وما اكدريت اكسر كلامة كدام ازلم بالديوان ومنو كلج بهل حجي نسر موو
اوتار بسخرية وقهر : هه هذة الي هامك ولا مو نسر مامة الصبح كلتلي هههه خطية جانت فرحانة بهل خبر عبالهة فعلاً حنخطب
محمد برود : الله يعوضج بالي احسن مني
اوتار : ابتسمت بسخرية ع كلامة ورجعت عيني علة الجامة وصلنة البيت العروس صف السيارة ابابهم ونزلت بسرعة من السيارة ودخلت البيت العروس و...........
_______________
مرسلين
دخلنة البيت العروس وياريتنة مداخلين من ورة هوسة النسوان مالج محط رجل وهاي التهوس وهاي التهلهل احس راسي صدع من وراهن وكفت ع صفحة اني وهدى وشفت العروس طالعة كولش حلوة الله يحفظهة وظليت اتلفت بعيوني ادور ع اوتار بس ماكو مختفية ورة فترة يلة شفتهة دخلت اشرتلهة علة مكانة شافتني وقربت علينة وكفت ابصفي باوعتلهة بستغراب وكلت
مرسلين : شنو باجية
اوتار : لا بس اشوية تعبت من الهوسة
مرسلين بشك : ححاول اصدكج
اوتار : سكت باوعت علة العروس وابتسمت الله يحرسهة من العين طالعة اجنن
مرسلين : باوعت علة اوتار ورجعت اعيوني ع العروس اشوية ودخل العريس كعد اشوية وراهة دخل ابو العروس حتة ايودعهة اباوعلهة اعيونهة من وحدهن كامن ايصبن دمعت اعيوني علة منظرهة اشون حاظنة ابوهة وتودع بي باوعت علة اوتار ولكيت ادموعهة نازلة شافتني وكالت
اوتار بدموع : صعبة فراك الأب وخصوصن ع البنية بعد ما جان ابوهة هوة سندهة ومصدر امانهة مو سهلة تتركة بكول بساطة وتروح البيت غريب عنهة
مرسلين بقهر : فعلاً صعبة وهسة يلة امحسي ادموعج اعيونج حيروحن من كثر البجي وشوفي عمة خطية اشون تباوعلج
اوتار : رفعت راسي ع مامة وشفتهة تباوعلي واعيونهة ايلالن بالدموع مسحت ادموعي بسرعة وابتسمت بوجهة ورحت وكفت يمهة وحظنت ايديهة
مرسلين : ابتسمت ع شكلهن وراهة صاح العريس الأم العروس حتة اجيب البرنص جابتة ولبستهة يا وطلعو وانسوان يهلهلن وراهم طلعت اني واوتار اخر شي من ورة الهوسة وباوعت ع شاهين واكف هوة والزلم ومحمد ايسولفون شافني واشرلي اروح السيارتة دنكت راسي عود منتبهتلة وركبت بسرعة وية انسوان بالسيارة كلت الأوتار تروح وية محمد بس مقبلت عفتهة براحتهة لأن مبينين متعاركين وبداً السيارت يتحركن وية بداية الرمي وراحو العرسان للمصور صورو وظلو يفترون بيهم اشوية بالمنطقة الهمة بيهة وراهة يلة زفوهم للبيت وصلنة ورجع الرمي يشتغل بشكل اقوة ادري كولشي عدكم رمي كلت هيج واني اقوي بحظنة نونة لأن كامت تبجي من صوت الطلق دخلنة اني واوتار بسرعة للبيت حطيت نونة عد هدى ورحت سويتلهة ممة انطيتهة ياهة وكعدت بصف اوتار وللمغرب يلة زفو العريس والعروس وصبو العشة اتعشينة وبدت اناس اشوية اشوية تخف الحد ما فرغ البيت وكالت بيبيي روحن بدلاً وتعالاً ساعدن البنات بتنظيف هزيت راسي بتعب وصعدت اني واوتار بدلنة فساتينة ولبسنة دشاديش بيتية عادية واول مأجينة ننزل سمعنة صوت رمي قوي رج البيت رج باوعت ع اوتار بخوف وكلت
مرسلين : شكوو شهل صوت شنو مو خلص العرس جلبو
اوتار بخوف : والله معرف خل ننزل بسرعة ونشوف شكو
مرسلين : ماشي تعالي كلت هيج واني انزل ركض واوتار وراي واول مشفت بتهم واكفة اكبال ادرج وكفتهة وسئلتهة ع صوت الرمي وكالت
حنين : احبيبة هذة ارمي علة نيشان العروس
مرسلين : احس روحي صخنت من الخجل التفتت ع اوتار تباوعلي وخدودهة صايرات طماطة من الخجل هزت راسهة بتفهم للبنية وجرتني للمطبخ دخلنة وكالت
اوتار بخجل : خررب والله فشلة
مرسلين : تسكي غير متت ابدمي من الخجل
اوتار : هههه اذا احنة انكول هيج لعد العروس هسة اشحالهة من الخجل
مرسلين : ردت احجي بس دخلن البنات سكتت واشرت الأوتار عليهن وبدينة انظف من غسل المواعين الكنس البيت وامسحة انكسر ظهري اني واوتار من كثر تعب واول مخلصنة صعدت بوجهي فوك دخلت للغرفة وذبيت روحي ع الفراش مثل الميتة حتة مغسلت او بدلت ملابسي للفجر يلة فزيت واني احس ريكي ناشف من العطش وجوعانة باوعت علة اوتار رايحة بسابع نومة كعدتهة ردت بس ماكو فايدة خطية مبينة تعبانة عفتهة واخذت شالي لبستة ونزلت جوة واني امشي ع اطراف اصابعي خاف واحد يكعد دخلت للمطبخ وطلعت من الثلاجة بطل مي شربت تقريبن نصة من كثر العطش واكلتلي لفة ع الواكف واول مردت اصعد شفت ضوة حفيف جاي من جهة الديوان وصوت مثل البجي او شهكات ديعلة اشوية اشوية قربت علة شباك المطبخ بستغراب وشفت شاهين واكف اكبال باب الديوان ورهام واكفة كدامة ومبينة دتبجي فتحت اعيوني بصدمة اول مشفتهم وقربت راسي اشكد مأكدر حتة اسمع شي من الديكولو بس ماكو فايدة الحد مجرئت وفتحت شباك المطبخ ع كيف ومديت راسي يلة اشوية كدرت اسمع صوت رهام وهية تتوسل بي وتجبي ع مدري شنو وشاهين واكف برود ويدخن وربي اني انكسر كلبي عليهة وعلة بجيهة اخر شي شفتة نفخ دخان الجكاير وباوع ع رهام وكال
شاهين برود : وهسة المطلب مني شنو
رهام بدموع : ............
