رواية الضابط فهد ومريم الفصل الرابع عشر بقلم مجهول
مريم: اني اعرف شلون اقهرة واسوي الشغلات الي محذرني منهن
زينب: واني راح اساعدج
مريم: جيبيلي المكياج ولحكيني
زينب: هلاا هلاا كايمة صار بيهة مكياج
مريم: رحت بدلت لبست دشداشة حمرة وحطيت مكياج طوخ شسورت شعري وعفتة مفتوح حطيت شال ب اهمال ع راسي وطلعت ادورلة لكيتة كاعد وية الولد ب الحديقة وعمتي وبيبي كاعدة وياهم شافني فهد ضلل فاتح حلكة ويباوع كلت
مريم: حلكك سدة ذبان هوااي خاف طب ذبانة بحلكك
فهد: ورة ماطلعت من يم مريم ضليت كاعد ب الغرفة وادخن اجة علاوي اخذني برة لكيتهم كلهم كاعدين ورة ساعة طلعت مريم ويايابة يابوية موو مريم حورية هاي تريد تجلطني شلون طالعة هيج كدام الولد اني مو محذرهة سهلة يمريم
مريم: كعدت وياهم ضلوو يحجون واني اضحك بصوت عالي
علي: شنو رايكم نلعب
سميرة: عليوي كوم ماتعبت انة طفيت
علاوي: كومو ناموو احنة شباب منام
بيبي: اني هم يمرة كومي اخذيني انام شوي
سعاد: كومي يمة
مريم: راحوو واني هناا حجيت وراح يحلالي الجوو ويبدي الشغلل الصحيح
ايي عليوي نلعب يلاا
علي: هية هااي التفهم خماا انتوو ليكول اراملل وكاعدين
زينب: شنلعب
فهد: محد يلعب كوموو انام
مريم: الي يريد ينام يشوفنة عرض اجتافة
همام: كفوووو بمرت اخوي
مريم: اعجبك
فهد: مريم بلاا سوالف زعاطيط كوميي نامي
مريم بزعلل: شباب حاجوو مدري شبي وياي
فهد : مريم كوميي لتخليني اصرف غير تصرف
مريم: كمت وباوعتلة بنضرة مستفزة مشيت من يمة وشمرت طارف الشال علي وهوة طب وراية وجهة احمر من العصبية
فهد: ادري بيهة سوت شغلل عناد وكاعد ادوس ع كلبهة وتكابر بس مو مال تصرف هاذ التصرف عيب ماعندي مرة تكسر كلمتي وكدام الولد عطت بيهة كامت وتباوع بنضرة عود تكلي مخايفة منك مشت من يمي وشمرت طارف الشال بوجهي ستغفرت ربي وريحت العطر سطرني طبت وطبيت وراهاا
مريم: اي استاذ فهد شكوو شرايد مني
فهد: شهلتصرف مريم شهلبس كل عقلج انتي تستفزيني بهاي الشغلة اني موو محذرج متختلطين ب اححد ليش تجيبين المشاكل النفسج احجي تحركين دمي ب البس الاحمر موو
مريم: ايي احرك كلبك مثلل ماحركت كلبي اريد اسوي ايشي يحرك كلبك يبجيك مثلل مابجتني لحد ماخلص دمعي
فهد : مريم اكعدي راحة احسلج تراا بعدج متعرفيني زين لتخليني اندمج ع كلل كلمة حجيتيهة
مريم: لييش اني شحجيت حجيت الصح واصلاا هاذة الحجي كلة قليل بحقك انتة سويت جريمة تعرف لوو لاا اكدر كلشي اسوي اكدر اخابر اهلي اني مامكطوعة من شجرة عندي اهلل وعمام يسدون عين الشمس بس كلبي الحقير مانعني
فهد: خابريهم مححد ياخذج
مريم: منين نزلت عليك هاي المحبة استااذ
فهد : من الله
مريم : رجعهاا هاذ الحب ولغيرة خلي خليهن لملاك موو اليي
فهد: ليش دتكابرين ترا واضحة من عيونج التلمع
مريم: ماريد يبقى بخاطـري ولا أريد احس بذنبـك وأتمنى اوصلل مرحلة لاا اكرهكك ولاا احبكك اتمنى اخليك تباوع علية وتتحسر ع كل مدة ايد وضربة
فهد: مريم لتخليني اعوف البيت ومشوفين وجهي بعد
مريم: تسوي فضلل ولله
فهد: يجرالج التريدي بس باجرر اوديج للدكتور وبعد مشوفين وجهي
مريم: الله كريم انتضر هليوم ع احر من الجمر
فهد: هلكد كارهتني
مريم : واكثرر بععد اكثرر
فهد: شلون صارت ايدج
مريم: ميخصك
فهد: جريتهة كعدتهة ورحت جبت العصارة وكعدت احطلهة وهية ماحجت ولاا كلمة كملت رحت غسلت طلعت لكيتهة نايمة
مريم: معقولة يروح صدك زين وين حيروح معقولة يروح يمهة لاا لاا هية عايشة وية اهلهة شلون يروح يمهة اووي مريم نامي شعليج انتي نمت كعدت الصبح الساعة 8 لكيتة لابس عسكري
راح اداوم #ڪــڔٰا̍ڕ
فهد: ايي اخذت اجازة زمنية كومي حتة اوديج للدكتور واروح
مريم :حضرت نفسي وخلصت وهو هم جهز نفسه صارت الساعه 4 طلعنه ورحنه للمستشفى دخلنه قسم الحروق وكعدت ع السديه وفهد واكف بصفي اجه الدكتور وفتح الشاش والفاف الي على الله لايراويكم منضر ايدي من حتركت المهم ايدي الدكتور جاب شاش جدید وتعقيم وبده ، يغسل بيه حتى يكوم الجلد الميت واني اصرخ وابجي من الوجع المستشفه كله لتمت على صوت صياحي ولازمه اید فهد بكل قوتي
فهد : الدكتور يغسل الحرك مالته واني احسه يغسل بكلبي مو بيده وهيه لازمه ايدي بكل قوته وتبجي وتصرخ اني هنا ماتحملت وصحت بصوت عالي
دكتوووور كااافي
دكتور الله يوفقك كافي متشوفه راح تموت من الوجع الدكتور خلاله دهن ورجع لفهه واخذت مريم وطلعت وهيه بس تشهك وکوه اجر النفس صعدته بسیاره اني اسف اسف على كلشي اعرف ضلمتج وياي وعذبتج هواي وغلطت بحقج وكل هذ وانتي متحملتني وتقبلتي كلشي من عندي بدون اي اعتراض سامحينی
مريم : هو يحجي هيج واني دموعي تجري ومنزله راسي بلكاع مد ايده واخذ ايدي ضلل لازمهة ويسوق وصلنة للبيت اتلكوني يسئلون شلون صرت اخذني فهد للغرفة وطلع جنطتة وراد يطلع اجة وكف يمي وكال
فهد : موو تريدين تخلصين مني راح تخلصين مشوفين وجهي بعد ديربالج ع نفسج واخذي علاجج مال قلب ومال التهاب حتة اطيب ايدج ادهنيه مرتين بليوم لتبجين دموعج تحركني وين ماروح
مريم : هوة يحجي واني بس ابجي واهز براسي بمعنى ايي حاضرر طلعت وياا للباب راح طبيت للغرفة عزلتهة وعطرتهة رحت اتصلت ع اميي دك شوية وردت
*مريم : الوو هلاا ماماا
ام مريم * هلاا بيج بنيتي شلونج
مريم: بخير ماماا انتو شلونكم
ام مريم: الحمدلله يبعد امج مشتاكتلج
مريم: واني اكثرر يروحي انتي حجيتلهة شصار وشلون انتقلنة وكالت من يجي فهد خلي يجيبج كلتلهة الله كريم وحجيت وية باباا سلمت علي ونور هم بلكوة خلصت من لسانهة شفت رقم فهد ترددت اتصل اكيد وصل لائن هوة دوامة بغداد هناا صار قريب معقولة صدك بعد ميخليني اشوفة لييش هيج وصاني ع نفسي تعوذت الشيطان وطلعت ساعدت البنات ب الغدة ماخلوني اسوي شيي كلتلهم ع الاقلل بس انضف خضرة كملت صبينة وتغدينة غسلن المواعين زينب وشهد رحنة كعدنة ب الغرفة نحجي
شهد: تدرون عرس علاوي ديقترب واحنة منحس
زينب اذاا مالعب جولة اصبرولي
شهد: وتتعاركين وية افراح واحنة نشجعكم
زينب: ايي ولج مريم افراح جانت طايرة ورة فهد جان كل ميجي ضلل صيحلة امير افراح واني اكللهة وين اكوو امير ياخذ صخلة ونتكافش ويضلون يفازعون
مريم: منوو هااي
شهد: بنت خالتة بس همة ماا اجوي علينة لائن خالة ام افراح مريضة
مريم: ايي احلام العصرر امير افراح هسة صاار امير مريم وبس
زينب: اشتغلت الغيرة ام اعطوب منو البارحة تريد تنتقم من الامير فهد
مريم: تدرون نور اختي شتسمي فهد
شنوو ؟
مريم: صخلان
زينب: عزاااا هههههههه يمة متت هاي تواميي
شهد: يمة لوو يسمعهاا
مريم: يجي يوم واكلة خلي اصير مسيطرة ب الاول
ضلينة نحجي لليل نعست رحت بدلت لبست تراكسود نيلي ومشطت وحطيت عطرر حفضتوهة هااي.
فهد: رحت للدوام وصلت وكلبي طول الطريق مشتعلل ناار مخنوك من الدنياا كلهاا لييش صاار هيج وتغيرت حياتي جذرياا نمت وعيوني ب السكف اذكرر كلشي صاار مثلل الصدمات واحجي وية نفسي.
انه بلياك مدري شبيه ما بيه
زلف وبلايه ترچيه
درب ما بيه كل جيه
نهر فاض وتبع ميه
رجع بس ما لگاله جروف
ڪون تشوف روحي شخله بيها الخوف
فهد: اووووف ياربي اوكف وياي وخليني امشي ب الطريق الصح احس نفسي ضايع صرت انسان بدون مشاعر كوابيسي تكثرر يومية تعرفون هذيج اللحظة الي تفز بيها وقلبك يدك كلش سريع بسبب كوابيس من كثرها متعرف انت اي كابوس هيج سوه بيك، وقتها تحس انك تريد تحضن احد تشكيلة وتتذكر انت مالك اححد غيرر نفسك كلهاا تحسك انت المذنب بكلشيي انت سبب كلشي ملاحضين ايشي يصير يجون ع فهيدان بدون ميفهمون شنوو الموضوع حملل ع كلبي كللش جبير غارك ب افكاري وحسيت التلفون يدك شفتة مريم تعجبت فتحت خط وسمعتهة تكول
مريم: ف فهد را راح اموت
