رواية ليليان الفصل الرابع عشر 14 بقلم زينب نور

        

اشوقت هواي لحته اعرف منو هذا ..

مو اول مره واحد هيج يسوي ..

                                

بس جانوا بلكليه مو هنا ..

منو هذا، شلون يعرفني ..

                                

لحيت عليهم وكلسع اسألهم شوكت نرجع ..

اول مره احب منطقتنه هههه ..

                                

وره يومين رجعنه ..

قبل مانوصل ..

اخذت من ماما المفاتيح ..

                                

نزلت من السياره ركض ..

فتحت الباب لكيت علبة مغلفة ..

                                

ضميتهه بلجنطه ..

ورجعت عليهم ..

اخذت جنطي مال ملابس ودخلت ..

                                

اني شبيه مثل الثوله ..

شبيه مامصدكه جايتني هديه..

امدااج ليليان ..

                                

نظفنه اني وميان البيت ..

بس اريد اكمل ..

                                

مو حته اشوف شنو الهديه ..

لا ،، اريد اشوف منو هذااا ..

                                

كملت صارت دنيا ليل ..

صعدت ، طلعت الهديه من الجنطه ..

                                

حلقة ذهب ،، مكتوب عليهه اسمي من جوه..

و وياهه سوار بأاسمي .. ليليان ..

                                

اكو ورقه صغيره لونهه احمر ..

مكتوب بيهه ..

                                

" دائماً لبسي هذا السوار ، ابد لا تنزعينه " 

                                

زين الحلقه شنو معناهه ..

اووف ماكو شي يدل عليه ..

هذا شنو سالفته ..

                                

عجبني السوار واسمي الممزوج بيهه ..

نازك ناعم ،، لبسته وضميت الحلقه ..

انشوف بعدين شنو سالفتهه ..

                                

نزلت شافوني لابسته ..

كتلهم جان هديه من اماني وشهد ..

وما لابسته لان اذكرهم ..

                                

مشت ايام كلش هوايه ..

خلصت العطله وبديت دوام ..

                                

نجحت من المرحله الثانيه ..

سنه دراسيه كلش كئيبه ..

                                

ماكو وياي صديقاتي ..

بلرغم تعرفت ع بنات ويايه ..

بس مو مقربات ..

                                

جان بيهه عدة ايام فرحت بيهه ..

واخيراً شفت جمانه مره ثانيه ..

                                

شكد سولفنه بوقتهه وهواي اشياء صايره وياهه ..

تخرجت هلسنه وراح تزوج واحد تحبه تعرفت عليه بلكليه ..

                                

امي حايره شلون تقنع جود يزوج ..

واني حايره بحياتي ..

مالهه معنى ، واليأس الي بيه مو طبيعي ..

                                

الكل شخص عرفته ، هسه ماكو وياي حته المو زينين ..

والي دمرلي حياتي ونفسيتي ، سامي ماكو ..

اكيد عاش حياته ودمر حياه غيري .. 

                                            

                                              

                                                    

كتله اني سامحتك بس ماعرف اذا صدك سامحته او لا ..

بس لازم اسامحه لان اذا اني ماسامحه ..

الله شلون يسامح بأخطاء اكبر من هاي ..

                                

اما هذاك الشخص صاحب الهديه ..

مادزلي رساله بعد ..

                                

جربت اخابر وادز رساله ..

بس ماكو مغلق الخط ..

                                

حياتي نفسهه بدون تغير ..

من الكليه للبيت ومن البيت للكليه ..

                                

خطبوني كم شخص اعرفهم ..

بس ارفض ،، احس الزواج نهايه حياتي ..

اله اذا اني حبيت شخص ..

                                

مشت سنه ثانيه ..

اتروج بيهه جود ..

بت جوارينه شمس تشتغل محاسبه ..

                                

ومراد طلع بيت وحد ..

تواصله ويانه مو هلكد ..

ماعرف ليش ، من وره مرته مادري ..

                                

وميان كملت سادس ..

رادت وراحت قانون ..

رغم معدلهه عالي بس رادت قانون ..

                                

ام شمس خطبتني لابنهه ..

امي هلمره مارفضتهم ..

                                

كل مره ترفض لان تعرفني راح ارفض ..

شعجب هلمره لا ..

بس لا تفكر ازوجني وهاي اخر سنه الي ..

                                

ميان اول يوم جانت خايفه كلش  ..

اني سنه اخيره الي ..

وهيه اول سنه الهه ..

                                

رحت وياهه اني ..

كالتلي بلطريق ..

                                

- ليلو اريدج تجين وياي كل يوم 

- ضحكت وكتله ،، لا هسه انتي راح تكومين اطردين بيه 

- لا ليش ؟

- راح تتعودين ، كاعده تحجين هيج لان اول يوم ، عادي هذا الشي

- اي نشوف 

                                

وصلنه نزلنه ،، تعرفنه ع بعض بنات ..

ميان ابد مو مثلي ..

                                

تاخذ بسرعه ع المكان وتتأقلم ،، وعود هيه خايفه ..

بس تحجي ويا البنات وبسرعه صادقتهن ..

مو مثلي فاهيه ،، هههه ..

                                

ما دخلت المحاضره الاولى ..

بس راحت ويا البنات ع الثانيه ..

                                

اني ضليت كاعده بلسنتر ..

اشرب واكلب بلموبايل ..

                                

ضليت هواي مشغوله بي ..

رفعت راسي ،، ركبتي انشلت ..

                                

شنو هلحظ ، صدفه ، قدر ..

اول مره شفته بي جنت بهيج وضعيه ..

بس هليج المره شربت واختنكت ..

                                

ابتسمت ،، رجع بالي للماضي ..

قبل ثلاث سنوات ..

                                

اني واماني وشهد ..

شكد حلوه جانت لمتنه ..

                                

جريت حسره ..

ع الذكريات ..

                                

بس انتبهت ع ايده ..

بيهه سوار مثل سواري ..

                                

معقوله هو نفسه صاحب الهديه قبل سنتين ..

لا مو معقوله ، سامي ..

                                

سامي ..

                                

حياتي مشت مثلهه ..

وكل يوم اطلع ويا اصدقائي ..

                                

وشغلي ماشي زين ..

فتحت مختبر قريب عليه ..

ومرات ابويه يضوج ويجي يتشغل ويايه ..

                                

ايه صارت كليه ..

ومرتضى طلع من البيت ..

                                

وامي صارعتني ع الزواج ..

انوب مرتضى راح ويا جهالهه ..

وهيه اتريد جهال وتعال سامي اتزوج ..

                                

اني غاسل ايدي من البنات ومن الزواج اصلاً ..

وبعد الي صار ويا ياسر ، ابد مازوج ..

                                

كلسع مشكله هيه وياه ..

واني ماتحمل مشاكل .. 

عايش هيج حياتي افضل ..

                                

مرات افكر بليليان وهسه شصار وياهه ..

رجعت تعيش حياتهه اعتيادي ..

لان داحس بشويه ضمير يعذبني لسعه ..

بس شسوي ، هاهيه بعد ..

                                

بأول يوم لآيه اجتني قبلهه بيوم ..

كالتلي ..

                                

- اريدك توصلني باجر للكليه ، عادي موو؟

- اي اكيد حبيبتي واني هم مشتاق اشوف الكليه هسه اكيد تطورات بيهه

- بس هيه مو كليتك 

- اي المهم كليه عادي

- ماااشي ، تصبح ع خير 

- وانتي من اهل الخير 

                                

كعدت الصبح ..

بدلت نزلت ..

لكيت ايه مكمله ..

                                

- كتلهه ، يله امشي روح 

- ايي

                                

رحنه بلطريق كتلهه ..

                                

- اي آيه ،، بخت حتروحين جامعه بغداد 

- هههه غير قريت وتعبت مثلك قابل ..

- ههههه اي بس هم حظوظ ، اجت عدل ع معدلج 

- ايي الله يحبني 

- شلون راح ترجعين ؟

- ماعرف 

- اني راح ارجعج واليوم اشوفلج خط 

- اي بس شلون ترجعني ..يعني ترجع للبيت لو تبقى ؟

- مادري ايجوز ابقى 

- براحتك 

                                

دخلنه للكليه ..

جانت متحمسه كلش ..

                                

بسرعه كامت تتعرف ع بنات ..

ضليت واكف ، اني وين اروح ..

                                

 رحت للسنتر .. 

جبت نسكافيه وكعدت ..

بديت اشرب وخابرني ياسر ..

                                

كلعاده يشكيلي ويحجيلي مشاكله ..

كرهني بلزواج ..

                                

سديته المكالمه وكمت اباوع حولي  ..

باوعت ،، صارت بعيني ..

                                

لا مو هيه ..

الوجه نفسه اي هيه ..

بعد ثلاث سنين ونص ..