رواية هدية الشيخ وسام الفصل الرابع عشر بقلم مرج البحر
تعال وخلي اسولفلك على البيه🔕
هنه اهواي بس راح احجي لشويه 😔
جنت الخاطرك اكسر خواطر ناس 🤚
وانت شبيك تكسر كلبي يوميه💔😥
الساعه الثالثه فجراا ،،،
لياان كومي يلله خلي روح هم يلله نوصل ،،
اي عيني راح تحضر هسسه ،،،
اختنكت وعيوني غرغرن ،، يامن يرجعني لهلي ،،،
ضليت احوم بل غرفه واريد كلبي يبرررد ،،
اكره الضلم واكره البنيه تتضلم بهدوتها لو تنفصل ،،،
لحساااب منوو ومنو يستاهل ،،،
لبست الفستان الأبيض الي جابه يحيى ،،،،
اكيد بطلب منه ،، لن عجبه الفستان ،،،
ماسبحت بس غسلت لبست الفستان ومكيجت خفيف ،،، ضليت بل حمام ،،، دموعي تهل مثل الطفل الي يردله حاجه ،،،
وكف صفنتي وسااام بدكه الباب ،،،
خلصتي لياان ستعجلي ،،،
خلصت جايه ،،، ربي خلصني منه لاعرفه ولايعرفني ،،،، بخت منو كسران ركبتي
طلعت من حمام مانتبهلي حاير يغير ملابسه ،،، اخذ الجنط ،،
طلعلي عباه ،،،
لبسيها فووك لبسج ،،
اختنك والله ،، ومنين جبته
ليان اعتقد وضحتلج ،،، ولاسئلين منين جبتها
بس نوصل اهلك البسها ،،، لن حاليا أكعد بل سياره
اووك ،، يلله عيني خلي نتوكل ،،،
نزل الجنط ونزلت وراه ،،
خطوات بطيئه ،،
كسران ،،
خذل ،،
طفله تواجه مصيراها ،،
تواجه الجررووح ،،
برحابه صدر ،،، فتح باب سياره يلله صعدي ،،،
صعدت ،، صععد هوة ،، كال ،،
بسم الله توكلنا عليه ،،،
شغل السياره ومشه ،،،
ثنينه ساكتين ،، طار نووم من عيني ،،اباووع ،،
شارع فاررغ سيارات قليله ،،،
نسمه هوة بارده ،،، هوة خالي من انفاس المنافقين ،،
كم بنيه نضلمت ونهانت ونجبرت تروح يا فصليه ياهديه يا ينهون عليها ،، شكال رسول الله ،،
ورفقا بل قوارير ،،،
كسروهن يا نبي الله كسر مايصللح ،،،
مشغل دعاء الصباح ،، يفتح الكلب ،،،
رفعت رجليه عل كلبي مثل الجنين ،،
وساام كال ،،
مضايقه بكعدتج ،، كعدي بل كشن الجوة نامي رتاحي ،،،
سكتت شويه بس اباووع علي مابي شي مو صوجه صوج والدي ،،، كتله
لا مامضايقه بس احب اكعد هيج ،،،
براحتج ،، ورجع راسه يسووق ،،
الفجر شويه شويه يطلع وحلوة الجو وشمس بدت تطلع ،،
نامي ،، ريحي راسج ،،
مااكدر ،، انام شويه وانام ،،
سياره تمشي قريت بل لافته ،،،
(بغداد تودعكم )
دموع وحدهن يجرن خليت اديه عل وجهي وشهكت ،،،
تفاجئ وسسام كااال ،، شبيج ،،
اريد اسكت ماكدر طلعت ضيم كلبي بدموعي ،،،
نزل واجه علي فتح الباب ،،، شجاج حبيبتي ،،
لا إله آله الله ،،،
احس النفس كوه ينسحب نزلني بل شااارع ،،،
كاف يهز بيه شجاج ،، احجججي ارجعج لهلج ،،
اشرت براسي لا ،،
كتله بس شويه واهدئ ،،،
عافني وطلع جكايرع ويشررب ،،
هديت شوويه كتله يلله رروح ،،
ماحجه شفت كسره بعيوونه ،،، شغل سياره
مو ذنبك ذنب ابووي ،،
اابويه كسررني شنو الي اترجا من الغرريب ،
مشه كال جوعانه ،،،
لا مامتعوده من صبح اكل ،،
سكت ،،
فتح الجامه مالت الكرسي الي يمي ،،،
اشتمي هوة هسه ترتاحيين ،،، شوفي لياان
اني مو ضالم ولا راح اضلمج ويايه وراح اخليج عل راسي انه شيخ والي كلمتي بين ناس وماتكوى عل كائن ضعيف ،، لاتخافين مني او من اهلي امي مره حبابه وفقيرره ،، مو عليكم مقهورة عل ابوية الي بااع بته ،،،
مارد علي يمكن عرف ،، الحقيقه ةلو هيه متخفى علي ،،
شمس طلعت وشويه الجو صاار حاار ،،
سد الجام وفتح تبريد ،، راح انزل اجيب شي نتريك
اريد بس جااي ،،، نفس تلعب ،،
موزين تبقين بدون اكل ،،
عادي هناك اكل ،،
نزل جاب لفات كص وببسي والي جاي وحلوييات ،،
شدعوة ،،
فدوة ،،،
اكل واني شربت جاي ،، نعست ،،
غفيت ،،
يحيى لاتعووفني عفيه
اني مااعوفج مثل خيالج ،،
ليش لابس ابيض ،،
اني وياج لو شهاده لو نصر ،،
بس انه ربحث شهاده ،،
ليش تبتعد عني ،،
ليان وسام خوش رجال ،، راح يحبج ،،،
مشى يحيى بعيد وكع من واديي ،،،
صحت ،،
لااااااا يحيىىىىىىى ،،،
،، شبيج لياان كعديي ،،
هااا وين يحيى راح وكع ،،
تتحلميين ،، عاكد جواجبه ،، يحجي بغضب
فزيت وصحيت حلم جاان يحيى مايعووفني ،،،
درت وجهي عل وسسااام ،،
عاكد حواجبه ملامحه قاسيه الي يشوفه،،
بس اذا تعاشره لا تعرف عده كلب كلش حنين ،،،
بس هسهةضااج لنةجبت طاري يحيى
تحبين يحيى ،، احجيييي
يحيى ابن عمي وصديقي ربى ويانه ،،،
خلي نشووف ،،
شنو شوووف ،،،
شنو هااي مال صديييقي ،، وين عايشين بل اجانب ،،،،
شييخ والله مثل خوواني ،،
متاكدة ،،
والقرران ،،
سككت بس عيونه نار من جبت طاري يحيى ،،،
صارلنه بل طريق اكثر من 5 ساعات ،،،
(البصره ترحب بكم )
اااخ اجيتج مجبروة واعتقد هم اطلع مجبورة منج ،،،
شفت دم رد بوجها لوساام يباوع ويبتسم ،،،
هيج تحبه ،،،
اااخ متصوورين ،، عشكي
سكتنه ،، مارديت عل جوابه
شوكت نوصل ،،
ساعه او ااقل ،،،
بيتكم جبيرر ،،
فووك متصورين
وعدنه ارض بيه يحرثون بصف بيتنه ،،،
فلاليح بيها ،،،
هاا ونسوان هم تطلع ،،
لاااا ،،،
بس زللم ،،
ايي ،، بس نسوان الفلاحين تطلع وياهم ،،
مكانه ريفي بس يرد العافيه،،،
سكتنه ،،
ةصلنه اررض فاررغه ،، وطريق كله ترااب ،،
كلما يتقرب تكثر الشووف ،،
اراضي كلله زررع وناس تحش ونسوان تزرع وياهن ،،
لافات العبي عل خصرهن ،،،
ويفترن ،،،
وصلنه بيت كلللش عاالي وجبيررر ،،،
بيتكم ،،،
اي ،،،
لبست العبااه ،،
وكف السياره ،،
صارر الرمي من كل جها ،،،
زللم كومه ،، شباب ،،
كلهم نفس اللبس ،،
بس الي يميز الشباب ،، بدون عكل ،،،
لافين حزامات وبيهن مسدساات ،،،
رعبني هاذا الموقف ،،
صح بابا شيخ بس مو هيييج لبسنه ،،
الشباب صح حلووة بس كلهم سمران ومبينين اعصااب ،،
خفت صوت رمي قووي ،،
من خوف وجهي ازررك ،،،
لاتخافين هاي تقاليدنا ،، من واحد يزوج يرمون
عينج يا علي يا بل كااع ،،،
نزلنه ،، اشر لواحد من الولد نزل الجنط ،،،
مشيت بصفه صار رمي عطت ،،
يممممه ولزمت ايده ،،،
كالهم كااافي ،، لاترموون ،،،
تلكوو بل صلاواات ،، والمحاضن ماطو مجاال
فوتي جووة ،،
اااخاااف ،،،
شنو ووحووش كدامج ،،
دخلني بل طررمه ،،، نسووان يباوعن من شبابيك ،،
بيت ولا بل احلام جنه قصرر ،،، وديوانيه عازلها غل طول البيت بس مفصوله عنه
وبصفه بيوت صغاار مشتملات ،، يمكن لخوانه ،،
طلعت مره تتمشه غل كيف،،
من شافها ابتسم
يمكن امه كله وقاار وجبيره بل عمر بيده عصا ،،
كااالت ،، هله بل غالي ،، هله يبعد جبدي ،،
راح يمه باس راسه ويدها ،،
هله يمه شلونج ،،
بشوفتك زوينه ،،
هااي زوجتي يممه ،،
لتفت علي ،،، ونعم مااتختار
وكالت هله بمرت الغالي ،،، وحك ابو خيمه زركه جنجن فلعه كمرر مثل ماوصفتها بعد امك ،، جربي يمي احبنج
ابتمست وسلمت عليه ،، بس شلون وصفني 😱
هلوو خاله شلونج ،،،
كالت لاتكولين خاله كولي يمه ،،
صاار يمه ،، حبيتها للمره جبيره ،،،
كاله يمه خل ترتاح تعبت من طريق،،، اخذيها بغرفتي
كالت تعاي يمه ،،، دخلي بسم الله ،،
سميت ومشيت ،،
هيه لازمه ايدي وتمشي مكيفه مبينه ،،
دخلت جووة ،،، بيت سياح نييااح ،، عل كولتهم ،،،
كوومه نسووان مااعرف منين ذني ،،
حرت عليمن أسلم ،،، ومنين ابدي هوووسه
سلمت عليهم وحده وحده وكل وحده سلم تعرفني باسمها وتعرفت عل خوات وساام مبينات حبابات ،،،
ونسوان اخوته يباوعن بحقد عليه ،،
كالت الحجيه تعاي هنا يممه كعدي ،،
رحت كعدت رتاحيت ذبيت العبايه ،،، طلب من الحجيه ،،،
اكوو وحده عل جها ماسلمت ،،
بنيه جبيره مبينه سمره وقصيرره ،،
تباووع بحقد وبدها تاكلني ،،،
منو ههااي ،،
ناس طابه رايحه وجهال صافنه علي ،،،
والتبسبس صار فلس ،، وياها تجي تكول هااي نهدت للشييخ ،،
حيلل انهضضم من اسمع نهدت وضغيرره ،، منه التحمد ومنه الي سب ،،
اني كل هااي مستغربه ،، مااعرف شرد عليهن ،،،،
اجت نور اخت وساام ،،
كالت ،، كومي لغرفتج ارتاحي ،،
اي فدوة ضهري نكسرر ،،،
الله يساعدكم طريق بعيد ،،
ايي والله ،،
حبابه مبينه كلش ،، وكلش حلووة ،،
كالت درسين ،،
لا بطلت ،، وانتي
اني هم لن مخطوبه ،،
الله يتمملج ،،،
وصلنه الغرفه ،،
كالت تفضلي ،،،
شكرا حياتوو ،،
دخلت الغرفه ،، تخبل ،، وجديده ،،
غرفه جبيره عبالك صااله وبيه حمام داخل الغرفه ،،،
الخشااب ،، من هاذا الملكي مزخرف بابيض وذهبي ،، كله مرايات ،،، غافتني نزر ونزلت بقيت ارتب غرضي
ساعه وصعدت هاي البنيه دكت الباب ،،
تفضل ،، كلت
عبالك مثل الهاجمه علي ،، كالت شووفي ولللج ،،
لاعبالج اخذتي الشيخ ورتاخيتي اكسر ضهرج ،،
واصبريلس اله اهجم الغرفه ورجلج عليج ،،، انه حياه ماطلع بت ابوي اذا ما ندمتج ،، خقيره
خفت يممه حجت وطلعت عل سرريغ ،،،
يا الله بعدني ماعايشه هنا بده تهديد ،،
دخلت زينب شافتني مرعوبه ،،
منو جان يمج ،،
بنيه اسمه حياه ،،
شوفي ليان انتي مرت شيخ هسه صرتي ،،
بالج عل رجلج وديري بالج من هاي العرمه ،،
ييي خوفتني ،،،
لانخافين افه عليج مرت شيخ ضلت تهدي بيه تعلمني عل طبعهم ولبسهم ،، طلعت ،،
كله تتعامل ويااي عبالك يعررفووني من زمان ،،
ذبيت الفستان ولبست دشداشه عدلت شعري ولفيت شال عيب خاف احد يدخل هناا ،،،
راسي اذاني وماماكله والطريق بعييد ،، غرفه بارده بيه سبلت وريحه مال اخشاب جديد والضوة خافت شوويه مال نووم ،،،
حطيت راسي عل مخده ونمت من تعب ،،،
